فريدة الشوباشي .... عايزة ايه بالظبط ؟؟

[م تيمور المراغي]

معلش اتاخرت عشان العشا

ياخبر

انا كمان اتلطيت في السكه كده وبقيت ( صاحب هوى )

:happy:

انت لو مركز في كلامي كنت فهمت انا اقصد ايه يا محمد علي وشيل ( الصورة الذهنية ) او الانطباع المسبق عن شخص اللي بيكلمك يمكن يكون ا قرب للدين مما تتصور

المهم

انا كل مداخلاتي هل هي لاباحة السفور !

طبعا لأ

انا اللي بقوله هو عدم سب او ذم او ارهاب من ياتي بمعصية ونترك حسابه على الله خصوصا اننا كلنا بنتكلم في شكل عام لمستقبل لدولة على المحك

لو انت بكره مسكت منصب حساس في الدولة

واتعرض عليك ملف فريدة الشوباشي و فلانه المنقبة من الناس التي ( تقاربها ) في الكفائة والخبره ولا تساويها

وطلب منك ترشيح احداهما لمجلس الشعب مثلا

حتختار مين ؟

من غير ما تقول انا عارف الرد

اللي عاوز اقوله اننا محتاجين دولة يكون تقييم الافراد فيها على اساس كفائتهم واخلاقهم وتفانيهم في خدمة الوطن

مالناش دعوه بقى ده مسلم ولا مسيحي ولا سلفي ولا اخواني ولا ليبرالي كل ده علاقة بينه وبين ربه مانحطهاش في دماغنا ولا نغتابه او نقهره او نذمه او حتى نحرجه في اي تعامل ولا يحس بذرة اختلاف بينه وبين اخوه المصري الاخر

تاني بقول

انا ضد السفور واؤكد ان الحجاب فرض مؤكد في الاسلام ولكن

انا ضد اي ( تمييز ) يواجه بيه اي مصري بسبب دينه او معتقده او شكله الخارجي

كان ممكن من الصبح اقول لكم انها من ( القواعد من النساء ) لكن مارضيتش اقولها عشان اخلي باب المناقشة مفتوح للنهاية

الدين لله

والوطن للجميع ,,

[Alshiekh]

41 مداخلة

وموضوع طويل عريض على فريدة الشوباشي التي تم تكفيرها من بشر وليسوا آلهة ولكنهم أعطوا لنفسهم احتكار الدين والعلوم الدينية وامتلكوا القرآن والسنة ، وبكل ثقة وصفوا فريدة الشوباشي بكل اوصاف الكفر والفسق والفجور.

لما يظن كل منا ان القرآن انزله الله له وحده؟ اعتقد ان القرآن ملكا للناس جميعا ، وكما تعطون انفسكم الحق في فهمه بتشدد ، هناك من الأئمة من يفهمه برفق فلماذا تستكثرون على الشوباشي ان تفهمه بطريقتها وحسابها فى النهاية عند الله وليس عند احدا منكم لانكم لاتملكون لانفسكم شفاعة عند الله.

لماذا حواركم دائما ملئ بالاتهامات وبالتكفير؟ من اعطاكم الحق ان تكونوا اوصياء على الاسلام؟ لماذا لاتوضوحون ماتودون ايصاله للناس بأدب لعل الله يفتح قلوبا مغلقة أغلقها تعنتكم والفاظكم وطرقكم المنفرة؟

وكما انهالت اتهاماتكم على فريدة الشوباشي ، لماذا لم تنظروا للمتحاورات معها

ماذا يعني أن تكون مضيفة قد قضت عشرون عاما من عمرها تلبس التايير القصير والكاب ، وتعلم ان للوظيفة زي معين وظروف عمل معينة ، وفجأة تقرر انها ستلبس الحجاب او الخمار وعلى الشركة تغيير قوانينها؟

واذا كانت المسألة مسألة تدين؛ فكيف تسمح تلك المضيفة لنفسها أن تسافر بمفردها وان تقيم في بلدان أجنبية ، وهي بمقتضى الشرع الذي بموجبه ارتدت الحجاب مطالبة بالا تسافر بدون محرم؟

أم ان الشرع توقف فقط على الشكل الخارجي ، اما الأمور الأخرى فليس لها إعتبار؟ أم أن المرحلة القادمة ستكون العمل على رحلات لاتستغرق اكثر من ساعة او ساعتين والا تقوم بخدمة الرجال من الركاب وتكتفي بالنساء والأطفال؟

الحقيقة أنا زعلان من مناقشة تلك الأمور التي لايرجى من وراءها إلا البلبلة ووجع الدماغ.

[Abu Reem]

انكار الحجاب ليس رأي بل هو كفر

الحجاب لم يأمر به السلفيين والاخوان او الصوفية بل امر به رب العالمين

اقتبستها تاني ومش عارف هل لو كتبناها بالانجليزي يمكن أن تفهم طالما العربي غير مفهوم

المسالة واضحة نحن نذكر راي الدين واهل العلم في هذه المسألة دون ان يكون لاي احد منا سلطة على فريدة الشوباشي ولا غيرها

- هناك من يجهل فرضية الحجاب وينادي بكلام قد يؤثر على من ليس له علم ، ووجب التوضيح ان العاصي لامر مفروض غير المنكر ....

هناك فرق

فمن أنكر فرضية الحجاب شيئ ومن أنكر الحجاب كله واستهزء به شيئ آخر

فإن من أنكر فرضية الحجاب كأن يقول هو فضيلة وليس فرضا فهذا (( يوضح له احكم وتقام عليه الحجة ويستتاب ... )) طبعا إن كان جاهلا بالأساس

أما من أنكر الحجاب أو استهزء به فهو كافر قولا واحدا لأنه يستهزء بآيات صريحات بالقرآن الكريم أو ينكرها أو يردها.

فالمسألة ليست احتكار فهم الدين فالدين للجميع

ولا اختلاف ان حكمها عند الله فلم يامر احد بقتلها مثلا

ولكن توضيح الامر من حق الجميع وعلى من لا يعلم الحكم على منكر الحجاب او اي فرض فعليه ان يطلع ويقرأ ويسأل اهل العلم ،

فتوضيح الحكم على هذا الامر لابد من ان نشكر من ذكره ووضحه لا ان يتم ارهابه بعد ذكر الحكم الذي لا يتوافق مع اهواء البعض

[جويرية]

هل تعاليم الاسلام تامرنا ان نغتاب الاخرين !

هل تعاليم الاسلام تامرنا ان نتلاسن ونصف مخالفينا بالهمجية والعته وعدم التحضر !

هل تعاليم الاسلام تامرنا ان ( نبخس الناس اشيائهم ) وننكر تاريخهم النضالي ودورهم في الحركة الثقافية والتنويرية اللي بدأ قبل ما نتولد احنا اصلا !

بجرة قلم كده نقول فلان ده من النخبة المثقفة ام لا !

المجاهر بالفسق ليس له غيبة ، و بعدين هيا معندهاش حتي منطق في الحوار ولا حاسة ان فيه كاميرا بتصورها ، كأنها قاعدة علي مصطبة في الحارة و بتزعق و بتشوح بأيديها

و بعدين عقلها مغلق مفيش طريقة للتفاهم معاها ، يقولولها دي حرية شخصية و زي ما انتي من حقك تكشفي شعرك انا من حقي اغطيه ، برضو بتصرخ و بتتخانق ، ازاي اصلا وائل الابراشي استضافها

ليه ميستضيفش ناس بتعرف تتكلم علي الاقل ، ليه مش يستضيف الناس اللي الناس بتسمعلها ، هيا مين فريدة الشوباشي دي عشان يعملوا منها اسم و يستضيفوها في برنامج

و يعني ايه الكلام اللي كاتبه عنها احمد الصاوي الاعلامية اللامعة و القديرة ، هيا مش كان شغلتها مذيعة بتقرا الكلام اللي مكتوب لها في الورقة

لو اتكلمت مثلا من منطق زي الاستاذ محمد بيقول ان دي قوانين الشركة و مفروض تحترم ، يبقي شئ معقول و الناس ممكن تاخد و تدي و يبقي ممكن يبقي فيه مجال للنقاش

لكن اسلوبها السوقي ده بيدل علي الحال اللي وصل ليه الاعلام عندنا

[جويرية]

الاخت المحجبة بتقول لفريدة ما السيخ بيلبسوا عمامة كبيرة علي روسهم

ردت و قالت دول بيلبسوها من يوم ما اتولدوا !!!!!!!!

اتمني اي مذيع يلتقي بضيف يستخف بيه بعقول المشاهدين ، اتمني نعمل حملة لمقاطعة برامجه

[جويرية]

مكرر

تم تعديل 15 يونيو 2011 بواسطة جويرية

[جويرية]

الاخت المحجبة بتقول لفريدة ما السيخ بيلبسوا عمامة كبيرة علي روسهم

ردت و قالت دول بيلبسوها من يوم ما اتولدوا !!!!!!!!

اتمني اي مذيع يلتقي بضيف يستخف بيه بعقول المشاهدين ، اتمني نعمل حملة لمقاطعة برامجه

كمان الحجاب اشيك من الباروكة اللي لابساها فريدة ، علي الاقل الحجاب مش معناه ان الواحدة شعرها وحش ، لكن الباروكة معناها ان هيا قرعة

[م تيمور المراغي]

، علي الاقل الحجاب مش معناه ان الواحدة شعرها وحش ، لكن الباروكة معناها ان هيا قرعة

انا صوت ضحكي جاب آخر الشركة حرام عليكي :happy:

سكر يا جوجو والله ,,