قنصوة يغلق باب المرافعة فى قضية "العادلى"ويقرر: الحكم بعد المداولة

[se_ Elsyed]

يارب ...

أنا مستني الحكم على نار كأني مستني نتيجة الثانوية العامية

بس الحكم ده هايبقى حاجه سناكس خفيفة

لإن قضية غسيل الأموال بالكتير قوي هاياخد فيها 7 سنين

ولسه النقض والأستئناف وما إلى ذلك وفريد الديب ما يتوصاش في الاعيبه

لكن الزغلول الكبير هايبقى في قضية قتل المتظاهرين

دي هي اللي إعدام بإذن الله

المُحمدي قنصوة هو اللي طس هشام طلعت مصطف إعدام .. فبأمل فيه خيراً إن شاء الله

[se_ Elsyed]

5 مايو.. الحكم على العادلى فى قضية غسيل الأموال

[rewsha]

يدينا ربنا احنا وانتوا طول العمر

بعد ما تتاْجل هايتحكم .ونفرح شويه

وبعدين نلاقي استئناف .يجر له كام شهر كمان

وبعدين العادلي يا ينتحر .يا ينتحر يا يهربوه

هاتساْلوني مين اللي يهربه

هاقول لكم الوقت اللي هايهرب فيه (لو هرب وماانتحرش) هوه اللي هايعرفنا مين هربه

يعني هل هايبقى في عهد حكم الجيش؟.وده انا مش بارجحه

وله في حكم الرئيس المُنتظر؟

اعذروني يا جماعه على النظره التشاؤميه دي .او ......الواقعيه

[crossfield]

سؤال هيجننى

مش العادلى قال انا مش هابقى كبش فدا لوحدى و هاقول على كل حاجة؟؟؟؟؟

طيب ما قالش ليه لحد دلوقتى؟؟؟؟؟

الراجل ده هيتقتل أو هيتهرب قبل ما يتنش الحكم المتين فى قضية قتل المتظاهرين

لازم يبقى فى زنزانة اسبيشال و مفاتيحها فى جيب طنطاوى شخصيا علشان لو هرب نعرف هننط فى كرش مين

يا رب عدلك

تم تعديل 4 أبريل 2011 بواسطة crossfield

[اغابي]

انا متاكدة ان بعد الثورة ان القضاء فى مصر بقى انقى وانزه من ذى قبل

ما تقلقش يا استاذ س س انشالله دم الغلابة والشهدا

وذنب اهليهم واطفالهم اللى اتيتموا مش هيروح هدر

بس شوية صبر - ومن قتل يقتل

هو حضراتكم فاكرين ان العادلى له قضية ولا اتنين

لالالا- بلاش المغالطات طبعا - لا ثم لا

داه له ملفات وقضايا

و بلاوى بالاشتراك مع جمال مبارك طبعا

وحياة غرفة جهنم - كما كانو يطلقون عليها

اللى كانو بيعقدون فيها اجتماعاتهم السرية هو ونجل الرئيس

الصبر ثم الصبر

[rewsha]

الراجل ده هيتقتل أو هيتهرب قبل ما يتنش الحكم المتين فى قضية قتل المتظاهرين

مهو ينتحر اللي انا كتبتها = يتقتل اللي حضرتك كتبتها

هوه لازم الواحد يكتب كل حاجه بصراحه كده :closedeyes:

مش لازم نعمل زي ما همه بيعملوا معانا ...ونحور الكلام والمواضيع ;)

[لونا]

سؤال هيجننى

مش العادلى قال انا مش هابقى كبش فدا لوحدى و هاقول على كل حاجة؟؟؟؟؟

طيب ما قالش ليه لحد دلوقتى؟؟؟؟؟

الراجل ده هيتقتل أو هيتهرب قبل ما يتنش الحكم المتين فى قضية قتل المتظاهرين

لازم يبقى فى زنزانة اسبيشال و مفاتيحها فى جيب طنطاوى شخصيا علشان لو هرب نعرف هننط فى كرش مين

يا رب عدلك

معاكي جدًا في الكلام ده

بس بلاش المفاتيح تبقى في جيب طنطاوي

ممكن عصام شرف :closedeyes:

[عطر الجنة]

سبحان مبدل الحال

لما يبقى السجين مكان السجان و السجان مكانه

دى اقسى عقوبة ان واحد اخذته الدنيا و سعى فى الارض مفسدا و ظن انه تطاول فى البنيان

فياخذه الله اخذ عزيز مقتدر

" " ولاتحسبن الله غافلاً عما يعمل الظالمون، إنما يؤخرهم ليوم تشخص فيه الأبصار. مهطعين مقنعي رؤوسهم، لايرتد إليهم طرفهم، وأفئدتهم هواء.".

اللهم احفظنا و انصرنا و عدى تلك المحاكمات على خير حال و كل ظالم يحاكم على ظلمه

تحياتى