شباب 6 ابريل والدكتور البرادعي ,, ايد واحدة ,,

[م تيمور المراغي]

لقاء بين قيادات شباب 6 أبريل والدكتور البرادعي حول المرحلة الإنتقالية والإنتخابات البرلمانية

إلتقي عدد من قيادات حركة شباب 6 أبريل بالدكتور محمد البرادعي مساء يوم الثلاثاء في منزلة لبحث تطورات الوضع الحالي في البلاد.

وتناول الحديث عددا من الموضوعات الهامة من بينها ملف الإنتخابات البرلمانية القادمة وآليات العمل والتنسيق بين مختلف القوي السياسية، من أجل إتمام المرحلة الإنتقالية بشكل مناسب.

وقال أحمد ماهر "المنسق العام للحركة" أن الحديث كذلك دار حول مشاركة الشباب في صناعة القرار، وإدارة الثورة مع المجلس العسكري، ومناقشة سبل وآليات ذلك، وخاصة بعد حديث بعض قيادات المجلس العسكري علي قناة "أون تي في" مساء يوم الإثنين.

وإتفق شباب 6 أبريل والدكتور البرادعي علي إن الأولوية للمرحلة القادمة هي العمل علي تحقيق مطالب الثورة والعمل علي مشاركة مدنين في إتخاذ القرار في البلاد وإدارة المرحلة الإنتقالية وليست لإنتخابات الرئاسة.

وشارك في اللقاء عددا من قيادات الحركة بينهم (محمد محمود - محمود عفيفي - إنجي حمدي-محمد سامي- عمرو علي -محمد عادل-وليد راشد) ومعهم المنسق العام للحركة "أحمد ماهر" .

[أحمد سيف]

خلوا بالكم يا باشمهندس

هناك حملة منظمة لتشويه صورة حركة 6 ابريل كما تم قبلها شيطنة الكثير من الحركات والجماعات والشخصيات العامة والذين نذكر منهم على سبيل المثال لا الحصر الدكتور البرادعي والإخوان المسلمون والسلفيون والمجلس العسكري وشباب الثورة

أتمنى أن تكونوا واعين لما يحاك ضدكم وأن تبعدوا أنفسكم عن أية شبهات في هذه المرحلة حتى لا تستغلها قوى الثورة المضادة

وربنا يوفقكم

[لماضة مصرية جدا]

السلام عليكم و رحمة الله و بركاته

انا قريت عنوان التوبيك و فهمت منه انه اعلان عن تضامن بين حركة 6 ابريل و الدكتور البرادعي

بس لما قريت الخبر لقيت انها مجرد زيارة لتبادل الاراء

انهي واحد المقصود

لو في حالة تضامن مع دكتور البرادعي مش شايف ان حضرتك ده ممكن يسيء للحركة في ظل ما يتعرض ليه البرادعي من تشويه

الطبقة المثقفة بتؤيد البرادعي (في المعظم)

بس القاعدة العريضة من الشعب....معتقدشي انها في صفه

مش من الافضل لحركة دلوقتي انها تكون مستقلة و حيادية و تحاول تبني نفسها كفر سياسي مستقل ومافيش مانع من انها تستعين بخبرات ناس تانية زي البرادعي...و غيره

بس المهم تفضل حيادية

دي وجهة نظر

[من غير كسوف]

الرباط الخاص بي

[م تيمور المراغي]

احمد بك ,, شكرا للدعم المستمر والنصائح الصادقة ,,

وياريت تشرفنا والزملاء هنا في اجتماع اللجنة الاعلامية السبت الجاي الساعة 6 مساءا 5 ش السواقي جاردن سيتي ,,

ريهام ,,

دكتور برادعي هو الاب الروحي لشباب 6 ابريل ,,

والدعم ده مقصود للرد على كل حملات التشكيك اللي بتقوم بيها التيارات المعادية للرجل ,,

الحركة حيادية في دعم اي فرد او مجموعه مصرية او عربية لكي تنال حقوقها المشروعة والعادلة بالكامل ,,

ولكن حين ياتي وقت التعبير عن الخط السياسي والتوجه ا لفكري العام للحركة فبالتاكيد سيكون لها موقف واضح وصريح ومحدد ومعلن يعبر عنها

ولكل مقام مقال ,,

للجميع التحية ,,

( من غير كسوف ) ,, هو الرابط اللي حضرتك وضعته دخله ايه بالتوبيك ؟

[Ahmed Anwer]

بعد إذن الإدارة و صاحب الموضوع ،،

بدلا يعني من إني افتح موضوع جديد ،،

بس نتيجة الإجتماع ده جايبالي زغطه ،، و مش مصدق إن فيه تفكير كده ،،

«البرادعي» يطالب مرشحي الرئاسة بتأجيل حملاتهم الانتخابية حتى تستقر البلاد

عقد الدكتور محمد البرادعي، المدير السابق للوكالة الدولية للطاقة الذرية، الثلاثاء، اجتماعًا بمنزله مع شباب 6 أبريل لبحث تطورات الأمور الحالية وما تحتاجه البلاد خلال المرحلة المقبلة.

وطالب البرادعي، خلال اجتماعه، المرشحين في الانتخابات الرئاسية بالتوقف عن الاستمرار في حملاتهم الانتخابية أو على الأقل تأجيلها حتى تستكمل أهداف ومطالب الثورة، كما وعد البرادعي بأن يتحدث للمرشحين ويطالبهم بتأجيل حملاتهم الانتخابية، مشيرا إلى أنه التقى بالمستشار هشام البسطويسي، المرشح على منصب الرئاسة، واتفقا على هذا الأمر، وقال البرادعي: «إزاى أعمل دعاية والصورة لسه مش واضحة والأمور مش مستقرة».

وعلمت «المصري اليوم» أن اللقاء، الذي استمر حوالي ساعتين ونصف الساعة بمنزل البرادعي على طريق مصر- الإسكندرية الصحراوي، شمل 6 من شباب 6 أبريل، أبرزهم أحمد ماهر، المنسق العام، ومحمد عادل، المتحدث الإعلامي باسم الحركة، وأكد البرادعي على ضرورة أن يكون الشعب شريكا للجيش في إدارة البلاد، مشددًا على تشكيل مجلس رئاسي يحكم البلاد خلال الفترة الانتقالية الحالية يكون بالتوافق بين القوى السياسية.

وطالب البرادعي شباب 6 أبريل بألا يلتفتوا إلى الاتهامات الموجهة لهم بالتمويل الأجنبي والحصول على تدريبات في دول أوروبية، وقال: «نفس ما تعرضت له تتعرضون له الاَن، ونصيحتي ألا تهتموا بهذه الصغائر»، وأضاف أنه لن يمانع أن يكون جزءًا من المجلس الرئاسي رغم أن ذلك يمنعه من الترشح للانتخابات الرئاسية.

واتفق البرادعي مع شباب 6 أبريل على ضرورة البدء في التنسيق مع كافة القوى السياسية خلال الانتخابات البرلمانية المقبلة، وأكد شباب 6 أبريل أنهم اتفقوا مع الدكتور البرادعي على أن الأولوية للمرحلة المقبلة هي العمل على تحقيق مطالب الثورة ومشاركة مدنين في اتخاذ القرار في إدارة شؤون البلاد والمرحلة الانتقالية.

____________________________________________________________________________________________

بالذمه ده كلام !!!!

يعني اشمعني التباطؤ في دي رغم إنها أهم حاجة !!!!

ده كلام ده !!!

و لما نيجي قدام صندوق الإنتخابات نعيط بقه و نخبط رجلنا في الأرض و نقول أصل إحنا مش مستعدين

مش هأفترض فيهم سوء النية ،،

وإن إحنا بتوع إعتصامات مش بتوع إنتخابات

و بعض الناس ينادون بالديمقراطية و لا يريدونها و الكلام الجارح ده

و إحنا مبسوطين كده لو دخلنا الإنتخابات هنكتشف و فرحانين بالقعدة مع مجلس الوزرا و المجلس العسكري في الغرف المغلقة

(( و علي فكرة من غير الشعب مالكوش لازمة،، الشعب اللي بينجح في الانتخابات و الشعب اللي بينجح الاعتصامات ))

لا هأفترض حسن النية ،،،

فعلا قال قال يعني ممارسة الديمقراطية عائق قدام تحقيق مطالب الثورة !!!

طب متمشي يا عم الناصح أنتا و هوا في الخطين بالتوازي ،،، أيه المانع يعني ؟؟؟

طب بلاش ده أنتا لو المجلس العسكري اللي طلع سرعة الصاروخ بالنسبة لكم ،، محققشي مطالبك

فرصتك تحققها بالانتخابات !!!

متزعلوش بقه لو الشعب قال الإعتصامات و المظاهرات موقفه البلد و نصبر شوية و مش وقتها

مأنتم كمان شايفين و يا لا المهزلة و يا لا الإستهبال إن الديمقراطية مش وقتها دلوقتي

سقطه جامدة أوووي

تم تعديل 13 أبريل 2011 بواسطة Ahmed Anwer

[الباشمهندس ياسر]

خلوا بالكم يا باشمهندس

هناك حملة منظمة لتشويه صورة حركة 6 ابريل كما تم قبلها شيطنة الكثير من الحركات والجماعات والشخصيات العامة والذين نذكر منهم على سبيل المثال لا الحصر الدكتور البرادعي والإخوان المسلمون والسلفيون والمجلس العسكري وشباب الثورة

أتمنى أن تكونوا واعين لما يحاك ضدكم وأن تبعدوا أنفسكم عن أية شبهات في هذه المرحلة حتى لا تستغلها قوى الثورة المضادة

وربنا يوفقكم

متقلقش يا احمد

تيمور قايم بالواجب و زيادة

[م تيمور المراغي]

لا نهدأ

لا ننام !

شباب 6 ابريل ,,

[tarek hassan]

ما الجديد

- ليبراليين بيأييدوا ليبرالي

- الاتنين عايزين مرحلة انتقالية ومجلس رئاسي .... الخ

- 6 إبريل عايزين يغيروا السفراء والجيش وكمان الشعب

لا جديد