أنت... مقابل صورتك

[crossfield]

cross wrote

كإنى أعرفه من عشرين سنة...عمرى يعنى

صريحة وصادقة جدآ

:unsure: :angry: lo::

مودى

اقفل السكة cbyb:

[Cleo]

والله العظيم ده حرام وكتير كمان ... إنتي بتقومي منطورة الحروف وزي ما تيجي يا كليو ؟... يعني المفروض كلمة قبل دي تبقى قلب صح ؟.... بتفكريني بإبني عمر .. برضوا مابيقفش عند الحاجات الصغيرة دي ... س س مشرف على المعاش وهاسرح بقرص عشان خاطر ست كليو خانوم .

يا سيد س س خيرلك أن توقد شمعة بدلا من أن تلعن الظلام..

يعنى مادام حضرتك قدرت تأكسس المداخلة بتاعتى... كان ممكن يعنى تصلح الأخطاء اللى تلاقيها من سكات و تستر على اخواتك...

مش داخل تسيحلى بالخط الأحمر و خلاص...!!!

أنا مش فاهمة والله أمال معينينكو مشرفين ليه...!!!!

(وش واحد سماوى)

[DARWEEN]

cross wrote

كإنى أعرفه من عشرين سنة...عمرى يعنى

صريحة وصادقة جدآ

rs: rs: tot::

ياعم مودي ماتدقش :unsure: :angry: lo::

أنا قصدي طبعا أن كروس مزوده كام سنه على عمرها lo:: lo:: :D

ياعم أنت حتوقعنا مع الناس الكويسه ليه ... إنت عامل زي مصححين الثانويه العامه ماسك عالواحده

[DARWEEN]

طيب مادام بتتكلموا جد ... نقول لكم

طبعا صورة الأنسان في عيون الآخرين بتختلف بإختلاف ظروف تعامله مع هذا الآخر بمعنى ...

أولادي في البيت يظنوا أني أعظم أنسان في التاريخ لدرجة أنهم يظنوا أحيانا أني قادر على صنع المعجزات

زوجتي ... تعتقد أني زوج عاطفي وحنون ( هي اللي بتقول كده )

في العمل يرون أني جاد شويه زياده وعصبي

الجيران يروني أنسان منطوي ولست إجتماعي

أصدقائي ... يعني بتختلف من واحج للتاني حسب شخصيته هو .. فمنهم من يراني مرح ومنهم من يراني طيب زياده .. ومنهم من يراني أنسان يعتمد عليه في الشدائد .. ومنهم من يراني غبي .. يعني بتختلف بإختلاف موقع كل منهم من الأعراب في حياتي

[se_ Elsyed]

داروين كتب

أصدقائي ... يعني بتختلف من واحج للتاني حسب شخصيته هو

بتحج للتاني إزاي عدم اللامؤخذه ؟

قصد سعادتك إن لك صديق مريض ولا يقدر على الحركة وبالتالي فقد قمت بالحج نيابة عنه ... على العموم حج مبرور وذنب مغفور يا حاج داروين .

أنا عارف إن إنت قصدت تقول " واحد تاني " بس أنا مشيتها كده عشان سيادتك مشرف .. يعني زومل .. والمشرف لا يُخطيء .. حتى وإن اخطأ فأخطاءه هي قواعد جديدة لإثراء اللغة العربية .

أما كليو وأمثالها من مخربي اللغة فأنا لهم بالمرصاد fsh:: rs: لإستئصال شأفتهم .

[se_ Elsyed]

إعترافات ليلية rs:

أنا عندي حساسية من إن الواحد يتحدث عن صفاته بنفسه .. وبالتالي لن أفعل وذلك ببساطة لإني شايف نفسي شخصية مقندلة ومكلكعة وكل كلكيعة قد كده ( وش واحد بيعمل بإيده حبا حبا مين يجيلي ) .

ولكن كلمة حق ومن منطلق صورة الشخصية كما يراها الآخرون وبما إننا في المحاورات فسوف اتحدث عن شخصيتين بالمنتدى قابلتهم هنا في الغربة بعد ما عرفت إنهم يعملون بنفسه المدينة التي اعمل وأقيهم فيها وتعاملت معهم وجهاً لوجه وهأقول إنطباعي عنهم بصفتي الطرف الأخر ويمكن اكون صح او خطأ .

1- هاندي كرافت :

- مجتهد

- متمكن في عمله

- حساس لدرجة بتخنقني وبجد ساعات بأبقى عايز أموته بإسفكسيا الخنق ( فاكرين الموضوع بتاع محبط مش فاكر إسمه إيه اللي كان بيتكلم عن الأكلشيهات البشرية .. وأنا ذكرت مثال " الدبانة الغلسة " عن الأشخاص اللي ممكن يطبوا عليك في أي وقت وممكن يقعد نص ساعة يرن عليك عشان يكلمك وممكن يكون موضوع تافه لكن هي غلاسة وقلة إحساس والسلام .. راح صاحبنا هاندي خد الموضوع على نفسه ومن ساعتها بقى لما يعوز يكلمني يقوم رانن ربع رنة ويجري .. فسألته إنت ليه بتعمل كده وإيه نظام الميسد كول بتاع مصر ده ؟.. يقوم يقولي بكل جدية .. عشان ماتقولش عليه دبانه غلسة ..وبيقولها بتأثر مع إنه أبعد ما يكون عن هذا .

-عاطفي جداً في حياته الزوجية ومعليش يا هاندي لازم أقول على بعض الغرائب اللي بتعملها .. فممكن تتخيلوا إنه بيدخل على النت عشان يدور على محل ورد حتى لو كان في ساحل العاج عشان يبعت بوكية ورد لزوجته بالقاهرة بمناسبة عيد إستقلال ليبريا مثلاً !!!!... وهو ما اعتبره شخصياً درب من الجنون حيث إنني لا اتوقع ان أفعل ذلك شخصياً ( دي عالم فاضية يابا ) انا أفيد لي أروح أشتري حزمة جرجير أخرطها على السلطة وأقعد أكل انا وعيالي لأن السلطة مفيدة جداً للجبنة .

- متواضع جداً جداً

- يوفي بكلمته ولو على رقبته مع إنه ممكن يرجع فيها ومش هايخسر حاجة .. وده اللي خلاني أبطحه ذات مره ودماغة اتخيطت 6 غرز رجل غراب .. فعلى الرغم من إنه كان بيدور على شغل في بعض الأوقات وجاله عرضين عمل وأعطى كلمه لشركة معينة ولسه كان ما بدأش معاهم وفي نفس الوقت الشركة التانية إتصلوا به وأعطوه عرض يعادل ضعف العرض الأول بالظبط ، يقوم الأفندي يعتذر لهم لأنه اعطى للناس الاولانيين كلمة ( تقولش جواز !!! ) فلم أتمالك أعصابي ورحت ناطط في كرشه وقال لي أنا خلاص إديت كلمة يا س س وبارك الله فيما رزق ... بس بيني وبينكم طلع هو اللي صح في الأخر وربنا كرمه في تلك الشركة اللي إحترم كلمته معهم وانا كان شكلي وحش ساعتها .

- صاحب صاحبه ( زي محمد هنيدي وأشرف عبد الباقي ) عمركوا شفتوا واحد كان بقى له 3 شهور قاعد من غير شغل وتقريباً إبتدى يلم سبارس ولما عملت الحادثة في شهر فبراير يقوم جايلي يطمئن علي ويرمي لي مبلغ من المال ويروح جاري زي الاطفال الصغيرين من غير حتى ما أفوق أنا من المفاجأة مع إني لم اكن محتاج والحمد لله لأن الشركة غطت تكاليف العلاج... وكان هو بالعكس في آمس الحاجة لأي مبلغ .. المهم أنتظرت حتى تعافيت وذهبت له واعطيت له الفلوس زي ما هي .. لحد هنا كويس ... أكتشف بقى بعد 4 شهور من الموضوع إن الباشمهندس سحب عن طريق كارت الفيزا المصري بتاعه من حسابه في مصر على المكشوف وكمان إيه سحب ريالات سعودي .. وطبعاً البنوك المصرية ما تتوصاش وطالبوه برد المبلغ بالجنية المصري بالإضافة إلى تحابيش عمولات الكريدت كارد وفرق العمله طبعاً.

هو بقى ممكن يفند تلك الإنطباعت .

الشخصية التانية هو " مجرمون "

شخصية عكس ما يتبادر لذهن الكثيرين بالمنتدى فهو :

- مرح بتحفظ .

- متدين بس روش

- قليل الكلام .. يعني بيتكلم بحساب يمكن عشان هو محاسب أساساً .

- كريم جداً ... اول واحد ركب معايا الميكسوبيشي اللانسم وكان لي الشرف وبدل ما اعزمه حلف هو 100 يمين وراح عزمني عزومة ملوكي .

- غامض شويه .

- خلوق ومحترم.

- لا ينسى أصوله الريفية ويتمسك بأخلاق القرية .. على عكس ناس كثير ممكن يعمل فيها أناضولي لمجرد إن ربنا فتحها عليه ومسك له قرشين وبالتالي يتبرأ من أصله .

[فــيــروز]

-عاطفي جداً في حياته الزوجية ومعليش يا هاندي لازم أقول على بعض الغرائب اللي بتعملها .. فممكن تتخيلوا إنه بيدخل على النت عشان يدور على محل ورد حتى لو كان في ساحل العاج عشان يبعت بوكية ورد لزوجته بالقاهرة بمناسبة عيد إستقلال ليبريا مثلاً

بسم الله ما شاء الله ولا حول ولا قوة الا بالله :)

يا س.س. سيب الجدع فى حاله ربنا يهديه و يكمله بعقله rs:

[Cleo]

-عاطفي جداً في حياته الزوجية ومعليش يا هاندي لازم أقول على بعض الغرائب اللي بتعملها .. فممكن تتخيلوا إنه بيدخل على النت عشان يدور على محل ورد حتى لو كان في ساحل العاج عشان يبعت بوكية ورد لزوجته بالقاهرة بمناسبة عيد إستقلال ليبريا مثلاً

بسم الله ما شاء الله ولا حول ولا قوة الا بالله :)

يا س.س. سيب الجدع فى حاله ربنا يهديه و يكمله بعقله rs:

يهدى هاندى ولا يهدى "مين" بالظبط ؟؟؟ :)

[فــيــروز]

لا هو ما شاء الله ربنا هاديه و دعوتى كانت ان يظل على هذه الحاله الجميله .. ربنا يبارك rs:

[ابو يوسف]

شىء مثير أن نحاول رؤية أنفسنا بعيون الآخرين ..

وأكيد سنجد أشياءً تخالف الحقيقة - بدليل انخداعنا فى أشخاص حولنا .. كنا نراهم ملائكة ثم اكتشفنا أنهم شياطين !!!

النصاب مثلاً ... قد يراه الناس ألأكثر احتراماً !!

أنا يقول على بعض الاصدقاء و زملاء العمل اننى يهودى !!!!

والسبب أننى سياسى الى أبعد الحدود .. و أعرف جيدا متى أنفعل !!

متى أخوض المعركة ومتى أنسحب فى الوقت المناسب !!

يروننى هادئاً جداً ... لأننى فقط أبدو أمامهم كذلك !!

يروننى ذكياً ... لأننى أبرع فى اخفاء الجانب الغبى !! :)

قد يروننى طيباً جداً ومؤدباً لدرجة تغيظ !!

لأننى وضعت نفسى فى هذا الكادر !!

و لكن هل أنا بمثل هذه الطيبة و بمثل هذا الأدب ؟؟؟ rs: :)

الموضوع مرتبط - كما قلنا من قبل - بموضوع الاقنعة

نحن نضع قناع لكل مناسبة و قناع لكل صديق و قناع لكل وقت

أما حقيقتنا .. ووجوهنا العارية .. فلا تبدوا الا أمام أنفسنا و لا يعرفها أحد غيرنا - حتى أقرب الناس الينا ..

ولا نسمح لأى مخلوق أن يراها أو يعرفها ..

[se_ Elsyed]

من الواضح من كلام الزملاء بإن هناك صفة يُسيء فهما الآخرون وممكن ان نسميها البطء في الإندماج مع الآخر .. إذا ان هناك الكثيرون لا يندمجون مع الآخرين بسرعة ويكون هناك نوع من التحفظ في بدايات التعامل - وهو الأفضل من وجهة نظري - وبالتالي يظن الأخرون بإن هذا تعالي وتكبر وغرور ..

ولكن على العكس هناك أشخاص تراهم يندمجون مع الاخرين بسرعة عجيبة وممكن ان تتعامل مع هذا شخص لأول مرة ومع ذلك يعاملك كأنه يعرفك من زمن ويتبسط معك في الحديث ويتبادل النوادر والفكاهات .. في حين بإنك ترى بان هذه المرحلة لا تصل إليها انت إلا بعد دراسة الآخر فترة كافية .

[Cleo]

كروسفيلد:

تخفى وراء عصبيتها الشديدة و لسانها اللى زى المبرد و عينيها السوسة (هى اللى قالت :blink: ) قلبا ناصع البياض بيرسيل كولور.

ورغم مظهرها الجاد، إلا أنها تتمتع بخفة دم ولاد البلد بدرجة مذهلة و لا أحد فى الدنيا قاطبة يجعلنى أضحك حتى فى أحلك المواقف مثلها..

سرعة بديهة خرافية و ذكاء و قدرة على التحليل و ربط الأحداث تحسد عليها..

رغم الغموض الذى تحب أن تحيط نفسها به... و اللف و الدوران (حاجة تجيب دوار البحر) إلا إنها فى النهاية حقانية جدا و تببدى الحق و الخير و الجمال (حتة أفلاطون) على مصالحها الشخصية..

كريمة لحد السفه و تاخدها الكرامة جدا و تصعب عليها نفسها أوى لو حد عزمها على كباية شاى... (فعلا زبونة لقطة mfb: )

[حشيش]

كروسفيلد:

تخفى وراء عصبيتها الشديدة و لسانها اللى زى المبرد و عينيها السوسة (هى اللى قالت  :blink: ) قلبا ناصع البياض بيرسيل كولور.

ورغم مظهرها الجاد، إلا أنها تتمتع بخفة دم ولاد البلد بدرجة مذهلة و لا أحد فى الدنيا قاطبة يجعلنى أضحك حتى فى أحلك المواقف مثلها..

سرعة بديهة خرافية و ذكاء و قدرة على التحليل و ربط الأحداث تحسد  عليها..  ;) 

رغم الغموض الذى تحب أن تحيط نفسها به... و اللف و الدوران (حاجة تجيب دوار البحر) إلا إنها فى النهاية حقانية جدا و تببدى الحق و الخير و الجمال (حتة أفلاطون) على مصالحها الشخصية..

كريمة لحد السفه و تاخدها الكرامة جدا و تصعب عليها نفسها أوى لو حد عزمها على كباية شاى... (فعلا زبونة لقطة  ;) )

عقلى الباطن: باين جداً إن كليو وكروساية متفقين مع بعض  mfb: ...شغل تلات ورقات...نازلين مدح وغزل فى بعض وده طبعاً بإتفاق مسبق ....طيب أنا حكتب هنا شعر فى سى السيد وهوا مفروض حيفهم اللعبة ويلاغينى ويقول فيا كلمتين كويسين  ;) ...طبعاً لو ما فهمش حخلى سنته أسود من قرن الخروب lo::

الأخوة والأخوات الأعزاء

لعلى لم أقترب فى المنتدى من شخص أكثر من سى السيد...عهدته كريماً إلى درجة السفه...ذكياً إلى درجة الجنون...وسيماً إلى درجة الفظاعة...شجاعاً إلى درجة التهور...أنيقاً إلى درجة ال Paco Raban....روح ياشيخ ربنا يكرمك gt:

[Cleo]

كروسفيلد:

تخفى وراء عصبيتها الشديدة و لسانها اللى زى المبرد و عينيها السوسة (هى اللى قالت  rs: ) قلبا ناصع البياض بيرسيل كولور.

ورغم مظهرها الجاد، إلا أنها تتمتع بخفة دم ولاد البلد بدرجة مذهلة و لا أحد فى الدنيا قاطبة يجعلنى أضحك حتى فى أحلك المواقف مثلها..

سرعة بديهة خرافية و ذكاء و قدرة على التحليل و ربط الأحداث تحسد  عليها..   

رغم الغموض الذى تحب أن تحيط نفسها به... و اللف و الدوران (حاجة تجيب دوار البحر) إلا إنها فى النهاية حقانية جدا و تببدى الحق و الخير و الجمال (حتة أفلاطون) على مصالحها الشخصية..

كريمة لحد السفه و تاخدها الكرامة جدا و تصعب عليها نفسها أوى لو حد عزمها على كباية شاى... (فعلا زبونة لقطة  prt: )

عقلى الباطن: باين جداً إن كليو وكروساية متفقين مع بعض  rs: ...شغل تلات ورقات...نازلين مدح وغزل فى بعض وده طبعاً بإتفاق مسبق :) ....طيب أنا حكتب هنا شعر فى سى السيد وهوا مفروض حيفهم اللعبة ويلاغينى ويقول فيا كلمتين كويسين  mfb: ...طبعاً لو ما فهمش حخلى سنته أسود من قرن الخروب :)

الأخوة والأخوات الأعزاء

لعلى لم أقترب فى المنتدى من شخص أكثر من سى السيد...عهدته كريماً إلى درجة السفه...ذكياً إلى درجة الجنون...وسيماً إلى درجة الفظاعة...شجاعاً إلى درجة التهور...أنيقاً إلى درجة ال Paco Raban....روح ياشيخ ربنا يكرمك :)

عقلى الباطن بيقوللى سي السيد مدامته مسافرة و شكله كدة بيدور على عروسة و مكلف حشيش يعمله دعاية انتخابية..!!! :) 

[حشيش]

ياخسارة الكلمتين اللى كتبتهم فيك يا س.س :blink: ....لو ما ردتليش الخدمة دى فى ظرف 72 ساعة حوريلك الوش التانى وحقول على كل حاجة fr1::

[se_ Elsyed]

أنا أسف والله العظيم يا شيشو لسه شايف البؤين دول دلوقت ... وميرسي جداً على المجاملة اللطيفة دي ..

( الله يخرب بيت عقلك يا حشيش .. ده أنت كده بتوصف واحد عايش في عنبر ج بتاع الحالات الخطرة ... يالله ما علينا أن يابا متجوز وعاجب مراتي زي مانا كده بعبلي يعني ..)

اما انا إذا تحدثت عن أخي وصديقي حشيش فسأحتاج إلى مجلدات من أوراق ( البفره ) لألف فيها سيرته ... وسيُعبء المكان بالروائح الذكية المنبعثة من سيرته .. فحشيش شخصية على كيفك .. يدخل مزاجك بدون إستئذان من اول لحظه .. وهو لماح يفهمها وهي طايره ... وله انف تستطيع ان تميز بين الغث والسمين والأصلي والتقليد .... من الاخر بقى يابختها اللي هاتتجوزه .

هذا الإعلان مدفوع الاجر

مع تحيات وكالة س س للدعاية والإعلان

[DARWEEN]

وله انف تستطيع ان تميز بين الغث والسمين والأصلي والتقليد

هي وصلت للشم ؟؟ hpc:!: :angry:

والله شكلكم كده مش حتجيبوها البر أنتم الأتنين وبدل ماتبقى أمن الدوله لوحدها حيدخل معاهم بتوع المكافحه :o mc:

بالمناسبه ياحشيش ... ماقلتش أيه أخبار الـ look الفلبيني ؟؟؟

mf( :P