المواصفات القياسية .. لرئيس الجمهورية

[لماضة مصرية جدا]

هو راضي وانا راضي

ايش دخلك بيننا يا لماضي :)

ليكي رسالة على الخاص

شكلك ماقريتيهاش

نرد ع العام يا فندم...عشان ده حوار لينا كلنا

ماشي انا راح اطلع نفسي اللمضاوية من الموضوع...تومام

فرضنا...ان اسماء بقت الموصافات القياسية لرئيس الجمهورية....تومام

يا تري ساعتها انا راح اختار ليها صورة و هي قاعدة ع النجيلة

و لا صورة فيها ناس....و هي بتحتك مع الناس....و بتتعامل معاهم

و لا صورة و هي في ورشة عمل مثلا...و بتحط خطة....او حتي هي قاعدة ع النجيلة بس وسط فريق عمل ...ساعتها هحس ايام الجامعة لما كنا بنعمل خطة انقلاب الكلية....و بنموت علي نفسنا من الضحك ع الهبل اللي بنقوله

و لا صورة و هي كمنهمة في شي ء ما...بدل ما هي قاعدة واخدة وضع التصوير....(و سامحينا يا اسماء ان احنا بنلت و بنعجن في الموضوع دوت)

حتي رئيس الجمهورية بيبقي ليه مستشار اعلامي يا فندم....بيختار ليه...الصورة اللي توصل فكرةما لمتلقيه

دي وجهة نظري

و يمكن انا غلط....بس ده اللي افهمه يعني

بس خلاص

[م تيمور المراغي]

الاتنين يا ريهام الاتنين ,,

لما يحصل الي اتفقنا عليه

ابقي اساليها يا ستي وهيا توضح لك ان شاء الله

كفاية لماضة بقى :)

[الســـاري]

يظهر اني الوحيد اللي ما تنطبقش عليه الشروط دي

ولا شرط على الاطلاق

!!

السلام عليكم و رحمة الله و بركاته

عارف يا ساري لما كنا بنتكلم في توبيك بتاع مين عليه الدور في البلدان العربية....و تقريبا انا الوحيدة اللي قعدت اقول السعودية...(اوعي تخبطني بحاجة...هعيط و الم عليك الناس)

اللي كان قصدي....ان انت كمان من حقك تكون.....ملك علي البلد اللي بتحبه.....ليه لا

انت مينفعشي تكون في مصر...بس ليه مينفعشي تكون في السعودية

و هو ده اللي افهمه عن الثورة....لا هي نشيل ده و نحط دكهوت....

الثورة....

انك تحس ان قادر تحلم...

و الاهم مصدق حلمك....

و الاهم منهم ان محدش يحرمك منه عشان يقولك....لا اصل انت متنفعشي

مين قال

طالما بحب البلد....و عندي خطة ليها....ايه يمنع....؟؟؟

مهياش حكر علي قالب واحد....و لا حلم واحد

انا شخصيا بنتمي لفئة الحالمون....و لما الناس بتسأل...ليه....انا بسأل...ليه لا...و بجرب

و محدش يعرف...يمكن في وم من ذوات الاربع...قصدي..من ذوات الايام....المستقبل ممكن يشيل لحلم كل واحد يفنا ايه

صباحك...ساري....حلم....كل واحد يعمله بنكهته هو

مش هاخبطك بحاجة يا لموض .. ده رأيك .. ومن حقك تعبري عنه

بموضوع التوبيك اياه .. كان السؤال واضح .. من تتوقع ؟ .. عن نفسي ما اتوقعتش ابدا تقوم ثورة بالسعودية .. بغض النظر اني مع الثورة او ضدها - ببلدي - ، بس حتى لو كنت معارض لسياسة الدولة كنت هاقول برضو .. ما توقعش .. ليه .. ؟ لاني توقعاتي مش حالمة ولا مبنية على عواطف .. لكن مبنية على قراءات .. وقراءة لردود الافعال للشعب بمختلف اطيافه .. ومنها يجي حكمي

انا عن نفسي .. مقتنع بحكم المملكة واعتبر نفسي مدافعا عنه .. لكن لو كنت اشعر انه من الممكن ان تحصل ثورة بالبلد لقلت وقتها .. اتوقع السعودية للاسف

ده من ناحية التوبيك

موضوع الحلم

حلو اوي ان الواحد يكون طموحه عالي ويتمنى اجمل المناصب

انا عن نفسي طموحي اكبر من منصب الحكم

طموحي انه يكون البلد بلد مستقر .. طموحي انه يكون بلد اقتصادي وصناعي و علمي من الدرجة الاولى

وقبل ده وده .. محافظ على هويته الدينية

دي امنية عندي اكبر من اني اشوف البلد تحت حكمي انا شخصيا .. ولما اشوف البلد بتكوينها المجتمعي القبلي - الصعب جدا - على السيطرة .. متوحدة واشوف حاكمها يسعى حثيثا في موضوع الاصلاح على كافة الاصعدة يبقى خلاص

يبقى تحقق كتير من اللي انا عاوزه منه كحاكم .. ودوري الحقيقي اني ابدأ باصلاح نفسي .. وتغيير المجتمع من حولي ما استطعت للافضل

واللي يعمل ده يحس انه ملك فعلا .. بدون منصب

وعلى فكرة بما اننا جبنا سيرة اسماء محفوظ

مش كل شخص حالم ينفع يكون رئيس جمهورية .. مع شديد الاحترام ليهم طبعا

حتى حتة الكاريزما .. دي تبقى رومانسية بالافلام بتاعتنا .. بس بالواقع .. اللي يخدم اكتر .. اللي ينفع البلد اكتر .. اللي يطبق اللي يمليه عليه المنصب ويحس بامانته ويؤديه باقتدار

مش مهم يكون جاله تسمم من كبدة عربية بالشارع .. بس المهم يعرف ازاي يقضي على هذا التسمم

مش مهم يكون يعرف كام سعر الدقيقة بالموبايل بقدر ما يكون عارف يستشير مين بموضوع خفض تكلفة الاتصالات وازاي يطرح حلول او يسمع حلول

مهو القذافي كان من الناس دي .. وجا ع الحكم و اتلحس عقله

الرئيس عبد الناصر كانت له كاريزما ساحقة .. وفي عهده حصلت النكسة

والرئيس السادات ما كنتش له الكاريزما دي .. بس انتصر في حرب اكتوبر

الثورات وسائل لا غايات ...

مش مهم اني اكون حالم واصدق حلمي .. وخلاص اعمل ثورة

المهم اني اكون عارف ومتخذ كل خطوة بتدبيرها .. وابني على قواعد ونهج واسس

السياسة وبناء الدول وتغيير الحكم مش موضوع حلم وانتهينا .. لا .. موضوع تخطيط وبناء .. وقبل كده بالشرع اللي هو اولى من السياسة فيه فقه ضرورات و قاعدة درء مفاسد وجلب مصالح وامور كتيرة لازم الواحد يحوطها من كل جوانبها قبل ما يولع ويقول خلاص .. ويتحمل وزر وذنب حاجات مش عارف عواقبها كويس وما اعطاش فرصة لدماغه بانه يدرسها ومشي ورا الصورة الجميلة و خلاص ..

مهور اركتكت شاف بصورة اسماء محفوظ الصورة الجميلة للثورة في منظرها الحالم الرومانسي

بس انتي بنفسك قلتي مش معنى كدا انك تحط صورة لاسماء في غير موضعها

انا اشوف نفس اللي تشوفيه .. اشوف الثورة ما ينفعش تنحط بموضع غير موضعها ولا ماكنش لازم تكون فيه كلمة ( فتنة ) من اصلو .. ونمحيها من القواميس

اوعي تعيطي وتلمي حد عليا .. :P

[Salwa]

:happy:

فين حلة المحشي يا أرك

بجد...

حلوة يااحمد بك سيف.

برافو.

ذاكرة جيدة جداا :give_rose:

مقبولة منك ....واحنا كمان صاحيين برضه. :unsure:

[fatfouta]

يظهر اني الوحيد اللي ما تنطبقش عليه الشروط دي

ولا شرط على الاطلاق

!!

ايوه طبعا مابنشغلش الاجانب

يعنى الى شعرهم اصفر وبيغمزوا بعينهم كده ;)

[engmido]

يا اخواننا غريبة قوى الحكاية دى.......

ماهى باينة زى الشمس اهيه

ده كان ناقص يقول engmido

ويقول اسمى الحقيقى كمان....مش عارف اعمل ايه بصراحة

بس فيه مشكلة حد يكلملنا دكتور حسن يونس وزير الكهرباء عشان يقبل استقالتى لانى بصراحة محرج اقدمهاله دلوقتى

ههههههههههههههههه

:P :P :P

----------

فى مجال اخر

طيب يا اخت لماضة اذا كان حضرتك صعيدية احنا ذنبنا ايه

احنا عايزين نتفر.....قصدى عايزين نشوف بقية الاعضاء بتوع الثورة

:P

[engmido]

اين انت يا س س ص ع باشا؟؟

[سقراط المصري]

من حقى أن أحلم بالرئيس الذى يناسب طموحاتى كمواطن.. كل الاحترام لأنصار الضمير، وكل الاحترام لأنصار الكاريزما، أنا أريد «ضمير عنده كاريزما».

من حقى أن أحلم برئيس أفرض أنا عليه البرنامج الانتخابى ولا أنتظر حتى يتفضل هو بعرضه، أنا صاحب العمل الذى ينشر إعلانا يقول فيه «مطلوب رئيس جمهورية»، لابد أن يفهم جيدا أنه منذ هذه اللحظة «هو اللى بيشتغل عندى».

دافينشي كوووووود

smk: smk: bsh:) bsh:)

تم تعديل 23 مارس 2011 بواسطة سقراط المصري

[م تيمور المراغي]

أجمل رأي كنت تتخيله يـمر كووود ترميه

[سقراط المصري]

أجمل رأي كنت تتخيله يـمر كووود ترميه

ملعوبه :protest: :protest:

[Alrefaey]

طب ينفع الكلام ده طيب انا عاوز رئيس يكون اتشحتف علشان يسافر بعقد عمل او فيزا حرة للسعودية

وبعد ماسافر الكفيل قعد يطلع عينه سنين لحد ماطفشه هههه

لا بجد

مش لازم يكون رئيس الجمهورية عصامى وبدأ السلم من اوله

انا يهمنى الاقدر على النهوض بمصر , يافرحتى برئيس عارف مصر حارة حارة وبقاء الوضع على ماهو عليه

عايزين واحد نسلمه البلد ونحاسبه بعد الاربع سنين ويكون له برامج وخطط واضحة

[م تيمور المراغي]

تسلم يا كبيرنا

[aimen]

يارب اى خاين يحاول يخرب بلدنا و ثورتنا اللهم رد كيده فى نحره و انصرنا على الخونة و كارهى الوطن يارب