150 مسلح يحاصرون قسم ثانى بالعريش و سقوط قتلى

[فريح]

للأسف فى خبر صادم منقول على الفضائيات و بعض الصحف

يفيد بقيام حوالى 150 فرد مسلحين باسلحة نارية و يحاصرون قسم ثان بالعريش

و يقول أحد شهود العيان ان بعضهم يحمل رايات مكتوب عليها لا إلة إلا الله

قتل نقيب جيش و قتل أثنين من المدنيين و أصابة 7 جنود غير المدنيين و مازال

القسم محاصر حتى الأن

هذا نقلاً عن الأخبار و لا أعلم مدى صحة التفاصيل المذكورة أعلاه

اللهم أحمى مصر و أحمى شعبها

تم تعديل 29 يوليو 2011 بواسطة فريح

[مغتربة]

طبعا محدش هيهتم بالخبر دا

الكل دلوقتى مركز مع عرس الديموقراطيه المزيف الى اتعمل فى التحرير

و ناس كتير معجبه قوى بشعارات اسلاميه اسلاميه الى انطلقت و بان الناس عرفت حجمها و ان تيارات معينه ورت الناس اد ايه ليها شعبيه و بصريح العباره قوتها اد ايه

لكن العريش بيحصل فيها ايه دلوقتى مش مهم

العريش مولعه ازاى دلوقتى من الاخوه بتوع شعارات اسلاميه اسلاميه

مش مشكله

العريش يوقع فيها ثلاثه قتلى حتى الان و 10 مصابين بسيطه

المهم اقامه الدوله الاسلاميه

قيمونى سالب زى ما انت عايزين

لكن ان شاء الله دولتكم الاسلاميه مش هتقوم لها قومه فى مصر باذن الله تعالى

لان ربنا حامى مصر و باذن الله هيقضى على كل الى عايز بيها شر

مش عارفين ايه الى بيحصل فى العريش دلوقتى

اقولكم

و انا شاهد عيان مشفتش بعينى لكن اتنقلى نقل حى و سمعت بودانى

العريش دلوقتى يا حضرات فى حاله حرب حقيقيه

الاخوه طالعين ملثمين و رافعين رايات سوداء ان شاء الله تكون سوداء عليهم ليوم الدين مكتوب عليها لا اله الا الله محمد رسول الله

محاصرين قسم تانى و نصبوا قدامه مدفع

و ضرب النار زى المصر سمعته بودنى محدش قالى

الاخوه عايزين يطردوا الجيش و الشرطه من العريش علشان يقيموا الاماره الاسلاميه

طبعا ما الجو خلى ليهم

اتارى امن الدوله كان بيشيل من علينا بلاوى و احنا مش عارفين

عربيات محمله لسه بتحمل و بتجيب قدام القسم و دا نقلا عن شهود عيان عيشين هناك

منين كل الناس دى طلعت و جابت الاسلحه دى منين لا المفروض منسالش

طبعا قوه القسم مش قاده تصمد و المن المركزى هرب و الجيش طلب تعزيزات جيش و شرطه علشان يعرف يتعامل

و المعركه لسه شغاله لغايه دلوقتى

و لما اقول معركه فانا مش ببالغ لان كميه ضرب النار وضرب المدافع الى سمعتها فى مكالنه 7 دقائق مش طبيعيه ابدا

حراااااااااااااااااااااااااااام

لمصلحه مين

تمثال انور السادات دمروه لانهم طبعا دمه محلل لديهم و كافر فى نظرهم

و هما خلاص ناوين على اقامه الدوله الاسلاميه الى مينفعش تكرم كافر زى دا

هى دى الدوله الاسلاميه الى انتوا عايزنها

هو دا الوحش الى اطلقته الثوره و نفخ فيه البعض بقصد او بغير قصد

لغايه ما هيحرق الاخضر و اليابس

لمصلحه مين اتقوا ربنا فى بلدكم

ترويع المواطنين فى العريش لمصلحه مين القتلى الى سقطوا

اى دوله اسلاميه تلك الى تقوم على انهار دماء الابرياء

الا لا بارك الله فى اى شخص ايدها

قيموا سالب زى ما انتوا عايزين

لكن الحقيقه المره من شاهده عيان ان العريش دلوقتى على ناااااااااااااااار

حسبى الله و نعم الوكيل

مش هقول اكتر من كدا

[مغتربة]

العريش على صفيح ساخن.. ومطالب بتدخل الجيش شارك

اضغط للتكبير

اشتباكات سابقة

احفظ الخبراطبعأضف تعليق ارسل7/29/2011 9:31:00 PM

كتب – اشرف سويلم:

تأزمت الأوضاع الأمنية بشدة في مدينة العريش بشمال سيناء جراء الاشتباكات الضارية الدائرة بين قوات أمنية تابعة للجيش والأمن المركزي وعناصر مسلحة، أعلنت عزمها طرد الجيش والشرطة من العريش وحكم سيناء عرفيا.

وتحول الأمر في العريش إلى أزمة حقيقية تتطلب تدخل عاجل من قيادة القوات المسلحة للسيطرة على الوقف بعد سقوط ضحايا في صفوف القوات المسلحة والشرطة والمواطنين، قدر عددهم بنحو ضحيتين 12 مصابا حتى الآن.

وأفاد شهود عيان من أهالي العريش أن هناك دعما عسكريا للمسلحين،

الذين يصرون على إسقاط قسم شرطة العريش ثان.

أكدوا أن المسلحين الذين هاجموا قسم شرطة العريش ''ثان'' يرتدون ملابس سوداء (بنطلون وقميص وكاب وشال)، ويحملن أعلام سوداء كتب عليها باللون الأبيض ''لا إله إلا الله.. محمد رسول الله''.

وقالت مصادر أمنية لـ ''مصراوي'' إن هناك عناصر من جيش الإسلام بسيناء وعناصر أخرى فلسطينية بين المسلحين، مشيرة إلى أن الأمر أصبح خطيرا جدا يتطلب إرسال دعم عسكري عاجل بالطائرات من أجل السيطرة عل الموقف المتأزم وإنقاذ ضباط الشرطة المحاصرين داخل القسم، بعد هروب جنود الأمن المركزي الذين جاءوا للدعم.

يأتي هذا فيما ناشدت قوات الأمن أهالي العريش بعدم الخروج من منازلهم أو الاقتراب من أقسام الشرطة بعد التطور الخطير الذي تشهده المدينة، وإطلاق النار بصورة عشوائية من جانب المسلحين.

[م تيمور المراغي]

Doaa Nabil الملثمين بشرتهم بيضا ولهجتهم شامية نقلا عن مراسلة قناه الجزيره بعد ما اعتدوا عليها واخدا منها الكاميرا

لقي ضابط بالقوات المسلحة ومدنيان مصرعهم وأصيب خمسة آخرون في هجوم بالأسلحة النارية تعرض له قسم ثاني العريش، عصر الجمعة.

وهاجم عشرات المسلحين المجهولين القسم وتبادلوا إطلاق النار بشكل كثيف مع أفراد الشرطة والقوات المسلحة، في معركة لا تزال مستمرة منذ 3 ساعات، وأسفرت عن إصابة ضابط شرطة ومجندين اثنين، واثنين من المسلحين المهاجمين.

كما حاول المسلحون اقتحام قسم أول العريش والسجن المركزي إلا أن محاولتهم باءت بالفشل، وأكد اللواء صالح المصري، مدير أمن شمال سيناء، أن تعليمات صدرت بالتصدي لأي محاولة اقتحام للمنشآت التابعة لوزارة الداخلية، فيما كثفت الدوريات الأمنية التابعة للقوات المسلحة تواجدها أمام مبنى المحافظة وعلى مداخل المدينة.

كان هؤلاء المسلحون قد احتلوا ميدان الحرية بالمدينة في مظاهرة مسلحة رافعين رايات سوداء، وأطلقوا النار في الهواء، مما أدى لإصابة صبي يبلغ من العمر 12 سنة، قبل أن يتوجهوا لمهاجمة القسم.

كما هدم المسلحون جزءا من تمثال للرئيس الراحل أنور السادات بواسطة جرافة.

[مغتربة]

شبكة رصد سيناء ( rnn.sinai ) الاخبارية

إنفراد|عاجل|رصدسيناء| شبه مؤكد|الجمعة29_7_2011|10:12 pm

أكد مراسل رصد سيناءوصول عدد كبير من المصابين إلى مستشفي العريش العام والمئات من أهالى شمال سيناء يحتشدون أمام المستشفي للتبرع بالدم.

[Om Zayd]

مين دوووووووول يا مغتربة

و ليه محدش بيغطي الموضوع الخطيييييييير ده؟؟؟؟؟؟؟؟؟؟؟

[مغتربة]

شبكة رصد سيناء ( rnn.sinai ) الاخبارية

إنفراد|عاجل|رصدسيناء| شبه مؤكد|الجمعة29_7_2011|10:05 pm

مقتل فلسطينى بطلق نارى في الرأس وبذلك يرتفع عدد القتلى من أهالى سيناء إلى 3 أشخاص.

[مغتربة]

شبكة رصد سيناء ( rnn.sinai ) الاخبارية

إنفراد|عاجل|رصدسيناء| شبه مؤكد|الجمعة29_7_2011|09:55 pm

أكد اللواء صالح المصري في مداخلة لبرنامج الحياة اليوم إستمرار تبادل إطلاق الناربين قوات الشرطة والجيش ومجموعة من الملثمين منذ الساعة 4:30PM وحتى الان فيما أكد مراسل رصد سيناء تلف 4 سيارات لمواطنيين اثر تعرضها لعدة أعيرة نارية بالقرب من موقع الإشتباكات.

[مغتربة]

شبكة رصد سيناء ( rnn.sinai ) الاخبارية

إنفراد|عاجل|رصدسيناء| شبه مؤكد|الجمعة29_7_2011|09:35 pm

إرتفاع عدد المصابين في تبادل إطلاق النار على قسم ثان إلى 21 مصاب ,نسأل الله السلامة ولا يزال تبادل إطلاق النار كثيف بين ضباط القسم من جهة وبين الملثمين من جهة أخرى وقد أكد شهود عيان ان انقطاع للكهرباء بمنطقة ال ياسر .

[مغتربة]

شبكة رصد سيناء ( rnn.sinai ) الاخبارية

إنفراد|عاجل|رصدسيناء| مؤكد|الجمعة29_7_2011|10:34 pm

مجهولين يحرقون الكاوتش و عدد من الكراسي الخشبية منطقة مسجد النصر أمام صيدلية الشوربجى ويقطعون طريق المستشفي _ البحر بالحجارة ودخان كثيف يغطى المنطقة ولم يتسنى للشبكة معرفة السبب حتى الان.

[م تيمور المراغي]

لكن ان شاء الله دولتكم الاسلاميه مش هتقوم لها قومه فى مصر باذن الله تعالى

[م تيمور المراغي]

الاديب و الناشط المصري السيناوي مسعد ابو الفجر

على صفحته على الفيس بوك :

العريش .. و الرصاص يملأ السماء ... في جمعة لم الشمل .. من رشاشات الكلاشينكوف ومدافع الدوشكا ... و أنباء عن مقتل اربعة، طفلين واثنين من الجنود ، وتدمير تمثال السادات وحرق اقسام شرطة ... رائحة البارود تملأ فضاء المدينة

... و الحبل على الجرار ..

[م تيمور المراغي]

http://www.youtube.com/watch?v=DjlSlC3jI6c

http://www.youtube.com/watch?v=vmpd1_aroU4

تم تعديل 29 يوليو 2011 بواسطة architect

[مغتربة]

شبكة رصد سيناء ( rnn.sinai ) الاخبارية

عاجل|رصدسيناء| مؤكد|الجمعة29_7_2011|10:53 pm

ثلاثة دبابات وثلاث مدرعات من الجيش متوقفة عند استراحة كبار الزوار على بعد 500م من منطقةالإشتباك وإنقطاع التيار الكهربى عن منطقة ال ياسر بكاملها

وهناك تعزيزات من الجيش وصلت المنطقة منذقليل.

[MohamedAli]

تحليلي من متابعتبي للصحف الكذابة دائماً

اان في الاخر هيطلع لا في رايات ولا شعارات

وان دول مجموعة من البدو جايين يخرجوا المساجين

وان جيش الاسلام عبارة عن مجموعة تعيش في خيال حبيب العادلي وانتقلت للصحفين الذين كانوا يعملون مع امن دولة حبيب العادلي

وان كما تم اتهامهم في حادثة القديسين ثم طلعت فشنك

برضوا دي قصة شكلها فشنك

[مغتربة]

بالنسبه لموضوع اللهجه

اهل العريش لهجتهم قريبه على لهجه الفلسطينين

و البدو لهجتهم اقرب و اقرب

فهى مش دليل على حاجه

[مغتربة]

ارجوكم ادعو لاهلى

ادعو لاهل العريش كلهم

لكن اهلى بشكل خاص لانهم ساكنين فى قلب المعركه دى

مش قادرين يقربوا على جوانب البيت ( مش بس الشبابيك و البلكونات ) علشان الرصاص

محتمين فى النص

لكن الخوف من قذائف المدافع الى نازله زى الرز

[MohamedAli]

http://www.youtube.com/watch?v=DjlSlC3jI6c

ايه كمية الدقون والسلفيين دي كلها

ورايات الدوله الاسلامية كمان

ده حتى الفاظهم تدل انهم جايين يقيموا الدولة الاسلامية

اما الحق اجهز راية الدولة الاسلامية عشان شكلها هتعلن اليوم من العاصمة العريش :closedeyes:

[مغتربة]

تحليلي من متابعتبي للصحف الكذابة دائماً

اان في الاخر هيطلع لا في رايات ولا شعارات

وان دول مجموعة من البدو جايين يخرجوا المساجين

وان جيش الاسلام عبارة عن مجموعة تعيش في خيال حبيب العادلي وانتقلت للصحفين الذين كانوا يعملون مع امن دولة حبيب العادلي

وان كما تم اتهامهم في حادثة القديسين ثم طلعت فشنك

برضوا دي قصة شكلها فشنك

يا اخى اتقى الله

دا الى ربنا قدرك عليه

بقولك انا شاهده عيان على كدا

و اهلى هناك شايفين بعنيهم

لازم التبرير و خلاص ما دام فيها ريحه الاسلامين

حرام

[Howayda Ismail]

لكن المعروف يامغتربة ان البدو هم اللى مسيطرين على البلد كلها من زمان

حتى من قبل الثورة وهم كمان اللى بيحموا الاملاك والاعمال للمستثمرين بمقابل مادى متفق عليه بينهم

طيب البدو موقفهم ايه من الناس اللى ظهرت دى وقفوا يتفرجوا عليهم وتركوهم يتعدوا على منطقتهم

دون تحريك ساكن بما يعد تعدى واضح على كرامتهم

فى شئ غريب فى الموضوع خصوصا وردت اخبار من مدة عن تهريب اسلحة ثقيلة ومدافع من ليبيا وصل بعضها

لبدو سينا

ربنا يحمى مصر والمصريين وعدم زج اسم الاسلام فى كل مصيبة تقوم بها جماعات , الاسلام منها برئ

طبعا كل اللى بيحصل ده عشان يلهى عن مطالب الثوار والاهم الغلوشة على محاكمة مبارك واعوانه

اثارة القلاقل والفتن فى اى جزء من مصر خصوصا المناطق الحدودية الخطرة وخاصة القريبة من اسرائيل

بتحط علامات استفهام كتيرة وخطيرة فى نفس الوقت

الجيش لو جدع يقضى عليهم حتى لو كانوا اسلاميين زى مابيدعوا ودى فرصة يقضى على كل من تسول له نفسه

اللعب بمقدرات الدولة والتحكم فى جريان الاحداث فيها حسب اهواءهم ومصالحهم واطماعهم الشخصية

سواء من داخل او خارج البلد