سبوبة الأغاني والاعمال الفنية الوطنية

[se_ Elsyed]

بصراحة الموضوع بقى سخيف قوي وأي حد معدي في الشارع دلوقت بيروح رازعنا حته وطني بمناسبة مولد 25 يناير

قد يقول البعض : طب دول فنانين وما عندهمش غير صوتهم يعبروا به عن فرختهم ..

أقول لهم لأ ... الفرخه ممكن الواحد يعبر عنها بمليون طريقة خصوصاً لما يكون مالتي مليونير زي عمرو دياب ولا تامر حُسني ولا ولا ولا

ووراهم جيش من المؤلفين والملحنين والأستديوهات

يبقى ما كانش ربع التكلفة دي كلها جملو با ميدان معين .. ولا ساعدوا بها أهل شهيد معين ؟

[م تيمور المراغي]

عاوز اساهم واغني اغنيه وطنية ,,

يلحنها مودست

يعزفها زوهير

يخرجها ساري

يكتب كلماتها اغاابي

يقبض حقوق توزيعها تيمور

ويخلع

باي

:wub:

[pink rose]

ما اعتقدش ان حد فاضي يسمع للناس التافهة دي تاني

خاليهم يهبلوا براحتهم

ما هي دي شغلتهم الهبل هما يعرفوا يعملوا حاجة تانية

الناس من بعد الثورة خلاص فاقت و فهمت من الكويس و مين الوحش

واللي حصل لتامر في ميدان التحرير اكبر دليل على كده

قال طالع يغنيلهم قال الناس شدوه من رجله و قالوله خلاص انت و اللي زيك ما بقوش يهمونا اللي يهمنا مصر و بس

فا سيب اللي يغني يغني دا كده بيغني لنفسه او على نفسه مش هاتفرق كتير

[se_ Elsyed]

كنت قد قرات سريعاً عن جروب عالفيس بوك بيدعو إلى إلغاء سبوبة مسلسلات رمضان والهلس اللي نشوفه كل سنة ونوجه كل ده لبناء مصر بلدنا ..

حتى لو في منتجين قطاع خاص هما اللي بيصرفوا وهما أحرار في فلوسهم ... يبقى إزاي اعاملهم وأحسب عليهم ضرايب زيهم زي أي بقالة أو شركة صغيرة وهما سفهاء

فلما اسمع إن واحدة مازالت بتتحدى الناس كلها زي غادة عبد الرازق وبتقول : أنا مازلت مُصرة إني ضد الثورة مهما حصل ... فلما اسمعها بتقول كده وألاقي شركات الإنتاج بتموت نفسها عليها عشان تتنازل وتمثل دور في مسلسل رمضاني وهاتتقاضى فيه ما يزيد عن 100 مليون جيه ...

يبقى لأ ... لابد من عقلاء هذه الأُمة أن يتدخلوا

بالله عليكم ... الشهرين تلاتة اللي فتحت فيهم قناة التليفزيون العربي وأذاعت علينا الأعمال القيمة القديمة ...

هل حسينا بنقص .. أو أنخفض عندنا فيتامين سي مثلاً وكنا هانموت ؟

وهل حد راضي عن ما حدث في رمضان الماضي من سيل المسلسلات والبرامج التافهة واللي التليفزيون المصري اللي مملوك من الدولة واللي بيُمول من فلوسنا يشتري حصرياً مسلسلات بأكثر من 300 مليون جنية ويحقق فقط 100 مليون إعلانات ... ونلبس إحنا الـ 200 مليون خسارة بالهنا والشفا ؟

[tarek hassan]

توفيق عكاشة قال إن الحكومة أسكتت منى الشاذلي بإعطاء زوجها 37 مليون جنية مقابل 7 أغاني فقط ولم تظهر هذه الأغاني للنور

وهذا إن صح فإنه يؤكد عدم مصداقية منى الشاذلي وأنها جزء من الآلة الإعلامية للنظام السابق

تم تعديل 24 فبراير 2011 بواسطة tarek hassan

[se_ Elsyed]

ما اعتقدش ان حد فاضي يسمع للناس التافهة دي تاني

خاليهم يهبلوا براحتهم

للأسف يا ريم ما هم مدرمغين الدنيا دلوقت بالأغاني دي .. حتى لما أحب أتفرج على برنامج محترم ومفيد .. بقى في الفواصل الإعلانية دي يحشروا لنا خمسين اغنية من دول عالسريع

ومش فاقع مرارتي غير أغنية شريف فاضل " أنا أُم البصل "

أم الشهيد اللي ضحى بنفسه عشان مصر .. فعلاً إبنها أستشهد في حرب 73 - .... ما أحترمتش دم إبنها وراحت فريرة بعدها على طول فاتحة كباريه في شارع الهرم ولسه لحد دلوقت بس أعتقد مؤخراً الواد بتاع الحمار سعد الصغير إشتراه .. إسمه كباريه " الليل " ... يمكن كانت بتبيع خمره وتشرب عشان تنسى ؟

يبقى أسمعها وأصدقها لحد دلوقت إزاي ؟

[se_ Elsyed]

توفيق عكاشة قال إن الحكومة أسكتت منى الشاذلي بإعطاء زوجها 37 مليون جنية مقابل 7 أغاني فقط ولم تظهر هذه الأغاني للنور

وهذا إن صح فإنه يؤكد عدم مصداقية منى الشاذلي وأنها جزء من الآلة الإعلامية للنظام السابق

يعني عكاشه بتاع الحزب الواطي هو اللي بيبيع سِبح وطاهر وصفحته بيضا ؟

ما كلهم أشكال زبالة

[pink rose]

ما اعتقدش ان حد فاضي يسمع للناس التافهة دي تاني

خاليهم يهبلوا براحتهم

للأسف يا ريم ما هم مدرمغين الدنيا دلوقت بالأغاني دي .. حتى لما أحب أتفرج على برنامج محترم ومفيد .. بقى في الفواصل الإعلانية دي يحشروا لنا خمسين اغنية من دول عالسريع

ومش فاقع مرارتي غير أغنية شريف فاضل " أنا أُم البصل "

أم الشهيد اللي ضحى بنفسه عشان مصر .. فعلاً إبنها أستشهد في حرب 73 - .... ما أحترمتش دم إبنها وراحت فريرة بعدها على طول فاتحة كباريه في شارع الهرم ولسه لحد دلوقت بس أعتقد مؤخراً الواد بتاع الحمار سعد الصغير إشتراه .. إسمه كباريه " الليل " ... يمكن كانت بتبيع خمره وتشرب عشان تنسى ؟

يبقى أسمعها وأصدقها لحد دلوقت إزاي ؟

طب تفتكر ايه الحل؟

نعمل جروب على الفيس نطالب فيه بوقف الانتاج الفني و الرياضي في مصر لمدة سنة على الاقل

عشان البلد دلوقتي محتاجة الفلوس اللي بتتصرف على الهبل دا؟

تفتكر ممكن يلاقي صدى عند الناس الكلام دا؟

[fatfouta]

بمناسبة الفلوس اللى بتتصرف عالأغانى اللى بقى اى حد دلوقتى عاوز يعمله اغنية وطنية بعد ماكان بيشتم عالمتظاهرين

انا سمعت ان فيه بجد قرار ان السنة دى مافيش مسلسلات رمضان

والله كده يكون احسن وعالاقل نوفر المبالغ اللى بالملايين اللى بتدفع لناس فى التفاهة والهيافة

اللى اجورهم دلوقتى بقت توصل لـ غكتر من 7 مليون واكتر خلينا نوفر ونصرفهم على اصلاح اقتصاد بلدنا احسن

[se_ Elsyed]

مش قصدي كده ...

لأن دي ناس بتاكل عيش برضوا ..

لكن انا رأيي إنهم يبقوا مثال للعمل الجاد عشان الناس تحترمهم

يعني نفسي نشوف الفنانين دول ولعيبة الكرة يردوا ولو 1 % من اللي مصر أديته لهم ويكون ظاهر للناس .. مش مجرد بؤين حمضانين وخلاص

فاكره يا ريم " إلا إبن عبد الله " ؟

قمة قلة الأدب .. هووووووووووووووجه ... والف فنان ولا حاجه وكله شغال بعد موضوع الرسومات المسيئة للرسول في الدنمارك ... وكل واحد لسه خارج من الخمارة وريحة القرف في بؤه يروح قايل لنفس : أما أعدي أديها بؤين واقول إلا إبن عبد الله والرسول الكريم .. واهو ابقى أثبتت وجودي وما عليش لوم كده ..

وفعلاً .. بؤين الصبح ومدد مدد مدد .. وبالليل يرجع كما كنت في الكبريهات والملاهي الليلية

[se_ Elsyed]

بمناسبة الفلوس اللى بتتصرف عالأغانى اللى بقى اى حد دلوقتى عاوز يعمله اغنية وطنية بعد ماكان بيشتم عالمتظاهرين

انا سمعت ان فيه بجد قرار ان السنة دى مافيش مسلسلات رمضان

والله كده يكون احسن وعالاقل نوفر المبالغ اللى بالملايين اللى بتدفع لناس فى التفاهة والهيافة

اللى اجورهم دلوقتى بقت توصل لـ غكتر من 7 مليون واكتر خلينا نوفر ونصرفهم على اصلاح اقتصاد بلدنا احسن

7 مليون ؟؟؟؟

ده أنتي طيبة قوي

دول ما يجييش ثمن المانيكير والباديكير واللايسيد اللي أي فنانه بتحطه في شعرها المقمل

ما هو عشان كد رجل أسامة الشيخ جت في تحقيقات الفساد ... وبرضوا أنس الفقي بتاع الست ....

وكله لازم يتحاسب .. دي فلوسنا اللي الأجيال القادمة متورطة فيها ولازم تسدد دولن تخطت التيرليون جنيه ورطنا فيها رئيس العصابة اللامبارك هو وشلته الزبالة

إيه في إيه هو بحر بتعبوا منه وما بيخلصش ... ربنا يحرقهم جميعاً

[se_ Elsyed]

«حظر تجول» و«شوارع الجنة» و«الميدان» أفلام جديدة عن الثورة.. وتغيير نهايات «صرخة نملة» و«دوران شبرا» و«نور مريم»

[fatfouta]

«حظر تجول» و«شوارع الجنة» و«الميدان» أفلام جديدة عن الثورة.. وتغيير نهايات «صرخة نملة» و«دوران شبرا» و«نور مريم»

انا نقطتك اخضر يا سى السيد عشان دوران شبرا بس :wub:

تم تعديل 24 فبراير 2011 بواسطة fatfouta

[م تيمور المراغي]

توفيق عكاشة قال إن الحكومة أسكتت منى الشاذلي بإعطاء زوجها 37 مليون جنية مقابل 7 أغاني فقط ولم تظهر هذه الأغاني للنور

وهذا إن صح فإنه يؤكد عدم مصداقية منى الشاذلي وأنها جزء من الآلة الإعلامية للنظام السابق

شخصيات / تعريفات

منى الشاذلى ,,

إعلامية مصرية تقدم برنامج حواري على قناة دريم الفضائية المصرية يحمل اسم "العاشرة مساءً".

درست منى محمد محمود أحمد الشاذلى العلوم السياسية في الجامعة الأميركية بالقاهرة. عملت بالعلاقات العامة في شركة المقاولون العرب. في بداية حياتها الإعلامية التحقت بالعمل في تليفزيون الـ ART التي كانت تبث من روما حيث قدمت برامج تلفزيونية بينها برامج ترفيهية وبرامج مثل "القضية لم تحسم بعد" وبرنامج "لا أرى لا اسمع لا اتكلم" وبرنامج "لا تذهب هذا المساء".

وهي متزوجة من الاستاذ سمير يوسف مدير عام شركة ادم للإنتاج الاعلامي وهو احد مؤسسي شبكة الـ ART والمدير التنفيذي لوكالة الأخبار العربية ولديها ثلاث بنات، منهم بنتان توأم.

تمكن برنامج العاشرة مساءً خلال فترة وجيزة من فرض نفسه على مشاهدي القنوات العربية وأثبت أن مقولة " ارتباط المشاهد بالبرنامج وليس بالقناة التلفزيونية " هي مقولة صحيحة.

وقد شهدت الفترة التي أعقبت ظهور العاشرة مساءً تغييراً جذرياً في طريقة تقديم برنامج البيت بيتك الذي يبثه التلفزيون الحكومي المصري الذي رفع من سقف الحرية الممنوح لبرنامجه وطعمه بنجم تلفزيوني مثل محمود سعد لكي يقوى البرنامج على منافسة العاشرة مساءً.

كما أعقب ظهور العاشرة مساءً برامج أخرى مشابهه مثل برنامج 90 دقيقة الذي تبثه قناة المحور بالإضافة إلى برامج أخرى على قناتي الساعة والحياة.

استضافت منى الشاذلي في البرنامج عدداً من الشخصيات المثيرة للجدل مثل السياسي ورجل الأعمال أحمد عز، السياسي ورجل الأعمال طلعت السادات وجميلة إسماعيل المذيعة والزوجة السابقة للمعارض والمرشح السابق للانتخابات الرئاسية المصرية أيمن نور.

هذا بالإضافة إلى لقاءات عديدة مع عدد من أبرز الشخصيات المصرية مثل أحمد زويل، محمد البرادعي وعمر خيرت وعمار الشريعي وغيرهم.

كما أجرت لقاءً تلفزيونياً مع الرئيس الأمريكي السابق جورج بوش في البيت الأبيض في 13 مايو 2008، وكانت مدة اللقاء عشر دقائق فقط وقامت المذيعة بالإشتراك مع فريق الإعداد بإعداد أسئلة حول العلاقة الثنائية بين الولايات المتحدة ومصر وقضية فلسطين وإيران.

[se_ Elsyed]

فاكرين يا جماعة لما كان بيتعرض مسلسل أو إتنين بالكتير في رمضان وكان الناس في وقت فراغها يبقوا متعلقين بهم وفاكرين كل الأحداث

زي

سنبل

رأفت الهجان

ليالي الحلمية

أو أو أو أو

مش هاقول إني شخصياً مش بأتفرج ... لأ ... بأتفرج على مسلسل بالكتير قوي لما تتيسر الأمور ويكون في وقت

لكن ليه ... ليه 35 مسلسل في شهر واحد ؟

حتى لو إنتاج خاص .. وحتى لو العرب بينتجوا ؟

يبقى أنا كتليفزيون حكومي مالي بالموضوع ده ... وليه أنجرف في الهوجه دي .. وليه ما أحاسبش السفهاء دول بضرايب تصاعدية عشان أحد من الملايين دي كلها

إيه شعوري كمواطن لما اشوف بلدي في أزمة واعرف إن الـ 35 ملسلسل دول يا جماعة إتكلفوا 750 مليون جنيه .. ماليش دعوى دي فلوس خاصة ولا عامة

لكنه رقم يُثير الإنتباه في بلد مش لاقيه فلوس عشان التأمين الصحي للناس أو بلد فيها قرى باكملها بتشري مياه الصرف الصحي

[pink rose]

فاكرين يا جماعة لما كان بيتعرض مسلسل أو إتنين بالكتير في رمضان وكان الناس في وقت فراغها يبقوا متعلقين بهم وفاكرين كل الأحداث

زي

سنبل

رأفت الهجان

ليالي الحلمية

أو أو أو أو

مش هاقول إني شخصياً مش بأتفرج ... لأ ... بأتفرج على مسلسل بالكتير قوي لما تتيسر الأمور ويكون في وقت

لكن ليه ... ليه 35 مسلسل في شهر واحد ؟

حتى لو إنتاج خاص .. وحتى لو العرب بينتجوا ؟

يبقى أنا كتليفزيون حكومي مالي بالموضوع ده ... وليه أنجرف في الهوجه دي .. وليه ما أحاسبش السفهاء دول بضرايب تصاعدية عشان أحد من الملايين دي كلها

إيه شعوري كمواطن لما اشوف بلدي في أزمة واعرف إن الـ 35 ملسلسل دول يا جماعة إتكلفوا 750 مليون جنيه .. ماليش دعوى دي فلوس خاصة ولا عامة

لكنه رقم يُثير الإنتباه في بلد مش لاقيه فلوس عشان التأمين الصحي للناس أو بلد فيها قرى باكملها بتشري مياه الصرف الصحي

عشان كده باقولك اننا لازم يكون لنا رأي في الموضوع دا

لازم حملة و جامدة عشان المهازل دي ان ما كانت توقف على الاقل تقل

الا هما مش لغوا وزارة الاعلام ؟ايه دور مدينة الانتاج الاعلامي في الوقت دا؟

[م تيمور المراغي]

مش معنى نجاح الثوره

اننا نرجع لورا

و تتدخل الحكومه القادمة

في حجم الانتاج الاعلامي

او سعر المنتج وعناصره الفنيه

الامور المادية دي تترك لقانون السوق العادل

قانون العرض والطلب

مع فرض ضرائب تصاعدية اوك زي كل الدول المتقدمة ,,