الصوم الكبير

[ozoozo]

كل عام والمصريين كلهم بخير بمناسبه بدايه الصوم الكبير

عشان الجوامع في مصر مش هاتكفي كل المصريين ولا الكنايس كل المصريين

لذلك فجزء منهم يذهب للمسجد وجزء للكنيسه

انت يابني ياللي هناك ياللي ماسك حتته الموزه الضاني سيها احسن اجيلك

ودعما مني في تعذيب اخواني المصريين اللي بيروحوا الكنايس اقدملهم الغنوه دي

تم تعديل 28 فبراير 2011 بواسطة ozoozo

[م تيمور المراغي]

كل سنه واخواني المصريين بخير وسلام ومحبه دايمه

والسنه الجايه ان شاء الله حنكون في خير ما بعده خير كلنا

ان شاء الله ,,

وانت يا اوزو حرام عليك ترضى حد يوريك كوباية مايعه ساقعه مشبره وانت صايم في الصيف :closedeyes:

[ريمون]

و انتوا طيبين يا اوز و يا هندسه دايما فيكم الخير :)

وانت يا اوزو حرام عليك ترضى حد يوريك كوباية مايعه ساقعه مشبره وانت صايم في الصيف :closedeyes:

معلش سيبه المرادى يا ارش . احنا لسه بنقول يا هادى

بس احسنله يشيل الصوره دى كمان اسبوعين :P

[رضوي]

كل سنة وكل اخواتنا المسحيين بخير

كل سنة ومصرنا الغالية بخير

[fatfouta]

كل سنة وانتوا طيبين يا ولاد مصر

[ozoozo]

و انتوا طيبين يا اوز و يا هندسه دايما فيكم الخير :)

وانت يا اوزو حرام عليك ترضى حد يوريك كوباية مايعه ساقعه مشبره وانت صايم في الصيف :closedeyes:

معلش سيبه المرادى يا ارش . احنا لسه بنقول يا هادى

بس احسنله يشيل الصوره دى كمان اسبوعين :P

اسبوعين ...اسبوعين

بس احنا مابنصمش في عيد الام

[اغابي]

شكرا يا جماعة ازوزو - تيمور - ورضوى وفتفوتى وريمون

شكرا جزيلا وكل عام وانتم بخير

كلكم زوق واصلكم طيب ومش عارفة اقول ايه بس اخجلتمونى يا فندم

لكن ارجع اقول ان هما دول الشعب المصري الاصيل

وفعلا انا كلى امل انشالله السنة اللى جايا هتكون مصر منورة بين كل شعوب العالم

كل عام وانتم بخير

وطبعا شكر خاص جدا اوى اوى للازوزو

ع جنب بقى

هتوحشنى يا ديك يا رومى وانت يا موزة يا ضانى

cr((: cr((: cr((:

دموع دموع دموع

تم تعديل 28 فبراير 2011 بواسطة اغابي

[se_ Elsyed]

كل سنة وإنتم طيبين وصوماً مقبولاًً

ولو إني متضايق من الاخوة اللي حطوا صور يحنسوا بها أخواتهم الصايمين ودي مش من أخلاقنا

ينفع أحط صور سمك وكمبري وكمبوريا وكوستاكوزا؟

[لونا]

كل سنة و انتم طيبين

[doha]

كل سنة واحنا جميعا طيبين و بالف خير وسلام ..

[تامر مصطفى]

كل عام واخواننا المسيحيين بالف خير وصحة وسلامة

وادام الله علينا الموده والمحبة وباعد بيننا وبين الفتن كما باعد بين المشرق والمغرب

[Alshiekh]

أهداء لأخوتنا اللى الصائمين

مش حاحنسكوا زى الناس دوكهما

انا حاقدم لكم الوجبة اللى بتزهقوا منها والمقررة عليكم ، لكن جيبت لكم معاها حاجة كده تحرش لكم اللأكل

[عبير يونس]

كل عام و كل الإخوة المسيحين في مصر و الخارج طيبين

انا مقدرة مشاعركم طبعا

و مش حأعمل زي زملاءنا اللي جابوا لكم صور أليمة

:closedeyes:

كل سنة و انتم طيبين

[اغابي]

حبيبتى لونا وضحى السكرة والاستاذ تامر مصطفى

شكرا جزيلا وكل سنة وحضراتكم بالف صحة وخير وتعيشو وتفتكرونا

اما انت يا استاذ س س انت وازوزو وفتفوتة مش ممكن انسالكم الموقف داه ابدا ابدا

لكن برضك ( ايه برضك دي ;) ) كل سنة وانت طيب

- صحيح انك صحيت عصافيرنا اللى مسكتينها ومثبتينها على الفول والنابت والفلافل والبارينجان

ايه برنجان داه :) هو انا بجيب الكلام داه من اى قاموس

لكن عادى احنا ولا يهمنا وكل سنة وانت طيب

- بس بصراحة حبة اطباق يا س س مستفزززززين اوى

:Head:

استاذ محمد

كل سنة وانت طيب ولو فعلا بنهتم بالاكل الصيامي والنباتى بالشكل الجميل داه تاكد انه هيكون

اطعم من اللحمة والديك المحشي فريك والكبدة الاسكندرانى

ميرسي طبق خفيف وجميل وشهى جدا

حبيبتى مصرية متغربة

كل سنة وانت طيبة وربنا يخليكي

لانك ما جيتيش تعيدي علينا وفى ايدك مثلا خروف محشي حمام ولا رز معمر ولا فتة ضانى

يارب يخليكي على حسن معاملتك ليا بدون تعذيب فينا

:)

اتفضلو اقبلوا منى البوكية داه

:give_rose:

تم تعديل 28 فبراير 2011 بواسطة اغابي

[Basemm]

صور اللحمة والفراخ اللى هنا عذااااااااااااااااااااااااااااااااب

[ozoozo]

العيد قرب كل سنه وانتم طيبين

لاقيت البوست ده عند واحد صاحبي حبيت احطه هنا

الي السادة الثوار. عرفنا ان الجمعة اللي جاية جمعة التطهير. نريد اخباركم ان الجمعة اللي بعدها جمعة ختام الصوم و اللي بعدها الجمعة العظيمة. إحنا اللي حجزنا الاول ! copied :D