هل أنت من هواة التدوين بهوامش كتبك؟؟

[التونسى]

أنا من هواة التدوين فى الهوامش ...أو أى مساحات بيضاء موجوده فى الكتب اللى بقرأها .. طبعا لا أفعل هذا الا فى الكتب التى أمتلكها ...

يمكن العادة دى عندى .. بسبب إن القراءه بتكون هى الدافع.. أو الوقود ...اللى بيشعل قريحتى.. وذهنى ..وبيلهمنى خواطر ..و افكار.. ممكن تكون بعد كده صالحه كــ إرهاصات.. لقصيدة شعر.. أو قصه قصيره.. او مقال ..او خلافه من اشكال الكتابات الادبيه

طبعا تدوينى لتلك الخواطر او الافكار.. فى لحظتها... بتحميها من الضياع فى جُب النسيان

أنا فى الموضوع ده حقوم.. بإذن الله.. بتدوين الكتابات اللى مدونها فى الهوامش والمساحات البيضاء فى الكتب التى فى مكتبتى .. وبدعوكم أيضا لو تحبوا تشاركونى .. انكم تقوموا بهذا ...اذا كان لديكم نفس الهواية او العاده .. وأهو منها نسجل تلك الخواطر والافكار .. ونتأملها سويا .. ومنها برده نعرف ايه الاهتمامات الثقافيه والمعرفيه.. لكل منا عن طريق معرفة عناوين الكتب التى نهتم بقراءتها وإقتنائها

فاصل ونواصل

تم تعديل 4 مايو 2011 بواسطة التونسى

[التونسى]

حبدأ بكتاب .. هو ديوان شعر.. بعنوان ((أقول لكم))؟؟ للشاعر الكبير صلاح عبد الصبور

الغريبه إنى مدون فى أول صفحه من الكتاب .. مقوله تنسب للإمام على بن ابى طالب وهى

((رغبتك فى زاهد فيك .. مَذلة نَفس .. وزهدك فى راغب فيك .. نُقصان حظ))!!

ومدون برده فى أخر صفحه رباعيه شعريه خاصة بى .. خطرت على بالى أثناء قراءة اشعار الديوان .. هى رباعيه مكسورة الوزن بعض الشئ .. كنت ممكن أبذل فيها مجهود أكثر عشان أضبط وزنها .. لكنى حنقلها كما هى بحذافيرها

طول عمرك.. يابن البشر.. تايه بين الأمصار

معاك خرايط الكون .. ورغم دا .. محتــــــــار

بتلف ياما ..موانى..والحزن..ف عنيك.. باين

ما ف كل مينا .. بتلقى... السر .. بقى اسرار

وفاصل .. ونواصل

[aimen]

التونسى باشا

صباح الخير والأمل

[التونسى]

التونسى باشا

صباح الخير والأمل

صباحك نادى اخى العزيز ايمن.. هو بالنسبه ليا مش صباح اوى لأنى منمتش لسه ,, اصلى من الناس اللى صباحها ليل ..وليلها صباح.. كعاده سيئه أكسبنى إياها عملى الليلى

لو من هواة التدوين بكتبك.. اتمنى تشارك فى إثراء الموضوع .. والا انت بتحب تسيب الكتب كده نضيفه من غير شخبطه

[زهرة الجبل]

أتمنى أن لا يطول الفاصل

تسجيل متابعه

و إعجاب بالفكره

تحياتي

[التونسى]

أتمنى أن لا يطول الفاصل

تسجيل متابعه

و إعجاب بالفكره

تحياتي

مرحبا بكى شاعرتنا المميزه ((زهرة الجبل)) .. قد تكونى قد مررتى بنفس الموقف .. أن تأتيكى فكرة قصيده ..أو قصه .. أو حتى تعليق أونقد ..أثناء قرائتك لكتاب ما . فتضطرين الى تدوينها على هامش الكتاب .. حتى لا تذهب أدراج رياح النسيان

يسعدنى متابعتك .. واتمنى أن تثرى الموضوع بتدوينات خاصة بكى

الكتاب القادم هو كتاب ممتع وشيق انصحكم بقراءته .. هو ((عاشوا فى حياتى)).. للكاتب الكبير أنيس منصور .. وهو من كتابى المفضلين .. وأزعم أننى تاثرت باسلوبه فى الكتابه .. وإن كنت اتحفظ فى احيان كثيره على بعض من افكاره على كافة الاصعده .. ولكن لا يمنعنى هذا من إبداء إعجابى به .. خاصة أننى اشترك معه فى حب الاسفار والاستكشاف .. وكذلك فى الميل الى الكتابة باسلوب السهل الممتنع قدر المستطاع

حقيقة هذا الكتاب مملوء بالتدوينات .. وكتبت كلها من 10 سنين تقريبا .. ففى أول صفحه بعد غلاف الكتاب .. وحيث ان الصفحة شبه بيضاء .. فقد دونت الاتى بالنص

((كيف تشكل وجدانى الشعرى .. والفنى ..والادبى والصحفى ))؟

مصطفى محمود.. إحسان عبد القدوس .. رافت الهجان ..يوسف السباعى .. ديفيد كوبر فيلد ..السادات .. انيس منصور .. توفيق الحكيم.. المنفلوطى.. مجلة ميكى..مجلة سمير .. مجلة كاريكاتير .. نجيب المستكاوى ... مجلة الاهرام الرياضى .. د محمد اسماعيل على .. د محمد عباس.. محمد عبد الحليم عبدالله ... جريدة الشعب .. جريدة الاهرام .. بيرم التونسى.. صلاح جاهين .. أم كلثوم .. حليم .. عبد الوهاب .. بليغ حمدى .. السنباطى .. أحمد شفيق كامل.. مرسى جميل عزيز.. حسين السيد.. أحمد رامى ... إبراهيم ناجى..إنت عمرى.. الاطلال .. أقبل الليل .. أمل حياتى.. عاشق الروح.. موعود.. رساله من تحت الماء .. يا مالكا قلبى .. شمس النهار ... العبرات .. شجرة اللبلاب .. طلع البدر علينا.. غريب الدار .. الاميره المظلومه .. بريق .. براءه .. إشتياق .. بطه ... همسه

هناك تدوينات اخرى .. إسمحوا لى بكتابتها فى مداخلات أخرى

فاصل ... ونواصل

تم تعديل 4 مايو 2011 بواسطة التونسى

[لماضة مصرية جدا]

السلام عليكم و رحمة الله و بركاته

انت عارف يا أستاذي في التوبيك دوت حضرتك بتعمل ايه؟؟؟

انت عزمتنا علي قعدة عند حضرتك في مكتبتك

و مش بس في المكتبة عندك.....لا كمان بتدينا مساحة واسعة نتقاسم فيها مع حضرتك قراءتك انت لنص ممكن يكون عدي علينا من قبل لكن المتعة دلوقتي ان احنا هنقراه مع حضرتك باحساسك و تاملاتك انت

ايه اتمني اكتر من كده

انا قابلة العزومة و ان كنت شايفاها مكرمة كتير عليا اوي

و هقعد مؤدبة و مش هفضل اشخبط بصباعي علي صفحة تأملاتك الانسانية اللي متأكدة انها راح تثريني في كل صفحة هنقلبها سوا

بالنسة للعادة التدوين علي صفحات الكتب....للاسف مش عندي.....لاني بتعامل مع صفحة الكتاب كأنها "وش المية" بحب يفضل زي ما هو بخاف عليه من افكاري المتمردة تطلعه بره السياق

لكن عندي عادة تانية....اني بحب اكتب علي اي ورقة تقع عليها عيني....جلدة كتاب....ورق باظت في البرنتر....قصقوصة صغيرة

حاولت اكتر من مرة اني اجيب كراسة كدهوت و اكتب فيها لكن يبدو ان "الحس الفوضوي " عندي بيثور دايما مع قصاقيص الورق

و ده بيسببلي مشكلة ان افكار كتير موجودة علي القصاقيص و لما جيت اسافر تقريبا كنت بتحرك ب "لوكشة ورق"...بس فيها حياتي كلها

تسجيل متابعة و اعجاب و تفتيح عينين علي الاخر اوي انبهار و تقدير

صباح حضرتك....قصاقيص من الحياة فيها البعض منا

[التونسى]

مازلت فى رحاب نفس الكتاب ((عاشوا فى حياتى)) للكاتب أنيس منصور .. والحقيقه الكتاب ((متبهدل )) تدوينات وشخبطات وشطحات وخزعبلات ..وأحيانا تهييسات .. وأيضا نقد جاد جدا لبعض فصول وفقرات .. مش حينفع اكتب كل شئ .. ححاول اعمل فلتره للكتابات اللى تصلح للنشر

من ضمن التدوينات الطريفه والغريبه.. اللى كتبتها جنب عناوين كل فصل من فصول الكتاب.. كتعليق .. ما هو أتى وبالترتيب ((والغريب ان معظمها اغانى))

محلاها عيشة الفلاح .. حب إيه اللى انت جاى تقول عليه ...ماما زمانها جايه .. تحت الشجر يا وهيبه.. مافيش فايده ((كاتبها 12 مره دا ايه الاحباط اللى كنت فيه من 10 سنين ده)) ... وقف الخلق ينظرون جميعا ..الليل الليل .. الليل يا ميمون ...(( إنت طهاوى .. والا عقاداوى .. الاتنين مثقفين .. الاتنين واعيين .. محتار اقرا لمين والا اقرا لمين)) ...طبعا كنت بقصد طه حسين والعقاد...

نسيب التهييس ده بقى وندخل فى التدونات الجاده والفلسفيه.. كل التدوينات منفصله ومتوزعه على صفحات الكتاب ..وهى عباره عن تعليقات على بعض الفقرات والافكار المطروحه فى الكتاب .. ومنها

*العمر زنزانه .. مشاعرنا متهانه .. كلمتنا بهتانه .. أرواحنا تلفانه .. وانا مش يائس .. انا برسم صوره للواقع.. والصوره غصب عنى .. صوره هفتانه . صوره ه عدمانه .. بس كفايه كده

*بحب جدا جدا .. الاغانى التى يكتبها ويغنيها العرب .. خصوصا الاغانى الشاميه . إن الشعر الغنائى الشامى قمة فى الرومانسيه ..والصور المعبره .. إن اللكنة الشاميه ذات رونق ومذاق وطعم خاص .. ووقع ساحر على الاذن

*إنه لشئ مخيف .. أن يصل رجل .. بفكر وعبقرية.. توفيق الحكيم .. الى المرحلة الاخيره من حياته .. ومازال عاجز على معرفة الحكمة من الخلق .. وما معنى الخليقه .. !!!!؟ .. أعتقد أنه كان يبحث عن الاسئلة المحرمة .. ليفك شفراتها .. وقد نسى ان عقل البشر محدود الفكر.

*هناك مخططات خبيثه .. ما زال يتم حبكها .. لاقتلاعنا نحن المصريين من جذورنا ..العميقة ..الوطيدة ..بأرضنا المقدسة مصر .. هم يضيقون علينا الخناق ..من مختلف الجوانب .. ولكن نحن هنا منذ ألاف السنين .. هاجر القليل منا .. ولكن الغالبية العظمى ..لا تزال تقاوم وتكافح وتحارب.. من اجل البقاء والاستمرار.. بتلك الارض الطيبة الطاهرة الشريفة ..ومهما حاولت الاذناب أن تدنسها .. ومهما بدث مثالبها .. وتوارت محاسنها .. ستظل مصر بمشيئة الله ..وارادة ابنائها .. ولن نهاجر عنكى يا مصر ..إلا عن حب وعرفان ..وعودة اكيده .. لننصرك .. ونرفع راياتك خفاقه عاليه .. وليمت الحاقدون كمدا

*برافوا عليك يا انيس ..واحد غيرك كان طار من الفرحه .. عشان العقاد ..مدح مقاله له ..لكن عشان انت عارف .. انت عايز ايه .. لم تغتر بمديحه ... بل حرك فيك الحزن والقلق .. برافوا عليك مرة ثانيه ... انا دلوقتى عرفت سبب من اسباب نجاحك فى الكتابه .. الا وهو(( إستبصارك لنفسك بنفسك))

*بصراحة أنا بكره الفلسفه .. مع إن فيه بعض من معارفى يصفونى بالمتفلسف .. .. ولكنى للتوضيح أنا اكره الفلسفة ... كعلم بحت .. فهو علم .. جاامد .. غير مستساغ الفهم

*ظهرت السهوله ..والوضوح ...والبساطه ...فى كتابات أنيس... مع اول كتاب طبعه .. وكان عن الفلسفة الوجوديه .. حيث شرحها ..بحيث يفهمها القارئ بسلاسه.. ولان أول القصيده مع أنيس... لم تكن ((كفر))... فقد نجح ككاتب صحفى.. وادبى.. مرموق بعد ذلك ..ومن اول طلعه أدبيه ...إعتلى قائمة احسن الكتاب.. فى استفتاءات القراء حتى الان... وعلى مدار نصف قرن من الزمان تقريبا

*حكمة خاصه .. إسمعها منى .. حكمة تعلمتها من الحياة ((لا تفكر كثيرا.. ولا تحسبها كثيرا .. ولا تحاول ان تفسر كل ما يحدث لك .. بل عشها بالفطره))

*يقول انيس ان(( الحزن هو تؤام الشعراء)) ..إذن . فهذا قدرى .. أن اظل حزينا .. ولو اننى ابدو للناس عكس ذلك

*أنا أؤمن بالفلسفة القدريه .. وأؤمن بالنصيب .. وأؤمن بان كل شئ يحدث لنا .. سواء نافع او ضار .. بإذن الله ... وبحكمه لا يعلمها الا هو عز وجل

ليست الشمس.. وحدها.. التى تشرق .. واسالوا الشعراء والادباء .. فهناك عيون تشرق .. كل يوم .. ترسل من مقلتيها .. اشعة الحب .. لتدفئ القلوب الظمئ للحنان والسعادة والامان

تدوينات أخرى بالكتاب .. ولكن ليست بالمستوى التى يؤهلها للنشر

و

فاصل قد يكون طويلا .. ونواصل

[لماضة مصرية جدا]

[

((كيف تشكل وجدانى الشعرى .. والفنى ..والادبى والصحفى ))؟

مصطفى محمود.. إحسان عبد القدوس .. رافت الهجان ..يوسف السباعى .. ديفيد كوبر فيلد ..السادات .. انيس منصور .. توفيق الحكيم.. المنفلوطى.. مجلة ميكى..مجلة سمير .. مجلة كاريكاتير .. نجيب المستكاوى ... مجلة الاهرام الرياضى .. د محمد اسماعيل على .. د محمد عباس.. محمد عبد الحليم عبدالله ... جريدة الشعب .. جريدة الاهرام .. بيرم التونسى.. صلاح جاهين .. أم كلثوم .. حليم .. عبد الوهاب .. بليغ حمدى .. السنباطى .. أحمد شفيق كامل.. مرسى جميل عزيز.. حسين السيد.. أحمد رامى ... إبراهيم ناجى..إنت عمرى.. الاطلال .. أقبل الليل .. أمل حياتى.. عاشق الروح.. موعود.. رساله من تحت الماء .. يا مالكا قلبى .. شمس النهار ... العبرات .. شجرة اللبلاب .. طلع البدر علينا.. غريب الدار .. الاميره المظلومه .. بريق .. براءه .. إشتياق .. بطه ... همسه

هناك تدوينات اخرى .. إسمحوا لى بكتابتها فى مداخلات أخرى

فاصل ... ونواصل

انا تاااااااااني

مع اني قولت هقعد مربعة ايدي و كدهوت

بس عجبتني اوي التدوين اللي فوق ديت

لان لسه كنا واخدينها امبارح اسمها free association او التداعي الحر يعني تسيب كل الافكار تنهمر كده من عقلك زي ما هي طول ما مرتبطة بالموضوع

حلو اوي اوي....(مع اني قعدة اهرش ف راسي ساعة....ع الكلمة ام فونت كبير ديت فوق)...ما علينا

انا هربع ايديا اهوت

و هقعد أتامل مع حضرتك

صباح حضرتك.....تداعي حر يطلع كل طاقة النور اللي جوانا

[التونسى]

السلام عليكم و رحمة الله و بركاته

انت عارف يا أستاذي في التوبيك دوت حضرتك بتعمل ايه؟؟؟

انت عزمتنا علي قعدة عند حضرتك في مكتبتك

و مش بس في المكتبة عندك.....لا كمان بتدينا مساحة واسعة نتقاسم فيها مع حضرتك قراءتك انت لنص ممكن يكون عدي علينا من قبل لكن المتعة دلوقتي ان احنا هنقراه مع حضرتك باحساسك و تاملاتك انت

ايه اتمني اكتر من كده

انا قابلة العزومة و ان كنت شايفاها مكرمة كتير عليا اوي

و هقعد مؤدبة و مش هفضل اشخبط بصباعي علي صفحة تأملاتك الانسانية اللي متأكدة انها راح تثريني في كل صفحة هنقلبها سوا

بالنسة للعادة التدوين علي صفحات الكتب....للاسف مش عندي.....لاني بتعامل مع صفحة الكتاب كأنها "وش المية" بحب يفضل زي ما هو بخاف عليه من افكاري المتمردة تطلعه بره السياق

لكن عندي عادة تانية....اني بحب اكتب علي اي ورقة تقع عليها عيني....جلدة كتاب....ورق باظت في البرنتر....قصقوصة صغيرة

حاولت اكتر من مرة اني اجيب كراسة كدهوت و اكتب فيها لكن يبدو ان "الحس الفوضوي " عندي بيثور دايما مع قصاقيص الورق

و ده بيسببلي مشكلة ان افكار كتير موجودة علي القصاقيص و لما جيت اسافر تقريبا كنت بتحرك ب "لوكشة ورق"...بس فيها حياتي كلها

تسجيل متابعة و اعجاب و تفتيح عينين علي الاخر اوي انبهار و تقدير

صباح حضرتك....قصاقيص من الحياة فيها البعض منا

هلا والله بيكى لماضه خساره إنك مش عندك تلك الهواية ((السيئه فى نظر البعض)).. كنتى أكيد حتثرى الموضوع بكتاباتك الرشيقه الشيقه ...

على فكره مش لازم دايما التدوينات ...يكون لها علاقه بموضوع الكتاب اللى بقراه .. حديكى مثال .. ساعات كده بتجينى فكره معينه .. ويحصل وانا بكتبها .. إنى ألاقى طق فى ذهنى فكره تانيه .. اقوم سايب الفكره الاصليه اللى كنت قاعد بكتبها .. واكتب الفكره التانيه .. ده نفس حالى .. وده حيبان ان شاء الله فى تدوينات كثيره قادمه ان شاء الله

انا عندى نفس عادتك التانيه .. ودايما فى شغلى بستولى على الورق المطبوع والغير مستعمل .. قبل ان يتم إلقائه فى سلة المهملات.. وبكتب على ضهره الخالى من الكتابه .... ودايما بشيل ورق وقلم فى جيبى .. حتى وانا شغال .. عشان لو خاطره جاتلى ..اقوم مدونها طوالى .. خصوصا انى حاليا بنسى بسرعه

طبعا انا مش عايزك تقعدى تقرى... وانتى مربعه ايديكى .. انا عايزك تشاغبى وتشاكسى .. وتحاورينى زى مفيد فوزى بالضبط ..كل اما تلاقى فرصه ..عشان أقول واقر وأعترف بكل شئ

[التونسى]

[

((كيف تشكل وجدانى الشعرى .. والفنى ..والادبى والصحفى ))؟

مصطفى محمود.. إحسان عبد القدوس .. رافت الهجان ..يوسف السباعى .. ديفيد كوبر فيلد ..السادات .. انيس منصور .. توفيق الحكيم.. المنفلوطى.. مجلة ميكى..مجلة سمير .. مجلة كاريكاتير .. نجيب المستكاوى ... مجلة الاهرام الرياضى .. د محمد اسماعيل على .. د محمد عباس.. محمد عبد الحليم عبدالله ... جريدة الشعب .. جريدة الاهرام .. بيرم التونسى.. صلاح جاهين .. أم كلثوم .. حليم .. عبد الوهاب .. بليغ حمدى .. السنباطى .. أحمد شفيق كامل.. مرسى جميل عزيز.. حسين السيد.. أحمد رامى ... إبراهيم ناجى..إنت عمرى.. الاطلال .. أقبل الليل .. أمل حياتى.. عاشق الروح.. موعود.. رساله من تحت الماء .. يا مالكا قلبى .. شمس النهار ... العبرات .. شجرة اللبلاب .. طلع البدر علينا.. غريب الدار .. الاميره المظلومه .. بريق .. براءه .. إشتياق .. بطه ... همسه

هناك تدوينات اخرى .. إسمحوا لى بكتابتها فى مداخلات أخرى

فاصل ... ونواصل

انا تاااااااااني

مع اني قولت هقعد مربعة ايدي و كدهوت

بس عجبتني اوي التدوين اللي فوق ديت

لان لسه كنا واخدينها امبارح اسمها free association او التداعي الحر يعني تسيب كل الافكار تنهمر كده من عقلك زي ما هي طول ما مرتبطة بالموضوع

حلو اوي اوي....(مع اني قعدة اهرش ف راسي ساعة....ع الكلمة ام فونت كبير ديت فوق)...ما علينا

انا هربع ايديا اهوت

و هقعد أتامل مع حضرتك

صباح حضرتك.....تداعي حر يطلع كل طاقة النور اللي جوانا

أحسنتى فى التشبيه والتوصيف يا لماضه ... التدوينه دى فعلا أقرب للتداعى الحر .. اللى كان بيخطر على بالى كنت بكتبه على طول .. من غير تركيز او تنقيح ..بالنسبه بقى ل ((بطه)) فهى تقدرى تقولى عليها شخصيه.. أو بطله.. من ابطال أحد أعمالى الادبيه القصصيه .. جزء من الشخصيه حقيقى.. وجزء أخر من صنع خيالى .. وتلك الشخصيه كانت ذات تأثير وتواجد وحضور قوى .. فى وقت ما .. من اوقات حياتى.. ما جعلها تشكل بعضا من وجدانى الادبى والشعرى .. ممكن فى يوم أنشر فى المحاورات تلك القصة التى كتبتها وكانت ((بطة )) إحدى الشخصيات الرئيسيه فيها .. هى مش قصه واحده هما قصتين الصراحه . افتكرت دلوقتى.. القصتين احداثهم 90% خيال ..واسمهم على ما أتذكر (شمعه ودمعه)) و ((شمس الشموس))

إسألى انت بس يا لماضه زى مانتى عايزه. وانا لو أعرف .. أقووول على طول ((وش التونسى عبد البصير... فى مسرحية ..مدون مدونش حاجه))

تم تعديل 4 مايو 2011 بواسطة التونسى

[باهى الطائر الحزين]

أتمنى أن لا يطول الفاصل

تسجيل متابعه

و إعجاب بالفكره

تحياتي

وانا كمان

اسجل اعجابى الشديد بالاثنان كليهما

موضوعك ،، وتوقيعها !!

[التونسى]

أتمنى أن لا يطول الفاصل

تسجيل متابعه

و إعجاب بالفكره

تحياتي

وانا كمان

اسجل اعجابى الشديد بالاثنان كليهما

موضوعك ،، وتوقيعها !!

سأكون ممتن للغاية .. لو أثريتنا اخى العزيز ببعض تدويناتك ((ان كانت موجوده على هوامش كتبك)) .. لتنقلها لنا ها هنا .. لنتأملها ونشاركك إياها .. إن كنت تسمح لنا

التدوينات القادمة .. من كتاب ((البيت الصامت)) وهى رواية للكاتب محمد عبد الحليم عبدالله .. وهو كاتب لم ياخذ حظه من الشهره رغم جودة اعماله

..وتميزها .. ومنها على سبيل المثال الرواية الاشهر شجرة اللبلاب

هذا الكتاب به تدوينات كثيره .. منها ما هو مكتوب من وحى خيالى.. ولكن على لسان بطلة الروايه ((بصيغة المؤنث)) .. ومنها ما هو خواطر شخصيه خاصه بى .. ومن وحى الخيال ايضا .. تأثرا بالروايه .. واليكم التدوينات .. المنفصله .. والموزعه على صفحات الروايه

*الذكريات .. ما ماتت .. فى كنف هذا البيت الصامت .. بل أطلت .. بإلحاف .. فى ذاكرتى .. وبنضوح مخيف

*تئن خواطرى .. فى بالى .. يا صديقى .. حتى أعيانى الفكر .. وصرفنى عن ممارسة الحياة الاعتياديه.. لأى انسان

*أطرقت رأسى.. بائسا.. تتنازعنى هواجس عده .. جعلتنى أكره لحظاتى.. النابضة بالألم الكامن ..فى أعماقى

*هل تصدقنى.. هل تكذبنى ؟ .. لا تعنينى إجابتك .. فقد تساوت عندى كل المعانى والأشياء

*قصتى الحقيقيه ... من الصعب جدا سردها .. بحذافيرها .. فلا يفعل ذلك إالا البشر الأصحاء!

*دموعى .. أعرف أنها سلاح .. لا تستطيع مقاومته ..رغم ما يبدو عليك من الجلد ورباطة الجأش

*إننى جميلة .. كما تقولون .. ولكن ما هى مقاييس الجمال فى نظركم ؟ .. عيونى .. أم قوامى .. أم عقلى !!؟

*ما هو الجرح؟ .. هل جربته من قبل ؟ .. أرجوك إشرحه لى .. نظريا .. وليس عمليا .. يا حبيبى المجنون

*لست نبياً .. كى أغير نظام الكون.. كما تطلبين .. ولكن أعدك .. بأن أفعل المستحيل .. كى أغير نظام نفسى !

وفاصل... قد يطول وقد يقصر .. ونواصل

*

[باهى الطائر الحزين]

الكتاب : جواهر الأدب

المؤلف : أحمد الهاشمي

وجواهر الأدب في أدبيات وإنشاء لغة العرب

كتاب يبحث في علمين مهمين من علوم اللغة وهما

علم الأدب وعلم الإنشاء والكتاب على قسمين ،

قسم في الإنشاء وفيه خمس أبواب" أصول الإنشاء

والمراسلات والمناظرات والأوصاف والروايات"

والقسم الثاني في الأدب كتب فيه عن تاريخ

الأدب العربي، وأبواب الشعر العربي .

وإليكم بعض ما كتبت فى فراغته ..

1- حين تتقى { الله } فلتستخدم المعنى الشامل للكلمه

2- كل يوم جديد تعلم شئ جديد

3- ساهم يوميا فى الناتج القومى ( من موقعك )

4- اسعد شخص او ساهم فى اسعاده

5- الحكمه عشرة اجزاء ،، تسعه منها فى الصمت ،، والعاشره فى عزلة الناس

وهو كتاب عجيب انصح بقراءته

لقراءة الكتاب تحتاج لبرنامج Adobe Reader

- صفحة بديلة: http://66.7.203.247/~ahlalhde/omar/Jwahr_Adb

(تستطيع اختيار اللغة والبرنامج الذي يتناسب مع جهازك في الموقع)

[عبير يونس]

تعرف حضرتك

عنوان الموضوع فكرني بكتاب الأدب في ثانوي

كان أكبر كتاب

و كانت غاوية تدوين بالقلم الرصاص

بس شخابيط مراهقة طبعا

كنت محتفظة بالكتاب سنوات طويلة

و الحقيقة مش متذكرة اذا كان لسه عندي

التدوين على الهوامش كنت دايما بأشوفه في كتب والدي الله يرحمه

و كان بيستعمل أقلام التظليل " الماركرز" لتظليل الجمل المهمة أثناء القراءة

في ناس كمان بتستخدم الورق الصغير القابل للصق على صفحات و تكتب فيه ما تشاء

انا بقى

و رغم اعجابي بكل الحاجات دي

الا اني بأحب كتابي يكون أبيض ناصع مفيهوش خدش

و كمان بأجلده بالجلاد اللاصق الشفاف حتى أحفظه من التلف

ممكن الصق على الهوامش استكرز قلوب و ورود صغيرة الحجم و بتلمع

ممكن تعبر عن حالتي و انا أقرأ و تكون علامة لإبراز فقرة معينة أنا وحدي أعرف ما تعنيه لي

فلا أحب أن يفتش ورائي أحد و يقوم بتحليلي و فهمي من كتاباتي أو تعليقاتي

و لأني مزاجية جدا و جوزائية متقلبة جدا جدا فما اكتبه يعبر عن حالة وقتية تتغير بتغير حالتي المزاجية

فلا فائدة من تدوينه و قراءته فيما بعد

حتى شخابيط كتاب الأدب كانت برموز لغة خاصة أفهمها وحدي

عرق فرعوني ...تقول ايه :closedeyes:

تعرف حضرتك

حتى كتاباتي هنا

لوتصادف و قرأتها بعد فترة اتعجب أنني من كتبت ذلك!!!!

طبعا أتحدث عن كتابات الانطباعات و المشاعر

أما قناعاتي فليست متقلبة هكذا

و إن كانت قابلة للتغيير أيضا

و رغم كل ما سبق

أكيد سأستمتع بقراء تدوينات حضرتك

فاستمتاعي بالقراءة أضعاف أضعاف استمتاعي بالكتابة

شكرا على دعوة حضرتك لنا لتصفح كتبك

[التونسى]

الكتاب : جواهر الأدب

المؤلف : أحمد الهاشمي

وجواهر الأدب في أدبيات وإنشاء لغة العرب

كتاب يبحث في علمين مهمين من علوم اللغة وهما

علم الأدب وعلم الإنشاء والكتاب على قسمين ،

قسم في الإنشاء وفيه خمس أبواب" أصول الإنشاء

والمراسلات والمناظرات والأوصاف والروايات"

والقسم الثاني في الأدب كتب فيه عن تاريخ

الأدب العربي، وأبواب الشعر العربي .

وإليكم بعض ما كتبت فى فراغته ..

1- حين تتقى { الله } فلتستخدم المعنى الشامل للكلمه

2- كل يوم جديد تعلم شئ جديد

3- ساهم يوميا فى الناتج القومى ( من موقعك )

4- اسعد شخص او ساهم فى اسعاده

5- الحكمه عشرة اجزاء ،، تسعه منها فى الصمت ،، والعاشره فى عزلة الناس

وهو كتاب عجيب انصح بقراءته

لقراءة الكتاب تحتاج لبرنامج Adobe Reader

- صفحة بديلة: http://66.7.203.247/.../omar/Jwahr_Adb

(تستطيع اختيار اللغة والبرنامج الذي يتناسب مع جهازك في الموقع)

جزاك الله خيرا أخى العزيز ..على إرشادى لقراءة ذلك الكتاب.. الفخم.. الضخم.. الثرى

الكتاب يقع فى حوالى 900 صفحه .. للوهلة الاولى عند تصفحى إياه .. فى نسخته الالكترونيه .. ظننته ينتمى الى تلك الانواع من الكتب الادبية البحتة .. ثقيلة الالفاظ وعصية المعانى .. والمنفرة اكثر منها جذابه ((بالنسبة لى)) .. ولكن زال خوفى هذا مع غزارة المعلومات وسلاستها .. وتدفقها .. ومنذ الصفحات الاولى للكتاب .. وكذلك استشهاد المؤلف الدائم باشعار جميله جدا .. كى يوضح عناصر وجماليات واصول علوم الادب واللغة والانشاء

هذا الكتاب يستحق منى الاقتناء... بنسخة غير افتراضيه .. سابحث عنه أن شاء الله فى اقرب فرصه بالمكتبات .. كى أقوم بقراءته بعيدا عن شاشة الكمبيوتر .. فهو كتاب ممتع ..وفى نفس الوقت يعتبر تعليمى وارشادى لمن يهتمون بالكتابة الادبيه

شكرا لك أن شاركتنا خواطرك المدونة بفراغات هذا الكتاب القيم .. وأعجبتنى تلك التدوينه .. وأتاملها منذ قرائتها

5- الحكمه عشرة اجزاء ،، تسعه منها فى الصمت ،، والعاشره فى عزلة الناس

إسمح لى أن أقوم الان ..بكتابة تدوينه أخرى خاصة بى ..من كتاب نفس الكتاب السابق((البيت الصامت)) لمحمد عبد الحليم عبدالله .. وهى عبارة عن بعض الابيات الشعرية بالعامية المصريه .. قد تكون ركيكة بعض الشئ .. ولكنها كانت مجرد خاطره سطرتها بالكتاب منذ حوالى 12 سنه .. ولم اقوم بتنقيحها أو تعديلها... أو حتى نقلها فى أجندة اشعارى وخواطرى .. ولكن جاءت الفرصه ان ترى تلك الخاطرة الزجلية النور فى هذا الموضوع... وقد أثرت نقلها كما هى .. لأنها تبين كيف كانت بداياتى ومحاولاتى الشعريه منذ اكثر من عقد من الزمن

الضحكه .. ليه مسجونه .. والدمع .. حُر .. طليق

وليه .. مظلوم.. ياقلبى .. وِا نتَ.. يا عينى .. برئ

***

حواليك .. حاجات كتير.. ملهاش تفسير .. ومعـنى

مولد .. مــليان صويت .. وجنازه ... وفيها مغـنى

***

كل شــئ .... يا قــلبى .. متلخبط ليه .. قُصادك

هو انت.. قهرت حزنك ..والا .. هو اللى صادك

***

إنت بتشرب .. جــراح.. ف ليــلك .. والصباح

إنت هـــويت الأهـــات ... وأخدت .. على النواح

وليه .. مظلوم.. ياقلبى .. وِ انتَ.. يا عينى .. برئ

أنتهت التدوينه .. وعذرا على مستواها المتواضع .. وضبابية معناها ... فالمعنى كما يقولون فى بطن الشاعر

و

فاصل ونواصل

*