منتخب مصر..يفشل في التأهل لكأس أفريقيا..يادي الفضيحة

[Alattar]

فشل منتخب مصر تقريبا للمرة الأولي في تاريخه في التأهل لكأس أفريقيا

واضح ان سنة 2011 دي فعلا سنة المفاجآت..كل الحاجات الغير متوقعه حصلت فيها..ناس اتخلعت..وناس مش عارفة تتأهل رغم أنهم حاملين للقب البطولة آخر ثلاث مرات

بصراحة منتخب جنوب أفريقيا النهاردة كان ليه كام انفراد تام بالمرمي..لكن عصام الحضري قام بالواجب

لأ..و العجيب بأه ايه؟؟

منتخب مصر..و منتخب الجزائر..واحد كسب كأس أفريقيا..و التاني تأهل لكأس العالم..وهما الاتنين مش عارفين يتأهلوا لكأس أفريقيا..و للعلم فقد انتهت أمس مباراة الجزائر و المغرب..بفوز منتخب المغرب 4-0..عشان كده منتخب الجزائر هو كمان مع مصر هيلعبوا في البطولات الرمضانية..بعيدا عن كأس الأمم

[capitshino]

انا اتفرجت عالشوط التانى وبصراحة كنت قاعد شوية عاوز مصر تكسب وشوية عاوزها تتعادل

حضرتكم ايه رائيكم .. هل فى حد كان عنده نفس الاحساس ؟

[amgadibrahim]

يا سيدي كده أحسن

بصراحة الأيام الجاية عايزين نركز في حاجات تانية كتير أهم من الكورة

الكورة نفعتنا قبل كده بانها كانت الشيء الوحيد اللي بيفرح المصريين ويخرجهم من بيوتهم ينطلقوا في الشوارع والميادين

بس دلوقتي احنا بنخرج كل شوية للميادين بدون الحاجة للكورة

تم تعديل 5 يونيو 2011 بواسطة amgadibrahim

[medomshakel]

اداء المنتخب المصرى كان سيئ للغاية

[Om Zayd]

الحمد لله

[capitshino]

ارحل ارحل يا شحاتة :protest:

[capitshino]

الحمد لله

مش كده برده .

[محمد حامد الغنام]

لعة خير

[Alattar]

لعة خير

لأ طبعا..مش لعة خير..لعة خير ازاي بس

واضح ان الموضوع مأثر عليك اوي يا محمد

[Alattar]

كده يبقي ان شاء الله..باي باي شحتوت..وخد اتحاد الكورة في ايدك واطفي النور واقفل الباب..عشان عاوز أنام

[capitshino]

ان شاء الله الناس تتفرغ للمهم

[tarek hassan]

الجيش المصري سبب خروج منتخب مصر من كاس افريقيا

يلا حجة حلوة لجمعة غضب جديدة

تم تعديل 5 يونيو 2011 بواسطة tarek hassan

[medomshakel]

كده يبقي ان شاء الله..باي باي شحتوت..وخد اتحاد الكورة في ايدك واطفي النور واقفل الباب..عشان عاوز أنام

ياريت بس يمشوه وما يتمسكوا به ويقولوا المعلم والكلام ده اه يوفروا مرتبه..

[engmido]

يا عم بلا قرف

يعنى هى اول مرة يتحرق دمنا ...انا ما بحبش الكورة من بعد ماتش الجزائر الشهير ونفسى قفلت اكتر بعد ماتش الاهلى والترجى الاخير

هى الكورة كده ...غالب ومغلوب وكمان فعلا لازم نشوف مصلحتنا ولعله خير ...

[محمد عبدالعزيز]

هو المنتخب كان بيلعب النهارده ولا إيه؟

ادى اللى اخدناه من الثورة, الواحد مش عارف يتفرج على ماتش كورة زى زمان.

عموماً كده أحسن, أنا كنت باتمنى إن ده يحصل من بعد انتخابات مجلس الشعب 2010, عشان نفوق من اللى احنا فيه.

[Abu Reem]

الظاهر ان يوم 5 يونيو ده ما بيحبناش

لذلك صادف هذا اليوم نكسة كروية للكرة المصرية ، لكن الحمد لله انها نكسة في الكورة مش في حاجة تانية

- الشئ التاني رغم اقتناعي بحسن شحاته وانه ما زال يصلح للفترة المقبلة ولكني فرحت فيه علشان يبقى يروح ميدان مصطفى محمود خليه ينفعه وياترى الرئيس السابق مش مفروض برده يتصل بيه يواسيه ولا هوه ما يعرفوش الا لما يكسب بس

- ورغم اني زملكاوي لكني اتمنى ان يفشل حسام حسن في الدوري هذا العام وان يذهب الي مزبلة التاريخ هوه واخوه ابراهيم

لانهم منافقين ولا يروا اي شئ سوى مصلحتهم ومجدهم الشخصي فقط

وكلامهم عن الثورة لن انساه

بس المصيبة ان هناك اصوات تطلب توليهم مسؤولية منتخب مصر

لكن هيهات ، وباذن الله يكسب الاهلي الدوري( جه اليوم اللي اتمنى فيه ان الاهلي يكسب الدوري) وكمان يفوز الاهلي علي الزمالك

وتحيا الثورة وتسقط كرة القدم

تم تعديل 5 يونيو 2011 بواسطة Abu Reem

[ozoozo]

الشرطه في عب الشعب

[se_ Elsyed]

لا اعتقد إن كثيرين زعلانين ... مثل حالتي كده

انا لو في وقت غير الوقت الثوري ده ... كان بيبقى لي تصرفات تانية ... وممكن كنت أشرب صبغة يود بعد الماتش

لكن

رب ضرة نافعة

ولازم المنظومة كلها تتنسف ويحصل فيها ثورة رياضية ونقضي على الناس المصلحجية والمطبلاتية الموجودين ... ونبني منظومة رياضية من أجل الرياضة .. مش من اجل التعصب والتحزب والتخريب

ويبقى عندنا رياضة شاملة مش ناس بكروش وبتشوف رياضة بس وهي قاعدة على القهوة

أنا هابدأ بنفسي على فكرة ... والله باتكلم جد ... بقى لي ييجي 5 سنين بأتبرع للنادي الصحي بفلوس الاشتراك وباعلق الكرنية زينة بس كل سنة ...

وطالما سين سين نزل الملعب .. يبقى يا مرحب بالبطولات ...

انا مش هاروح لأي بطولة .. لأ . البطولات هي اللي هاتجيلي .. وفي توك توك

------------

مرة أخرى ... لو ما حصلش تغيير جذري في المنظومة الرياضية ... نبقى نستنى ثورة تانية وعليكم خير

قبل ما أمشي .. أنا ضد التقليل من قيمة صناعة الرياضة وإننا نقول عليها مش مهمه ومش عارف إيه

يكفي إني أقول لكم إن في عروض حقيقية لشراء حق بث الدوري المصري لمدة 6 سنوات بقيمة مليار جنية .. غير الاعلانات وغير حقوق الرعاية وغير طبعاً تسويق مباريات المنتخب وغير التوصل إلى حلول محترمة لجذب المشجعين لحضور المباريات عشان يقضوا وقت جميل مش يروحوا يتخانقوا .... حد بيشوف دوريات أوروبية ؟

الأسبوع الماضي لأول مرة يخسر مانشستر يونايتد على أرضة من برشلونة في نهائي الشامبيون ليج ...

ومع ذلك الجماهير لاخر لحظة بتشجع ناديها

لانها مش نهاية العالم

[ريمون]

انا زعلان طبعا ان مصر مش هتتأهل

بس فرحان ان الناس مش زعلانه اوى

كان زمان الكوره هى الحاجه الوحيده اللى بتفرحنا

دلوقتى عندنا امل فى حاجات تانيه كتير

[spain]

زي ما قال الريس ..منتخب مصر كويس