هشتكنه و بشتكنه يا ريس و النعمة الخمسة جنية الفضية الجديدة شكلها كويس

[hosambob]

الصورة خير برهان و لا تعليق

تم تعديل 19 يناير 2011 بواسطة hosambob

[Simba]

يا سيدي

خلي الناس تمشي تشخلل

[أبوعمار]

الحتة بخمسة جنيه والحسّّابة بتحسب

خايف بعدين الواحد يروح يأخد مرتبة في صرة زي صرة الدنانير :P

[أسد]

1 يورو = 7.80 جنيه

سعر صرف اليوم

[ComingSoon]

الصورة خير برهان و لا تعليق

اعتقد انه هذه عملة تذكارية وليست عملة حقيقية للتداول

[pocy]

استغفر الله العظيم من كل ذنب عظيم

كنت فى مصر ولسه راجعه الجنيه بقي زى 10 ساغ والخمسين قرش بقت زى الشلن مبجبش حاجه مع انه زمان كنت بجيب بيه لبان او مصاصه

بجد حرام اللى بيعملوه هم عندهم معدن زيااده وبيتخلصوا منه ولا ايه الحكمه فى تغير نوعيه العمله ؟؟؟؟؟؟

لك يوم يا ظالم

[أهااات روح]

هو ده الى هما فالحين فيه

بيدورو على اى تفاهه يشغلو بيها الشعب المطحون

بيعاملو الشعب كانه طفل صغير بيلهوه بلعبة صغيرة

علشان عنيهم على اللعبة الكبيرة وياريتها لعبة بجد

ايه مصلحة الناس لما الخمسة جنيه تبقى ورق ولا معدن

حسبى الله ونعم الوكيل

تم تعديل 19 يناير 2011 بواسطة أهااات روح

[Scorpion]

ليه نبصلها علي انها تفاهة حكومة .. ليه نبصلها علي انها هشتكة و بشتكة من الريس ... ليه ما نحاولش نفكر في الوجه التاني من العملة ما دمنا بنتكلم عن عملة ...

ملك و لا كتابة ؟؟

ملك :

حتبقي تقيلة .. و ما بقاش فيها بركة ... و حنمشي نشخلل

كتابة :

موضوع البركة ده مش حيتغير .. يعني القيمة الشرائية مش حتتغير ما بين ورقية او معدنية .. الأتنين راكبهم نفس العفريت ...

عمر العملة المعدنية الأفتراضي 15 سنة قدام الستة شهور لمثيلتها الورقية

عمرك ما حتلاقي واحد يقول لك غيرلي العملة دي يا عم علشان مقطعة .. قديمة .. متهربدة .. ملزوقة

مش حتكون معمل تفريخ ميكروبات زي اللي المتواجدة في العملة الورقية القديمة

فيها توفير مش قليل للحكومة لأنها حتي بعد ما عمرها الأفتراضي يخلص .. تخش الفرن تنصهر و يتصنع بيها عملات جديدة ..

مش حتلاقي واحد كاتب قصة حياته علي العملة المعدنية ...

مش حتلاقي واحد بينقط رقاصة بفلوس فوق دماغها او عاملها عقد جنيهات ..

الخلاصة .. هو التغيير اللي بيزعج البني آدم مننا .. و بالأخص لو كانت حاجة متعود عليها من زمان ... و دي مش حاجة مرتبطة بالمصريين بس ... في الدنيا كلها و بالأخص للكبار ... الشباب عادة التغيير بيتقبله اكتر ... نفس الموضوع حصل هنا و صور اليورو اللي اضافها العزيز اسد دليل علي كده .. لما ابتدا الموضوع ده هنا اتقابل برفض أكتر من ايجاب و مع الوقت بقي شيء عادي ...

نفس اللي حيحصل معانا .. حنرفضه علشان مختلف ... و شوية شوية حيبقي شيء عادي .. لحد الجيل اللي جاي حيبقي هو الطبيعي بالنسبة ليه و العملات الورقية حيبقي مكانها المتاحف ... و بعدين المعدنية كمان حتتلغي و حيطلع نظام نقدي جديد .. و هلم جرجر

من غير هشتكة و لا بشتكة

[moory]

انا لسه راجع من مصر من كام يوم كده،

مافيش حد بيستخدم العملة دي خالص،

بس نسيت ارووح اسأل عند العبد الي في وسط البلد smk:

انا فاكر برده لما الجنيه الحديد نزل ماحدش سمع عنه او كان يستخدمه، وكلنا افتكرناه أوشاعة

و تقريبا من اوائل الناس الي استخدموه العبد بتااع وسط البلد،

كانت الناس تقولي عايز تشووف الجنيه الحديد، رووح للعبد :P

تم تعديل 19 يناير 2011 بواسطة moory

[Alshiekh]

نفسى أعرف ايه المشكلة فى أن الجنيه او المائة جنيه تكون معدن أو ورق بنكنوت؟

تعرفوا إن أجدادنا رفضوا ورق البنكنوت فى بداياته لانهم تعودوا على العملات الفضية والذهبية؟

أحنا دلوقت عاملين زى أجدادنا بس بالعكس ، هم كان عندهم حق لانه حايفرط فى الذهب ويأخذ بدلا منه وصل أو سند أو شهادة من محافظ البنك بأن الورقة دى بتساوى جنيه ، لكن أحنا ياترى عندنا حق؟

أنا عن نفسى مش حاتلاقى فى جيبى عشرة دولار على بعض ،

كلها فلوس بلاستيك ، ايشى بألف وايشى بعشرة وايشى زى ماأنت عاوز ، والناس بتخاف تشيل فلوس فى جيوبها علشان ماتتسرقش.

خذوا الموضوع ببساطة ، المهم العملة تشترى ايه مش شكلها ايه.

[engmido]

الموضوع ليس فقط مشكلة العملة الورقية من المعدنية

وانما الشعور بضآلة العملة قيمة وشكلا وحقارة قيمتها الشرائية

بقى الخمسة جنيه بجلالة قدرها اللى كانت لحد فترة ليست ببعيدة لها شنة ورنة ده يبقى حالها

طب بلاش دى الحاج جنيه شخصيا ده يبقى حاله وكذلك النص جنيه؟؟؟؟؟؟؟؟؟؟؟؟؟؟؟!!!!!!!

لك الله يا مصر

[مغتربة]

مرت النقود فى طريق تطورهابالكثير من المتغيرات التى طالت سواء شكلها او حتى معناها

اعتقد انه فى المستقبل القريب ستختفى النقود سواء بالشكل الورقى او المعدنى المستقبل لمفهوم النقود الالكترونيه

حيث الحسم المباشر سواء عن طريق بطاقات او حتى عن طريق الموبايل و هى الطرق المستخدمه حاليا او حتى طرق جديده سيفرزها التقدم التكنولوجى فى المستقبل

[hanzalah]

لا اعتقد ان اعتراض المعترضين هو على شكلها أو على الشخلله

دي حاجات مقدور عليها وليها مليون حل

التهكم والشعور بالأسى هو على تدهور قيمة عملتنا الوطنية

لانه فعلا الجنيه اصبح لا يساوي شيء

ويادوب تجيب بيه كيس شيبسي

حتى مجلة ميكي اصبحت اغلى من الجنيه

اقصد العدد الاسبوعي وليس ميكي جيب الشهرية لانها اصبحت ترف للقادرين ماليا فقط لاغير

لا اراكم الله مكروها في عملة لديكم

:protest:

[om marawan]

لا اعتقد ان اعتراض المعترضين هو على شكلها أو على الشخلله

دي حاجات مقدور عليها وليها مليون حل

التهكم والشعور بالأسى هو على تدهور قيمة عملتنا الوطنية

لانه فعلا الجنيه اصبح لا يساوي شيء

ويادوب تجيب بيه كيس شيبسي

حتى مجلة ميكي اصبحت اغلى من الجنيه

اقصد العدد الاسبوعي وليس ميكي جيب الشهرية لانها اصبحت ترف للقادرين ماليا فقط لاغير

لا اراكم الله مكروها في عملة لديكم

:protest:

ايه دااا ؟؟؟؟ :blink:

ميكي العدد الاسبوعي بقت بجنيه

طب ومن غير ماحد يتخانق

انا كنت باجيبها من يطلع 25 سنة كده كانت بحوالى ريال ( 20 قرش ) :closedeyes:

طب زياده خمس اضعاف فى 25 سنة مش وحش برضه

ماهو ايامها كان برضه راتب والدي الله يرحمه اقل من خمس معاشه لحد قبل وفاته

طب ياجماعة ليه زعلانين

انا حاسة انى بقيت زي جدتي لما كانت تحكيلي انها اتجوزت وجابت فرشهاكله ب 58 جنيه سنة كام وتلاتين wst::

فرفشوا بقا ياجماعة مش ناقصين نعمل عزا للخمسة جنيه والجنيه والكل كليلة

[أبو محمد]

مفيش أى مشكلة من العملة المعدنية .. أقل فايدة لها هو موضوع الميكروبات والجراثيم اللى بتلمها العملة الورقية اللى بتتساب لغاية لما ما يبنلهاش معالم .. كنت قريت عن إن كان فيه شركة سياحة يابانية جت لفتح أنشطة رحلات إلى مصر .. وكان من أسباب عدولها عن افتتاح تلك الأنشطة ، العملة الورقية لما تمثله من "خطر صحى" على السياح اليابانيين !!!!!!!!!

المشكلة حتحصل لو استمرت قيمة العملة فى التدهور إلى أن تصل إلى أقل من قيمة وزن العملة .. فى الحالة دى ممكن نلاقى النص جنيه بيتباع للمسابك بخمسة وسبعين قرش صاغ مثلا ..

ربنا يسترها

[ابو محمد بن مصطفي]

اولا اعترض علي العنوان بان العملة فضية .... وللدقة يجب ان نقول انها عملة معدنية

ولو عن نفسي كنت احب ان العملة تصنع من الفضة وذلك ميزات عده منها احتفاظ العملة بقيمتها علي المدي القريب وحمايتها من تقلبات الاسعار

اعرف ان هذا النظام قد تم الغاءه بعد الحرب العالمية الاولي ولكن في ظل التغيرات السريعة في الاقتصاديات فليس هناك شئ ثابت

ففي ظل النظام الحالي تأكلت ثروات الناس خصوصا في الاقتصاديات الضعيفة.

اري انه قد يكون من الصعب الان استبدال العملة بالذهب في ظل اسعاره الحالية

ولكن لماذا لا نستبدله بالفضة ولو مؤقتا ...

وكذلك فالافراد الان تتكالب علي شراء الذهب للحفاظ علي ثرواتهم واري ان ذلك فشل للنظام الحالي

الموضوع هيكون صعب للحكومات ولكنه مفيد للافراد لحماية اموالهم.

[doha]

الموضوع ده شفته من فترة في احد المنتديات وبعد بحث سريع الجوجل اتضح ان الصورة شائعه ومنتشرة في النت بس الرأي الاكثر قبولا عندي والي قريته ان العمله دي تذكارية يعني اصدار محدود ومش بديل للخمسة جنيه الورقية ..

[Advisor]

يا للعجب  منذ ست سنوات  كنا نعترض و بشدة على تناقص القوة الشرائية

ما سبق كان استهلالا لابد منه

ترى ماذا سيكتب  الأعضاء الكرام  بعد الانخفاض الحديث في قيمة الجنيه ؟

[Grandma]

اذا فضل الجنيه في النازل و الدولار في الطالع 

قريب جدا هنشوف ال 100 جنيه عملة معدنية 

و هنبقى نديها بقشيش للمنادي في الباركينج 

وهنعمل زي الطليانة نتكلم بالملايين

اللي عاوز يشتري كليو جبنة يدفع ربع مليون جنيه