يا جدعان عايز أتجوز

[samehmagdy]

بصراحة كده الحياة اتغير لونها من الفواتح للغوامق،

ومن المنقرش والسادة للمضلع والكروهات،

ولم تعد حلوة كما كانت، طلع فى دماغى إن الجواز حياة تانية، والتفكير فيه متعة،

والاستعداد له حلو بطعم العسل،

وبصراحه بقى عايز عروسة متعلمة، وفاهمة الدنيا ماشية إزاى،

تعرف تطبخ، ومدبرة، وكمان تذاكر للعيال،

وتاخد بالها منى، ومن أمى،

وتكون بنت حلال عايزة تعيش وتعمر،

وماتكونش رغاية، وكمان تحب الكورة وزملكاوية!

علشان أنا أهلاوى!!

وتكون جذابة وبسيطة فى كلامها وتعبيراتها..

أريدها أماً وأختاً وزوجة وصديقة دافئة وحنونة..

ولا أريدها أن تحدثنى عن حديد عز.. ولا تحدثنى عن الانتخابات والحزب والتغيير ونظيف..

ولا عن الطوابير وفاتورة الكهرباء.. ولا عن سحابة الدخان وفيروس سى ومرضى السرطان،

ولا تحدثنى عن بيع البلد.. أريدها بنت مصرية بلدية ما جابتهاش ولادة..

وأهم حاجة تكون بتصلى وتصوم وعارفة دينها!!

فجأة سمعت صوتاً كالرعد خرم طبلة ودنى بيصرخ ويقول: «إيه يا عم أنت بتستعبط!! انا مجرد جنى وانت بتطلب المستحيل!! ومافيش شبيك ولا لبيك ويلا غور بقى من هنا».. صحيت من النوم مفزوع وريقى ناشف.. حد ياكل كشرى الساعة تلاتة بالليل وينام؟!

[تامر مصطفى]

الله يرحمك يا سامح

مجرد الحلم بالزوجة التانية سبب كافي للانتقام منك

معنى انك حلمت يعني الموضوع دار في مخك قبل كده

تحب نعملك العزا فين؟؟

[samehmagdy]

والله ما انا يا عم دول هما

دا انا حتى زملكاوى وصحاب الحلم اهلاوى

اهو يستاهل اللى هيحصله بقى

[عطر الجنة]

عفريت كان عنده حق و كويس انها رسية على طبلة الودن

كان ممكن تطلب لبن العصفور اسهل

عقدت العفريت فى عيشته

تحياتى

[moory]

القصة دي فكرتني بنكتة

واحد مراته وحشه جدااااااااا كان ماشى فى الشارع لقى خاتم سليمان دعكه

طلعله العفريت قاله نفسك فى ايه قاله عايز عربيه مرسيدس...

قاله لا انا ولا اديلك الصحه ولا راحه البال ولا العربيات

قاله طيب عايز مراتى تبقى حلوه قوى

قاله طيب معاك صوره ليها

قاله اه

العفريت شاف الصوره لقاها وحشه جدا

اداله الصوره وقاله عايز العربيه لونها ايه؟

[mekkawy]

السلام عليكم و رحمة الله و بركاته

أخويا سامح

و الله شوف يا ابن الناس اطيبين .. هو مفيش حلاوة من غير نار .. بس في نار بتلسع و نار بتحرق و نار بتقتل و نار بتدفي !!

العروسة اللي انت كتبت مواصفتها دي موجودة بس مش عند العفريت ابن الايه ده .. لأ موجودة عند الملك سبحانه .. الحقيقة كنت بأفكر

ليه في ناس تعيسة في جوازها .. من الأسباب ان عشان اختياره كان غلط .. طب كان غلط ليه ... عشان أصلاً المقاييس كانت غلط .. مقاييس الاختيار و مقاييس الطلب !!

اطلب يا عم عروسة بكل ما في نفسك من حاجات بس تطلب من مين هو ده السؤال ؟!!

و الله أنا متأكد مليون في المية لو الواحد طلب أفظع و أجمل و أكثر عروسة خيال علمي مش موجودة على وجه الأرض في حد علمنا .. لكنه طلبها من ربنا .. أنا متأكد انه ربنا هيجبهاله و لو مش موجودة هيخلقهاله .. بس ادفع يا حلو

الثمن سهل جداً .. الدعـــــــــاء و التضرع لله بالأمر ده

التقوى في السر و العلن - قدر المستطاع

شوفتوا بسيطة ازاي

و اللي فهمته أنك متجوز يا أخويا سامح .. يعني ربنا يعينك لو الموضوع ده اتشاف يا معلم .. هتوحشنا يا سموحة

مكاوى

[مصطفى يونس]

ياباشا طلبك عند الموقع ده

http://www.alafaf.net/

ودور بقى براحتك

[قلب ابيض]

يا ليله كووووووبيا يا ولااااااااد

سامح عايتجوز على مرته ؟؟؟؟؟

ما عفريت الا بنى ادام يا ابواحمد....انت هاتطلع اللى جواك وتلبسها فى العفريت

ثم انك بقى عندك كل اللى العفريت ما يقدرش عليه ...غيرشى البنى ادام عينه .....واسعه وعسليه ;)

انت اول ما قلت اهلاويه قلت الحمد لله دى اكيد الكاميرا الخفيه بتاعت المحاورات

وعلى رأى مكاوى ما يقدر عالقدره الا ربنا ....قولوا يارب وهو الرزاق

بس انت يا ساااامح لاء ....قول يارب اجوز احمد وبس smk: bv:-

[samehmagdy]

mekkawy

جزاك الله كل خير يا باشا

smk: ولعلمك احنا مبنخفش من حد غير اللى خلقنا احنا رجاله اوى

بينى وبينك انا واخد اذن كتابى من مراتى قبل ما انشر الموضوع دى من خاف gsp_)

سلم يا عم

ماما قلب ابيض

انتى تعرفى عنى انا كده برضه

دا موضوع عجبنى بس بيحكى عن امنيه كل شاب فى مواصفات البنت اللى نفسه يتجوزها مش اكتر

انما انا فالحمد لله فربنا رزقنى باكتر بكتير من المواصفات دى

وبعدين انا حاطط دليل برائتى لما قلت ان العريس اهلاوى بس انا زملكاوى الجريمه لا تفيد

مصطفى يونس

يا باشا عقبال ما نجملك فى الافراح كده ان شاء الله

والله ما قصرت

صاحب واجب والله ;)

moory

ههههههههههه حلوه النكته دى

العفاريت اتغيرت مبقتش زى زمان مفيش لياقه :old:

عطر الجنة

شكرا على مرروك الكريم وبعدين العفريت هو اللى مش من مصر

ولا انتى مع كلام العفريت