رسالة من شاب قبطي . لن أعيش في جلباب أبي

[Simba]

ملحوظة : هذا الرسالة لا تدعو للاعتصام بماسبيرو او الدعوة لفضة ,

كنيستي العزيزة

ياللي شلتي وحفظتي جواكي الايمان المسيحي القويم . ووقفتي لوحدك في يوم من الايام تحاربي الهرطقات والبدع في العالم كلة . ياللي مريتي باضطهاد علي مر العصور ووقفتي ثابتة علي صخرة الايمان, اشكرك اشكرك بجد لانك حفظتي لغتك المصرية لغاية دلوقتي وحفظتي كمان الموسيقي الفرعونية. دي معجزة ولازم نشكرك عليها

كنيستي العزيزة

ليا معاكي عتاب صغير , انك اخدتي مننا دورنا السياسي واتكلمتي بلسانا . معلش انا عارف الظروف اللي مرينا بيها كلنا وخليتك تعملي كدة . بس دلوقتي خلاص , زمن الللللللي انتهي, ميعندش ينفع بح خلاص مبارك وبخ ولاد مصر المسلمين والمسيحين شالو وكمان امن الدولة بخين كمان , حجة انك خايفة علينا من العالم الوحش اللي برا وعايزة تحاوطينا تحت جناحك كانت تنفع زمان بس دلوقتي لا , الظروف اتغيرت تماما , ومش عايزين نغلط غلطات الماضي يا كنيستي , ولادك بيشوي-كرستين هيخرجو من العزلة الاسوار وهينزلو مجتمعهم الام مصر وهينتشرو في كل مكان, صدقيني دة لمصلحتك بلاش تدي الفرصة للي عايز ياذينا انة ياذيكي , سيبنا احنا ندافع عنك, خليكي انتي فوق صراعات السياسة وانتزاع الحقوق, متحرجيناش اكتر من كدة لو سمحتي , منبقاش قاعدين نشاكل في اخواتنا المسلمين سلفين كانو او اخوان ونقللوهم بلاش نخلط دين في السياسة تقومي انت عاملة حركة زي البيان بتاع اعتصام ماسبير دلوقتي ولا حركة مبايعة مبارك زمان, ارجوكي كفاية بجد . رسالة من القلب من ابنك العزيز

بيشوي-كرستين

مبدهاش بقي , نزلنا الشارع وعملنا اعتصام يبقي نخلينا اذكياء وبلاش نكرر غلطات الماضي , بلاش ندي الفرصة لاي حد يقول علي كنيستنا دولة داخل دولة والكلام الفارغ دة , انا مش ناقصين صورتنا متشوهة وبتستغلها الايدي الخبيثة اللي عايزة تولع مصر, زي ما نصحتكم قبل كدة لازم نكما في سكتنا عشان نقطع الطريق علي اي حد عايز يرخم علينا انة يرخم علينا في كنيستنا , يلا نلاعبهم علي الشناكل بالسياسة , نتنشر في الاحزاب , نطلع قيادات سياسية شبابية , بلاش نسيب نفسينا للققس يقوللنا نعمل اية ومنعملش اية سياسيا , احنا ادري وواعي منهم كتير في الموضوع دة , دة هيفيد كنيستنا قوي صدقني عشان منديش فرصة لاي حد يشتمنا في صورة البابا شنودة زي ما بيعملو دلوقتي , تعالو نجننهم ونخليهم طول اليوم مش عارفين يشتمو مين , ولا يلاقولنا مكان يتظاهرو قدامة عشان يغيظونا او يرعبونا , تعالو نشتت تركيزهم علي كنيستنا ونقابل احنا الكلام دة , , احمو كنيستكم بالشارع مش بالاختباء جوة الكنيسة , مدام ابتديتم اعتصام متخلوش حد يقولكم روحو ولا متروحوش . انتو اللي تقررو مش حد تاني , حاجة اخيرة لازم الكنيسة تفهم موقفكم دة وبوضوح. خلاص زمن اللللللي انتهي

http://help-egypt.com/cplus/?p=29

تم تعديل 16 مايو 2011 بواسطة سمبا

[عنبو]

لازم المسيحين ينزلوا السارع ويتعاملوا مع الناس علشان الناس تعرفهم

يا جماعه فيه ناااااس كتير قووووووى فى مصر عمرها ما تعاملت مع مسيحين

خالص علشان كده بيصدقوا اى كلام يتقال ليهم ونفس النظام عند المسيحين

انزلوا انخرطوا فى الحياه السياسيه والاجتماعيه

كنا فى الجامعه كان المسيحين ليهم شله كده خاصه بيهم بيضحكوا مع بعض ويهزروا مع بعض

ومكنش فيه الا الواد ماجد هو اليى كان بيجى يقعد معانا

تحياتى

عنبو