25 يناير ... موعد المصريين (6)

[mekkawy]

مش جايب جديد بس جايب أكيد

في اتصال هاتفي مع أمي و أبي في الزقازيق أكدولي إنهم عاملين لجان مقاومة شعبية من الشباب في كل شارع و التنظيم كالآتي:

إن كل شارع بيطلع منه حد كبير و معروف هو اللي يقود الشباب و يحط عليهم مثلاً واحد من الشباب الواعي يقودهم و معاه باقي الشباب

في شارع والدي القائد هو محامي كبير أوي و ابنه وكيل النيابة .. الشباب والدي بيقولي أسووووود .. الشباب دول هم اللي والدي طول النهار و الليل يشتكي من خناقاتهم و شربهم بانجو و حشيش ع الناصية .. هم هم نفس الشباب اللي جابوا السلاح اللي بيتخانقوا بيه و خلوه سلاح يدافعوا بيه عن الشعب و عنهم.

أمي بتأكدلي مفيش جنس مخلوق بلطجي قادر يهوب ولا يعتب الشارع .. و كل الشوارع كدة .. لجنة مقاومة في أول الشارع و في اخره و عينك ما تشوف الا النور

رجااااااالة مصر غصب عن اي حد و مكملين و خليه يخربها على دماغه ان شاء الله عشان هي مش هتخرب مهما حصل و اللي كان وحش أصبح حلو و اللي كان بيتخانق بسنجة بقى بيدافع بيها عن أخوه و اللي كان بيشرب حاجة بطلها

و الله بنشكر السيد الرئيس (ربنا يحرقه بجاز) على توحيده للشعب المصري ضد خطر البلطجة .. نشكره على تغيير الشباب الصراحة من سئ لأحسن بالطبع

بالله بنشكرك يا ريس و بنتمنالك الحرق و العذاب و السعير و الحميم و الشلل و الذل و الفقر و المهانة و الفضيحة

بنشكرك من كل قلبنا و بنتمنالك من كل ما فينا و من فينا ان تسير عارياً في الدنيا و الآخرة محملاً بالخزي و العار و نتمنالك أسوأ الأمنيات القلبية و نتمنالك الابتلاء في كل عزيز لديك بكل شر قد موجود على وجه الأرض

شكراً يا بأف على توحيد المصريين لأول مرة من 30 سنة

[hOuSsAm]

اغابي

الميزتين اللي انتي قولتيهم دول حقنا مش بيتفضل علينا بيها

الطبيعي ان الحاكم يحافظ علي البلد وعلي اموالها واذا عمل كده فده واجبه وليس فضلا منه

اغابي

سمعتي عن المسلمين والمسيحيين فس شبرا وهما واقفين يحموا بعض

شوفتي ان الفتنه دي كانت ممنهجه عشان مانتحدش ونشوف عدونا

شوفتي المصريين لما سابوا الخناق الطائفي عملوا ايه في النظام في 3 ايام

طبعا سياسة فرق تسود- هى من اهم سياسه الرئيس

على فكرة يا ازوزو

انا اتصلت باختى حالا : وطمنتنى ان فى منطقتها كل الشباب من امبارح باليل نزلو الشارع بعصى خشب وحديد و سهرانين للصبح

وقالتلى المنظر رائع - كل الجيران من اول الشارع لاخر الشارع صاحيين كانهم اسرة واحد وكانهم عيلة واحدة

ولا فى حاجة اسمها مسلم ولا مسيحي ولا الكلام الاهبل داه

كل الجيران بيت واحد وكمان بيدافعو عن المحلات اللى فى الشارع برغم ان فى محلات اصحابها مش ساكنين فى نفس المنطقة اصلا

لكن هما بيطمنوهم ان الشباب سهرانين لاى بلطجى يدخل المنطقة يبقى دخل برجليه وحفر قبره وفعلا سمعو باليل ضرب نار فى المنطقة من بلطجية ومجرمين

قالتلى كل المحلات بخير ومحلات الاجهزة الكهربائية والموبيليا والبقالات والموبايلات

فعلا فعلا معدن الشعب المصري اصيل وشعب مصر مالهوش حل

الله عليكم يا مصريين - ساعة الجد - رجااااااااااالة

يارب تفضل المشاعر الطيبة دى موجودة

شفتوا الناس بتحب بعضها ازاى

وتتمنى الخير للجميع

احترام وحب وود موجود

الناس كلها خايفة على بعضها

عايزين يعيشوا كويسين

فى حرية ولقمة عيش نضيفة

يارب ديمها نعمة واحفظها من الزوال

[ام سلمي]

عاوزة اعرف حاجه

عملت ايه الجزيرة عشان تتقفل و يمنعوها في مصر؟

عشان طلع الشيخ القرضاوي قال كلمة حق و قال للطاغية ارحل

هو احنا حد فينا بيقول غير كده؟

يبقى فين التهييج

ما هو دا مطلبنا الاساسي

الناس عمالين يقولوا علينا كلام كويس و الله

لما يطلعوا يقولوا الناس بتحمي الممتلكات و بتدافع عن المنشآت الله طب ما هو دا الواقع اللي احنا عرفناه من اهلينا نفسهم

قالت ايه الجزيرة فيه تهييج

هو البلد هادية فعلا و هما بيولعوها ما هي البلد كلها مولعة

طب انتوا عاجبكم القناة العبرية؟

طب نعرف الاخبار منين من المحور و لا دريم و لا الحياة اللي الدنيا عندهم زبادي في الخلاط و مشغالين مسلسلات و اغاني و اعلانات و لا كأن البلد مولعة

ادوني خبر واد الجزيرة قالته غلط عشان بس اقتنع بموضوع قفلها و منعها من المتابعة

بوظت خطتهم ووضحت للعالم ان السلطة والامن هي اللي وراء السلب والنهب والتخريب اللي بيحصل

[م تيمور المراغي]

....................

و الله بنشكر السيد الرئيس (ربنا يحرقه بجاز) على توحيده للشعب المصري ضد خطر البلطجة .. نشكره على تغيير الشباب الصراحة من سئ لأحسن بالطبع

بالله بنشكرك يا ريس و بنتمنالك الحرق و العذاب و السعير و الحميم و الشلل و الذل و الفقر و المهانة و الفضيحة

بنشكرك من كل قلبنا و بنتمنالك من كل ما فينا و من فينا ان تسير عارياً في الدنيا و الآخرة محملاً بالخزي و العار و نتمنالك أسوأ الأمنيات القلبية و نتمنالك الابتلاء في كل عزيز لديك بكل شر قد موجود على وجه الأرض

شكراً يا بأف على توحيد المصريين لأول مرة من 30 سنة

يا مك شايفك واخد راحتك عالاخر والتاني حويط و مش سهل ابدا ولسه قاعد مترستق

حيجيب لكم رمان منين مش عارف انا مانتوا كتير ههههههه :happy:

[مسافر]

ألا أيها الظَّالمُ المستبد حَبيبُ الظَّلامِ، عَدوُّ الحياهْ

سَخَرْتَ بأنّاتِ شَعْبٍ ضَعيفٍ وكفُّكَ مخضوبة ُ من دِماهُ

وَسِرْتَ تُشَوِّه سِحْرَ الوجودِ وتبذرُ شوكَ الأسى في رُباهُ

رُوَيدَكَ! لا يخدعنْك الربيعُ وصحوُ الفَضاءِ، وضوءُ الصباحْ

ففي الأفُق الرحب هولُ الظلام وقصفُ الرُّعودِ، وعَصْفُ الرِّياحْ

حذارِ! فتحت الرّمادِ اللهيبُ ومَن يَبْذُرِ الشَّوكَ يَجْنِ الجراحْ

تأملْ! هنالِكَ.. أنّى حَصَدْتَ رؤوسَ الورى ، وزهورَ الأمَلْ

ورَوَيَّت بالدَّم قَلْبَ التُّرابِ وأشْربتَه الدَّمعَ، حتَّى ثَمِلْ

سيجرفُكَ السيلُ، سيلُ الدماء ويأكلُك العاصفُ المشتعِلْ

أبو القاسم الشابي

[YOUR BROTHER]

اغلاق مكتب الجزيرة بمصر

بصراحة أنا مع أي قرار يحمي البلد من اي تهييج أو تعب أعصاب او فتاوى وخبراء كل واحد فيها عامل الواد الوطني ويطلع يقول أنا قولت وعملت وهو كان اكتر واحد منافق وبيطبل للنظام ...

قليل من الهدوء الأن وكل حاجه هاترجع افضل مما كانت

كلو ولا الحلاق توفيق عكاشة

كل يوم يغير كلامو حسب الأحداث

وإمبارح فعلا بيقول انا حذرت... أنا قلت

نصيحة ... اللى الضغط بيعلى عليه ياريت مايسمعلوش

[mekkawy]

| شبكة رصد راصد الشرقيه || اعتصام مفتوح أمام عمر أفندي في تمام الساعه الثالثه ونصف

[dongol]

يا جماعة

يعلم الله مدي كرهي لظلم مبارك و نظامة

و لكن كفاية كده

مصر هتتدمر لو استمرينا في المظاهرات

مبارك كده كده ماشي و مش هيترشح تاني هو كل امله دلوقتي انه يخرج بسلام علي رجليه من الحكم

هو كان قاعد في الحكم علشان ابنه يسمك بعديه و ده مستحيل يحصل دلوقتي

كمان الحزب الوطني مش هيعرف يزور الانتخابات تاني بعد ما اتكشف للعالم كله و كل الناس عرفت قد ايه الحزب ده مكروه من الناس

يبقي فاضل ايه تاني احنا عايزينه

انا في رايي عمر سليمان مش هيبقي وحش لو مسك الحكم خصوصا انه هيحافظ علي الامن و الاستقرار في مصر

[jasmin hamed]

حسين سالم ده واحد عجوز غلبان كان الريس من كتر ماقلبه حنين بيعطف عليه

وآدى اثبات أنه راجل عجوز وغلبان

قلبى اتقطع

ده غلبان فعلا

لا حول ولا قوة الا بالله

ذى عز هو كمان هيسيب ممتلكاته للغلابه الى ذيه

[pink rose]

عرفتي يا اغابي اننا واااااااااااااحد

عرفتي دلوقتي مين اللي كان بيعمل كده و بيلهي الناس في بعض

مكاوي باشا

الجهاز عندي مهنج بيفتح المحاورات بالعافية

تستاهل 1000 نقطة خضرا على كلامك اللي فات دا

[مسافر]

أين رجال الدين والمثفقين وصفوة المجتمع يظهروا على القنوات الفضائية المصرية التي مازالت تٌذيع برامج الهلس والمسلسلات الكوميدية ويطلعوا يوجههوا الناس ويعرفوهم يعملوا إيه ويطمنوهم ..

أين دعاة الوحدة الوطنية ومآدب الإفطار

لك الله يا مصر

و فين رجال الدين من تنظيم اللجان الشعبيه ولا هو دورهم ينتهى فى خطبه الجمعه و و قداس الاحد

ونشوفك الجمعه الجايه و الاحد الجاى

السلفيين في الاسكندرية عملوا لجان شعبية

بسم الله الرحمن الرحيم

الحمد لله وأشهد أن لا إله إلا الله وأن محمد عبده ورسوله ،

قال تعالي " وتعاونوا علي البر والتقوي ولا تعاونوا علي الإثم والعدوان "

لا يخفي علي أحد ما حدث بعد مظاهرات الأمس من تخريب للممتلكات العامه والخاصه وعمليات سلب ونهب تعرض المجتمع كله لأعظم المخاطر ، وأي مكاسب تحصل للأمه من تدمير وحرق المباني العامه والوثائق والمستندات وإطلاق صراح المجرمين ، وكل هذه المصائب يخشي من تضاعفها في حالة إستمرار الفوضي .

والواجب علي المسلمين التعاون علي منع ذلك وحماية الممتلكات العامه والخاصه والتحذير من التخريب والسلب والنهب والسرقات والإعتداء علي الناس.

وأولي الناس بذلك هم الصالحون من أبناء كل حي الذين يجب عليهم جميعا التعاون والإجتماع علي النهي عن هذه المنكرات ومنعها ونذكر الناس بأن الأموال العامه ليست مباحه بل هي أعظم حرمه من الأموال الخاصه ،

قال الله تعالي " ومن يغلل يأتي بما غل يوم القيامة "

فيجب علي كل من أخذ شئ من أموال المؤسسات العامه أو من الأشياء الموجوده فيها أن يرده ويحرم الإنتفاع به لشخصه أو أسرته ،

ولنذكر الناس بقول النبي صلي الله عليه وسلم " كل المسلم علي المسلم حرام دمه وماله وعرضه"

وليجتهد الصالحون من أبناء كل حي في التواجد في مجموعات ـ لا فرادا ـ لحماية الممتلكات قدر الإمكان وليمنعوا الإجرام والإعتداء ، وليتصدوا لكل من يحاول الإعتداء علي الأعراض والأموال العامه والخاصه وليحرصوا علي تجنب الصدام والإختلاف مع بعضهم أو بعض المتظاهرين لأن غرضنا إقاف الفوضي ومنع دفع البلاد إالي هاوية مجهولة.

وفي حالة إختناق المرور ينبغي التصدي لتنظيمة وكل هذا لحين إستقرار الأوضاع ، وفي حالة تواجد قوي الجيش لابد من التعاون معها وتمكينها من حفظ الأمن والإستقرار .

ونقترح كتابة لافتات تعلق في الشوارع فيها التحذير من الأعتداء علي أعراض المسلمين وأموالهم نحو ( اتقوا الله في أموال المسلمين ) و ( كل المسلم علي المسلم حرام دمه وماله وعرضه ).

ونسأل الله أن يحفظ بلادنا وسائر بلاد المسلمين من الفتن ما ظهر منا وما بطن.

الدعوه السلفيه بالأسكندرية

قامت الدعوة السلفية بالأسكندرية يوم السبت الموافق 29 / 1 / 2011 م بتكوين لجان شعبية من أبنائها بالتعاون مع أهالي الأحياء والمناطق لحماية الممتلكات العامة والخاصة ، وتنظيم حركة المرور.

وقام أبناء الدعوة بالتعاون مع الجيش المصري بحفظ الأمن وتسليم المخربين وفاعلي الشغب.

وأصدرت الدعوة بيان بهذا الشأن في وقت سابق.

[mekkawy]

كفاية 174 يا ريمو بس مش لازم ألف :closedeyes:

لا و الله بجد الوضع بحسب كلام أمي (شاهدة عيان) أكثر من رائع و الشباب بيعزفوا ملحمة في حماية البلد .. مش هأقول أكتر من كدة

بس المشكلة إن أمي زعلانة عشان ما راحتش الشغل :protest:

بشرى كمان أحب أنقلهالكم

والدي بصفته راجل عسكري و أمي بصفتها قيادية في التربية و التعليم .. ناس كانوا عايشين في حالهم جنب الحيط يعني و اهو ضل الحكومة ولا ضل حيطة .. يعني في حالنا و بلاش زعيق و بلاش مشاكل و ماما حلوة على رأي أخونا س س

اللهجة اتغيرت تمامااااااااااااً

منتشين زي ما يكون أيام حرب أكتوبر .. لهجتهم و توجههم تغير تماماً .. مفيش خوف .. مفيشض قلق .. خلاص مش هاممهم .. الناس اتغيرت بجد

[م تيمور المراغي]

يا جماعة

يعلم الله مدي كرهي لظلم مبارك و نظامة

و لكن كفاية كده

مصر هتتدمر لو استمرينا في المظاهرات

مبارك كده كده ماشي و مش هيترشح تاني هو كل امله دلوقتي انه يخرج بسلام علي رجليه من الحكم

هو كان قاعد في الحكم علشان ابنه يسمك بعديه و ده مستحيل يحصل دلوقتي

كمان الحزب الوطني مش هيعرف يزور الانتخابات تاني بعد ما اتكشف للعالم كله و كل الناس عرفت قد ايه الحزب ده مكروه من الناس

يبقي فاضل ايه تاني احنا عايزينه

انا في رايي عمر سليمان مش هيبقي وحش لو مسك الحكم خصوصا انه هيحافظ علي الامن و الاستقرار في مصر

انا مع التهدئه الذكيه دلوقتي للناس مع بقائهم في اماكنهم وعصيانهم المدني واعتصامهم حتى رحيل مبارك لكن

بكل هدوء ورقي بدون اي شغب او تحرش بقوات الجيش او محاولة اقتحام اي منشآت حيويه

وايضا عمل نبطشيات عشان لا نترك بيوتنا عرضه لاي خطر ,,

انا واثق في ال 80 مليون راجل دول وان الثوره حتطهر نفسها بنفسها

لكن محتاجين العقل فوق الحماس والتخطيط السليم فوق الفوضى

[mekkawy]

شبكة رصد تحذير وعاجل || مصدر بالقوات المسلحه يصرح برفع الحاله القصوى للجيش ضد المتظاهرين ونزول فرق الصاعقه

يعني ايه؟؟؟؟؟

[مسافر]

هل ستشارك دول العالم في القضاء على المظاهرات

هل سيوافق الجيش على ضرب المتظاهرين

اللهم احمي مصر والمصريين

[م تيمور المراغي]

محتاجين الانضباط يرجع تاني يا جماعه وانا مع نزول قوات الجيش من الصاعقه والمشاه لحفظ الامن

فيه شيئ بيتم في الخفاء ملاحظين تحركات مريبه زي موضوع طلب امريكا من رعاياها مغادرةمصر فورا

وحصول معتقلي الاخوان المسلمين على السلاح من سجن وادي النطرون ده غير السلاح اللي معاهم وحضرينه من زمان

اتوقع ان الساعات المقبله حيكون فيها تطورات غير مسبوقه وليست في الحسبان

الله يستر ,,

[م تيمور المراغي]

بشاير عمر سليمان الدكر القوي بدات تظهر ملامحها ,,

حفظ البلد بقبضة من حديد ,,

انا عن نفسي بدعوا المتظاهرين للالتزام بقرار حظر التجول بعد الساعه الرابعه عصرا

اللهم قد بلغت اللهم فاشهد ,,

[Alshiekh]

السلفيين في الاسكندرية عملوا لجان شعبية

سلفيين ايه بس ولجان ايه ياعم مسافر الله يرضى عليك

انا خايف بكره تقولوا السلفيين هم اللى عملوا الثورة

الناس كلهم متعاونين مع بعض ، مفيش حاجة اسمها سلفى واخوانجى او مسلم ومسيحى.

الناس يا أخى هم من يقومون بتنظيم أنفسهم كل شارع وكل تقاطع مقسمين نفسهم ومعاهم البوابين وسهرانين ورادى بالليل ، والمناطق اللى انا باتكلم عنها مافيهاش واحد سلفى ، وبعدين السلفيين اللى بتقول عليهم حيبقوا مشغولين بغيرهم والا حايحرسوا بيوتهم؟

بلاش والنبى الكلام اللى يفور الدم ده.

[jasmin hamed]

طب الرجل الىالى طلع على دريم قال ان الشرطه انسحبوا من الارهاق

منطقة صحارى اسوان و الاقصر الشرطه انسحبت ليه الم

المظاهرات هناك كانت ملمومه و من يوم الجمعه و الله دةل لازم يتحكموا بالخيانه العظمى

[الغريب]

يا جماعة

يعلم الله مدي كرهي لظلم مبارك و نظامة

و لكن كفاية كده

مصر هتتدمر لو استمرينا في المظاهرات

مبارك كده كده ماشي و مش هيترشح تاني هو كل امله دلوقتي انه يخرج بسلام علي رجليه من الحكم

هو كان قاعد في الحكم علشان ابنه يسمك بعديه و ده مستحيل يحصل دلوقتي

كمان الحزب الوطني مش هيعرف يزور الانتخابات تاني بعد ما اتكشف للعالم كله و كل الناس عرفت قد ايه الحزب ده مكروه من الناس

يبقي فاضل ايه تاني احنا عايزينه

انا في رايي عمر سليمان مش هيبقي وحش لو مسك الحكم خصوصا انه هيحافظ علي الامن و الاستقرار في مصر

انا مع التهدئه الذكيه دلوقتي للناس مع بقائهم في اماكنهم وعصيانهم المدني واعتصامهم حتى رحيل مبارك لكن

بكل هدوء ورقي بدون اي شغب او تحرش بقوات الجيش او محاولة اقتحام اي منشآت حيويه

وايضا عمل نبطشيات عشان لا نترك بيوتنا عرضه لاي خطر ,,

انا واثق في ال 80 مليون راجل دول وان الثوره حتطهر نفسها بنفسها

لكن محتاجين العقل فوق الحماس والتخطيط السليم فوق الفوضى

أنا بقى مع إستمرار الثورة حتى النهاية ، لأن دي فرصة ، مش فرصة من التحرر من مبارك لأ

فرصة من التطهير الشامل ، لو مبارك أستمر زي ما بيقول دونجل أو حتى عمر سليمان مش هنعرف نحاسب حد

مش هنعرف نحاسب كلاب الداخلية واللي عملوه في البلد.

أحمد عز وأعوانه وأخوانه هيكونوا في مأمن.

أمريكا هتقدر ترتب أمورها وتمشي مصر بكيفها زي ما هي حابه.

أحنا دلوقتي في فرصة ذهبية للتطهير الشامل لمصر من براثن الحزب الوطني