تحب تقول إيه للرئيس - المخلوع - في عيد ميلاده الـ 84

[MZohairy]

تيييييييييييييييييييييييييييييييييييييييييييييييييييييييت

[dongol]

هقولة كل سنة و انت مخلوع و احنا احرار غصب عنك

[ابوهنا]

كل سنه وانت طيب ياريس

باب التوبه مفتوح

توب الى الله

بس عارف شروط التوبه ايه ياريس

اذكرك بها

اذا كانت بين العبد وربه

الاقلاع

الندم

العزم على عدم العوده

اذا كانت حقوق للعباد

اولا رد الحقوق لاصحابها

اظن صعبه عليك جدا ديه ياريس

بس والله ياريت تحاول على اد ماتقدر

لان الله سبحانه وتعالى ممكن يغفر ذنوب بينك وبينه لكن حقوق العباد صعبه جدا ياريس

بس حاول علشان لما تقابل المولى سبحانه وتعالى تقوله انى حاولت

[Folana]

السلام عليكم ورحمة الله....

حأقوله إنى مستغربة جدا إنه قبل التنحى كانت صحته بمب وعال العال ...ودلوقت أصبح مريض جدا لدرجة انهم خايفين ينقلوه لمستشفى السجن حفاظاً على حياته....

حأقوله إن ايه يعنى لو مات...هو حد ضامن عمره ...يعنى خايفين على عمره ليه قوى كده..ماكلنا حنموت ...اتوكل على الله يالا وروح على مستشفى السجن وجمد قلبك..الرب واحد والعمر واحد يارجل..

حأقوله ان الأخت اللى بتساعدنى فى شغل البيت عندها هى كمان "ارتجاف أذينى"....وعلى حد تعبيرها البسيط " نفضات قلبها سريعة"..يعنى تقصد اضطراب فى نبضات القلب وسرعة خفقان ..ومع ذلك وبالرغم من ذلك..بتجرى على أكل عيشها علشان لو قعدت فى بيتهم مش حتلاقى قوتها ولا قوت ولادها علشان انت وعصابتك ماسبتوش لها ولا مثالها حاجة ولا كانوا على خريطة حياتكم اصلا ....وماحدش بيعبرها ويحافظ على صحتها كده.....ولا علشان هى فقيرة؟... ولا هو تلاعب بالالفاظ مثلا على أساس ان كلمة ارتجاف اذينى تخض وحنقول كلنا ياقلب أمك ياخويا مع شهقة وخبطة على الصدر..ما احنا شعب طيب ويضحك عليه ...

حأقوله ان بأدعى من قلبى ربنا يعوض شعبنا الصابر خير ويخلصه من أمثالك...وأخيرا حأذكره بقول الحق سبحانه وتعالى :

{ وَلَقَدْ أَرْسَلْنَا إِلَى أُمَمٍ مِنْ قَبْلِكَ فَأَخَذْنَاهُمْ

بِالْبَأْسَاءِ وَالضَّرَّاءِ لَعَلَّهُمْ يَتَضَرَّعُونَ * فَلَوْلا إِذْ

جَاءَهُمْ بَأْسُنَا تَضَرَّعُوا وَلَكِنْ قَسَتْ قُلُوبُهُمْ وَزَيَّنَ لَهُمُ

الشَّيْطَانُ مَا كَانُوا يَعْمَلُونَ * فَلَمَّا نَسُوا مَا ذُكِّرُوا بِهِ

فَتَحْنَا عَلَيْهِمْ أَبْوَابَ كُلِّ شَيْءٍ حَتَّى إِذَا فَرِحُوا بِمَا أُوتُوا

أَخَذْنَاهُمْ بَغْتَةً فَإِذَا هُمْ مُبْلِسُونَ * فَقُطِعَ دَابِرُ الْقَوْمِ

الَّذِينَ ظَلَمُوا وَالْحَمْدُ لِلَّهِ رَبِّ الْعَالَمِينَ }

(الأنعام)

[MZohairy]

اللي يعين قواد وزير لإعلام مصر ربع قرن

و يعين نفس القواد رئيس لمجلس الشورى عشر قرن

يبقى زيه بالضبط

و مايتعملوش عيد ميلاد

و ماتجوزش عليه الرحمه

[shiko]

...هاقوله

نعم.

.

.

.

.

إختارناك ......

.

.

.

.

.

.

لتكون

فرعون مصر الاخير ....

نعم

تملكت مصر 30 سنة بحق الانتفاع

نعم

فرصتك الاخيرة امام الله

ان تعيد ما نهبت انت وعائلتك .....

واعى تماما انك لن تستثمر الفرصة ولن تعيد ما نهبت ...

ولن تموت الا بعد ان ترى اسمك يشطبه التاريخ ويلطخه دماء من ماتوا بظلمك

اخيرا موش هانسى عمررررررررررررررى دماء شهداء العبارة

وهاتحفظ بصور وعويل اسر الشهداء فى ذاكرتى

فكلما اخذ قلبى شفقة او رحمة بكبر سنك

يكفينى فقط ان القى نظرة على هؤلاء الاسر واعيد سماع عويلهم

واسترجع من ذاكرتى صورتك ذات الابتسامة السمجة فى ماتش الكورة

نعم كده سمعنى بتقول ايه؟؟

تانى ؟؟

..

.

.

..

..

.

الاخوة والاخوات mfb: mfb: :blink:

[hebapharm]

[لا سامحك الله ولا عفا عنك يا مبارك ..واذاقك الله وحاشيتك ونظامك الفاسد ما أذقته لهذا الشعب العظيم

حسبنا الله ونعم الوكيل من اعمق اعماق القلوب

[ozoozo]

تيييييييييييييييييييييييييييييييييييييييييييييييييييييييت

ابلغ كلمه فعلا عبره عن كل للي جوايا

[Handasah]

هاقوله

بكرة هتقف قدام الله مالك الملك ذو الجلال والاكرام

هتقول اية ولا اية الله يسامحك ..................

[engmido]

لاول مرة عيد العمال بدون الخطاب الشهير اللى مثل ورقة البوسطة

لاول مرة مفيش مطبلاتية الاهرام والاخبار والجمهورية

وتهنئة فى عيد ميلاده المبجل

و اخيرا وليس اخرا

ربنا يحسن ختامنا جميعا

ولله الامر من قبل ومن بعد

تم تعديل 2 مايو 2011 بواسطة engmido

[مغتربة]

اقوله هيوحشنا فيلم الناصر صلاح الدين

ههههههه

لا بجد اقول ان انا اتمنى محاكمه عادله ليه و بس

لو شافت انه ياخد اعدام ياخد لو شافت انه ياخد سجن ياخد لو شافت حتى انه ياخد براءه ( بس دى انا معرفش ازاى يعنى لكن بفرض )

المهم انها تكون محاكمه عادله و حياديه و ايا كان رايها هحترمه

لكن انا بتمنى من كل المصريين لنهم يهموا فى طوى صفحته من تاريخنا بقى علشان نعرف نتفرغ للاهم منه

بلاش يكون السبب فى عرقلتنا و هو فى الحكم و هو براه

[شرف الدين]

بسم الله الرحمن الرحيم

أما أنا فأقول

أنا زمان قلت لواحد من اصدقائي ان ربنا مطول في عمر الراجل ده ... لحكمة ... وأدينا شفنا حكم كتير.

وأحد الحكم دي ... اننا نشوف المتلونين .. الذين كانوا يتسابقون في الحديث عن حكمة الرئيس مبارك وعن إنجازات الرئيس مبارك وعن عظمة الرئيس مبارك .. والآن يتسابقون أيضا ولكن في إهانته والإساءة إليه ...

دي حكمة كبيرة جدا ... تعلمنا إن الرجال ليسوا بالولاء ولكن بالنبل والأخلاق.

والنبيل ( في رأيي ) هو من يتذكر مساويء مبارك وهو في السلطة ويتذكر محاسنه بعد أن خرج منها.

لكن هؤلاء وحيث أنهم يسيرون حسب التيار .. فكانوا مع التيار وقت أن كان التيار مع مبارك فكانوا لا يرون فيه مساوئا .. والآن هم أيضا مع التيار ولكن ضد مبارك لا يرون فيه شيئا حسنا على الإطلاق.

ولذا تعلمنا أن ( صديقك هو من صَدَقَك لا من صَدَّقك )

من الحكم أيضا ... أن الإنسان مهما علا وتجبر فعليه ألا ينسى أبدا أنه في النهاية بشر ... تجري عليه قوانين البشر .. ولكل شيء نهاية .. ونظرا لأن مبارك للأسف كعادة كل الطغاة نسى دروس الزمان وظن أنها توقفت عنده فقد كان عقابه رادعا .. وخرج من الحكم بطريقة لم يكن يتوقعها أشد المتشائمين حوله.

من الحكم أيضا ... أن البشر يكررون أخطاءهم ... حتى ولو كانوا ثوارا.

وفي النهاية أقول للفريق / محمد حسني مبارك.

أنا عن نفسي وبكل الإخلاص أسامحك ... ولو أن لي حق عندك فأنا وبنفس راضية متنازل عن هذا الحق اليوم وغدا ويوم القيامة .. وأتمنى من الله أن يشفيك ويعافيك ويتوب عليك.

[التونسى]

وأزيده من الزجل بيت ... وأقول له

يا مُفترى .. يا شيخ المَنصَر

.

يا وباء ..وأقوى من الكانسر*

.

30 سنه .. وانت ..يا أرعن

.

بتــذل فــينــا ... وتتــفــرعن

.

ولســه ..بــردُه.. بتتــكــبر

.

يا وباء ..وأقوى من الكانسر*

.

((الكانسر)) cancer :هو مرض السرطان باللغة الانجليزيه

تم تعديل 2 مايو 2011 بواسطة التونسى

[abdulmuttaleb]

كلماتك إستفزتني يا عبد المطلب ... الله يخليك .. بالله عليك ... إقرأها مرة أخرى ولاحظ إسلوب الأفعال المبنية للمجهول اللي إنت أستخدمتها ..

وكأن كان عندنا خيال مآته مش رئيس .. وبالتالي ما كانش له دخل في اللي بيحصل من عينة " عوامل عديدة دفعتَ ثمنها أنت يا سيادة الرئيس، لقد دفعت ثمن خطاب ديني يهتم بالمظهر، وإعلامي يعتني بالرياضة، وسياسة أمنية تهمل متغيرات المجتمع وحقائق التاريخ وطبيعة الشعوب،

تداخل مصالح نجليك في الاقتصاد والسياسة كان أحد أهم أخطاء سيادتكم، ( على اساس إنه كان مسافر بيشتغل في العراق وما عندوش فكرة عن التداخل ده )

خالص يا سيدي، ولكن عايزك تشوف أن ازاي ده كان مقنن بمعنى قوانين تشغيل أبناء العاملين مثلا في المصالح الحكومية، ده غير أن القانون نفسه لا يعاقبك أو لا يحجر على شركاتك التي أنت مساهم فيها أن تعمل مع الحكومة. لو حضرتك فاكر، القانون بيحظر أن يتاجر الموظف العام أو أقاربه مع الدولة، لكن اتضح يا سيد الكل أنك لو مساهم في شركة ولست في مجلس الإدارة فلا ينطبق عليك هذا القانون، شفت الدنيا كانت حلوة ازاي.

ربما كنت ضحية لمن كتموك النصيحة، ( يا عيني .... خونه خونه خونه ة.. كل اللي حواليه كانوا خونه وهو الشريف الوحيد في هذا العالم المتحزلق )

حين سدُت الأبواب دون الوصول إليك سيادة الرئيس ( باسيف فويس .. مبني للمجهول يعني )

وبعدين بصراحة كده وبيني بينك، كان فين كل أهل الدين، والعلم، والسياسة، والأحزاب، والتجارة، إن حد فيهم يقول كلمة حق أو ينصح الراجل، أو يقول حاجة لوجه الله،

يعني أنا واحد من اللي شايفين أن ثلاثين سنة لمبارك لا تدينه وحده في أخطاءه، ولكنها تديننا جميعا وعلى رأسنا قادة الفكر والدين والرأي.

وحين تقطعت السبل بقادة الفكر والمعارضة أن تمد إليهم سيادتكم يدا، ( برضوا مبني للمجهول )

طيب ليه محدش كان بينصح أو بيقول سواء له أو لزكريا عزمي أو للأسرة بتاعته، يعني أنا والله بأحاول فقط أضع الصورة الكاملة قبل ما أحكم على الراجل، يعني تخيل انت تلاتين سنة كله بيقوللك فلة شمعة منورة ومحدش بيعاتبك أو بينصحك منه ليك كده، وحتى لو حاجة اتنشرت بتوصل حاجة تانية ده إذا وصلت

ولكن غياب خيوط الاتصال بين القائد أو الرأس وبين الأطراف يؤدي إلى ما هو أفظع مما حصل، ( إنت مسكوف منه لحد دلوقت يا عبد المطلب ؟ مين اللي غيب ومين اللي سد ومين اللي خرب ومين اللي هد ؟ )

دي مشكلة طبعا مفيش كلام، بس خد بال حضرتك إن المشكلة كانت بين الطرفين، بين المجتمع وقادته ومفكريه ومثقفيه وبين الرئاسة.

وسط عالم من الذئاب وتجار السلاح، ( طب عندك فكرة ن مبارك من أكبر تجار السلاح ... وإنه شريك حسين سالم وإن عنده مكاتب في أوروبا لذلك ؟ .... راجع إعترافات الرجل المحترم حسب الله الكفراوي .. والأيام هاتثبت تلك التُهم على مبارك وعلى حسين سالم )

الله أعلم وانا شفت كلام الوزير الكفراوي، بس يعني كلام قد يكون هنالك دليل عليه وقد لا يكون، وقد يكون الموضوع وصل غلط أو مبالغة أو حتى بهدف ما للكفراوي، كل شيء جايز ومش عايز أستبق الاتهامات

حقك علي يا سيدي

توضيحي أعلاه بالخط السميك

Bold

إضافة:

قرأت في صحيفة الأسبوع اليوم أن مبارك كان عاقا لوالديه، وذهب والده له مرة بالوحدة العسكرية فقال لهم قولوا له مش فاضي وميجيش تاني ولما يعوزه ح يروحله، وكتب مصطفى بكري أن والدة مبارك أيضا اشتكت في مرضها الأخير وطلبت رؤيته لها فقال لها مش فاضي واللي عايزاه ح يوصلها، وقال بكري إن شقيق مبارك سامي اشتكى له شخصيا من جحود أو عدم تواصل الرئيس مع أسرته وأن سوزان كانت تحرضه على قطيعتهم.

ربنا يحفظنا فوق الأرض وتحت الأرض فعلا ويخرجنا من الدنيا دي على خير.

[matzakos]

هأقوله : روح يا شيخ .....الله يخرب بيتك ..

[se_ Elsyed]

إضافة:

قرأت في صحيفة الأسبوع اليوم أن مبارك كان عاقا لوالديه، وذهب والده له مرة بالوحدة العسكرية فقال لهم قولوا له مش فاضي وميجيش تاني ولما يعوزه ح يروحله، وكتب مصطفى بكري أن والدة مبارك أيضا اشتكت في مرضها الأخير وطلبت رؤيته لها فقال لها مش فاضي واللي عايزاه ح يوصلها، وقال بكري إن شقيق مبارك سامي اشتكى له شخصيا من جحود أو عدم تواصل الرئيس مع أسرته وأن سوزان كانت تحرضه على قطيعتهم.

دي حقيقة

ومعروفة من زمان إنه قطع علاقته بأهله وأبوه وأمه وأخوته بالتحديد من زمان

وإن حتى ولاده الكبار الحلوين المرميين في السجن الأن لا يعرفون أهلهم ولا أعمامهم

[أمل حياتي]

طيب هوه ازاي كان بيحكم وهو تجاوز سن الثمانين

مش يبقى فاقد الأهليه وقراراته عديمة المفعول ؟؟؟؟؟؟

مجرد تساؤل ...................

وطي صوتك الله يرضى عليكي ... وروحي ربي علي هههههههههههه

يا ست الكل يبقى على كده نص .. لا اكتر من نص حكامنا العرب " إكسبيرد "

يا فندم ده الملك حسين رحمه الله سندوه وأدوا له حقنة عشان ييجي من أمريكا يخلع أخوه ويعين إبنه .. وبعديها مات بأيام قليلة

وغيره وغيره من الناس اللي حكموا وعاشوا لحد ما كانوا بيخرفوا من تقدمهم في السن ...

تخيلي ؟

الحبيب بو رقيبة كان بيخرف أخر أيامه بشكل رسمي والله لو جبت لك صورتة .. اللهم أحفظنا .. فضل يحكم ولازق في الكرسي لحد ما بقى شكل الموميا بالظبط وكان عنده تقريباً 95 سنة !!!!!!!!!!!!!!!!!!!!!!!!!!!!!!!!!!!!!!!!!!

بُصي كده

يرضي ربنا ده ؟

طيب يابو السيد انا عايزه رد قانوني

متى يفقد الشخص اهليته ؟؟؟؟؟

اكيد في سن معين بعدها لا يجوز الركون الى قرارته

حد يرد عليه .........

[se_ Elsyed]

طيب يابو السيد انا عايزه رد قانوني

متى يفقد الشخص اهليته ؟؟؟؟؟

اكيد في سن معين بعدها لا يجوز الركون الى قرارته

حد يرد عليه .........

لأ .. فقد الأهلية حاجه تانية

فقد الأهلية لما يكون مسجون .... أو محجور عليه .. أو مجنون

لكن إنتي عارفه إن المناصب السياسية ما فيهاش سن معين للإحالة إلى التقاعد .. خصوصاً في البلاد العربية اللي فيها عينة بتقول لشعبها : أنا لو كان عندي منصب سياسي كنت رميت إستقالتي في وشكم ....

على فكرة حتى في بلاد الغرب .. ما فيش سن معين للمنصب السياسي ...

لكن للأسف يا أم علي .. هما ناس عندهم دم ... سمعت من حوالي شهر ً في إحد البرامج .. إن رئيس وراء إحدى الدول الأسكندنافية تقدم بإستقالتة من منصبة .. عارفه ليه ؟

الراجل منه لنفسه كده خاطب الشعب وقال لهم : أنا اليومين دول بأمر بحالة إكتئاب وبأتعاطى أدوية ممكن تأثر على قراراتي هذه الفترة .. عشان كده أنا هاستقيل

شوفتي الإحترام ؟

والراجل أخد له كام شهر وإتعالج وبقى زي الفل .. وتخيلي إنهم رجعوه تاني منصبة .؟؟؟

مش إحنا الرئيس عندنا يبقى عامل زي المنخل - عارفه يعني إيه منخل ؟ -

يعني حاجه زي كده

يعن راجل متخربق من كل حته ومش نافع تاني

ويقول لك : الرئيس عنده وعكه صحية عارضة ... تحسي إنها كحه أو شوية زكام مثلاً

وهو رايح يتعالج من سرطان مزمن في البنكرياس ... وأمراض والعياذ بالله لا أمل في الشفاء منها إلا بمعجزة من ربنا ....

وزي ما قلت لك .. بعضهم - وممكن أقولهم لك بالأسم - وصل لمرحلة التخريف . ومع ذلك ملصمينه ولازقيينه في الكرسي

عارفه مين اللي بيعملوا كده ؟

هم شلة المنتفعين المحيطين به .. واللي وجودهم من وجوده

وأديكي شوفتي ... أول ما مبارك سقط .. السبحة أتفرطت وكلهم إتمسكوا وترموا في السجن

[ام سلمي]

ممدوح حمزة اهه بيهنيه بعيد ميلاده

حمزة: مبارك ساقط ثانوية عامة

الثلاثاء, 03 مايو 2011 22:35

تنشر جريدة الدستور فى عددها الصادر صباح غد الأربعاء تصريحات على لسان د.ممدوح حمزة أثناء احتفالية بعيد العمال أقيمت بقصر ثقافة دمياط الثلاثاء يتهم فيها الرئيس المخلوع حسنى مبارك بأنه كان "غبيا وساقط ثانوية عامة".

وواصل حمزة هجومه على مبارك متهما الغرب بأنهم من أتوا بهذا الشخص الغبى ليحكم مصر طبقا لأجندتهم الخارجية, مضيفاً أن مبارك تورط فى اغتيال الرئيس الأسبق محمد أنور السادت.

اقرأ المقال الأصلي علي بوابة الوفد الاليكترونية حمزة: مبارك ساقط ثانوية عامة

[fatfouta]

http://www.youtube.com/watch?v=N03wNviV3G0&feature=player_embedded

اهديله الاغنية دى وكلماتها الجميلة

إحترامي للحرامي

صاحب المجد العصامي

صبر مع حنكة وحيطة

وابتدا بسرقة بسيطة

وبعدها سرقة بسيطة

وبعدها تعدى محيطه

وصار في الصف الأمامي

احترامي للحرامي ..

صاحب النفس العفيفه

صاحب اليد النظيفه

جاب هالثروة المخيفة

من معاشه في الوظيفة

وصار في الصف الأمامي

احترامي للحرامي ..

يولي تطبيق النظام

أولوية واهتمام

ما يقرب للحرام

إلا في جنح الظلام

صار في الصف الأمامي

احترامي للحرامي ..

يسرق بهمة دؤوبة

يكدح ويملي جيوبه

يعرق ويرجي المثوبة

ما يخاف من العقوبة

صار في الصف الأمامي

احترامي للحرامي ..

صار يحكي في الفضا

عن نزاهة ما مضى

وكيف آمن بالقضا

وغير حقه ما ارتضى

صار في الصف الأمامي

احترامي للحرامي ..

احترامي للنقوص

عن قوانين ونصوص

احترامي للفساد

وأكل أموال العباد

والجشع والازدياد

والتحول في البلاد

من عمومي للخصوص

احترامي للصوص ..