زاهر : الكرة المصرية ستتعرض لانتكاسة لو لم يعد الدورى

[Om Zayd]

آسفة لو كنت بغلس عليكم .. لكن فعلا احب اسمع رايكم

أكد سمير زاهر تعرض الكرة المصرية لانتكاسة في حالة عدم إستئناف الأنشطة علي كافة المستويات مؤكدا أن كرة القدم أصبحت صناعة تدر دخلا كبيرا ويعمل من خلالها عدد كبير من الناس‏.‏

وقال سمير زاهر ان استمرار توقف الدوري العام سيعرض الأندية للإفلاس وعدم قدرتها علي الوفاء بالتزاماتها المادية تجاه عقود اللاعبين والمدربين وكافة عناصر اللعبة‏.‏

وأضاف أن توقف المسابقة يعني عدم وجود دخل للاندية سواء من الأيرادات أو الأعلانات والبث الفضائي فكيف تصرف الأندية علي متطلباتها؟‏!‏

وأشار رئيس اتحاد الكرة الي إجتماعه مع حسن صقر للبحث عن كافة الحلول الممكنة لعودة الحياة لملاعب كرة القدم من جديد خاصة ان الكرة أصبحت غذاء الشعوب ووجودها علي الساحة من شأنه المساهمة في عودة الحياة الي طبيعتها‏.‏

وقال زاهر ان هناك توافقا في الآراء مع المهندس حسن صقر بخصوص هذه المشكلة مشيرا إلي أنع مع الأنفلات الأمني وعدم عودة الشرطة للشارع أصبح إستئناف الدوري صعبا إلا إذا تحسنت الأوضاع وعادت المياه لمجاريها بين الشرطة والشعب من جديد‏.‏

وأشار زاهر الي ان هناك اتجاها الي اسناد تنظيم المباريات الي شركات أمن تنظيم علمية دخول وخروج الجماهير للملاعب بالتعاون مع روابط الأندية التي سيكون لها دور كبير في المرحلة المقبلة خاصة بعد نجاح تنظيم مباراة الزمالك مع بطل كينيا في دوري رابطة الأبطال الأفريقية والتي كان للالتراس دور كبير فيها‏.‏

تمام .. هي صناعة .. وان كنت اعتقد انها تفتقد الاساس السليم

لكن اليس لدينا مشاكل اكثر الحاحا؟؟

الم يعقب نكسة 67 ايقاف لكرة القدم؟

في رايكم .. هل يعود الدوري الآن؟

[se_ Elsyed]

يعود بس بشروط

واهمها :

- تنظيف الوسط الرياضي من المرتزقة وماسحي الجوخ والهليبة اللي ناهبين البلد والملايين اللي عماله تتبعتر في بلد بيمر بمرحلة إقتصادية حرجة للغاية ومع ذلك نسمع عن أرقام فلكية .

الثورة لابد ان تصل إلى الرياضة أيضاً ....

ولا نستثني أحد ...

وأعتقد إن رِجل حسن حمدي والخطيب جت في الموضوع .. وعليهم تبرئة أنفسهم من تُهم الفساد المتعلقة بعملهم في مؤسسة الأهرام ..

وكذلك القضاء على تلك الوجوه التي شوهت شكل الرياضة أمثال زاهر وشوبير ومجدي عبد الغني ومحمد مصيلحي ..

كمان السبوبة اللي راحت فيها مليارات مش ملايين والمتمثلة في أندية البترول والشرطة والجيش اللي مش دورهم إنهم ياخوا فلوس الشعب وثرواته ويصرفوها على أندية لا حصر لها تتبعهم

تخيلوا يا جماعة إن قطاع البترول بس بينفق على عدة أندية بدو وجه حق وبدون عائد زي

- إنبي

- بتروجيبت

- جاسكو

- بترول أسيوط

قمة الملهاة والمسخرة

[Om Zayd]

جميل جدا

يعني الوضع الحالي بما فيه من فساد و الهاء للناس لا يجب ان يعود

كمان هوا بيقول انها صناعة

بس هي اقرب ل"سبوبة" .. بالذات القنوات الرياضية اللي مش بتقدم اعلام رياضي الا فيما ندر

عايزة الرياضة تبقى ممارسة مش فرجة و بس

[لماضة مصرية جدا]

السلام عليكم و رحمة الله و بركاته

يرجع و لا ميرجعشي

هي ليه تصريحات السيد اركان حرب قائد مدفعية الكورة...مدياني انطباع انها

قضية امن وطني...مثلا :blink:

التصريحات دي بتفكرني بالناس اللي كانت بتقول يا جماعة فضوا الاعتصام في ميدان التحرير عايزين نرجع اشغالنا

ده ع اعتبار ان احنا كنا في مصاف الدول المتقدمة وان الاعتصامات في ميدان التحريرهي اللي وقعت البلد من علي جادون عجلة التنمية

و بعدين لما اصلا الشباب العترة اللي زي الورد الحمضان لعيبة الكورة اللي احنا كل شوية عمالين نمجد فيهم و كأنهم....محاربي الساموراي مثلا

مكنشي ليهم اي موقف ايام الثورة....و اللي اخد موقف...كان موقف صادم جدا

انا نفسي

الكورة متاخدشي اكبر من حجمها

بس تمجيد لعيبة الكورة و انهم يبقوا رموز مصر.......خلاص كفاية بقي

و يبقي الحل....الدوري يرجع.....

بس محدش يروح يتفرج عليهم :P :P

صباح الورد ام زايد

[تامر مصطفى]

خلي كرة القدم تتوقف حتى لو 10سنين ايه المشكلة

وهو الدخل اللي بيجي للكورة منين؟؟

ما هو من جيوب ودم الغلابة اللي احتياجهم لرغيف خبز حاليا يساوي الدوري بحاله

[pink rose]

مش عارفه يمكن رأيي مغاير شوية

و هو ايقاف النشاط الرياضي في مصر لمدة سنة

لكذا سبب

اولا عشان ينضف من البلاوي اللي فيه

ما هو مش معقول هانقعد نحارب في 5000 جبهة فا نقفل الجبهة دي مؤقتا

ثانيا عشان الفلوس اللي بالهبل اللي بتتصرف على الرياضة و للاسف ما بيجيش من وراها اي مكاسب ملموسة معلش يعني ليه دايما اخرنا كأس افريقيا

قريت من يومين تعليق لجوزية بيه بيصوت لازم الدوري يرجع تفتكروا عشان خاطر عيون مصر و لا عشان الفلوس اللي بياخدها

ثالثا عشان الناس ما تتهليش في الكورة تاني و مصر محتاجة كل و اي مجهود حاليا

[Howayda Ismail]

جميل جدا

يعني الوضع الحالي بما فيه من فساد و الهاء للناس لا يجب ان يعود

كمان هوا بيقول انها صناعة

بس هي اقرب ل"سبوبة" .. بالذات القنوات الرياضية اللي مش بتقدم اعلام رياضي الا فيما ندر

عايزة الرياضة تبقى ممارسة مش فرجة و بس

عاوزين نغير نظرة الشباب للرياضة خاصة كرة القدم اللى اصبح حلم معظم الشباب يكون نجم مليونير بغض النظر عن

مهارته يعنى اللعب يكون لموهبته ولحبه للعبة مش يبقى زى فلان وعلان

ضرورى ندى لعب تانية حقها ولايقتصر اهتمام الدولة بالكورة وبس

فى تجاوزات كبيرة جدا فى نوادى الشباب واهدار للمال العام دون اى انجازات لهذه النوادى

وعموما الاولوية دلوقت تصليح منظومة التعليم والبحث العلمى وتوفير اكبر ميزانية لذلك حتى ولو

على حساب حاجات تانية واولها الفن والكورة وغيرهم كتير

[سكر]

ترجع بس نفهم ان فى فرق بين كلمة الرياضه وكرة القدم

يعنى الرياضه اكبر بكثير من كرة القدم

وايضا انا مهتم ان اولادى يمارسوا رياضه طول عمرهم احسن من ان مصر تاخد كاس العالم

[Alattar]

يعود بس بشروط

واهمها :

- تنظيف الوسط الرياضي من المرتزقة وماسحي الجوخ والهليبة اللي ناهبين البلد والملايين اللي عماله تتبعتر في بلد بيمر بمرحلة إقتصادية حرجة للغاية ومع ذلك نسمع عن أرقام فلكية .

أحسن رد علي الجزئية دي..الخبر الجميل ده

طالب التوأم حسام وابراهيم حسن من مجلس إدارة نادي الزمالك تحديد أعلى أجر في مصر للاعبي الفريق الذين يظهرون كضيوف على البرامج الرياضية.

وعلم مراسل Yallakora.com ان مجلس إدارة الزمالك استقر مبدئيا على 10 ألاف جنيه يحصل عليهم النادي من أي برنامج يستضيف أحد لاعبي الزمالك.

وجاءت هذه الخطوة من إدارة الزمالك في ضوء بحثها الدائم عن موارد مالية للنادي تدعمه في ظل الظروف الطاحنة التي يمر بها.

وكان الأهلي قد اتخذ قرارا مماثلا منذ عدة أشهر، واضعاً "تسعيرة" خاصة لاستضافة نجومه عبر الفضائيات تبدأ من 10 ألاف جنيه لنجوم الصف الأول في الفريق ويتم تخفيض هذا الرقم حسب حجم وأهمية اللاعب.

ورفض التوأم ان يكون تسعيرة استضافة نجوم الزمالك أقل من نظائرهم في الأهلي، مبررين ذلك بأن الزمالك هو متصدر مسابقة الدوري، وبالتالي فان لاعبيه هم الأفضل في مصر

[عبير يونس]

جميل جدا

يعني الوضع الحالي بما فيه من فساد و الهاء للناس لا يجب ان يعود

كمان هوا بيقول انها صناعة

بس هي اقرب ل"سبوبة" .. بالذات القنوات الرياضية اللي مش بتقدم اعلام رياضي الا فيما ندر

عايزة الرياضة تبقى ممارسة مش فرجة و بس

اهي المداخلة دي تستحق 20 نقطة خضراء

هو ده الكلام يا ناس

الملايين دي المفروض تتصرف على تأهيل الشعب رياضيا

مش لازم يبقى الشعب كله أبطال طبعا

بس على الأقل يمارسوا الحد الأدنى من الرياضة و خصوصا في المدارس و الجامعات

و ياريت في العمل كمان لتحسين صحة الموظفين و بالتالي زيادة انتاجيتهم زي ما هو حاصل في اليابان

ياريت زي ما كان في القراءة للجميع و طبعا كانوا بيطبعوا الكتب اللي على مزاجهم بس

يكون في مشروع حقيقي و يبقى الرياضة للجميع

دي تبقى أحلى بداية

ربنا يسعد قلبك

زي ما زرعتي جوايا أمل حلو

[Sidi Bouzaid]

آسفة لو كنت بغلس عليكم .. لكن فعلا احب اسمع رايكم

أكد سمير زاهر تعرض الكرة المصرية لانتكاسة في حالة عدم إستئناف الأنشطة علي كافة المستويات مؤكدا أن كرة القدم أصبحت صناعة تدر دخلا كبيرا ويعمل من خلالها عدد كبير من الناس‏.‏

وقال سمير زاهر ان استمرار توقف الدوري العام سيعرض الأندية للإفلاس وعدم قدرتها علي الوفاء بالتزاماتها المادية تجاه عقود اللاعبين والمدربين وكافة عناصر اللعبة‏.‏

وأضاف أن توقف المسابقة يعني عدم وجود دخل للاندية سواء من الأيرادات أو الأعلانات والبث الفضائي فكيف تصرف الأندية علي متطلباتها؟‏!‏

وأشار رئيس اتحاد الكرة الي إجتماعه مع حسن صقر للبحث عن كافة الحلول الممكنة لعودة الحياة لملاعب كرة القدم من جديد خاصة ان الكرة أصبحت غذاء الشعوب ووجودها علي الساحة من شأنه المساهمة في عودة الحياة الي طبيعتها‏.‏

وقال زاهر ان هناك توافقا في الآراء مع المهندس حسن صقر بخصوص هذه المشكلة مشيرا إلي أنع مع الأنفلات الأمني وعدم عودة الشرطة للشارع أصبح إستئناف الدوري صعبا إلا إذا تحسنت الأوضاع وعادت المياه لمجاريها بين الشرطة والشعب من جديد‏.‏

وأشار زاهر الي ان هناك اتجاها الي اسناد تنظيم المباريات الي شركات أمن تنظيم علمية دخول وخروج الجماهير للملاعب بالتعاون مع روابط الأندية التي سيكون لها دور كبير في المرحلة المقبلة خاصة بعد نجاح تنظيم مباراة الزمالك مع بطل كينيا في دوري رابطة الأبطال الأفريقية والتي كان للالتراس دور كبير فيها‏.‏

تمام .. هي صناعة .. وان كنت اعتقد انها تفتقد الاساس السليم

لكن اليس لدينا مشاكل اكثر الحاحا؟؟

الم يعقب نكسة 67 ايقاف لكرة القدم؟

في رايكم .. هل يعود الدوري الآن؟

انكسها الله

الحمد لله خلينا نوفر الملايين اللي بتتصرف عليها للشعب

هو صحيح بتوفر دخل للكتير من الناس وهما امثاله اللي نازلين سرقة بالملايين

تم تعديل 5 مارس 2011 بواسطة Sidi Bouzaid

[شرف الدين]

كورة ايه اللي ترجع دلوقت يا جماعة

المفروض الدوري ده يقف أصلا وكل النشاط الرياضي

حتى لو مش هندخل كاس الأمم

يعني بالمنطق كده ....

مفيش أمن في الشوارع نفسها ... يبقى هجيب منين أمن للجماهير في المدرجات ؟

احنا في فترة محتاجة كل جهدنا وكل وقتنا وكل تركيزنا على إصلاح الوضع السياسي والوضع الاقتصادي والوضع الأمني في البلد.

نقوم نفكر في الكورة ..

[fatfouta]

كورة ايه اللي ترجع دلوقت يا جماعة

المفروض الدوري ده يقف أصلا وكل النشاط الرياضي

حتى لو مش هندخل كاس الأمم

يعني بالمنطق كده ....

مفيش أمن في الشوارع نفسها ... يبقى هجيب منين أمن للجماهير في المدرجات ؟

احنا في فترة محتاجة كل جهدنا وكل وقتنا وكل تركيزنا على إصلاح الوضع السياسي والوضع الاقتصادي والوضع الأمني في البلد.

نقوم نفكر في الكورة ..

انا مع رأى شرف

قى ظل غياب الامن وكثرة البلطجية يعنى فيه خطر عل اى تجمعات

ومش معقول الجيش كمان هيروح يحمى الاستاد او نعمل حواليه لجان شعبية اثناء المباراة

ماينفعش دلوقتى خالص

[الســـاري]

الخطوة التي اتخذتها اندية الاهلي والزمالك بالانشغال بمقابلة فرق سعودية والمشاركة في حفلات اعتزال بعض اللاعبين خطوة ارى انها حققت ثلاثة امور ..

اولا استفادت هذه الاندية من فترة التوقف بالانشغال بمقابلات رياضية

ثانيا عملت على قولتكم سبوبة .. اقصد استفادت ماديا من هذه المقابلات

ثالثا استفادت الاندية لدينا هنا من مقابلة فرق قوية كالاهلي والزمالك

ان ننظر في حال جميع من سيتضرر من توقف الدوري لفترات طويلة جدا .. هناك عائلات كثيرة تعيش على هذا القطاع .. ومصدر الدخل الاساسي هو ايرادات المدرجات ,,

[Om Zayd]

طمنتوني

بجد عايزين نوعي اللي حوالينا

و نوصل صوتنا

محتاجين تنمية في كل حاجة

بما فيها الرياضة

مش مسكنات و ملهيات و اعلام بيزرع الفرقة و يقدم نماذج غير رياضية بالمرة

من ال5 مرات اللي خدنا فيها بطولة افريقيا .. 4 في عصر مبارك الزاهر

يعني ليست دليل تقدم و لا حاجة

اما بالنسبة لان في اسر و بيوت مفتوحة

ما دام فيه فساد يبقى لا بد من الحساب و التطهير

و الا فرجال الاعمال الفاسدين فاتحين بيوت هما كمان

لازم اعادة صياغة

عايزين الرياضة في المدارس و مراكز الشباب

عايزين تنمية بجد

[masraweya]

حيث ان الدوري رجع .. حبيت تقروا المقال ده

لا يا من كنت حبيبى

بقلم عمر طاهر ١٧/ ٣/ ٢٠١١

يعرف المقربون منى أننى زملكاوى أحمق أرعن أهوج وأننى من المهووسين بشيكابالا، وأحد المؤمنين بأنه فتنة كرة القدم فى العصر الحديث، وأننى كنت أرى على قدر محبتى له أنه يقف عثرة فى مستقبل الزمالك، بالضبط مثلما كان يقف مبارك عثرة فى طريق مصر، ففى الوقت الذى كان النظام السابق يردد فيه أن مصر من غير مبارك مالهاش مستقبل.. كانت هناك أصوات تقول إن الزمالك بدون شيكابالا «مالوش لازمة».. تحالف الشعب وأسقط النظرية الأولى بنجاح، وبقى أن يتحالف بقية لاعبى الزمالك لإسقاط النظرية الثانية مع كامل حبى وتقديرى لشيكا.

المهم.. فقد حماسى للزمالك قدرا كبيرا من زهوته، ففى خلال المباراتين اللتين لعبهما الزمالك بعد يناير لاحظت أننى لا أشاهد عشر دقائق على بعضها، لم أعد «أتشال وأتحط» على الكنبة مع كل مراوغة للمحمدى أو كعب لشيكا، لاحظت أن خمولا ذهنيا ما يصاحبنى وأنا أتابع الماتشات، مازلت زملكاويا وأرجوك لا تعتبر أن كل ما فات توطئة لتغيير انتمائى والانتقال لتشجيع الأهلى بحجة أن الثورة غيرت كل شىء، لا وألف لا.. فتشجيع الزمالك خط أحمر بالضبط مثل صحة الرئيس فى العهد البائد.

ولكن الثورة غيرت مراكز الحماس فى مخى، وصرت أشعر بخجل ما من أن أمنح مباراة كرة قدم كامل تركيزى وإخلاصى (على الأقل فى هذه الفترة )، تراودنى أفكار بخصوص استغلال اللعبة فى شىء مفيد ربما مباريات استعراضية تمول مشروعات قومية أو تعالج مصابى الثورة أو تنعش السياحة، لكن أن يعود الدورى فى هذه الظروف..!، هو احنا هنرجع تانى نقعد بالست ساعات قدام كابتن مدحت شلبى وهداف مصر فى كأس العالم مجدى عبدالغنى؟، هل نحن بحاجة لأن يتحول حديث المقاهى من الكلام عمن يصلح لرئاسة مصر للكلام عمن يصلح لقيادة هجوم الأهلى فى ماتش إنبى؟، هل يلزمنا فى هذه الأوقات الحرجة أن ننقل انتباه الشعب من ملعب بناء دولة جديدة لملعب دريم؟

لقد أكد خبر عودة الدورى قرارى بـ«لا» للتعديلات الدستورية.. فإذا جاءت نتيجة التصويت بنعم، سيتم انتخاب البرلمان والرئيس بنصف تركيز، وستصبح أى اعتراضات أو محاولة لإثارة انتباه الناس لأى أشياء مريبة غير مجدية لأن الأغلبية العادية ستكون مشغولة بمحاولات إثارة الانتباه التى يقودها إبراهيم حسن وجوزيه.

صدقونى سيكون البسطاء والعاديون هم أول من يفقدون حماسهم للثورة إذا ما عادوا للسهر حتى الصباح أمام القنوات الرياضية وانشغالهم بالفتنة الكروية التى يبثها شلبوكة، وستصبح كليبات محمد نصر هى المتداولة بدلا من الكليبات التى تشرح لك كيف تختار مرشحا للرئاسة أو البرلمان.

يا سيادة الجيش، عودة الكرة فى هذه الظروف أمر مضلل.. تذكر كيف أن قضية جدو سحبت البساط الإعلامى من تحت حملة البرادعى، وكيف كان الجدل حول استقالة حسام البدرى غطاء للتشويش على تزوير الانتخابات الماضية.

الأمر يحتاج لمراجعة، وقرار عودة الدورى يحتاج لاستبداله بقرار آخر يستفيد من جماهيرية الكرة ويفيد بها المجتمع ولا يربكه، لا أقول ألغوا الكرة ولكن اخترعوا بطولة جديدة قصيرة الأجل ذات طابع ودى لا يحرمنا من المتعة لكن لا يشتتنا أيضا.. صحيح أنا أحب شيكا لكن «إذا كان حب شيكا هينسينى حب مصر» يبقى.. «لا يا من كنت حبيبى».

حتى لو مختلفة مع رأيه "لا للتعديلات" .. تظل وجهة نظر تحترم

سؤال بس .. هوا فعلا حد متابع الدوري؟؟

:closedeyes: