تحية خاصة لفتفوتة

[لماضة مصرية جدا]

السلام عليكم و رحمة الله و بركاته

مع احترامي الشديد لكل الرائعين جدا في المحاورات

اللي بينوروا قلوبنا و عقولنا بكل حرف بيكتبوه و بكل فكرة بتحرك امواج الفكرفي حياة كل منا

من ساعة الثورة و انا عايزة افتح التوبيك ده

فتفتوتة عاملة نشاط "إعلامي" متميز جدا في التغطية للاخبار

بسم الله ما شاء الله

انا اغيب يومين....و ارجع الاقيها كاسرة عليا في البيونتات.....(وش واحد رايح جاي مش عارف هيجيب بوينتس من فين....صوت ضحك مكتوووووووووووم)

و الاهم اني بحس انها فعلا واخدة الموضوع علي قلبها

مع احترامي لكل المحاربين و المحاربات

المحاورين و المحاورات

برشح فتفوتة....تكون

المراسل الاعلامي......لمحاورات المصريين

ده طبعا.....وجهة نظري الخاصة جدا و مش هفرضها علي حد

لو وافقتم

يبقي اتفضلي يا فندم اتوجهي علي الارشيف عشان تاخدي

عدد واحد ميكرفون....

عدد واحد راديون ترانزستور...

عدد 7 نوبايل بكاميرا....

عدد واحد كسرولة...قصدي خوذة.....عشان حياة المراسل الصحفي فعلا مليانة بالاخطار....(وش هنيدي و هو في جمهورية قرقيزيا ووراه انفجارات و كده يعني)

فتفوتة

.....دايما بحتار في اسمك.....اخترتي تكوني "فتفوتة".....بس وجودك في المحاورات.....عامل "مذاق" خاص

كوني دايما انتي

و شكرا كتير علي مجهودك....ووقتك

صباحكم.......بيت العيلة

[Alattar]

وش واحد رايح جاي مش عارف هيجيب بوينتس من فين

احنا في الخدمة يافندم..البوينت بريال..ورقم حسابي عالراجحي هيوصلك هوا..و عشان حضرتك في الامارات..ممكن ويسترن أونيون..عادي جدن

طبعا الأخت فتوفتة دي قليل عليها أي كلام هنقوله..مجهودها بصراحة بيتكلم عنها

بس هي كده هتاخد الخوذة..مافيش موتسيكل صغنطوط كده..لزوم الخبر السريع

[mekkawy]

نرفع القبعة للمراسل الاعلامي بتفوق .. م. فتفوتة

[ام سلمي]

من ساعة الثورة و انا عايزة افتح التوبيك ده

فتفتوتة عاملة نشاط "إعلامي" متميز جدا في التغطية للاخبار

بسم الله ما شاء الله

فعلا والله مجمعة الاخبار كلها هنا انا بقيت ادخل اجيب الاخبار من المحاورات اسهل ما ادور في كذا مكان

ما شاء الله

[ozoozo]

اطالب بوسام استثنائي لفتفوته

وسام مراسله المحاورات

[لماضة مصرية جدا]

وش واحد رايح جاي مش عارف هيجيب بوينتس من فين

احنا في الخدمة يافندم..البوينت بريال..ورقم حسابي عالراجحي هيوصلك هوا..و عشان حضرتك في الامارات..ممكن ويسترن أونيون..عادي جدن

طبعا الأخت فتوفتة دي قليل عليها أي كلام هنقوله..مجهودها بصراحة بيتكلم عنها

بس هي كده هتاخد الخوذة..مافيش موتسيكل صغنطوط كده..لزوم الخبر السريع

السلام عليكم و رحمة الله و بركاته

لست انا هذا العضو....الريحة فاحت كده استاذي.....(وش اي واحد زمااااان كان بيقول خطبة عصماء و بعدين بيمد ايده و يفتح درج المكتب و يغمز بعينه اليمين و يقولك...ده حق الشاي)

بالنوسبة للموتوسيكل

عندي احساس ان اي حد بيفكر يجيب موتوسيكل....لازم يجيبه كده

و لازم يعمل الحركة دي

يالا بقي يا فتافيتو....ربنا معاكي

[لماضة مصرية جدا]

اطالب بوسام استثنائي لفتفوته

وسام مراسله المحاورات

الاوز...اوزيين....بيشجعوا

و احنا معاااااااااااهم

وش اي واحد قاعد في المدرجات و صوته رايح من تشجيع المنتخب

موافقة اوي.....جدا......خالص

[hOuSsAm]

من ساعة الثورة و انا عايزة افتح التوبيك ده

فتفتوتة عاملة نشاط "إعلامي" متميز جدا في التغطية للاخبار

بسم الله ما شاء الله

والله يا ريهام انتى عمرك اطول منى عمرى بيوم :P

امبارح بالليل كنت لسه بفكر افتح التوبيك ده لتكريم الاخت فتفوتة عالمجهود الكبير اللى هى عملاه

المفروض نديها وسام استثنائى زى ما اوزوز بيقول

تحيا فتفوتة

تحيا فتفوتة

تعيش تعيش تعيش

الشعب يريد تكريم فتفوتة

اذا اراد المحاورون يوما تكريما لفتفوتة فلابد ان تستجيب الادارة

تم تعديل 12 مارس 2011 بواسطة HOSAM ABDELFATAH

[fatfouta]

انا مش عارفة ارد اقول ايه

انا يا جماعة مابعملش ولاااااااحاجة عشان الكلام ده

ده انا ساعات كمان وكتير جدااا بعمل مجرد كوبى وبيست للاخبار مش اكتر

ربنا يخليكى ليا يا ريهام وشكرا على كلامك الجميل انتى وكل اللى شاركوا

وكفاية كده ياريت نقفل الموضوع ده عشان الكلام ده انا ماستهالهوش خاااااالص وكمان بيخلينى اعيط جااامد

الف شكر يا حبيبتى

تم تعديل 12 مارس 2011 بواسطة fatfouta

[Simba]

وانا كمان بطالب بوسام خااص لفتفوتة

[تامر مصطفى]

بصراحة فتفوتة تستاهل كل خير

وهي فعلا كانت قايمة بمجهود كبير ورائع في التغطية الاعلامية

يعني هي كان ليها دور كبير

يكفي اني ايام الثورة كنت ادخل ادور على اخبارها الجديدة

وعلى ما اقرأ خبر جديد واخرج الاقيها حطت خبر تاني

تحياتي ليها والف شكر

بس هي هتقضيها اوسمة؟؟

يعني لو جت تشتري بيهم بسبوسة هيرضى الراجل ياخدهم؟

ده حتى مش هيعرف يعلقهم في عربية البسبوسة

انا بقول كل واحد استفاد منها يمد ايده ويكرمش حته بخمسين دولار ويحطها في الدرج

تحياتي يا فتفوتة

[Salwa]

كلام جميل وكلام معقول مقدرش اقول حاجة عنه...

ايه الأخلاق (( اللى مش مستوردة دى ؟؟ )) ..

بجد ياريهام انتى اثبتى لنا انك مصرية اصيلة وده يطمئن ان فعلا مصر رجعت تانى لينا .

وبقينا ندى الناس حقها..

فتفوتة فعلا فعلا تستحق اكثر من وسام.

هى تستحق حبنا كلنا مش بس اهتمامنا.

كنا ف الفترة اللى فاتت دى عاملين ..(( اوعوا حد يضرب ))..

زى اللى واقفين طابور مستنيين العيش لما يطلع من الفرن سخن .

بجدددددد

انا كنت اتابع البى بى سى اربعة وعشرين ساعة ف اليوم وده مش كذب..

كنت اتابع بالنهار ...وباقى العيلة هنا مشغلين البى بى سى والقنوات التانية طول الليل كمان..

فتفوتة كانت بتجيب لنا الأخبار من ميدان التحرير وكانوا (( ولادها وزوجها )) بيصعبوا عليا .

لدرجة انى ف يوم قلت لنفسى ...اكيييييد مش حايزعلوا لأن كل مصرى دلوقت قلبه متعلق بالأخبار الحلوة .

واكييييد الولاد فرحانين لأن امهم فرحانة قوى .

تستاهلى كل الخير يافتفوتة انتى وكل الحبايب اللى كانوا بيوافونا بأهم الأنباء ..

بس انتى طبعاااا تستحقين وعن جدارة وسام المحبة من الدرجة الاولى الممتازة :clappingrose: :clappingrose:

[ozoozo]

اعتصام اعتصام ......حتي تاخد فتفوته الوسام

انتي فين ياأداره

مش هانقبل بتغيير حكومه

مش هانقبل بتفويض صلاحيات ولا عدم النف او عدم (الترشح)

مش هانقبل حتي بالتنحي

اعتصام اعتصام للحصول علي الوسام

[رضوي]

بصراحة ياجماعة احنا مهما قولنا مش هنقدر نوفي فتفوتة حقها

( عيد الأخت قرب بقي )

بصراحة فتفوتة بتدي للمحاورات شكل مختلف بنكهة خاصة جداً .......... واي وسام هيبقي قليل برده عليها

كلنا بنحس انها أختنا القريبة اوي مننا ........... والمحاوراتية الأصيلة ........ صديقة كل المحاوراتية

يبقي فتفوتة لازماً وحتماً ولابد تاخد لقب

أنشط محاوراتية مصرية

bv:-

[لماضة مصرية جدا]

انا مش عارفة ارد اقول ايه

انا يا جماعة مابعملش ولاااااااحاجة عشان الكلام ده

ده انا ساعات كمان وكتير جدااا بعمل مجرد كوبى وبيست للاخبار مش اكتر

ربنا يخليكى ليا يا ريهام وشكرا على كلامك الجميل انتى وكل اللى شاركوا

وكفاية كده ياريت نقفل الموضوع ده عشان الكلام ده انا ماستهالهوش خاااااالص وكمان بيخلينى اعيط جااامد

الف شكر يا حبيبتى

يعني نفرح نعيط.....نزعل نعيط

طب ايه بقي

مشاعرنا الحلوة.....ليه نخنقها

لو عايزة تعيطي...اتفضلي...(بمد ايدي بعلبة كلينكس....و باخدها تاني...غلاااااااااسة)

ها.....خلصتي

اخلصي يا بنتي.....مافيش وقت

الحياة حلوة اوي........و فيها خير

و القلوب لو بكت.....لانها قلوب لسه فيها فطرة.....بس برضه من الفطرة...ان احنا نعرف نفرح

اوعي تخافي من الفرح

افرحي يا فتافيتو

كلنا محتاجين نفرح

كلنا محتاجين كمصريين....لما واحد مننا يتميز في حاجة نقف وراه و نقوله.....احنا شايفين مجهودك...و مقدرين تعبك

مش صعبة

و الله سهلة

ع هامش الفرحة و كده

من شيوة ماما كانت عاملة رز حلو اوي اوي الحقيقة...(احسن بمراحل من كتل الرز اللي بعملها و بتكون ملتصقة ببعضها بشكل يدعو للتأمل الصامت....برضه صوت ضحكة مكتومة)

المهم بقولها ماما الرز ده تووووحفة.....بصتلي باستغراب...قالتلي ده بتاع كل يوم

قولتلها اومال انا ليه بنسي اقولك كل يوم تسلم ايديكي :blink: :blink:

فتفوتة....بعيدا عن حديث الصطبيخ و الرز

انا حبيت اقولك

تسلم ايديكي

بس خلاص

و بطلي عياط.....مبحبش انا كده

[لماضة مصرية جدا]

اعتصام اعتصام ......حتي تاخد فتفوته الوسام

انتي فين ياأداره

مش هانقبل بتغيير حكومه

مش هانقبل بتفويض صلاحيات ولا عدم النف او عدم (الترشح)

مش هانقبل حتي بالتنحي

اعتصام اعتصام للحصول علي الوسام

مين

ايه

أزاي

مش فخمتوا الكلمة اللي فوق دي سعادتك.....دي مادة جديدة في الداسطور و لا ايه

هل ده ليه علاقة ان فتففوتة هايرانا عياط لما غرقت التوبيك و انا جايبة مناديل و عمالة اقولها امسحي دموعك يا آمال....(وش زكي رستم في فيلم ترعة الحب)

اوضح

افصح

ابن

:blink: :blink:

[fatfouta]

مش عاوزة هتاف خاص......أنا عاوزة هتاف عام

تحيا المحاورات اللى اتاحت لنا الفرصة فى التعبير ععن آرائنا

يبقى المحاورات هى اللى تستحق اكبر وسام

شكرا...المحاورات

:hi:

[ozoozo]

اعتصام اعتصام ......حتي تاخد فتفوته الوسام

انتي فين ياأداره

مش هانقبل بتغيير حكومه

مش هانقبل بتفويض صلاحيات ولا عدم النف او عدم (الترشح)

مش هانقبل حتي بالتنحي

اعتصام اعتصام للحصول علي الوسام

مين

ايه

أزاي

مش فخمتوا الكلمة اللي فوق دي سعادتك.....دي مادة جديدة في الداسطور و لا ايه

هل ده ليه علاقة ان فتففوتة هايرانا عياط لما غرقت التوبيك و انا جايبة مناديل و عمالة اقولها امسحي دموعك يا آمال....(وش زكي رستم في فيلم ترعة الحب)

اوضح

افصح

ابن

:blink: :blink:

انا معرفش ياخوانا

انا كل مافتح التلفزيون الاقي مبارك بيقول قد انتويت عدم( الترشح ) وبعدين يروح ماسح مناخيره في كمه وشانن فقولت الكلمه دي اكيد ليها علاقه بالرشح والانفلونزا وكده

هو انا كنت فاهم غلط ولا ايه؟:blink:

[aimen]

كلام جميل وكلام معقول مقدرش اقول حاجة عنه...

ايه الأخلاق (( اللى مش مستوردة دى ؟؟ )) ..

بجد ياريهام انتى اثبتى لنا انك مصرية اصيلة وده يطمئن ان فعلا مصر رجعت تانى لينا .

وبقينا ندى الناس حقها..

فتفوتة فعلا فعلا تستحق اكثر من وسام.

هى تستحق حبنا كلنا مش بس اهتمامنا.

كنا ف الفترة اللى فاتت دى عاملين ..(( اوعوا حد يضرب ))..

زى اللى واقفين طابور مستنيين العيش لما يطلع من الفرن سخن .

بجدددددد

انا كنت اتابع البى بى سى اربعة وعشرين ساعة ف اليوم وده مش كذب..

كنت اتابع بالنهار ...وباقى العيلة هنا مشغلين البى بى سى والقنوات التانية طول الليل كمان..

فتفوتة كانت بتجيب لنا الأخبار من ميدان التحرير وكانوا (( ولادها وزوجها )) بيصعبوا عليا .

لدرجة انى ف يوم قلت لنفسى ...اكيييييد مش حايزعلوا لأن كل مصرى دلوقت قلبه متعلق بالأخبار الحلوة .

واكييييد الولاد فرحانين لأن امهم فرحانة قوى .

تستاهلى كل الخير يافتفوتة انتى وكل الحبايب اللى كانوا بيوافونا بأهم الأنباء ..

بس انتى طبعاااا تستحقين وعن جدارة وسام المحبة من الدرجة الاولى الممتازة :clappingrose: :clappingrose:

[م تيمور المراغي]

اؤيد وبشدة منح فتفت وسام خاص تقديرا لجهدها الاعلامي الغير مسبوق

وانا والله عشرات المرات بقبى عاوز ادخل اثني عليها اكتر من كده بس قلت حثني على ايه والا ايه

تحياتي الصادقة واعجابي الشديد يا فتفت