الثوره المضاده حقيقه ام شماعه

[jasmin hamed]

الحقيقه ان من اكتر من اسبوع كان عندى صوره ذهنيه ساذجه الى حد كبير

ان فى مجموعه ( الشريف - جمال - عزمى ) قاعدين يخططو و يدبرو مصيبه و را مصيبه

الصوره ديه عماله تتلاشى يوم بعد يوم و القشه الى قسمت ظهر البعير كانت ماتش الزمالك

مش ممكن يا جماعه ننكر على نفسنا كل الصفات السيئه و نقول ثوره مضاده

احنا اتعدينا من مبارك و سياسته الى كل مصيبه يوهمونا ان وراها اسرائيل

الحقيقه ان حكم مبارك خلق ناس بنفسية عبيد لا تتصور العيش بدونه ناس بلعه الطعم

على الاخر مش فلول حزب وطنى و مش مستفدين ولكن كما اسميهم ( شعب القناه الاولى

مغسول مخهم بسافو

ده من ناحيت المؤيدين الى كل شويه بنشوفهم فى كل كارثه كنا قاعدين على قلبهم و بنتهمهم

بالعماله الشهرين الى فاتو

مش عايزه كلامى يبان كانى عايزه مبارك يرجع تانى

لكن اول خطوه فى الحل العتراف بالمشكله

مصر فيها تطرف و حل مبارك الى هو امن الدوله كان مقعدنا على قنبله موقوته

بتعالج القشور يمكن كان حمينا من متطرف يمسك فاس و يهد تمثال

لكن ماحولش يعالج مشكلته الفكر من الجذور

مصر فيها بلطجه و الشرطه كانت تحبس منهم الى تحبسه و تسيب الى علينا وقت ماتحب

لكن السجن عمر ما كان فيه اعادة تاهيل حقيقيه

الحل لكن يكون من الجزر لازم نعالج المرض مش العرض

اذاى نحل و الاهم ايه رويتكم للثوره المضاده

تم تعديل 3 أبريل 2011 بواسطة jasmin hamed

[jasmin hamed]

اذاى نحل المشكله

نعترف بمشاكلنا و مانوهمش نفسنا ان لو اتقبض على الحزب الوطنى كله

و كل امن الدوله و الالمن المركزى مشاكلنا هتتحل

مافيش مؤامره فيه امراض عضال تتعالج بالاشعاع و احنا بناخد اسبرين

لازم نعرف ان كلنا سواء الى مع مبارك و الى ضده الى قال نعم و الى قال لا

المسلمين و الاقباط و السلفين و الاخوان و الحكومه

لازم يبقى فيه عمل تطوعى للكل و باجنده واحده التوعيه

احنا هنمشى على خطين نضغط على الحكومه من ناحيه

تنفذ مطالبنا و ننزل للشارع مش عشان ننضفه لازم الجامعات و الانديه و الاحزاب كلها

ننزل العشوئيات نوعى الارزقيه ان الثوره كانت ليهم و عشانهم

نسمعهم و يعرفو شباب الثوره الى بقى بيطلع فى التلفزيون مش منفصلين عنهم مش

ننزل للقرى الفقيره

مش عشان صوت فى انتخابات

مش عشان نقرق عليهم عشرين جنيه

و ازازه زيت و كيلو سكر و هو عارف انه البيدهملوا هيروح يستحمى

هو يمكن ماعندوش لا ميه و لاصرف

مش عشان اعرفه على ايدلوجيتى و فكرى

عشان اعرف مشاكله

عشان اسمعه

لازم يفهم حقه الى مش تفضل يعرف الى عليه

لازم يحس باهميته و انتمائه للثورة التصحيح

عشان اسمع منه هو يعرض اولاويات منطقته مش انا الى هاجى و اقوله

انا جاى ابنيلك عياده و جامع

تم تعديل 3 أبريل 2011 بواسطة jasmin hamed

[se_ Elsyed]

الثورة المضادة .. تُعتبر حقيقة لإن الحزب اللي خرب البلد وقعد على تلها لسه موجود بشكل رسمي ورموزة حُره طليقة وتمارس حياتها العادية جداً وبتلعب أسكواش كل يوم في نادي هليوبوليس ولهم تصريحات إعلامية بتبارك للثورة وبتفكرنا من وقت للتاني انهم كانوا ضد الفساد .. وبيستعدوا لنزول الإنتخابات كحزب رسمي له كيانه وتاريخه العريق ..

الثورة المضمادة .. تُعتبر شماعة لو أغفلنا إن شخص بإذن الله أتمنى أن يكون مسواه قعر الجحيم . إستطاع على مدار 30 سنة خلق طبقة مطحونة حاقدة على المجتمع كله .. لإنها محرومة من أبسط مقومات الحياة ... والحمد لله وأسجد لله شكراً إن الثورة ما جاتش من ناحيتهم وإلا كنا بقينا صومال أخر .... وبالتالي عدم إحتواء هذه الطبقة .. وعدم الإلتفات إلى مطالبهم المشروعة كأولوية بالمجتمع ... هايخلق ثورة مضادة طبيعية لا يقف وراءها إتجاه سياسي .. ولكن يقف وراءها الفقر المدقع والجهل الضارب بأعماقه في حياتهم ....

وفي نفس الوقت ... نطالب أن تكون هناك قبضة أمنية عادلة ... تبطش بكل من يخرج على القانون .. حتى لو بداعي الفقر

عُمر الفقير ما يسرق أو ينهب أو يقتل جاره .

ده مش مبرر على الإطلاق . لإنه لو كده كان سرق من زمان ... مش دلوقت والبلد في طريقها للإزدهار وتوفير حياة كريمة لهم بإذن الله

[عصام أبوالفتح]

كلامك سليم من ناحية ومش مضبوط من ناحية تانية

سليم فى إن الاعتراف بالمشاكل هو حل لمواجهتها مع التوعية والاستماع للمطالب

مش سليم فى انه نفى وجود الثورة المضادة

الثورة المضادة حقيقة واضحة زى الشمس

أدوات الثورة المضادة هى الفقر والجهل والبطالة ولازم نتعامل مع الادوات دى ونحلها بالتوعية زى ما تفضلتى .. مع حلول اخرى ضرورية

انما الثورة المضادة نفسها وهم .. لأ طبعاً مش مضبوط

هى موجودة وادواتها موجودة .. فعل ومفعول به ... موجودين .. لكن مين الفاعل ؟ ..محدش يعرف كل الفاعلين لحد دلوقتى على وجه اليقين

ومش شرط يكون مربع الشيطان هو المحرك الوحيد .. اذا كان هو اللى حرك موقعة الجمل فمش شرط يكون هو اللى بيحرك الاعلام المضاد ولا حملات الفيسبوك .. ولا احداث الشغب

هناك العديد من الفاعلين اللى يهمهم تكسير مجاديف الثورة .. بعض اجهزة المخابرات الاجنبية .. الحزب الوطنى بكافة تنظيماته المعلنه والخفية .. اصحاب المصالح المتعارضة مع الثورة وهم افراد عاديون من جميع الفئات تضررت مصالحهم لارتباطهم بمنظومة الفساد القديمة .. كل من استحوذ على املاك الدولة بالتزوير والرشوة .. كل من حاذ منصباً بالواسطة والنفاق .. كل من يعادى الوعى وعودته للشارع المصرى كتجار المخدرات وانواعها كثيرة لا تحصى وانتشرت اشكال جديدة منها فكرية وفنية ورياضية .. هؤلاء وغيرهم لهم اتباع وتأثير وتنظيمات سرية اقوى من مربع الشيطان نفسه .

فى تقديرى اننا محتاجين 10 سنوات على الاقل لاصلاح ما افسده الدهر .. ليس بمهارة العطارين ولكن بروح الثوريين

وان شاء الله شبابنا يساعدنا

[jasmin hamed]

الثورة المضادة .. تُعتبر حقيقة لإن الحزب اللي خرب البلد وقعد على تلها لسه موجود بشكل رسمي ورموزة حُره طليقة وتمارس حياتها العادية جداً وبتلعب أسكواش كل يوم في نادي هليوبوليس ولهم تصريحات إعلامية بتبارك للثورة وبتفكرنا من وقت للتاني انهم كانوا ضد الفساد .. وبيستعدوا لنزول الإنتخابات كحزب رسمي له كيانه وتاريخه العريق ..

الثورة المضمادة .. تُعتبر شماعة لو أغفلنا إن شخص بإذن الله أتمنى أن يكون مسواه قعر الجحيم . إستطاع على مدار 30 سنة خلق طبقة مطحونة حاقدة على المجتمع كله .. لإنها محرومة من أبسط مقومات الحياة ... والحمد لله وأسجد لله شكراً إن الثورة ما جاتش من ناحيتهم وإلا كنا بقينا صومال أخر .... وبالتالي عدم إحتواء هذه الطبقة .. وعدم الإلتفات إلى مطالبهم المشروعة كأولوية بالمجتمع ... هايخلق ثورة مضادة طبيعية لا يقف وراءها إتجاه سياسي .. ولكن يقف وراءها الفقر المدقع والجهل الضارب بأعماقه في حياتهم ....

وفي نفس الوقت ... نطالب أن تكون هناك قبضة أمنية عادلة ... تبطش بكل من يخرج على القانون .. حتى لو بداعي الفقر

عُمر الفقير ما يسرق أو ينهب أو يقتل جاره .

ده مش مبرر على الإطلاق . لإنه لو كده كان سرق من زمان ... مش دلوقت والبلد في طريقها للإزدهار وتوفير حياة كريمة لهم بإذن الله

متفقه معاك

اذا كان مفهومك عن الثوره المضاده هيه مجرمين بيحاولو طمس جرائم سابقه

ممكن مرائين و منافقين بيحاولو يبقى لهم مكان على اعتبار انهم كانو من الثوار

انا موافقه مليون الميه

ممكن نقول ان فرم ورق امن الدوله ثوره مضاده و الحرائق الى بتولع كل يومين

فى الداخليه

ماشى

لكن تعليق حادث كنيسه اطفيح و ماتش الزمالك

و حادثه بلطجه المحور

و

ديه بقى الشماعه و نكران مشاكلنا و تحميلها للايادى و الاصابع و الجندات ذى مبارك

[jasmin hamed]

فى مصر الثوره لسه مفهومها مشوش عند ناس كتير

رغم نجحها الا ان كتير من الى ماشركوش فيها حاسين انها ملك

شباب الفيس بوك و الناس الى راحت

التحرير

الناس ديه لسه لم تتملك منهم روح التحرر و ارادة التغير

و دول الى مازالو كما هم وقود الفتن و العصبيات

و اقتراحى ان يبقى فيه حاجه كده ذى قوافل الخير او قوافل الثوره

مجالس فى الجوامع

لتوعيه و بث الانتماء لثوره التصحيح

[Ahmed Anwer]

المبالغة في نظرية المؤامرة عموما ،،، طريقة سلبية تماما ،،

[اغابي]

تصدقى بايه يا ياسمين انك فعلا جبتى التايهة

بس استحملونى شوية احكى عن حاجة

شوفى هى فى علم النفس اسمها الاسقاط النفسي

ومع تعريف بسيط ...... للاسقاط كما عرفه فرويد

هو تلك العملية التى يطرح فيها الشخص خصائص ومشاعر ورغبات ومواضيع

عن ذاته ويلقى بها على الاخرين وما يطرحه الشخص هنا اشياء يجهلها او يرفض تواجدها فيه

هناك ثلاثة انواع للاسقاط

اولا : الاسقاط المرأوى

Projection Speculaire

ثانيا : الاسقاط التفريغى

Projection Gatahartique

ثالثاً : الاسقاط التكاملى

projection complémentaires

والنوع الثالث هذا تحديدا - هو ما يعانيه الشعب المصري بعد الثورة من قيامه باحتجاجات وثورات متفرقة وبعض المناوشات

وتعريف الاسقاط التكاملى باختصار

هو نوع من الاسقاط يعمل على ان يعطي الشخص للاخرين مشاعر ومواقف تساعده على تبرير مشاعره ومواقفه

واحسن مثال على ذلك السيكوباتى الذى يصف الاخرين بان هناك تقصير وظلم ليجد مبرر متجدد للتمرد ورفض الاعتراف بالخطأ

يــاســــــمين

يجب الا ننسي ان حالة الاكتئاب اللى تصيب اى شعب وخاصة بعد اى ثورة لابد من وجود فترة بها الوضع متجلجل

وفى حالة من فقدان التوازن ولكن بدلا ان نعترف بذلك ... خوفا من داخلنا ان هذا الاعتراف يقلل من ثقتنا بالثورة

او بانفسنا فنبدأ البحث عن اسباب وهمية لنعلق عليها عدم التوازن الامنى والفكرى ومع ها التخبط يمينا ويسارا

فعرفنا مصطلح جديد اسمه الثورة المضادة

مع انها فى الحقيقة هى اسقاط بل اوهام

تم تعديل 5 أبريل 2011 بواسطة اغابي

[Om Zayd]

السلام عليكم و رحمة الله و بركاته

موضوع مهم جدا جدا

ليه؟

لان مش المفروض نستمر في لعب دور المفعول به

زهقنا بقى

لازم مبقى فاعل مؤثر

و ممكن احيانا نقبل نبقى مفعول لاجله

التوعية و النزول للناس و السماع منهم هو الحل سواء فيه "ثورة مضادة" أو لا

بدل ما نسيبهم فريسة لاي مستغل يلعب بيهم و بمصر كلها عن طريقهم

بالمناسبة .. كان لي موضوع

رجائى عطية ينفى فكرة الثورة المضادة

يا ريت تسمعوا الفيديو اللي فيه

:egyflag:

[Om Zayd]

بالمناسبة كمان .. الناس العادية جدا حاسة انها هيا اللي عملت الثورة

و ان اصحاب البدل -على حد تعبيرهم- بيسرقوها منهم

"يعرفوا ايه عننا؟؟

عمالين يظهروا في الفضائيات و يعملوا ندوات

جايين على اكتافنا يا بيه"

ده كان راي سواق تاكسي مطحون في الاقساط

و مش شايف ان حد قرب حتى من مشاكله

تحياتي

تم تعديل 5 أبريل 2011 بواسطة Om Zayd

[Abu Reem]

اتفق تماما مع ما قاله الفاضل/ عصام ابو الفتح

وايضا ما قاله الفاضل/ سين سين

- ومن الخطورة الشديدة الان الحديث عن عدم وجود ثورة مضادة لاننا مازلنا في البداية واخشى عندما تقترب الانتخابات ان نعود ونعترف اننا اهملنا وجودها

- لا يعني ابدا حدوث بعض الفوضى من الشعب او من المواطن العادي او المطحون او حتي المجرم العادي لا يعني حدوث بعض الاحداث التي نشعر انها غير مدبرة لا يجب الا يجهلنا ننكر او نقول ان الثورة المضادة انتهنت

- عالم السياسة وعالم المصالح غالبا يكون عالم قذر ويستغل الاعلام والنفوذ لتوجيه الشعب الي ما يريد

- واحداث مباراة الزمالك بالذات تؤكد لي بقوة ان الثورة المضادة موجودة وتتحرك بذكاء شديد وبلا رحمة

ومن يرى ان احداث هذه المباراة غير مدبرة كما يروج لهذا الكاذب احمد شوبير والكاذب الاخر مدحت شلبي فاعتبره انه مخدوع

ليس معنى نزول مئات البسطاء الذين يظهرون في اللقطات المصورة مستغلين الفوضى ليس معنى نزولهم وسط هذا المشهد ان المسألة مجرد فوضى حدثت بالعدوى كما يردد بعض الناس

فهناك فوضي غير مدبرة صاحبت احداث المباراة مستغلة غياب الامن

لكن اساس الحدث وبدايته كانت بالتاكيد مدبرة بدقة بداية من دخول بلطجية بسلاح منذ الساعة العاشرة دون ان ياتي من يخرجهم من الملعب لمدة 8 ساعات متواصلة وهناك فتح متعمد لابواب المدرجات من ناحية الملعب

وهنا تخريب هيستيري استمر لمدة طويلة دون مبرر وبعد خروج اللاعبين من الملعب هذا التخريب الذي كان غرضه اظهار الفوضى بطريقة واضحة للعالم كله واظهارها بصفة خاصة للمواطن البسيط وغتلبية الشهب المصري الذي بالتأكيد يتابع هذه المباراة

وكان الغرض هو ارسال رسالة محددة وهي نحن هنا

ونحن نستطيع تحويل حياتكم الي جحيم

والرسالة الاخيرة هي نحن فقط من نستطيع اعادة الاستقرار الي ما كنا عليه

- فارجو ان ننتبه جيدا ولا نخلط بين الفوضى العادية الطبيعية في مثل هذه الفترة لكن لا يجب ان نكون حسني النية لكي ننفي وجود ثورة مضادة غير شريفة تريد عودة الفساد الذي يساوي لنا من مفهومهم الاستقرار

تم تعديل 5 أبريل 2011 بواسطة Abu Reem