عصام شرف يلتقى الجالية المصرية بالكويت في لقاء ماتع كالعادة

[الغريب]

منذ قليل أنتهى اللقاء الماتع للدكتور عصام شرف مع أبناء الجالية المصري بالكويت في مسرح كلية الحقوق جامعة الكويت

اللقاء يفترض أنه كان لتكريم الدكتور عصام شرف من قبل وزارة التربية الكويتية

ولكن الدعوة كانت مفتوحة

وبالرغم من محاولات السفارة المصرية للإعلان أن اللقاء سيكون خاص (حتى لا يأتي إليه من يفضحهم)، ولكن قدر الله أن يتم الإعلان عن الندوة وإعلان الدعوة العامة

الحضور كان كبير للغاية ولم يكن متوقع مما تسبب في فوضى بعض الشئ

الأمن جمع من الحاضرين اللافتات قبل الندوة ، ونبه عليهم برجاء عدم إطلاق الهتافات

بعد دخول الدكتور عصام للقاعة ضجت القاعة بالهتاف الطبيعي "أرفع راسك فوق أنت مصري" -ناس شرقانة ثورة بقى تقول أيه :)-

توقف الدكتور عصام شرف وصفق للحضور

ثم أنطلق الهتاف الطبيعي الثاني "الشعب يريد إسقاط السفير"

وكان يوم أسود على السفير لأنه من بقايا النظام السابق وياما عانت منه الجالية المصرية بالكويت ، بالرغم من محاولاته بعد الثورة لتحسين صورته والإبقاء على الكرسي ، ولكن تقريبا السفير هيرجع من اللقاء يلم هدومه لأنه تعرض لنقد جارف على مدار الندوة

يتبع إن شاء الله..

[Dreamwithme]

متابعة مع حضرتك بس سؤال صغير يعني كلمة "ماتع"؟

[الغريب]

متابعة مع حضرتك بس سؤال صغير يعني كلمة "ماتع"؟

يعني ممتع :)

[Diab]

بتوع السعودية كانوا مؤدبين جدا :closedeyes:

لا حد سمع عنهم اي حاجة

حتي السفير كان مظبط نفسه واخد عصام شرف وادار الندوة من منازلهم ( في بيته يعني )

لما قنصل جدة قاعد في حتة بيت قااااااااااااااااااااد كدة في حي الروضة

أمال سفير الرياض قاعد في

قلعة وندسور بقي :blink:

تم تعديل 27 أبريل 2011 بواسطة Diab

[عنبو]

ثم أنطلق الهتاف الطبيعي الثاني "الشعب يريد إسقاط السفير"

وكان يوم أسود على السفير لأنه من بقايا النظام السابق وياما عانت منه الجالية المصرية بالكويت ، بالرغم من محاولاته بعد الثورة لتحسين صورته والإبقاء على الكرسي ، ولكن تقريبا السفير هيرجع من اللقاء يلم هدومه لأنه تعرض لنقد جارف على مدار الندوة

فين سين سين يجى يشوف بتوع الكويت بيعملوا ايه

امال رجالة الرياض يا خويا مسمعتش ليهم لا حس ولا خبر

عارف لو كان اللقاء فى جده كنت هتشوف رجالة جده هيعملوا ايه انا مش عارف تحديدا كنا هنعمل ايه

بس اكيد كان فيه حاجه هتتعمل حتى لو شاى يعنى

متابعين

[عنبو]

متابعة مع حضرتك بس سؤال صغير يعني كلمة "ماتع"؟

يعني ممتع :)

متقول ممتع من الاول احنا ناقصينك ياخويا ( وش عادل الامام فى شاهد مشفش حاجه )

[se_ Elsyed]

كويت إيه ؟

ده أنتم تلاقيكم يا غريب كلكم على بعض 5 أنفار من السالمية .. لحد الأحمدي

أما هنا في الرياض فاللقاء كان بيتوتي في بيت السفير الملاصق للقنصلية واعتقد إنه كان بدعوات خاصة وللناس التقيلة ورجال الاعمال المصريين ... لإن بصراحة حتى لو مقر السفارة هاياخد كام واحد يعني قصاد الملايين الموجودة دي ..

وبعدين الراجل في اليوم ده إتفحت ....

صحي من الساعة 4 الصبح ... ووصل السعودية نقول 7 ... وفضل في إجتماعات وأستقبالات لحد بالليل ... وكان المفروض اللقاء مع الجالية المصرية يبقى 9 ... وإتأخر لحد 11 ... وقعد ساعتين معاهم فقط ....

وبالتالي كتر خير الدنيا بقى ...

كمل يا غريب .... وبعدين عملت إيه إنت والـ 4 اللي كانوا معاك ؟

[se_ Elsyed]

أهو شوفت ؟

لسه ما بدأناش وعمال يقول لك ماتع وباتع ...

كمل يا عم ... أما نشوف اخرتها

[essamalshaaer]

^{ما حدث في المملكة يختلف كثيرا .... على حد علمي}

^{أولا قامت لجنة من السفارة بالإجتماع مع رئيس الوزراء في القاهرة ولا نعلم عنهم اي شيء وسئلنا كثيرا عن من هم في صندوق رعاية المصريين ولا رد.}

^{ثانيا قام معالي وزير الخارجية بزيارة خاطفة ايضا قبل زيارة رئيس الوزراء وقيل انها قصيرة وطاريء ولم يتم تنظيم لها بشكل كامل.}

^{ثالثا قام معالي رئيس الوزراء بالزيارة وكان من الأولى تحديد يوم للإجتماع مع الجالية ولكن خوفا من رد فعل الجالية ونظرا لما تجابهه من اهمال}

^{لسمعت من الهتافات ما هو اشد واقصى وأقوى ليس بتغيير السفير فقط ولكن تغيير جميع أفراد السفارة .... وأعتقد ان فتح باب الحوار كان صعب غلقه كون السعودية فيها أكبر عدد من المصريين وأكثر المشاكل تحدث بها على اختلاف أفرادها ونوعياتها لتعدد المهن وأسباب حدوثها .....}

^{لدي سؤال ........... لرئيس الوزراء عصام شرف ....... ما الهدف من الزيارة لدول المنطقة ....أليس هو نحن أبناء مصر المغتربن .....!!!!!}

^{أخيرا وليس آخرا .... عن نفسي وعن جميع المصريين بالسعودية (أن سمحمو لي) لنا عتاب كبير على معالي رئيس الوزراء .... فعذرا لردي ... ولكن يعلم الله مدى حبنا له ولمصر ولكرامتنا كمصريين. ..... تحياتي.}

[لماضة مصرية جدا]

السلام عليكم و رحمة الله و بركاته

اني اعترررررررررررررض...(وش الايقونة اللي دراعاتها خدلت في المحاورات و هاي رافعة الشعار)

اشمعني السعودية و الكويت

السفارة بلغتنا ان دكتور شرف برنامجه مش هيضم لقاء مع الجالية المصرية لما ان شاء الله يجي حدانا في الامارات

انا بقول احنا نخطفه كدهوت طلعة علي دبي...و نعمل سكيينج في التلج...و نناقش قضايا الوطن و المواطنين هونيك

اتفضل كمل يا استاذنا الغريب

مع حضرتك المكرفون...بس حبيت اسجل اعتراضي..(هو الانسان ايه غير شوية مواقف فوق بعضيهم)

[زهرة الجبل]

عندي فيديوهات لمقابلة عصام شرف مع

المصريين في القاعه بالجامعه لكن لم يتم رفعها للنت بعد

لحين الرفع

و النقل لهنا ده تقرير عن المقابله في

الأخبار

http://www.youtube.com/watch?v=t5Gf3piuK5w

[Diab]

السلام عليكم و رحمة الله و بركاته

اني اعترررررررررررررض...(وش الايقونة اللي دراعاتها خدلت في المحاورات و هاي رافعة الشعار)

اشمعني السعودية و الكويت

السفارة بلغتنا ان دكتور شرف برنامجه مش هيضم لقاء مع الجالية المصرية لما ان شاء الله يجي حدانا في الامارات

انا بقول احنا نخطفه كدهوت طلعة علي دبي...و نعمل سكيينج في التلج...و نناقش قضايا الوطن و المواطنين هونيك

اتفضل كمل يا استاذنا الغريب

مع حضرتك المكرفون...بس حبيت اسجل اعتراضي..(هو الانسان ايه غير شوية مواقف فوق بعضيهم)

الراجل مش فاضلكم :P

بيشوف البهاريز (((المصريين في السعودية))) ـــــــ ( إجتماعات ولجان و مؤتمرات )

ولما زهق من الجو ده قالك اروح الاستاد فخطف رجله علي الكويت " الشعب يريد اسقاط السفير" حاجة كدة تفكر بجمهور الزمالك في ماتش الأفريقي :D

ثم انتم ماعندكمش مشاكل الحمد لله اللهم إلا برامج الشات اللي عاوزين ثورة عشان تلاقوها علي app store لزوم الأيفون

عالم مرفهة بتوع الأمارات دول <_<

تم تعديل 27 أبريل 2011 بواسطة Diab

[الغريب]

المهم نكمل كلامنا الماتع عن القاء الماتع :P

طبعا وبعد هتاف "الشعب يريد تغيير السفير"

الراجل كان في وسط هدومه وأتكسف وتقريبا كده ملوش أكل عيش هنا

وبالذات بعد ما قام راجل كبير وقال أنا قعدت ثلاث أيام عند السفارة علشان أقابل السفير ومقدرتش أقابله

وبعدين بدأ عرض شكاوي المواطنين على السيد رئيس الوزراء

وكعادة الدكتور عصام شرف المحترم أمسك بقلمه وورقته ودون كل الشكاوى

منها ما كان شكوى فردية ومنها شكاوى عامة

مثل الشكوى من تقليل نسبة المغتربين في القبول بالجامعات الحكومية والتي قام بها وزير التعليم العالي السابق حتى يتم مص دم المغتربين في الجامعات الخاصة

وكانت هناك مفاجأة في وجود أدمن صفحة "المعلمين الوافدين المطالبين بحقوقهم" على الفيس بوك

طبعا الصفحة دي أثارت المواضيع شوية في الكويت وقالك المصريين عاوزين كل حاجة بعد الثورة

المهم الراجل الأدمن قام وقال كلمتين في العضم ، وحظه الحلو أن وزيرة التربية الكويتية كانت موجودة وبالتالي تعرضت لإحراج بالغ

الخلاصة اللقاء كان جميل ، سبحان الله كنت هقول ياريت السفارة هي اللي كانت نظمته علشان يكون لقاء مصري خالص على الآراضي الكويتية ، بس بعد ما عرفت اللي عملته السفارة المصرية بالسعودية قولت الحمدلله ربنا لطف بينا

على العموم الأخوة في السعودية يقدروا يرسلوا أي شكاوى وطلبات وأسئلة لرئيس الوزراء في توبيك المصريين في الكويت ، وأحنا هنحاول نحققلكم كل اللي تتمنوه ، نعمل أيه بس ما أنتو قدرنا

تحياتي ..

[أمل حياتي]

اخي العزيز الغريب

نفسي بس اعرف كلمة ماتع دي اكيد من اللغة العربيه انا طالبه تدخل اخي مسافر زاده الخيال

عشان نتاكد وبعدين ما اعتقدش زي ما بتقول ان وزيرة التربيه حتحرج من موضوع الوافدين المعلمين اصله

موضوع خد حقه بالكلام وسبب مشاكل حسب رايي وانا ارى ان من حقهم يطلبوا ويعرضوا مطالبهم بهدوء وبشكل معقول بس التوقيت

كان غير مناسب والمعلمين يستاهلوا على كافة الجنسيات لان التدريس مهنه متعبه وطارده بس لازم يؤدوها بامانه واخلاص

مش اي كلام زي دلوقتي احنا درسنا في جيل سابق كان فرق شاسع الجيل الحالي مهلهل في كل شي

واي نقد تسمعه الوزيره مش شي جديد عليها وهى ردت افتكر بالسابق

والمساله في الاخر عرض وطلب واتفاق وعقد بس جيبلنا اصل كلمة ماتع دي

الظاهر مش بتستخدم بشكل كبير

تم تعديل 27 أبريل 2011 بواسطة أمل حياتي

[الغريب]

اخي العزيز الغريب

نفسي بس اعرف كلمة ماتع دي اكيد من اللغة العربيه انا طالبه تدخل اخي مسافر زاده الخيال

عشان نتاكد وبعدين ما اعتقدش زي ما بتقول ان وزيرة التربيه حتحرج من موضوع الوافدين المعلمين اصله

موضوع خد حقه بالكلام وسبب مشاكل حسب رايي وانا ارى ان من حقهم يطلبوا ويعرضوا مطالبهم بهدوء وبشكل معقول بس التوقيت

كان غير مناسب والمعلمين يستاهلوا على كافة الجنسيات لان التدريس مهنه متعبه وطارده بس لازم يؤدوها بامانه واخلاص

مش اي كلام زي دلوقتي احنا درسنا في جيل سابق كان فرق شاسع الجيل الحالي مهلهل في كل شي

واي نقد تسمعه الوزيره مش شي جديد عليها وهى ردت افتكر بالسابق

والمساله في الاخر عرض وطلب واتفاق وعقد بس جيبلنا اصل كلمة ماتع دي

الظاهر مش بتستخدم بشكل كبير

بخصوص موضوع الوزيرة فأنا أقصد أن الإحراج جاء بسبب أنها لم تتوقع أن يتم التطرق لمثل هذا الأمر في الندوة

ولكن هي بالفعل ردت على هذه المسئلة من قبل وقالت "أن العقد شريعة المتعاقدين"

وأنا أبديت وجهة نظري حول هذا الموضوع في توبيك "المصريين في الكويت"

----------------------------------

الماتع :

الجيد البالغ الجودة من كل شيء (المعجم الوسيط)

الجيِّد البالغ الجودة من كلّ شيءٍ؛ حصل على أثاث ماتع/ الماتع من الرّجال أي الطويل الكامل ج مَتَعَةٌ ومُتَّعٌ (المعجم المحيط)

[أمل حياتي]

اشكرك على توضيح كلمة ماتع لكن الشي الغريب يا اخي الغريب

انني لم اقراها مره واحده في الروايات والكتب ويجوز انها قليلة الاستخدام

اما بالنسبة لرد الوزيره فانا اعتقد حتى لو كان هناك عقد سابق فهم من حقهم طلب الزياده

التوقيت كان خطأ وكذلك كان يجب ان يكون هناك تنسيق اكثر بين المعلمين ليظهر الموضوع بطريقه لائقه

لانني بصراحه ترفعت عن استكمال قراءة الصفحة على الفيس بوك نظرا للتطاول في الكلام غير اللائق

الذي حدث من قبل الكويتيين والمصريين

انا من حقي ان اطالب ولكن قبل ذلك ارتب افكاري وابحث في مدي صدق مطالبي ومدى تقبل الاخرين لها واجد ثغرات

تساعدني على تحقيقها لان العقد في النهاية ليس كلام قرآني ويمكن تعديله والاهم من ذلك كله اختار الوقت المناسب

واتمنى ان تكون زيارته موفقه وتصب في الاخر لمصلحة كلا البلدين

تم تعديل 27 أبريل 2011 بواسطة أمل حياتي

[الغريب]

اشكرك على توضيح كلمة ماتع لكن الشي الغريب يا اخي الغريب

انني لم اقراها مره واحده في الروايات والكتب ويجوز انها قليلة الاستخدام

اما بالنسبة لرد الوزيره فانا اعتقد حتى لو كان هناك عقد سابق فهم من حقهم طلب الزياده

التوقيت كان خطأ وكذلك كان يجب ان يكون هناك تنسيق اكثر بين المعلمين ليظهر الموضوع بطريقه لائقه

لانني بصراحه ترفعت عن استكمال قراءة الصفحة على الفيس بوك نظرا للتطاول في الكلام غير اللائق

الذي حدث من قبل الكويتيين والمصريين

انا من حقي ان اطالب ولكن قبل ذلك ارتب افكاري وابحث في مدي صدق مطالبي ومدى تقبل الاخرين لها واجد ثغرات

تساعدني على تحقيقها لان العقد في النهاية ليس كلام قرآني ويمكن تعديله والاهم من ذلك كله اختار الوقت المناسب

واتمنى ان تكون زيارته موفقه وتصب في الاخر لمصلحة كلا البلدين

نفس الكلام أنا ذكرته من قبل بخصوص هذه المطالب في تساؤل للأستاذ تامر مصطفى حول وجهات النظر بخصوص هذا الموضوع في توبيك "المصريين بالكويت"

قولت ينبغي إختيار توقيت عرض المطالب بشكل مناسب للطرفين

[الغريب]

فيديو اللقاء

http://www.youtube.com/watch?v=3iEina1um-I

[أمل حياتي]

في النهايه كلنا نسعى في مناكبها وليس هناك حسب اعتقادي

شي اسمه وافد او مواطن كلنا عبيد الله ونسعى لارزاقنا في الارض

وليس عيبا ان يطلب اي فرد ما يعتبره حق له نظير عمله وجهده ما دام يؤديه باتقان والتزام

وان زيارة رئيس الوزراء المصري لا شك ستؤثر تاثيرا ايجابيا في تعزيز دور اخواننا المصريين هنا

والله الموفق

تم تعديل 27 أبريل 2011 بواسطة أمل حياتي

[Simba]

http://www.youtube.com/watch?v=XPIj9bz-Kgw&feature=player_embedded#at=26

فيه حد بقي من اخواتنا اللي في السعودية يقدر يقول كلمتين زي دول :P

تم تعديل 27 أبريل 2011 بواسطة سمبا