تعالوا نجيب الهدايا من مصر

[capitshino]

لا لا لا ... انا ضد الحملة دي لاسباب وطنية

:closedeyes:

طيب ما تشتروا منتجات مصرية من بلد المهجر وبكدا تنفعوا وتستنفعوا ..

:P

بس حقيقي شعور جميل منكم .. الله يوفقكم ...

bv:- bv:-

من ضمن الحاجات اللى اتكلمت فيها مع صاحبى اللى كتبت عنه مداخلة مسبقة

ان فعلا ممكن الموضوع ده يضايق بعض الناس

بس فى الاخر وصلنا الى اننا فى محنة ولازم الكل يقدر .

[سكر]

طيب زكاة المغتربيين السنه دى المفروض تروح فين ؟

الموضوع دة محيرنى شويه

[ذهبية]

فكرة رائعة طبعا و الى ممكن يفيدكم اكتر فى المواضيع دى السيدات اللى بيكونوا طبعا لافين و عارفين السوق كويس

ممكن جداااا نكتب احسن الاماكن الرخيصة اللى ممكن نشترى منها فى كل محافظة

يعنى اللى من اسكندرية و من القاهرة و كل المحافظات كل واحد يكتب الاماكن اللى بتبيع باسعار الجملة

وممكن اى حد يعرض هو عايز يشترى اية بالضبط و الىل عندة افكار و اماكن للبيع الرخيصة يساعدة

يعنى كلنا نساعد بعض

لان اغلبنا مش بيكون عارف الاماكن كويس

الى عندة خبرة يقدمها للتانى

طيب قوليلنا يا مدام ذهبية عالاماكن الكويسة فى المنصورة -

اللى اعرفه ان فى الاحذية الكلاسيك محلات الفتح عالمشاية من فوق وشحاتة حنفى فى السكة الجديدة

فى الاحذية الكاجوال محل اسمه نورماندى قدام نادى جزيرة الورد عالمشاية من تحت

فى الملابس الاسعار اللى بشوفها هناك اكتر من ضعف الاسعار الموجودة فى السعودية :sad:

دة انت اخترت اغلى ناس فى المنصورة

بص احلى حاجة تشتريها من المصنورة و اسعارها تحفة و كتير من المحافظات ببيجى هنا تشترى العبايات الحريمى هنا شيك و رخيصة

طبعا سوق الخواجات اللى فى شارع بورسعيد متخصص فى الملابس دى

اللى هتشوفة فى المشاية هتلاقية ربعة فى الخواجات

زى العبايات و الطرح الحريمى

وملابس الاطفال تحفة و سعهرا حلو جداا

و اقولك على حاجة متشتريش من المحلات فية ناس بيكونوا فارشين لا على الارض لا على عربيات و معلقين هدوم و بتطلونات جينز بكل المقاسات للاولاد و الله اسعارها رخيصة جداا لو روحت لاى محل هتلاقيها اربع اضعاف واختار انت على ذوقك بقى لان فية البلدى و فية الشيك

الاحذية بقى الحلو و الرخيص و سعرة كويس جدااا فى منطقة اداب

بس للاسف مشفتش هناك رجالى

كلة حريمى و اسعارة جميلة وو خاماتها حلوة و شيك

بس المشكلة بقى مش فى الهدية من مصر

المشكلة فى الناس اللى رايحة ليها الهدية

الناس بيكونوا عايزوين يشوفوا ختم السعودية علي الهدية

و يا سلام لو عليها ريحة البخور

و عليها سجادة الصلاة و السبحة

الناس هنا دماغها اللى لازم تتغير الاول و يفهموا ان دة احساس وطنى

يا خوفى لو يفهموا ان دة بخل و توفير

و استخسار منك

[التونسى]

فكره عظيمه يا استاذ عنبو

بارك الله فيك ..وفى أمثالك .. ممن يحبون مصر فعلا ... قبل أن يكون قولا

انا من قبل الثوره ..وانا كان فى بالى موضوع زى ده .. وكنت بنفذه جزئيا .. ومكنتش بشترى غير حاجات معينه بس من بره .. وبستبدل الهدايا بفلوس نقديه..حاجه زى عيدية العيد كده .. والناس فى مصر متقبله الموضوع منى ...واتعودوا منى على كده .. بس بصراحه كان الدافع جوايا انى اخلص من الوزن الزائد .. لانى من النوع اللى بحب اسافر خفيف خفيف .. نظرا لكثرة اسفارى لمصر كل سنه .. وكمان ببقى منهمك فى عملى ومشغول جدا لدرجة انى ممكن اقعد شهرين تلاته مخرجش او اتفسح وبالتالى مشتريش شئ .. لكن دلوقتى حيبقى دافعى الاول هو المساهمه فى تنشيط اقتصاد مصر وده هدف وطنى ونبيل .. وان شاء الله مشتريش حاجه من بره تانى الا فى اضيق اضيق الحدود

انا بقى عاوز كلنا نحاول بقدر المستطاع اننا ننشر الفكره دى .. ونعمل ما يشبه حملة دعائيه لها ...خصوصا فى وسائل الاعلام.. وتحديدا برامج التوك شو .. زى القاهره اليوم ..العاشره مساءا.. الحياة اليوم ..مصر النهارده .. 90 دقيقه .. وغيره من القنوات . وكذلك الجرائد الكبيره سواء قوميه او مستقله او حزبيه

على فكره الموضوع ده فيه تضحيه ... لكنها فرصه عظيمه للمغتربين انهم يشاركوا فى الثورة .. بالحفاظ عليها .. وعلى مكتسباتها .. وفيها نثر لبذور حب الوطن من تانى .. والخوف عليه وعلى مصلحته العليا بجد .. بعيدا عن النهج الانانى اللى كان متبع من قبل تجاه الوطن مصر .. اللى رجع لينا بسبب الثورة المجيده

[Om Zayd]

طيب زكاة المغتربيين السنه دى المفروض تروح فين ؟

الموضوع دة محيرنى شويه

السلام عليكم و رحمة الله و بركاته

لقيت على الفيسبوك

مشروع بنك بيت مال المسلمين

و عموما دايما فيه جمعيات بتعمل مرتبات و مشاريع صغيرة للمحتاجين

ممكن تتكلم معاهم في منطقتك و تشوف أولوياتهم ايه

عادة بيبقوا عارفين ظروف منطقتهم و ناسها

طبعا يا ريت فيه جهة مركزية لجمع الزكاة و تحديد مناحي صرفها .. لان اغلبنا بيطلع زكاة ماله حوله و تبقى الاماكن الاكثر فقرا بعيدة عنا .. الا من جهود بعض الجمعيات التي تعمل على مستوى الجمهورية

كل ما اقرا عن نسبة الفقر في المنيا و سوهاج مثلا -سمير رضوان نفسه قال عنها ارقام مفزعة- أحس باهمية دور الدولة في الزكاة

ربنا يتقبل

[MemoG]

والله يا جماعة المشكلة في الناس اللي بتجيب لهم الهدايا عندهم اعتقاد ان الحاجة في السعودية احسن

لدرجة ان اتقألي مرة ان صابون التواليت والفيري والكريمات احسن من مصر

طبعا هنا في حاجات كتير احسن من مصر وارخص

[عنبو]

والله يا جماعة المشكلة في الناس اللي بتجيب لهم الهدايا عندهم اعتقاد ان الحاجة في السعودية احسن

لدرجة ان اتقألي مرة ان صابون التواليت والفيري والكريمات احسن من مصر

طبعا هنا في حاجات كتير احسن من مصر وارخص

الموضوع مش موضوع احسن ولا ارخص ولا...الخ

الموضوع اننا بنعمل كده علشان ندعم الاقتصاد المصرى ونعمل انتعاشه يعنى

ولو حضرتك قولتى للناس كده هيتفهموا الموضوع هيبقوا مبسوطين كمان

تحياتى

عنبو

[عنبو]

حقيقي الفكرة رائعة

ويمكننا التغلب على جشع التجار وفرق الأسعار بإضافة بسيطة...............معرفش هل ممكن تحصل ولا لأ

هل ممكن ندعو بعض التجار وسلاسل المحلات للإنضمام في الحملة بتاعتنا؟؟؟؟؟؟؟؟؟؟؟؟؟

ممكن يقدموا عروض جيدة وهيكسبوا كتير جدا وخاصة إن الموضوع لو نجح هيكرر كل عام وهيعود عليهم بمكاسب عالية

يا ريت يكون فيه آلية يمكن بها اشتراك المحلات في الحملة ويعلن اسم ومكان المحلات المنضمة بل وممكن عروضهم القوية وان شاء الله أتوقع انضمام محلات في معظم أنحاء الجمهورية

أكيد اللي في مصر ممكن يفيدوا في عملية التنسيق مع أصحااب المحلات بس إحنا عايزين الموضوع مايكونش شفهي

يعني لازم المحلات تعرف بالحملة وتعلن عن انضمامها وتعمل دعاية لنفسهم بامنتجات والأسعار اللي هيقدموها

هل ممكن دعوتهم من خلال الفيس بوك بعمل صفحة للمحلات المنضمة للحملة وعناوينها وعروضها؟ أعتقد الموضوع مش صعب وخاصة انهم المستفيد الأكبر من الحملة

ده بقى عاوز ناس فى مصر وممكن كمان الناس دى تكسب يعنى يرحوا للمحلات يتفق معاهم على نسبة خصم معينه وليكن 10 فى الميه تسعه فى

الميه للناس واحد فى الميه له وبكده الكل هيبقى مستفيد ويعمل استيكر الناس تروح به المحلات اليى هو متفق معاه ياخدوا الخصم

وفى نفس الوقت ياخد هو نسبته انا لو فى مصر كنت عملت الموضوع ده

ده بقى دور الناس اليى فى مصر واحد يتفق مع المحلات وبكده هتبقى استفاده للكل

السلام عليكم و رحمة الله و بركاته

و الله يا عنبو انا نفسي ان احنا اصلا نبطل حكاية الهدايا دي اصلا بتاعت مصر و نشوف فعلا اخواتنا و اهلنا محتاجين ايه و نعمله

انا في اول مرة ليا في النزول كان نفسي كل حاجة عشتها و شفتها و مريت بيها اهلي يشوفوها معايا...(مع ان اصلا منبهرتش بحاجة بس هو احساس الحنين مش اكتر)

و دلوقتي بقيت ليلة الهدايا في حد ذاتها غريبة عليا فوق الوصف

انا بحس اني عاملة زي بهجت الاباصيري لما فتح الشنطة بتاعته قدام ناظر المدرسة و قعد يطلع منها برفانات علي شامبوهات علي قوماش و في الاخر طلع مرجع آآآآآآآآآد كدهوت

عارف يا عنبو

انا بفكر نكون فعلا عمليين اكتر

مناخدشي معانا حاجة و احنا نازليين و نشوف اهالينا عايزين ايه و نعمله في مصر

هو ايه القوة الشرائية دي اللي احنا عايشين فيها هنا و لا هناك

انا عارفة ان الهدية دي حاجة رمزية....بس اللي بسعي ليه دلوقتي اني ابتدي اربط نفسي بمصر عشان لما ارجع اكون ابتديت ابني طوبة في خطة استقرار باذن الله

بجد نفسي نبطل "ليلة الهدايا" كلها علي بعض

ينفع؟؟؟

ربنا معانا بقي

باقي من الزمن....مش عارفة...بس اكيد هاااااااااااانت

انا بعمل كده مع الناس ال كلوزد قوى يعنى لكن فيه ناس بتبقى معرفتى بيهم مش كبيره يعنى فبجيب هديه بسيطه وخلاص يعنى اهى سد خانه

يعنى مش اكتر زى زجاجة بيرفيوم كده يعنى

نشتري احتياجاتنا من مصر ده لازم و اكيد و---- نصرف فلوسنا في مصر طب يعني حنصرفها فين؟!:)

بالنسبة للهدايا دي موضة قديمة و مالهاش لازمة و ماعادش حد بيجيب هدايا زي الأول و بالنسبة لية انا شخصيا كمقيم في السعودية مابشتريش من هنا حاجة اللا و انت متأكد 100% انها مش موجودة في مصر

انا سمعت ان الاكل موضه قديمه بس الناس عامله مش واخده بالها يعنى علشان لو مشيت على الموضه هتموت من الجوع

تحياتى

عنبو

[عنبو]

للي مش نازل مصر أنا لقيت دول :

http://www.egyptgiftshop.com/index.html

http://www.egypttalks.com/

وده للي عايز يبعت هدايا لحد في مصر

http://www.egyptpresents.com/index.aspx

أنا مش متاكده من مصداقيتهم متعاملتش معاهم قبل كده.

بس كل دول منتجات للسائحين أكتر.

محدش يعرف محلات عادية ممكن تقبل وتشحن لبلاد تانية ؟

فكرة جمييييلة

طب بالنسبة للي مش نازلين مصر

ممكن أعمل اوردر ؟

دامو حبيبتي الجميلة

انتي بالذات ياقمر تؤمري واللي انتي عايزاه يوصلك ........... ها تحبي الاوردر من القاهرة ولا من الشرقية ؟؟

اطلبي بس

ولما تحتاجيني انتي عارفة كلمة السر

جزر

bnd5::

مرسي يا رضوي

أنا عني مش محتاجة حاجة خالص قولت لو في شركات أو محلات ممكن تشحن لهنا اجرب الonline shopping ويبقى كاني نزلت مصر. يمكن تعجبني سلسة بـ10 جنيه وادفع فيها شحن 50 دولار أو متعجبنيش السلسة اقولهم خدو 50 دولار شحن بس شيلو السلسة

لو عوزت حاجة هقولك علطول

انا مش عاوز منك هدايا يا دامو انا هبتعلك رقم الحساب وانتى حولي عليه اليى يطلع منك يعنى انا مش هحدد مبلغ معين يعنى بس

متخديش فى بالك فرق العمله ماشى

عجبتني قوي الإجراءات اللي بتتخذها وزارة العمل في مصر الأن .. وهي إنها بتسحل العمالة الصينية الغير شرعية الموجودة الان في مصر ومنهم ناس كتيرة جداً شغالين في منطقة شق التعبان في السيدة عيشة ومشهورة بورش الرخام ....

كمان الجرمأ المنتشرين زي الجراد في شوارع مصر وبيبيعوا ويشتروا وشغالين حلاقين ودكاترة سنان وحاجة مسخرة ...

طبعاً لا ضرايب ولا تصاريح عمل ولا دياولة

انا كنت لما بشوفهم بقول ايه ده هو اليى بنعمله فى الناس هيتعمل فينا ولا ايه وبعدين داحنا بنصدر عماله يعنى

لا لا لا ... انا ضد الحملة دي لاسباب وطنية

:closedeyes:

طيب ما تشتروا منتجات مصرية من بلد المهجر وبكدا تنفعوا وتستنفعوا ..

:P

بس حقيقي شعور جميل منكم .. الله يوفقكم ...

bv:- bv:-

شكراً يا ابو السوارى ومتخفش محل الفسيخ اليى انت فاتحه مش هيتأثر لان الفسيخ منتج مصرى يعنى

فكره عظيمه يا استاذ عنبو

بارك الله فيك ..وفى أمثالك .. ممن يحبون مصر فعلا ... قبل أن يكون قولا

انا من قبل الثوره ..وانا كان فى بالى موضوع زى ده .. وكنت بنفذه جزئيا .. ومكنتش بشترى غير حاجات معينه بس من بره .. وبستبدل الهدايا بفلوس نقديه..حاجه زى عيدية العيد كده .. والناس فى مصر متقبله الموضوع منى ...واتعودوا منى على كده .. بس بصراحه كان الدافع جوايا انى اخلص من الوزن الزائد .. لانى من النوع اللى بحب اسافر خفيف خفيف .. نظرا لكثرة اسفارى لمصر كل سنه .. وكمان ببقى منهمك فى عملى ومشغول جدا لدرجة انى ممكن اقعد شهرين تلاته مخرجش او اتفسح وبالتالى مشتريش شئ .. لكن دلوقتى حيبقى دافعى الاول هو المساهمه فى تنشيط اقتصاد مصر وده هدف وطنى ونبيل .. وان شاء الله مشتريش حاجه من بره تانى الا فى اضيق اضيق الحدود

انا بقى عاوز كلنا نحاول بقدر المستطاع اننا ننشر الفكره دى .. ونعمل ما يشبه حملة دعائيه لها ...خصوصا فى وسائل الاعلام.. وتحديدا برامج التوك شو .. زى القاهره اليوم ..العاشره مساءا.. الحياة اليوم ..مصر النهارده .. 90 دقيقه .. وغيره من القنوات . وكذلك الجرائد الكبيره سواء قوميه او مستقله او حزبيه

على فكره الموضوع ده فيه تضحيه ... لكنها فرصه عظيمه للمغتربين انهم يشاركوا فى الثورة .. بالحفاظ عليها .. وعلى مكتسباتها .. وفيها نثر لبذور حب الوطن من تانى .. والخوف عليه وعلى مصلحته العليا بجد .. بعيدا عن النهج الانانى اللى كان متبع من قبل تجاه الوطن مصر .. اللى رجع لينا بسبب الثورة المجيده

موضوع الفلوس ده فكره ممتازه يا استاذالتونسى

كده هيعمل انتعاشه مش بس فى سوق الهدايا بس لا ده هيعمل انتعاشه فى السوق كله

اهم حاجه فى المرحله دى هى نشر الفكره انا كلمت كل اقاربى اليى هنا وتقريبا اتفقت معاهم على انهم يشتروا من مصر او يدوا فلوس

للناس وهما يشتروا اليى هما عاوزينه بس برده فيه ناس كتير قوى لازم نوصل ليهم الفكره دى والمشكله ان الفيس بوك مش كفايه

لان فيه نسبه كيبره قوى لا تستخدم الانترنت

تحياتى

عنبو

[الرويناء]

والله الاقتراح جميل فعلا بس الناس فى مصر هتقتنع بالهدايا ديه ولا هيتفهموا الوضع

الناس بتبقى مستنيه ليله الهدايا ديه زى مسميتوها وعاوزه الحاجه عليه الختم بالضبط زى مقولتوا

حتى موضوع الفلوس لسه واحده صاحبتى بتقولى انها كانت مريضه ومقدرتش تجيب هدايا وجوزها اللى اقترح موضوع الفلوس وعملهم الموضوع ده مشاكل والناس زعلت

ده احنا دلوقتى السؤال الاساسى بينا ونين بعض بعد السؤال عن اللحال خلصتوا ؟؟؟ وطبعا المقصود بيه لسته الهدايا

الله المستعان بس بجد احنا نقدر على نفسنا لو اى حاجه عايزينها لينا نشتريها من مصر انا عن نفسى مش هاشترى اى هلابس لى الا من مصر واى حد محتاج حاجه يقدر يجبها من مصر وفى حاجات كتيره كنت بجيبها معايا من هنا هاشتريها من مصر

[MemoG]

الموضوع مش موضوع احسن ولا ارخص ولا...الخ

الموضوع اننا بنعمل كده علشان ندعم الاقتصاد المصرى ونعمل انتعاشه يعنى

ولو حضرتك قولتى للناس كده هيتفهموا الموضوع هيبقوا مبسوطين كمان

تحياتى

عنبو

انا اقصد باحسن وارخص ان الجودة والقيمة افضل من مصر

وان شاء الله نعمل الموضوع دة بس ياريت الناس تتفهم الموضوع

زي ما حضرتك قولت مش يفهمو غلط

تم تعديل 11 مايو 2011 بواسطة MemoG

[amgadibrahim]

الحملة نزلت على موقع اليوم السابع

http://www.youm7.com/News.asp?NewsID=410795

[أحمد سيف]

اخواني المغترين ... تحياتي من أرض الوطن

كانت هناك بعض المخاوف التي طرحت على صقحات المنتدى حول الوضع الأمني والاقتصادي الآن

حبيت بس أطمنكم أن الأوضاع في مصر على أحسن ما يرام ... بقالي ثلاثة أيام في الشارع تقريبا ولم أشهد حادثة بلطجة واحدة رغم أنني زرت العديد من الأماكن

الناس تمارس أعمالها بشكل طبيعي والفئة الوحيدة المقصرة هي الشرطة ولكنهم يعودون بالتدريج

الأسواق مزدحمة والحركة طبيعية والأسعار مرتفعة والوضع الاقتصادي عموما جيد

حسيت بالراحة النفسية عندما رأيت الشعارات الوطنية تملأ الشوارع بدلا من صور الرئيس المخلوع

هناك شعور عام بالفخر والتفائل المشوب ببعض القلق حول المستقبل ولكن عموما الأغلبية راضية بما تحققق وما يتم إنجازه

باختصار ... انزلوا مصر في الصيف دون أن تحملوا هما واحتفلوا مع أهلكم واستمتعوا بوطنكم الحر

دي نصيحني

سأعود بمزيد من التفاصيل قريبا

[fatfouta]

اخواني المغترين ... تحياتي من أرض الوطن

كانت هناك بعض المخاوف التي طرحت على صقحات المنتدى حول الوضع الأمني والاقتصادي الآن

حبيت بس أطمنكم أن الأوضاع في مصر على أحسن ما يرام ... بقالي ثلاثة أيام في الشارع تقريبا ولم أشهد حادثة بلطجة واحدة رغم أنني زرت العديد من الأماكن

الناس تمارس أعمالها بشكل طبيعي والفئة الوحيدة المقصرة هي الشرطة ولكنهم يعودون بالتدريج

الأسواق مزدحمة والحركة طبيعية والأسعار مرتفعة والوضع الاقتصادي عموما جيد

حسيت بالراحة النفسية عندما رأيت الشعارات الوطنية تملأ الشوارع بدلا من صور الرئيس المخلوع

هناك شعور عام بالفخر والتفائل المشوب ببعض القلق حول المستقبل ولكن عموما الأغلبية راضية بما تحققق وما يتم إنجازه

باختصار ... انزلوا مصر في الصيف دون أن تحملوا هما واحتفلوا مع أهلكم واستمتعوا بوطنكم الحر

دي نصيحني

سأعود بمزيد من التفاصيل قريبا

لا ارجوك اعمله موضوع منفصل

عاوزين نسمع

حمد لله عالسلامة

[capitshino]

للرفع .

[amgadibrahim]

المفروض كمان نفتح موضوع مشابه ونسميه

تعالوا نجيب هدايا لمصر

نفكر فيه إيه اللي ممكن نقدمه الفترة القادمة خاصة في فترة الأجازة

[عادل أبوزيد]

موضوع إيجابي و هام جدا. و بما إني غير مغترب فإسمحوا لي برفع هذا الموضوع و إستئناف الحوار فيه أو نفس في موضوع جديد