أخطاء تجنبها لإنجاح زواجك

[عبير يونس]

بمناسبة خطوبة زميلنا العزيز جدا حسام عبد الفتاح

ربنا يتمم له بألف خير يارب

حبيت نتناقش حوالين الحياة الزوجية

بداية

لا يوجد تعريف محدد للزواج الناجح

دي كانت مداخلة لي في موضوع الزواج الناجح للفاضلة مغتربة

http://www.egyptiant...ndpost&p=750338

النجاح شيء نسبي تماما

و معياره هو الوصول للهدف

و لأن الأهداف مختلفة و متعددة و متباينة بين البشر

فلا يمكن قولبة النجاح

الزواج علاقة انسانية

بين شخصين قد يتفقان في بعض الأهداف

فيسيران معا في طريق هدف موحد

هو اتحاد يشبه الاتحاد الكيميائي

و يرتبطان برابطة

قد تكون أيونية

أو تساهمية

الزواج مركب كيمائي

لأنه حتى بالانفصال

لا يرجعان إلى حالتهما الأولى

فالرابطة التي كانت بينهما

أخذت و أعطت منهما و إليهما

لا ضمان لأي نتائج

و لا تشابه بين حالة وأخرى

حتى الشخص نفسه

لا يتشابه ارتباطه بالطرف الآخر

من علاقة إلى أخرى

أعود و أكرر

الزواج الناجح نسبي تماما

و يخضع لتقييم الشخص نفسه لتجربته

و الأهم طبعا أن يكون التقييم مختصا بالشخص

و ليس بتقييم الآخرين له و لتجاربه

كما أحب أن أضيف أن الإنفصال قد لا يعني الفشل نهائيا

بل قد يكون نجاحا لتفادي الاستمرار في الفشل

كما قد لا يعني الاستمرار في العلاقة نجاحا عى الاطلاق

بل قد يكون فشلا في البحث عن النجاح

المقدمة دي

حبيت أرفقها بالموضوع

عشان أقول لكل مقبل على الزواج

أو بيفكر

انتبه!

لا تقع في أخطاء قاتلة قد تؤدي - لا قدر الله - للفشل

على اعتبار أن نجاح أي علاقة يتطلب العمل على إنجاحها من الطرفين معا

و ليس من طرف واحد فقط!

هذا الموضوع للجميع

للمقبلين على الزواج

و للمتزوجين

و أيضا لمن مروا بتجربة الطلاق

الفئة الأولى

سيضعون هنا توقعاتهم

و الفئة الثانية

سيضعون هنا تجاربهم

و الفئة الثالثة

سيضعون هنا تقييمهم لتجربة الزواج

و تطلعاتهم لتكرار التجربة

بتجنب أخطاء التجربة السابقة

أعود و أكرر

الإنفصال قد لا يعني الفشل نهائيا

بل قد يكون نجاحا لتفادي الاستمرار في الفشل

كما قد لا يعني الاستمرار في العلاقة نجاحا عى الاطلاق

بل قد يكون فشلا في البحث عن النجاح

منتظرة حضراتكم

[م تيمور المراغي]

معاكي يا استاذة وبقوة

وان شاء الله ححط هنا درر في كيف تكسب زوجتك ان شاء الله

واحتسب الثواب من الله

اول حاجه

اسمع لها

خليها تتكلم كتير كتير كتير

مجرد الانصات والتفاعل والاهتمام

كسبت قلبها

يتبع .. !

[م تيمور المراغي]

لو تسمحوا لي في التوبيك ده اكتب مداخلات كتيره العدد قليلة الكلمات حكون ممنون جدا

بدلا من مداخلة واحده كثيرة السطور

تاني حاجه

ما تحطش في بالك ان هناك امرأة ما افضل مما عندك

فالنساء ( واخص المصريات ) في النهاية نفس الانثى

اقنع بما عندك

يبارك الله لك

وغض البصر

تستشعر لذة الطاعة

ولذة الحلال ,,

[بركة]

ربنا يبارك لكل اللي هيكتب هنا وقصده وجه الله

تسجيل متابعة بس الله يخليكو ماتسيبوش الموضوع يقع زي مواضيع كتير حلوة لم تكتمل... :blush2:

[رضوي]

موضوع متميز كالعادة

سلمت يمينك

احب أضيف ....... إن الزواج شراكة ...... يعني لابد من مساهمة الطرفين ...... لابد من التفاعل ....... لابد من المشاركة ...... كل طرف له حقوق وعليه واجبات ...... وتقسيم الادوار مهم جداً لتفادي الخلافات

انك تلاقي شريك لحياتك دة شيء سهل

بس ان ربنا يرزقك بإنسان يحبك ويقدرك ويصونك ......... دة شيء صعب جداً

والانسان دايماً بيبان مع العشرة ....... وبيظهر معدنه مع الايام

وكل علاقة اكيد مختلفة تماماً وصعب اوي تتشابه ولو جزئياً مع علاقة تانية

في العلاقات الانسانية لاوجود لنظريات معممة ........ ولا وجود لقاعدة تنطبق علي كل الحالات

[بركة]

المقارنة

سلاح شيطاني يهدم اي بيت

[رضوي]

المقارنة

سلاح شيطاني يهدم اي بيت

جملة بسيطة اوي في حروفها ........... غنية اوي في معناها

تسلمي يابركة

[Hisham]

الدخول علي الزواج كشخصين متساويين كل له حقوق وواجبات لان شخصية الرجل المصري الشرقي لها مساوئ كثيره وتؤدي لمشاكل متعدده خصوصا ان زيجات كثيره مش بتكون عن حب وتعارف وعلاقه مسبقه

في العلاقات الانسانية لاوجود لنظريات معممة ........ ولا وجود لقاعدة تنطبق علي كل الحالات

[بركة]

الحذر كل الحذر من المطبطبتيه

اللي بيحبو يطبطبو لما يكون احد الزوجين زعلان

وييجي اللي بيحب الطبطبه عشان يسمم حياتهم ..

انت قادر على الغفران لشريك حياتك فلا تنصت ..

تم تعديل 14 يوليو 2011 بواسطة بركة

[م تيمور المراغي]

اوعى :

- تتفاخر بعلاقاتك قبل الجواز لانك حتصغر في عينيها ,, تأكد انها بتحب الراجل المحترم

- تثير غيرتها زيادة عن اللزوم لانها حترد الصاع صاعين

- شوية حماشة بدون تجريح كل فتره بتكون مهمه جدا لانها انثى يعني على قدر ما من المازوخية

- حتى لو مر عليكم سنين متجوزين وبقت زي اختك لازم تغير عليها حتى لو بتتظاهر بكده بس بدون ( تخوين ) لان غيرتك دي حتحسسها باهميتها عندك يعني مثلا : كنتي فين بتكلمي مين في الموبيل لابسه ليه كده - اعمل ده برزانه وعقل وشوف ملامح الفرحة وهي ترتسم على الوجوه - تاني بكرر بدون تخوين ,,

- لازم تكون على يقين انها اختارتك لتكون شريك حياتها ليس لانك الاكثر قوة و وسامة و ذكاء ومنصبا و نسبا لا

اختارتك زوجها لانك انت

بكل حسناتك و عيوبك و نقاط قوتك ونقاط ضعفك لكن

ده لا يمنع من التطوير المستمر يعني مش تاخد النصيحة دي وتضرب الدقن والكرش والفانلة الداخلية واتعشت على كده :happy:

فاصل ونواصل ,,

[لماضة مصرية جدا]

هذا الموضوع للجميع

للمقبلين على الزواج

و للمتزوجين

و أيضا لمن مروا بتجربة الطلاق

الفئة الأولى

سيضعون هنا توقعاتهم

و الفئة الثانية

سيضعون هنا تجاربهم

و الفئة الثالثة

سيضعون هنا تقييمهم لتجربة الزواج

و تطلعاتهم لتكرار التجربة

بتجنب أخطاء التجربة السابقة

منتظرة حضراتكم

السلام عليكم و رحمة الله و بركاته

ايه ده....دهدي...(وش حد بيقرب وشه من شاشة اللاب توب

انا ملقتش اسمي في الفصايل اللي فوق ديت

انا لا مخطوبة و لا متجوزة و لا منفصلة...(اه يا قلبي ياااانا هو انا حسيت اني كده بعمل بوطاقة الرقم القومي)

انا عاملة خانة جديدة في البوطاقة اسمها

B+

Bachelor and live Positively

يعني سينجلاوي و مستمخ بحياته كده....(او مش واقف علي محطة الانتظار لانه بقي بفضل الله سايق القطر لوحده)

بعد هذه المقدمة الطللية في الوقاع و المأمول خلونا بقي نخش علي الشغل

(وش اي ربة بيت مسكت المضرب و داخلة تتوجه ناحية السجادة)

كنت زمااااااان بفتكر ان فيه حاجات الواحد يعملها كده علشان ينجح الزواج..(او حتي الارتباط)

و الحاجات دي كانت مبينة بشكل كبير يا عن القراية....يا عن الافلام...(لحست عقلي معلشي)...يا عن ملاحظاتي الشخصية عن اللي حواليا

و في كل مشروع ارتباط "الله يرحمهم جميعا و يبشبش الطوبة اللي تحت راس ذكرياتهم)...كنت اجيب كتالوج "الحاجات" دي و ابقي متأكدة مع نفسي ان باذن الله هنجح...مش علشان انا شخصية عنيدة في النجاح اوي...لا علشان بكون داخلة بنية صافية جدا....و الحمد لله الموضوعات كلها نجحت...(اينعم هي فشلت يعني متمتش...بس بالنسبة لي كان نجاح لانه جنبني فشل لاحق و ووجع روح مش منكن يتعوض)

لو هتسمحيلي

بتواضع جدا

بلاش تخش علي اي ارتباط.....ب "كتالوج" حاجات للسعادة او للنجاح

هي....هو....لازم يحطوا كتالوج خاص بيهم هم الجوز

مش احنا دلوقتي قاعدين نقول الانتخابات اول و لا الدستور اولا

لا ابسط يا عم

ادي الانتخابات...خلصت يعني هو اختار هي

و هي اندبست في هو

يبقي دلوقتي نحط

"الدستور"

بتاعنا احنا الجوز

و الدستور ده

عمره ما هيجي غير لما نعرف نتحاور....و نتواصل و نعبر عن كل اللي في دماغنا بشكل لفظي

دايما اللي قصادنا هو او هي بيتخيل ان احنا فاهمين ايه اللي في ام الدماغ

بس محدش بيحاول "يتواصل" مع اللي قدامه عن ايه اللي متوقعه منه

الجواز......شكل من اشكال التواصل

بس لو انت مضطر عليه في كل حياتك....انت محتاجله جدا في مساحة "المودة و الرحمة" اللي ربنا جعلها "سكن"....يعني مش مجرد شقة....دي "سكن" يعني دفا وونس و تقبل و احتياج و رضا و تصالح و طرف آخر مستعد يقبلك بكل ما فيك و انت في اسوأ حالاتك...(ايون يعني و انت بتلعب في مناخيرك و فاكر انك مش واخد بالك او انتي لسه صاحية من النوم و العينين مليان سائل لطيف اوي كده لونه اصفر...)

الدستور ده علشان تبنيه

ابنيه زي اللي ربنا اصلا خلقك حطهولك

فيه ايات كتير من القرآن بتتكلم عن علاقة الزوج و الزوجة

بس انا بحب الآية دي أوي

"و إن أمرأة خافت من بعلها نشوزا او إعراضا فلا جناح عليهما أن يصلحا بينهما صلحا و الصلح خير و أحضرت الأنفس الشح و أن تحسنوا و تتقوا فإن الله كان بما تعملون خبيرا" (سورة النساء: الآية 128)

هو انا كل ما كنت اقرا الآية دي كنت اقول طب يا ربي ايه اللي دخل "الشح" و احنا في موقف "الصلح" بين الزوجين

و لما تأملتها شوية

لقيت ان "الشح" بيجي" لما كل واحد بتصعب عليه نفسه و مبياخدشي الخطوة الأولي ويبخل انه يكون "سباق للصلح"

و دي بتحسم اي موقف خلاف بين الزوجين

و بحب اوي

اختصار ربنا المجمل في "الاحسان و التقوي"

احسن إليها و احسني إليه...(الاحسان ان تعبد الله كأنك تراه....يعني في كل علاقتك بيها تتعامل انك شايف ربنا...مش شايفها هي و العكس ل هو طبعا"

و التقوي...اتقي الله فيها....و اتقي الله فيه.....(التقوي برضه سلمة علي التدرج في عبادتك بربنا)

طولت عليكم في "الدستور" اشمعني احنا يعني في مصر :closedeyes:

الجواز...."دستور" بين طرفين "انتخبوا" بعض بترتيب "قدري" و اتفقوا ان يكون ليهم "سكن" قوامه "الاحسان و التقوي"

و دي (لا مش وجهة نظر :) )ده أنا....في حياتي باذن الله

صباحكم.....حياة....ربنا رسمها لينا بمنتهي الاتقان و كل اللي علينا ان احنا نعيشها علي مراده هو

صباحكم...."سكن"

[لماضة مصرية جدا]

اوعى :

- تتفاخر بعلاقاتك قبل الجواز لانك حتصغر في عينيها ,, تأكد انها بتحب الراجل المحترم

- تثير غيرتها زيادة عن اللزوم لانها حترد الصاع صاعين

- شوية حماشة بدون تجريح كل فتره بتكون مهمه جدا لانها انثى يعني على قدر ما من المازوخية

- حتى لو مر عليكم سنين متجوزين وبقت زي اختك لازم تغير عليها حتى لو بتتظاهر بكده بس بدون ( تخوين ) لان غيرتك دي حتحسسها باهميتها عندك يعني مثلا : كنتي فين بتكلمي مين في الموبيل لابسه ليه كده - اعمل ده برزانه وعقل وشوف ملامح الفرحة وهي ترتسم على الوجوه - تاني بكرر بدون تخوين ,,

- لازم تكون على يقين انها اختارتك لتكون شريك حياتها ليس لانك الاكثر قوة و وسامة و ذكاء ومنصبا و نسبا لا

اختارتك زوجها لانك انت

بكل حسناتك و عيوبك و نقاط قوتك ونقاط ضعفك لكن

ده لا يمنع من التطوير المستمر يعني مش تاخد النصيحة دي وتضرب الدقن والكرش والفانلة الداخلية واتعشت على كده :happy:

فاصل ونواصل ,,

في السبعميت الف مداخلة...للباشمهندس اركتكيت...(الايقونة بتاعت اللي الشخص الاصفر اللي بيطلع لسانه...لاني مكسلة ادور عليها)

عجبني بجد

انه ابتدا بنفسه

يعني بيتكلم من ناحيته

لأن دايما لما بنيجي نتكلم كل واحد بيبقي شاطر جدا انه يرص "قايمة" طويلة عن اللي مستني شريكة حياته او لمؤاخذة الشريك المخالف :closedeyes: ...يقوم بيها

بس باشمهندس

بيقولنا

كل واحد يبتدي بنفسه و ميستناش الطرف التاني يبقي كويس

حلوة يا باشمهندس

استمر

فاضلك 30 الف مداخلة و تاخد خمسة و سبعين قرش صاغ....(نفس الايقونة اللي فوق برضه بلس:)

صباح حضرتك....عملي.....و ميداني جدا

[pink rose]

لو نظرنا لآيات القرآن اللي بتتكلم عن الجواز هانلاقي فيها

الخير و زيادة

و من آياته ان خلقكم لكم من انفسكم ازواجا لتسكنوا اليها و جعل بينكم مودة و رحمة

بصوا لكلمة من انفسكم

يعني هو مني و انا منه

سكن الكلمة دي لوحدها عاوزة تتبروز كده و تتحط في مكان عالي

السكن هو المأوى هو اللي الواحد ما بيرتاحش غير فيه اللي مهما لفيت دايما بيكون اشتياقك ليه

لفيت هنا مش يتنطط من واحدة لواحدة و في الاخر يرجع لبيته لا اللي اقصده طول اليوم برة و تعبان اول ما بتفكر في الراحة بتفكر في بيتك

كده الزوجة لازم تكون لجوزها البيت اللي يضمه و يحميه و يحوط عليه و يشتاق له

مودة و رحمة اسس اي علاقة زوجية ناجحة

كمان الاية الكريمة

[هُنَّ لِبَاسٌ لَكُمْ وَأَنْتُمْ لِبَاسٌ لَهُنَّ]

لو بصينا لكلمة لباس الهدوم يعني اقرب حاجه للواحد هدومة

هدومه هي اللي بتستره

هدومة هي اللي بتحافظ عليه

لو اخدنا المبادئ دي و عملنا بيها

هانكون علاقة زوجية اساسها ناجح

دا كان الاساس

باقي البنيان بقى

لسان حلو

احترام

تفاهم

استماع

مشاركة

تكافؤ

طبيخ كويس هههههههههههههه

مهمة اوي الاخيرة دي

تم تعديل 14 يوليو 2011 بواسطة pink rose

[م تيمور المراغي]

مدام بينك

فعلا الزوج المصري بيقدر جدا جدا ان مراته تكون ست بيت شاطرة مما جميعه ,,

لماضة - واسمحيلي اقول الاسم مجرد عشان فرق السن

الزوجه المصرية حقيقي اصيله ,, لو لقت زوجها حريص على اسعادها بتعطيه حياتها

اخلص حاجات وراجع ,,

[نورالعين]

موضوع جميل وهادف مصرية

وياريت فعلا يأتي بغرضه

من وجهة نظري

أكبر خطأ يقع فيه الزوج هو اعتبار ما تقوم به زوجته من متطلباته هو وأولادهما واجب لا تحتاج الثناء عليه

فمثلا لو فرضنا أنها قامت بعمل غداء جميل

لا يقول لها سلمت يداك

ولكن على العكس هو جاهز تماما ليقول ماله الأكل النهاردة ملحه كتير!!!

وأكثر ما يضايقها ان ينتبه الى خطأها وعيب بها ولا ينتبه الى ما تقوم به من أمور صحيحة وشاقة او ميزة تتميز بها

الثناء هو كلمات قليلة تعطيها دافع كبير جدا لتأدية واجباتها بل وأكثر

فلما يبخل الزوج بها

بجد مش عارفة ليه هذه الشكوى مكررة دوما؟؟

[عبير يونس]

هي دوما السلبيات الخمسة القاتلة

عيش في الماضي (انفصال عن الحاضر)

لوم

نقد

مقارنة

أنانية

تقتلنا قبل أن تقتل الطرف الآخر

و تكمن الأنانية في أعتى حالاتها

في رفضنا لتغيير أنفسنا

و السعى لتغيير الآخرين!!!

وفي سعينا لفرض التغيير على الآخرين

دائما ما نتحصن أثناء ذلك

بقلعة الماضي الحصينة

نحتمي بها

و نُلقي سهام

اللوم

النقد

المقارنة

على الآخرين

منتهى الأنانية!!!!

[لماضة مصرية جدا]

طبيخ كويس هههههههههههههه

مهمة اوي الاخيرة دي

يباركلي في عمرك يا رب يا بينكي و اشوفك امين شرطة بشرايط

يعني ماشية كويس و قولتي كلام درر

و بعدين جبتي رزعتيني تثبيت اكتاف من بتوع ممدوح فرج

سؤال آد النملة

مين قال ان الست هي اللي لازم تطبخ...اوعي حد يضرب...(انا بنت بابا و بابا صعيدي...وش تهديدي و انا رافعة صباعي....ايون لغة جسد تهديدية :closedeyes: )

انتي مش واخد بالك ان كل الشيفات في الدنيا رجالة

طب فرضنا فرضنا فرضنا مثلا...انه هو بيطبخ كويس

ايه اللي يمنع

و بناء عليه و مما تقدم في عريضة الدعوي..(وش اي محامي دفاع نص كوم)

اهم خطأ يجب أن تتدراكه علشان الجوازة تنجح

اوعي تقارن طبيخها بطبيخ مامتك الله يكرمك

احنا هناكل كل يوم قلقاس.....و كثير من الحب :wub:

و لو انت بتعرف تطبخ

يبقي زوجي العزيز....(اللي في علم الغيب) تأكد ان عمري ما راح اتخلي عنك....يا جدع ده انت لوقطة

كان معكم

لماضة

من أمام البوتوجاز

لتأبين حلة البامية الخضرا....(مش عارفة حاسة طالعة غريبة :blink: ....فيه حاجة غلط )

[لماضة مصرية جدا]

لماضة - واسمحيلي اقول الاسم مجرد عشان فرق السن

الزوجه المصرية حقيقي اصيله ,, لو لقت زوجها حريص على اسعادها بتعطيه حياتها

اخلص حاجات وراجع ,,

شوف يا باشمهندس طول ما حضرتك مش ثورجي و كوووول كدهوت

تقدر تقولي يا لماضة او يا لماضة...مافيش مشكلة يعني....(ايقونة فيها ملاك نازل من السما)

و متفقة مع حضرتك في موضوع الزوجة الاصيلة اللي هي هتتجوز الاصيل و يجيبوا اصاصيل صغنتتين..(وش مطرب شعبي مش فاكره بس غالبا شفيق جلال :)

كمل يا باشمهندس

كلنا آذان مطرطقة

[عادل أبو عمر]

معاكي يا استاذة وبقوة

وان شاء الله ححط هنا درر في كيف تكسب زوجتك ان شاء الله

واحتسب الثواب من الله

اول حاجه

اسمع لها

خليها تتكلم كتير كتير كتير

مجرد الانصات والتفاعل والاهتمام

كسبت قلبها

يتبع .. !

صدقني يا تيمور عن نفسي مفتقد الدرر بتاعتك في موضوعات كتير

ومهما اختلفنا في رأي يبقى احترامي لك و تقديري و من قبل الحب في الله

ويارب ترجع بألف سلامة من الجها دكها ... أو من الجهادية .. أي جهة ..

بس ارجع ...

و خلي السلاح صاااااااااااااااااااااحي

تسجيل متابعة و اهتمام للموضوع الجميل

و شكرا لأختنا مصرية مغتربة

و لي عودة بإذن الله

تم تعديل 14 يوليو 2011 بواسطة عادل أبو عمر

[مغتربة]

هى المواضيع الحلوه دى بتتفتح امتى و ازاى مبختش بالى منها

بس الحمد لله برضه لحقته

لانه لو فاتنى اكيد كنت هزعل

طيب نخش فى المفيد

بالنسبه ليا بشوف ان اهم حاجه و لكن للاسف كتير يهملوها و خلونى اتكلم هنا من وجهه نظر نسائيه يعنى نصايحى هتكون لبنات جنسى

هى فن احتواء الزوج

للاسف بنات كتير بتفتكر انها لما تكون نضيه قى بيتها و طباخه ماهره و بتراعى الاولاد يبقى خلاص هى كدا ادت الى عليها

صحيح كل دا مهم لكن فى الاهم فى دور الزوجه الاساسى

الاكل و التنضيف ممكن يستعيض فيهم عنها بالمطاعم و الخدامين الاولاد ممكن يوديهم دروس خصوصيه

كل الحاجات الى للاسف بتستغرق من الست المصريه جل وقتها و اغلب يومها فى ناس تانيه يقدر يعملوهالوا

لكن اهم دور و الى مش ممكن يلاقى حد تانى يدهوله كتير قوى بيتغفل عنه و بيتراجع فى قائمه اهتمام الستات ربما للاخر رغم انه لازم يكون فى المقدمه

و هو الاحتواء

اساس الزواج انم الزوجه تكون سكن زوجها الى بيرتاح فيه و تكون الملجا الامن الى بيلجا ليه علشان يخلص من كل تعبه و همه

انها تكون جنته البعيده الى اول ما يفكر يهرب من الدنيا يكون يهرب ليها

مش منها للاسف زى ما بنلاقى

البنات دلوقتى امهاتهم بتتفنن فى تعليمهم الطبخ و التنظيف و لكن مبيعلمهومش ابدا فن الاحتواء الزوجى

و الاحتواء برضه مش معناه فقط الاهتمام بالمظهر و القوام و العلاقه الخاصه و بس و ان كان دا جزء منه

لكن هو يعنى ببساطه ازاى اشبع عقل زوجى و روحه منى كما اشبع نظره و سمعه

اشباع العقول هو ما يحتاج لمهاره خاصه خصوصا مع مرور سنوات الزواج و تسرب الملل و الاعتياد

اخطر حاجه ان الزوج يتعود على زوجته فلا شيىء فيها يعود يدهشه

لازم تتعلمى ازاى تدهشيه و ازاى تملى عقله و قلبه طوال الوقت

الناس ساعات بتستغرب من واحد متزوج من زوجه دميمه او قبيحه و لكن طاير بيها و شايلها من على الارض شيل او ممكن تكون مهمله فى بيتها او طبيخها مش اد كدا لكن زوجها بيتمنلها الرضى ترضى و بيشوفوا برضه ازواج متزوجين ملكات جمال و بيخنوهم او متزوجين زوجات من النوع الى بيقولوا عليه قيداله صوابعها العشره شمع و بيتجوز عليها البعض بيكتفى بمصمصه شفيفه و يقول المثل الشهير حظ الخيابه قتايم و حظ العداله نايم

و البعض الاخر بيفهم ان اكيد هذه الزوجه رغم ان فيها عيوب لكن قدرت بذكائها تستميل قلب و عقل زوجها بحيث انه اصبح لا يوجد فيه مكان لاى شخص اخر فلا يرى غيرها و لا يستعذب الا صوتها و لا يانس الا بحديثها

دا محتاج مهاره خاصه و تدريب كبير على فقه الالولويات فى الحياه الزوجيه

لكن بالتصميم و الاراده اكيد هننجح فقط لو شعرنا باهميه الامر

الموضوع طويل و متشعب و ممكن يكون ليا عوده تانى علشان اتكلم باستفاضه اكتر