الانجليز يهتفون..ارحل يعنى جو بتفهم و لا نو

[Alattar]

طبعا العنوان ده هو عبارة عن إلهام من الثورة المصرية الي الثورة البريطانية..و هي عبارة عن مجموعة تعليقات ساخرة علي الثورة البريطانية..

اتفضل يا عم وشوف المصريين بيعملوا ايه..ده احنا شعب مشكلة

من الدستور

ديفيد كاميرون: بريطانيا ليست تونس ولا مصر الوضع هنا مختلف تماما

الممثلة البريطانية إيما تومبسون: احرقوا اللي في الميدان دول وخلصونا

بيرس بروسنان باكيا : انا انضحك عليا ..انا كنت فاكر اني باحمي الشعب بالمهمات اللي كنت بعملها كجيمس بوند .. انا مش زعلان منهم

تامر بتاع يوركشاير وهو بيعيط على التليفزيون: بيطبعوا فلايرز وعاملين سلوجان ليوم الاحد اسمه سانداى اوف فينش. حيفنشوا ميييين

الشيخ القرضاوي: اثبتو يا شعب لندن فإن ديفيد كاميرون سوف يرحل

جريدة الدستور الاوريجينال الانجليزية تعلن عن المؤسس الحقيقي لصفحة كلنا جون سميث

عاجل: قناة الجزيرة تقول ان التشويش على بث القناة مصدره قصر باكنجهام بلندن

الأمير هاري ضرب الأمير ويليام بالقلم على وشه وقاله إنت السبب في اللي بيحصل لتيتة

قناصة فوق ساعة بيج بن يطلقون النيران على المتظاهرين

التحفظ على مدير جهاز أم آي فايف بعد فرم أوراق الجهاز في فرع مدينة لندن الرئيسي

هذا وقد وحد خطباء الكنائس في صلاة الجمعة يوم الأحد موضوع الخطبة ألا وهو النهي عن التخريب والخروج على الحاكم

الملكة اليزابيث : هنزحف انا والملايين لنطهر بريطانيا انش انش هوم هوم هوس هوس كورنر كورنر

هتافات المحتجين: أرحل يعنى جو بتفهم و لا نو وهتافات اخرى: مش هنليييييف هوا يلييييييييف

مفتي الديار الإنجليزية: التظاهر يوم الأحد غير جائز.. ويجوز عدم حضور القداس

عاجل: منع نزول ركاب الاندر جروند في محطة اليزابيث لعدم الإنضمام للمحتجن في ميدان ويسكنسن

أنباء عن إقالة ديفيد كاميرون وترشيح مدير مطار هيثرو رئيسا للوزراء

القناة الأولى الإنجليزية يذيع الليلة فيلم ذا كوين عقب برنامج ذا سيتي توك تقديم يوسفول فوزي

جماعة الإخوان الإنجليز المحظورة تقيم المتاريس منعاً للمؤيديين للملكة إليزابث من الوصول إليهم

ألتون جون: اللي في الميدان دول كلهم شواذ.. أنا نازل رايح لهم

يا جماعة إينوف كده , الماسج وصلت , عايزين الإستابيلتى يرجع تانى علشان السايكل بتاعت البرودكشين ترجع , البلد حالها ستاندينج

حسنى مبارك يدعوا الملكة اليزابيث الزواج منها فى مقابل رجوع الاستعمار البريطانى الى مصر والطرابيش وحزب الوفد والاخوان يهللون

أنباء تؤكد تورط فتحي هابي وأبو الآيز في أحداث موقعة الخنزير

خروج الالاف في ميدان ديفيد محمود رافعين لافتات : وي ار سوري كويييين

استنكار بان كي مون للأحداث في إنجلترا وقال بالفم المليان اليزابيث على بعد خطوات من الجرايف ومازالت متمسكة بالتشير

مدير مطار هيثرو يذهب للهايد بارك لتقديم البنبوني

القذافى فى تعليقه على الثورة الانجليزية: الثورة ستنجح لأننى قائدها وزعيمها.. الى الأمام.. هذا قصاص للشعب الليبى من كاميرون

التون جون في مداخلة هاتفية مع التلفزيون الحكومي البريطاني : سايبين المظاهرة الحقيقية و مصورينلي مظاهرة فستك فستك؟

كاترين زيتا جونز تخرج علي التلفزيون البريطاني المصريين بيدربوا ناس بنفس البشرة البيضة عشان يروحوا الميدان وياخدوا الدبابات

كاترين زيتا جون تقول ان ابن اختها عمره سنين وبيقولي يا طنط انا عايز اكل ريشة 10 ايام مفيش بيتزا حراام

أول مطالب شعب لندن بعد نجاح الثورة......وقف تصدير الشاي الإنجليزي لإسرائيل

الجيش البريطاني يعتذر عن ضرب المتظاهرين ويقول لعل الكريديت يسمح

إئتلاف شباب ثورة ترافيلجار يدعو للتظاهر أمام البي بي سي لإقالة اللورد مناوي

[قاهريه]

الشعب المصري ليس له مثيل

بحبك يا بلدي ويا اولاد بلدي

[Mr MAGED]

ويا تري الملكة اليزابيث وكاميرون هيشرفونا في جدة برضه ولا ايه النظام !!!

كويس اننا بدأنا نصدر حاجة مفيدة للغرب .. خليهم يجربوا الديموقراطية بتاعتنا شوية