معضله رياضيه حد يعرف يشرح لنا المفهوم وراها ايه؟

[مغتربة]

هى معضله تنسب لسيدنا على كرم الله وجهه

بالطبع عبقريه سيدنا على فى الحل ليس عليها خلاف لكن انا عايزه افهم ازاى

اسيبكم معاها و الى يعرف التفسير الرياضى يقولنا عليه

كان هناك ثلاثة رجال يمتلكون 17 جملا عن طريق الإرث بنسبٍ متفاوتة

فكان الأول يملك نصفها، والثاني ثلثها، والثالث تسعها

:وحسب النسب يكون التوزيع كالآتي

الأول يملك النصف (17÷2) = 8.5

الثاني يملك الثلث (17÷3) = 5.67

الثالث يملك التسع (17÷9 ) = 1.89

ولم يجدوا طريقة لتقسيم تلك الجمال فيما بينهم، دون ذبح أي منها أو بيع جزء منها قبل القسمة

فما كان منهم الا أن ذهبوا للإمام علي (كرم الله وجهه) لمشورته وحل معضلتهم

قال لهم الإمام علي (كرم الله وجهه) : هل لي بإضافة جمل من جمالي الي إلى القطيع ؟؟

فوافقوا بعد استغراب شديد !!

فصار مجموع الجمال 18 جملا ، وقام الإمام علي (كرم الله وجهه) بالتوزيع كالتالي :

الأول يملك النصف (18÷2) = 9

الثاني يملك الثلث (18÷3) = 6

الثالث يملك التسع (18÷9) = 2

ولكن الغريب في الموضوع أن المجموع النهائي بعد التقسيم يكون .. 17 جملا !!

فأخذ كل واحدٍ منهم حقه

واسترد الإمام جمله (الثامن عشر) !!

(رائعة من روائع الإمام علي .. رضى الله عنه )

[raouf]

حلك بالطريقة الاولى خطا

هابسطها ليكى يا ستى

حليها زى ما كنا بنحل مسائل 3 ابتدائى بتاعة الكسور

والشركات

حلى المعادلة التالية

1\2س + 1\3س + +1\9 س =17

وحدى المقامات

تلاقى قيمة س = 18

طبقى المعادلة

الاول ياخد 9

الثانى 6

الثالث 2

مهندس رؤف هههههههههههههه

تم تعديل 4 أبريل 2011 بواسطة raouf

[مهيب]

أول مرة أسمع بهذه القصة .. سبحان الله العظيم .. كان سيدنا علي عقلا معجزا .. و كان يميزه ذكاء خام نادر يحار فيه الأنداد .. و لعل المتأمل فى سيرة سيدنا علي منذ صغره ليجد دلالات و علامات الذكاء و العبقرية بادية .. حقا انه تربية رسول الله ..

سبحان الله .. حين ندرس سيرة خلفاء رسول الله نجد فيها ما يذهل حقا .. مثل اعجاز سيدنا عمر فى السياسة و القيادة و أمور الحكم و الادارة و التنظيم .

هنا سيدنا علي استعاض عن الجبر .. الذى لم يكن الخوارزمي قد ولد بعد .. بالحيل الرياضية .. لأن المسألة مسألة نسبة و ليست تقسيما .. و حتى يبسط الأمر على الناس أكمل النسبة حتى يصححها فيسهل التقسيم و ايجاد النسبة .. ثم أخذ ما أكمل به فقط ليزن نسبة التقسيم .. أرجو أن يكون كلامي واضحا

مهيب

تم تعديل 4 أبريل 2011 بواسطة مهيب

[مغتربة]

حلك بالطريقة الاولى خطا

هابسطها ليكى يا ستى

حليها زى ما كنا بنحل مسائل 3 ابتدائى بتاعة الكسور

والشركات

حلى المعادلة التالية

1\2س + 1\3س + +1\9 س =17

وحدى المقامات

تلاقى قيمة س = 18

طبقى المعادلة

الاول ياخد 9

الثانى 6

الثالث 2

مهندس رؤف هههههههههههههه

ماهو سيدنا على كرم الله وجهه حلها بالطريقه الاولى دى لانه مكنش على اياميهم لسه فيه علم اسمه الجبر زى ما قال استاذ مهيب لكن فى الاخر سواء طريقتك او طريقته انتوا اتفقتوا على تحويل العدد ل 18 و تقسيمه

لكن انا سؤالى مش فى طريقه الحل لكن الكونسيبت بتاعه

يعنى لو تلاحظ ان كل شخص اخد بعد تحويل العدد ل 18 نصيب اكبر من الى كان هيخدوا فى الاول و برضه المجموع طلع 17

طيب يعنى لو كان واحد نصيبه زاد وواحد نقص كنا قلنا ان واحد نصيبه زاد من نصيب التانى

لكن التلاته نصيبهم زاد و ال17 جمل هما هما لازادوا رجل و لا راس

طيب ازاى هو دا الى انا عايزه افهمه

يعنى الشخص الاول كان هياخد 8.5 جمل بقى هياخد 9 طيب النص جمل الى زاده دا على ارض الواقع هيجى منين ما هما فى الاول 17 و الاخر 17

يا ريت اكون وضحت انا ايه الى مش قادره افهمه

تحياتى

[مغتربة]

أول مرة أسمع بهذه القصة .. سبحان الله العظيم .. كان سيدنا علي عقلا معجزا .. و كان يميزه ذكاء خام نادر يحار فيه الأنداد .. و لعل المتأمل فى سيرة سيدنا علي منذ صغره ليجد دلالات و علامات الذكاء و العبقرية بادية .. حقا انه تربية رسول الله ..

سبحان الله .. حين ندرس سيرة خلفاء رسول الله نجد فيها ما يذهل حقا .. مثل اعجاز سيدنا عمر فى السياسة و القيادة و أمور الحكم و الادارة و التنظيم .

هنا سيدنا علي استعاض عن الجبر .. الذى لم يكن الخوارزمي قد ولد بعد .. بالحيل الرياضية .. لأن المسألة مسألة نسبة و ليست تقسيما .. و حتى يبسط الأمر على الناس أكمل النسبة حتى يصححها فيسهل التقسيم و ايجاد النسبة .. ثم أخذ ما أكمل به فقط ليزن نسبة التقسيم .. أرجو أن يكون كلامي واضحا

مهيب

اهلا استاذ مهيب

بالنسبه لنسب الروايه لسيدنا على فانا قلت تنسب لاننى نقلتها كما وجدتها و لم اجد طريقه للتحقق من صحه هذا النسب

لكن بالطبع عبقريته سيدنا على لا يختلف عليها اثنان

تحياتى

[shawshank]

يعنى لو تلاحظ ان كل شخص اخد بعد تحويل العدد ل 18 نصيب اكبر من الى كان هيخدوا فى الاول و برضه المجموع طلع 17

طيب يعنى لو كان واحد نصيبه زاد وواحد نقص كنا قلنا ان واحد نصيبه زاد من نصيب التانى

لكن التلاته نصيبهم زاد و ال17 جمل هما هما لازادوا رجل و لا راس

ده صحيح لأن مجموع أنصبتهم أصلا مايكملش 100% من الـ 17 جمل ... الزيادة اللي تكمل 100% من الـ 17 جمل اتوزعت عليهم بحيث كل واحد ياخد عدد صحيح من الجمال ... يعني كل واحد خد شوية بسيطة أكتر من نصيبه.

[الباشمهندس ياسر]

الحسبة صحيحة قطعا

بس اللي لفت انتباهي حاجة تانية

ازاي ميراث و يبقي مجموع انصبة الورثة = النص + الثلث + التسع

مش عارف ليه شاكك ان دي حسبة مواريث اصلا

نعتبرها فرصة و حد يكلمنا ف المواريث شوية

[Alshiekh]

الموضوع مجرد عملية حسابية من مسائل الألغاز التى اعتدناها فى الصغر ولم يكن بها اسم الخليفة على

والمسألة هى فى تقسيم الانصبة وجبر الكسور زخدعة ان المسألة تنحصر فى كيفية اعطاء كل واحد نصيبه المحدد سليما بدون كسور ، متجاهلين ان الباقى هو بعد التقسيم هو واحد صحيح لو تم تقسيمه بنفس النسب ، لاصبحت النواتج ارقام صحيحة.

الاول 8.5

الثانى: 5.666667

الثالث: 1.888889

ثم تقسيم الواحد المتبقى

الاول: 0.5 + 8.5 = 9

الثانى: 0.3333333 + 5.666667 = 6

الثالث: 0.111111 + 1.888889 = 2

لكن السؤال المهم ، ليه " جمال " ، مينفعش عمارات أو عربيات؟