أعضاء المحاورات في مصر...عايزين نطمن عليهم

[SoSo R]

حد عنده أى أخبار عن مدام فولانة و أستاذ مايوسف؟؟

ياريت حد يطمنا او يتصل بيهم

[التونسى]

شاءت الاقدار ان اكون بمصر فى ذلك الظرف التاريخى .. وان أؤجل عودتى لانجلترا لاجل غير مسمى

عشت مع المصريين ليالى الرعب والمجد والترقب..بل وكان لى نصيب فى التظاهر والتعرض لبلطجية النظام

ولى عودة تفصيليله لحكى تجربتى عند اتضاح الصورة اكثر وكذا بعد التقاطى لانفاسى وروحى المجهده

وحمد لله على عودة الانترنت .. وحمدا لله على عودة الجميع

[Folana]

السلام عليكم ورحمة الله..

يارب تكونوا كلكم بخير

يارب يزيح الغمة قريبا

النت رجعت مصر ...

دخلت اطمئن عليلكم كلكم وعلى كل اخوانا فى مصر

لى عودة للمشاركة

الله المستعان

الله المستعان

[fatfouta]

السلام عليكم ورحمة الله..

يارب تكونوا كلكم بخير

يارب يزيح الغمة قريبا

النت رجعت مصر ...

دخلت اطمئن عليلكم كلكم وعلى كل اخوانا فى مصر

لى عودة للمشاركة

الله المستعان

الله المستعان

الف حمد لله عالسلامة يا فولانه

بحاول اتصل بيكى من ساعتها وموبايلك غير متاح

الحمد لله انكم كلكم طمنتونا عليكم

وكده فاضل رضوى عاوزة اطمن عليها احسن هى تقريبا كانت بتنزل كل يوم

[جويرية]

بعد خطاب الرئيس مبارك ، شفت الناس معديين في مظاهرة

الناس فرحانة بجد بيقولوه انتصرنا في التحرير

وواحد في التلفزيون بيقول ان فرحان عشان قادر امشي بدقني دي في بلدي من غير ما حد يحاسبني

الاحساس بالقهر فظيع

الناس فرحانة بس

ان هما في يوم واحد اتبص ليهم علي انهم بنأدمين من حقهم يتكلموا مش قطيع

[pink rose]

حمدالله على سلامتكم يا جماعة

طمنونا عليكم

عاوزين تفاصيل التفاصيل

تم تعديل 2 فبراير 2011 بواسطة remo

[se_ Elsyed]

حمد الله على سلامتكم يا أبطال

أقسم بالله إنتم الأبطال الحقيقيون ... ونحن جميعاً نتوارى خجلاً أمام تضحياتكم

يكفي تضحياتكم النفسية والمعنوية

يارب كل واحد يدخل موضوع الأستاذ تونسي هذا

تجارب الأبطال العائدون من سجن الأنترنت

[rewsha]

حمدالله على سلامتكم يا جماعة

طمنونا عليكم

عاوزين تفاصيل التفاصيل

الحمد لله احنا كويسين

النت رجع من حوالي نص ساعه

بس المشكله في الاشاعات اللي الناس بتطلعها كل شويه عن سرقة البيوت (لان ده وقت اشاعات)

ماانكرش ان في حاجات بتحصل فعلا لكن مش بالصوره اللي الناس بتتكلم عنها

اللي اقدر اقوله ان في الوقت اللي احنا فيه ده

ان بعض البلطجيه استغلوا الظروف لكن اهالي المناطق اتصدوا لهم واتقبض على ناس كتير منهم في اول يومين ومن اول امبارح الامور بقت هاديه كتير عن الاول

[ذهبية]

اولا الحمد الله رب العالمين احنا كلنا بخيرررررررر يا جماعة اطمنوا على كل المصريين و على كل اللى فى المصنورة و الى عايز يسال عن اى حد فى المصنورة انا تحت امرة بس يبعت رقمة

شكرا خاص جدااااا لريهام لماضة على سؤالها

طبعا احداث كتيرة هتاخد مننا وقت كبيرررر بس باختصار لاى حد اهلة فى المصنورة كلهم بخير

الاصابات فى المصنورة تلات وفيات

شابين و بنت ضغيرة

اللى حصل فى اول يوم فى المظاهرات انهم كانوا بيجروا ورا اى بنت لابسة نقاب و حصل رعب جامد جدا بين المنقابات و خلعوا نقابهم علشان يعرفوا يرجعوا بيوتهم

امبارح كانت مظاهرة حاشدة ضد مبارك اكتر من 500 الف

اليوم مختلف امام مظاهرات حاشدةى مع مبارك و بتوع الحزب الوطنى بيعدوا على الموظفين علشان يطلعوا فى المظاهرة

امس كان فية نقش شديد جدا فى البنزين و قلة فى العيش و الاسعار زادت الضعف اليوم مستقر نوعا ماااا

الكل امام التلفاز لا يخرج و طبعا فية تفاصيل تانية فى المداخلة التالية

[ذهبية]

اللجان الشعبية كانت بجد مفخرة لاى مصرى شباب كل حى مجمعين نفسعم فى كل الشوراع بلا استثناء فى القاهرة فى اسكندرية فى المصنورة بالشوم و السكاكين تحت البيت يحموا بيوتهم وشارعهم

عندى فى الشارع جابوا طوب كبير و سدوا الشارع لعدم دخول اى عربية غريبة

اصحاب العربيات لموا بعضهم ورا بعض علشان تكون العربيات مع بعض مفيش عربية واقفة لوحدها

بينهدوا على اسماءهم باسماء حركية طوال الليل لعدم النوم و للامان

راحين جايين طوال الليل بعرض الشارع و طولة بجد حسيت بالامان بجد

بجد صورة مشرفةةة بجد

[أبو محمد]

الحمد لله

أخيرا انفتحت النافذة التى أطل منها عليكم جميعا

كنت ناوى أفتح موضوع عنوانه من أغنية قديمة لمحرم فؤاد بيقول فيها

حاجة فوق الوصف .. فوق الاحتمال

آخد نفسى .. وأجهز سلاحى "النارى" تمهيدا لنوباتجينى فى الشارع .. وارجع لكم .. حنقول كتير ونعيد كتير .. واحكيلكم على اختلافى مع الأستاذ عادل ابو زيد بخصوص الوضع القائم .. والمأساة التى كنت أدعو الله ألا أراها

[Om Zayd]

الحمد لله احنا بخير

جزاكم الله خيرا

مش قادرة اكتب دلوقت

القيران بتدافع عن نفسها بكل ضراوة

المنتفعين الفاسدين .. بيأجروا البلطجية و يطلعوا ال"مظاهرات" المؤيدة

مظاهرات بالجمال و الجنازير

خايفين يبيعهم .. مش هيقبلوا الطعون .. يعني هيضيعوا ... يبقى يحرقوها

حسبي الله و نعم الوكيل

[Dreamwithme]

الحمد لله رب العالمين عادت الانترنت وأنا الحمد لله بخير وأهلي بخير

وأشكر كل الناس اللي اتصلوا بيا وحاولوا يسألوا عليا

وأرجوكم يا جماعة لوحد أهله في القاهرة لوحدهم يقول لي وأنا ممكن اتصل بهم وأساعدهم بأي شكل

وحتي ممكن يجوا يقعدوا معانا في البيت لغاية ما الغمة تنقشع

الوضع سئ جدا في القاهرة. مش قادرة أتكلم بصراحة دلوقتي

بس حبيت بس أطمنكم عليا وفي نفس الوقت لو أي حد محتاج مساعدة يراسلني علي الخاص وأنا هاتصرف وأوصل لأهله.

[herohero]

مصر بخير

ياجماعه سيبكم من الاعلام المغرض

انا ف مصر من يوم 24 فوجئت بالوضع ف التحرير يوم 25 بجد حاجه تفرح والواحد بقى مكسوف من نفسه شباب صغيرين او ف سني وشوية ولقينا ناس من كل الطوائف

مصر بجد عيالها لما بيتحدوا ع هدف بيحققوه

فيه بعض التجاوزات وفيه حرامية استغلوا الموقف انما صدقوني مفيش اي قلق كله نزل ف الشارع شباب كل عمارة من كل الفئات والله انا فرحت بجد كنت زعلان من مصر وكنت مضايق من سلبيتنا دلوقتي انا فخور بجد

خلاص

هيبقى المصري البطل الشجاع اتكلمنا يا ناس 30 سنة وصحي المارد مش مهم يمشي مبارك امتى بس كفايه الكسرة اللي شوفناها ولا خيانة بتوع الشرطة خونة

انا ولاد عمي قالوا ليا اتصدمنا جات لنا اوامر نقلع لبس الشرطة ونلبس مدني

عموما مهما كان مصر هتبقى احسن بكتير هنتعب شوية بس اللي جاي اكيد احسن

[herohero]

اخر وساخه مبارك اتفرجوا ضرب الناس دلوقت والله حرام معلش بس برده اتزل واتكسرت عينه معلش المفتريين بيضربوا شباب مصر معلش اتفرجوا وادعوا

[مهندس ابو يوسف]

اخر وساخه مبارك اتفرجوا ضرب الناس دلوقت والله حرام معلش بس برده اتزل واتكسرت عينه معلش المفتريين بيضربوا شباب مصر معلش اتفرجوا وادعوا

يارب ارفع مقتك وغضبك عنا ياارحم الراحمين وتذهب هذه الغمة على خير باسرع وقت باذن الله

[herohero]

معلش اشد ساعات الليل سوادا وظلمة هي ما يسبق طلوع الفجر والحمد لله الفجر هيطلع انا مقتنع ان مهما كان فيه تعب لفترة بس ان شاء الله الجاي احسن لان باختصار هنشوف ايه اكتر من اللي شوفناه واظن المتغربين عارفين كويس ان دلوقت المصري باعلى صوت يقدر يكلم اي حد ويقوله ادي المصري الي كنت بتتريقوا عليه وتقوله خانع وقانع اهو ولاعزاء لحد برافوا ع الشباب اللي اصغر مننا وماقروش ولا اتكلموا كتير ونفذوا

مصر بخير والاعلام المصري الخشبي بيهول فيه نقص ف حاجات بس ده

طبيعي

وفيه رسائل بتيجي ع الموبايل من القوات المسلحه عشان تطمن الناس وبجد النظام فشل بس الشعب نجح يارب نستغل ده بعد كده ف تحقيق انجازاتنا

http://www.youtube.com/watch?v=Rr1JEDXf5v0

[لونا]

تصور يا أستاذ هيرو

أنك جئت على بالي في ظل هذه الأحداث

و تساءلت عن آرائك .. في هذا الوقت

و هل مازلت عند رأيك في مصر و المصريين ؟

أنا سعيدة بمعرفتك حقيقتنا كمصريين

[herohero]

تصور يا أستاذ هيرو

أنك جئت على بالي في ظل هذه الأحداث

و تساءلت عن آرائك .. في هذا الوقت

و هل مازلت عند رأيك في مصر و المصريين ؟

أنا سعيدة بمعرفتك حقيقتنا كمصريين

انا ف مصر من يوم 24 وسعيد جدا لان كل اللي كان مضايقني السلبية اللي كنا عايشين فيها لان الاوضاع كانت لا تىطاق ع فكرة الاسعار ف مصر ف سلع كتيرة غذائية اعلى من السعوديه يعني

اللي بيقولك الاوضاع دلوقت وحشة ماهي كانت هتزداد سوء

انا بالعكس مشكلتي كلها ان زي الناس اللي كلهم او معظمهم ولاد ناس وعز بس زهقوا من الفساد واتكلموا طبعا هم احسن مننا لانهم ماهربوش وطفشوا ع الخليبج لكن اللي اقصده ان طلع كتير قوووووي قرفانين

والحمد لله ايا كانت النتائج هتكون احسن بكتير يكفي ان المصريين ف الخارج هيحسوا بعزة اكثر وهيفتخروا اكثر بمصريتهم

والازمة ده بجد كشفت ان الشباب المصري وانا اسف الشباب بس ممكن يعملوا بلد تانيه خالص

لو تسمعوا فكرهم غير خالص الفكر الخشبي اللي ضيعنا ف كل حاجه

[لماضة مصرية جدا]

لغاية دلوقتي محدش طمنا علي طنط هند علي من الاسكندرية؟؟؟؟

يا رب تكون بخير و اسرتها

يا رب نطمن علي مصر كلها