اريد خبرة الاخوة الافاضل المعتادين على نزول الاجازات

[ام نور محمود]

السلام عليكم ورحمة الله

بعتذر اذا كان الموضوع بكتبه في وقت غير مناسب والناس كلها مشغولة بالتغيير الكبير اللي بلدنا بتعيشه بس سامحوني

مرغم اخوك

الحكاية اننا ان شاء الله نازلين اسكندرية اخر الشهر لاول مرة بعد سنتين في الرياض

وانا تقريبا معدومة الخبرة فيما يتطلبه الامر

حتى في الحاجات اللي مستحسن اخدهامعايا من هنا اوزاي اعرف ان وزن الشنط مظبوط

مرورا بالزيارات والسلامات العائليه المفروض الناس تيجي عندنا ولا احنا نروح

والهدايا ناخدهالهم البيوت ولا اللي ييجي نديله هديته

وكمان زوجي هايعمل عمليه شرخ وبواسير ومحتارين يعملها اول ماينزل ولا قبل مانرجع على طول علما بان مده الاجازة حوالي ثمانيه اسابيع

حاجة كمان

طبعا نور وابو نور على اخرهم جدا وعايزين ينطلقوا وانا بطبيعتي المتشائمة للاسف حاسه ان جو البلد مش هايسمح بحاجة من دي

فعشان كده عايزه يكون عندي خطط بديله لانقاذ الاجازة

يعني مثلا رحلة داخلية لمنطقة ساحلية او اثرية

ياترى ينفع ننظم حاجة زي كده لوحدنا ولا لازم مكتب سياحي

وبالنسبة للمواصلات - احنا طبعا مش معانا عربية - هل بعد سنتين في الرياض هايكون صعب علينا نرجع نقف نستنى الميكروباص وعلى جنب يا اسطى وفي باقي ربع جنيه ولا صعب ولازن نفكر في ايجار عربية

مع الاخد في الاعتبار ان الميزانيه المتاحة للاجازة حوالي خمس الاف ريال (محدش يضرب )

الخلاصة اني طمعانة في كل ماتجود به افكاركم النيرة وتجاربكم في هذا المجال

شاكرين لكم حسن الاستماع مع تمنياتنا باجازات ممتعة :)

[ozoozo]

اولا الوزن في ميزان زمبركي بيتباع في محلات زي يابلاش تمنه حوالي 10 ريال ووزن الشنطه لا يزيد عن 32 كم

ثانيا احسنلكم انتو اللي تروحوا للناس ماتفضلوش مصلوبين في البيت عشان تستنوا وتضيفوا

لما تروحوا انتم هاتكونوا ناتم المتنحكمين في وقتكم وهاتعرفوا تنظموا وقتكم كويس

[ام نور محمود]

اولا الوزن في ميزان زمبركي بيتباع في محلات زي يابلاش تمنه حوالي 10 ريال ووزن الشنطه لا يزيد عن 32 كم

ثانيا احسنلكم انتو اللي تروحوا للناس ماتفضلوش مصلوبين في البيت عشان تستنوا وتضيفوا

لما تروحوا انتم هاتكونوا ناتم المتنحكمين في وقتكم وهاتعرفوا تنظموا وقتكم كويس

اه عارفاه الميزان ده - فعلا بشوفه في محلات يابلاش

هو بيتعلق تقريبا في حاجة افقيه زي عارضه باب مثلا ؟

وانا مع حضرتك اننا نروح للناس - انا اصلا مش هاستحمل اقعد في البيت ساعة على بعضها

انا بس كنت بسأل على الاصول وواضح من رد حضرتك ان دي حاجة احنا اللي نحددها يعني كده او كده ماشي

جزاك الله خيرا استاذي الفاضل

[تامر مصطفى]

نصيحتي ليكوا

بما ان الفلوس معاكم هتكون محدودة

يبقى بلاش تفتحوا ايدكوا في المصاريف في بداية الاجازة علشان متخلصش بعد 3 اسابيع وتلاقوا نفسكم بتستلفوا

وبعدين لو أجرتوا سيارة معناها ان الفلوس هتنقص كتير

طبعا لازم تزوري الكل

حاولي تنوعي خروجاتكم

يعني مش كلها تبقى مكلفة يعني يوم كده ويوم كده

ربنا يوفقكم

[أهااات روح]

اختى ام نور الافضل انكو انتو الى تقومو بالزيارات زى ما الفاضل اوزوزو قالك حتى من باب التغيير مش هتعقدى فى البيت فى الرياض وتنزلى تقعدى فى البيت بردو فى مصر

ثانيا رايى ان زوجك يعمل العملية اول اما تنزلو لانها ان شاء الله مش متعبة وهتاخدلها يوم ولا اتنين بالكتير ويبقى تمام باذن الله حتى علشان هو كمان يستمتع بالاجازة معاكو وكمان علشان يبقى فى وقت للمتابعة مع الدكتور

بالنسبة للموصلات هتقضيها فى الاول تاكسى وبما ان المبلغ محدود فمرة تاكسى ومرة ميكروباص على حسب حالة الموصلات نفسهالان ايجار العربية هيبقى غالى والمصاريف هتعدى معاكو كتير

وبالنسبة للرحلة ممكن تقضيها انتو بنفسكو وانتو اكيد عارفين الاماكن الى ممكن تخرجو فيها والاهل فى مصر اكيد عارفين الاماكن والتكاليف

وربنا يوفقكو ويجعلها اجازة سعيدة وتستمتعو بكل لحظة فيها

وسلامى لنور

تم تعديل 12 مارس 2011 بواسطة أهااات روح

[لماضة مصرية جدا]

السلام عليكم و رحمة الله و بركاته

يعني يا ست انتي بعد الغيبة دي تقوليلنا انك هتسافري طب مش عارفة اقولك حمد لله ع السلامة ولا تروحي و تيجي بالسلامة

بصي بقي انا هفكر مع حضرتك في شوية حاجات

1- انتي اعملي ميزاينة سعادتك للهدايا و كوني صارمة جدا فيها لانها دايما بتخرم....طبعا اكتبي مفردات عتلي اد ما تقدري...اكتبي اسماء اللي انتي عايزة تهاديهم و قدامهم كل حاجة تنفع تجيبيها ليهم...(دي نصيحة مرة قالتها ضحي و بجد نفعت معايا كتير)

2- لما تشتري حاجات حاولي متكتريش بجد مصر فيها كل حاجة.....بس ممكن مكسرات....دي بقي بتعجب الناس اوي

3- مين يزور مين......انا مبعرفشي في الحاجات دي.....يعني ماما دايما تقول ان اللي راجع من السفر هو اللي المفروض الناس تسلم عليه......انا مبعملشي كده خالص....انا اصحابي اللي بيبقوا واحشني بنزل اخدهم كده لفة كعب داير

4- ابتدي جهزي الشنط من دلوقتي....و برضه انا عمري ما بعمل كده....بس كل اسبوع مثلا بعمل ويندو شوبينج يعني اخطف تخاطيف كده ع المحلات.....بتديكي افكار ايه اللي ممكن تجيبيه و كده يعني

5-لازم توزني شنطك قبل ما تسافري....بس ان شاء الاله حضرتك وزوجك و البنوتة....متهيالي هيعملوا وزن كويس....و استفيدي برضه من الهاند باج....(اتصدقي اني برضه مش بعمل كده....لاني بشيل شنطة اللاب توب بالعافيةو ببقي عايزة اركنها في اي حتة)

بصي بقي

انا عايزياكي تنبسطي.....و الله انبسطي....قبل ما توضبي الشنط...و انتي بتوضبيها....و لما تنزلي ان شاء الله

و متشليش هم حاجة

صدقيني....اول ما رجلك تلمس مطار برج العرب....هتحسي روحك رجعتلك....و هتاخدي بحر اسكندرية بالحضن.....و هتبقي اشقي كمان من نور و باباها

يا رب تكون اجازة كل فيمتو ثانية فيها.....مليانة سعادة و راحة بال

و طمنينا علي حضرتك لما توصلي باذن الله

و ابقي ادعيلنا ع الطيارة

مسااااكي......وطن....و الحنين ليه مبيخلصشي

[hOuSsAm]

الاخت الفاضلة ام نور

اول حاجة بالنسبة للوزن ادخلى عالنت دلوقتى اعملى سرش على موقع الفرسان التابع للخطوط السعودية واعملى عليه اكونت (ولو انتى نازلة خطوط مصرية فيه حاجة بردوا عليها نفس السيستم بس مش عارف اسمها ايه) الاكونت ده بيديكى على كل تذكرة 10 كجم زيادة ومش عارف بيدى عالاطفال كام يعنى انتى معاكى دلوقتى عالاقل 20 كجم زيادة ولو معاكى اكتر هيعدوها (ده بند الوزن) ولو نازلة على ناس يبقى خلى بالك كويس من شنطك عشان بتضيع ولو حبذا اخدتى الحجات اللى تهمك اوى على الشنطة اللى معاكى فى الطيارة

-------------------------------------------

بالنسبة لبند الهدايا (حاولى قدر المستطاع وبما لا يخل بالبند انك تسحبى منه لبند ميزانية الاجازة)

انتى مش مجبرة انك تجيبى هدايا لكل الناس وعالعموم لو فيه حد يهمك اوى (انا بحب الحاجة دى) اعرفى هو محتاج ايه وجيبهاله وبلاش تيجيبى حجات كتيرة عالفاضى وملهاش لازمة ولو سالتى المقربين ليكى فى التليفون مش عيب (انا بسال اخواتى هما عايزين ايه وبجيبلهم الحاجة اللى محتاجينها)

وزى ما لماضة قالت مصر فيها كل حاجة (عن نفسى كتير من حجاتى الشخصية بشتريها من مصر) ده حتى يبقى فيها وطنية وتعملى رواج فى البلد مصر بجد محتاجة كل قرش يتصرف فيها

بس عالعموم خدى خوطة الهدايا

جيبى ورقة وقلم واكتبى اسماء الناس اللى عايزة تجيبلهم هدايا بالتحديد وكل واحد يناسبه ايه بالظبط

مثلا حسام (برفيوم دانهل) :)

محمد مثلا (ساعة تيسو) وهكذا

طبعا اخوتنا اللى فى الرياض عارفين اماكن معينة بيشترى الحجات دى بجودة وسعر كويسين

------------------

نيجى للعملية انا ملييش فى القصص دى بس بفكر تكون فى الاسبوع رقم 6 وهقولك ليه كمان شوية

------------------

الفسحة بقى واللعب والمراجيح والحجات الحلوة دى

------------------

بصى خلينى اكون واقعى معاكى ميزانيتك مش كويسة خالص عشان شهرين اجازة ولعب وفسحة (عشان كدة بقولك حاولى تاخدى من بند الهدايا)

مبلغ قريب من ده فيه ناس بتصرفه مواصلات بس

بس خلينى معاكى واحدة واحدة

1- اسبوع فى مطروح

طب ليه مطروح

اهل الاسكندرية اعرف انهم بيحبوا مطروح - هادية - رخيصة وقريبة منك يعنى مش هتتكلفى كتير - اظن اهدا دلوقتى بعد مشاكل لبيا (بس اسالى هناك علاامن والامان دلوقتى عامل ايه)

2- تروحى دريم بارك مرتين او تلاتة عالاقل (هى قريبة منك اول طريق مصر اسكندرية الصحراوى جنب 6 اكتوبر) الولاد هيتبسطوا اوى:D (يارتنى كنت معاهم)

3- اسكندرية فيها اماكن كتيرة للفسح والزيارات (انتى ادرى بيها) وكمان الولاد ياخدوا فكرة كويسة عن بلدهم (عيب يبقوا اسكندرانية وميعرفوش كل خرم فيها) بس ده لو قبل شهر مايو لكن لو بعده هتتخنقوا من الزحمة (الاسكندرية صعبة اوى فى الصيف)

4- ميدان التحرير (لازم تروحى هناك وتقراى الفاتحة على روح الشهداء وبوسى ارضها لو قدرتى (انا اسف هتروحى فى كمية بكاء هستيرى غير عادى) بس مهم اوى ان ولادك يشوفوا ارض الثورة وتحكيلهم عن امجاد المصريين وياسلام بقى لو تروحوا تصلوا الجمعة هناك

بجد اوى مهم جدا ان ولادك يروحوا ميدان التحرير وتشرحولهم بالمفيد ايه اللى حصل ومصر رايحة فين واد ايه مصر غالية اوى

5- رشيد قريبة منكوا واظن فيها بلاد فلاحين لو تعرفى تاخدى العيال عند حد قريبك او معارفك وتقضى يوم فى الريف والاراضى الزراعة وتتنفسى الهوا المنعش النقى وتفرشوا عالارض وتاكلوا القشدة والفطير المشلتت (والله هتبقى احلى فسحة)

وده كان بند الفسحة

----------------------

نيجى بقى لشوية اعتبارات هامة

1- متتخنقيش من تصرف او لبس حد مهما كان او طريقة كلامه عشان انتى كنتى محبوسة فى الرياض سنتين وعايشة بشكل معين وهتتصدمى بالواقع فخدى حذرك وخلى الدنيا بيس

من الفاظ هتسمعيها وطريقة تعامل ونظرات من ناس وحجات كتيرة (انابقولك كدة عشان متنزعجيش وخدى الحياة بيس واضحكوا وهذروا وعيشوا حياتكوا)

لو معاكوا دهب او موبيلات غالية خلى بالكوا اوى

الدهب مش تبينيه عشان مازال الامن مش كويس وممكن تتسرقى بسهولة (وانصحك متلبسيش دهب الفترة دى خالص)

ومتحولوش تمشوا فى اماكن انتوا مش عارفينها او مش متامنة كويس

لو كان بند الفسحة يسمح ممكن تزودى الاقامة فى مطروح لحد 10 ايام

-----------------------

تنظيم الاجازة

الاسبوع الاول (هتلاقى جوزك محتاج يعمل شوية معاملات وتخليص ورق فى الحكومة ويخلصهم فى اول اسبوع مع الزيارات العائلية (بس يتاكد انه يخلصهم فى الاسبوع الاول عشان هيتزنق فى الوقت فى الاخر)

الاسبوع التانى (مطروح)

الاسبوع التالت والرابع والخامس (مابين تبادل الزيارات العائلة والخروجات ودريم بارك والفسح والحجات دى بقى ولفوا وهيصوا واتفسحوا وعيشوا حياتكوا)

ايام الجمعة صلاة مابين مسجد القائد ابراهيم فى اسكندرية والتحرير

الاسبوع السادس (العملية زى مقولتلك)

الاسبوع السابع راحة لزوجك فى البيت وربنا يشفيه ويعافيه ويقومه بالسلامة (ويحتسب العملية دى عند ربنا)

الاسبوع التامن محاولة لم الليلة بقى والفنشينج على احلى اجازة وتجهيز الشنط والتخطيط لسنة جديدة حلوة فى السعودية وناويين تحققوا ايه السنة الجاية

اتمنى لكم التوفيق واجازة سعيدة :)

حسام

[عبير يونس]

رصيدي خلص يا حسام باشا

مداخلتك رائعة و برنامج أجازة تحفة

أكتر حاجة أثرت فيا جدا زيارة ميدان التحرير و تقبيل أرضه و قراءة الفاتحة لروح الشهداء

[لونا]

إزيك يا أم نور

طبعًا الردود السابقة كلها كفت و وفت

و خاصة الرد الشامل بتاع أخونا حسام

السلام عليكم ورحمة الله

بعتذر اذا كان الموضوع بكتبه في وقت غير مناسب والناس كلها مشغولة بالتغيير الكبير اللي بلدنا بتعيشه بس سامحوني

مرغم اخوك

الحكاية اننا ان شاء الله نازلين اسكندرية اخر الشهر لاول مرة بعد سنتين في الرياض

وانا تقريبا معدومة الخبرة فيما يتطلبه الامر

حتى في الحاجات اللي مستحسن اخدهامعايا من هنا اوزاي اعرف ان وزن الشنط مظبوط

زي ما أ/ أوزوزو قاللك

الشنطة الواحدة لازم ما يزيدش وزنها عن 30 كيلو .. و إلا حتضطري تفتحيها في المطار و تقسميها على شنطتين صغيرين و ماعرفش حتجيبيهم منين

شفت ناس بتعمل كدة عند الوزن و بتبقى بهدلة جامدة أوي

و عشان كدة لو حتشتري شنط سفر ..ما تشتريش الأحجام الضخمة

مرورا بالزيارات والسلامات العائليه المفروض الناس تيجي عندنا ولا احنا نروح

والهدايا ناخدهالهم البيوت ولا اللي ييجي نديله هديته

وكمان زوجي هايعمل عمليه شرخ وبواسير ومحتارين يعملها اول ماينزل ولا قبل مانرجع على طول علما بان مده الاجازة حوالي ثمانيه اسابيع

حاجة كمان

طبعا نور وابو نور على اخرهم جدا وعايزين ينطلقوا وانا بطبيعتي المتشائمة للاسف حاسه ان جو البلد مش هايسمح بحاجة من دي

إن شاء الله الجو يسمح إنكوا تتفسحوا و تتبسطوا.. ده إنت نازلة في وقت مناسب جدًا الجو جميل .. و اسكندرية مش حتبقى زحمة

و بعدين زمان أهلك و أصحابك واحشينك و انت واحشاهم.. إن شاء الله حتبقى أجازة روعة

فعشان كده عايزه يكون عندي خطط بديله لانقاذ الاجازة

يعني مثلا رحلة داخلية لمنطقة ساحلية او اثرية

ياترى ينفع ننظم حاجة زي كده لوحدنا ولا لازم مكتب سياحي

وبالنسبة للمواصلات - احنا طبعا مش معانا عربية - هل بعد سنتين في الرياض هايكون صعب علينا نرجع نقف نستنى الميكروباص وعلى جنب يا اسطى وفي باقي ربع جنيه ولا صعب ولازن نفكر في ايجار عربية

الإيجار حيبقى مكلف جدًا .. و بما إنك نازلة في الشتا .. فأعتقد المواصلات مش حتبقى زحمة

و إيه يعني لما تركبي ( المشروع ) :)

مع الاخد في الاعتبار ان الميزانيه المتاحة للاجازة حوالي خمس الاف ريال (محدش يضرب )

عايزة أنبهك إن لو حد فيكم بيجدد أجازة في الحكومة .. حيدفع مبلغ للتأمينات

الخلاصة اني طمعانة في كل ماتجود به افكاركم النيرة وتجاربكم في هذا المجال

شاكرين لكم حسن الاستماع مع تمنياتنا باجازات ممتعة :)

على جنب بأة يا أ/ حسام

طبعا اخوتنا اللى فى الرياض عارفين اماكن معينة بيشترى الحجات دى بجودة وسعر كويسين

أنا من أخواتكم اللي في الرياض

بس ماعرفش الحاجات دي بتتجاب بأسعار كويسة منين

ممكن تقولي؟

تم تعديل 13 مارس 2011 بواسطة لونا

[ام نور محمود]

اختى ام نور الافضل انكو انتو الى تقومو بالزيارات زى ما الفاضل اوزوزو قالك حتى من باب التغيير مش هتعقدى فى البيت فى الرياض وتنزلى تقعدى فى البيت بردو فى مصر

ثانيا رايى ان زوجك يعمل العملية اول اما تنزلو لانها ان شاء الله مش متعبة وهتاخدلها يوم ولا اتنين بالكتير ويبقى تمام باذن الله حتى علشان هو كمان يستمتع بالاجازة معاكو وكمان علشان يبقى فى وقت للمتابعة مع الدكتور

بالنسبة للموصلات هتقضيها فى الاول تاكسى وبما ان المبلغ محدود فمرة تاكسى ومرة ميكروباص على حسب حالة الموصلات نفسهالان ايجار العربية هيبقى غالى والمصاريف هتعدى معاكو كتير

وبالنسبة للرحلة ممكن تقضيها انتو بنفسكو وانتو اكيد عارفين الاماكن الى ممكن تخرجو فيها والاهل فى مصر اكيد عارفين الاماكن والتكاليف

وربنا يوفقكو ويجعلها اجازة سعيدة وتستمتعو بكل لحظة فيها

وسلامى لنور

اختي الفاضله

حضرتك نبهتيني ان الايجار غالي وكمان كنت ناسية بند البنزين - عندك حق

بالنسبة للعملية فعلا انا كنت شايفة ان وقتها المناسب اول ماننزل خصوصا ان زوجي ربنا يشفيه ويشفي كل مريض حالته متأخرة جامد - بس هي فعلا فترة التعافي منها يوم ولا اتنين ؟

جزاك الله خيرا كثيرا

تم تعديل 13 مارس 2011 بواسطة ام نور محمود

[ام نور محمود]

نصيحتي ليكوا

بما ان الفلوس معاكم هتكون محدودة

يبقى بلاش تفتحوا ايدكوا في المصاريف في بداية الاجازة علشان متخلصش بعد 3 اسابيع وتلاقوا نفسكم بتستلفوا

وبعدين لو أجرتوا سيارة معناها ان الفلوس هتنقص كتير

طبعا لازم تزوري الكل

حاولي تنوعي خروجاتكم

يعني مش كلها تبقى مكلفة يعني يوم كده ويوم كده

ربنا يوفقكم

جزاك الله خيرا اخي تامر

بس هو كده الميزانيه فعلا محدودة اوي يعني

يعني لما تبقى تلات الاف ونص تقريبا في الشهر مش يبقى معقول ؟

وفعلا انا اقتنعت بفكرة عدم ايجار سيار

شكرا لك

[ام نور محمود]

السلام عليكم و رحمة الله و بركاته

يعني يا ست انتي بعد الغيبة دي تقوليلنا انك هتسافري طب مش عارفة اقولك حمد لله ع السلامة ولا تروحي و تيجي بالسلامة

ريهام العزيزة جدا جدا

مش عارفه اشكرك ازاي على دعمك ليا في الفترة اللي فاتت دي

انتي من اهم الاسباب اللي طلعتني من حالة العزلة اللي كنت فيها

احبك في الله

بصي بقي انا هفكر مع حضرتك في شوية حاجات

1- انتي اعملي ميزاينة سعادتك للهدايا و كوني صارمة جدا فيها لانها دايما بتخرم....طبعا اكتبي مفردات عتلي اد ما تقدري...اكتبي اسماء اللي انتي عايزة تهاديهم و قدامهم كل حاجة تنفع تجيبيها ليهم...(دي نصيحة مرة قالتها ضحي و بجد نفعت معايا كتير)

بند الهدايا الحمد لله تم القضاء عليه قضاء مبرما

وفعلا استعنت بنصيحة ضحى - ومش هاتصدقي لميت الموضوع كله بميزانية كام - يعني ثمانيه وعشرون فرد مابين واطفال وبالغين اتكلفوا الفين ريال :closedeyes: طبعا على فترات مش مرة واحدة - كل ما اسمع عن تحفيضات او كده اروح القط شوية حاجات لحد ماخلصت بحمد الله

2- لما تشتري حاجات حاولي متكتريش بجد مصر فيها كل حاجة.....بس ممكن مكسرات....دي بقي بتعجب الناس اوي

فعلا فكرت في حكاية المكسرات - بس ليا انا مش لحد - اصلي مدمنه بعيد عن السامعين

3- مين يزور مين......انا مبعرفشي في الحاجات دي.....يعني ماما دايما تقول ان اللي راجع من السفر هو اللي المفروض الناس تسلم عليه......انا مبعملشي كده خالص....انا اصحابي اللي بيبقوا واحشني بنزل اخدهم كده لفة كعب داير

انا كنت اسمع كده برضه - بس انا زيك هالف على الصحاب والحبايب نفر نفر

4- ابتدي جهزي الشنط من دلوقتي....و برضه انا عمري ما بعمل كده....بس كل اسبوع مثلا بعمل ويندو شوبينج يعني اخطف تخاطيف كده ع المحلات.....بتديكي افكار ايه اللي ممكن تجيبيه و كده يعني

جهزت الشنط ياجميل من اسبوع - مش بحد ازنق نفسي وفاضل حجات بسيطة زي مابتقولي

5-لازم توزني شنطك قبل ما تسافري....بس ان شاء الاله حضرتك وزوجك و البنوتة....متهيالي هيعملوا وزن كويس....و استفيدي برضه من الهاند باج....(اتصدقي اني برضه مش بعمل كده....لاني بشيل شنطة اللاب توب بالعافيةو ببقي عايزة اركنها في اي حتة)

ان شاء الله اوزنها عشان مايحصلش زي وانا جايه - كان عندي 37 كيلو وزن زيادة وكنت بعيط متأثرة عشان بابا سيباه بيعيط بره المطار والموظف افتكرني زعلانة من الوزن راح عداهم ومدفعتش ولا جنيه :P

بصي بقي

انا عايزياكي تنبسطي.....و الله انبسطي....قبل ما توضبي الشنط...و انتي بتوضبيها....و لما تنزلي ان شاء الله

و متشليش هم حاجة

صدقيني....اول ما رجلك تلمس مطار برج العرب....هتحسي روحك رجعتلك....و هتاخدي بحر اسكندرية بالحضن.....و هتبقي اشقي كمان من نور و باباها

يا رب تكون اجازة كل فيمتو ثانية فيها.....مليانة سعادة و راحة بال

و طمنينا علي حضرتك لما توصلي باذن الله

و ابقي ادعيلنا ع الطيارة

مسااااكي......وطن....و الحنين ليه مبيخلصشي

مساكي فرح وسعادة وتفاؤل زي اللي بيشعوا من روحك الطيبة

تم تعديل 13 مارس 2011 بواسطة ام نور محمود

[ام نور محمود]

الاخت الفاضلة ام نور

اول حاجة بالنسبة للوزن ادخلى عالنت دلوقتى اعملى سرش على موقع الفرسان التابع للخطوط السعودية واعملى عليه اكونت (ولو انتى نازلة خطوط مصرية فيه حاجة بردوا عليها نفس السيستم بس مش عارف اسمها ايه) الاكونت ده بيديكى على كل تذكرة 10 كجم زيادة ومش عارف بيدى عالاطفال كام يعنى انتى معاكى دلوقتى عالاقل 20 كجم زيادة ولو معاكى اكتر هيعدوها (ده بند الوزن) ولو نازلة على ناس يبقى خلى بالك كويس من شنطك عشان بتضيع ولو حبذا اخدتى الحجات اللى تهمك اوى على الشنطة اللى معاكى فى الطيارة

-------------------------------------------

بالنسبة لبند الهدايا (حاولى قدر المستطاع وبما لا يخل بالبند انك تسحبى منه لبند ميزانية الاجازة)

انتى مش مجبرة انك تجيبى هدايا لكل الناس وعالعموم لو فيه حد يهمك اوى (انا بحب الحاجة دى) اعرفى هو محتاج ايه وجيبهاله وبلاش تيجيبى حجات كتيرة عالفاضى وملهاش لازمة ولو سالتى المقربين ليكى فى التليفون مش عيب (انا بسال اخواتى هما عايزين ايه وبجيبلهم الحاجة اللى محتاجينها)

وزى ما لماضة قالت مصر فيها كل حاجة (عن نفسى كتير من حجاتى الشخصية بشتريها من مصر) ده حتى يبقى فيها وطنية وتعملى رواج فى البلد مصر بجد محتاجة كل قرش يتصرف فيها

بس عالعموم خدى خوطة الهدايا

جيبى ورقة وقلم واكتبى اسماء الناس اللى عايزة تجيبلهم هدايا بالتحديد وكل واحد يناسبه ايه بالظبط

مثلا حسام (برفيوم دانهل) :)

محمد مثلا (ساعة تيسو) وهكذا

طبعا اخوتنا اللى فى الرياض عارفين اماكن معينة بيشترى الحجات دى بجودة وسعر كويسين

------------------

نيجى للعملية انا ملييش فى القصص دى بس بفكر تكون فى الاسبوع رقم 6 وهقولك ليه كمان شوية

------------------

الفسحة بقى واللعب والمراجيح والحجات الحلوة دى

------------------

بصى خلينى اكون واقعى معاكى ميزانيتك مش كويسة خالص عشان شهرين اجازة ولعب وفسحة (عشان كدة بقولك حاولى تاخدى من بند الهدايا)

مبلغ قريب من ده فيه ناس بتصرفه مواصلات بس

بس خلينى معاكى واحدة واحدة

1- اسبوع فى مطروح

طب ليه مطروح

اهل الاسكندرية اعرف انهم بيحبوا مطروح - هادية - رخيصة وقريبة منك يعنى مش هتتكلفى كتير - اظن اهدا دلوقتى بعد مشاكل لبيا (بس اسالى هناك علاامن والامان دلوقتى عامل ايه)

2- تروحى دريم بارك مرتين او تلاتة عالاقل (هى قريبة منك اول طريق مصر اسكندرية الصحراوى جنب 6 اكتوبر) الولاد هيتبسطوا اوى:D (يارتنى كنت معاهم)

3- اسكندرية فيها اماكن كتيرة للفسح والزيارات (انتى ادرى بيها) وكمان الولاد ياخدوا فكرة كويسة عن بلدهم (عيب يبقوا اسكندرانية وميعرفوش كل خرم فيها) بس ده لو قبل شهر مايو لكن لو بعده هتتخنقوا من الزحمة (الاسكندرية صعبة اوى فى الصيف)

4- ميدان التحرير (لازم تروحى هناك وتقراى الفاتحة على روح الشهداء وبوسى ارضها لو قدرتى (انا اسف هتروحى فى كمية بكاء هستيرى غير عادى) بس مهم اوى ان ولادك يشوفوا ارض الثورة وتحكيلهم عن امجاد المصريين وياسلام بقى لو تروحوا تصلوا الجمعة هناك

بجد اوى مهم جدا ان ولادك يروحوا ميدان التحرير وتشرحولهم بالمفيد ايه اللى حصل ومصر رايحة فين واد ايه مصر غالية اوى

5- رشيد قريبة منكوا واظن فيها بلاد فلاحين لو تعرفى تاخدى العيال عند حد قريبك او معارفك وتقضى يوم فى الريف والاراضى الزراعة وتتنفسى الهوا المنعش النقى وتفرشوا عالارض وتاكلوا القشدة والفطير المشلتت (والله هتبقى احلى فسحة)

وده كان بند الفسحة

----------------------

نيجى بقى لشوية اعتبارات هامة

1- متتخنقيش من تصرف او لبس حد مهما كان او طريقة كلامه عشان انتى كنتى محبوسة فى الرياض سنتين وعايشة بشكل معين وهتتصدمى بالواقع فخدى حذرك وخلى الدنيا بيس

من الفاظ هتسمعيها وطريقة تعامل ونظرات من ناس وحجات كتيرة (انابقولك كدة عشان متنزعجيش وخدى الحياة بيس واضحكوا وهذروا وعيشوا حياتكوا)

لو معاكوا دهب او موبيلات غالية خلى بالكوا اوى

الدهب مش تبينيه عشان مازال الامن مش كويس وممكن تتسرقى بسهولة (وانصحك متلبسيش دهب الفترة دى خالص)

ومتحولوش تمشوا فى اماكن انتوا مش عارفينها او مش متامنة كويس

لو كان بند الفسحة يسمح ممكن تزودى الاقامة فى مطروح لحد 10 ايام

-----------------------

تنظيم الاجازة

الاسبوع الاول (هتلاقى جوزك محتاج يعمل شوية معاملات وتخليص ورق فى الحكومة ويخلصهم فى اول اسبوع مع الزيارات العائلية (بس يتاكد انه يخلصهم فى الاسبوع الاول عشان هيتزنق فى الوقت فى الاخر)

الاسبوع التانى (مطروح)

الاسبوع التالت والرابع والخامس (مابين تبادل الزيارات العائلة والخروجات ودريم بارك والفسح والحجات دى بقى ولفوا وهيصوا واتفسحوا وعيشوا حياتكوا)

ايام الجمعة صلاة مابين مسجد القائد ابراهيم فى اسكندرية والتحرير

الاسبوع السادس (العملية زى مقولتلك)

الاسبوع السابع راحة لزوجك فى البيت وربنا يشفيه ويعافيه ويقومه بالسلامة (ويحتسب العملية دى عند ربنا)

الاسبوع التامن محاولة لم الليلة بقى والفنشينج على احلى اجازة وتجهيز الشنط والتخطيط لسنة جديدة حلوة فى السعودية وناويين تحققوا ايه السنة الجاية

اتمنى لكم التوفيق واجازة سعيدة :)

حسام

اخي الفاضل حسام

مداخلة رائعة ودسمه بما لا يمكنني من الرد عليها كما تستحق

انا كمان رصيدي خلص

حضرتك اتكلمت في كذا نقطة كانت شاغلة بالي وكلامك ريحني جدا والله العظيم

انا محظوظة ان ربنا رزقني باخوة زي حضرتك يشيلوا هم الواحد من غير مايعرفوه

جزاك الله الف الف خير

[ام نور محمود]

رصيدي خلص يا حسام باشا

مداخلتك رائعة و برنامج أجازة تحفة

أكتر حاجة أثرت فيا جدا زيارة ميدان التحرير و تقبيل أرضه و قراءة الفاتحة لروح الشهداء

فعلا يامصرية مهم اوي اننا نزور التحرير وشكرا للاخ حسام انه نبهني للنقطة دي

بس انتي كده ضحكتي عليا

فين خبراتك القيمة في الاجازات والفسح

اشكرك على مرورك العطر

[خالد شحاته]

الاخت الفاضله

السلام عليكم ورحمة الله وبركاته

احب اوضح لكي بعض النقاط في الاسكندريه باذات الان في الاسكندريه شي عجيب جداااا بما اني متواجد الان في مصر الاسكندريه الواحيده الا فيها شغب رهيب جدااا وتثبيت ناس كتير في الطرقات وخطف واشياء ربنا يطلعنا منها علي خير ان باذان اول متنزلي زوجك يعمل العمليه وانمتي بادري بزيارات الاهل وبعد كدا في عروض جميله جدااا في العين السخونه ورخيصه وامان جداااا ممكن تجالسو هناك كم يوم علي الاقل ترتاحو بعد العمليه تكون فترة نقاها وربنا ييسر لكم الامور ام الوزن علي الخطوط السعوديه بتوصل الي 55 كليو للشخص مع فرسان وانا نازل وكان معي اكتر من كدا والحمد لله وان شاء الله توصضلو مصر بسلامه

[ام نور محمود]

إزيك يا أم نور

ازيك انتي يالونا

لازم اشكرك انتي كمان لانك ساعدتني من غير ماتعرفيني في وقت كان صعب اوي بالنسبة لي

ربنا مايحرمنيش من سؤالك عليا

طبعًا الردود السابقة كلها كفت و وفت

و خاصة الرد الشامل بتاع أخونا حسام

السلام عليكم ورحمة الله

بعتذر اذا كان الموضوع بكتبه في وقت غير مناسب والناس كلها مشغولة بالتغيير الكبير اللي بلدنا بتعيشه بس سامحوني

مرغم اخوك

الحكاية اننا ان شاء الله نازلين اسكندرية اخر الشهر لاول مرة بعد سنتين في الرياض

وانا تقريبا معدومة الخبرة فيما يتطلبه الامر

حتى في الحاجات اللي مستحسن اخدهامعايا من هنا اوزاي اعرف ان وزن الشنط مظبوط

زي ما أ/ أوزوزو قاللك

الشنطة الواحدة لازم ما يزيدش وزنها عن 30 كيلو .. و إلا حتضطري تفتحيها في المطار و تقسميها على شنطتين صغيرين و ماعرفش حتجيبيهم منين

شفت ناس بتعمل كدة عند الوزن و بتبقى بهدلة جامدة أوي

و عشان كدة لو حتشتري شنط سفر ..ما تشتريش الأحجام الضخمة

مرورا بالزيارات والسلامات العائليه المفروض الناس تيجي عندنا ولا احنا نروح

والهدايا ناخدهالهم البيوت ولا اللي ييجي نديله هديته

وكمان زوجي هايعمل عمليه شرخ وبواسير ومحتارين يعملها اول ماينزل ولا قبل مانرجع على طول علما بان مده الاجازة حوالي ثمانيه اسابيع

حاجة كمان

طبعا نور وابو نور على اخرهم جدا وعايزين ينطلقوا وانا بطبيعتي المتشائمة للاسف حاسه ان جو البلد مش هايسمح بحاجة من دي

إن شاء الله الجو يسمح إنكوا تتفسحوا و تتبسطوا.. ده إنت نازلة في وقت مناسب جدًا الجو جميل .. و اسكندرية مش حتبقى زحمة

و بعدين زمان أهلك و أصحابك واحشينك و انت واحشاهم.. إن شاء الله حتبقى أجازة روعة

فعشان كده عايزه يكون عندي خطط بديله لانقاذ الاجازة

يعني مثلا رحلة داخلية لمنطقة ساحلية او اثرية

ياترى ينفع ننظم حاجة زي كده لوحدنا ولا لازم مكتب سياحي

وبالنسبة للمواصلات - احنا طبعا مش معانا عربية - هل بعد سنتين في الرياض هايكون صعب علينا نرجع نقف نستنى الميكروباص وعلى جنب يا اسطى وفي باقي ربع جنيه ولا صعب ولازن نفكر في ايجار عربية

الإيجار حيبقى مكلف جدًا .. و بما إنك نازلة في الشتا .. فأعتقد المواصلات مش حتبقى زحمة

و إيه يعني لما تركبي ( المشروع ) :)

والله مارضيتش اقول المشروع - خفت اخواتنا مايفهمونيش :)

مع الاخد في الاعتبار ان الميزانيه المتاحة للاجازة حوالي خمس الاف ريال (محدش يضرب )

عايزة أنبهك إن لو حد فيكم بيجدد أجازة في الحكومة .. حيدفع مبلغ للتأمينات

لأ الحمد لله - احنا الاتنين فاتنا الميري ومالحقناش نتمرغ في تراب حضرته

الخلاصة اني طمعانة في كل ماتجود به افكاركم النيرة وتجاربكم في هذا المجال

شاكرين لكم حسن الاستماع مع تمنياتنا باجازات ممتعة :)

على جنب بأة يا أ/ حسام

طبعا اخوتنا اللى فى الرياض عارفين اماكن معينة بيشترى الحجات دى بجودة وسعر كويسين

أنا من أخواتكم اللي في الرياض

بس ماعرفش الحاجات دي بتتجاب بأسعار كويسة منين

ممكن تقولي؟

انا تحت امرك يالونا

شوفي عايزة تشتري ايه وانا ادلك ان شاء الله

انا بقالي سنتين هنا بسأل وبستشير وبأه عندي خبرة الحمد لله

جزاك الله خيرا

تم تعديل 13 مارس 2011 بواسطة ام نور محمود

[ام نور محمود]

الاخت الفاضله

السلام عليكم ورحمة الله وبركاته

احب اوضح لكي بعض النقاط في الاسكندريه باذات الان في الاسكندريه شي عجيب جداااا بما اني متواجد الان في مصر الاسكندريه الواحيده الا فيها شغب رهيب جدااا وتثبيت ناس كتير في الطرقات وخطف واشياء ربنا يطلعنا منها علي خير ان باذان اول متنزلي زوجك يعمل العمليه وانمتي بادري بزيارات الاهل وبعد كدا في عروض جميله جدااا في العين السخونه ورخيصه وامان جداااا ممكن تجالسو هناك كم يوم علي الاقل ترتاحو بعد العمليه تكون فترة نقاها وربنا ييسر لكم الامور ام الوزن علي الخطوط السعوديه بتوصل الي 55 كليو للشخص مع فرسان وانا نازل وكان معي اكتر من كدا والحمد لله وان شاء الله توصضلو مصر بسلامه

استاذي الفاضل

عليكم السلام ورحمة الله

فعلا انا بسمع الكلام المقلق ده عن وضع اسكندرية

والله لو ينفع نأجل كنا اجلنا بس الحالة النفسية لينا ماتستحملش حبسة اكتر من كده وكمان العمليه بتاعة ابو نور مستعجلة فاحنا مضطرين للاسف

فعلا بنفكر في السيناريو ده - نبدأ بالعمليه وبعدين نروح اي مكان يمكن الحل يهدى شوية

واول مرة افكر في العين السخة - طب حضرتك شايف ان مكاتب السياحة افضل من الرحلات المرتجلة ؟

فعلا احنا على الخطوط السعودية وعملنا عضوية الفرسان وربنا يستر في الوزن

جزاك الله الف الف خير

[hOuSsAm]

رصيدي خلص يا حسام باشا

مداخلتك رائعة و برنامج أجازة تحفة

أكتر حاجة أثرت فيا جدا زيارة ميدان التحرير و تقبيل أرضه و قراءة الفاتحة لروح الشهداء

ربنا يكرمك يا مصرية

بيبقى نفسى والله كل واحد يستمتع بالاجازة بتاعته

وعشان الناس الطيبة دى والخمس الاف جنيه اللى ببركة ربنا هيكفوا

احنا ممكن نوفر فى بند اسبوع المصيف

معظم النقابات بتعمل اسبوع مصيف باسعار مخفضة وبتبقى الشقق معقولة (على ما اتذكر حوالى 400 او 500 جنيه) على حسب المكان وفى اول الصيف او اخره

كمثال عندى فى نقابة التجاريين اللى فى المنصورة او حتى النقابة العامة فى العباسية بيعملوا مصيف فى راس البر ومطروح واسكندرية

وبتبقى اسعارها رخيصة جدا وفى نفس الوقت الشقق معقولة وقريبه من الشاطئ

اللى اعرفه ان التجاريين بيبداوا الحجز من مارس او ابريل

واى حد ممكن يحجز باسمه طالما عضو فى النقابة يعنى اى حد قريبك ممكن يحجزلك باسمه وانتى تقضى الاجازة (بس بشرط انه بشخصه هو اللى هيمضى على استلام الشقة)

لو مطروح فيها مشاكل راس البر مصيف عائلى وهادى ولذيذ (بس بيبقى زحمة فى الصيف)

دمياط الجديدة مصيف هادى جدا وبيبقى فاضى يعنى هتقعدى وبين كل شمسية والتانية مسافة كويسة

على جنب بأة يا أ/ حسام

Quote

طبعا اخوتنا اللى فى الرياض عارفين اماكن معينة بيشترى الحجات دى بجودة وسعر كويسين

أنا من أخواتكم اللي في الرياض

بس ماعرفش الحاجات دي بتتجاب بأسعار كويسة منين

ممكن تقولي؟

عنيا الاتنين بس معرفش حاجة فى الرياض

هدخل فى وقت تانى اشرحلك كل استراتيجيات الشراء والبدجت كنترول (على اد معرفتى)

وواضح ان ام نور انتهت من القصة دى فممكن تعرفك القصة فى الرياض ازاى احسن منى لانى لو شرحت هشرح على جدة:)

تحياتى

[se_ Elsyed]

خدي الأمور ببساطة يا أم نور وما تشغليش بالك بتخطيط وكل خطوة لازم تتحسب . أصلها أجازة مش حرب

وبعدين لو زوجك هايعمل العملية اول ما ينزل .. وده يُستحسن ... يبقى اضربوا عصفورين بحجر ... خليكم في البيت في أول الإجازة والناس تيجي تزوركم تطمئن عليه .. وفي نفس الوقت تروحي رازعه كل واحد الهدية بتاعته ... وبكده هايشوف الظروف اللي إنتو فيها ومرض زوجك .. ومش هايقدر يتكلم لو الهدية ما عجبتوش وده توقعيه وإنتي مغمضة لإن الأذواق مختلقة ... وكمان التوقعات بتبقى مختلفة .... يعني اللي متوقع تهاديه بعربية شبح موديل 2011 . ويلاقيكي جايبه له حتت قماش جبردين .. هايتصدم طبعاً وسقف التوقعات هايقع فوق دماغة .. لكن هايخلي عنده دم ويقول لنفسه يا واد عيب .. بقى الراجل تعبان وعامل عمليه وإنت جاي تدور على المرسيدس ؟

[ام نور محمود]

خدي الأمور ببساطة يا أم نور وما تشغليش بالك بتخطيط وكل خطوة لازم تتحسب . أصلها أجازة مش حرب

وبعدين لو زوجك هايعمل العملية اول ما ينزل .. وده يُستحسن ... يبقى اضربوا عصفورين بحجر ... خليكم في البيت في أول الإجازة والناس تيجي تزوركم تطمئن عليه .. وفي نفس الوقت تروحي رازعه كل واحد الهدية بتاعته ... وبكده هايشوف الظروف اللي إنتو فيها ومرض زوجك .. ومش هايقدر يتكلم لو الهدية ما عجبتوش وده توقعيه وإنتي مغمضة لإن الأذواق مختلقة ... وكمان التوقعات بتبقى مختلفة .... يعني اللي متوقع تهاديه بعربية شبح موديل 2011 . ويلاقيكي جايبه له حتت قماش جبردين .. هايتصدم طبعاً وسقف التوقعات هايقع فوق دماغة .. لكن هايخلي عنده دم ويقول لنفسه يا واد عيب .. بقى الراجل تعبان وعامل عمليه وإنت جاي تدور على المرسيدس ؟

استاذي الفاضل سين سين

عندك حق - انا بطبيعتي قلوقة حبتين - الطبع غلاب

انا اقتنعت بان موعد العمليه يبقى اول الاجازة وفعلا الواحد دلوقتي بس انتبه لنقطه سقف التوقعات دي :)

اضحك الله سنك وجزاك الله كل خير