يا قصص عم تكتب اسمينا

[لماضة مصرية جدا]

السلام عليكم و رحمة الله و بركاته

عارفة يا دريمي قريت القصة بتاعتك امبارح....و نمت

و صحيت النهاردة و عندي فكرة عايزة اخبط عليكي بيها

عارفة يا دريمي

انتي اتكلمتي عن "سارق الفرح"...."سارق الحلم"

و ذكرتي ان الشيخ...او ما عرفناه اصطلاحا...هذا الشخص....هو من يصنف بأنه "سارق الفرح"....او "سارق الحلم"

عارفة يا دريمي....في مرحلة ما من العبادة....من الرحلة للقرب من الله....لازم يحصلك كده....و لازم تلاقي نفسك لااراديا...بتقفي مع نفسك و تتاملي في الموضوع...و تطرحي كل تساؤلاتك....ليه....طب ايه الحل..؟؟

عارفة خليني اقولك....انه كان لازم يحصل كده.....و متزعليش علي ال "7 سنين".....انتي مش شايفة في الرقم دلالة

مش سورة يوسف "سبع سنين عجاف"....يأتي بعدها سبع سنين ياكل منها الناس و يشربون..... و ان كنت اري ان حفظك للقران في السبع سنين دول هما الثمرة الرائعة اللي بنغبطك عليها ماشاء الله

اعتبري السبع سنين دولم كانوا مرحلة الصهر....

مرحلة التشكيل....

مرحلة التربية الايمانية

لان اكيد ربنا هيسخرك في عمل اكبر.....

و كان لازم تستعدي ليه

و عشان تستعدي ليه....

كان لازم صدمتك تيجي في شخص....و شخص قريب كمان....بكلمك و بكلم نفسي علي فكرة

انتي اتصدمتي في شخص كنت بتشوفيه مثال للاقتداء

و انا بتصدم في اشخاص بفتكرهم اسباب للقرب

بقيت افرح بالصدمات.....لانها بقت تكشف المعدن اللي جوه اوي....و اللي عينيكي لانها متغمية عن رؤية كل قبيح....مكنتشي هتلقطه...غير بفعل عنيف.....زي الصدمة

بقيت بفرح بالصدمات برضه ....لانها بتفكرني ان تعلقي....و ثقتي مش ممكن احطها في بني آدم؟؟؟ قد يخطيء و قد يصيب...و قدينصاع في اوقات كثيرة هوي نفسه

الصدمة....و سارق الفرح.....كانت لاننا حطينا الحلم في غير محله....لكن مكنتشي في الحلم ذاته

مش يمكن ربنا بياخدك للمرحلة اللي بعدها....السبع سنين الي تلي السبع العجاف...

مش يمكن انتي كده بقيتي اكثر استعداد....انك تحملي الحلم اللي ربنا سخرك ليه و تخرجي بره دايرة المكان....لبراح الكون الواسع بفضل الله

مش يمكن.....الصدمة كانت مقصودة....عشان تتيقني ان حلمك كان صح....تثبتي عليه....و تدافعي عنه....و تعلقيه بحبال الله....مش بحبال و اهواء شخص تاني فاني

الحلم....."طاعة الله"....صدقيني عمر ما حد....هيقدر يسرقه منك....بالعكس...ده هتلاقيه الحلم المتجدد اللي مبتشبعيش من ملامحه كل ما تعدي عليكي مش بس سبع سنين.....لا العمر كله

دي فكرتي.....و دعائي ليكي....انك تفضلي تحلمي...و تحققي....."حلم الطاعة"

صباحك....نور ربنا اللي مالي الكون

[لماضة مصرية جدا]

ياساري مافيناش مالكروته

حتعمل زي ناس مخبيين كل حاجه انت عارف ,,

حقول لمين يعمل ايه ههههه :happy:

يا اداره

يا اداره

عنديكوش حبر سري ؟؟

اصل الشيزلونج مغري

لو مددت جسمي عليه

حاجه من اتنين

يا حروح في النوم

يا

,,

,,

يا حطير من عينيهم النوم !!

السلام عليكم و رحمة الله و بركاته

يا استاذي اركتيكت

اركيتيت يا استاذي

استاذي يا اركتيكت

و عهد الله....انا تعبت....و جالي استبحس في الموخيخ.....مع حولان في حواجبي الاتنين

يا استاذي انزل بالقصة......انت قاعد من انبارح.....عمال تهندس ع الشيزلونج.....بس لغاية دلوقتي مسمعناشي قصة

ممكن حضرتك تفضفض....و تسيب نفسك كدهون....و نوعدك....بعدها باذن الله هتحس بانتعاش فزززززيع

بس احكي بقي...و فضفض الله يكرمك....(وش طفل خلقه ضيق اوي....و عمال يفرك في صوابع رجليه)

استاذ الساري

همنغواي....في تربته.....بيسلم عليك و بيقولك

الهي يا ابني يطعمك ما يحرمك.....و يديك علي اد نيتك....و يفتحها في وشك....و يراضيك....(وش اي طفل من اطفال الشوارع بيشحت و ماسك في كم الزوكتة و مش راضي يسيبها)

انا مفهمتش حاجة.....بس بحاول اسرح....و اتخيل.....(طب ما الاسهل تجحكوا علي طول يعني...اما عجايب)

ع جنب بقي

انا ملاحظة تفوق العنصر النسائي ع فكرة في الوضوح و الشفافية.....في حين ان العنصر الرجالي....لازال متمسك بالحكمة القائلة...."دوخيني يا لمونة"

بس خلاص

صباحكم.....بساطة المفردات.....عشان هي الحياة ابسط مما نتخيل

[باهى الطائر الحزين]

السلام.. السلام

على من اتبع الهدى القوام

بلا مقدمات هدخل فى الموضوع الذى من اثارنى ولهذا انا أت

الانسان بضع حنان.. وبسمات.. وحديث..وأهات.. وسكات

اذا لم نستشعر الالم.. كيف نستسيغ الفرح.. والضحكات

كامل احترامى.. علمتى التجارب.. ان افتح قلبى على الغارب

لكل من اهدانى ورده.. او وهبنى بسمه سُقيا على شدقه

وسأتقبله ومهما كان طبعه.. كما اتمنى ان يفيض على من نبعه

انا فى الاصل.. انسان.. ولست للانسان.. فى داخلى بمحارب

الاقدار تسطر الحكايا.. وليست انامل كاتب..بلاها فلسفات

للذاهب والات.. عش الحياه كما قدرها (الالاه)

واتركها على ( الله ) حلواً ومراً..واتركها ( لله )

السيدات الفاضلات : بلاها فلسفات.. بلاها فلسفات

كامل احترامى للجمع الراقى.. والى التلاقى

السلام السلام واحسبنا امانات عند (الباقى)

[hOuSsAm]

سلام عليكم

هى الناس نامت ليه مع ان التوبك حلو

القصة المرة دى مش بتاعتى ولا انا طرف فيها بس بتنور معايا معانى وافكار بستخدمها للمستقبل

كان طفل عنده 10 سنوات ولكن ليس كغيره من الاطفال

يكبرهم من حيث الذكاء والحضور والتفوق الدراسى

كان فى السن ده قائد - هو اللى بيحرك زملاته وهو اللى بيقومهم ويقعدهم

لو هيلعبوا هو اللى يبادر ولو هيذاكروا بردوا هو اللى يبادر

المرحلة الابتدائية كاملة الاول على مدينته بالكامل التى تحوى عشرات المدارس (فيه ترتيب على محافظته)

امين الاتحاد بالمدرسة

مسئول الاذاعة

مشارك فى كافة النشاطات

سريع

ذكى

محبوب

حافظ قران

مشهور ومعروف فى وسط جيله

يتمنى المدرسون التدريس له

المرحلة الاعدادية نفس نمط المرحلة الابتدائية (يعنى مش ضربة حظ ولا هو تفوق سنة وخلاص)

اتعجب من اين ياتى التفوق مثل هذا

خلق عبقرى او نابغة؟

تربية والده ووالدته (سلك تربية وتعليم)؟

البيئة المحيطة؟

كل ماسبق الله اعلم؟

وتمر الايام ولكن فى الثانوية العامة يحدث ما لايحمد عقباه (الاول انا كنت مرشح للولد ده لانى متابعه من زمان انه يبقى ستاف جامعة فى كلية طب)

مجموع تعبان جدا (وكان علمى علوم) مش عارف اد ايه بس كانت النتيجة انه حول ادبى

فى سنة تالتة مجموع اسوا من ذى قبل

النتيجة كلية تجارة انتساب (لم اياس من هذا الطالب الممتاز فتوقعت نفس استاف الجامعة بس بدل طب هتبقى تجارة)

سجاير وقلة ادب

شلة تعبانة

بجاحة وغرور

عدم احترام للاسرة

اهمال فى الدراسة

سقوط سنتين متتاليتين فى اولى وفصل من الكلية

التحويل لكلية اداب

وصفحة جديدة

المفروض الشلة اتغيرت لانهم سلكوا طريقهم

سقوط سنتين متتاليتين فى كلية اداب وفصل

(انا مش فاكر الفصل بعد سنتين سقوط ولا تلاتة بس النتيجة واحدة)

التحويل معهد فنى تجارى والعمل كبائع فى احدى المحلات

مع استمرار نفس السلوكيات الخاطئة

لا يجود هدف او طموح محدد

مستقبل ضائع او يمكن يكون تائه

اصدقاء الطفولة الاقل منه ذكاء وتفوقا (مستواهم المتوسط) اصبحوا الان ظباط - اطباء - ستاف جامعة - منهم ستاف جامعة وخلص الماستر - ناس عندهم شركات - ناس فى الخليج ماسكين مراكز محترمة - ناس اسسوا بيوتهم وعندهم اطفال. ,,,,,,, وهو مازال يلملم اوراق الدراسة (فى اول او تانى سنة دراسية)

وكلهم كانوا اقل منه مستوى (بدون مبالغة) وكلهم كانوا يتمنوا انا يصبحوا 70 % من ذكائه

القصة منتهتش لحد كدة بس دى التفاصيل اللى انا متابعها لحد دلوقتى

المعانى وصلت

بس نيجى للدروس المستفادة

1- النجاح يحتاج مجهود مستمر ولا نهاية للعمل

2- الذكاء فقط لا يؤدى للنجاح ولكن يحتاج للمجهود معه

3- اصدقاء السوء,, اصدقاء السوء,, اصدقاء السوء,, اصدقاء السوء,,,,,, خلى بالكوا منهم اوى

4- الغرور ممكن يضيع مجهود السنين

5- سعات بشم فى الموضوع ده بالذات حتة الحسد,,,,,,,, بس مش عايز اشيله المسئولية كلها

6- التربية عليها دور اساسى (كنت بسمع انه كان بيتضرب كتير..... ممكن ده جه فى وقت معين وعايز ينطلق)

7- الفشل فى تحقيق هدف معين ليس نهاية الطريق ولكن الاستمرار فى الفشل وتقبله هو نهاية الطريق

8- لتحقيق النجاح يجب ان تختار ما يناسبك وليس ما يريده الاخرون

من الحجات اللى بتضايقنى جدا لما حد يبقى متفوق وتعب سنين وفى يوم وليلة تلاقيه غير المسار واستغنى عن التفوق واتجه للفشل

المشكلة ان فشله بياثر على اطراف اخرى - اسرته - اصدقائه

تحياتى للجميع

[Dreamwithme]

السلام عليكم ورحمة الله وبركاته

أستاذ حسام متشكرين جدا أنك صحيت التوبيك الجميل ده من النوم

ومتشكرين مرة ثانية علي القصة الجميلة اللي كتبتها......

طبعا مش هأختلف مع حضرتك خالص علي الدروس المستفادة اللي حضرتك كتبتها

بس هي خلتني أفكر في حاجات تانية برضه أن الأبحاث والدراسات النفسية بتؤكد أن الطفل المتفوق في سنين دراسته الأولي

غالبا عندما يكبر بيفشل أو علي أقل تقدير بيكون غير مؤثر في المجتمع ......معلومة غريبة صراحة وأول ما سمعتها مصدقتش

بس حاولت أكون مرنة وأتأملها كده ياتري ده بيبقي عيب في نظام الدراسة ولا التربية ولا أيه؟

القصة اللي حضرتك حكيتها كل التغيرات اللي حصلت في حياة الشاب ده كانت في سنين المراهقة يعني في وجهة نظري بداية ظهور شخصيته الحقيقية التي تكونت خلال السنين الماضية

وبداية دخول مؤثرات أخري وأهمها الأصدقاء.....يعني لو كان البنا متين من جوا خلال السنين الأولي كان تحمل فترة المراهقة وتقلبتها لكن أعتقد

أن الشاب كان مفتقد للتربية الصحيحة وأقصد هنا بالتربية تكوين الشخصية اللي يستطيع بها بعد ذلك أن يواجه الحياة بمفرده بدون حماية الأهل

التربية مش مجرد أن الولد يعمل الواجب ويحفظ القرآن ويأكل ويشرب .....لا في دماغ بتتكون وشخصية بتتشكل عشان بعد كده هو هيتحمل مسئولية نفسه

خاصة أن غالبا مرحلة ثانوي دي بتكون المرحلة اللي بيبدأ فيها الطالب الاعتماد علي نفسه في المذاكرة بعيدا عن الاعتماد علي الأب والأم زي ابتدائي

مرة تانية أستاذي شكرا علي القصة والدروس وشكرا جزيلا علي إحياء الموضوع مرة أخري