الليبرالية في مواجهة السلفية

[tarek hassan]

الهجمة الليبرالية الفضائية الكبيوترية على جماعات السلفية بحجة مواجهة الفكر الخاطي للإسلام ومحاولة المقارنة بين الفريقين

1- طبعا للآن لم أجد كتابا واحدا لليبراليين يضع منهجا قويما للإسلام يمكننا أن نناقشهم فيه ولكنهم بنوا استراتيحيتهم على نقد الآخر فقط دون أن تكون لهم مناهج يمكن دراستها والرد عليها ولذلك سهل عليهم نقد الآخر دون أن ينقدهم

2- والسلفيون لهم مؤسسات وجمعيات ومساجد ( مفتوحة ) في كل مدينة وقرية ونجع وعيادات وأدوية مجانية وغيرها

فأين هي مساجدكم أيها الليبراليون ؟ فإننا لم نسمع عن مسجد فلان الليبرالي

3- السلفيون نراهم يقيمون الصلاة وويقرأون القرآن وويصلون التراويح والقيام ويوزعون زكاة الفطر من المسجد .... الخ

فأين هو ورعكم أيها اليبراليون يامن تسمون أنفسكم النخبة ؟ فلم نسمع عن علان الليبرالي الورع

4- السلفيون لهم تواجدهم في الشارع المصري بزيهم وهيئتهم والناس يتقبلونهم أما أنتم فلا تظهرون إلا في قرى محصنة ( فضائية ) أو من وراء جدر ( كمبيوترية )

ولا تنسوا الاستقبال الشعبي الأسطوري والوردود التي انهالت على السيد البرادعي في المقطم

فهل تسطيعوا أن تجاهروا بالليبرالية في أي مسجد أو شارع في مصر المتدينة ؟

تم تعديل 4 أبريل 2011 بواسطة tarek hassan

[jasmin hamed]

الهجمة الليبرالية الفضائية الكبيوترية على جماعات السلفية بحجة مواجهة الفكر الخاطي للإسلام ومحاولة المقارنة بين الفريقين

1- طبعا للآن لم أجد كتابا واحدا لليبراليين يضع منهجا قويما للإسلام يمكننا أن نناقشهم فيه ولكنهم بنوا استراتيحيتهم على نقد الآخر فقط دون أن تكون لهم مناهج يمكن دراستها والرد عليها ولذلك سهل عليهم نقد الآخر دون أن ينقدهم

2- والسلفيون لهم مؤسسات وجمعيات ومساجد ( مفتوحة ) في كل مدينة وقرية ونجع وعيادات وأدوية مجانية وغيرها

فأين هي مساجدكم أيها الليبراليون ؟ فإننا لم نسمع عن مسجد فلان الليبرالي

3- السلفيون نراهم يقيمون الصلاة وويقرأون القرآن وويصلون التراويح والقيام ويوزعون زكاة الفطر من المسجد .... الخ

فأين هو ورعكم أيها اليبراليون يامن تسمون أنفسكم النخبة ؟ فلم نسمع عن علان الليبرالي الورع

4- السلفيون لهم تواجدهم في الشارع المصري بزيهم وهيئتهم والناس يتقبلونهم أما أنتم فلا تظهرون إلا في قرى محصنة ( فضائية ) أو من وراء جدر ( كمبيوترية )

ولا تنسوا الاستقبال الشعبي الأسطوري والوردود التي انهالت على السيد البرادعي في المقطم

فهل تسطيعوا أن تجاهروا بالليبرالية في أي مسجد أو شارع في مصر المتدينة ؟

حضرتك سعيد و متباهى برمى البردعى بالحجاره عشان هو مش سلفى

عن اى تتدين تتكلم

التدين ايه الى يشجع ان اى واحد يجاهر براى مخالف يضرب بالطوب

ديه صورتك عن مصر المتدينه

همج محرضين على القتل

هيه ديه انجازات الدعوه السلفيه فى مصر التعصب و رمى الناس بالحجاره

حضرتك ماتعرفش ليبرالى ورع لانك مش شايف غير نفسك و جماعتك

انا اعرف ناس( بيقولو انهم يتبعو المنهج السلفى )

و مابيراعوش ربنا فى شغلهم و مرتشين كمان

هرجع تانى و اقول طول ما انتو مصرين تبقو طائفه دون المصرين

مش مجرد مسلمين ملتزمين طول ما التعصب و رمى الناس بالحجاره و قطع الودان

هيتعمل باسم الدين

تم تعديل 4 أبريل 2011 بواسطة jasmin hamed

[tarek hassan]

الهجمة الليبرالية الفضائية الكبيوترية على جماعات السلفية بحجة مواجهة الفكر الخاطي للإسلام ومحاولة المقارنة بين الفريقين

1- طبعا للآن لم أجد كتابا واحدا لليبراليين يضع منهجا قويما للإسلام يمكننا أن نناقشهم فيه ولكنهم بنوا استراتيحيتهم على نقد الآخر فقط دون أن تكون لهم مناهج يمكن دراستها والرد عليها ولذلك سهل عليهم نقد الآخر دون أن ينقدهم

2- والسلفيون لهم مؤسسات وجمعيات ومساجد ( مفتوحة ) في كل مدينة وقرية ونجع وعيادات وأدوية مجانية وغيرها

فأين هي مساجدكم أيها الليبراليون ؟ فإننا لم نسمع عن مسجد فلان الليبرالي

3- السلفيون نراهم يقيمون الصلاة وويقرأون القرآن وويصلون التراويح والقيام ويوزعون زكاة الفطر من المسجد .... الخ

فأين هو ورعكم أيها اليبراليون يامن تسمون أنفسكم النخبة ؟ فلم نسمع عن علان الليبرالي الورع

4- السلفيون لهم تواجدهم في الشارع المصري بزيهم وهيئتهم والناس يتقبلونهم أما أنتم فلا تظهرون إلا في قرى محصنة ( فضائية ) أو من وراء جدر ( كمبيوترية )

ولا تنسوا الاستقبال الشعبي الأسطوري والوردود التي انهالت على السيد البرادعي في المقطم

فهل تسطيعوا أن تجاهروا بالليبرالية في أي مسجد أو شارع في مصر المتدينة ؟

حضرتك سعيد و متباهى برمى البردعى بالحجاره عشان هو مش سلفى

عن اى تتدين تتكلم

التدين ايه الى يشجع ان اى واحد يجاهر براى مخالف يضرب بالطوب

ديه صورتك عن مصر المتدينه

همج محرضين على القتل

أنا لا متباهي ولا حاجه

مع إني لا أؤيد هذا البرادعي أنكرت في مشاركاتي هذا الفعل

ولكن حديثي واضح عن التواجد وعدم التواجد بين هؤلاء وأولئك والبرادعي كمثال ذكرته وليس افتخارا

وما علاقة التدين بعلقة البرادعي والناس اللي مش عايزاه وحاسة إنه بتفرض عليهم

طيب ياريت تقولي رأيك فيما ذكرته دون الخروج عن الموضوع

شكرا جزيلا

تم تعديل 4 أبريل 2011 بواسطة tarek hassan

[وليد صفوت]

السلام عليكم،..

مبدأياً ليه عاوز يبقى فيه تضاد و مواجهة بين الدين و بين التحرر؟

ايه الفكرة من وراء العنوان و الموضوع؟

[التونسى]

المقارنه بين السلفيه والليبراليه ..فكرتنى بسؤال هزلى.. ألا وهو ((النخله أطول ..والا القطر أسرع ؟؟؟؟)) الاجابه طبعا البحر أعرض .. او الونش أتقل .. وهكذا

واذا لم تصل الفكره ساعود مجددا لتوضيح وجهة نظرى

[محمد عبدالعزيز]

البرادعى جهر بكلمة الحق فى وجه سلطان جائر, وتعرض فى المقابل لتشويه سمعته وسمعة أهل بيته والتضييق عليه فى كل مكان يروحه.

والسلفيين كانوا بيحرموا الخروج على الحاكم وبيحرموا المظاهرات وبيقولوا إنها دعوة للفتنة, هو انت نسيت يا أستاذ طارق موضوعات الدعوة ل25 يناير ولا إيه؟ ده حضرتك كنت عضو فعال ونشط فيها!!!

الناس الفضائيين والكمبيوتريين هما اللى اخدوا المبادرة ونزلوا الشارع يوم 25 ويوم 28 ينايروتحملوا كل العنف الأمنى اللى احنا كلنا شفناه بعنينا ومننا جربه بنفسه, والسلفيين كانوا بيطلعوا فى قناة المحور وقنوات النيل عشان يقنعوا الناس إنها ماتنزلش المظاهرات وكفاية لحد كده. وبعدين لما تأكدوا من نجاح الثورة فى تنحية مبارك أصبحوا يشاركون فى الحياة السياسية ويمارسوا السياسة ويكذبوا كمان عشان يحشدوا لرأيهم, وشايفين إن من حقهم يستغلوا نقطة قوتهم فى السيطرة على مشاعر الناس بحكم الدين ويخلوا الناس تقول اللى هما مقتنعين بيه, حتى لو كانت مبرراتهم كاذبة, أو لو افترضنا حسن النية فهى غير واعية وغير فاهمة.

[مهيب]

الليبرالية ليست تصنيف دينى أو مذهبي أو عقائدي .. و انما هو اتجاه فكري لا يتنافى مع دين المرء أو معتقده .. أما السلفية بمعناها الواقعي و ليس المدعى هو اتجاه فقهي ديني و ليس اتجاه فكري عام .. فلا يوجد سياسة سلفية أو آليات اقتصاد سلفية أو ما شابه ..

و المقارنة بينهم كمن يقارن بين الصوفيين و الدمايطة مثلا .

الليبرالية ليست ضد السلفية مطلقا فهما تصنيفان مختلفان .. و لكن ضد السلفية هو الوسطية أو فكر الاسلام الوسطي ان أردت تصنيفا دينيا .. و أما ضد الليبرالية هو الراديكالية.

و الليبرالية لا تقارن بالاسلام .. لأن الاسلام لا حاجة له لمبادىء الليبرالية حيث أن الاسلام يعترف بحرية العبادة للفرد و بمسئولية الفرد عن عبادته و أنه سيحاسب وحده و لن تزر وازرة وزره فى معتقده و ايمانه .. كذلك اللبيرالية لا تناقض الاسلام فى شيء... كما أنها ليست بديلا عنه لأنها ليست عقيدة عبادة .. و محاولة مقارنتها بالاسلام تظلم الاسلام لأن الدين الاسلامي أجل و أرفع من أن يقارن باتجاهات فكرية أو فلسفية بشرية.

مهيب

تم تعديل 4 أبريل 2011 بواسطة مهيب

[Dreamwithme]

هو ليه لازم يكون في تضاد ...أنا أعتقد والله أعلم إن الليبرالية مصطلح سياسي أو لوصف مجتمع

والسلفية مصطلح ديني اسلامي وهو إتباع السلف الصالح.....

فليه نقارنهم ببعض ....أنا رأيي إن ممكن جدا يكون في شخص سلفي (بمعني اتباع السلف الصالح

وفي نفس الوقت يكون ليبرالي من ناحية السياسية ومن ناحية احترام حرية الأفراد في المجتمع

أنا كنت قرأت مقالة لا أذكر الآن لمين تحديدا كان بيتكلم إن الليبرالية بمعناها العام وهو احترام حرية الفرد

ممكن نطبقها في المجتمعات الأسلامية بحدود الثقافة الإسلامية بمعني إن الليبرالية معناها الواسع هو احترام حرية الفرد في المجتمع

إلي أن يتعدي هذا الفرد علي المجتمع ويضر بالصالح العام ....هنا يتم ايقافه

وإحنا في اسلامنا أعتقد أن عندنا نفس المفهوم....وكل الحدود في الشريعة الاسلامية وجدت لتحمي المجتمع

وأيضا كل ماهو محرم في الاسلام برضه عند البحث عن علة التحريم ستجد لحفظ الفرد أو المجتمع

فلماذا لا نستخدم الليبرالية في التفكير والسياسة بمايناسبنا كمسلمين؟ في إطار الشريعة الاسلامية؟

أرجو إني أكون جاوبت علي سؤال حضرتك.

أما بخصوص تساؤل حضرتك عن الليبراليين أين مساجدهم؟! بصراحة مش فاهمه هي علاقة الليبرالية بطريقة تعبدك لخالقك فبالتالي يكون لك مسجد مخصوص

وتساؤلك عن أين عبادتهم؟ أعتقد إن إحنا مش في حل لإننا نفتش في قلوب الناس ومعرفة نواياهم ومعرفة علاقتهم بالله

لأن كل شخص فينا علاقته بربنا هي علاقة لا يطلع عليها إلا الله ولا يعلم حقيقتها إلا الله

[tarek hassan]

السلام عليكم،..

مبدأياً ليه عاوز يبقى فيه تضاد و مواجهة بين الدين و بين التحرر؟

ايه الفكرة من وراء العنوان و الموضوع؟

هل اعتبرت السلفية هي الدين (والدين فيه حرية ) والليبرالية من وجهة نظرك كلمة تحرر فقط ...

أنا عايز منهج ليبرالي ديني تحرري مناقض للمنهج السلفي المتزمت يا ريت يتم عرضة قدامنا

الفرق بين من له منهج وهو الدعوة إلى الاقتداء بالسلف وبين من ليس له منهج أصلا أو في الأساس

هل معقول تفضل منهجك كلمة تحرر ؟

وتفضل تدور على أعمال غيرك طول عمرك علشان تنتقدها

الفرق هو أن الدين منهج والتحرر كلمة ليست لها دلالة واضحة ولكن باسمها أبيحت كل رذيلة وفاحشة عند أقوام

هل تعتقد أن تبقى بلا منهج واضح أناقشك فيه ثم تسمح لنفسك أن تنتقد منهجي على طول الخط

النقد سهل لكن المنهج صعب لأنه سيكون معرض للنقد

وكلامي لمن يفترض في نفسه الصواب دائما وفي غيره الخطأ الدائم ولمن يحتكر الحقيقة والصواب

نحن ندور في حلقة مفرغة

والتناقض ممن ؟

وكل يدعي وصلا بليلى ... وليلى لا تقر لهم بذاكا

تم تعديل 4 أبريل 2011 بواسطة tarek hassan

[Alshiekh]

أولا الحمد لله انك لم تعقد المقارنة بين الليبرالية وبين الإسلام ، وإلا كانت ستكون غلطة كبيرة.

سؤالك مقارنة بين الليبرالية فى مواجهة السلفية

ْ

الإجابة عندى قصيرة جدا وهى

العقل فى مواجهة النقل

وياريت محدش يحدف طوب أو كسر بلاط ويجري

[tarek hassan]

الليبرالية ليست تصنيف دينى أو مذهبي أو عقائدي .. و انما هو اتجاه فكري لا يتنافى مع دين المرء أو معتقده .. أما السلفية بمعناها الواقعي و ليس المدعى هو اتجاه فقهي ديني و ليس اتجاه فكري عام .. فلا يوجد سياسة سلفية أو آليات اقتصاد سلفية أو ما شابه ..

و المقارنة بينهم كمن يقارن بين الصوفيين و الدمايطة مثلا .

الليبرالية ليست ضد السلفية مطلقا فهما تصنيفان مختلفان .. و لكن ضد السلفية هو الوسطية أو فكر الاسلام الوسطي ان أردت تصنيفا دينيا .. و أما ضد الليبرالية هو الراديكالية.

و الليبرالية لا تقارن بالاسلام .. لأن الاسلام لا حاجة له لمبادىء الليبرالية حيث أن الاسلام يعترف بحرية العبادة للفرد و بمسئولية الفرد عن عبادته و أنه سيحاسب وحده و لن تزر وازرة وزره فى معتقده و ايمانه .. كذلك اللبيرالية لا تناقض الاسلام فى شيء... كما أنها ليست بديلا عنه لأنها ليست عقيدة عبادة .. و محاولة مقارنتها بالاسلام تظلم الاسلام لأن الدين الاسلامي أجل و أرفع من أن يقارن باتجاهات فكرية أو فلسفية بشرية.

مهيب

يعني بدون تفريع نقدك الدائم للسلفية هو ليس من منطلق ليبرالي ولكن من منطلق إسلام وسطي

إذن يا ريت تعرضه لينا حضرتك في مجال الاقتصاد والسياسة والحكم

و أما ضد الليبرالية هو الراديكالية.

أرجو الشرح فالليبرالية بهذا ضد التطرف اليميني في الدين على ما أظن

حيث أن الاسلام يعترف بحرية العبادة للفرد

في العبادة بس والحكم والاقتصاد لا مش كده

طيب ما تعرض المنهج كده علشان نفهم

وإذا كانت الليبرالية لا تتناقض مع الإسلام في شيء فلم لا نأخذ الإسلام وندعها ولا على اعتبار الإسلام له حته واحدة وهي العبادة

وهي أتت لتكمل الإسلام أو لتحذف منهجه في مجالات معينة هي تقررها بطريقتها

يا سيد مهيب دي فكر يقصر الإسلام على العبادة بطريقة معينة وفقط

ألست تعني تنحي الإسلام عن السياسة والحكم والاقتصاد

عايزين نفهم بطريقة مباشرة

تم تعديل 4 أبريل 2011 بواسطة tarek hassan

[Alshiekh]

والسلفية مصطلح ديني اسلامي وهو إتباع السلف الصالح.....

فليه نقارنهم ببعض ....أنا رأيي إن ممكن جدا يكون في شخص سلفي (بمعني اتباع السلف الصالح

وفي نفس الوقت يكون ليبرالي من ناحية السياسية ومن ناحية احترام حرية الأفراد في المجتمع

فى رأيي أن كل المسلمين سلفيين بدرجات مختلفة

بمعنى لو شفتى حد بيسرق بتقولى له " كده جرام " ، الليبرالية مفيش فيها حاجة اسمها حرام، اسمها غير قانونى.

لو شفتى واحد بيزوغ من الشغل بتقولى " ده مش بيحلل الفلوس اللى بيقبضها " ، فى الليبرالية بتقولى " ده بيخالف قوانين العمل "

اذن ابسط حاجة فى اتباعنا للسلف الصالح اننا بنقول " حرام " على مانراه خطئا ، وفى نفس الوقت فالسلفى الليبرالى من الممكن ان يقول " هذا غير قانوني وحرام فى نفس الوقت " ، لانه يؤمن بالدين وبحدوده ويؤمن ايضا بحرية الفرد التى لاتتعدى على حرية الآخرين ويرى ان حرية الفرد التى لاتضر المجتمع تبقى بين العبد وربه

ومش حاتكلم عن السلفي المتشدد ( ربنا يجعل كلامنا خفيف عليهم )

[tarek hassan]

يا أساتذة أنا عامل الموضوع علشان الجماعة الليبراليين يردوا على نقاط أربعة ذكرتها وهي

1- عندكم كتاب علم ديني واحد ( عقلي مش نقلي ) تقدموه لنا بديل عن كتب السلفيين

2- هل لكم وجود في الشارع ولا أنتم بتوع نت وفضائيات وخلاص

3- لما أنتم بتقول الدين عبادة وبس فين عباداتكم ولا مبتصلوش ومكتفيين بنقد اللي بيصلوا

4- فين مؤسساتكم الاجتماعية في المجتمع المصري ووجودكم فيه

مبتردوش ليه ولا هتقعدوا تقولوا شعارات ومصطلحات بس

تم تعديل 4 أبريل 2011 بواسطة tarek hassan

[Alshiekh]

يا أساتذة أنا عامل الموضوع علشان الجماعة الليبراليين يردوا على نقاط أربعة ذكرتها وهي

1- عندكم كتاب علم ديني واحد ( عقلي مش نقلي ) تقدموه لنا بديل عن كتب السلفيين

2- هل لكم وجود في الشارع ولا أنتم بتوع نت وفضائيات وخلاص

3- لما أنتم بتقول الدين عبادة وبس فين عباداتكم ولا مبتصلوش ومكتفيين بنقد اللي بيصلوا

4- فين مؤسساتكم الاجتماعية في المجتمع المصري ووجودكم فيه

مبتردوش ليه ولا هتقعدوا تقولوا شعارات ومصطلحات بس

أستاذ طارق

أنا مصدوم من أسئلتك ، سواء كنت تسألها لجر الشكل أو لتحفيز القراء ان يدخلوا فى جدل لاينتهى او تسألها لان هذا هو فهمك لليبرالية

اسمح لى ارد عليك ببساطة وصراحة ووضوح وبدون تذويق للكلام

فكرتك عن الليبرالية غلط فى غلط

1- الليبرالية ليست دين ، وبالتالى فليس لها كتاب مقدس

2- حجم وجودهم فى الشارع ، تقدر تقول ان الشارع كله ليبرالى بدليل بسيط جدا وممارسته لحريته فى نقد ولى الأمر الذى حرمه أئمة السلفية وافتوا بجواز قتله ( فتوى البرادعى لو كنت نسيتها )

3- كما قلت لك الليبرالية ليست دين ، ولذلك فالمسلم الليبرالى يصلى فى المسجد ويصلى في بيته ، والمسيحى الليبرالى يصلى فى الكنيسة ويصلى فى بيته.

4- كل المؤسسات الخيرية التى لايتقلدها لحية وجلابية بيضاء هى مؤسسات ليبرالية القائمون عليها يعتبرون السلفية عقول مغلقة تعيش أوهام الماضى.

اللى عايز يفهم الليبرالية ممكن بشوية عقل مفتوح يفهمها ويحبها ويتبناها لانها مش كيمياء ولا اختراح طيارات او صواريخ تذهب للفضاء ، المهم النوايا لو خلصت وصلحت.

[وليد صفوت]

السلام عليكم،..

مبدأياً ليه عاوز يبقى فيه تضاد و مواجهة بين الدين و بين التحرر؟

ايه الفكرة من وراء العنوان و الموضوع؟

هل اعتبرت السلفية هي الدين (والدين فيه حرية ) والليبرالية من وجهة نظرك كلمة تحرر فقط ...

أنا عايز منهج ليبرالي ديني تحرري مناقض للمنهج السلفي المتزمت يا ريت يتم عرضة قدامنا

الفرق بين من له منهج وهو الدعوة إلى الاقتداء بالسلف وبين من ليس له منهج أصلا أو في الأساس

هل معقول تفضل منهجك كلمة تحرر ؟

وتفضل تدور على أعمال غيرك طول عمرك علشان تنتقدها

الفرق هو أن الدين منهج والتحرر كلمة ليست لها دلالة واضحة ولكن باسمها أبيحت كل رذيلة وفاحشة عند أقوام

هل تعتقد أن تبقى بلا منهج واضح أناقشك فيه ثم تسمح لنفسك أن تنتقد منهجي على طول الخط

النقد سهل لكن المنهج صعب لأنه سيكون معرض للنقد

وكلامي لمن يفترض في نفسه الصواب دائما وفي غيره الخطأ الدائم ولمن يحتكر الحقيقة والصواب

نحن ندور في حلقة مفرغة

والتناقض ممن ؟

وكل يدعي وصلا بليلى ... وليلى لا تقر لهم بذاكا

السلام عليكم...

أولاً انت مارديتش السلام اللى هو فرض عليك..

ثانياً لهجتك هجومية فى الكلام و بترمى فيها على الاخر تهمة عدم وجود فكر ليه او منهج... و ده غلط من البداية... المفترض ان يكون عندك ايمان قوى ان رأيك صواب يحتمل الخطأ و رأى غيرك خطأ يحتمل الصواب كما قال الامام الشافعى رحمه الله .

ثالثاً ماتوجهليش الكلام على انى ليبرالى لأنى لست كذلك انا اسلامى وسطى تماماً.... و عندى ايمان بأن الدين ليه أهله اللى أولى بالحديث عنه.. و ليس العامة حتى لو قرأوا ما تيسر من الكتب

رابعاً السلفية ليست منهج حياة و لكنها منهج فى الاسلام.... مثلها مثل الاشعرية (التى تمثل عكس السلفية تماماً لو اردنا ان نتبنى منهج الصديق "مهيب" فى عقد مقارنات بين المتضادات) و الصوفية و بعض مناهج الشيعة المعتدلة. أما اليبرالية فهى منهج حياة و تعنى التحرر من قيود المجتمع التى يفرضها على الفرد.... و القيود كثيرة: كأن يفرض المجتمع على الفتاة ان تتزوّج فى سن معين مثلاً، أو ينظر للعازب نظرة استنكار أو يعتبر المطلقة مثار الشك و محل اثارة> و طبعاً خلط الدين بعادات المجتمعات تعتبر ايضاً هدف يجب التخلص منه عند الليبراليين... و خلاصة القول ان الليبرالية ليست مذهب دينى او منهج دينى لكى تعقد مقارنة بينها و بين السلفية...

خامساً يجب ان تقرأ بنفسك عن الليبرالية و تذهب الى مواقع البحث و تأتى بتعريف لها و بمنهجها لا ان تجلس هنا و تقول هاتوا لى منهج الليبرالية.... يجب ان تذهب و تبحث بنفسك ان كان عندك الرغبة فى المعرفة بحق....

لن اتحدّث عن السلفية حتى لا تتحول المناقشة و الموضوع برمّته الى اتهامات متبادلة بين فئة و فئة اخرى و يخرج الموضوع عن مساره المعوج اصلا

تحياتى

[adrianocrespo]

و هو ليه حضرتك يا فندم بتضع الاتنين في مواجهه بعض

موضوع حضرتك فكرني بزميل

كل ما اتكلم امامه عن حبي و انتمائي لمصر

يقولي مصر ايه و بتاع ايه

احنا انتماءنا للدين

3- لما أنتم بتقول الدين عبادة وبس فين عباداتكم ولا مبتصلوش ومكتفيين بنقد اللي بيصلوا

يعني كل اللي بيصلوا سلفيين

و الباقيين ليبراليين

طب ايه تعريف حضرتك للسلفيين ؟

يعني ممكن ابقي سلفي و اكون مبسمعش الشيخ محمد حسان و مش مقتنع بكلام بالشيخ محمد حسين يعقوب و مش شايف ان الشيخ الحويني اعلم اهل الارض ؟

[محمد عبدالعزيز]

يا أساتذة أنا عامل الموضوع علشان الجماعة الليبراليين يردوا على نقاط أربعة ذكرتها وهي

1- عندكم كتاب علم ديني واحد ( عقلي مش نقلي ) تقدموه لنا بديل عن كتب السلفيين

2- هل لكم وجود في الشارع ولا أنتم بتوع نت وفضائيات وخلاص

3- لما أنتم بتقول الدين عبادة وبس فين عباداتكم ولا مبتصلوش ومكتفيين بنقد اللي بيصلوا

4- فين مؤسساتكم الاجتماعية في المجتمع المصري ووجودكم فيه

مبتردوش ليه ولا هتقعدوا تقولوا شعارات ومصطلحات بس

بما إن حضرتك ذكرت الدكتور البرادعى كمثال على الليبراليين -وأنا مثلك لا أعرف كثيراً عنها ﻷنى لم أكن مقبلاً على القراءة فى الفترة السابقة- فأحب أن أرد عنه بعض ما عرفته أو عاينته فيما يرتبط بأسئلتك, رغم إنى لا أفهم كباقى الأعضاء منطق الأسئلة!

النقطة 2 أحيلك فيها إلى هذا الخبر:

يقدم الدكتور محمد البرادعي‏,‏ المثال الرفيع لعشق مصر‏,‏ خلال مراسم تسلم جائزة نوبل للسلام‏,‏ عندما يعلن لمندوبي الاعلام‏,‏ انه سيتنازل عن نصيبه في القيمة المادية لجائزة نوبل والبالغ اكثر من‏3‏ ملايين جنيه للهيئات العاملة في مجال الخير

بوطنه مصر‏.‏

الخبر كاملاً

3- الدكتور البرادعى كان يجعل بدايات زياراته القليلة لبعض مدن مصر هى المساجد, حيث كان يصلى الجمعة أولاً ثم يخرج ليقابل الناس, وأنا شاهد عيان على إحدى هذه الزيارات حيث كان بينى وبينه أقل من 5 متر فى مسجد سيدى جابر الشيخ يوم المظاهرة الحاشدة للمطالبة بمحاكمة قتلة خالد سعيد, وحتى كمان صلى جنازة على أحد الأموات كان موجود فى المسجد بعد صلاة الجمعة.

4- الدكتور محمد غنيم الطبيب العالمى وصاحب أشهر مراكز الكلى والمسالك البولية صاحب الدور الاجتماعى العظيم الذى لا يستطيع أن ينكره أحد, وهو بالمناسبة أحد مؤيدى الدكتور البرادعى ولكن للأمانة لا أعرف إذا كان ليبرالى أم لا, ولا يهمنى فى شئ أن أعرف هذه المعلومة عنه.

ها... إيه بقى؟

تم تعديل 4 أبريل 2011 بواسطة محمد عبدالعزيز

[التونسى]

استفسار .. وبجد .. انا على حسب تفسير معنى السلفيه.. انا سلفى ((لكن لا التزم بمسالة الجلباب واللحيه واتقى الله قدر استطاعتى.. ولا اقدس لا محمد حسان ولا الحوينى ولا غيره من اقطاب السلفيه مع كامل احترامى لهم )).. وعلى حسب تعريف الليبراليه انا ليبرالى ((لكن مفهوم التحرر عندى له سقف وجدران نابعه من الدين والعادات والتقاليد.. وضد الليبراليين اشكال ايناس الدغيدى والقمنى ونوال السعداوى ))

السؤال هنا يا استاذ طارق .. او اى حد يجاوبنى .. ما هو تصنيفى .. والى اى فسطاط انتمى من وجهة نظركم .. وهل ينفع اكون سلفى ..وفى نفس الوقت متكيف مع ظروف العصر اللى احياه؟ يعنى ابقى سلفى معاصر

وكمان ينفعشى اكون سلفى.. وفى نفس الوقت ليبرالى.. وليه منتحدش ونتفق على كلمة سواء بدل من المواجهه والتشتت.. ومن ثم الفرقه.. فذهاب ريحنا ؟؟؟؟؟؟؟؟؟؟؟؟؟؟؟؟؟؟

تم تعديل 4 أبريل 2011 بواسطة التونسى

[مهيب]

أسلوبك استفزازي .. و طريقتك فى اتهام الناس فى دينهم و عقيدتهم مرفوضة تماما .. و على العموم متفتكرش ان الاسلوب ده جديد و مبتكر .. بالعكس .. ده اسلوب قديم قدم الدهر .. استخدموه الخوارج اللى فكرك أقرب اليهم .. و قتلوا به سيدنا علي بن ابى طالب و هم يعتقدون أنهم يتقربون الى الله ..

الحمدلله ان أسلوبكم بهذا الشكل و بتلك الطريقة التى لا تجد أي نوع من أنواع التأييد من أي مما يعمل عقله .. أما الدهماء و الغوغاء و فارغي العقول ممن يعتبرون العقل لعنة .. و الفكر كفرا .. فهؤلاء مقدور عليهم و لا يمثلون خطرا الآن.

لقد بدأت أشك أنك تدافع عن السلفييين ..و بدأت أعتقد حقا أنك تريد الاساءة لهم فى صورة مستترة .. بحيث تنفر الناس من فكرهم أيا ما كان بهذه الطريقة فتكون حققت مأربا بأسلوب ملتو .. و دعنى اعترف لك أنها طريقة ذكية حقا .. لكننى أختلف مع السلفييين و لا أكرههم .. و لن يجعلنى أسلوبك أكرههم ... فقط سأظل مختلفا مع بعض ما يرون.

و اذا كانت الطريقة التى ستتبعها هي التشكيك فى عقيدة المختلف معك و فى ما اذا كان يصلي أم لا . فالأمر لا يستأهل عناء الرد .. كنت قد اعتقدت فى البداية أنك تبغى الحقيقة من وراء أسئلتك .. لكن باقي الأسئلة الأخيرة تفضح النية بشكل جلي.

و الى باقي الأعضاء المحترمين .. أرجوكم لا تكونوا عن السلفيين رأيا مما قيل هنا لأنه سيكون رأي مجحف ... ربما هم لا يجيدون اختيار سفرائهم .. لكنني أعلم أنهم على الأقل ليسوا بهذا البعد عن الدين لتلك الدرجة .. و ان منهم من قابلتهم لا يشككون فى عقائد الآخرين من المسلمين كما صاحب الموضوع هذا.

مهيب

تم تعديل 4 أبريل 2011 بواسطة مهيب

[se_ Elsyed]

3- السلفيون نراهم يقيمون الصلاة وويقرأون القرآن وويصلون التراويح والقيام ويوزعون زكاة الفطر من المسجد .... الخ

فأين هو ورعكم أيها اليبراليون يامن تسمون أنفسكم النخبة ؟ فلم نسمع عن علان الليبرالي الورع

Take Care

أمامك لافتة تحذير تقول " أحترس .. أمامك طريق يُسمى التكفير والهجرة "

ولا حول ولا قوة إلا بالله العلي العظيم