وسام محاورات المصريين للتألق من الطبقة الأولى - الوردي

[akramgroup]

اه صحيح انا نسيت لما كنت بادلى بصوتى

مدام قلب ابيض وزى الفل

[اغابي]

يا خبررررررررررررررررررررر

ازاى انسي ازاى

ازاى

ازاى

ادخل باى رجل تانى توبيك مغتربي الكويت - اودى وشي منهم فين

انا برشح

ماما قلب ابيض

ازاى انساكى

ازاى

[رضوي]

السلام عليكم ورحمة الله وبركاته

بصراحة الترشيحات كتير اوي

كلكن ف قلبي بجد

بس من وجهه نظري اللي يسحقوا الوسام دة :

- مغتربة

- قلب أبيض

- مصرية متغربة

- شيكو

- أم مروان ( يارب ترجع تشارك تاني )

- ذهبية ( برده هي كمان مختفية اوي )

- هند علي

- ريمو

- أغابي

- دامو

- لماضة

- دريم وز مي

- المهندسة

الترشيحات كتير اوي ........ ومش هقدر اقولهم كلهم

تحياتي

[MaYousof]

الأعضاء الكرام,

شكرا لتفاعلكم وترشيحاتكم التي تنم دون أدنى شك عن مدى تميز الكثير من عضوات المحاورات واستحقاق العديد منهن لوسام التألق.

باب الترشيحات مفتوح حتى يوم السبت 25 ديسمبر الساعة 10 مساءا بتوقيت القاهرة, سيتم بعدها إغلاق باب الترشيحات وسيطرح استفتاء لمدة أربع أيام على أكثر 3 عضوات تم ترشيح أسمائهن ليتم إعلان إسم العضوة الفائزة بوسام محاورات المصريين للتألق من الطبقة الأولى يوم 29 ديسمبر مساءا.

يرجى ملاحظة أنه:

- يمكن ترشيح أسماء المشرفات بصفتهن عضوات

- لا يوجد عدد محدد للأسماء المطروحة للترشيح

ولكم جزيل الشكر.

الإدارة

[لماضة مصرية جدا]

السلام عليكم و رحمة الله و بركاته

قرار جمهوري....بالتنحي عن موقفي السلمي في الانتخابات

قرار جمهوري.....عشان نبقي مواطن ايجابي....و محاور ايجابي...و حاجات ايجابية كدهون فوق بعضيها

قرار جمهوري.....بالاستقلال التام او الموت الزؤام...(وش اي حد لابس طربوش و متشال ع الكتف و كمان شوية هيهبدوه ع الارض)

انا بحب ارشح

ماما سلوي

:waving: :waving: :waving:

[لماضة مصرية جدا]

السلام عليكم و رحمة الله و بركاته

من مقعي هذا امام الصناديق الانتخابية الشفاااااااافة

احب اشكر استاذ اركتيكاوي...و مايوسفاوي

ع المجهود الرائع بتاع الالوان الزوحلقية و الفوحلقية اللي عملينها فوق ديت

هو انا كنت لسه هخش و اقول هل ممكن.....ممكن هل.....ينفع نعمله تاج كدهون و نازل زنه تلج....علي اساس يعني ان العضواية اللي هتاخد الوسام يبقي فوق اسمها و يبقي حبات التلج نازلة فوق الاسم

طبعا انا متخيلة انطباع وش حضراتكم دلوقتي اللي مش هيختلف كتير عن زعيق متواصل بسمعه علي فترات متقطعة عشان "ارتب المزرعة اللي انا ببرطع فيها"

انا بس حبيت افكر معاكم....و ممكن برضه نحط موسيقي كدهون...يعني اللي يضغط ع الوسام نلاقيه رش ميه....قصدي....عمل موسيقي حلوة

يعني دي كان شوية فكاكير كده....و شكرا لبلتة الوان حضراتكم....و يجعله عامر

صباحكم....آن آن آآآآآآآآآآآآآآآآآآآآآآىن تش......(ده وصت الموسيقي التصويرية بتاع الترقب و كدده عشان نعرف النتايج)

[جسار]

بصراحة كده كلكم حلوين وكلكم طعمين ... محتار اكتب مين و ألا اقلش مين

قلب ابيض زى الفل

اغابى الرومانسيه

لماضة مصريه وعلى حق

مصرية متغربه وربنا يفك غربتها

متغربه اختها

هند على أبو اسكندر

ذهبيه ..والاسم على مسمى

ضحى بلدياتى بلد الاونطه

شيكو عبقرينو

ولكنى وبحق اللى باتلهف على مشاركاتها واستمتع بحواراتها الفريده هى :

جويريه

................

[عبير يونس]

اولا موافقة على اقتراح ريمو هانم

اعمله بينك يا جو لو سمحت:wub:

الاسماء :

مغتربة

لولا

ماما سلوى

لماضة

أغابي

زهرة الجبل

أم مروان ( بس ترجع تشارك زي زمان)

قلب أبيض

هند على

مصراوية

المهندسة

ريمو

شيكو

رضوى

ضحى

يا خبر ابيض

هو انا ماكتبتش اسم

دريم ويذ مي

دي مش تستحق وسام تألق

دي هي التألق نفسه

استطاعت في فترة قصيرة أن تكسب قلوبنا كلنا

و تلفت انظارنا رغم هدوءها و رقتها الظاهرين جدا

بجد كنت حأزعل من نفسي اوي

لو كانت المسابقة عدت و انا نسيت اكتب اسمها

:blush2:

[Alrefaey]

مغتربة

ضحى

مصرية متغربة

والباقى فيهم الخير والبركة بردة

[قلب ابيض]

بجد بجد وبدون مجامله ولا تأثير او ضغط باى شكل ما على حد

صدقونى انا خلاااااااص

اخدت الوسام

مش على اسمى ولا على صدرى ...

انا خدته فى قلبى

الى كل حد افتكر اسمى او ذكرنى

حتى لو كان اقل عدد ممكن من الاعضاء

بحبكم كلكم فى الله

ربنا يسعدكم بمقدار ما اسعدتمونى ولو للحظات

والى كل العضوات المحترمات كلكن اوسمه فى قلب المحاورات

بكم وبكن تتألق المحاورات حب وثقافه واخوه

بجد ....شكرا يا محاورات المصريين على لم شملنا

[جويرية]

الله يخليك يا استاذ جسار ربنا يجبر بخاطرك :) ترشيحك ده تكريم ليه

انا طول عمري منسية في المنتديات ، زي ما انا منسية في الدنيا

ولا ألاقي اسمي في اي تكريم ولا في مواضيع نفتقد بعض الأخوة ، و ادخل منتدي زي ما اخرج محدش يسأل عني ، ولا مرة مواضيعي تتحط في المواضيع المميزة او تتثبت

دخلت هنا الموضوع ده كتير ملقتش حد جاب اسمي ، مع ان مشاركاتي عدت ال 1500

أشكرك

[اغابي]

الله يخليك يا استاذ جسار ربنا يجبر بخاطرك :) ترشيحك ده تكريم ليه

انا طول عمري منسية في المنتديات ، زي ما انا منسية في الدنيا

ولا ألاقي اسمي في اي تكريم ولا في مواضيع نفتقد بعض الأخوة ، و ادخل منتدي زي ما اخرج محدش يسأل عني ، ولا مرة مواضيعي تتحط في المواضيع المميزة او تتثبت

دخلت هنا الموضوع ده كتير ملقتش حد جاب اسمي ، مع ان مشاركاتي عدت ال 1500

أشكرك

لالالالا ما تقوليش كدا يا جويرية انت غالية علينا جدا هنا - انا عن نفسي بحب كل مشاركاتك وبتابعها

بس انت حساسة شوية

- صدقيني انتى مميزة وكلنا بنحبك وكلنا مش بنفوت اى حرف تكتبيه بجد وما تاخديش ابدا الترشيح هنا مقياس للمحبة

او غيره داه موضوع بسيط يا بنتى صدقيني حتى انا بحس لما ادخله انى فى دعوة للابتسام او ان بلعب بريلة بريلة بريلله هههههههههه

كمان يا جويرية لو اخدنا وزعلنا على اللى ما رشحونيش يبقى حازعل من ناس كتير مع انى عارفة انهم بيحبونى بس يمكن وقتها ما خدوش بالهم او مثلا

كتاباتى مش مناسبة اراؤهم وبرضوه دى عمرها ما تزعلنى او تزعلك - عادى يعنى اصلا الموضوع بسيط اوى ولا له اى علاقة بالمحبة ولا النسيان

و ناس كتير من اللى رشحونى انا ما رشحتهمش خالص حاجة تكسف صراحة هههههههههه وهما عارفين انا بعزهم جدا

وفى ناس انا رشحتهم وهما ما رشحونيش عادى جدا - مواقف بسيطة وما تتحسبش بالشكل داه

صدقيني اللى يضحكك ان فى ناس هنا صديقاتى جدا وما رشحتنيش وعلى المستوى الشخصي احنا اصدقاء اوى و مش معنى كدا انهم ناسيني

لالالالالالالالالالالالالا طريقة التفكير دي غلط

شيليها من دماغك خالص - وما تخديش اى موقف بحساسية

جويريه

جويرية

انا بحبك اوى اوى

تم تعديل 25 ديسمبر 2010 بواسطة اغابي

[م تيمور المراغي]

.............

انا طول عمري منسية في المنتديات ، زي ما انا منسية في الدنيا

...............

لو اخدتي الوسام يا جويريه ,, حتعملي ايه بعدها ؟

انا من رأي انه مسئوليه ادبيه تقيله على صاحبته

يعني حيكون تكليف اكثر منه تشريف ,,

ناويه تعملي ايه بعد كده ؟

برنامجك ايه ؟

[Om Zayd]

حبيبتي جويرية .. محدش يقدر ينساكِ

مداخلاتك لها شخصية مميزة جدا

في اسامي كثير بحبهم و ما كتبتهمش

و ناس أعتز بصداقتها جدا

أحبك في الله

[جويرية]

شكرا يا اغابي انتي انسانة ذوق و لطيفة جدا

وانا كمان بحبك عشان انتي بتفكريني بنيفين صاحبتي

انا بحب كل المسيحيين عشان بحب نيفين صاحبتي

و اول مرة اعرف معني كلمة اغابي كان من نيفين قالتلي ان معناها محبة و ان الله محبة

اختي ام زايد

احبك الذي احببتني فيه

و أنتي برضو من الناس اللي بتعجبني أرائها

ربنا يديم الود بينا

باشمهندس أرتيكت

ممكن مزعلش من الأخوة الأعضاء لأني غبت عن المنتدي فترة وفيه ناس مش عارفاني

لكن الأخوة المشرفين

اظن ان طريقة تقييمهم تبقي مختلفة

اظن ان ملاحظ ان عدد زوار مواضيعي كبير ، و اني بقدر المستطاع مش بخرج عن قواعد التعامل مع المنتديات ،

فانا مستغربة ان محدش من المشرفين كتب اسمي ، حتي لو هما مش متفقين معايا في الرأيي

تم تعديل 25 ديسمبر 2010 بواسطة جويرية

[المهندسه]

الف مبروك لكل الفائزين بالوسام واعتذر لكم عن عدم مشاركتى وذلك لانى تغيبت عن المنتدى فتره 10 ايام كامله لظروف و لم لكن اعرف بالتصويت الا الان

الف مبروك للفائزين و اشكر كل من رشحنى للحصول على الوسام .

[م تيمور المراغي]

الف مبروك لكل الفائزين بالوسام واعتذر لكم عن عدم مشاركتى وذلك لانى تغيبت عن المنتدى فتره 10 ايام كامله لظروف و لم لكن اعرف بالتصويت الا الان

الف مبروك للفائزين و اشكر كل من رشحنى للحصول على الوسام .

زميلتي العزيزه ,,

حموتك واموت البنتين واموت نفسي في الاخر هههههههه :happy:

جايه بعد 7 سنين وتهني الزميلات بالوسام !!!ربنا يكون في عونك يارب لاحول الا بالله :happy:

[المهندسه]

اعمل ايه بقه يا بشمهندس يا اخويا ...انا على طول فى غيبوبه بفوق بعد يجى خماشر تمناشر سنه كده..

ام العيال بقه :vian: :vian: