يوليو 29 مليونية وحدة الصف والإرادة الشعبية

[Diab]

سؤال ل 6 إبريل

قبل جمعة 8 يوليو اتقال نفس الكلام المعسول و وبعد اليوم ماخلص

ايه اللي حصل

قولتوا هتعتصموا وكان القرار فردي بالرغم من أن الكل كان ضد الأعتصام

تداعيات الجمعة دي هي غلق المجمع وقطع طريق العين السخنة وكورنيش اسكندرية والتوجه للأرشاد الملاحي لغلق القناة ولما بلغ الغضب مداه توجهتم للمجلس العسكري وحدث ما يسمي بالكماشة

وخلال الفترة دي المجلس العسكري حب يراضي طرف لا وبالتالي عمل المباديء فوق الدستورية وتصدر لها المأسوف علي شبابه الغزالي حرب

وبدعم من ممدوح بيه حمزة صاحب "المنصة دي بفلوسي " وشيشة الميدان اللي مدي الحركة غرفتين في فيلا تبعه

لما الاسلاميين أحسوا بالغضب لانهم أكثرية وبيتعاملوا كما لو كانوا فاقدي الأهلية فقرروا يعملوا جمعة 29 جمعة الشريعة بشعار مصر إسلامية

وبالتالي الميدان سيملأ مرة اخري

هل نقدر أن 6 إبريل بتجر ناعم أو جابت ورا

خصوصا انه لا يمكن أن تقارن وقوف 6 أبريل أمام مبارك وزبانيته لأنهم مرتزقة

وبين انها تعادي فصيل هو نفسه 77.8 % من الشعب يعني اكتر من تلات أرباع الشعب

الكترة تغلب الشجاعة

شكرا

تم تعديل 27 يوليو 2011 بواسطة Diab

[م تيمور المراغي]

احنا عدونا مش التيارات الاخرى على الاطلاق

احنا عدونا هو كل من يقف حجر عثرة في طريق الحريه والعدالة الاجتماعية

اعلنت القوى الاسلاميه انها نازله طيب تمام

فدعوناهم للتوحد حول مطالب تتفق عليها كل الاطراف مش كل فصيل يقول مطلب منفصل لام ده سيعطي الزخم المطلوب

اظن اللي وقف امام كلاب الداخلية و المجلس العسكري ما يتقالش عليه بيجيب ورا مش كده يا دياب !

عموما مش وقته والكبار اللي فاهمين وعاقلين ما قلوش زيك كده

اصوات الاستقطاب والفرقة او الهمزة اللمزة

اصمتوا قليلا ,,

[م تيمور المراغي]

حتى جمعة الهوية اتخطفت

جمعة الشرعية راحت فين في الزحمة دي

بقى اسمها جمعة الوحدة المصرية

او جمعة ( لم الشمل )

تحيتي ,,

[capitshino]

حتى جمعة الهوية اتخطفت

جمعة الشرعية راحت فين في الزحمة دي

مين قالك اتخطفت يا استاذ طارق

تغير اسمها واهدافها كان نتيجة توافق بين جل الاتجاهات والاحزاب .

[tarek hassan]

حتى جمعة الهوية اتخطفت

جمعة الشرعية راحت فين في الزحمة دي

بقى اسمها جمعة الوحدة المصرية

او جمعة ( لم الشمل )

تحيتي ,,

ربنا يلم شملنا على الخير

[MohamedAli]

هل نقدر أن 6 إبريل بتجر ناعم أو جابت ورا

يمكن ده من تأثير صباع الفنجري وعلقة العباسية

خبطتين في الراس توجع ..

[م تيمور المراغي]

هل نقدر أن 6 إبريل بتجر ناعم أو جابت ورا

يمكن ده من تأثير صباع الفنجري وعلقة العباسية

خبطتين في الراس توجع ..

خليك داعي للوحده واتعلم من رؤساءك

[م تيمور المراغي]

حتى جمعة الهوية اتخطفت

جمعة الشرعية راحت فين في الزحمة دي

بقى اسمها جمعة الوحدة المصرية

او جمعة ( لم الشمل )

تحيتي ,,

ربنا يلم شملنا على الخير

آمين يا طارق

تسلم

[م تيمور المراغي]

رصد | مصر | شباب التيارات الإسلامية يطلقون مبادرة " شربــة مــاء " والهدف منها دعم المعتصمين فى الميدان منذ 8 يوليو معنوياً بشربة ماء مقدمة منهم إلى المعتصمين فى رسالة مفادها ( نحن معكم وإن اختلفنا فى الوسائل ... نتجاوز خلافنا حول الوسيلة وصولاً لاتفاقنا حول الهدف المنشود ) . #RNN# 29July

[م تيمور المراغي]

انا متفائل :happy:

:egyflag:

[pink rose]

احنا عدونا مش التيارات الاخرى على الاطلاق

احنا عدونا هو كل من يقف حجر عثرة في طريق الحريه والعدالة الاجتماعية

اعلنت القوى الاسلاميه انها نازله طيب تمام

فدعوناهم للتوحد حول مطالب تتفق عليها كل الاطراف مش كل فصيل يقول مطلب منفصل لام ده سيعطي الزخم المطلوب

اظن اللي وقف امام كلاب الداخلية و المجلس العسكري ما يتقالش عليه بيجيب ورا مش كده يا دياب !

عموما مش وقته والكبار اللي فاهمين وعاقلين ما قلوش زيك كده

اصوات الاستقطاب والفرقة او الهمزة اللمزة

اصمتوا قليلا ,,

دا على اساس ان المجلس العسكري كان بيضرب الثوار من يوم 25 يناير مثلا زي كلاب الداخلية ؟؟؟؟؟؟؟؟؟؟؟؟

هو لازم حشر المجلس العسكري في جملة و خلاص

هو لازم حشر المجلس العسكري و اتهامه بانه ضد الثورة و خلاص

و الله العظيم كل ما احاول اهدى من ناحية 6 ابريل كلام حضرتك ينفرني منها اكتر

لا حول و لا قوة الا بالله

[م تيمور المراغي]

ده رد عن حدث سابق وليس موقف عدائي حالي يا استاذه

لو تكرمتي لاتقتطعي من كلامي ما يروق لك

التوبيك من اوله وهو دعوه للتوحد

فلا مكان للتشنج ولا للتشتت ولا للتفريق

تحيتي

[Diab]

احنا عدونا مش التيارات الاخرى على الاطلاق

احنا عدونا هو كل من يقف حجر عثرة في طريق الحريه والعدالة الاجتماعية

اعلنت القوى الاسلاميه انها نازله طيب تمام

فدعوناهم للتوحد حول مطالب تتفق عليها كل الاطراف مش كل فصيل يقول مطلب منفصل لام ده سيعطي الزخم المطلوب

اظن اللي وقف امام كلاب الداخلية و المجلس العسكري ما يتقالش عليه بيجيب ورا مش كده يا دياب !

عموما مش وقته والكبار اللي فاهمين وعاقلين ما قلوش زيك كده

اصوات الاستقطاب والفرقة او الهمزة اللمزة

اصمتوا قليلا ,,

لذلك لم أوجه سؤالي لتيمور المراغي بشكل شخصي ولكن إلي 6 إبريل

لولا أني أعلم دماثة أخلاقك لظننت منك السوء بكلمة إصمتوا قليلا

حسنا سنصمت لنري

اللهم أكتب الخير لمصر

أيا كان الطرف الذي معه الحق

تم تعديل 27 يوليو 2011 بواسطة Diab

[م تيمور المراغي]

.........

اللهم أكتب الخير لمصر

أيا كان الطرف الذي معه الحق

وليه الحق يكون مع طرف دون طرف !

ليه مايكونش نصفه مع كل طرف

حتى نضطر الى التوحد معا فنحوز الحق كله !

ربنا سبحانه وتعالى لما خلق الكون جعله يخضع لمعايير ونظم ليس الكمال من ضمنها بكل تاكيد

بالتي جعل لكل مخلوق امرا ما او شيئا يمتاز به عن كل ما حوله

لو قدرنا نجمع المزايا دي كلها والموجوده لدى كل تيار مستقل تخيل الابداع والاقتراب من الكمال اللي حنجده في النهاية

وقتها مين فيكي يا مصر

او خليني اقول مين في العالم اجمع حيقدر يقف في وجه المصريين !

تحيتي يا ديبو وما تقفشششش :happy:

[م تيمور المراغي]

انا لو من الحزب الوطني و حابب أوقع

... اعمل ايه ؟

اعمل نفسي اسلامي و اشتم 6 ابريل

هكون ضربت 3 عصافير .. بحجر واحد :

شتمت وشككت في 6 ابريل

وقعت بين التيارين

و شوهت بالمرة صورة الاسلاميين بإنهم شتامين فى معاركهم السياسية ;)

لكن لأ ...

مش هنقع فى الفخ ..

جمعة الوحدة تجمعنا جميعا

و سنكون أحرص على نجاح اليوم من اي احد آخر ان شاء الله

يدا واحدة فى حب الوطن .. ايد واحدة و شعب واحد

نقلا عن ا. محمد علم \ المسئول الاعلامي

[MohamedAli]

[م تيمور المراغي]

دمها خفيف انا سلفي مش ما بعضش ولا بضرب هههه :happy:

اللي عملها جامد ,,

[ابو محمود]

انت عارف الفارق بين التيار الاسلامى والتيارات الاخرى

التيارات الاخرى عندما تخطأ لا تعترف ةلا تتأسف اما التيار الاسلامى فيفعل ما لم تفعلة التيارات الأخرى

التيار الاسلامى يجمع ويحتضن ولا يصر على اسم لجمعة هو من طالب بها والتيارات الاخرى لا تتنازل عن شعارتها

التيار الاسلامى يريد ان يكسب بشتى الطرق المشروعة التيارات الاخرى عندما تشعر بالضعف تنقلب على بعضها وتنقسم

المشكلة ياأرش بعد يوم الجمعة مش يوم الجمعة هترجعو تقولو لسة ما خلصناش والاعتصام قائم ويجب تنحية المجلس لان دة مخطط لة ومعمول حسابة بس الناس اظاهر بتنسى مطالب التيارات السياسية

[أهرامات الجيزة]

.

~

لا .. لا للفرجة من بعــيييييــد ..

خليك إيجابي .. إنزل وشارك

الجمعة 29 يوليو .. مليونية الإرادة الشعبية والهوية الإسلامية

.

تم تعديل 28 يوليو 2011 بواسطة أهرامات الجيزة

[أبو يمنى]

وبعد الالتفاف على ارادة الشعب ... حان وقت الالتفاف على مليونية الشعب ...