25 يناير ... موعد المصريين (3)

[fatfouta]

مجدى الدقاق على الجزيرة

R.N.N | شبكة رصد مجدي الدقاق مهاجماً قناة الجزيرة | مافعلتموه في الشعب الفلسطيني والشعب التونسي لن تفعلوه في مصر

مجدي الدقاق عضو الأمانة المركزية للتثقيف السياسي للحزب الوطني

ما حدث في تونس لن يتكرر في مصر

شخص لا يطااق

[aimen]

يا جماعه خلوا بالكم

البروكسيات المستحدمة لفتح المواقع قد تكون وسيلة لسرقة البيانات الشخصية

ممكن تحاولوا تستخدموا البرنامج ده

بعد فترة حجب قصيرة اليوم رجعت مواقع فيسبوك و تويتر متاحة في مصر، لكن مايمنعش أنها ممكن تحجب مرات أخرى في المستقبل القريب، و لو في لحظات التحركات الحيوية.

حاليا خبرات تجاوز الحجب المتنوعة سارية بين الناس في مصر لأول مرة بما أننا ماكناش بحاجة لها سابقا. الوسائل عديد، و دي واحدة منهم:

سيفون: Psiphone

هو وسيط (بروكسي) من الند للند..يعني يركبه شخص عايش في منطقة مافيهاش رقابة، أو عنده وسيلة اتصال بالإنترنت بلا رقابة، ليستخدمها أشخاص آخرون يختارهم و يدعوهم

يُمكن تنزيل البرمجية من http://download-free...oad-Psiphon-1.6

طريقة استخدام سيفون مشروحة بالإنجليزية في http://www.sesawe.ne...ng-psiphon.html

باختصار:

1. الشخص الحر ينصب سيفون عنده، وينشئ حسابات لمعارفه و يعطيهم عنوان IP و اسم مستخدم وكلمة سر
2. الشخص المحجوب يستخدم متصفحه لفتح موقع خاص من حاسوب الشخص الحر و تصفّح الإنترنت عبره

ملاحظات هامة:

• مثل أي وسيط فإن مشغل البروكسي الذي لديه المعرفة التقنية اللازمة يمكنه التحكم في اتصال من يستخدمونه بالكامل، بما في ذلك مراقبتهم والتنصت عليهم، لذلك يجب استخدامه عبر أشخاص تثق فيهم و حسب
• مشغل سيفون يمكنه بسهولة جدا و بلا معرفة تقنية معرفة المواقع التي تتصفحها عبر حاسوبه
• مشغل البروكسي يتحمل استخداما زائدا عبر نطاق اتصاله بالإنترنت لصالح مستخدمي سيفون
• الإصدارة المربوط لها هنا 1.6 هي آخر إصدارة من البرمجية. الإصدارات اللاحقة عميل لخدمة مركزية بنفس الاسم تعمل بأسلوب مختلف.
• لا تستخدم أي وسيط، سيفون أو غيره، لا تثق في مشغله، على الوب أو غيرها.

تم تعديل 26 يناير 2011 بواسطة aimen

[طبيبة بالخارج]

من برنامج العاشرة مساءا لمنى الشازلي

معظم الكلام عن فين رد القيادة السياسية على اللي بيحصل؟ ليه سايبين الداخلية بس هي اللي تتصرف؟

لواء الشرطة اللي كلمه البرنامج بيقول بقاله 48 ساعة لم ينم و هو نفسه بيسأل الحكومة سايباهم لوحدهم ليه يتصرفوا مع المتظاهرين؟

توقعي و الله أعلم ان الشرطة مسيرها تنضم لمظاهرات الشعب أو على الأقل تمتنع عن التدخل لأنهم سيروا ان النظام الحاكم لا يستحق ما يحدث الآن من اشتباكات؟ الداخلية المفترض إنها تمنع البلطجية من إيذاء الناس مش تستأجرهم عشان يضربولهم الناس

أناشد كل شرطي شريف ان يقفوا مع الشعب . انتم من الشعب و النظام لن يفيدكم دول زمانهم هربوا بعد ما سرقوا البلد لبره

الناس خلاص طلعت من القمقم و الشرطة لو وقفت مع الشعب حتبقى خلصت خلاص

[hOuSsAm]

ارتفاع ضحايا الاحتجاجات فى مصر الى سبعة قتلى

ربنا يرحمهم

من الدستور المصرى

[fatfouta]

موقع الدستور الاصلي

‎11:52 ارتفاع ضحايا الاحتجاجات فى مصر الى سبعة قتلى3 minutes ago

2 فى مظاهرة وكالة البلح النهاردة

5 من السويس

[fatfouta]

شبكة رصد..

القناة العاشرة الإسرائيلية: سقوط نظام مبارك سيودي بحياة اسرائيل

[fatfouta]

الإخوان :النظام يستجدي أمريكا باتهامه لنا..ومرسي :الإخوان ستشارك في مظاهرات الجمعة

طالبت جماعة الإخوان المسلمين بمحاسبة المسئولين عن استخدام العنف والقوة ضد المتظاهرين والذي وصل لحد قتل بعضهم (سقطوا 6 قتلي بحسب تقارير رسمية)

وكذلك الإفراج فورا عن كافة المعتقلين الذين تم اعتقالهم أمس في مظاهرات الغضب

وقالت الجماعة في بيان لها أن يوم 25 يناير سوف يسجله التاريخ بعدما خرجت جموع الشعب المصري لتعبر عن رفضها القاطع لسياسات النظام الحاكم.

وأكدت الجماعة أن تلاقي رغبة التغيير لدي الشعب المصري وقواه السياسية إنما يؤكد أن النظام الحاكم بات معزولاً عن الشعب، وأن إصراراه علي رفض الاستجابة لمطالبه إنما هو قمة الانتحار السياسي.

وفي سياق متصل أعربت الجماعة عن رفضها لبيان وزارة الداخلية الذي صدر بالأمس وأتهم فيه الإخوان بإثارة القلاقل، إنما هو قمة الفشل السياسي، وهي محاولة مفضوحة من النظام الحاكم لاستجداء الإدارة الأمريكية بالوقوف بجانبه بتماديه في استخدامه الممجوج لفزاعة الإخوان المسلمون

وأضافت :الإخوان جزء أصيل من هذا الوطن يحافظون عليه وعلي منشآته ومؤسساته ويدعون المصريين جميعاً للحفاظ عليها لأن هذه المنشآت والمؤسسات باقية بينما الأشخاص زائلون.

كما أكدت أن الجماعة ماضية مع باقي القوي السياسية في نضالهم الدستوري والقانوني السلمي لإطلاق الحريات وإلغاء قانون الطوارئ وحل مجلس الشعب المزور، وملاحقة الفساد ومحاكمة المفسدين، والدفاع عن حقوق الشعب المنهوبة مهما كلفهم ذلك من تضحيات.

كما يطالبون بسرعة الإفراج عن كافة المعتقلين السياسيين وإصدار عفو عام عن كل من صدرت ضدهم أحكام من محاكم استثنائية بسبب مواقفهم السياسية، وعلي رأسهم المهندس خيرت الشاطر نائب المرشد العام وأخيه رجل الأعمال حسن مالك والكاتب الصحفي مجدي أحمد حسين وكل سجناء الرأي.

ومن جانبه قال الدكتورمحمد مرسي، عضو مكتب الإرشاد بجماعة الإخوان المسلمين والمتحدث الإعلامي باسم الجماعة، ضرورة استجابة النظام الحاكم الفورية للمطالب الشعبية التي رفعتها مظاهرات 25 يناير، وفي مقدمتها حلُّ البرلمان المزوّر، وإعادة الانتخابات، وإيجاد فرص عمل للعاطلين، وإلغاء حالة الطوارئ، ومحاسبة الفاسدين.

وأضاف أن الإخوان حريصون على مشاركة الشعب في فعاليات المطالبة بالإصلاح، واستمرارها حتى تتم الاستجابة لمطالب الشعب، موضحًا أن الإخوان لا يريدون أن ينفردوا بأية فعاليات لكونهم جزءًا من الشعب المصري.

وقال: "عندما قلنا إننا لا نمنع أحدًا من شبابنا في المشاركة فالصورة كانت واضحة، وشارك شباب ورجال الإخوان ونوابهم السابقون بصورة مشرِّفة في هبَّة سلمية استطاعت أن توصل رسالتها".

وحول مشاركة الإخوان في مظاهرات يوم الجمعة المقبلة قال مرسي :أن الإخوان مع استمرار الفعاليات حتى يتم تحقيق المطالب الشعبية

http://dostor.org/politics/egypt/11/january/26/35778

[hOuSsAm]

نظيف بيقول نعم فهمتكم و سيتم إنعقاد إجتماع غداً

لحل بعض المشاكل

دا علي قناة دريم في العاشرة مساءً

من الدكتور حسام بدراوي عضو الحزب الوطني

_________________________________________

على هامش الاحداث

فى الوقت الذى ترشق فيه قوات الامن المصرية بالرصاص الحى والقنابل المسيلة للدموع والمدرعات وتحاول بشتى الطرق القضاء عالشعب

تقوم قوات الدفاع المدنى السعودى والطيارات الهليكوبتر بنقل المواطنين والاجانب فى جدة من اماكن السيول والفيضانات اللى اماكن آمنة حسب التوجيه الملكى بعمل كل اللازم مهما تكلف الامر لانقاذ الارواح

وانا شفت الكلام ده بعينى والطيارة واقفة وبتنزل حبل عشان تطلع الناس المحجوزة من السيول

[Om Zayd]

يعني ايه الحكومة سايبة الشرطة تتصرف؟؟

مستنيين الناس تهدى او يتم السيطرة عليهم؟

طب ليه؟

و الشرطة بتضرب في الناس ليه؟؟

يا رب

يا رب

يا رب

[hOuSsAm]

لحكومة بدأت تتساقط: صفوت الشريف مطالب الناس على عيننا وراسنا ولكن مفيش زر للتغيير .. وجوابي على فكرة فيه زرار للتغيير واحنا خلاص دسنا عليه ومش هنشيل صباعنا من عليه إلا لما تتغيروا

من موقع خالد سعيد

[Om Zayd]

ليه الشرطة مصرة تبقى العدو؟؟

بيحموا مين؟؟ و ليه؟؟

المفروض أقسموا على حماية مصر و المصريين

ايه الضرر في مظاهرات سلمية .. ايه الضرر في الاعتصام

الشرطة مالها النظام يسقط أم لا

ليه ما تحميش الناس؟؟

ليه مش بيتعلموا؟؟

[ذهبية]

بيتكلموا عن هروب عيلة الرئيس بالطائرة للخارج

و فية اخبار عن ان رشيد محمد رشيد اعتذر عن حضور مؤتمر دافوس

[لماضة مصرية جدا]

على هامش الاحداث

فى الوقت الذى ترشق فيه قوات الامن المصرية بالرصاص الحى والقنابل المسيلة للدموع والمدرعات وتحاول بشتى الطرق القضاء عالشعب

تقوم قوات الدفاع المدنى السعودى والطيارات الهليكوبتر بنقل المواطنين والاجانب فى جدة من اماكن السيول والفيضانات اللى اماكن آمنة حسب التوجيه الملكى بعمل كل اللازم مهما تكلف الامر لانقاذ الارواح

وانا شفت الكلام ده بعينى والطيارة واقفة وبتنزل حبل عشان تطلع الناس المحجوزة من السيول

السلام عليكم و رحمة الله و بركاته

اسمحلي استاذ حسام اختلف مع حضرتك

علشان ده تنظير مش في محله

التنظير لما يبقي فيه مظاهرات في السعودية....و نشوف ساعتها الداخلية السعودية هتتعامل معاها ازاي و نقارن مع الامن المصري....(دلوقتي ساري يجي يطب علينا و يقولنا ايه اللي حشرنا في النص)

الدفاع المدني عندنا في الكوارث نفتكر خير.....مافيش بعد كده....رجاااااااااالة

بس الكارثة في الداخلية طول عمرها.....هما الامن المركزي اللي يا عيني بيضربوا عمياني...و بينفذوا الاوامر عمياني....مع انهم فعلا غلااااابة

و دي وجهة نظر

تحياتي...لحضرتك....و للسعودية....و ربنا ينجيكم من السيول أمين

مش مختلفين عننا....بس هم وصلوا لمرحلة من "غسيل الدماغ" انه خلاااااص...علم و ينفذ

[Om Zayd]

بيتكلموا عن هروب عيلة الرئيس بالطائرة للخارج

و فية اخبار عن ان رشيد محمد رشيد اعتذر عن حضور مؤتمر دافوس

تصدقي اني كنت لسة هسأل .. هوا جمال مش هينور دافوس السنة دي؟

و يا ترى ايه السبب ان مفيش اهتمام من التلفزيون الرسمي بتغطيته زي العادة؟

[لماضة مصرية جدا]

لحكومة بدأت تتساقط: صفوت الشريف مطالب الناس على عيننا وراسنا ولكن مفيش زر للتغيير .. وجوابي على فكرة فيه زرار للتغيير واحنا خلاص دسنا عليه ومش هنشيل صباعنا من عليه إلا لما تتغيروا

من موقع خالد سعيد

الراجل ده

اسمه

صفوت الشرير

كل حرف من كلامه يثير الغثيان

بيدعي ان "غوغاء"...و دعاة الفوضي

و بيتمحك في مصطلح "الفوضي الخلاقة"

الفوضي اللي بتأتي بطريقة مبتكرة و بالتالي بتعرض المجتمع كله انه يكون سهل الاختراق...علي حسب معلوماتي المتواضعة

اصابني بالاشمئزاز الشديد...لما اتكلم ان الشباب اللي نول دوت مضحوك عليه...طب يا جماعة الخير عملتوا ايه عشان تحتووا الناس دي

هو شخصيا.....ادانا ايه غير اعلام موجه لتمجيد و تفخيم "الريس متقال"(من هنا و رايح هسميه كده....و هضطر اضحي بحبي الشديد للريس متقال)

فجأة بقوا يتكلموا عن الشباب....يا جماعة العلم دي بتنزل الشارع و لا ايه

رايي...لما تلاقو طل بسحنته البهية....ابوس ايديكم غيروا المحطة

[Om Zayd]

20: 12 أمن الدولة يحتجز صحفيات لبعض الوقت بعد تغطيتهن لفعاليات الغضب في شبين الكوم بالمنوفية

07: 12 عاجل نقلا عن رويترز: متظاهرون غاضبون يستهدفون مقر الحزب الوطني بالمحافظة بقنابل المولوتوف

عاجل: تجدد المظاهرات في منطقة طلعت حرب بوسط القاهرة والأمن يستخدم القوة في محاولة لتفريقه 10:12

30 : 11 مقتل اثنين في المطاردات الأمنية بمنطقة بولاق أبو العلا

04: 11 مؤكد: حرب شوارع في منطقة بولاق أبو العلا

55: 10 الأمن يطارد المتظاهرين في حواري بولاق أبو العلا وأثر القنابل المسيلة للدموع ينفذ إلى داخل منازل الأهالي

52: 10 سماع دوي طلقات رصاص والقاء قنابل مسيلة للدموع في شارع بولاق أبو العلا لتفريق المتظاهرين

50: 10 سماع دوي طلقات رصاص والقاء قنابل مسيلة للدموع في شارع بولاق أبو العلا لتفريق المتظاهرين

28: 10 شهود عيان.. الأمن للمتظاهرين أمام نقابة الصحفيين بوسط القاهرة: حرام عليكم إحنا منمناش من إمبارح

طب ما تسيبوهم في حالهم و تروحوا تناموا

[akramgroup]

ياجماعة

ياريت تتفرجوا على قناة الراى دى قناه خاصة لصور المهازل فى مصر واشعار لفؤاد نجم وجميع الشعراء المناضلين

افتحوها حالا ومش هاتندموا

واقروا شريط الاخبار اللى فى اعلى الشاشه

لللى معندوش القناه اهى يلا حالا

ARRAI

11316 v

على النايل سات

تم تعديل 26 يناير 2011 بواسطة akramgroup

[لماضة مصرية جدا]

بيتكلموا عن هروب عيلة الرئيس بالطائرة للخارج

و فية اخبار عن ان رشيد محمد رشيد اعتذر عن حضور مؤتمر دافوس

تصدقي اني كنت لسة هسأل .. هوا جمال مش هينور دافوس السنة دي؟

و يا ترى ايه السبب ان مفيش اهتمام من التلفزيون الرسمي بتغطيته زي العادة؟

بمناسبة بقي جمال

هو يعني جمال....و عيلاء

مش باينين ليه

مش هما برضه اللي راحوا شجعوا المنتخب في المدرجات و سافروا ووقفوا ورا المنتخب في بلاد الماو ماو

مش دولم برضه شباب

ليه مش سامعين صوتهم.....طب حتي جبر خاطر؟؟؟

الناس دي بتضحك علي مين..... (دماغي وجعتني من كتر الهلس اللي بسمعه في التلفزيون)

[لماضة مصرية جدا]

04: 11

مؤكد: حرب شوارع في منطقة بولاق أبو العلا

لا حول و لا قوة الا بالله العلي العظيم

طب ليه طيب

مين هيحارب مين؟؟؟

فعلا.....

خلص الكلام

[ذهبية]

انباء عن نزول الجيش الثالث الميدانى و قوات نمكافحة الارهاب الى السويس

والتلات شبكات المحمول واقعة كلها فى السويس و مفيش اى اتصالات نهائى