أنت دجاجة ولا سمكة؟؟؟؟؟؟؟؟؟

[amgadibrahim]

مشكلة حقيقية بنعاني منها جميعا في شغلنا

تعالوا نشوف الموضوع إيه

موظف راح يشتكي لسكرتير المدير أنه يستحق علاوة من سنين على مجهوده وانتاجه ..

بينما الموظف سين ياخذ علاوات كل سنة بدون انتاج ..

سأله السكرتير .. انت دجاجة والا سمكة؟

زعل الموظف وقال انا جاي اشتكي من الظلم وانت بتهزر وتتريق عليه ..

جاوب السكرتير وقال ..

يا اخي انا صادق الدجاجة تبيض بيضة كل يوم ..

بس قبل ما تبيض تكاكي وتسمع كل الجيران انها باضت ..

بينما السمكة تبيض مئات البيضات .. تحت حجر في البحر ومحدش يدري عنها اي حاجة ..

علشان كده سألتك انت دجاجة والا سمكة .. لكن للاسف طلعت سمكة ومحدش دارى عنك ..

خرج الموظف من عند السكرتير بدون اي تعليق ..

أكيد يا جماعة كلنا بنتعرض للمشكلة دي بس رأيكم الصح إيه؟

لما أعمل آي حاجة قي عملي لازم أقعد أوضحها وأتكلم عنها علشان يبان اني شغال

ولا الطبيعي و المفروض ان الواحد ينجز الأعمال الموكلة إليه بدون ما يعمل فرح حواليه منتظر أرائكم

[rewsha]

انا احيانا باكون دجاجه ...واحيانا سمكه

بس الاكتر بابقى اسد .ولو لزم الامر باقلب على ثعلب

لكن عُمري ما فكرت اكون ارنب او حيًة

تحياتى ;)

روشه :P

[raouf]

للاسف معظم المصريين اسماك بجدارة وباسريا كمان

الفلسطينين والهنود دجاج ورومى كمان

ربنا ما يوريكم

[عبير يونس]

لا كده و لا كده

لا دجاجة بتكاكي و تستعرض على بيضة لا راحت ولا جات

و لا سمكة متدارية محدش دريان بيا

شغلي و لله الحمد يتحدث عني

بفضل الله أي مكان عملت به تميزت فيه

يمكن لأني بأهتم بمن حولي ...الزملاء و الرؤساء و عاملات النظافة و الحارس و السائق

و بحب علاقاتي تكون كويسة مع الكل

حتى لو ما بقيناش أصدقاء

ما بأكسبش عداوات مع حد

محبة الناس رزق من الله تعالى

سر كمان للنجاح

مشاركة الأفكار و العلم

و لا تخافوا من سرقة الأفكار

فطاقة الفكرة لا تعمل مع سارق إلا و تهلكه في النهاية

الفكرة ملك للجميع

طاقتها الحقيقية في صياغتها و بلورتها و تنفيذها

لا ينبغي الاستئثار بالعلم و كتمانه

فلا خير في كاتم العلم

و كلما شاركت الآخرين فيما تعلمته

كلما أتقنته أكثر و أكثر

( بركة العلم)

مجتمع العمل سهل ممتنع

و التواصل فيه يحتاج لتوفيق ربنا سبحانه و تعالى أولا وأخيرا

ثم إعطاء كل ذي حق حقه

بحب اوي دعاء

ربنا يهديلك مهنتك

و يرزقك خيرها

و يكفيك شرها

أهديه لحضراتكم جميعا

آمين

[amgadibrahim]

انا احيانا باكون دجاجه ...واحيانا سمكه

بس الاكتر بابقى اسد .ولو لزم الامر باقلب على ثعلب

لكن عُمري ما فكرت اكون ارنب او حيًة

تحياتى ;)

روشه :P

دجاجة وسمكة و أسد وثعلب و أرنب وحية

كل دول عندكم في الشغل!!!!!!!!!!

هو شغل حضرتك فين بالظبط؟؟؟؟

[amgadibrahim]

فيه عامل مهم جدا أنتم مش واخدين بالكم منه

وهو طبيعة رئيسك في العمل

واللي من خلال خبرتي بيحبوا جدا الدجاج ويقدرونه والقليل منهم من يقدر الشخص بعمله فقط مش بكلامه

للأسف ياما الواحد عمل شغل وغيره اللي يشكر ويكافأ عليه ودي أكتر حاجة ممكن تضايق الواحد في عمله

ويصبح مطالب انه يوضح كل شوية الشغل اللي بيقوم بيه لمنع الآخرين من سرقة مجهوه

[rewsha]

انا احيانا باكون دجاجه ...واحيانا سمكه

بس الاكتر بابقى اسد .ولو لزم الامر باقلب على ثعلب

لكن عُمري ما فكرت اكون ارنب او حيًة

تحياتى ;)

روشه :P

9دجاجة وسمكة و أسد وثعلب و أرنب وحية

كل دول عندكم في الشغل!!!!!!!!!!

هو شغل حضرتك فين بالظبط؟؟؟؟

لأ لأ لأ ماتفهمنيش غلط ...طبعا مش جونينة الحيوانات

انا قصدت بالشغل هنا ...تعاملاتي في حياتي

وعموما انا شغلي (مشروع خاص)

اتيليه تاْجير فساتين افراح

اي خدمه ......

بالنبسه للسمكه والدجاجه .....فطبعا صاحب الموضوع شرح المقصود منهم

اما الاسد بقى فده يعني الجراْه والقرارات الحاسمه في الشغل (خصوصا لو الواحد قابلته مشكله)

والثعلب ده بقى بالنسبه لي هو دهاء المراْه في المواقف المفاجئه وحسن التصرف

انما الارنب معروف انه دايما بيكش ويخاف لما تقرب له ويجري ويهرب منك بسرعه )يعني ما يعرفش يواجه

والحيه اللي بتلدغ فجاْه يعني تسمم اللي امامها وتموته وفي العمل تقضي على منافسها

وانا قلت مش من طبعي اكون ارنب ولا حيه

تم تعديل 26 أبريل 2011 بواسطة rewsha