موقف ايجابي لبابا بس ربنا يستر

[رضوي]

وكلنا محتاجين نكون زي والدك ياريمو بجد

هو دة اللي لازم لكنا نعمله دلوقتي ........... هي دي الثورة اللي احنا محتاجنها دلوقتي ...... وماحدش بقي يقولي ثورة جيش ولا شعب ولا شرطة

احنا محتاجين ثورة اخلاق

عارفة كلمة اخويا قالهالي في موقف عملته ......... قالي انتي شكلك مستبيعة ....... يعني مش فارقة معايا اي حد خالص

طول عمري كنت بتضايق لما بشوف حاجة غلط ..... بس غالباً كنت بسكت علشان مافيش حاجة في ايدي اعملها

فكنت بغير المنكر بقلبي

انما بقي دلوقتي

برده مافيش حاجة في ايدي اعملها ........ بس لما بشوف منكر بغيرة بلساني

خلاص مابقاش ينفع السكوت تاني ...... لازم احنا نتغير من جوانا

الثائر للحق ......... مش اقل من الشهداء ابداً

اللي بيعلي صوته ويقول لأ للظلم والفساد ........ مش اقل من اللي علي صوته في الميدان ابداً

بالعكس

دة بيكمل رسالته .......... رسالتنا كلنا علشان بلدنا تنضف بقي

اتمنى ان ييجي اليوم اللي اقدر اغير فيه المنكر بايدي

[pink rose]

و الله يا ريهام مش عارفه هاتلحقي تيجي الصالون و لا لأ

ربنا يستر

اتقاله امبارح ممكن عيل معفن بمطوة يخلص الليلة

الكلام اتقاله وش كده

[capitshino]

بارك الله فى والدك وابعد عن الشر كله وحفظه من كل سوء .

[pink rose]

مش قولتلكم ربنا يستر

البلطجي ضرب بابا في الشارع و كان بيخنقه

لولا ستر ربنا و الناس اتلمت و خلصته من ايده

و دلوقتي كل الناس بتقوله خلي بالك و ما تخاليش ولادك ينزلوا الشارع اليومين دول ممكن يخطف حد فيهم

انا كده مرعوبة و مش قادرة امسك نفسي من العياط

راح بعدها عمل محضر بالتعدي لكن لا حياة لمن تنادي

مش عارفة اعمل ايه

بجد مش عارفة

دعواتكم الله يخليكم

[م تيمور المراغي]

لا حول ولا قوة الا بالله ,,

تحبي اكلم محمد علم هو ليه اتصالات قوية

ازاي اقدر اساعد ؟

[pink rose]

هايعمل ايه محمد علم مع واحد قتال قتله

دا مموت 3 بعد الثورة

واحد بتاع كله دعارة و سلاح و مخدرات

الموضوع كبير يا باشمهندس

تصدق كانوا طالعين الفجر يتهجموا على الشقة بحجة كاوتش عربيتهم حد ضربه بمطوة لولا وقفلهم البواب و بتاع الجراج

المهم دلوقتي بابا و الجيران ما بطلوش اتصال بالنجدة

و في امين شرطة اتصل دلوقتي في البيت و جي يكمل المحضر عشان بابا تعبان و مش قادر ينزل م ساعة الضرب

معلش يا باشمهندس انا اعصابي تعبانة جدا بس طبعا شكرا جزيلا على مساندتك

[م تيمور المراغي]

لا العفو على ايه

ربنا معاكم ويحمي الوالد الشهم من كل سوء ,,

[مغتربة]

انا اول مره اقراالموضوع دا

حبيبتى بينك ربنا يسلم والدك باذن الله تعالى من كل سوء

و يرد عنه كل من يريد به شر

هو و جميع عائلتك باذن الله تعالى

و ان شاء الله تعدى الغمه على خير و يحفظهم لك الله من كل سوء

[Om Zayd]

الف سلامة عليه

ربنا يحفظهم

يد الله مع الجماعة يا بينك

يا ريت يكونوا مجموعة .. البلطجي جبان جدا.. بيخاف من الناس لما تكون مع بعض

و ربنا هو الحافظ

[م تيمور المراغي]

مدام بينك

انا ارسلت الصوره كامله لاستاذ محمد علم

وكان رده انه سيتدخل من خلال اتصالاته

ده بروفايله لاني مش عندي بروفايلك ارسله اليه للتواصل مع حضرتك حسب طلبه ,,

https://www.facebook.com/mohamadalm

و ان شاء الله سيكون هناك رد فوري و رادع على البلطجيه دول من خلاله ,,

تحيتي ,,

[رضوي]

حبيبتي بينك

ربنا ان شاء الله يحفظ والدك من شرهم ويكفيه كل اذى

وان شاء الله تطمني عليه وتتأكدي اه في افضل حال وماحدش هيقدر يقربله بإذن الله

وتيجي تطمنينا

[احمد رضوان]

الأخت العزيزة لا أعرف إن كان هذه سيفيد أم لا ولكن الله معكم وهو حافظكم

هذا هو البريد الالكترونى الخاص بالعرض المباشر على السيد وزير الداخلية لتقديم شكوى في حال تباطئت الشرطة بالقيام بواجبها : center@iscmi.gov.eg او الفاكس رقم 27960682.

[se_ Elsyed]

زي ما قولت لك يا ريم

إسألوا عن مقر الحاكم العسكري في الأسكندرية فين ... وأعملوا شكوى هناك وأتهموا الشرطة إنها لم تحرك ساكناً وسايبه الأشكال الزبالة اللي زي دي تبرطع براحتها في المجتمع ... وصعدوا الموضوع كمان لمديرية الأمن ...

طالما مواضيع زي دي بيعاملوها بشكل تستيف ورق وعمل محضر على ورق لحمه وخلص الموضوع

وبإذن الله الحق معاكم وربنا هاينصركم على الظُلم

[pink rose]

شكرا جزيلا لكل اخواني و اخواتي اللي كتبوا هنا سواء دعوة و لا حاجه ممكن تفيد في الموضوع دا

و اسفه انا مش بادخل النت الا حاجه بسيطة عشان كده اتأخرت في الردود

هو الحمدلله بابا بقى احسن دلوقتي و المفروض كان نازل النهاردة رايح المحافظة

هو ما سابش مكان ما راحوش بصراحة

من مقر الحاكم العسكري للنيابة للحي لباب شرقي و النهاردة اهو رايح المحافظة

طبعا الموضوع دلوقتي دخل فيه ناس سكان عمارات تانية جنبنا

و تم توكيل محامي باسم اتحاد ملاك عماراتنا و السكان التانين المتضرريين عشان يتابع القضية

و في الحي طلعوا قرار بوقف الاعمال لكن المشكلة ان شرطة المرافق مش بتنزل فا لسا بابا ناوي يروح مديرية الامن يبلغ فيهم

اما بالنسبة للبلطجي اللي بيتعرضله دا حد على كبير و عنده صبيان تمام زي الافلام كده

بس بابا راح عمل تقرير طبي و عمل محضر عدم تعرض و اتحول الموضوع للنيابة كا جنحه

فا بعد شوية و مقعد واحد من صبيانه تحت بيتنا عشان يراقب بابا

و الله حاسة اننا في شيكاجو عالم تاني بجد ما كنتش شايفاه

ناس من الشارع قالوله احنا نعرف الكبير بتاعه بلطجي كبير اوي في مصر و ممكن نتكلم معاه يبعده عنك

بجد هم يضحك و هم يبكي

ما شاء الله ما شاء الله بلطجي كبير اوي و ربنا فاتح عليه في المجال دا

طبعا بابا رفض الهبل دا كله مش هانتعامل احنا مع البلطجية على اخر الزمن يعني

المهم وصلنا الموضوع لحزب الوسط و حاليا بيتم التنسيق مع حد من الصحفيين يتابع الموضوع عشان يبقى فيه ضغط على الناس اصحاب الارض

و ان شاء الله لما اعرف اخبار جديدة هاقولكم

[pink rose]

الأخت العزيزة لا أعرف إن كان هذه سيفيد أم لا ولكن الله معكم وهو حافظكم

هذا هو البريد الالكترونى الخاص بالعرض المباشر على السيد وزير الداخلية لتقديم شكوى في حال تباطئت الشرطة بالقيام بواجبها : center@iscmi.gov.eg او الفاكس رقم 27960682.

شكرا اخي الفاضل جزاك الله خير

كتبت الايميل و الفاكس و اديتهم لبابا

[pink rose]

اخر التطورات

لسا عارفة من بابا حالا انه و سكان عمارتنا تقريبا كلهم طلعوا على مديرية الامن و قابلوا مدير الامن و تم تقديم بلاغ هناك باللي بيحصل

و عندهم معاد بكرة ان شاء الله الصبح يروحوا تاني مديرية الامن يشوفوا ايه اللي تم

و طلعوا على المحافظة لكن للاسف مبنى المحافظة اتحرق ايام الثورة و المبنى اتساوى بالارض و المحافظ لسا مالوش مقر

لكن من سكان عمارتنا دكتور في الجامعة صديق للمحافظ و هايرتب معاد للسكان معاه ان شاء الله

الحمدلله اخبار كويسة

اظن لما يكون العمل جماعي كده يبقى ان شاء الله في امل

و ان شاء الله البلطجي مش هايقدر يتعرض لكل السكان

تم تعديل 8 أغسطس 2011 بواسطة pink rose

[capitshino]

اخر التطورات

لسا عارفة من بابا حالا انه و سكان عمارتنا تقريبا كلهم طلعوا على مديرية الامن و قابلوا مدير الامن و تم تقديم بلاغ هناك باللي بيحصل

و عندهم معاد بكرة ان شاء الله الصبح يروحوا تاني مديرية الامن يشوفوا ايه اللي تم

و طلعوا على المحافظة لكن للاسف مبنى المحافظة اتحرق ايام الثورة و المبنى اتساوى بالارض و المحافظ لسا مالوش مقر

لكن من سكان عمارتنا دكتور في الجامعة صديق للمحافظ و هايرتب معاد للسكان معاه ان شاء الله

الحمدلله اخبار كويسة

اظن لما يكون العمل جماعي كده يبقى ان شاء الله في امل

و ان شاء الله البلطجي مش هايقدر يتعرض لكل السكان

ربنا يوفقهم ويحفظهم من كل سوء ويجعله فى ميزان حسناتهم.

[مهندس ابو يوسف]

الف سلامه يابنك روز لوالدك

وربنا يسلمكم جميعا من كل سوء

هندعي لكم

للاسف كان نفسي اقدم للك اي مساعده

بس انا هدعي لكم بالسلامه من شرور هذا البلطجي

تحياتي

[pink rose]

الفاضل كابيتشينو

الفاضل مهندس ابو يوسف

جزاكم الله خيرا على دعواتكم

و والله دي مساعدة كبيرة

الله يكرمكم

[hakeem]

بصراحه مليون تحيه لوالدك الفاضل..واللى عمله ده هو الصح ومهما يتهدد ولا يحصله فهو صح وربنا معاه..هى دى فعلا الثورة.وعايز اقولك ماتخافيش لا من بلطجى ولا صبيانه ولا معلمه الكبير زى ما بتقولى..دول اجبن ناس خلقهم ربنا.وطالما هو ماشى صح ولا يهمه من اى حد.وكويس ان بئا فى تجمع معاه بيسانده الناس بدأت تتحرك يعنى.التجمع والترابط دول هم القهوه بجد مش البلطجيه اللى بيهددوه..عارفه فى بلد جمبنا اسمها دسوق (كفرالشيخ)ليا اصحاب فيها حكولى عن اتنين بلطجيه احمد بربار واحمد البنا ومعاهم طبعا الصبيان باعداد كويسه ومسلحين.دول بئا تقدرى تقولى كانوا منيمين البلد من العصر واللى بيعزوة بيعملوة ولا حد يقدر يكح معاهم.عارفه لما الاهالى اتجمعوا كده وبقوا مع بعض مش كل واحد لوحده.حصل اللى فى الرابط ده

الرباط الخاص بي

بصراحه بقترح عليكم تنفذوا الحل ده..شباب المنطقه عندكم يتجمعوا ويعملوه..هو حل متطرف يمكن بس ده المتاح لان الشرطه نموها تقيل..وبعدين البلطجيه دول تربيه الشرطه اصلا..

والف تحيه مره تانيه للوالد الفاضل وامثاله..