الحذر الحذر من الوثائق المنسوبة لأمن الدولة .. لأن مفيش جمرك

[الغريب]

هذا الموضوع تحذيري من بلاعة الوثائق المنفجرة والتي تنسب لأمن الدولة

بعضها بالتأكيد سيكون صحيح ، ولكن البعض الآخر حتما سيحشر عن عمد للتضليل

أمن الدولة وثائقه ليست كأي وثائق ولكنها ستكون دليل على ممارسات الدولة

يمكن للوثائق أن تكون سبب في محاكمة أمن الدولة

ولكن يمكنها على الجانب الآخر أن تكون سبب لفتنة الدولة ، بعضها كفيل بإحداث فتنة طائفية

وبعضها كفيل بإحداث إضطرابات مجتمعية

وبعضها كفيل بتعظيم أشخاص هم في الأصل فاسدين

فالحذر الحذر من خلط الحابل بالنابل

هناك وثائق ستكون موجهة لإحداث فوضى على أثرها ، وهناك وثائق ستكون موجهة للإسقاط أشخاص محترمين ، ووثائق أخرى موجهة لرفع أشخاص فاسدين

الوثائق الموجهة (من وجهة نظري) ربما تكون مقصودة من أمن الدولة أي أنه أعدها خصيصا لتقع بين يدي الناس وتنفذ الهدف منها

والبعض الأخر سيكون من تحرير جهات أخرى كثيرة ..

وكل من له مصلحة في حاجة يعمل وثيقة وينسبها لأمن الدولة

رجااااء الحذر من هذه الوثائق والإستعانة بالله أولا وبعقلك المصري المخلص للبلد ثانيا في الحكم على هذه الوثائق قبل نشرها

والله المستعان

[ComingSoon]

اعتقد ان 90% من الوثائق المنشورة مفبركة

نادر جداً تري وثيقة يبدو عليها الصحة

[الغريب]

اعتقد ان 90% من الوثائق المنشورة مفبركة

نادر جداً تري وثيقة يبدو عليها الصحة

وبالذات اليوم السابع

حاسس أنها عاملة إدارة مخصصة لعمل الوثائق المحبكة

[ComingSoon]

اعتقد ان 90% من الوثائق المنشورة مفبركة

نادر جداً تري وثيقة يبدو عليها الصحة

وبالذات اليوم السابع

حاسس أنها عاملة إدارة مخصصة لعمل الوثائق المحبكة

اليوم السابع دي حكاية لوحدها

كل قاذورات النظام المخلوع مجتمعة في هذه الجريدة

يعني مقالات مدفوعة الثمن من رجال اعمال تلاقي

عصابات طائفية واثارة فتن موجود

مساندة ونفاق للنظام القديم سواء مقالات او اخبار اوتعليقات

اختراع اخبار وليس فقط تزوير اخبار

وكر كبير عايز اللي ينكش وراه وهيكتشف العجب

[التونسى]

انا معك أنه هناك من يحاول منذ بدء الثوره نثر بذور الفتنة .. والكثير منا وقع فريسه لها.. خصوصا من هم بمصر الان .. وانا من هؤلاء .. ولكنى اصدقك القول اخى العزيز اننى أشعر وبقوه ان يد الله عز وجل ستمتد ..و ستكون لها الحسم المبين فى انقاذ هذه البلد المكلومة ثانية من براثن فتنة مستندات ووثائق امن الدوله .. بعدانقاذها من فتنة موقعة الجمل .. وفتنة الغياب الامنى

الله معنا فلا تحزن

الله معنا فلا تجزع

الله معنا فلا تخاف

[عنبو]

اعتقد ان فضايح امن الدوله الكبيره موجود منها سوفت كوبى

وبالنسبه للهارد كوبى اللى هى منتشره فاكيد فيه منها الحقيقى وفيه منها المزيف

اهم حاجه اللى يلاقى حاجه يسلمها للجهات المعنيه وهى تحقق فيها وهتعرف اذا كانت حقيقه او مزيفه

حتى لا يختلط الحابل بالنابل

تحياتى

عنبو

[Sidi Bouzaid]

هل كان عندهم وقت يفبركوا وثائق

هما واضح انهم كانوا مستعجلين

دول حتى كانوا مش لاحقين يحرقوها او يفرموها

[se_ Elsyed]

اعتقد ان 90% من الوثائق المنشورة مفبركة

نادر جداً تري وثيقة يبدو عليها الصحة

نفس اللي إتقال على الـ 120 بلطجي الي مسكوهم يوم موقعة الجمل وعلى الهواء مباشرة شوفنا بطاقات هوايتهم اللي تدل على إن في نهم أمن دولة وأمن مركزي وبلطجية عاديين

وفي ثواني طلعت تأكيدات إن البطاقات دي تم تزويرها

يعني كان في أجهزة تزوير بطايق في ميدان التحرير ستاند باي للشغل على طول

نفس الشيء أنا شوفت وثايق عرضها شباب بالامس لما إتقحموا اوكار الشيطان دي ..

برضوا مزورة ؟

أيوه هاتطلع أوراق خبيثة ومضروبة للإنتقام الشخصي ..

لكن عاوزين تفهموني إن ملايين الوثائق اللي تم التحفظ عليها على مستوى الجمهروية بالأمس وأول أمس كلها مزورة برضوا ؟

[ComingSoon]

اعتقد ان 90% من الوثائق المنشورة مفبركة

نادر جداً تري وثيقة يبدو عليها الصحة

نفس اللي إتقال على الـ 120 بلطجي الي مسكوهم يوم موقعة الجمل وعلى الهواء مباشرة شوفنا بطاقات هوايتهم اللي تدل على إن في نهم أمن دولة وأمن مركزي وبلطجية عاديين

وفي ثواني طلعت تأكيدات إن البطاقات دي تم تزويرها

يعني كان في أجهزة تزوير بطايق في ميدان التحرير ستاند باي للشغل على طول

نفس الشيء أنا شوفت وثايق عرضها شباب بالامس لما إتقحموا اوكار الشيطان دي ..

برضوا مزورة ؟

أيوه هاتطلع أوراق خبيثة ومضروبة للإنتقام الشخصي ..

لكن عاوزين تفهموني إن ملايين الوثائق اللي تم التحفظ عليها على مستوى الجمهروية بالأمس وأول أمس كلها مزورة برضوا ؟

مش قصدي خالص المعني اللي وصل حضرتك

انا بتكلم عن شئ اخر

خد المثل ده

انا مثلاً زعلان من عمرو موسي اقوم كاتب ورقة وطابعها ومصورها بالموبايل ورفعها علي النت

وادور في كل المواقع انشرها علي انها وثيقة من امن الدولة

فجأة اصبح عمرو موسي عميل لأمن الدولة

يعني في لحظة ممكن يتحول اي شخص لعميل وممنكن واحد يكون شغال لأمن الدولة اصلاً يبقي بطل قومي

هو ده الخطر

[الغريب]

اعتقد ان 90% من الوثائق المنشورة مفبركة

نادر جداً تري وثيقة يبدو عليها الصحة

أيوه هاتطلع أوراق خبيثة ومضروبة للإنتقام الشخصي ..

لكن عاوزين تفهموني إن ملايين الوثائق اللي تم التحفظ عليها على مستوى الجمهروية بالأمس وأول أمس كلها مزورة برضوا ؟

هو ده اللي عاوزين نأكده أن الناس تميز بين الغث والسمين على أساس مصلحة البلد

يعني وثيقة مثلا هتطلع تقول أن خالد صلاح مثلا كان متمرد وغير متعاون مع أمن الدولة ، فدي موجهة لصنع بطل قومي أسمه خالد صلاح من وراء نشر الوثيقة .. مثلا يعني

كل القصد أننا نتروى ونحكم عقلنا قبل نشر أي وثيقة

[Alattar]

اعتقد ان فضايح امن الدوله الكبيره موجود منها سوفت كوبى

وبالنسبه للهارد كوبى اللى هى منتشره فاكيد فيه منها الحقيقى وفيه منها المزيف

اهم حاجه اللى يلاقى حاجه يسلمها للجهات المعنيه وهى تحقق فيها وهتعرف اذا كانت حقيقه او مزيفه

حتى لا يختلط الحابل بالنابل

تحياتى

عنبو

ده أكيد فيه منها سوفت كوبي

لأن كان فيه صورة امبارح لأجهزة كمبيوتر يتم حرقها

[pink rose]

جه في بالي حاجه كده بس مش عارفه صح و لا غلط

ليه ما يكونش في ورق متفبرك من زمان مش اليومين دول ضد شخص معين

ولو الشخص المعين دا حب يطلع برة الدايرة او برة الخط

يسربوا الاوراق دي و يستخدموها كا تهديد ليه فا يسكت و ينفذ اللي عاوزينه كا نوع من الابتزاز يعني

مثلا س س ذكر في موضوع تاني ان المفتي علي جمعة له و العياذ بالله علاقات نسائية و متجوز عشرة في نفس الوقت

معلش بصراحة مش قادرة اصدق نهائي الكلام دا

فا باقول ممكن تكون الملفات دي جاهزة من زمان عشان يلوا دراع اي حد يفتح بؤه

و طبعا الملفات دي مش مهمة بالنسبالهم في الوقت الحالي فا ما تمش فرمها و الناس لقيتها و انتشرت

[Om Zayd]

«المصري اليوم» تنشر محضر اجتماع أمن الدولة لوضع خطة تدمير الوثائق السرية

[doha]

جه في بالي حاجه كده بس مش عارفه صح و لا غلط

ليه ما يكونش في ورق متفبرك من زمان مش اليومين دول ضد شخص معين

ولو الشخص المعين دا حب يطلع برة الدايرة او برة الخط

يسربوا الاوراق دي و يستخدموها كا تهديد ليه فا يسكت و ينفذ اللي عاوزينه كا نوع من الابتزاز يعني

مثلا س س ذكر في موضوع تاني ان المفتي علي جمعة له و العياذ بالله علاقات نسائية و متجوز عشرة في نفس الوقت

معلش بصراحة مش قادرة اصدق نهائي الكلام دا

فا باقول ممكن تكون الملفات دي جاهزة من زمان عشان يلوا دراع اي حد يفتح بؤه

و طبعا الملفات دي مش مهمة بالنسبالهم في الوقت الحالي فا ما تمش فرمها و الناس لقيتها و انتشرت

يااختي العزيزه الورق مش محتاج يتفبرك من زمان ولا حاجه .. هي ساعة زمن عشرة خمستاشر واحد كل واحد فيهم يعمل لله خمس ست وثائق وانشرررر .. والحمد لله ولاد الحلال كتير وفي منهم الي هيتطوع لفبركه اوراق من دماغه ونشرها برضه قال يعني جاب الديب من ديله وعرف الي محدش عرفه .. لو لاحظتي فالورق مفيهوش استمبه واحده للكتابة وكل مايلزم لفبركه اي وثيقة كمبيوتر عليه وورد ومتوصل بالنت ..

لاحظي ان مااطلق عليه وثيقة تدين منى الشاذلي او مجدي الجلاد كان فيها صورهم .. ليه ده محصلش مع الناس العادية ؟ قال يعني الصورة هتدي مصداقية للورقة .. لاه والنكته الاكبر من بين تلال واطنان الملفات الي لقيوها قوم ايه بالصدفة سبحانك ربي يطلع معاهم ملف "المدعو " خالد سعيد .. شوف ازاي

واحلى حاجه عشان حافظين الدماغ المصرية لازم يحشروا لك فيها حته ممنوعات كده فيلاقوا هناك قال ايه بدل رقص وكمان ( شرايط ) اباحية مع ان الواحد كان فاكر معادش في حاجه اسمها فيديو والدنيا كلها دلوقت شغاله دي في دي ومش هقول فلاشات .. بس هي كده لازم الظبطيه تكون كما انزل وعشان الحلاقية وسائقي التاكسي يلاقوا حاجه يوطوا صوتهم لما يجوا يحكوا عنها للزباين لزوم السسبنس يعني ..

اربعين يوم فاتوا على اشتعال الاحداث وهم اكثر من كافيين لاخفاء ماينبغي اخفاؤه خاصه ولو لاحظتي كل الفيديوهات والصور مفيهاش ظابط امن واحد ظاهر بملابسه الرسمية او حتى يبدي مقاومة وده بيأكد ماسمعته من البعض من ان الناس دي اخذت اوامرها من يومها الصبح باخلاء المبنى ..

ميهمنيش "الوثائق " الي تم اكتشافها حتى الآن والي في غالبيتها بتدور في فلك كشف دور امن الدولة الحقيقي الي هو معروف لنا جميعا كمصريين .. الخوف الحقيقي من ماهو تال ومن فضائح متفبركه هيتم نشرها وتهديد البعض بها والمصداقية الوحيده لها هي وثائق مزعومه هتنسب لأمن الدولة وللاسف الشديد من الواضح ان ناس كتير هتصدق ..

ربنا يستر على كل الشرفاء ..

[hanzalah]

لااهتم كثيرا بتلك الوثائق

لصعوبة تأصيل المعلومة في زمن الثورات

اهتم فقط بما يمكن ان اقوم انا بعمله في واقع يومي وغدي بالتعاون مع الشرفاء من ابناء مدينتي وقريتي وشارعي ومدرستي

نصن نصنع قدر الله بأيدينا كل يوم

فلماذا نهتم بما يظن الآخرون انهم -كانوا - قادرين على صنعه

وللمعلومية

حتى لو جاءت تحت يدي وثيقة ظاهرا انه يدين انسان اختلف معه تماما مثل عمرو موسى

لن اساعد على نشرها

تم تعديل 6 مارس 2011 بواسطة hanzalah

[الغريب]

أخطر وثيقة صدرت من أمن الدولة

[Om Zayd]

أخطر وثيقة صدرت من أمن الدولة

bv:-

دي بالذات يا ريت كلنا ننشرها

جزاكم الله خيرا

اللي نفسي افهمه .. ليه الناس متفاجءة من بلاعة الفساد و الفضايح اللي اتفتحت؟

هوا كان فيه شك في اللي بيعمله امن الدولة؟؟