الهجره بعد ثورة مصر

[LonelyRose]

بعد الأحداث الحاليه في مصر و مع إقتراب إرسالي للملف (اللي للأسف إضطريت أجله لغاية ما الأزمه تخلص بما إن مافيش خدمات بريد و طيران و خلافه)

بالمناسبه مكتب هجرة كندا في القاهره علق أعماله مؤقتاً و بيقولوا للناس ما يبعتوش أي مراسلات لمكتب القاهره حالياً و إنهم مش ح يقدروا يردوا على حد حالياً من القاهره حتى إشعار آخر

و ده اللينك

http://www.cic.gc.ca/english/department/media/notices/notice-egypt.asp

المهم إني بدأت أدور عن أي أخبار لو كندا عامله أي تسيهلات لهجرة المصريين لكندا بعد الأحداث الحاصله سواء فيدرال أو كيبيبك, أو حتى أي أخبار لو في تسريع لإجراءات الناس اللي علمت إنترفيوهات و ربنا وفقها

و خطرلي أعمل التوبك ده علشان نتابع فيه كلنا أي أخبار بخصوص الموضوع ده

و نناقش فيه لو نقدر نعمل حاجه, زي إننا نراسل هيئات معينه في كندا مثلاً نطلب منهم عمل تسهيلات للمصريين

المهم يا جماعه إن فعلاً في أمل إن يكون في تسهيلات للمصريين الفتره الجايه

من خلال بحثي لقيت توبك كاتبينه ناس من شركة محاماه هجره معضم شغلها في مصر... بيقولوا إن إحتمال كندا تعمل برامج خاصه للمصريين الفتره الجايه

و قالوا إن رئيس وزراء كندا صرح بما ملخصه

"نحن نقف الى جانب شعب مصر والمصريين الشباب على وجه الخصوص"

The Prime Minister of Canada stated the other evening that "we stand by the people of Egypt, young Egyptians in particular, for their steadfast support for fundamental values that Canadians profoundly share with them."

ده لينك التوبك

http://pacelawfirm.blogspot.com/2011/02/regarding-situation-in-egypt.html

يا رب يكون في حاجه بجد قريب

و يا ريت لو أي حد قدر يوصل لأي معلومات بخصوص الموضوع ده يكتبه في التوبك

ملحوظه: أنا مبسوطه و فخوره جداً بالثوره اللي بدأت من 25 يناير و نتايجها لأن أخيراً الشباب (اللي أنا منهم) اللي كل الناس كانوا بيقولوا عليهم ضايعيين و مستهترين قدروا يعملوا في أيام اللي كبار المثقفين و الإعلاميين و السياسيين و غيرهم ما قدروش يعملوه في سنين طويله

لكن موضوع الهجره ده بفكر فيه من قبل الأحداث زي ناس كتير

ربنا يحفظ البلد و الناس كلهم و يعديها على خير

تحياتي للجميع

تم تعديل 4 فبراير 2011 بواسطة LonelyRose

[رونا]

فى اقتراح مش عارفة صح ولا اية

هل ينفع ان احنا نبعت للهجرة فى كندا انها تنقل ملفات المتقدمين من القاهرة الى سوريا او ابو ظبى

نظرا لاغلاقها فى القاهرة

[aymanology]

موضوع ممتاز فعلا وربنا يسهل الامور ... كله للخير

[Email]

شكرا على المعلومات بس هل فيه اى تأكيد عن شركة المحاماه ؟

[maramero]

sorry for supervisor for writing in english but cairo is for recieving and sending papers not more. i think that regarding our fedral files after selection of quebec r found in sydney ,according to my information y can send your file to syrea if quebec or sydney if fedral as we r in emergency situation in egypt .they just closed the office notttttttttt stopping immigration from egypt .i hope this will help.

prayyyyyyyyyyyyyyyyyyy for egypt

[Om Zayd]

ملحوظه: أنا مبسوطه و فخوره جداً بالثوره اللي بدأت من 25 يناير و نتايجها لأن أخيراً الشباب (اللي أنا منهم) اللي كل الناس كانوا بيقولوا عليهم ضايعيين و مستهترين قدروا يعملوا في أيام اللي كبار المثقفين و الإعلاميين و السياسيين و غيرهم ما قدروش يعملوه في سنين طويله

لكن موضوع الهجره ده بفكر فيه من قبل الأحداث زي ناس كتير

ربنا يحفظ البلد و الناس كلهم و يعديها على خير

تحياتي للجميع

ممكن أسأل سؤال

لسة عايزين تهاجروا؟؟

طب ليه؟

يا ريت سؤالي ما يزعلكوش

:closedeyes:

[kareemabdou]

ملحوظه: أنا مبسوطه و فخوره جداً بالثوره اللي بدأت من 25 يناير و نتايجها لأن أخيراً الشباب (اللي أنا منهم) اللي كل الناس كانوا بيقولوا عليهم ضايعيين و مستهترين قدروا يعملوا في أيام اللي كبار المثقفين و الإعلاميين و السياسيين و غيرهم ما قدروش يعملوه في سنين طويله

لكن موضوع الهجره ده بفكر فيه من قبل الأحداث زي ناس كتير

ربنا يحفظ البلد و الناس كلهم و يعديها على خير

تحياتي للجميع

ممكن أسأل سؤال

لسة عايزين تهاجروا؟؟

طب ليه؟

يا ريت سؤالي ما يزعلكوش

:closedeyes:

مفيش زعل يا ام زايد

كل واحد عنده اسبابه

محدش بينسى بلده و اعى تكونى فاكره قرار الهجرة ده قرار سهل

و لو على كلامك يبقى كل المصريين اللى فى الخليج لازم يرجعوا

[أحمد سيف]

jتعرف إني بسبب اللي بيحصل في مصر بافكر جدّيا في إلغاء مشروع الهجرة ... ما أنا مهاجر علشان أعيش في بلد فيه حريه ونظام ... فلو بلدي هتبقى حرة ومنظمه أتغرب ليه

بس ادعي إن الموضوع يخلص على خير

[hanydlt]

ياجماعه اولا ماينفعش كل ال80 مليون يهاجروا ويسيبوا البلد ولا ينفع انهم كلهم يفضلوا جواها الاختلاف بالنسبه لنا شئ طبيعى ومش غلط لان ظروفنا متفاوته كتير عن بعض وكل واحد وله وجهة نظره والانتقال من مكان لمكان بغرض الوصول لستوى احسن مش عيب ولا حرام .

تانى حاجه اتمنى ان وزارة الهجره الكنديه تقدر الموقف دلوقتى وتحاول تعمل لنا برنامج خاص يكون ميسر وسريع وفيه حاجه مشابهه هم نفسهم بيشبهوا صعوبة الموقف باللى حصل لهاييتى فلسه مش عندى معلومه كامله هم ادوهم صلاحيات ايه بالظبط لانى مش فاكر ان كانوا سمحوا لهم بالدخول للاراضى الكنديه بدون تاشيره ولا انا فاكر المعلومه غلط على العموم فيه السايت اللى موجود فيه مقال المحامى الكندى وبيقول انه هايحاول يبلغ وزارة الهجره بانه يجب اصدار وضع جديد يناسب الظروف الحاليه فبيتهيالى نحاول احنا كمان من ناحيتنا مجرد مراسلتهم والاستفسار عن حاجه زى كدا مجرد كلمتين نستفسر بيهم (هل هناك أية تسهيلات الهجرة للمصريين على أساس ما يحدث الآن في مصر (الاتحادية / كيبيك)؟)

وعلشان ما اطولش اكتر من كدا احب اشكر اللى عمل التوبيك وربنا يوفق الجميع

[LonelyRose]

فى اقتراح مش عارفة صح ولا اية

هل ينفع ان احنا نبعت للهجرة فى كندا انها تنقل ملفات المتقدمين من القاهرة الى سوريا او ابو ظبى

نظرا لاغلاقها فى القاهرة

هاي رونا

إصبري شويه و إن شاء مكتب القاهره يرجع يفتح تاني قريب

هما قالوا إن الموضوع مؤقت بس

[LonelyRose]

ممكن أسأل سؤال

لسة عايزين تهاجروا؟؟

طب ليه؟

يا ريت سؤالي ما يزعلكوش

:closedeyes:

أم زياد

أولاً تحياتي لحضرتك

أكيد كل واحد عنده أسباب شخصيه للهجره,, الموضوع مالوش علاقه باللي بيحصل بس

و في النهايه ربنا يسهل لنا الخير أياً كان مكانه في كندا في مصر أو في أي مكان

تم تعديل 7 فبراير 2011 بواسطة LonelyRose

[LonelyRose]

jتعرف إني بسبب اللي بيحصل في مصر بافكر جدّيا في إلغاء مشروع الهجرة ... ما أنا مهاجر علشان أعيش في بلد فيه حريه ونظام ... فلو بلدي هتبقى حرة ومنظمه أتغرب ليه

بس ادعي إن الموضوع يخلص على خير

ربنا ييسرلك الخير إن شاء الله

و ياااااا رب الموضوع يخلص على خير, و البلد يبقى فيها حريه و نظام و أمان

تم تعديل 7 فبراير 2011 بواسطة LonelyRose

[LonelyRose]

sorry for supervisor for writing in english but cairo is for recieving and sending papers not more. i think that regarding our fedral files after selection of quebec r found in sydney ,according to my information y can send your file to syrea if quebec or sydney if fedral as we r in emergency situation in egypt .they just closed the office notttttttttt stopping immigration from egypt .i hope this will help.

prayyyyyyyyyyyyyyyyyyy for egypt

كلامك مضبوط بس في ناس متابعه ورقها في مكتب القاهره.. و دلوقت هما متعطلين مؤقتاً بسبب الأحداث

بس بإذن الله المكتب يفتح قريب أول ما الحياه تبدأ تستقر

ربنا يحفظ مصر و يعديها على خير و سلام ياااااااااا رب

[LonelyRose]

فبيتهيالى نحاول احنا كمان من ناحيتنا مجرد مراسلتهم والاستفسار عن حاجه زى كدا مجرد كلمتين نستفسر بيهم (هل هناك أية تسهيلات الهجرة للمصريين على أساس ما يحدث الآن في مصر (الاتحادية / كيبيك)؟)

وعلشان ما اطولش اكتر من كدا احب اشكر اللى عمل التوبيك وربنا يوفق الجميع

أنا بدأت أعمل كده فعلاً و إن شاء الله خير

[LonelyRose]

بصوا يا جماعه لسه مافيش حاجه رسمي لغاية دلوقت

لكن وزير الهجره الكندي "جيسون كيني" كان بيتكلم عن مصر و الأحداث الحاليه في مجلس العموم الكندي من كام يوم

أتمنى ده يكون نتيجته قرارات خاصه للمصرين خلال الأيام الجايه

أكيد أي معلومات جديده أعرفها ح أكتبها في التوبك على طول

و ربنا يقدم اللي فيه الخير

[Rock]

افرجها من عندك يا رب

انت عالم بالحال

[kareemabdou]

حد يساعدنى يا جماعة

السفارة بعتتلى الفايل نمبر بتاع الفيدرال كيبيك

و طالبه منى استكمال شوية اوراق

و السفارة قافله حاليا و مش عارف ابعت الورق ازاى

و فاضل اقل من شهر و يتقفل ملفى

اعمل ايه

[Rock]

حد يساعدنى يا جماعة

السفارة بعتتلى الفايل نمبر بتاع الفيدرال كيبيك

و طالبه منى استكمال شوية اوراق

و السفارة قافله حاليا و مش عارف ابعت الورق ازاى

و فاضل اقل من شهر و يتقفل ملفى

اعمل ايه

يا عم كريم اكيد هما هيمدوا المسافة و هيقدروا الوضع اللي احنا فية ..و هما مش هيعلقوا مشانق..انا مرة من كام سنة واحد صاحبي كان مطلوب منة الايلتس و قبل الميعاد بعتلهم و قالهم انا عندي ظروف و ماخلصتش الورق المطلوب و وافقوا

يعني الناس متساهلين في الوقت العادي فمابالك بالايام دي..ماتقلقش

[محتاجه مساعده]

اولا الله يحفظ مصر من كل شر يارب..

ثانيا اني حبيت اضيف وجهة نظري ..

اعتقد ان ماراح يصير اي تغيير لان وضع العراق الراهن والبهذله الي ديمر بيهه بلدنه والظروف التعبانه والارهاب وووو

وماختلفت الامور ومقررو قرار جديديسرع اي اجراءات او لغو المقابله ونفس الشي بالنسبه لفلسطين .

ملاحظه بسطه هيه مواعيد المقابلات للعراقيين والسورين والفلسطينين واللبنانين تسبق مقابلات المصريين ب 3 اشهر , والسبب هو العدد قليل جدا من العراق وفلسطين بس العدد من مصر كبير جدا مقارنه بالعراق وفلسطين ..

اعتقد بس حيفتحون لجوء لامريكا ويكون سريع ...

بس اكيد الي ماشي بموضوع الهجره يعرف ايه فرق الهجره عن اللجوء

وموفقين اجمعين وانشاء الله الكل روح كيبك باسرع مايمكن ..

[michoshow]

شكرا للي عمل التوبيك المهم دةا

انا كنت مجهز ورقي و كنت ناوي اعمل تحويل البنك يوم 30 يناير بعد الاحداث اللي حصلت و البنوك وقفت

بس الحمد لله البنك فتح

لو حد يعرف هل الاحداث دي هتأثر

يعني لو رحت البنك عشان احول الفلوس هيقبلوا ولا لأ؟

و هل لسه بيقبلوا الفايلات في سوريا ولا لأ؟

لو سمحتوا اي حد عندة فكرة على الموضوع دة يشاركنا معلوماته

و شكرا لكم جزيلا