ضع اي شخصية عالمية في ذهنك.....وهتجيلك صورته فى الاخر

[hOuSsAm]

انا مش عارف ايه الالعاب اللى بتجيلى دى

خدوا عندكوا :)

اختارات شخصية عالمية وحطيتها فى دماغى (انا اختارت البرادعى)

واعد يسالنى شوية اسئلة عامة جوابت على بعضها والبعض الاخر قولت لاعلم

واذا به بسم الله الرحمن الرحيم - حابس حابس طلعتى صورة البرادعى

انت جبتها منين ياعم

الجميل بقى حطيت حسنى مبارك فى دماغى (وهفضل حاطه فى دماغى عالطووووووووول :D ) وفعلا كانت الاسئلة منطقية ان اجابتها حسنى مبارك

جابلى صورته وقالى الرئيس المصرى السابق والله فرحت اوى وقولت الالعاب عندها ابد ديت

العب هنا

اوعى حد فيكوا يروح يدور على صورتى انا خافيها

[hOuSsAm]

ايه الاستعباط ده بقى

لعبتها تالت دلوقتى وقولت اختار شخصية ممكن متكونش معروفة (اختارات هيفا)

الجميل انه سالنى هل الشخصية فاسقة قولتله ايوة :closedeyes:

راح جاب صورتها عالطول :D

والله راجل ابن اصول ومحترم وبيفهم وعايش الواقع معانا

بس مش عارف اسئلة كتير بيسالها عامة يعنى ممكن تكون اجابتها تحمل اكثر من احتمال ابن اللذينة ده بيجبها بالظبط

قولولى عملتوا مع العفريت ده ايه؟

[Alattar]

ايه ده عم الحاج؟؟

أنا كنت حاطط عمر سليمان في دماغي..و طلعهولي في الآخر ابن اللذينة

وبعدين ايه حكاية هيفاء و هي فاسقة دي؟؟..هو مافيش حد فاسق غيرها ولا ايه؟

انت تلاقيك بس معجب بيها من زمان..و قلت اسمها قدامه و انت مش واخد بالك.

[hOuSsAm]

مجنون مجنون مجنون

لعبتها رابع وفكرت فى ابوتريكة

وسالنى شوية اسئلة عامة ومعظم الاجابات بتاعتى لا اعرف - ربما - مش لازم

وجاب النتيجة محمد أبوتريكة (لاعب الاهلي المصري) :blink:

يخرب بيت عقلك ايها العفريت

انت بتعرف الحجات دى منين

ماهى نص اللاعيبة عندها عيال

والنص التانى معدى التلاتين

عرفه مني

عرفه منين

[Alattar]

ده انا قلتله علي عصام الحضري جابلي عصام الحضري..وواحد معايا في الشغل قال أحمد عز..جابلنا أحمد عز

مين اللي عامل الداتا بيز الضخمة دي..ده واحد شكله فاضي يا عم

[طارق مصرى]

هو بيعمل عمليه تصفية طبقة ورا طبقة

الاول تحديد اللاعب ذكر ام انثى بعد ذلك تحديد الشخصية ذكر ام انثى ثم (الديانة - الجنسية) ثم حصر المجال (دينى -سياسى -كرة) ثم الصفات المهنية ثم السمات الشخصية و الشكلية

ممتاز اللى عملها bv:- انا الاول فكرت ب تيرى هنرى ثم عمر عبد الكافى و الاتنين صح

[طارق مصرى]

مجنون مجنون مجنون

لعبتها رابع وفكرت فى ابوتريكة

وسالنى شوية اسئلة عامة ومعظم الاجابات بتاعتى لا اعرف - ربما - مش لازم

وجاب النتيجة محمد أبوتريكة (لاعب الاهلي المصري) :blink:

يخرب بيت عقلك ايها العفريت

انت بتعرف الحجات دى منين

ماهى نص اللاعيبة عندها عيال

والنص التانى معدى التلاتين

عرفه مني

عرفه منين

على فكرة فى الاول لما كنت حاطط فى بالى عمر عبد الكافى و سالنى عن شعره ابيض قلت لا اعلم و سالنى بيلبس كرافته قلت لا اعلم وسالنى اصلع بعض الشىء قلت لا اعلم جابلى محمد حسان بس لما عدتها وقلت نعم عن هذه الاسئلة جابلى عمر عبد الكافى ...... انا حجرب دلوقتى تانى و ححاول اعقربله الشخصية شويه

[Abu Reem]

انا جربت حسن شحاته

وبعد عدة اسئلة وبعد ان سأل عن هل الشخصية نصرية وهلرهي رياضية وبعد ما سال هل هي في عالم الادريب

لقيته بيسألني هل الشخصية لها شنب عرفت انه هيجاوب صح

- بس انا رايي هو بيعرف الاجابة لان احنا بنحط في ذهننا اشخاص مشاهير

هاشوف كده واحاول ان افكر في شخصية في بداية درجات الشهرة واشوف هيعرف ولا لأ ايه رايكم اجرب مثلا

افكر في (زوهيري) ههههه

ولا اقول لكم خليني اجرب د باسم يوسف بتاع باسم شو

اشوف وارجع لكم

[محمد عبدالعزيز]

هيييييييييييييييييييييييه

قدرت أضحك عليه أول مرة وكنت بفكر فى حسام غالى جابلى محمد شوقى

بس تانى مرة طلعت صح وجاب حسام غالى.

أعتقد إن اللعبة دى لها علاقة بالذكاء الاصطناعى.

كل ما ناس كتير تلعب اللعبة دى كل مالإجابات تكون صحيحة بنسبة كبيرة جداً.

بمعنى إنه بيستفيد من الإجابات اللى اتعملت قبل كده وهل كانت توقعاته صحيحة ولا لأ, ويبتدى يحدث معلوماته بناء على ذلك.

عبقرية بجد bv:-

[مغتربة]

بالضبط زى ما قال استاذ طارق

هو بيعمل عمليه فلتره بكل سؤال بيساله

لغايه ما يوصل

الداتا بيس بتتكون بشكل تراكمى

لعبتها من كام شهر مرتين و فى المرتين معرفش يستدل على الشخصيات رغم انها كانت شخصيات عامه و مشهوره

عمرو موسى و احمد زويل

لكن لما بيفشل فى تخمين الشخصيه بيسالك اسمها ايه

و لما بتحطها بيحفظها مع الاختيارات الى اخترتها قبل كده

و كده تكون كونت داتا بيس من غير لما تشعر

فلما واحد جديد يجيى يلعب على نفس الاسم بيلقيه موجود

و هكذا

[rewsha]

ههههههههه

ايه ده ؟

ده بجد؟

بس مش هاقول لكم انا اخترت مين :wub:

لكن الشخصية طلعت .....صح .بس في المحاوله التانيه للمارد

يعني اول مره طلع لي اسم غلط

وبعدها ساْل كام سؤال تانيين وبعدين طلع الشخصيه الصح

[Abu Reem]

يخرب بيت عقله

تتصوروا عرف باسم يوسف

لو حد فيكم جرب يفكر في باسم يوسف هيلاحظ انه مش سهل ابدا قعد يحصر في الاسئلة لحد ما توصل للحل

بصراحة توقعت انه يفشل .... بس بصراحة لو حد جرب هذه الشخصية هيستمتع بذكاء هذه اللعبة

[ابراهيم عبد العزيز]

حرصت على الاجابة الصحيحة فى كل سؤال يتم سؤاله

وفهلا ظهرت صورة الراحل الذى كنت اتخيله وهو الكابتن صالح سليم رحمه الله

ههههههههههههههه لعبة جميلة فعلا يا اخ حسام ومدهشة وهى فى الأساس تعتمد على صحة اجابتك على الاسئلة , لانه لو لم تفهم السؤال بشكل صحيح واجبت اجابة غير صحيحة بالنسبة للشخص الذى تتخيله فستضلل اللعبة عن الوصول للهدف الصحيح

تم تعديل 17 مايو 2011 بواسطة ابراهيم عبد العزيز

[طارق مصرى]

متوقعتش انه يجيب حازم اما الصغير لاعب الزمالك الحالى و صعقت لما جابلى كسباروف بطل الشطرنج السابق

مع انه تقريبا مفيش اى حاجه تدل عليه.... بس على مين و قعته حطيط فى دماغى الشيخ مسعد انور

و اتلخبط و جابلى الشيخ محمود المصرى

[Abu Reem]

ده طلع مارد ابن تييييت صحيح

عرف فاروق الباز

طب يا تري يقدر يعرف الراجل اللي ورا عمر سليمان

لما اشوف

هههههه والله لأعقده

[hOuSsAm]

يخرب بيت عقله

تتصوروا عرف باسم يوسف

لو حد فيكم جرب يفكر في باسم يوسف هيلاحظ انه مش سهل ابدا قعد يحصر في الاسئلة لحد ما توصل للحل

بصراحة توقعت انه يفشل .... بس بصراحة لو حد جرب هذه الشخصية هيستمتع بذكاء هذه اللعبة

انا جربت مع زميلنا محمد زوهيرى (بما انه مقبل على ابواب المجد والشهرة)

معرفش يجيبه ابدا

جابلى محمد رحيم (مش عارف فيه شبه بينهم ولا ايه)

وفى النهاية طأطأ راسه وقالى انت غلبتنى

-----------------

وزى مقولتوا هو بيعتمد على قاعدة بيانات كبيرة وبيعمل فلترة كل شوية

بس لذيذ اوى

المهم تكون صادق معاه ومتشتغلوش لحسن هو اللى يشتغلك :D

[Alattar]

حطيتله بيانات الشيخ أبو اسحاق الحويني و جابهولي..وفي النص سألني..هو عينيه زرقاء؟..طبعا عرفت اني لو قلتله نعم هيقوللي محمد حسين يعقوب

و كمان قلتله علي الشيخ محمد صالح المنجد..في الأول جابلي واحد تاني..وبعدين جابهولي صح

!ما حد يحطله بيانات سين سين..أحسن مش باين اليومين دول..يمكن يجيبهولنا ولا حاجة

[محمد عبدالعزيز]

هييييييييييييييييييه

أنا كمان غلبته

فكرت فى الجوسقى محافظ الإسكندرية الأسبق, وماقدرش يعرفه.

واللئيم فى الآخر بيسألنى مين الشخصية اللى فكرت فيها.

ده بعينك :P

[Howayda Ismail]

لعبة ظريفة صحيح

اخترت شخصية سيد درويش اول مرة جاب لى صورة عبد الحليم حافظ

اعاد على سؤالين اخرين ثم طلع صورة سيد درويش فعلا

شكرا استاذ حسام

[محمد عبدالعزيز]

شفت واحد كاتب اسم د/ يحيى الحمار (فكيه دستورى) فى القائمة اللى بتختار منها لو غلب حماره.

حاولت معاه تانى عشان يجيب د يحيى الحمار دى ماعرفش برضه!!!

هو تعب ولا إيه؟