ما هى أفضل أنواع المراتب فى مصــر

[انسان مخنوق]

لى استفسار بسيط

عاوز اعرف ايه افضل انوع مراتب فى مصر لان اخوكم مقبل على زواج وعاوز افضل حاجة فى السوق والصراحة قلت اخد رأيكم لانكم ماشاء الله مافيش حاجة الا وبلاقى لها رد عنكم

bv:- bv:- bv:- bv:-

[amgadibrahim]

مراتب يانسن

[spain]

السلام عليكم

انت مخنوق من قبل ما تتجوز

؟

عموما حنشوفك بعد كده حنغير الاسم ولا لا

مبروك مقدما

انواع المراتب الجاهزة فى مصر

فى المصرى والمستورد

أ:الشركات المصرية

مصر فيها خمس شركات معروفة للجميع وعلى العموم كل منتجاتها من المراتب بسوست وبعض الشركات دى بدات بالفعل فى انتاج مراتب اسفنج مضغوط بدون سوست

1-تاكى:دى اقدم شركة فى مصروشغلها كله بسوست وبدات فى انتاج مراتب بدون سوست من السفنج المضغوط واسعارها متفاوتة وعنوان المركز الرئيسى نهاية ش:احمد سعيد بالعباسية وليهم بعض الفروع

2-يانسن:دى اكثر الشركات انتشارا فى مصر وتعتمد فى مواصفات المراتب على المواصفات الالمانية ومصنعهم بالعبور وموزعينهم منتشرين فى مصر اللى اعرفهم ان ليها فرع فى ش: احمد سعيد وفرع فى ش:جسر السويس والحدايق والمعادى

3-هابيتات:مصنعها بالعبور ولها معرض كبير ايضا بالعبور

4-ماستربد:تعتمد فى مواصفاتها على المواصفات الفرنسية ولكن اسعارها مرتفعة ومعرضها بمساكن شيرتون بجوار النساجون الشرقيون ولها فروع اخرى

5-فوربد:هى اقل الشركات ولكن تتميز بالمخدات المتميزة عن باقى الشركات

بالنسبة للاسعار على حسب سوست واسفنج ولا سوست واسفنج وقطن ولا اسفنج مضغوط بس وهى ما بين 900الى 4000لمرتبه العرايس مقاس 160 وعلى فكره هاتلاقى تاكى ويانسن عندهم مراتب اسعارها متوسطه

ب-اما المستورد

فى توكيل تركى جديد للمراتب الطبى اسفنج مضغوط وكل المراتب بدون سوست

ودى مراتب lilaflexالتركى وعلى فكره دى مصنعه بالكامل فى تركيا ومطابقه للمواصفات الاوروبيه

ودى المراتب الوحيدة المستوردة من الخارج فى مصر

هى شركة واحدة فى مصر معاها التوكيل شركة diamond

وبصراحة انا زورت المعرض بتاعهم لانى اعرفتهم بالصدفة لان منتجهم لسه فى السوق من سنة ونص لان المراتب السفنج المضغوط بدون سوست هى مستقبل المراتب فى مصر

وعندهم انواع بكثافات مختلفة الناشفة واللينة والمتوسطة

وعندهم اكتر من مرتبه والميزه ان عندهم مراتب نفس اسعارالمصرى ومراتب اعلى بكتير

والمفاجاه انى لاقيت عندهم مراتب الميمورى فوم الى شوفتها على النت وما توقعتش انى الاقيها فى مصر بس مرتبه جنان واووووو بس سعرها زيها

انا بجد اتبهرت بيها وده مش تحيز بس تفضيل من عندى وبجد لو عايزين تشوفها ده الويب سايت بتاع المراتب التركية lilaflex.com

كنت عملت سيرش من فترة ووجدت الموضوع ده وافادني كتير وعن تجربة

تم تعديل 11 يونيو 2011 بواسطة spain

[arkan]

مبروك مقدما

[انسان مخنوق]

امجد ابراهيم والاسبانى

شاكر جدا لردودكم

والله يبارك فيكم يا جماعة وعقبالكم لو كنتوا لسه ما اتجوزتوش

اما بقى لو اتجوزتوا فعقبال الجوازة التانية للاخ امجد كده :clappingrose: وعقبال اولاد الاخت الاسبانية لما تفرح بيهم

انا مخنوق من قبل الجواز وربنا يستر بعد الجواز هاعمل ايه

شكلى هانتحر

:Head:

طيب المراتب دى سهل الاقيها فى دمياط ؟؟؟؟ اصلى هاروح اشترى اوضة النوم ولوازم العفش من دمياط وعاوز اجيب المراتب بالمرة

تتوقعوا الاقى الموزع متواجد هناك ان شاء الله ؟؟؟؟

تم تعديل 11 يونيو 2011 بواسطة انسان مخنوق

[أمل حياتي]

عزيزي انسان مخنوق ربنا يبعدك عن الخنقه وتغير اسمك زي ما غيرت

أنا اسمي ..... من حمال الأسيه لأمل حياتي بعد ما الأعضاء كل شويه ماسكني تريقه

انا حأوريك غرفه من شقتي في إسكندرية بتاعة ولادي جبت فيها مراتب هابيتات

وهى توكيل ألماني والصراحه ممتازه جدا بس جايز سعرها غالي مش فاكره كام

وكان ارتفاعها كبير زي ما انت شابف بالصوره حتى ولادي قالوا حننام ونوصل السقف

ممكن تجيب منهم وإنت مرتاح لأن الكل بيشكر فيهم

[عادل أبوزيد]

إشتريت مرتبة  200 في 160 من حوالى عشرين سنة  من شركة تاكي  و إنتويت شاء مرتبة  جديدة  لأنها مع مرور الوقت  بان عليها الزمن

 

ما سبق كان إستهلالا لابد منه

 

أعلنت شركة من شهرين تقريبا  نظام  لإستبدال المراتب القديمة بمرتبة جديدة نظير خصم 23%  من سعر المرتبة الجديدة  

 

يقومون بأخذ مقاسات المرتبة القديمة  و بعد ثلاثة أيام  تستلم المرتبة الجديدة ( طلبتها من الإسفنج المضغوط و سمكها 20 سنتي  و تمنها بعد خصم ال 23% كان حوالي 2000 جنيه)

[باهى الطائر الحزين]

طبعا مع احترامي للجميع

افضل المراتب القطن المصري

صحيح هي تقيله جدا مثل في حال حابب تشمسها

لكن نومها صحي ولا تسبب حراره في الصيف  كما

كما دافئه شتاء ولا تظهر حبوب علي الجلد ...

دمتم بخير

[عادل أبوزيد]

طبعا مع احترامي للجميع

افضل المراتب القطن المصري

صحيح هي تقيله جدا مثل في حال حابب تشمسها

لكن نومها صحي ولا تسبب حراره في الصيف  كما

كما دافئه شتاء ولا تظهر حبوب علي الجلد ...

دمتم بخير

لا أذكر ربما آخر مرة استعملت مرتبة قطن ربما سنة ١٩٧٢ ، المرتبة القطن التي تتكلم عليها يا سيدي هي المرتبة الجديدة او المتنجدة جديد و هذه تبقى على حالتها الجديدة ربما سنة أو إثنتان بعدها جائز تكون تعودت عليها _ لان تدهور الاداء لا يحدث فجأة - و اذا اخترت ان تحتفظ بالنومة الملوكي. عليك أن تبحث على منجد بلدي و تشتري شوية قطن كمالة و ييجي المنجد بالقوس بتاعه. و ينفض لك القطن و ترجع المرتبة شبه جديدة

[باهى الطائر الحزين]

لا أذكر ربما آخر مرة استعملت مرتبة قطن ربما سنة ١٩٧٢ ، المرتبة القطن التي تتكلم عليها يا سيدي هي المرتبة الجديدة او المتنجدة جديد و هذه تبقى على حالتها الجديدة ربما سنة أو إثنتان بعدها جائز تكون تعودت عليها _ لان تدهور الاداء لا يحدث فجأة - و اذا اخترت ان تحتفظ بالنومة الملوكي. عليك أن تبحث على منجد بلدي و تشتري شوية قطن كمالة و ييجي المنجد بالقوس بتاعه. و ينفض لك القطن و ترجع المرتبة شبه جديدة

 

هو فعلا كده

تتنجد مره كل سنتين

لكن القوس اختفي فيه حاليا 

ماكينه بتعمل الكلام ده احسن

واسرع من القوس ..

انا فاكر زمان المنجد كان بيقيم

عندنا اسبوع اقل او اكثر ..

هههههه

كل سنه وحضرتك طيب استاذ عادل

تم تعديل 18 يونيو 2015 بواسطة باهى الطائر الحزين