ايه اللى بيحصل فى مصر

[raouf]

سلام عليكم

من امبارح في حاجة مش مظبوطة في البلد

احداث ماتش الزمالك و فيه الفيديو و هو بيسخن المذيع علي شباب الثورة

و كمان الناس الي اتصورت و هي بتقول و لا يوم من ايامك يا مبارك و الحوارات دي

و النهاردة حريق برج مصر للسياحة

و بعديها مظاهرات الازهر الشريف

و دلوقتي

مجهولون يشعلو النار بضريح في الاسكندرية

استر يا رب

بصراحة انا بدات اؤمن ان دى عبارة عن الخطة المضادة البديلة للايقاع بالثورة بعد محاولة الايقاع بين المسلمين والاقباط وفشلها

ثم محاولة اظهار فزاعة الاهوان وايقاعهم مع باقى الشعب

وبعد فشلها ايضا بدا الايقاع بين فئات المسلمين المختلفة

اتوقع قريبا انفجار او حادث كبير ويتم القاءه على الجماعة الجهاد لتكتمل حلقة التشهير بالجماعات الاسلامية واظهار الفزاعة على حقيقتها

ربنا يستر الايام الجاية ويكثر عدد من يقومون باستحدام العقل اوالتفكير بما يدور حولنا فقط ببعض العقل والتفكير سنصل الى من يقوم بكل هذا

تم تعديل 3 أبريل 2011 بواسطة raouf

[Dreamwithme]

أنا شخصيا لما أحط كل الأحداث دي جنب بعض بأشوف أنها مؤامرة علي مصر والمصريين

لتحقيق السيناريو اللي مبارك كان بيهددنا بيه "إما أنا أو الفوضي"

فدي رسالة للعالم الخارجي إن مصر بها فوضي لعدم وجود مبارك وبرضه رسالة لشعب مصر شايفين الثورة هتجيب لكم مين؟

بس ده مش عشان هو يرجع لأ......لكن عشان يتحط حد تاني مكانه موثوق فيه وفي الأغلب سيكون شخص عسكري والتجهيز لترشيح الفريق شفيق بيحسسني بكده

بحيث إن ممكن بعد كده في انتخابات رئاسية للفترة التالية ممكن جدا يتم ترشيح جمال مبارك

ويجب ألا ننسي إن كانت في أقوال كثيرة الفترة الماضية قبل الثورة إن الحاكم الفعلي لمصر كان جمال مبارك وسوزان وزكريا عزمي وصفوت الشريف وفتحي سرور

وإن مبارك كان بس صورة أو راجل بركة يصحوه من النوم يقول كلمتين وبعدين ينام تاني

وإذا كان هذا صحيح فلازال هؤلاء طلقاء وبيعملوا اللي هما عايزينه

يبقي كأن الثورة لم تكن.

[لونا]

أتفق معك تمامًا يا أ/ رؤوف

يبدو أن ما يتم التحذير منه على صفحات الإنترنت صحيحًا

من أن هناك مؤامرة بالفعل تحك ضد بلدنا.. لإشاعة الفوضى و القلاقل في كل مكان و من جميع الأنواع

فتنة .. حرائق .. إشاعات .. أعمال شغب و بلطجة

و الأهم افتقاد الأمن .. الذي كما يبدو هو اللاعب الأول على مسرح الأحداث

و ضف إلى ذلك الإشاعات التي تتناقلها وسائل الإعلام بدون تثبت و هو أبسط قواعد العمل الإعلامي

في مداخلة لي في موضوع آخر هذا الصباح كتبت :

الحقيقة أن هذا هو المطلوب بالفعل

أن نترك القضايا الأساسية ..

ونبحث عن من قال كذا و نهاجمه .. أو نقف في صفه ضد من يهاجمه

ما يريدونا أن نفعله- و نحن نفعله بالمسطرة - أن نشتت جهودنا و أفكارنا في أكثر من معركة جانبية

و لا ننسى ما حدث بالأمس في إستاد القاهرة

و اليوم حريق هائل في مصنع كبير مثل الهلال و النجمة

مع بعض المناوشات هنا و هناك

بين مسلمين و مسيحيين ..

وأخوان و ليبراليين ..

و سلفيين و علمانيين ..

بالعكس أنا مدركة جدًا للخطر المحدق ببلدنا

و لذلك أحاول أن أحجم رد فعلي على قدر أهمية الموضوع المثار

*********************************************

الحقيقة لا يهمني في كل هذا الموضوع إلا .. كيف نوقف هذه المؤامرات من الأصل

تم تعديل 3 أبريل 2011 بواسطة لونا

[عطر الجنة]

شوفوا الفيديو ده و تعرفوا ان الماضى لن يعود مهما حصل

http://www.youtube.com/watch?v=qHbpPfc-JKE&feature=player_embedded

[Simba]

اللي بيحصل منظم جدا جدا

بعد ما الشياطين نظموا نفسهم كويس وبقت كل حاجة دلوقتي تحرق الدم وبقت كل حاجة يتم تشويه الثورة بيها

دلوقتي حالا واحد اعوذ بالله مش عارف بني ادم ده ولا ايه علي قناة الاهلي نازل تشويه في الثورة والثوار ويقول دلوقتي ربنا واعدنا بناس بتطلع علي الفضائيات تتفذلك وتقول ديمقراطية ومش ديمقراطية

ايه الحكمة ان ثلاثي الشر ما يتحكامش وهو زور ارادة شعب 30 سنة فاتت

الحزب الوطني لسه موجود بكل مقاره واجهزته واعضائه وبلطجيته

امن الدولة لسه موجود بجبروته

وعلي الشعب الاختيار ما بين الاستقرار والفوضي وواضح جدا انهم ماشين كويس علي درب خطة احداث الفوضي

[ozoozo]

انا سامع ان الاسعار زادت بطريقه جنونيه وكيلو الطماطم وصل 10 جنيه

ياتري الكلام ده صح؟

ولو صح هل طبيعي؟

وايه دلالاته.؟

[Howayda Ismail]

انا سامع ان الاسعار زادت بطريقه جنونيه وكيلو الطماطم وصل 10 جنيه

ياتري الكلام ده صح؟

ولو صح هل طبيعي؟

وايه دلالاته.؟

من كام يوم كانت ب 6 و7 جنيه زادت اليوم اصبحت ب8 و9

كل البائعين ارجعوا السبب ان الطماطم بتروح ليبيا

وناس تانية من الارياف بتقول السقيع المدة اللى فاتت اتسبب فى حرق المحصول

والحكاية اول عن اخر جشع تجار وعدم الرقابة على الاسواق ولا الاسعار

[ابو محمود]

انا سامع ان الاسعار زادت بطريقه جنونيه وكيلو الطماطم وصل 10 جنيه

ياتري الكلام ده صح؟

ولو صح هل طبيعي؟

وايه دلالاته.؟

من كام يوم كانت ب 6 و7 جنيه زادت اليوم اصبحت ب8 و9

كل البائعين ارجعوا السبب ان الطماطم بتروح ليبيا

وناس تانية من الارياف بتقول السقيع المدة اللى فاتت اتسبب فى حرق المحصول

والحكاية اول عن اخر جشع تجار وعدم الرقابة على الاسواق ولا الاسعار

طب وأزاي يحصل كدة يا مدام وانتى معاكى النشرة الجوية انتى مستهونة يعنى اية ان يكون معاكى احوال الطقس دنتى ممكن تطقسى روس الناس دى فى بعضهم الفلاحين والتجار وبتوع ليبيا ويترجعى الطماطم حبيبتنا تانى ب3ج

ويا سلام بقى لو الموضوع نفع دحنا ممكن نطالب انك تكونى وزيرة او رئيس مجلس الشعب وتخلى كل حاجة رخيصة وندعيلك ....دى مداعبة يا مدام اوعى تزعلى

كان هذا استهلالآ

الثورة تجابة الكثير من المصاعب ناس واخدة على المكاسب الحرام وبقى معاها فلوس تفتكرو ممكن يدفعو كام ولمين وازاى كي تظل او ترجع الامور كما هى ... ناهيكم عن ناس مصالحها فى الفوضى مستمرة يبقى ازاى يساعدو على التهدئة بس خلاص

[Om Zayd]

بالنسبة لموضوع الطماطم

فاكرين

http://www.egyptiantalks.org/invb/index.php?showtopic=111292

http://www.egyptiantalks.org/invb/index.php?showtopic=111434

تم تعديل 6 أبريل 2011 بواسطة Om Zayd