اذهب إلى المحتوى
محاورات المصريين

المجد لله في العلى و على الارض السلام وفي الناس المسرة

كامل الجمل

بواسطة كامل الجمل
في باب الإجتماعيات

 مشاركة

Recommended Posts

كامل الجمل عضو جديد

كامل الجمل

بتاريخ:
بتاريخ:

natividad28jq.gif

مثلما تغنت الملائكة في السماء ليلة ميلاد السيد المسيح له المجد ... أردد معكم أخوتي المسيحيين الأعزاء نفس الكلمات ....

المجد لله في العلى و على الارض السلام وفي الناس المسرة

أرق امنياتي الي مسيحيي مصر الأرثوذكس بعيد ميلاد مليء بالمودة و التسامح ... مليء بتعاليم تركها لنا تغسل القلب من الأحزان و تملأ النفوس بالمحبة فقط ...

كل عام و انتم بخير ....

:wub: :wub: :wub:

كل اللي حيلتي زمزمية أمل ...

و خلصت خلاص

رابط هذا التعليق
شارك
  • الردود 72
  • البداية
  • اخر رد

أكثر المشاركين في هذا الموضوع

الأيام الأكثر مشاركة

أكثر المشاركين في هذا الموضوع

الأيام الأكثر مشاركة

المشاركات الأكثر تفاعلاً

عبير يونس
عبير يونس

اسمحلي اعترض و اعترض و اعترض مش من حقك تسيبنا حقنا عليك انك تفضل وسطينا جرد ايه و تقييم ايه؟؟ اوعى اوعى تنبش في ساعة مضت خللي اللي خلص يخلص و متفكرش فيه تاني حداد ايه؟؟ هو احنا منعرفش نعيش من

jasmin hamed
jasmin hamed

مقتبس من رحلة المجوس للشاعر ت س اليوت أسلكنا كل ذاك الطريق ) من أجل "الميلاد" أم "الموت" ؟ لقد كان ثمّ ميلاد ولا ريب وقد شهدنا الآية وما شككنا. لقد رأيت مولداً وموتاً من قبل. ولكنني

Salwa
Salwa

كل سنة وكل المصريين طيبين . وكل عيد غطاس وانتم بخير. وانا صغيرة قوى قوى كنت فاكرة ان لازم ف عيد الغطاس نروح على البحر . وكنت اقابل اصحابى ونلبس احلى ما عندنا و (( نطير نروح البحر )) بلهجتنا يعنى .

Modest عضو جديد

Modest

بتاريخ:
بتاريخ:

مهما طالت الغيبة لابد من عودة الندل :blush2: ( من أقوالي المأثورة :blink: )

و العودة النهاردة مقصودة علشان أقول لحبيبي سكوب كل سنة و انت طيب :wub: .. و انت طيب جداً يعني :give_rose:

مش لاقي كلام أقوله .. حاسس إن إيدي متخشبة من قلة الكتابة :blink: ,, هاروح احطها في مية سخنة و شوية كريمات حروق على جلستين كهربا و ارجع .. يعني شهرين تلاتة مش هاتأخر المرة دي إن شاء الله :unsure:

:give_rose: سكوب .. وحشتني .. كل سنة و انت طيب ... و كل حاجة حلوة :give_rose:

وقف الخلق ينظرون جميعا ... كيف أبني قواعد المجد وحدي

وبناة الأهرام في سالف الدهر ... كفوني الكلام عند التحدي

أنا تاج العلاء في مفرق الشرق ... ودراته فرائد عقدي

إن مجدي في الأوليات عريق ... من له مثل أولياتي ومجدي

أنا إن قدر الإله مماتي ... لا ترى الشرق يرفع الرأس بعدي

ما رماني رام وراح سليماً ... من قديم عناية الله جنده

كم بغت دولة عليّ وجارت ... ثم زالت وتلك عقبى التحدي

إنني حرة كسرت قيودي ... رغم أنف العدا وقطعت قيدي

أتراني وقد طويت حياتي ... في مراس لم أبلغ اليوم رشدي

أمن العدل أنهم يردون الماء ... صفوا وأن يكدر وردي

أمن الحق أنهم يطلقون الأسد منهم ... وأن تقيد أسدي

نظر الله لي فارشد أبنائي ... فشدوا إلى العلا أي شد

إنما الحق قوة من قوى الديان ... أمضي من كل أبيض وهندي

قد وعدت العلا بكل أبي ... من رجالي فانجزوا اليوم وعدي

وارفعوا دولتي على العلم والأخلاق ... فالعلم وحده ليس يجدي

نحن نجتاز موقفاً تعثر الآراء ... فيه وثمرة الرأي تردى

فقفوا فيه وقفة حزم ... وارسوا جانبيه بعزمة المستعد

رابط هذا التعليق
شارك
خالد التهامى عضو جديد

خالد التهامى

بتاريخ:
بتاريخ:

فى ليلة عيد الميلاد المجيد

اضاء فى السماء نجما لولادة المسيح وتغنت الملائكة فيها

المجد للة فى الاعالى وعلى الارض السلام وبالناس المسرة

رغم الاحزان التى المت بالشعب المصرى كلة

سنحتفل بعيد الميلاد رغم احزاننا

ويرحم اللة شهداء كنيسة القدسين

رابط هذا التعليق
شارك
Alshiekh عضو جديد

Alshiekh

بتاريخ:
بتاريخ:

تهنئة من القلب خالصة لأخوتنا المسيحيين الذين يحتفلون الليلة وغدا بالعيد

وتهنئة للمصريين عموما بمناسبة الأجازة غدا

وندعو الله ان تعود مثل هذه الأيام من العام القادم وقد سادت المحبة والسلام ربوع مصرنا الحبيبة

تحياتى للجميع مسلمين ومسيحيين

http://www.youtube.com/watch?v=OqRHlAh8XA0

--

{وَإِذَا قِيلَ لَهُمْ لَا تُفْسِدُوا فِي الْأَرْضِ قَالُوا إِنَّمَا نَحْنُ مُصْلِحُونَ}(11){اَلَا إِنَّهُمْ هُمُ الْمُفْسِدُونَ وَلَكِنْ لَا يَشْعُرُونَ}(12)وَإِذَا قِيلَ لَهُمْ آمِنُوا كَمَا آمَنَ النَّاسُ قَالُوا أَنُؤْمِنُ كَمَا آمَنَ السُّفَهَاءُ أَلَا إِنَّهُمْ هُمُ السُّفَهَاءُ وَلَكِنْ لَا يَعْلَمُونَ}(11)

new-egypt.gif

ذو العقل يشقى في النعيم بعقله *** وأخو الجهالة في الشقاوة ينعم
***************
مشكلة العالم هي أن الحمقى والمتعصبين هم الأشد ثقة بأنفسهم ، والأكثر حكمة تملؤهم الشكوك (برتراند راسل)
***************
A nation that keeps one eye on the past is wise!A
A nation that keeps two eyes on the past is blind!A
***************
رابط القرآن كاملا بتلاوة الشيخ مصطفى إسماعيل برابط ثابت مع رابط للقراءة
***************
رابط القرآن كاملا ترتيل وتجويد برابط ثابت مع رابط للقراءة
***************
رابط سلسلة كتب عالم المعرفة

رابط هذا التعليق
شارك
Folana عضو جديد

Folana

بتاريخ:
بتاريخ:

السلام عليكم ورحمة الله..

إلى كل اخوانى واخواتى المسيحين

كل سنة وانتم طيبين...

إلى العزيز سكوربيون...

أهنئك بعيد الميلاد المجيد

وأهنئك على رقى أخلاقك وحسن اختيارك للكلمات...

فبهذه الكلمات الجميلة البسيطة ..لخص لنا عيسى عليه السلام الدين المسيحى ..

" الله محبة"

" أحبوا أعدائكم ..باركوا لاعنيكم ..أحسنوا الى مبغضيكم"

" المجد لله فى العلى وعلى الارض السلام"

كلمات تدل على صفاء القلب وتدعو الى التسامح والمحبة ولا تدعو الى التناحر والتعصب..

وجاء قرآننا الكريم موضحا ومؤكدا لهذه الروح الطيبة النقية ...

دعوة للجميع أن نبدأ صفحة جديدة نقية نملؤها بحروف المحبة الخالصة ونطبق فيها تعاليم ديننا الذى يدعو الى السمو والنقاء والتسامح...

كل سنة واحنا كلنا طيبين..

:give_rose:

{ لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ }

رابط هذا التعليق
شارك
MaYousof عضو جديد

MaYousof

بتاريخ:
بتاريخ:

كل سنة وكل إخواني وأخواتي المسيحيين طيبين وبسعادة ومحبة :wub:

وعيد سعيد عليكم كلكم :wub:

كل سنة وكلنا في مصر إخوان من طينة واحدة وبلدنا أرض واحدة :give_rose:

كل سنة وكلنا في مصر بحفظ الله طيبين :give_rose:

رابط هذا التعليق
شارك
عطر الجنة عضو جديد

عطر الجنة

بتاريخ:
بتاريخ:

منذ 10 دقائق رأيت منظر لم اره من قبل

و ححكى عنه

اليوم انا فى دمنهور فى بيت والدى الذى يقع بالقرب من الكاتدرائية الرئيسية و امامى ديوان عام المحافظة و سيارة المحافظ تستعد ليذهب لحضور القداس

و اقف فى تراس الشقة و ارى الامن يفرغ الشارع من السيارات و يضع حواجز لمنع دخول السيارات الى الشوارع المؤدية للكاتدرائية

و دعوت الله ان ينجينا جميعا و نزلت الى الشارع الرئيسى تحت العمارة لاجد مسيرة حاشدة خلفهاعدد كبير من سيارات الميكروباس ومئات من السيارات الخاصة و الكل يحمل لافتات تهنئة لاخوتنا المسيحيين

المسيرة كان اكثرها مسلمين

صدقونى الكل بما فيهم انا بكينا و انهمرت دموعنا من هيب المنظر

مش عارفة هل كان لازم حدث يزلزل الانفس لنشعر بحب الاخر و تقديره

مش حقول غير عيد سعيد عليكى يا مصر

حضنك دافى مهما حصل

" ربي أوزعني أن أشكر نعمتك التي أنعمت علي وعلى والدي وأن أعمل صالحا ترضاه وأصلح لي في ذريتي إني تبت اليك وإني من المسلمين "

رابط هذا التعليق
شارك
عبير يونس عضو مبتدئ

عبير يونس

بتاريخ:
بتاريخ:

كل سنة و حضرتك طيب يا أستاذ كامل

و كل سنة و كل مسيحي المحاورات بخير

كل سنة و مصر كلها بخير

:give_rose:

أعد شحن طاقتك

حدد وجهتك

و اطلق قواك

رابط هذا التعليق
شارك
أسد عضو جديد

أسد

بتاريخ:
بتاريخ:

كامل

كل سنة وانت طيب وبألف خير

عيد ميلاد مجيد

في القصص الرومانسية القديمة .. يكتب المحب رسالة حب .. ويضعها في زجاجة .. ويرمي الزجاجة في البحر .. لا يهم من سيقرأها .. لا يهم هل ستصل إلي حبيبته أم لا .. بل كل المهم .. أنه يحبها ..
وتاني .. تاني .. تاني .. بنحبك يامصر .. ...

 

1191_194557_1263789736.jpg


‎"إعلم أنك إذا أنزلت نفسك دون المنزلة التي تستحقها ، لن يرفعك الناس إليها ، بل أغلب الظن أنهم يدفعونك عما هو دونها أيضا ويزحزحونك إلى ماهو وراءها لأن التزاحم على طيبات الحياة شديد"

(من أقوال المازني في كتب حصاد الهشيم)
 

رابط هذا التعليق
شارك
عصام عضو جديد

عصام

بتاريخ:
بتاريخ:

كل سنة وانت طيب يا كامل وكل المسيحيين الأرثوذوكس

وعلى أد ما اللى حصل دا وجعنى، على أد ما انا مطمن طول ما لسا فيه ناس بتفكر بأسلوبك وبترى الأمور العقائدية بعنيك

ربنا يحمى مصر ويكفيها شر اللى جاى من ناحية الشرق ....

والغرب كمان

[وسط]!Question everything

[/وسط]

رابط هذا التعليق
شارك
om marawan عضو جديد

om marawan

بتاريخ:
بتاريخ:

كل عام وحضرتك بخير

كل عام وكل مسيحيي المحاورات ومسيحيي مصر بخير

خالص تهانينا وامنياتنا وأصدق دعواتنا بعام جديد سعيد

مهما بدأ العيد باحزان

لكن عمرنا ماهنفقد الامل فى حقنا كلنا فى الفرحة والأمان طول مافيه ناس قلوبها على بعضها

اخوات على ارض واحدة وبلد واحدة مهما حتى كنا متغربين

لكن برضه مصريين :clappingrose:

قلوبنا مع المحزونين وربنا يخفف عنكم

استاذ كامل

زمزمية الامل عمرها ماتخلص

هاتها واملاها من كل القلوب اللى مليانة مودة فى مصر وهتلاقي مش ممكن تجيها نقطة يأس :give_rose:

يا بخت من يقدر يقول

واللي ف ضميره يطلَّعه

يا بخت من يقدر يفضفض بالكلام

وكل واحد يسمعه

يقف في وسط الناس ويصرخ : آه يا ناس

ولا ملام

ييجى الطبيب يحكي له ع اللي بيوجعه

يكشف مكان الجرح ويحط الدوا

ولو انكوى

يقدر ينوح

وأنا اللي مليان بالجروح

ما اقدرش أقول

ما اقدرش أبوح

والسهم يسكن صدري ماقدرش أنزعه

صلاح جاهين

رابط هذا التعليق
شارك
The Sun عضو جديد

The Sun

بتاريخ:
بتاريخ:

كل عام ومصر بخير

كل عام ومسيحيى مصر بخير

كل عام وحضرتك بخير وعيد سعيد علينا جميعا

استاذ كامل

زمزمية الامل عمرها ماتخلص

هاتها واملاها من كل القلوب اللى مليانة مودة فى مصر وهتلاقي مش ممكن تجيها نقطة يأس :give_rose:

رابط هذا التعليق
شارك
إبن مصر عضو جديد

إبن مصر

بتاريخ:
بتاريخ:

كامل...عيد ميلاد مجيد...ده جقك عليا...

كامل...اللهم هىء لك من أمرك رشدا..ده واجبى تجاهك

كامل...جسدى فداك أن كان بيدى...ده شعورى نحوك

كامل...لن يفرق بين شطرى القلب الا الموت ...هذا ما علموه لنا..

افتقدك وأفقد بسمتك فلا تدع حوادث الدنيا مهما بلغت قسوتها تجعلك تخفى بسمتك.. أو تعرض بوجهك..

عيد ميلاد مجيد تهنئه لكل مسيحى مصر..

إن ربا كفاك بالأمس ما كان.... يكفيك فى الغد ما سوف يكون

 

رابط هذا التعليق
شارك
عادل أبوزيد Rising Star

عادل أبوزيد

بتاريخ:
بتاريخ:

"إن ضحك سنى دا حيا منى ... و إن ضحك قلبى عليه العتايب"

الفاضل كامل ....كالعادة سباق بالفضل

تهنئة من القلب لكل الإخوة و الأخوات المسيحيين

مواطنين لا متفرجين


رابط هذا التعليق
شارك
Salwa عضو جديد

Salwa

بتاريخ:
بتاريخ:

natividad28jq.gif

مثلما تغنت الملائكة في السماء ليلة ميلاد السيد المسيح له المجد ... أردد معكم أخوتي المسيحيين الأعزاء نفس الكلمات ....

المجد لله في العلى و على الارض السلام وفي الناس المسرة

أرق امنياتي الي مسيحيي مصر الأرثوذكس بعيد ميلاد مليء بالمودة و التسامح ... مليء بتعاليم تركها لنا تغسل القلب من الأحزان و تملأ النفوس بالمحبة فقط ...

المجد لله فى الأعالى وعلى الأرض السلام وفى الناس المسرة .

ورغم اشياء كثيرة تعتمل فى صدرى ...ورغم توجيه خطابك (( الذى يحمل بين طياته كل انواع الألم ان كان للألم انواع ..!!!)) ورغم تحديدك لأول مرة (( لمن توجه التهنئة )) ...ولأول مرة لاتقول ...كل سنة وكلنا طيبين...

ورغم براءتى ...وبراءتنا ....براءة الذئب من دم ابن يعقوب ...

فاننى اردد معك..( وعلى الأرض السلام ) و..وبالرغم من انك حتى ..تنأى بنفسك عن الاقتراب منا..!!!و..بالرغم من عدم ردك او حوارك ..او حتى تجعلنا نسمع صوت بكاءك وننهنه معك على ( مصرنا التى تضيع وشبابنا المصرى الذى اغتيل ) بالرغم من كل هذا وازيد ان اردت (( الكثير )) ..اردد معك...( المجد لله فى الاعالى )

وبالرغم من انى ...(( مسلمة اسلام حق ينادى ايضا بالمحبة والسلام )) وبالرغم من انى ارى ...اصابع الاتهام توجه لكل من يدين بدينى ..وبالرغم من احساسى بكل الألم والوجع ..

فاننى اتوجه لك (( المجد لله فى الاعالى وعلى الأرض السلام وبالناس المسرة ))..

اعتكف ياكامل ...ابك ياكامل ...عد الى اسمك الأصلى واصرخ انا مسيحى واسمى كامل ...تقوقع ...اصمت...

فجر البركان صمتااااا....لن تغير طبعك ابدااا .

لم يخدعك صاحبك ياكامل ...لم يخدعك .

و...

سوف تدق الأجراس غدااا ..واليوم ليلا .

تعلن ميلادا جديدا ..

ودائما ..يأتى الميلاد الجديد بكل جديد ..

ياصاحبى ..لم احمل سلاحا ابدااا ..

قل لى بالله عليك..

كيف وجهته الى صدرك؟؟

اردد معك ..رغم انك آثرت الابتعاد..

عيد ميلاد ملئ بالمحبة والتسامح... :clappingrose: :clappingrose: :clappingrose: :clappingrose:

معذرة ياكامل ..لااستطيع ان اهنئك وكأن شيئا لم يكن .

ولهذا..اعاتبك قبلا...ثم....نهنئ انفسنا جميعا ونأمل ان يظهر الحق قريبا ونعلم ان الفاعل ...مش مصرى .

الفاعل شخص لادين له..

كل عام و انتم بخير ....

:wub: :wub: :wub:

(وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً)

[النساء : 93]

رابط هذا التعليق
شارك
لماضة مصرية جدا عضو جديد

لماضة مصرية جدا

بتاريخ:
بتاريخ:

السلام عليكم و رحمة الله و بركاته

كل اللي حيلتي زمزية أمل....كنت دايما بقف عندها كتير و بتخيل كل واحد فينا مسافر و سايب حتة من قلبه في الوطن لكن شايل علي كتفه زمزميته من الامل

كل مرة لما كنت بقراها....كأن حضرتك....كنت بتخبط عليا علي كتفي و تفكرني و تقولي....مش صعبة يا ريهام...هي زمزمية أمل.....شوية ميه....بس المياه هنا لازم تيجي من ماء القلب

القلب اللي بيصفي

القلب اللي بيحب

القلب اللي ممكن في يوم يتوجع و يتوجع اوي

بس هيعرف يسند نفسه....عشان جواه ماءه.....ماء القلب هو الامل

الليلادي...قريت

"و خلصت خلاص"

مين قال لحضرتك يعني

يبقي اكيد كل حاجة حلوة في الكون خلصت

يبقي اكيد السما هتبطل تفضل جميلة بسحابها اللي بيتغير و بيعوم من مكان لمكان

يبقي اكيد البحر هيخلص....و موجه هيبطل يشاغبنا و يشدنا من رجلينا عشان يرجعنا ليه تاني

يبقي اكيد.....قلوبنا موجوعة...ده اكيد....لكن الاكيد

القلب اللي في ويم حلم بزمزية الامل و شالها بين الضلوع.....القلب اللي بيقدر يحب....لساله شايل جواه طاقة تكفي الكون بحاله

لسه فيه خير

لسه مصدقة

و مصدقة أوي كمان

لان ربنا بيبعتلنا إشارات حلوة اوي

رسايل ربانية.....بتقولنا الفرح بقي معجون بالحزن

بس لسه فيه فرح

ارمي نفسك في قلبك

ارمي نفسك جواك

اغسلها بروحك اللي حسينها في يوم

ماما سلوي قالت....ميلاد جديد

فيه قلوب مش لازم تتولد من جديد....هي بس محتاجة تصدق ان ماء القلب جميل...و يكفي زمزمية الامل و يفيض كمان

كل سنة و حضرتك.....استاذ كامل الجمل...و زمزمية الأمل

كل سنة و احنا بخير

كل سنة و احنا سند بعض.....عشان لما في يوم زمزمية حد فينا كبني آدم قبل اي شيء تاني تفضي نلاقي قلوب كتير حوالينا تملاها تاني

كل سنة و ايريني صاحبتي و استاذي ثروت و انتيمي بيتر و روح طنط سميحة و ووشوش كتير بتخش القلب و مش ممكن تطلع كده منه

كل سنة و احنا بخير....كل سنة و احنا الخير

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...