الى الاخوة الكرام القائمين بالدمام والخبر

[الفقير لله]

اولا احب ان اعرفكم بنفسي انا اخوكم احمد عبد المجيد اخصائي جراحة عامة بمستشفى المانع بالدمام وفقني الله سبحانه و تعالى اني احصل على عقد عمل بها ولسة جاي الدمام بقالي تقريبا 12 يوم.

انا تصفحت في هذا المنتدى الرائع و بجد والله لاقيت جميع الاعضاء هنا روحهم حلوة و بيحبوا الخير للجميع ومش بيتأخرو عن انهم يفيدوا حد بجميع الطرق( ربنا يبارك فيكم و يجازيكم كل خير) ففكرت اني استفيد من خبراتكم بعون الرحمن.

انا الان ساكن في المستشفى مؤقتا على ما الاقامة تخلص و بعدين هشوف سكن عائلي و اشتري سيارة انشاء الرحمن.

اللي عاوز اعرفه بعد ازنكم:

عاوز خريطة ل الدمام و الخبر امشي عليها و من خلالها اقدر اعرف اروح للمولات او اماكن التنزه ...الخ يعني اعرف اروح أي مكان انا عاوزه لان مشكلتي اني بتوه كتير يعني مش بعرف احفظ الطرق كويس... من عامين تقريبا كنت في المدينة المنورة وكنت بتوه كتيرررر ...فا لو ماكنشي في ارشادات على الطرق او معايا خريطة امشي عليها علشان اروح لمكان معين بتوه وبقعد الفلف حوالين نفسي واركن السيارة على الطريق و انزل اشوف حد اسأله و غالبا بيكونوا بنجال او هنود و مش بيكونوا عارفين حاجة في الطرق و ساعات بطلع ايدي من شباك السيارة اشاور لعربية تقف و اسألها بس في الغالب مافيش حد بيعبرني و بيمشوا وبكون في نص هدومي وغالبا بروح المشوار في ساعتين مع العلم انه ممكن ياخد ربع ساعة لو انا حافظ الطريق.

انا اسف على الاطالة و شكرا ليكم.

[raouf]

اهلا بيك يا دكتور ونورت الدمام

انا ساكن قريب منك

الدمام والخبر طرقهم سهلة حدا

احسن انك يكون معاك حى بى اس افضل من الخريطة

بس المشكلة ان الدمام والخبر فيهم كمية نحويلات وطرق جديدة بتتعمل تتوه ا حد

كان عمدى حريطة كبيرة حاططها فى مكتبى اول ما نقلت الدمام هاحاول ادور عليها واجهزها ليك

ولو احتجت اى حاجة ابعث لى على الخاص

وعلى فكرة انا شغال فى نفس المجال تقريبا بس انا مهندس

[الفقير لله]

ربنا يخاليك يا باشمهندس رؤف دا نور حضرتك...عفوا انا ما اعرفشي الجي بي اس ده و ما استخدمتهوش من قبل انا بفضل لو في خريطة عند حضرتك يكون افضل..و انا تحت امر حضرتك في اي طلب تحتاجه مني (طبعا بعد الشر عليك و ربنا يعطيك طولة العمر ودوام الصحة وماتحتجشي اي حاجة من الاطباء او المستشفيات)

[raouf]

ربنا يخاليك يا باشمهندس رؤف دا نور حضرتك...عفوا انا ما اعرفشي الجي بي اس ده و ما استخدمتهوش من قبل انا بفضل لو في خريطة عند حضرتك يكون افضل..و انا تحت امر حضرتك في اي طلب تحتاجه مني (طبعا بعد الشر عليك و ربنا يعطيك طولة العمر ودوام الصحة وماتحتجشي اي حاجة من الاطباء او المستشفيات)

الجى بى اس ده يا دكتور اما برنامج بتنزله على موبايلك وهو بيرشدك للطريق ويجدد مكانك بالاقمار الصناعية

يعنى تقوله انا عايز اروح المكان الفلانى هو يوصف ليك الطريق ويقولك اتجه لليمين او اليسار يعنى حاجة محترمة ومش محتاج تعليم يعنى 10 دقايق وتبقى استاذ

وممكن ينزل على معظم موبايلات النوكيا والسامسونج والاى قون وغيرهم

او تشترى له جهاز مخصوص بحيث تستخدمه فى السيارة كمان وثمنه من 500-1000 ريال

ولو اشتريت اى سيارة ايضا بتضيفه ليها فى شاشة من الوكاله

المهم مش هاطول عليك اشترى السيارة بس وانا هادور لك على الخريطة

على فكرة انا شغال فى مستشفى ارامكو يعنى زى حالاتك بس الفرق انى مهندس مش طبيب

[الفقير لله]

ربنا يبارك فيك يا باشمهندو فرصة سعيدة قوي اني تشرفت بمعرفة حضرتك ولو في نصيب اني اروح مستشفى ارامكو اكيد هقابل حضرتك.

[Mohamed Badry]

أخى الفقير الى الله

أخوك كان مقيم بالدمام و واخد سكن عائلى غرفتين و صالة فى حى جوهرة الكورنيش بالقرب من دوار الصدفة و شارع 18

بس انتقلت للعمل بالمدينة و ينتهى ايجار الشقة فى منتصف رمضان ان شاء الله

انا شوفتك كاتب انك هتبحث عن سكن عائلى

للعلم ايجار الشقة 19 ألف فى السنة و العفش للبيع فى حالة ممتازة

لو عندك اهتمام بالموضوع رقمى 0593192282

[الفقير لله]

أخى الفقير الى الله

أخوك كان مقيم بالدمام و واخد سكن عائلى غرفتين و صالة فى حى جوهرة الكورنيش بالقرب من دوار الصدفة و شارع 18

بس انتقلت للعمل بالمدينة و ينتهى ايجار الشقة فى منتصف رمضان ان شاء الله

انا شوفتك كاتب انك هتبحث عن سكن عائلى

للعلم ايجار الشقة 19 ألف فى السنة و العفش للبيع فى حالة ممتازة

لو عندك اهتمام بالموضوع رقمى 0593192282

شكرا لحضرتك يا استاذ محمد البدري و انا ليا الشرف اني اسجل رقم جوالك عندي و بأزن الرحمن هتصل عليك اول لما اقامتي تخلص وربنا يقدم مافيه الخير.