أعضاء المحاورات في مصر...عايزين نطمن عليهم

[لماضة مصرية جدا]

السلام عليكم و رحمة الله و بركاته

عشان الله يكرمه...زي ما كرم السادات و اتنش عيار....قطع النت عن مصر كلها و لسه مستمر ف التصرف الغير مبرر دوت

من فضلكم...عايزين نطمن علي اخواتنا و اخواننا المحاورين في مصر

لو حد معاه رقم موبايل يتصل و يخش يطمنا لو سمحتم

اتصلت بضحي..

و ب...Dreamwith me

بحاول اوصل ل...shiko

ذهبية بس لسه مافيش رد

مش معايا ارقام رضوي و لا طنط هند علي من الاسكندرية

خلونا نتطمن عليهم....نسمع صوتهم و نقولهم ان احنا بندعيلهم و معاهم حتي لو من بعيد

يا رب يعدي الايام دي علي خير

و لا تتوقفوا عن الدعاء

[lefilsdunil]

السلام عليكم

انا مش عارف اتصل بأى حد من أهلى فى حد هنا من حى رشدى من أسكندرية يقولى ايى اللى بيحصل فى شارع رشدى

حتى التليفونات الثابتة فى جرس ومفيش حد بيرد انا عرفت زى يكم انا كل الاقسام اتحرقت والمساجين هربوا ربنا يسلم ويعديها على خير

ويحفظ لنا مصرنا أمنة

[hOuSsAm]

بحاول اتواصل مع زميلنا عمرو رضوان موبايله مازال مش بيجمع خالص

انا قلقان عليه اوى ربنا يسترها معاه

كلمت البشمهندس اشرف محمد هو بخير واسرته وبيطمنكوا كلكوا

وقالى ان البنك الاهلى فى الخليفة المامون اتسرق واتنهب

واحداث سرقة ونهب كبيرة حصلت فى مصر الجديدة

قال ان الحرامية نفضوا المحلات كلها حتى اللمبات وحنفيات المية وحسبنا الله ونعم الوكيل

[Simba]

مدام قلب ابيض هي واسرتها في مصر

لو حد من البنات معاه تليفونهم هناك يطمنا عليهم

[engMostafa]

وانا برده اتصلت بقريبي النهارده 29/01/2011 بعد ما الخط جمع بالعافية

ولقتهم بخير الحمد لله وقالولي ان طول الليل كانو سامعين صوت ضرب نار وكانوا هيموتوا من خنقة الغاز والدخان اللي كان مالي الشوارع والكلام ده كان في الضاهر وباب الشعرية

الوضع مقلق جدا وربنا يستر

[لماضة مصرية جدا]

مدام قلب ابيض هي واسرتها في مصر

لو حد من البنات معاه تليفونهم هناك يطمنا عليهم

الحمد لله كويسين....تانت قلب كويسة و اسرتها

بس فيه حالة قلق

كارفور المعادي اتحرق

ربنا يستر

[الســـاري]

الله يطمنا عليهم كلهم ويكونوا بخير

للاسف لا املك اي ارقام للاتصال بالاعضاء بمصر

الاعضاء الافاضل محمد يوسف مختفي منذ فترة

كما ارجو طمأنتنا عن شيكو

الله يجيب العواقب على خير

============================

[أسد]

اتصلت بالأستاذ عادل أبو زيد في القاهرة

هو بخير والحمد لله

اتصلت بأبو محمد في اسكندرية

هو بخير والحمد لله أيضاً ..

لكن الأخبار من الشارع وحشة جداً

النهب والسرقة تتم بشكل فظيع

[arkan]

ان شاء اله كلهم يكونوا بخير

ربنا يطمنا عليهم

كان نفسنا يشاركونا

[لماضة مصرية جدا]

السلام عليكم و رحمة الله و بركاته

ذهبية.....الحمد لله رب العالمين بخير

و بتحب تطمن كل اللي اهله في المنصورة....الاهالي مافيش اي قلق

هو بس الشباب بيطلع في مسيرات

القاهرة هي اللي الوضع فيها صعب كتير علي حد وصفها....بس حسيت من صوتها ان معنوياتها عالية اوي

و الله انا حاسة قلبي هيقف الليلادي

ربنا يعديها علي خير

ايوة.....كمان لو اي حد عايز يتطمن علي أهله في مصر استاذة ردي ويز مي....هي من القاهرة بس هي اتطوعت انها تحاول تطمئنكم علي اهاليكم عن طريق التليفون الارضي اللي بيبقي متاح احسن من الموبايل

لو فيه اي حد عايزين تطمنوا عليه من فضلكم ابعتوولي علي الخاص و انا هبعتهلها الارقام

ياااااااااااااااارب

[لماضة مصرية جدا]

الله يطمنا عليهم كلهم ويكونوا بخير

للاسف لا املك اي ارقام للاتصال بالاعضاء بمصر

الاعضاء الافاضل محمد يوسف مختفي منذ فترة

كما ارجو طمأنتنا عن شيكو

الله يجيب العواقب على خير

============================

بحاول اتصل بيها من العصر....و لسه مافيش اي رد...مافيش خط اصلا

ربنا يجيب العواقب سليمة يااااااارب

يا جماعة لو اتصلتم علي اهليكم في مصر شجعوهم.....قولولهم كلنا متابعين معاهم...مش بنام....كلنا معاهم....شجعوهم في كل حرف و في كل كلمة

يا رب عفوك و كرمك....انت لطيف اوي و كريم اوي يا رب

[لماضة مصرية جدا]

السلام عليكم و رحمة الله و بركاته

لسه قافلة مع دريم وز مي

حابة تطمنكم جدا......هي ساكنة في وسط البلد

الشباب الراااااااااااااااااااااااااااائع جدا و لا نزكي علي الله احدا

نزل بالليل في الشارع عشان يحمي البيوت و في الصبح برضه طالع للتظاهر

هي بس بتتطلب منكم.....ان محدش يصدق ان حد من الشعب المصري ممكن يخرب او يعمل اي اعمال بلطجة

بتقولي.....الشباب ده فعلا حاجة تفرح

اكدتلها ان احنا عارفين و فاهمين...

و الصورة اللي بيحاولوا يضيعوا بيها مجهود الشباب المصري دوت مش هتروح هدر

و الله انا حاسة ان احنا بنتولد من جديد

هي ساعة الم..و بعيدها هنعرف...ان احنا فعلا كويسين و كان جوانا حاجات كتير حلوة....بس هي وقت الشدة اللي بيبين معدن الشاب المصري الاصيل

ربنا معاهم في كل خطوة

الشباب ده صامد من يوم الثلاثاء...يعني دلوقتي داخلين في اليوم السادس

يااااااااااااااااااااارب

[عبير يونس]

السلام عليكم و رحمة الله و بركاته

لسه قافلة مع دريم وز مي

حابة تطمنكم جدا......هي ساكنة في وسط البلد

الشباب الراااااااااااااااااااااااااااائع جدا و لا نزكي علي الله احدا

نزل بالليل في الشارع عشان يحمي البيوت و في الصبح برضه طالع للتظاهر

هي بس بتتطلب منكم.....ان محدش يصدق ان حد من الشعب المصري ممكن يخرب او يعمل اي اعمال بلطجة

بتقولي.....الشباب ده فعلا حاجة تفرح

اكدتلها ان احنا عارفين و فاهمين...

و الصورة اللي بيحاولوا يضيعوا بيها مجهود الشباب المصري دوت مش هتروح هدر

و الله انا حاسة ان احنا بنتولد من جديد

هي ساعة الم..و بعيدها هنعرف...ان احنا فعلا كويسين و كان جوانا حاجات كتير حلوة....بس هي وقت الشدة اللي بيبين معدن الشاب المصري الاصيل

ربنا معاهم في كل خطوة

الشباب ده صامد من يوم الثلاثاء...يعني دلوقتي داخلين في اليوم السادس

يااااااااااااااااااااارب

جسمي قشعر و أنا بأقرأ

الجملة اللي بالأحمر دي

و فجأة نور قدام عيني

ان الدنيا اتبنت في 6 أيام

يااااااااااااااارب

لم نفقد بك الأمل لحظة واحدة

يارب نحسن الظن بك فكن لنا كما نظن

آمين

آمين

آمين

[لماضة مصرية جدا]

السلام عليكم و رحمة الله و بركاته

اخيرااااااااااااااااا. بعد ما اعصابي انهارت و انا مش عارفة اوصل لناس كتيرة في مصر....يا ربي

شيكو......

رضوي كويسين الحمد لله

رب لك الحمد

شيكو بتقولي.....الريس كان عايز يشتت انتباه الناس بعيد عن المظاهرات انهم ينشغلوا بتأمين البيوت و الشوارع

بش برضه الناس صامدة

البنات...بقتدم اكل و شاي للشباب الي سهران من امبارح عشان حراسة الشوارع

أنا مبقتشي عارفة اعيط و لا افرح

بس لا نملك سوي الدعاء

يا رب يعديها علي خير

ع هامش سماعة التلفون

اطفال العيلة عند شيكو.....اللي لسه مكملوشي ال 5 سنين...ما شاء الله بيهتفوا و بيقولوا

الشعب...يريد.....اسقاط النظااااااااااااااام

يا رب عايزين نطمن علي كل مصر

مصر كلها

بشوارعها....بناسها.....بهواها...بترابها....بكل ما فيها

يا رب

[أهااات روح]

السلام عليكم ورحمة الله وبركاته

انا كلمت مدام قلب ابيض دلوقتى والحمد لله هى بخير هى واسرتها

بس بتقول الناس عايشة فى ذعر من سماعهم لاطلاق النار فى الشوارع

وبتقول احنا عايشين فى كابوووووووس و مهما تحكى عمرها ماتقدر توصف الى بيحصل فى مصر

ومن امبارح وهما فى الشارع هى واولاها

ربنا يحفظهم جميعا ويحفظ مصرنا الغالية

[HDarwish]

السلام عليكم ورحمة الله وبركاته

انا كلمت مدام قلب ابيض دلوقتى والحمد لله هى بخير هى واسرتها

بس بتقول الناس عايشة فى ذعر من سماعهم لاطلاق النار فى الشوارع

وبتقول احنا عايشين فى كابوووووووس و مهما تحكى عمرها ماتقدر توصف الى بيحصل فى مصر

ومن امبارح وهما فى الشارع هى واولاها

ربنا يحفظهم جميعا ويحفظ مصرنا الغالية

دعواتكم معانا

الوضع خطير

واللي بيموت مالوش دية زي ما بيقولوا

الناس كلها قلقانة والخطر حوالينا

مفيش منطقة فيكي يا مصر سلمت من الخراب

حتى المنصورة ودمياط حتى المدن الجديدة

[أسد]

من خلال اتصالي بمصر ..

الأوضاع الليلة الماضية كانت هادئة بشكل كبير جداً ..

الناس أحوالها أحسن .. وأكثر هدوءاً ..

إنحسرت أعمال السلب والنهب ..

الإنزعاج كان باقي من الهاربين من السجون

كل من تحدثت معه .. وهم كثيرون جداً .. أشار إلى أن الجميع لديه قناعة بأن عملية السرقة والسلب والنهب وهروب المساجين كان مدبر من قبل النظام

الجميع مقتنع بذلك ...

كل من رأى إستعانة النظام ورجاله بالبلطجية والمجرمين في الإنتخابات أو في قمع المظاهرات

يصدق بمنتهى السهولة هذا الكلام ..

فهو تسلسل منطقي للأحداث ..

كلما زاد انتشار الجيش أكثر ..

شعر الناس بالطمأنينة ..

غياب الشرطة برجالها من الشواع .. برغم ما يسببه من فراغ أمني إلا أن الناس متقبلة غياب هؤلاء الرجال .. لما يعرف عنهم بالفساد ..

الأوضاع في اسكندرية (حسب رواية أبو محمد) أمنياً أفضل بشكل كبير ..

ولكن لازال الناس مصرون على ماخرجوا من أجله

[المهندسه]

يا جماعه انا بتصل ب الاستاذه "هند على" بقالى كام يوم و الموبايل مش عاوز يجمع معايا ..لو حد معاه تليفونها الارضى يبعتهولى على الخاص و يطمننا...

على حد علمى ان الموبايلات الخطوط رجعت لها تانى و لا لسه مش كلها

طمنونا يا جماعه

[fatfouta]

قلب أبيض بخير والحمد لله

وبسم الله ماشاء الله ولادها فى المظاهرات

دعواتكم ليهم وكل ابناء مصر بكرة ان شاء الله

[لماضة مصرية جدا]

السلام عليكم و رحمة الله و بركاته

ضحي بتسلم عليكم.....كلكم.....و اخيرا...اخيرا شافت حاجة حلوة..(مع انها لسه علي موقفها الحقيقي...و مش هقول كان ايه...بس خلاص)

قالتلي.....احلي حاجة.....شافتها....هي انها شافت وش الرجولة الحقيقية اللي كنا خلاص قربنا نشك انها موجودة

حكتلي حاجات...كتير اوي....و خلت معنوياتي في السما الحقيقة

هنستناها....و نستني كل اللي هناك

و نستني الارض تتطهر

و هنقعد نسمع لكل حكايا....العائدين....من ارض الوطن....يا رب قريب

مساااااااااكم عودة للرو ح.....الالي تعبت اوي....بس جواها يقين...انه فيه خير جاي...يا رب