أسماء غير مألوفة !!!

[النسر المصري]

أسماء سيدات

متشلفقة عطية

متدهوله عبدالعال

غرغرينا عبدالحميد

ملطهلطه احمدين

مفتأه بالبطيخ..أأأقصدي مفتأه بالرمان....ييييه مفتأه سليمان

اسماء رجال

رعط جسنين

جلفناولي رمه

جعيلص العفناوي

شانفوخ ابو مراخير (حته كده من حكايت جدي النسر الكبير)

خندبواي ابو الحيوان

فاصل اعلاني...ابقوا معنا

[سمـ مصر ــا]

الاسماء الجديدة عندى أنا :blink:

اسماء رجالية

ابو شفتورة الدبش

فدغوش فوزى

منحوس فانوس

خنيفس سيد

خرنوب الأرناوطى

الاناث

عنجورة التورة

حصينة حسنى

عمشة الفقى

[القرموطى]

السلام عليكم ورحمه الله الساده الاعضاء طالما دخلتوا فى الموضوع ده اسمحولى ادلى بجردلى ....اسف دلوى عشان انا فى اسم بصراحه من زمان تعبنى ونفسى اقوله

الاسم ده بتاع دكتور فى الاسكندريه ...محطه قطار سيدى بشر على ايدك الشمال

الدكتور المحترم ...ابن الاصول ....الى قعد 6 سنين فى الكليه عشان يبقى دكتور

اسمه

جورج فلى سليمان

وطبعا كل الاخوه عرفين ايه معنى الفعل ....فلى وهو التصريف الماضى من يفلى اى ينتقى الحشرات من راس شخص ما طب واحنا مالنا ما جورج يفلى سليمان ولا حتى يحميه احنا ذنبنا ايه

وفى اخ عراقى شقيق امه

طبوك مرصص

والطابوك هو الطوب المستخدم فى البناء بلغه الخليج

يعنى الاخ معنى اسمه طوب مترصص

وطبعا بما اننا فينا كتير عيشين فى الغربه طبعا فى اسماء زى العسل وكلها لناس اكابر ومحترمين

خد عندك

قماشه

بطى

المزيونه

كنفش

كمبر

دندن

خورى

ودى كلها امساء عئلات كبيره جدا فى دول الخليج

طيب وفى مصر فى عندك عائلات

الجمل ..........الغربيه

الجحش

الحيوان

الديب .......الغربيه

زهره ...........

نحله .........الغربيه

كراكيرى ...الاسكندريه

العبدولى ........سوهاج

كريكا ...........اسوان

طنبش ...........

العريان .........

غباشى

ابو عفصه

ولو اتكلمنا عن اسماء الشهره لناس كتير خد عندك

محمد الاحمر ...........اكبر صايع فى ابو سليمان (اسكندريه )

الكنى حباشه ............(اخو محمد الاحمر الصغير )

على صفيحه

...........

المجرى

السريع

كرنكه

دول تلاته اخوت برده عيشين على البلطجه فى اسكندريه

بلبل جنجه ده بلطجى جه مره مع مفيد فوزى

محمد القرد

سعيد شمبز

وخد عندك وطول ما الفرح شغال الموضوع مش هيخلص يا عم

السلاما عليكم

دول

[yacho]

دى اسماء لبنات كانوا معايا ف المدرسه والكليه

تانية اعدادى \ البيضه سعد :blink:

اولى كليه كنت ف الزقازيق سنتين \ افرازات السيد :blink:

كليه اداب اسكندريه \ لوازم على

[alnoobi]

هى اسكندريه ليها نصيب الأسد فى الأسامى الغريبه ولا أخوانا الاسكندرانيه أنشط فى المشاركه فى الموضوع ؟

من الأسامى اللى عدّت علىّ ...

اسماعيل ولعه ... سمكرى سيارات فى المعادى و دماغه على قده (عاملها على ايده) و على طريقة مختل بنى مزار كانوا حيشيلوه قضيه مشهوره فى التسعينات و ما نفعش !!

فى مدرسة المعادى الثانويه العسكريه كان فيه رائد اسمه محمود و كان راجل طيب جدا و كان دايما يحط طبنجته فى جراب على جنب و لتحت كده , و يمشى و ايديه فى وضع استعداد لسحب الطبنجه فى أى وقت زى أفلام رعاة البقر .. الراجل ده كان مشهور بين الطلبه باءسم .... الرائد رنجو .

و كان معاه نقيب دمه تقيل كان اسمه ... محمد غلاسه !

و حنروح بعيد ليه ؟ ... قيه ناس حوالينا .... هنا فى المحاورات و فى المنتديات المجاوره , مختارين أسامى زى العسل :

عكننه هانم .. بنت شعنونه .. شحاته المعسل .. العنتيل الدامد أوى .. زعلان .. طفشان ...

[shahd]

شهد:

نخش على عالم الحيوان الكبش

البقرة

جحيش

الثور

باتيس

فكرتوني: اسم الكبش ده كان عامل عندنا قلق في الكلية :blink:

مرة كان في طالب ( اسمه محمد الكبش) بيمتحن فوق فالدكتور جاي بيقول لواحدة من الأدارة

خليني اروح اشوف الكبش الي بيمتحن ده

البنيه تنحت في وش الدكتور :wub:

وفضلت تقول بينها وبين نفسها ...........

خروف ايه الي قاعد في اللجنة ده وسط الطلاب :blink:

تحياتي تيتا شـــــــهد

تم تعديل 13 يوليو 2006 بواسطة شهد

[hopsan]

السلام عليكم

عزيزى كاتماندو ...انت كده تبقى اسكندرانى اصيل..امال ايه بس كاتماندو

دى انا افتكرتك جاى من نيبال يارجل..

على فكره ياكاتماندو ...احمد سانجام كنت باشوفه زمان راكب بسكليته ومعاه

مسجل (ريكوردر) وسانده على كتفه بايده الشمال

وبيسوق العجله بايده اليمين وساعات كان بيطوحها مع الانغام مع تحكمه التام فى السواقه

لكن ولله كان بيغنى ولا الهنود صوت وانغام ولحن وكاْنه هندى فعلا..مش عارف اذا

كان بيغنى هندى فعلاولا كلام موزون مماثل للهندى

وكان ساعات السياح فى محطه الرمل ينظرون اليه مبهورين..

ياترى لسه موجود وبيغنى؟

Falcon Egypt

كلامك مظبوط و انا كثير كنت اشوفه

بس دلوقتى الدنيا تلاهى و تلاقيه راكب شبح و لسه بيغنى بس جوه العربيه

اشهر طبيب نفسى بلأسكندريه اسمه ......محمد عقده

محاميه فى بحرى و مشهوره بلإسم اسمها براءه الكيلانى

[otaka]

محمد سلعوه لاعب باسكت

طارق عصفوره لاعب كوره

احمد رزه لاعب كوره

حسين دبوس سمكرى

جواد الملط كاتب

سقاو نخنوخ محاسب

حسن جمهوريه رجل اعمال

عماد الحبسجى لاعب كوره

احمد كوكتيل ظابط شرطه

[mohameddessouki]

البنات :

ست ابوها/ وردة/ فلة/ زهرة (بفتح الزاى )/ زهرة (بضم الزاى )/ نرجس / مسك فاح / كيداهم / اكيدة / ماشالله / ست ابوها / حفيظة / مستورة / شريفة / فرنسا/ تركية/ جمهورية/ جلاء/ حرية /اسكندرية/ وحيدة / توحيدة /عرجا /ام السيد ( اسم طفلة )/ رابعة /مزروعة / حسنات / حمدية / شكرية/ نفوسة / نعومة / رحمة / حميدة /روحية / روز / جورجيت / فطومة /فاتيما/ عمشة / عنبة/ لوزة/ وزة / بطة /

الرجال :

الحرفيون : بلية / سكانيا / مرسيدس / دودج / دقدق/

رياضة : لوفة / توتو/ زنجيرى / السقا / الفناجيلى / الكنفانى / الضظوى / ابوحباجة /بسطان / السكران/ شيتوس / حمدتو / وردة / سلعوة / شتا / الديبة /كاطو/ زين / حمدين / الدو /الفار/ تاج / مرشدى /سوكة / الجندى/ عماشة

اخرى : نكلة / مليم/ قرش / كرشو/ الاشول / الاشوح / الايمن / الاعرج / الاعور / العبد / الحيوان / القط / الفار/ الجحش/ الركيب / الكلبى / الحنش / الحمش / ابو عميرة / السبع / الجمل / الديب / الثعلب /الحشاش / ابو حشيش / نخلة / بلحة / الشمام / كوسة / عنتابلى / الحمار / الجزار / الحداد / الخياط / الدهان / السمان / الجربان / الناتوت / العمدة / الباشا / الشيخ / الفقى / اللاتربى / التربى / / الحصان (بفتح الحاء ) / حندوسة / البنى ( بكسر الباء )/ عسران / ابو عميرة / ابو دومة / ابو الروس/ حتة / حتاتة / كلبوظة / حرك / كتاتنى / القطان / الحريرى / العقاد / الكلاف / البواب/ الفحام /الزبال /حارس / السنان / البنان / عطيفى / حلوجى / العسكرى / شرش / فانوس / نور/عريان / مطر/ غطاس / بيطار ( حمار )/

تم تعديل 13 يوليو 2006 بواسطة mohameddessouki

[عليـ***ـاء]

ايه ده ؟ الاسماء اللي مكتوبة في المشاركات مش عارفة اققراها ؟ امال لو صاحب الاسم قدامي وحبيت اندهله هاعمل ايه ؟

هو في اسماء مطلعينها علي زمايلنا في الدفعه

زي

بكابوزا

سبلو

حبيب الجماهير

جريمة

دا اللي فاكراه

[القرموطى]

السلام عليكم ورحمه الله وبركاته

طالما الموضوع تم تحويره الى شخصيات خالده الذكر فى الاسكندريه الحبيبه يبقى اكيد لازم نتكلم عن الناس الحلوه دى

الشخصيه الاولى

زوبه ..................شابه مصريه عمرها حوالى 61 سنه وكانت تركب قطار ابو قير ومعاها كاسيت قديم وصجات والسيجاره فى بوقها وتفضل ترقص وكانت لما تتسول كانت عندها مينى مام تشارج مش اقل من ربع جنيه وفاكر مره واحد اداها 10 قروش ايام العز واكنت وقتها ليها قيمه كانت تجيب كوكاكولا مثلا المهم اتعصبت وصرخت فيه وقالت انته فاكرنى شحاته جهله دا انا شحاته معايا الابتدائيه اتفضل هات ربع جنيه

صبور ...........اطول مصرى شوفته فى حياتى وبرده كان من هواه ركوب قطار ابو قير كنت اسمع انه كان انسان محترم جدا ولكن نتيجه موضوع فيه خيانه وكلام من ده مخه لدع وكان بيلف فى القطر ويقول كلام فى السياسه من العيار التقيل جدا ومش عارف كان بيجيب الكلام ده من فين وكان كلامه بجد سياسى قوى جدا مليات بتحليلات فى منتهى العقل

جمال الدولى ...............عليه رحمه الله ان كان مات

واكيد الكل عارفه والى مش عارفه اكيد سمع عنه وهو صاحب اهم الشعارات القوميه القويه مثل

متر الوطن بكام

انا بحب ماما وبابا وليلى علوى(مكنش فى ايامها نانسى وهيفا ) والريس

انتخبوا جمال الدولى فى انتخابات الرئأسه رمز الحمار

وهو من كتب على حيطان اسكندريه كلها باللون الاخضر لانه كان من مجانين نادى الاتحاد

وكان بيطبع ملصقات فيها صورته وكان بيحطها على الحيطان وعلى فكره اخد جائزه احسن صوره غلاف فى مجله فرنسيه عرفين ليه

الباشا كان فى متش سله للاتحاد ومن حبه للفريق بتاعه حب يشجعه فخلع كل هدومه ونزل جرى فى الملعب فواحد من بتوع الامن راح مغطيه بعلم وسحبوه جوه وهاتك يا ضرب لحد ما علموه الادب وكان فى مصور فرنس موجود صوره وحطها على الغلاف وكتب بعدها جمال الدولى على الحوائط انا ولا فخر اول مشجع ينزل الملاعب عريان حبا فى فريقه

واسمع انه مات مقتول لاسباب سياسيه وطبعا العاقبه على الراوى

الانتيخ .............مجنون النادى الاهلى الى حب ان يقلد جمال الدولى بس معرفش واكن بيكتب على الحيطان باللون الاحمر بس معرفش يكمل المسيره بتاعته زى جمال الدولى

وليد الجنيرال ..........اشهر بياع سريح فيكى يا قطر ابو قير وكان له شعبيه غريبه بين الناس والبياعين وكان شاب عادى جدا بس كان له اساليب غريبه فى البيع وكان اسمه على كل حيطان قطر ابو قير من اوله لاخره

[الرافعي]

ممكن أضيف أمثلة من بعض الأسماء الغير متداولة والتي تعرضت إما لقرائتها أو إما لسماعها من بشر عجيب

هشام بانّا

مش فاهم هم سموه كده ليه ؟؟

أنح علي أنح

(توجد قهوة بلدي في بحري - اسكندرية هذا اسم صاحبها)

السيد ضبو

(ميكانيكي) واضح طبعاً لماذا أعطي هذا الأسم

محمه كنبر

( أصلأ اسمه محمد لكن لأنه يعمل كعامل كاتوتش سيارات ودائماً نفسه مقطوع يعني منفس.... أي حد يسأله اسمك ايه يقول محمه (وليس محمد) أما كنبر فهو لقب أعطي له ونال به شهرة كبيرة لكونه أحدب ومحله في سيدي بشر أمام مدخل فندق رامادا)

حمادة زقلط

(لعيب كرة شراب ماحصلش ..... قصير مكير حجمه صغير لكن كا يضمن المكسب لأي فريق يلعب معاه فكانت الفرق تتنافس على ضمه إليها... حالياً هاجر امريكا ولم يعد)

حودة دنجل

(صاحب مطعم شعبي في الازاريطة - في السوق)

علي بانيكا

(البانيكا هي الفاترينة الصغيرة المتنقلة - والواد علي كان طالب في كلية الحقوق وفي نفس الوقت تاجر ممكن يبيع اي شيء لهذا سموه بانيكا ايب أنه لديه كل شيئ)

السيد زبالة

(مش زبال- استاذ جامعي والله والاسم ده كان الطلبة مطلعينه عليه من كتر ماهو مهمل في كل شيء)

حسين سلاطة

(شخصية طيبة - موظف بسيط كل هوايته قزقزة اللب كل ما يروّح من الشغل يقف في الشباك حاكم هو ساكن دور أرضي ويصطاد أب عيل من عيال الحته ويطلب منه يجيب له بجنيه سلاطة (لب وسوداني ولب أبيض....) فسموه حسين سلاطة

ولسه ...كمان شوية أفتكر واقول لكم

أخي العزيز كاتماندو .. أخي العزيز هوبسان .. أخي العزيز القرموطي

أظن إن الشعب السكندري هو أفضل وأقوى من أطلق أسماء شهرة في بر مصر ، بصراحة متفوق ... أكثر ما أعجبني إن الأسماء اللي كتبتوها كلها واقعية يعني موجودة فعلاً في الشارع السكندري

بس الحقيقة أنا تأملت كتير في ظاهر الأستاذ حسين سلاطة ده ؟؟ يعني كل متعته في الحياة بعد ما يرجع من (المصلحة) إنه يقف في الشباك يقزقز لب ؟؟؟

الحكاية دي كانت موجودة نوعاً ما في العقود الماضية، يمكن شوفتها في السبيعنيات والثمانينيات شوية .. لكن دلوقتي برضه ... غريبة

دماغ والله الأستاذ حسين سلاطة ده :D

ياشو ...

لوازم علي وإفرازات السيد دول بقى مش ممكن ... خصوصاً إفرازات ..هو انتي كنتي في كلية طب ؟؟

أما إسماعيل ولعة بتاع عمنا النوبي

((اسماعيل ولعه ... سمكرى سيارات فى المعادى و دماغه على قده (عاملها على ايده) و على طريقة مختل بنى مزار كانوا حيشيلوه قضيه مشهوره فى التسعينات و ما نفعش !!))

أزمة بصراحة

تم تعديل 15 يوليو 2006 بواسطة الرافعي

[المدهش]

أقترح تغيير اسمك من حشيش إلى محشش

واهو محشش احسن من حد

[mohameddessouki]

حمؤاه ، حكشة ، عماشة، ام الهنا ،شحتة ، شحات، شيحة ، لهيطة ، التتش ، عزوز، بسة، بزان،الطويل ، الصغير ، الشريعى ،

تم تعديل 15 يوليو 2006 بواسطة mohameddessouki

[اسود وتعالب وارنب]

زعلتوني بقي جمال الدولي مات اخر ما وصل لي من اخباره انه دخل مستشفي المعمورة بس اجمل شخصيات الاسكندرية الصراحه كان بيكتب اللي هو عاوزه علي الحيطان علي فكرة الست بتاعت ابوقير دي كانت صاحبة مال زي ماوصلي قبل كده وكانت عندها بيت وعمارة بس زي ما تقول واحد لهف منها كل اللي عندها وطردها من البيت وبقيت في الشارع ودي حالها بعد فقدها كل اموالها

سيد شفتوره

ده اشهر اسم لواحد من اللي بيعكسوا البنات في اتوبيس سيدي بشر المنتزه وكان متخصص في معاكسه بنات الاعدادي فقط اول من نقول ابو شفتوره ركب كل البنات ينزلو علي طول

مؤسسه

كان اسم شهير لواحده من بائعات الخضار والفواكهه بس كانت ايه سيده اعمال مش بياعة محدش يقدر يكلمها بس عشان تعرفو ان اسكندرية مش اي حاجة ولما افتكر البقية تاتي

[القرموطى]

السلام عليكم ورحمه الله وبركاته

ايه الاخبار يا جماعه هى الاسماء الغريبه خلصت خلاص عم حشيش على فكره سمعت انك غيت جدا الايام دى مش عارف ليه كده

وليك فتره يعنى ولا حس ولا خبر ولا حتى صاروخ صغير ....شد حيلك وعوزين منك كميه كبيره خلى الكلام يحلو......

[شاب_نوبى]

أيمن زربيحة (بلطجى )

مسعد عزرائيل(بردة بلطجى)

احمد خربوش(واد حرك ومخلص)

احمد اكاكا(بلطجى)

تامر كلبة(بلطجى)

نونيش(بلطجى)

[الاسكندرنى]

السلام عليكم

يا جماعه حيث انه اسكندريه بلد الشهرة احب اجمع لكم كام اسم كده بعد طبعا عمدة اسكندريه جمال الدولى

اسماء عائلات الجحش الحرامى الحمار السباك

اسماء بالطجيه فى اسكندريه محمد الاحمر ^ احمد ميرو ( مش انا والله )^ سعيد صفاره ^ الجنش العربى ^ ابرهيم بطيخ ^بيسو السفاح سمكرى و بلطجى بعد الطهر^ علاء منطقه ^ بوشه ^

اسماء رجالى

مرسال* كانشى (كمال بعد الشهرة) * روكبه( مش عارف ) * ثروطه (ثروت لما كبر )*بلاطه ( بتاع سراميك ) * فوز ( فوزى برده لما كبر) * سالمونتى

* قشوع * ميمى باروكه * استشين ( هما اتنين واحد فى الموقف الجديد بتاع بيجو و التانى بتاع محل بلاى استيشن 2 )

كافيه كده

اسماء حريمى

سونه * رانيا بانجو و ساعات منخر بس كده بكره اكمل

[القرموطى]

عم اسكندرانى هو انته بقه الى حال بينى وبين الاسم ده عشان كده السيستم قال ان فى عضو تانى حاجز الاسم ده بس ولا يمهك يا عم

المهم احنا كده تمام والواحد حاسس انه فى اسكندريه وانه عمال يتفرج عليها من بعيد

المهم طبعا بما اننا اتجهنا من غير ما نحس الى اسماء البيطجيه والاسماء الغربيه

اكيد مش هينفع ننسا السيد احمد ابو سنا اكبر هجام فى المندره

السيد خميس زماره وده قاتل لحد النهارده 4 وفاكر فى مره شوفته بيتعارك (وهو تقريبا طوله حوالى 155 سم ووزنه 50 كيلو)بيقل ايه تحبوا نجيب الخامس

ومش هننسى الغاليه عايده بتاعت الورديان ودى تقريبا كده ى الشخصيه الى كانت بتلعبها عبله كامل فى خلتى فرنسا

دى واحد بلطجيه يتم استخدامها فى الانتخابات واوقات بقوم بأعمال تطوعيه اجباريه للشرطه زى الاعتداء على الاسلاميات فى الانتخابات

تراقب المساجد وتجمعات الدروس الاسلاميه

وهى متعدده الانشطه من اول السرقه لحد الاتجار بالمخدرات

وعلى فكره محمد الاحمر وعلى صفيحه والاسماء الى احمد ادم بيذكرها فى الافلام دى شخصيات فعلا موجوده هنا فى اسكندريه لناس اشتهروا بالبلطجه

ويجعله عامر

[الرافعي]

السلام عليكم

يا جماعه حيث انه اسكندريه بلد الشهرة احب اجمع لكم كام اسم كده بعد طبعا عمدة اسكندريه جمال الدولى

اسماء عائلات الجحش الحرامى الحمار السباك

اسماء بالطجيه فى اسكندريه محمد الاحمر ^ احمد ميرو ( مش انا والله )^ سعيد صفاره ^ الجنش العربى ^ ابرهيم بطيخ ^بيسو السفاح سمكرى و بلطجى بعد الطهر^ علاء منطقه ^ بوشه ^

اسماء رجالى

مرسال* كانشى (كمال بعد الشهرة) * روكبه( مش عارف ) * ثروطه (ثروت لما كبر )*بلاطه ( بتاع سراميك ) * فوز ( فوزى برده لما كبر) * سالمونتى

* قشوع * ميمى باروكه * استشين ( هما اتنين واحد فى الموقف الجديد بتاع بيجو و التانى بتاع محل بلاى استيشن 2 )

كافيه كده

اسماء حريمى

سونه * رانيا بانجو و ساعات منخر بس كده بكره اكمل

يا عم أمير أنا ضحكت بهيستريا ... زي ما قلت قبل كده ... شعب اسكندرية ياخد المرتبة الأولى في الأسماء الخفيفة والمستعارة في بر مصر كله ...

بس بلطجي بعد الضهر طه .. بيتوب الصبح والا إيه يعني ؟؟؟ :angry2:

رانيا بانجو وساعات منخر .. مش ممكن :blink: