عندي احساس اننا بيتنصب علينا ...و نصبه مش صغيره ابدا

[MZohairy]

لا اخفيكم سرا

عندي احساس جامد بإننا كشعب مصري بيتضحك او بيتنصب علينا (اتمنى من كل قلبي ان يخيب ظني)

التعامل المريب مع المجرمين السابقين و التأجيل المتواصل للمحاكمات و اختفاء الأخبار الخاصه ببعضهم لفترات طويله و اطلاق خبرين كده احيانا ذرا للرماد او طمعا في اجهاض مظاهره محتمله و وجود ظباط كبار من اللي بيتحقق معاهم في مراكزهم في الداخليه بل و ترقية بعضهم مش مخليني ابدا اكون حسن النيه

اعيش حلما مزعجا اتمنى ان ينتهي بالاستيقاظ على حقيقه واضحه و مختلفه

اللي حاسس زيي يقولي و اللي عكس كده يطمني بأسباب مقنعه

شكرا

[ozoozo]

للاسف انا حاسس بحاجه اكبر من كده بس للاسف مش عايز اصدق

لكن للاسف هي دي الحقيقه

[عنبو]

احنا الكل حاسين بكده اننا بينضحك علينا ولكن زى ما قولت فى التوبيك اليى قبل كده

اننا ما بين نارين اما ان نقوم على المجلس العسكرى ونسقطه وده ممكن يؤدى الى انقسام المؤسسه

العسكريه وده طبعا هيؤدى الى ضياع البلد بلا رجعه

او نفضل نناهد فيهم لحد لما نعمل انتخابات رئاسيه ونجيب رئيس منتخب من قبل الشعب ويستمد

شرعيته من الشعب لا من امريكا ولا من اسرائيل ولا من الجيش كمان

وينفذ بقى اليى الشعب عاوزه ونعيد محاكمة العصابه من تانى

تحياتى

عنبو

[امير مجروح]

فعلا انا عندى الاحساس ده واكترمن مجرد احساس .....

تم تعديل 30 يونيو 2011 بواسطة امير مجروح

[لماضة مصرية جدا]

او نفضل نناهد فيهم لحد لما نعمل انتخابات رئاسيه ونجيب رئيس منتخب من قبل الشعب ويستمد

شرعيته من الشعب لا من امريكا ولا من اسرائيل ولا من الجيش كمان

وينفذ بقى اليى الشعب عاوزه ونعيد محاكمة العصابه من تانى

تحياتى

عنبو

السلام عليكم و رحمة الله و بركاته

مع حضراتكم في الاحساس ده جدا

عنبو قال احنا بنناهد لغاية ما نوصل للي الشعب عايزه

بس انا حاسة ان بقي فيه سيناريو "انهاك" غير عادي بنطلع من حاجة نخش في حاجة و في كل مرة بنستنزف صحتنا و عقلنا و قناعات كنا فاكرين انها واضحة وضوح الشمس و الاهم من ده كله ان فيه ناس بتموت ناس بتموت

المقصود ان احنا نوصل لمرحلة الانهاك الشديد...و لما يتحط قدامنا اي خيار نكون خلاص سلمنا و جبنا زيت فنقبل بيه و السلام و ساعتها هيتقال لينا عشان بسكلتة الانتاج و عجلة التنمية و حاجات كتير مش بفهمها!!!!

حاسة زي ما يكون كل واحد حاطط صباعه تحت ضرس التاني و بنشوف مين هيقول آي الأول

[لماضة مصرية جدا]

فعلا انا عندى الاحساس ده واكتر .....

حمد لله علي السلامة استاذ امير

بالنسبة للنقط...(انا قريتها قبل ما تعدلها معلشي و ازددت فضولا اني اعرفها....اكتب بالحبر السري....او بالمستغطي...اوي اي حاجة عايزين نفهم...هو فيه ايه بالظبط)

[عنبو]

او نفضل نناهد فيهم لحد لما نعمل انتخابات رئاسيه ونجيب رئيس منتخب من قبل الشعب ويستمد

شرعيته من الشعب لا من امريكا ولا من اسرائيل ولا من الجيش كمان

وينفذ بقى اليى الشعب عاوزه ونعيد محاكمة العصابه من تانى

تحياتى

عنبو

السلام عليكم و رحمة الله و بركاته

مع حضراتكم في الاحساس ده جدا

عنبو قال احنا بنناهد لغاية ما نوصل للي الشعب عايزه

بس انا حاسة ان بقي فيه سيناريو "انهاك" غير عادي بنطلع من حاجة نخش في حاجة و في كل مرة بنستنزف صحتنا و عقلنا و قناعات كنا فاكرين انها واضحة وضوح الشمس و الاهم من ده كله ان فيه ناس بتموت ناس بتموت

المقصود ان احنا نوصل لمرحلة الانهاك الشديد...و لما يتحط قدامنا اي خيار نكون خلاص سلمنا و جبنا زيت فنقبل بيه و السلام و ساعتها هيتقال لينا عشان بسكلتة الانتاج و عجلة التنمية و حاجات كتير مش بفهمها!!!!

حاسة زي ما يكون كل واحد حاطط صباعه تحت ضرس التاني و بنشوف مين هيقول آي الأول

انتخابات الرئاسه القادمه بعد سنه تقريبا من دلوقتى يعنى معتقدش اننا هنوصل لمرحلة اليى

هيتحط قدامنا هنرضى به لان الناس هتستموت انها تنتخب اليى هى عاوزاه وده المفروض اليى

يتم الاعداد له الان

تحياتى

عنبو

[لماضة مصرية جدا]

انتخابات الرئاسه القادمه بعد سنه تقريبا من دلوقتى يعنى معتقدش اننا هنوصل لمرحلة اليى

هيتحط قدامنا هنرضى به لان الناس هتستموت انها تنتخب اليى هى

عاوزاه وده المفروض اليى

يتم الاعداد له الان

تحياتى

عنبو

كل فريق دلوقتي "بيستموت" انه مش يكسب بس الفريق اللي قصاده لا ده ازاي يسحله و يمحيه تماما

بس برضه حاسة فيه عين تالتة واقفة تتفرج علي الطحن ده كله

و في الاخر هتحط اختيار و لا كان علي البال

يمكن انا غلط

و يا رب اطلع غلط و تطلع بس مجرد "عجن" داخلي علشان انتخابات الرياسة الجاية

[MZohairy]

يا دي الخيبه ...ده انا ماطلعتش لوحدي اللي حاسس كده....المصيبه ان مفيش حد لغاية دلوقتي دخل الموضوع و قال انه حاسس عكس كده

اصعب حاجه انك تبقى في غرفه مظلمه

ممكن جدا يكون مفيش في الأوضه غيرك

و ممكن جدا يكون حواليك تعابين و عقارب سامه و متجهين اليك

على الأقل في النور الواحد يشوف التعبان جاي .... يا يقتله يا يتشاهد على روحه

و بعدين طيب؟؟؟؟؟؟

[امير مجروح]

فعلا انا عندى الاحساس ده واكتر .....

حمد لله علي السلامة استاذ امير

بالنسبة للنقط...(انا قريتها قبل ما تعدلها معلشي و ازددت فضولا اني اعرفها....اكتب بالحبر السري....او بالمستغطي...اوي اي حاجة عايزين نفهم...هو فيه ايه بالظبط)

الله يسلمك استاذة لماضة

فى حاجات مقدرش نهائيا اقولها بس فى حاجة صغنونة هقولها لانها مفهاش حاجة خالص وتعتبر عادى انتو عارفين جهاز امن الدول لسه القوات المسلحة وخاصة التجنيد بتتعامل فى التلقيم الامنى على اساسه كما كان فى عصر المخلوع .

[alkhdr]

سلام الله عليكم يا صديقى

انا كمان عندي نفس الاحساس

لدرجة انى ليا تحليل بسيط جدا للى بيحصل وحصل فى مصر بس اتمنى انه يكون مش مظبوط

اما قامت المظاهرات ( خلينا نقول مظاهرات مش ثورة ) الناس اللى عملوها مش كانو متخيلين انها هتبقى ثورة ولا النظام كمان ولا العالم اللى يهمه ان مصر تفضل دولة مستقرة ( طبعا فاهمين مين من العالم ) ما علينا

اما الموضوع اتطور بسرعة والناس سخنت اكتر اللى انا متخيله بقى انه حصل

1- العالم ضغط على النظام عشان يمشي فى المقابل انه هيضمن لي واللى معاه الامان

2- قبل مايمشى حسنى نزل الجيش ( جيش حسنى مبارك ) اوعى حد يقول انه جيش مصر ( طنطاوى تلميذ حسنى النجيب ) واللى فى الجيش يعرف كده ( انا اعرف ناس دخله الجيش ب 100 الف جنيه بس يا بلاش )

3- اللعبة انى الناس تهتدي وتعمل اللى عايزاه وفى نفس الوقت يعمله اللى عايزينه

4- المهم فضل الوضع زى ماهو والدنيا ماشية لحد دلوقتى وكان النظام موجود بس الناس هادية والمظاهرات عادية

اللى بيأكد احساسى بقى اللى بشوفه

فين الناس المسجونة فى طره تقدر تقولى ليه مش بنشوفهم فى المحاكمة

اضحك علينا بشوية صور لناس بترننج ابيض وكلام عن القصاص والانتقام

ولحد دلوقتى مفيش حاجة حد شاف حسنى بعد التنحى حد شاف نظيف فى القفص حد شاف علاء وجمال فى التحقيقات حد شاف العادلي وهو بيرد على اسئلة النيابة

وعشان كده بقول انها تمثلية الناس هتطلع او طلعت اصلا ومش موجودة ولسه اعوانهم موجودين فى كل حتة حوالينا

والفساد موجود

اللى اعرفه ان ثورة يعنى حاجة اسمها احلال انه شباب الثورة ( اللى سموهم الناس ) يعمله تنظيم كبير يضم الناس النضيفة من كل قطاع وفى كل مصر بما فيهم الشرطة والجيش عشان هما دول اللى بيملكه المعدات والادوات اللى احنا عايزنها ويتم عمل احلال كامل لكل المؤسسات فى مصر وفى وقت واحد واهم طبعا التليفزيون عشان نعرف نكلم الشعب

ويتم القبض على كل العناصر اللى موجود والقيادات والمشكوك فيها انها فاسدة اللى ان يثبت العكس انما مش نسيب الفاسد بره اللى ان يثبت جريمته وماهو عارف انه هيتمسك ده لو حصل يعنى وعشان كده ظبط اموره وظبط ورقه وظبط فلوسه واما يتمسك بقى يحلها ربنا

ده تحليلى الشخصى

وياريت محدش يهاجمنى انما يرد على اد الكلام

احنا لازم نصدق اننا فى تمثلية كبيرة اوى اوى اوى عملها النظام الغائب الحاضر وبيتفرجو علينا من بعيد

واللى عايز يفكر ويصدق كلامى هو حر ويدور على على الناس اللى فى السجن والاحكام اللى على الناس الغلابة ( البطجية ) والاحكام على الناس الهربانة ( بطرس ) والاحكام على الناس التعبانة ( امين الشرطة )

وهما اعدين بيتفرجو

اللى عنده دليل يثبت عكس كده يبعته يا ريت

على فكرة كان عندى كلام اكتر من كده بكتير

بس مش عارف اقوله

[م تيمور المراغي]

احنا بنتقرطس حضرتك ,,

وللاسف ده بموافقة ودعم عدد كبير من افراد الشعب المصري ,,

بدعوى كفايه كده زهقنا والراجل كبير حرام تبهدلوه و بسكلتة الانتاج وكدهوت ,,

[MZohairy]

فيه جمله كتبها سي السيد جننتني

مدير امن البحيره اللي شتم المصريين و متهم بقتل المتظاهرين و تحت المحاكمه حاليا

اترقى!!!!!!!!!!!!!!!!

و الضابط وائل الكومي الشهير بسفاح اسكندريه حرا طليقا

حد يفهمني لو كان فاهم ايه معناه ده؟

[mezo]

نفس الاحساس بالقرطسة الى بتتعمل علينا والواحد فعلا فقد الامل وخصوصا ان دلوقتى وصف بلطجى بقى يتقال على اى حد والناس مش هتنزل بالقوة الى حصلت فى يناير واللعبة اتلعبت صح وتم بالفعل احداث الانقسام بين اطياف الشعب ده علمانى وده اخوانى وده نصرانى وده بلطجى وربنا يستر على الى جاى

[م تيمور المراغي]

فيه جمله كتبها سي السيد جننتني

مدير امن البحيره اللي شتم المصريين و متهم بقتل المتظاهرين و تحت المحاكمه حاليا

اترقى!!!!!!!!!!!!!!!!

و الضابط وائل الكومي الشهير بسفاح اسكندريه حرا طليقا

حد يفهمني لو كان فاهم ايه معناه ده؟

[الغريب]

الكل خايف

وده حاجة مبشرة

لأنها بتخلي الكل متيقظ وصاحي ومصحصح

إن شاء الله السلطة تنتقل بشكل سلمي إلى مدنيين ويحلها الحلال في أقرب وقت

لو محصلش الكلام ده الشعب مش هيسكت والمجلس العسكري فاهم كدة كويس

المشكلة الكبيرة من وجهة نظري فيمن يريد النفخ في دور المجلس العسكري فيما بعد التحول ليجعله حامي الديمقراطية كما في تركيا

في هذه الحالة فقط أقول أننا لابد أن لا نطرد الخوف عنا

ولكن الآن لابد من التعجيل للتحول إلى سلطة مدنية وعودة الجيش مشكورا لثكناته

تحياتي...

[ابراهيم عبد العزيز]

او نفضل نناهد فيهم لحد لما نعمل انتخابات رئاسيه ونجيب رئيس منتخب من قبل الشعب ويستمد

شرعيته من الشعب لا من امريكا ولا من اسرائيل ولا من الجيش كمان

وينفذ بقى اليى الشعب عاوزه ونعيد محاكمة العصابه من تانى

تحياتى

عنبو

السلام عليكم و رحمة الله و بركاته

مع حضراتكم في الاحساس ده جدا

عنبو قال احنا بنناهد لغاية ما نوصل للي الشعب عايزه

بس انا حاسة ان بقي فيه سيناريو "انهاك" غير عادي بنطلع من حاجة نخش في حاجة و في كل مرة بنستنزف صحتنا و عقلنا و قناعات كنا فاكرين انها واضحة وضوح الشمس و الاهم من ده كله ان فيه ناس بتموت ناس بتموت

المقصود ان احنا نوصل لمرحلة الانهاك الشديد...و لما يتحط قدامنا اي خيار نكون خلاص سلمنا و جبنا زيت فنقبل بيه و السلام و ساعتها هيتقال لينا عشان بسكلتة الانتاج و عجلة التنمية و حاجات كتير مش بفهمها!!!!

حاسة زي ما يكون كل واحد حاطط صباعه تحت ضرس التاني و بنشوف مين هيقول آي الأول

أرى كلامك قريب جدا للصحة يا اخت لماضة

وأقولها وانا فى غاية الأسف

ولكن بالفعل الموضوع فيه استنزاف وانهاك كما قلتى انتى

حتى يرضى الشعب الطيب باى بديل يتم طرحه طمعا فى الهدوء والاستقرار

لذلك ألوم بقوة على الاخوة الذين يهاجمون أى افراد من الشعب يخرجون للتظاهر السلمي ويقومون باتهامهم بالبلطجة والاجرام وانهم مدسوسين وانهم من ذوى الاجندات الخارجية وووووووو الخ قائمة الاتهامات المعروفة

لا ادرى لما القاء اللوم عليهم كما لو أن الامور تسير طبقا لاهداف الثورة تماما وهؤلاء يخرجون لمجرد التظاهر فقط !! والكثير يعلم أن هناك أمور تحدث لا يمكن الرضى عنها

[capitshino]

بالنسبة لى مابقاش احساس انما حقيقة واخرها من شوية

تاجيل محاكمة قتلة خالد سعيد للمرة التاسعة مش ليوليو ولا اغسطس

انما لجلسة 24 سبتمبر !!!!!!!!!!!!!!!

[capitshino]

احنا الكل حاسين بكده اننا بينضحك علينا ولكن زى ما قولت فى التوبيك اليى قبل كده

اننا ما بين نارين اما ان نقوم على المجلس العسكرى ونسقطه وده ممكن يؤدى الى انقسام المؤسسه

العسكريه وده طبعا هيؤدى الى ضياع البلد بلا رجعه

او نفضل نناهد فيهم لحد لما نعمل انتخابات رئاسيه ونجيب رئيس منتخب من قبل الشعب ويستمد

طيب ولو اتأجلت الانتخابات علشان الاكشن اللى فى اخر الفيلم

ايه اللى ممكن يحصل ؟

[الدكتورة أم أحمد]

لا اخفيكم سرا

عندي احساس جامد بإننا كشعب مصري بيتضحك او بيتنصب علينا (اتمنى من كل قلبي ان يخيب ظني)

التعامل المريب مع المجرمين السابقين و التأجيل المتواصل للمحاكمات و اختفاء الأخبار الخاصه ببعضهم لفترات طويله و اطلاق خبرين كده احيانا ذرا للرماد او طمعا في اجهاض مظاهره محتمله و وجود ظباط كبار من اللي بيتحقق معاهم في مراكزهم في الداخليه بل و ترقية بعضهم مش مخليني ابدا اكون حسن النيه

اعيش حلما مزعجا اتمنى ان ينتهي بالاستيقاظ على حقيقه واضحه و مختلفه

اللي حاسس زيي يقولي و اللي عكس كده يطمني بأسباب مقنعه

شكرا

يختلف أحساسي عن إحساس حضرتك

ولي سؤال كم استغرقت محاكمة الرئيس صدام حسين

والإرهابي بتاع صربيا (لا أتذكر اسمه)

ومعتقلي جوانتانامو( مكثوا هناك لا أتذكر ربما قرابة العشرين عام وأكثرهم خرجوا بدون تهم)

تم تعديل 30 يونيو 2011 بواسطة الدكتورة أم أحمد