هل توافق على عودة الرئيس مبارك إذا صدر حكم بعدم دستورية تكليف الجيش وكانت هذه العودة بدون توريث أو حزب وطني وبدون ترشحه أو نجله في الانتخابات القادمة؟

[abdulmuttaleb]

هل توافق على عودة الرئيس مبارك إذا صدر حكم بعدم دستورية تكليف الجيش وكانت هذه العودة بدون توريث أو حزب وطني وبدون ترشحه أو نجله في الانتخابات القادمة؟

موافقون،

ام متحفظون،

ام معترضون؟

[م تيمور المراغي]

والرمان ؟

[fatfouta]

لأ

[pink rose]

معلش يا استاذ محمد

و سامحني في اللي هاقوله

موضوعك بجد يحرق الدم

تفتكر اصلا دا سؤال حد يسأله

مبارك فقد الشرعية من اول 25 يناير بارادة الشعب

و لا دستور بقى و لا اي حاجه تانية ممكن ترجع الراجل الحرامي دا يحكمنا و لو لثواني معدودة

عاوزة اقولك لو دا حصل و طبعا دا في الكوابيس مصر كلها بما فيها المغتربين هاتلاقيهم في التحرير

انسووووووووووووووووه بقى عشان هو بقى ماضي اليم في حياتنا

مش هايفضل كل 5 دقايق ينط في وشنا تاني

مبارك دلوقتي اخره كلمتين في كتاب تاريخ

[fatfouta]

انا لم اصوت لانى مالقتش كلمة (غير موافق)

[ozoozo]

اصلا مفيش حاجه اسمها دستوريه دلوقتي عشان

1- الدستور اصلا معطل من قبل المجلس العسكري

2-تم اسفاط الدستور بعد الاستفتاء

اه نسيت كمان الناس بتستند في كلامها انه ممكن يرجع في كلامه بعد 60 يوم ولسه فاضل حوالي اسبوعين من المده فعقبال المحكمه ماتأجل مرتين تلاته هايكون ال60 يوم خلصه

تم تعديل 25 مارس 2011 بواسطة ozoozo

[adrianocrespo]

صعب جدا جدا جدا

الراجل مرفوض شعبيا

و كراهيته تزداد يوم بعد يوم

اعتقد انه حتي لن يحاكم

و بعدين حيمارس سلطاته عادي كده

و يدي تعليمات للوزراء

و يعلن عن مساندته لمحدودي الدخل

حتي لو صدر القرار ده ........ الناس سوف تعارضه بشده

[se_ Elsyed]

فين الإختيار بتاع " لو ده حصل هل هاتنط في كرشه وترتكب جناية " ؟

يا عم ارحمنا يا عبد المطلب إنت والاخ الغنام إيه أنتو مش من البلددي ولا إيه ؟

إنت ما سمعتش عن شهداء يناير أو ثورة يناير ؟

[الباشمهندس ياسر]

هو الاخ من هنا برده

[عبير يونس]

ده على اعتبار ان اللي حصل كان حلقة من برنامج الكاميرا الخفية ؟

:blink:

[Simba]

حقيقي ومن كل قلبي اتمني انه يرجع

علشان الثوار يكملوا ثورتهم صح :P :)

[Simba]

هو الاخ من هنا برده

طبعا من هنا

انما التلات محامين اللي رفعوا الدعوة علشان يرجع محدش عارف دول ايه

[pink rose]

اصلا مفيش حاجه اسمها دستوريه دلوقتي عشان

1- الدستور اصلا معطل من قبل المجلس العسكري

2-تم اسفاط الدستور بعد الاستفتاء

اه نسيت كمان الناس بتستند في كلامها انه ممكن يرجع في كلامه بعد 60 يوم ولسه فاضل حوالي اسبوعين من المده فعقبال المحكمه ماتأجل مرتين تلاته هايكون ال60 يوم خلصه

ايه يا عم الحاج

هو كان مطلق مصر و بيردها غيابي و لا ايه

ايه 60 يوم و يرجع في كلامه

اللي بيرجع في كلامه بيبقى عيل على فكرة

و هو راجل كبير و عاقل و عارف ان كده عيب و هايبقى شكله وحش اوي قدام اصحابه

[مغتربة]

حضرتك ممكن انك تتخيل ان انسان عانى من مرض السرطان الى قعد ينهش فى جسمه 30 سنه وراه فيه الويل و امتص فيهم صحته و فلوسه و بعدين الدكتور جه فجاه قاله مبروك خلاص انت شفيت من السرطان معدش فى جسمك سرطان خلاص انتهى

تفتكر انه ممكن حتى مجرد بس يسمح ا لنفسه نه يخطر فى باله احتماليه ان المرض دا يرجع له تانى

تعتقد ساعتها هيعمل ايه و حالته هتكون ايه

هو فى حد ربنا شفاه من السرطان يتمنى ان المرض يرجع له تانى؟

[se_ Elsyed]

سيتم غلق الموضوع تجنباً لإضاعة وقت الزملاء