سؤال وجيه: ليه الارهاب مسلمين ؟

[Damo]

السلام عليكم

90% من أصدقائي غير مسلمين و %99 منهم غير عرب. تقريبا مفيش حد مفتحش معايا موضوع الإرهاب في مرحلة ما. وكل مرة نفس الكلام بنقوله والحوار بيمشي زي اللي قبله.

الصديق(ة): ليه المسلمين ارهاب ؟ ليه بتكرهوا كل الناس كده ؟

أنا : مين قال كده ؟

الصديق(ة): الله !!! اومال ليه عمالين تفجروا في الناس في كل حتة !!! ده كفاية احداث سبتمبر !!!

أنا : يا سلام !!! أصلا أي مجموعة من الناس فيها الكويس وفيها الوحش...ليه تخدوا الوحش على الكل وتسيبوا الحلو ؟ بعدين ماتشوف الارهاب في ناس تانية؟ اشمعني المسلمين ؟

الصديق(ة): يعني عمرك شوفي ارهابي غير مسلمي ؟ كل الارهاب مسلمين ؟

أنا : لأ طبعا...وأيوه شفت ارهابيين غير مسلمين كتير أذا مكنش يوميا. مش بتسمع الاخبار ؟ كل شويه ناس يخشوا على محل يقتلوا شوية ويحتجزوا الباقي..ده مش ارهاب ؟ اللي سيطر على باص سياح في الفيليبـين وكل ساعة يقتل واحد عشان يخوف الباقي...ده مش ارهاب ؟ كل شوية نسمع اطلاق نار في شوارع كلنا بنعدي عليها كل يوم وناس حظهـا كانت معديه لحظتها وتصاب أو تموت. كل ده مش إرهاب ؟؟؟؟

الصديق(ة): لأ دي ناس عندها مطالب يا إما خناقات بين عصابات وعالم تانيه خالص وكل ده بره موضوعنا.

أنا : ده ده هو الموضوع. اللي أنتم بتسموهم ارهاب عندهم مطالب وأهداف برضو. ارهاب يعني تخويف. أي حد يخوف ناس بريئة اسمه ارهابي بغض النظر عن ديانته. انتوا بتنقوا مين هنقول عليه ارهابي ومين لأ. عشان أكون واضحة نقطة على جنب في فلسطين والعراق اللي يفجر نفسه في العساكر يبقى ارهابي ...مع ان شوف مين اللي في بلد مين ؟؟؟ وأنا متأكدة ان لو حصل نفس السيناريو بس الادوار معكوسه هتسموه هيرو. يعني دول مش ارهاب من أصله. غير كده اللي انتوا بتقولوا اعليهم ارهاب احنا المسلمين برده بنقول عليهم ارهاب لكن زي ماقلتلك في ارهاب تانيين كتير بس مش بنستخدم عقلنا بنستنى الميديا والسياسيين يقولولنا هنسمي مين ارهاب .

النقاش عادة يقف هنا عشان بيبقى واضح جدا من اثبت وجهة نظره :closedeyes: وطبعا اسلوب الحوار بيبقى متحضر عن كده بس أنا جبتلكوا من الاخر.

الفيديو ده لقيته النهرده و هو اللي شجعني افتح الموضوع ده :

http://www.youtube.com/watch?v=1MKkCb7LWDY

[MZohairy]

ربما يكون سوء فهم من بعض المسلمين للحديث التالي و الله اعلم:

عن ابن عمر رضي الله عنهما أن رسول الله صلى الله عليه وسلم قال ( أمرت أن أقاتل الناس حتى يشهدوا أن لا إلاه إلا الله وأن محمدا رسول الله ويقيموا الصلاة ويؤتوا الزكاة فإذا فعلوا ذلك عصموا مني دمائهم وأموالهم إلا بحق الإسلام وحسابهم على الله تعالى ) متفق عليه.

هذا الحديث في بيان التعامل مع الكفار ، وبيان حرمة دم المسلم وماله ، وفي الحديث مسائل:

الأولى – دل الحديث على وجوب قتال الكفار على اختلاف أجناسهم لقوله صلى الله عليه وسلم (أمرت أن أقاتل الناس) وهذا الحكم لم ينسخ ,بل باق إلى يوم القيامة ويشمل كل أنواع الكفار فالأصل قتالهم عند الإستطاعة على ذلك لإعلاء كلمة الله قال تعالى ( وَقَاتِلُوهُمْ حَتَّى لَا تَكُونَ فِتْنَةٌ وَيَكُونَ الدِّينُ لِلَّهِ فَإِنِ انْتَهَوْا فَلَا عُدْوَانَ إِلَّا عَلَى الظَّالِمِينَ ) وهذا قتال الطلب ، والجهاد ضربان : قتال طلب وهو أعلاهما, وقتال دفع وكلاهما قد دلت النصوص على شرعيته خلافا لمن زعم أنه لا جهاد في الإسلام إلا جهاد الدفع متابعة وانسياقا وراء المستشرقين في أطروحاتهم وهي شبهة فاسدة شاعت في أوساط متأخري المفكرين . وليس القتال مقصودا لذاته في الإسلام وإنما شرع القتال وسيلة لنشر الدين وإظهاره في الأرض وإزالة العوائق والموانع التي تحول دون سماع الحق واتباعه ، ولهذا جعل الشارع الحكيم للقتال آدابا وضوابط تهذبه وترقى به وتميزه عن الوحشية والظلم.

الثانية – جعل النبي صلى الله عليه وسلم دخول الكفار في الإسلام غاية لترك القتال كما قال تعالى ( فَإِنْ تَابُوا وَأَقَامُوا الصَّلَاةَ وَآَتَوُا الزَّكَاةَ فَخَلُّوا سَبِيلَهُمْ إِنَّ اللَّهَ غَفُورٌ رَحِيمٌ ) وقد دل القرآن أيضا على أنهم إذا أعطوا الجزية وعاهدوا ترك قتالهم كما قال تعالى ( قَاتِلُوا الَّذِينَ لَا يُؤْمِنُونَ بِاللَّهِ وَلَا بِالْيَوْمِ الْآَخِرِ وَلَا يُحَرِّمُونَ مَا حَرَّمَ اللَّهُ وَرَسُولُهُ وَلَا يَدِينُونَ دِينَ الْحَقِّ مِنَ الَّذِينَ أُوتُوا الْكِتَابَ حَتَّى يُعْطُوا الْجِزْيَةَ عَنْ يَدٍ وَهُمْ صَاغِرُونَ ) وثبت في صحيح مسلم من حديث بريدة الطويل قوله صلى الله عليه وسلم ( وإذا لقيت عدوك من المشركين فادعهم إلى ثلاث خصال فأيتهن ما أجابوك فاقبل منهم وكف عنهم ) والحاصل أن الكفار يخيرون إما أن يدخلوا في الإسلام وإما أن يعاهدوا ويعطوا الجزية وإما القتال فإن أسلموا أو أعطوا الجزية كف عنهم وإلا قوتلوا.

الثالثة – في الحديث إشارة إلى أن الطريق الشرعي في دخول الإسلام هو النطق بالشهادتين فحسب لقوله صلى الله عليه وسلم ( حتى يشهدوا ) أي يقروا بالتوحيد والرسالة ، ولا يصح إسلام أحد بغير هذا ، خلافا لمن زعم من المتكلمين أن أول واجب على المكلف هو النظر في الآيات أو الشك ثم النظر أو غير ذلك من التكلفات السمجة المخالفة للكتاب والسنة واعتقاد منهج السلف الصالح.

الرابعة – من أقرّ بالشهادتين قبل منه ,وعصم دمه وماله وعومل معاملة المسلمين ثم إذا دخل في الإسلام أمر ببقية شرائع الإسلام فإن التزم كان مسلما وإن لم يلتزم الشرائع أو وحصل منه شيء من النواقض بطل إسلامه ولم يحكم له بذلك ، ولهذا أنكر النبي صلى الله عليه وسلم على أسامة بن زيد قتله من قال لا إلاه إلا الله لما رفع عليه السيف ، ولم يكن صلى الله عليه وسلم يشترط على من جاءه يريد الإسلام أن يلتزم الصلاة والزكاة ، وروي أنه قبل من ثقيف الإسلام واشترطوا عدم الزكاة ، وأخذ الإمام أحمد بهذا وقال يصح الإسلام على الشرط الفاسد ثم يلزم بشرائع الإسلام ، وفي ذلك مخرج حسن للداعية الذي يباشر دعوة الكفار أن يتألفهم في بادئ الأمر على قبول الشهادتين ولا يأمرهم بالفرائض وترك ماهم عليه من المحرمات فإنه يشق عليهم ذلك من أول وهلة في الغالب فإذا اطمأنت قلوبهم بالإيمان وحصل منهم إذعان أمرهم بالشرائع ، وهذا أدب التدرج في فقه دعوة الكفار وتألفهم على الإسلام.

الخامسة – قوله صلى الله عليه وسلم ( إلا بحق الإسلام) يفيد جواز قتل من أبيحت حرمته بحق الإسلام ولو نطق بالشهادتين ، فمن ارتكب فعلا يبيح دم المسلم بالشرع قتل وأبيح دمه وماله كما ثبت في الصحيحين عن ابن مسعود عن النبي صلى الله عليه وسلم قال ( لا يحل دم امرىء مسلم يشهد أن لا إله إلا الله وأني رسول الله إلا بإحدى ثلاث الثيب الزاني والنفس بالنفس والتارك لدينه المفارق للجماعة ) ، ويدخل في ترك الدين أنواع كثيرة من الردة كالكفر والشرك والسحر والإستهزاء بالله أو رسوله أو الشعائر وترك الصلاة وادعاء الغيب ونحو ذلك مما دل الشرع على الكفر به .

السادسة – أفاد الحديث عظم حرمة دم المسلم وتحريم قتله لأي سبب من الأسباب مهما أخل بالواجبات وفعل من الكبائر إلا ما دل الشرع عليه ،

فلا يحل لأحد التعرض للمسلم وانتهاك حرمته ، والإستخفاف بدماء المسلمين واستباحتها من طريقة الخوارج قاتلهم الله ، وفي سنن النسائي عن عبد الله بن عمرو -رضي الله عنه- عن النبي -صلى الله عليه وسلم- قال: "لزوال الدنيا أهون عند الله من قتل رجل مسلم". ونظر ابن عمر -رضي الله عنهما- يوما إلى البيت أو إلى الكعبة فقال: "ما أعظمك وأعظم حرمتك، والمؤمن أعظم حرمة عند الله منك". وكذلك الذمي المعاهد حرم الشرع دمه كما قال رسول الله صلى الله عليه وسلم (من قتل معاهدا لم يرح رائحة الجنة، وإن ريحها توجد من مسيرة أربعين عاما ) رواه البخاري. وقد كان السلف شديدوا الورع في دماء المسلمين قال بشير بن عقبة " قلت ليزيد الشخير ما كان مطرف يصنع إذا هاج الناس قال يلزم قعر بيته ولا يقرب لهم جمعة ولا جماعة حتى تنجلي " ، وأول ما يقضى بين الناس يوم القيامة في الدماء ومن لم يصب دما حراما فهو في فسحة من أمره ، وتساهل العبد في دماء الناس دليل على ضعف بصيرته وقلة ورعه وتعرضه للفتن والله المستعان.

السابعة – قوله صلى الله عليه وسلم ( وحسابهم على الله عز وجل ) يعني أن الشهادتين وإقام الصلاة وإيتاء الزكاة تعصم دم صاحبها وماله في الدنيا أما في الآخرة فحسابه على الله عز وجل فإن كان صادقا أدخله الله الجنة بذلك وإن كان كاذبا كان في جملة المنافقين الذين يدخلهم الله في الدرك الأسفل من النار كما قال تعالى ( إِنَّ الْمُنَافِقِينَ فِي الدَّرْكِ الْأَسْفَلِ مِنَ النَّارِ وَلَنْ تَجِدَ لَهُمْ نَصِيرًا ) ، وقد كان النبي صلى الله عليه وسلم يعامل المنافقين الذين يظهرون الإسلام معاملة المسلمين ويجريهم على أحكام الإسلام الظاهر مع علمه بنفاق بعضهم في الباطن.

الثامنة – إذا تواطأ أهل قرية أو جماعة لهم منعة على ترك شيء من شعائر الدين الظاهرة كالأذان والصلاة والزكاة قوتلوا على ذلك كما قاتل أبو بكر الصديق رضي الله عنه من امتنع عن الزكاة ففي الصحيحين من حديث أبي هريرة قال لما توفي رسول الله صلى الله عليه وسلم وكان أبو بكر رضي الله عنه وكفر من كفر من العرب فقال عمر رضي الله عنه " كيف تقاتل الناس وقد قال رسول الله صلى الله عليه وسلم ( أمرت أن أقاتل الناس حتى يقولوا لا إله إلا الله فمن قالها فقد عصم مني ماله ونفسه إلا بحقه وحسابه على الله ) فقال أبو بكر والله لأقاتلن من فرق بين الصلاة والزكاة فإن الزكاة حق المال والله لو منعوني عقالا كانوا يؤدونه إلى رسول الله لقاتلتهم على منعه قال عمر فو الله ما هو إلا أن رأيت الله قد شرح صدر أبي بكر للقتال فعرفت أنه الحق" . وقال عمر بن الخطاب أيضا " لو أن الناس تركوا الحج لقاتلناهم عليه كما نقاتلهم على الصلاة والزكاة ".

التاسعة – من فقه الحديث أن الحكم على الناس في الدنيا بما ظهر من أعمالهم وتوكل سرائرهم إلى الله الذي يعلم خائنة الأعين وما تخفي الصدور قال عمر بن الخطاب رضي الله عنه " إن ناسا كانوا يؤخذون بالوحي في عهد رسول الله صلى الله عليه وسلم وإن الوحي قد انقطع وإنما نأخذكم الآن بما ظهر لنا من أعمالكم فمن أظهر لنا خيرا أمناه وقربناه وليس لنا سريرته شيء الله يحاسبه في سريرته ومن أظهر لنا سوءا لم نؤمنه ولم نصدقه وإن قال سريرته حسنة " رواه البخاري ، وأما الحذر ممن دلت القرائن والأمارات على تهمته فجائز ولا بأس به ولا يترتب على ذلك أحكام عملية وحقيقة الحذر من شخص معين هو التردد وعدم الثقة به وتوليته على ولاية عامة وخاصة ، ويحرم على المسلم إساءة الظن بأخيه المسلم بلا بينة توجب ذلك وإنما يبني حكمه على مجرد الهوى أو الإشاعات أو الخصومة أو المخالفة في المذهب وغيرها من الأمور التي لا يجوز الإعتماد عليها وقد نهى الشارع عن ذلك قال رسول الله صلى الله عليه وسلم ( إياكم والظن فإن الظن أكذب الحديث ) متفق عليه ، وقد توسع بعض الناس في زماننا هذا في إساءة الظن بإخوانهم المسلمين بغير بينة ونشأ عن ذلك فساد عريض فليتق الله هؤلاء وليعلموا أن الله سائلهم عن ذلك وأنهم مخصومون يوم القيامة ممن تكلموا فيهم بغير حق.

http://www.saaid.net/Doat/binbulihed/22.htm

[Mostafa Kasem]

سؤال وجيه و الاجابة عليه أن العملية اولا و أخيرا - وسيلة الاعلام التي تركز على الحدث و ليس الصورة بالكامل

هنا احد الرسوم البيانية الذي يوضح عمليات الارهاب و انواعها في أوروبا من سنة 2006 و 2008

ستجد ان الارهاب الاسلامي موجود بنسبة 0.4 في المائة

ولكن عندما تعرف ان نسبة الاعلام المملوك لروبرت ميردوخ (صهيوني - امبريالي - محافظ) في دولة كانجلترا و استراليا (تدعي الديموقراطية) هي اكثر من 50% تعرف ما أقصده

و موضوع احتكار وسائل الاعلام في الغرب ليس بالشيئ المخفي - هم يعلمون ذلك و عندما اواجهم بانهم كيف يدعون انهم بلاد ديموقراطية يحرجون و ينصفون ملاحظتي

عموما الرسم البياني الموضح مأخوذ من موقع اليورو بول - وهو البوليس الاوروبي المركزي و انا اخذت الرسم البياني من الموقع ادناه

وبه ايضا روابط لتقرير البوليس الاوروبي المذكور

ممكن تبعته لاصحابك لو هو بيتكلموا انجليزي

و للمصداقية - ابحث عمن يمتلك وسائل الاعلام في البلد التي تقيم فيها ستعرف ماذا يقرأو يشاهد الناس عندك

All terrorists are muslims except 96.6%

[لماضة مصرية جدا]

السلام عليكم و رحمة الله و بركاته

عارفة يا دامو الاجباة عن سؤالك اللي هو منطقي جدا....لازم تكون لسائلك يا تري انت بتجيب مصدر معلوماتك منين

مش دي اول حاجة بندرسها في الف باء البحث العلمي....انك تتأكد من مصدر معلوماتك

للاسف الميكنة الاعلامية.....اللي بتخدم اهداف سياسية منين ما نكون...(في امريكا بتخدم فكرة الارهابي لازم يكون مسلم عشان تخلق حالة استنفار ضد....آخر....والاخر في السياسة الامريكية يعني خدمة المصالح الصهيوينة الموجودة في الشرق الاوسط و حمايتها

في مصر....الاعلام بيخدم فكرة ان الارهابي....لابس جلابية بيضا و دقن طويلة...و يتكلم بحدة و غلظة...و يختم كلماته بثكلتك...أمك)

كلنا اتزرع في دماغنا مفاهيم و قوالب جاهزة...بقي من السهل علي اي حد بعد كده انه يمرر سيناريوهات من خلالها

لكن لما بتوصلي لسن معينة....لازم دماغك تشتغل...و لازم ترفضي اي قوالب جاهزة بتجمد فكرك في سياق معين

سؤالك منطقي جدا....بس لازم يقود لسلسة من الاسئلة التانية....و اللي هتلاقي فيها الاجابة بنفسك

ليه الارهابي مسلم؟

مين مصلحته يكون الارهابي مسلم؟

طب يعني ايه ارهاب؟

طب هو فيه علاقة بين الدين...العلاقة الروحانية اللي بتهذب النفس الانسانية...و الارهاب...الي بيقضي علي اي ملمح انساني بغدر؟

طب ازيا بيتشكل دماغ الارهابي؟

طب انا في ممكن ابقي ارهابي في افكاري حتي لو ماخدتش بالي؟

طب هو غيري....شايفني ازاي؟

طب هو الاسلام عندي انا شكله ازاي...طب عندي غيري ايه؟

طب دوري انا ايه......في...الاسلام....في الارهاب....في الحياة كلها علي بعضها؟

عارفة يا دامو....انا بفضل في الحوارات اللي زي دي....اني مطرحشي وجهة نظر جاهزة....لان هيتطور الحوار ان احنا ننتهي من حيث بدأنا....يعني كل واحد هيقوم و هو لسه جواه نفس الافكار اللي جابها معاه و هو جاي الا من رحم ربي

في الحورارات اللي زي دي....لازم انكش في دماغ الي قدامي....انه هو اللي يسال...و سؤال يجره لسؤال...و يجره لمعرفة و يجره لفكر يصنعه هو بنفسه مش يتحول عقله لمجرد طبق دش يستقبل و يخزن و الريموت في ايد حد تاني

كان لينا صديق امريكي

قابلناه في مصر.....عارفة عامل ايه.....اخد اسرته.....و عمل مركب...(هو يخت الحقيقة)....و قرر انه يلف العالم عشان يكتشف الحقيقة بنفسه بمفرداته هو

رحلة الحقيقة....صعبة.....بس لازم الواحد يقرر انه يخوضها....و لازم يفهمها لوحده محدش هيدهالوه بالمعلقة

صديقنا ده....لما كان فيه ازمة في اقليم التبت في الصين....سافر هناك و عاش حوالي شهرين....تماما زي اي فرد في الشعب التبتي....و لما رجع.....حكي لينا القصة بشكل مختلف تماما عن اللي بنشوفه في الاعلام

دوري ع الحقيقة يا دامو....و كوني انتي كمان خطوة في طريق حد تاني....بيدور ع الحقيقة

طولت عليكي...معلش

صبااااحك.....حقيقي...جدا.....صباحك رحلة بتبتدي بسؤال

[MZohairy]

فيه مقوله مشهوره في كندا بتقول

ليس كل المسلمين ارهابيين لكن كل الإرهابيين مسلمين

او

اغلبية المسلمين ليسو ارهابيين لكن اغلبية الإرهابيين مسلميين

[abaomar]

السلام عليكم

الاخوه الكرام جزاكم الله خيرا

.

حتى نهايه الثمانينات لم يكن هناك اى تناول اعلامى للمسمى ..الارهاب الاسلامى ..

نظرا لان امريكا و العالم الغربى كانت منشغله بالعدو الاكبر بالنسبه لها وقتها الا و هو الشيوعيه

و على رأسها الاتحاد السوفيتى سابقا و كانت تدعم المجاهدين و تحشدهم كما هو معروف و كان الاعلام

يسميهم وقتها بالمجاهدين و كن منهم بالطبع اسامه بن لادن و رفاقه

سبحان الله تغيرت دفه المصالح بعدها بشهور قليله و اتجهت الى ما هو اخطر على الوجود الامريكى نفسه

الا و هو الاسلام الذى كان من ضمن من اشار الى ذلك مبكرا ..نيكسون ..الرئيس الامريكى السابق فى السبعينات

حينما تحدث عن الخطر الاخضر بعد زوال الخطر الاحمر

فى شهور تحول المجاهدين الذين اسقطوا بفضل الله اكبر امبراطوريه فى القرن العشريت تحولوا

الى ارهابيين و مصاصى دماء فى الاله الاعلاميه الامريكيه و تناسى الكل

ان امريكا نفسها قامت على اكتاف طريدى العداله و خريجى السجون الانجليز و قامت على

انقاض و اشلاء شعب كامل(الهنود الحمر ) تمت ضده اكبر عمليه إباده فى التاريخ و مورست ضده احقر عمليات القتل الجماعى

بل و امريكا نفسها هى التى اسقطت قنبلتين ابادت اكثر من 50000 انسان فى لحظات و شوهت ملايين

هذه الدوله الارهابيه و من معها من دول اوروبا التى قدمت النموذج الامثل لكل انواع

و معانى الارهاب و القتل و الاباده لا يحق لها اطلاقا ان تتكلم عن المسلمين و ترميهم بتهمه هى من اربابها

و لينظر التاريخ على مداره الى ما فعل المسلمين فى كل الاراضى التى فتحوها و كيف استقروا بها ووضعوا

المعنى الحقيقى لحقوق الانسان بما لم يصله تشريع بشرى حتى الان

اما عن الارهاب فتصدق مقوله الكنديين مع تعديل بسيط

اغلبية المسيحيين ليسو ارهابيين لكن اغلبية الإرهابيين مسيحيين

و شواهد التاريخ منذ فجره و حتى الان تؤكد ذلك

منذ مذابح الدوله الرومانيه مرورا بالحروب الصليبيه و نابوليون و الحرب العالميه الاولى

و الثانيه و اللتان هما حربان مسيحيتان بأمتياز قامت بها دول مسيحيه خالصه

المانيا و ايطاليا ضد دول اخرى اكثر مسيحيه بريطانيا و امريكا و روسيا و باقى دول العالم

.

اخى و حبيبى زهيرى

قليل من المصداقيه لن يضر

تم تعديل 29 نوفمبر 2010 بواسطة abaomar

[MZohairy]

.

اخى و حبيبى زهيرى

قليل من المصداقيه لن يضر

ازيك يابو عمر

و فين بس عدم المصداقية في كلامي؟

انا جبت السمعه اللي المسلمين مشهورين بيها في كندا

و دي مقوله معروفه و مشهوره و دور على النت و انت تلاقيها بسهوله

المسلمين بقى يستاهلوا السمعه دي ولا لأ انا ماقولتش رأيي

بس الخلاصه ان دي سمعة المسلمين هناك شئنا او ابينا

عايزين تخلوها زي ما هي.... زي مانتو عايزين

عايزين تخلوها العن مما هي عليه.... زي مانتو عايزين

عايزين تصلحوها- و العياذ بالله- برضه زي مانتو عايزين

تحياتي

[Om Zayd]

تخيلي يا دامو اني عمري طول ما انا برة ما حد سألني السؤال ده... الظاهر بيخافوا مني



بجد .. كانوا مستغربين اني لازم أصلي 5 مرات في اليوم و اني باخد جنب في المعمل و اصلي
كانوا مستغربين اني ما بكشفش شعري

المتعلمين منهم بيفصلوا لحد كبير بين الشخص و دينه و ما بيعمموش

كان فيه سؤال هو اللي وقفت عنده ... هوا انتم شايفينا ازاي؟
قلتلها ..قصدك إيه؟
قالتلي دينيا .. قلتلها اننا مأمورين بالدعوة و اني بزعل قوي و احس اني مقصرة لما ألاقي الناس مش عارفة الإسلام صح
و كنا بنتناقش أحيانا في الصورة النمطية عن الإسلام

غير كده الظاهر اني كنت راعباهم

[شريف مان]

اغلبية المسيحيين ليسو ارهابيين لكن اغلبية الإرهابيين مسيحيين

و شواهد التاريخ منذ فجره و حتى الان تؤكد ذلك

منذ مذابح الدوله الرومانيه مرورا بالحروب الصليبيه و نابوليون و الحرب العالميه الاولى

و الثانيه و اللتان هما حربان مسيحيتان بأمتياز قامت بها دول مسيحيه خالصه

المانيا و ايطاليا ضد دول اخرى اكثر مسيحيه بريطانيا و امريكا و روسيا و باقى دول العالم

أستاذ ورئيس قسم bv:-

[عادل أبو عمر]

ممكن سؤال

ما هو الإرهاب ؟

و من هو الإرهابي ؟

في إمكان الراهبة أن تغطي جسدها من رأسها إلى إصبع قدمها وذلك لتكريس حياتها لعبادة ربها , صحيح ؟

لكن إذا فعلت فتاة مسلمة نفس الشئ , لماذا تضطهد ؟

عندما تبقى إمرأة غربية في البيت لتعتني بالمنزل والأطفال فهي بذلك تحترم من قِبل كامل المجتمع وذلك من أجل تضحيتها بحياتها من أجل بيتها وأسرتها

لكن إذا قامت بنفس الشئ إمرأة مسلمة , لماذا تضطهد ؟

أي فتاة تستطيع الذهاب إلى الجامعة وهي ترتدي ما تريده فهي تمتلك حقوق وحرية

لكن عندما ترتدي فتاة مسلمة الحجاب فهي تمنع من دخول الجامعة

عندما يضحي شخص ما بنفسه للحفاظ على حياة الآخرين فهو بذلك شخص نبيل وشهم والجميع يحترمه

ولكن عندما يضحي فلسطيني بنفسه لإنقاذ إبنه من أن يقتل ولإنقاذ أخوه من أن تكسر ذراعه ولحماية أمه من أن تغتصب ولحماية منزله من أن يدمر ولحماية مسجده من أن تنتهك حرمته .... فهو بذلك ينال لقب (الإرهابي) !

عندما يقتل يهودي شخص ما فالدين ليس له علاقة بما حصل

ولكن عندما يتهم مسلم بجريمة يكون الإسلام هو المتهم الرئيسي

عندما يقود شخص ما سيارة ممتازة بطريقة خطأ, لا يلوم أحد السيارة

لكن عندما يقوم مسلم بإرتكاب خطأ أو يعامل الناس بطريقة سيئة - يقول الناس "الإسلام هو السبب" !!

أنا مسلم أقتلني و قم بتسميتها أضرار جانبية

إحبسني وقم بتسميتها وسائل للحماية

إنفي شعبي وأهلي بشكل جماعي وقم بتسميتها شرق أوسط جديد

إنهب مواردي , إغزو أرضي , غير قيادتي وقم بتسميتها ديموقراطية

السلام عليكم ..

[Dreamwithme]

المشكلة تنقسم لجزئين
الجزء الأول وهو دور الاعلام في هذه الصورة
ومشاركة الفاضل Mostafa kasem أكثر من رائعة ومقنعة جدا
الجزء الثاني وهو جهل المسلمين بالاسلام الحقيقي فبالتالي كتير من المسلمين
لايكون عندهم العلم الكافي لدفع شبهات مثل الاسلام انتشر بالسيف أو أن الاسلام يأمر بالعنف ولايقبل الآخر
وسلوكيات بعض المسلمين ....ممكن تكون سلوكيات صغيرة في الحياة اليومية سلوكيات تنبع من عدم تقبل الآخر
ممكن تكون بسيطة بس بتسوء سمعة الاسلام أكثر وأكثر...

لفت نظري في حوار حضرتك مع الصديق إنه بيقولوا علي الأمثلة اللي ذكرتيها دول مش ارهاب دول ناس عندهم مطالب
فهما شايفين إن المسلمين اللي بيرتكبوا اعمال عنف (مع كامل اعتراضنا علي العنف) شايفنهم ارهاب بلا مبرر وأنهم ليس لهم مطالب
ودي بقي غلطتنا إحنا لأننل بنكلم نفسنا وعند وجود ظلم واقع علينا أو مطالب لنا بنملي الدنيا أغاني ومناظر تقطع القلب
وبرامج تليفزيون بالعربي موجهة لينا إحنا...ولانحاول اظهار مشاكلنا الحقيقية ووجهة نظرنا للعالم الغربي

[abaomar]

.

اخى و حبيبى زهيرى

قليل من المصداقيه لن يضر

ازيك يابو عمر

و فين بس عدم المصداقية في كلامي؟

انا جبت السمعه اللي المسلمين مشهورين بيها في كندا

و دي مقوله معروفه و مشهوره و دور على النت و انت تلاقيها بسهوله

المسلمين بقى يستاهلوا السمعه دي ولا لأ انا ماقولتش رأيي

بس الخلاصه ان دي سمعة المسلمين هناك شئنا او ابينا

عايزين تخلوها زي ما هي.... زي مانتو عايزين

عايزين تخلوها العن مما هي عليه.... زي مانتو عايزين

عايزين تصلحوها- و العياذ بالله- برضه زي مانتو عايزين

تحياتي

السلام عليكم

عندما تنقل يا زهيرى المقوله اعلاه بدون تعليق اخر فانت تتبناها

و عندما تتبنى مقوله يجب ان تكون مسئولا عن ما تتبناه و الذى يتعارض بشكل كبير

مع ما نعرفه عنك انك يا محمد زهيرى يا مسلم يا موحد يا من تعرف دينك و تاريخك جيدا

و الذى يعاكس ما تبنيته تماما و هنا إما انك لا تعلم دينك و تاريخك و هذا ما انفيه عنك تماما

بحكم معرفتى بك و إما انك تعبث بافكارنا و هذا ما عنيته بالمصداقيه .

ثم لماذا تتكلم و كأنك فى ناحيه اخرى

المسلمين ...عايزين ..تخلوها انتوا ...

زهيرى ...فووووق ...إنت مسلم مصرى فلاح من الزمالك ... :P .

تم تعديل 29 نوفمبر 2010 بواسطة abaomar

[Mostafa Kasem]

و الناظر للموضوع بشكل عام يسأل سؤال

لماذا يهاجمون الاسلام

هي ايه خلفيات القصة اصلا ان المسلمين في اوروبا جاءوا في اعقاب الحرب العالمية الثانية ليسدوا العجز في العمالة في دولها بسبب قتلى الحرب

كان المسلمون الاوائل في الغالب من شبه القارة الهندية - شمال افريقيا و اليمن

كانوا عددا ليس بكبير ائنذاك - لم يرد بخلد اي سياسي غربي انه سيكون هناك اي خطر من وجود هؤلاء الاناس البسطاء في بلادهم

مع الوقت ازدادت اعداد المهاجرين مقارنة بنسبتهم مع السكان الاصليين - بدأ ينشأ جيل ثاني و ثالث - تزايدت العنصرية بشكل عام في الغرب مع السبعينيات - بدأت الاجيال الجديدة تشغر بان المجتمع ينبذها بشكل و بأخر - بدأت تبحث عن هويتها الثقافية و التاريخية و .......الدينية وبدأت المطالبات بعدد اكبر بالمساجد لكثرة عدد المصلين و بدأوا يطالبون بحقوق اكثر من اسلافهم البسطاء

و دعونا نلقي نظرة على عناوين الاخبار في اهم صحف بريطانيا خلال الاعوام الثلاثة السابقة خلال اقامتي فيها

1- اثبتت احصائيات المواليد ان اسم محمد هو اكثر الاسماء تسمية من نظيراتها الانجليزية كبول و دانييل وجوناثان

2- المسلمين هم اكثر مرتادي اماكن العبادات من نظرائهم المسحيين (اهل البلد)

3- مدن كمانشستر و برمنجهام و ليدز تصل نسبة المسلمين فيها الى اكثر من الثلث

حتى ان هناك مدارس حكومية ببرمنجهام نسبة المسلمين فيها الى 97 بالمائة

4- معدلات الخصوبة للسكان الاصليين في تناقص مستمر لقلة الزيجات و زيادة الطلاق وعزوف الشباب عن الحياة الاسرية

وبالتوقع المستقبلي يعتقدون انهم سيكونون اقل من نصف السكان في عام 2050

5- بينما المجتمع الانجليزي في تفكك وانحلال يزداد تماسك الجاليات المسلمة اكثر واقبالا على الدين و مظاهر التدين عموما

6- ازدياد دخول الانجليز الاصليين في الاسلام و خصوصا النساء ففي مقالة للجارديان ساقت ان حوالي 50000 بريطاني دخلوا للاسلام منذ 11 سبتمبر و كان ثلثا (66%) منهم نساءا وهذا رقم مخيف مع كل الدعايات المضادة عن دور المرأة المظلوم في الاسلام الذي يقومون به بشكل حثيث

7- تم بيع كنائس كثيرة من النصارى للمسلمين في العقد الاخير و ذلك بسبب ارتفاع تكلفة تشغيل تلك المباني و قلة عدد مرتادي للكنيسة فيضطر القائمون على الكنيسة لبيعها و في الغالب يكون المشتري مسلما و يتم تحويلها لكنيسة (طبعا بعد اخذ موافقة رسمية من الحي الملحق به) فالموضوع هنا ليس عشوائيا و يتم بناءا على احصاء المسلمين في المنطقة و تقديم دليل انهم يحتاجون لمكان للعبادة)

و تلك الاسباب ستجدونها مشابهة بشكل او بأخر في اي دولة غربية - ان الاسلام في انتشار ملحوظ للجميع حتى مع الهجوم عليه يزداد الاقبال عليه حتى بلا تدخل من المسلمين انفسهم وهو اسرع الاديان انتشارا في دول الغرب

و تخيل انت نفسك مكان اهل البلد الاصليين أكيد سيحدث لك انزعاج ما ولكن بسبب ان الفلسفة الغربية عموما لا تحمل الكثير من الاخلاق في التعامل مع الاخر خصوصا اذا لو كان الاخر من حضارة اقل فبالتالي نرى الاعلام يقوم بتلك الهجمة الشرسة)

تم تعديل 29 نوفمبر 2010 بواسطة Mostafa Kasem

[Mostafa Kasem]

و هناك ايضا اسباب للهجوم على الاسلام بسبب المسلمين انفسهم

1- ان المسلمين لا يقومون بالانفتاح كما ينبغي حيث انهم لا يقومون بدورهم بتوعية غير المسلمين بما هو الاسلام ومن هم المسلمون

و هو دور تأخر به المسلمون كثيرا و لكن الان قد افاق كثيرون لهذه النقطة

2- هناك عدم لا مبالاة و احترام للقانون من قبل مسلمين قليلين و لكن الاعلام يظهر ذلك و يعظم حجمه

3- ولكان اخطر مافي الموضوع هو جهل المسلمين الفاضح بدينهم فكثييرا منهم يتعامل مع الاسلام كثقافة و ليس دين و لا يعرف ان يفرق بين الشعائرة و ثقافة الاجداد لذلك تجد هناك كثيرا من الجهل و الخرافات بين المسلمين و التي تجعل بعضهم ينفر من الغربيين و غير المسلمين عموما و الكثير منهم للاسف لا يقوم بدور ايجابي في نشر الصورة الصحيحة

[Scorpion]

هل تسمحوا لي بأن أطرح رأيي البسيط حول تلك المسألة ...

اي عمل "ارهابي" او يتميز بالعنف في الإحصائية الأولية التي نلاحظ ان نصيب الأسد فيها حازت عليه الجماعات الأنفصالية .. هو عمل تم كرد فعل علي ظلم أو غدر بدون اي شك .. مدي شرعيته او عدم شرعيته ليس هو مجال نقاشنا هنا ..

و لكنها أعمال "ارهابية" لم يقوم "معظم" من قام بها بأسدال اي غطاء ديني عليها.. او جعلوا سببها ديني ...

الخطأ الذي يقع الشرق فيه ان أي عمل عنيف و الذي يصل الي درجة العمليات الأرهابية أحيانآ .. سواء انفصالي او انتقامي هو عمل يتم صبغه بصفة دينية اسلامية بحتة ... بينما اذا تم القيام به في صورته الطبيعية و لسببه الأساسي فقط .. مثل تحرير فلسطين مثلآ .. أو الدفاع عن حقوق .. أوالأنتقام من غبن و ظلم ... أو الأنتقام من حروب قذرة .. اذا تم القيام به في تلك الصورة فقط دون رفع الرايات و البيارق الدينية وراءها لما مس أي بني آدم الدين الأسلامي بحرف واحد ...

نحن ندافع عن قضايا مشروعة باساليب تجعلنا نخسر اي تعاطف .. بل و تجعل الأرهاب مرادف لدين نعتنقه ...

انا لا أدافع عن الأرهاب هنا بأي صورة من صوره ... و لكن أدافع عن حق اي انسان او جماعة او وطن بالمطالبة بحقه دون البحث بين صفحات تعاليم دينه ما يبرر له البحث عن ذلك الحق ... فهو واضح بما فيه الكفاية ...

ملحوظة

قمت بتكبير كلمة "معظم" حتي لا نضيع وقت في أقوال بوش و تفسيراته حول غزو أمريكا للعراق ..

[مغتربة]

بصى يا دامو

مشكلتنا ان احنا لما بنيجى نرد على استفسارات من النوعيه دى للاجانب بنرد بتفكيرنا احنا

احنا كشرقيين لينا منهج عام فى التفكير بيختلف عن المنهج الاجنبى

بالاضافه لان هناك حقايق كتيره جدا احنا بس الى نعرفها بحكم ان احنا الى من المنطقه دى و عارفين الى بيجرا فيها اكتر من اغلب الى فى الغرب لانهم بيعتمدوا فى المعرفه على الاعلام الموجهه ليهم

و لان احنا و للاسف لغايه دلوقتى مش عارفين بكل امكانياتنا الماليه و البشريه الى بنمتلكها ان احنا نوجهه ليهم اعلام يخاطبهم بلغتهم و يوصل لهم بالطريقه المناسبه لطريقه تفكيرهم الى بيحصل عندنا

يعنى الى بيحصل فى فلسطين او العراق او الحاجات دى هتلاقى انه من الصعب جدا انهم يتفهمومها زى ما انتى فهماها و يمكن يبصوا ليها من وجهه نظر مختلفه لينا تماما

حاولى تخاطبيهم باشياء تمسهم هما

يعنى ملا طلعى لهم من على النت المقالات الى بتتكلم عن عدد الجماعاتالدينيه المتعصبه فى ايركا وحدها عددها اد ايه و حجم العمليات الارهابيه الى قاموا بيها و عدد ضحاياها اد ايه المقالات دى موجوده و فيه كمان تسجيلات على اليوتيوب

متكلمهمش عن الى بيحصل فى فلسطين او العراق كلام نظرى لا وريهم بعنيهم التسجيلات على اليوتيوب لانهم اكيد ما يعرفوش ربع الحاجات الى بنعرفها

مهمتك اكيد مش سهله لان اله الاعلام الجباره الى بره صعب قوى ان واحد بمفرده يقدر يواجهها

لكن لو فكرتى ان انتى ربنا حطك مع الناس دى و خلاهم يسالوكى بالشكل دا اكيد لحكمه و هدف معين

و قدرتى تحديده بينك و بين نفسك اكيد هتقدرى تاديه على اكمل وجه

ربنا معاكى

[Simba]

الفيديو اللي حضرتك حطاه ده مشهد من فيلم بتعبره اسوء الافلام اللي شوفتها في حياتي واللي بتتجني علي الدين الاسلامي

انا شفت الفيلم مع اني مش متذكر اسمه لكن فاكر احداثه المحاضر ده زعيم خلية اهابية ودخل امريكا عن طريق التحايل واتجوز هندية هندوسية معاها الجنسية الامريكية وورطها معاه مسئول عن عمليات تفجيرية كتيرة اخرها تفجير طيارة اتقتلت فيها خطيب رياض وهو حاول يدخل وسط الخلية دي علشان يساعد الشرطة انها تقبض عليهم

انا مش عارف لصالح مين اتعمل سيناريو زي كده

[MZohairy]

.

اخى و حبيبى زهيرى

قليل من المصداقيه لن يضر

ازيك يابو عمر

و فين بس عدم المصداقية في كلامي؟

انا جبت السمعه اللي المسلمين مشهورين بيها في كندا

و دي مقوله معروفه و مشهوره و دور على النت و انت تلاقيها بسهوله

المسلمين بقى يستاهلوا السمعه دي ولا لأ انا ماقولتش رأيي

بس الخلاصه ان دي سمعة المسلمين هناك شئنا او ابينا

عايزين تخلوها زي ما هي.... زي مانتو عايزين

عايزين تخلوها العن مما هي عليه.... زي مانتو عايزين

عايزين تصلحوها- و العياذ بالله- برضه زي مانتو عايزين

تحياتي

السلام عليكم

عندما تنقل يا زهيرى المقوله اعلاه بدون تعليق اخر فانت تتبناها

و عندما تتبنى مقوله يجب ان تكون مسئولا عن ما تتبناه و الذى يتعارض بشكل كبير

مع ما نعرفه عنك انك يا محمد زهيرى يا مسلم يا موحد يا من تعرف دينك و تاريخك جيدا

و الذى يعاكس ما تبنيته تماما و هنا إما انك لا تعلم دينك و تاريخك و هذا ما انفيه عنك تماما

بحكم معرفتى بك و إما انك تعبث بافكارنا و هذا ما عنيته بالمصداقيه .

ثم لماذا تتكلم و كأنك فى ناحيه اخرى

المسلمين ...عايزين ..تخلوها انتوا ...

زهيرى ...فووووق ...إنت مسلم مصرى فلاح من الزمالك ... :P .

انا اتبنى نظرية ان كل المسلمين او اغلبهم ارهابيين؟؟؟؟؟ :blink:

بذمتك ده كلام يابو عمر؟

بقى انا مسلم و عايش في مجتمع غير مسلم و المجتمع ده عارف اني مسلم اقوم اتبنى ان المسلمين ارهابيين و انا اسمي محمد؟؟؟؟ :blink:

الموضوع بإختصار ينحصر في اربعة نقاط

الإعلام الغربي القوي و خلينا نشبهه بوكيل النيابه المتمكن اللي بيعمل من الحادثه الفرديه مصيبه جماعيه و يكبرها و يبروزها

الإعلام العربي الضعيف و حنشبهه بالمحامي الأرزوئجي الخايب و اللي اساسا مابيوصلش صوته للمجتمع الغربي

المجتمع الغربي اللي حنشبهه بالقاضي او الحضور في قاعة المحكمة اللي بيشوف اعلامه و بيتأثر بيه بشكل طبيعي (و ماعندوش غيره يشوفه)

المجتمع الاسلامي اللي البعض فيه احيانا ما بيستنكرش اي اعمال ارهابية تصدر منه بصوره قوية و بدل ما يعالج المشكله يقعد يعاير الآخر ويتبع منهج اشمعنى انتو ؟ مانتو كمان عندكوا كذا و كذا ....

هذا كله لا ينفي وجود ارهاب غير اسلامي

هذا كله لا ينفي وجود ارهاب غير اسلامي

و لكن ما يصل للجمهور الغربي العادي هو الجزء السلبي عن المسلمين

المسلم ارهابي و الحوادث بتاعته دي و دي و دي و دي ...................

انا ببساطه شايف ان الجمهور الغربي لا يلام على اعتقاده

فهذا ما يصل اليه من اعلامه

و علينا كمسلمين مقيمين في الغرب محاولة تحسين الصوره (او لنقل ارجاع الصوره الى اصلهاالطبيعي)

و على المسلمين المقيمين في البلاد الإسلامية مواجهة التطرف و علاجه و اتباع مبدأ إبدأ بنفسك

[doha]

اسمحي لي ياداموا قبل مااجاوبك على سؤالك اني اجيب لك القصة من اولها .. ومعليش لو هطول عليكي شويه في الرد بس اتمنى تصبري في قراءته ..

لازم تكوني مقتنعه انتي او اصحابك الي بيسألوكي عن ( ارهابنا ) اننا موجودين في الدنيا دي كلنا لهدف .. والهدف ده هو اختبارنا ان كنا هنحسن فيها العمل ونكون على الدين الي ارتضاه لنا خالقنا من قبل مايرسلنا في مهمتنا على الارض ولا هننشغل عن حقيقة وجودنا باسباب الدنيا الي حوالينا والي هي بالمناسبة كتير وهيكون الوجود ذاته هو هدفنا بغض النظر عن ماوراءه وبغض النظر عن الهدف منه بدايته كان ايه ..

طيب الي هيتصرف صح ويمشي على الدين الصح ويكون عارف هو موجود في الدنيا ليه ويعمل لده هيكون مصيره ايه .. الجنة مخلدا فيها .. متفقين سواء كنا مسلمين او غير مسلمين ان في ثواب عظيم جدا ينتظر من التزم بشرع خالقه وتحمل كل شيء في سبيل الوصول للمكانة دي ..

طيب مش نسأل نفسنا بقى سؤال بديهي ومنطقي جدا هو ليه ربنا سبحانه حط الثواب الكبير اوي ده على مهمه سهله كده .. وليه في مقابلها برضه حط عقاب تاني لايقل عنها عظم وهو جهنم والعياذ بالله للي مش هيعمل الصح ولا يمشي على الدين الصح ؟

بداهة كده لو ان المنهج السليم والدين الصحيح واضح وضوح الشمس بدون اي لبس لكل الناس في كل الاوقات وعلى اختلاف عقولهم وبيئاتهم وظروفهم فاعتقد ان الامر هيشبه اختبار اسئلته معروفه سلفا وجاية مباشرة وصريحه ومسموح للطلبة تنقل من بعضها فيه ومفيش اساسا مراقب لجنة واقف عليهم .. هل تعتقدي ان اختبار زي ده نتائجه يعتد بيها او ممكن فعلا تفرق مابين الطالب الي يستحق النجاح والتاني الي لا يستحق ؟؟

وعشان كده كان لازم يكون الاختبار اكتر صعوبه وتكون الاجابة الصحيحه مخفية مابين عشرات الاجابات الاخرى المضللة .. كان لازم ميوصلش للحقيقة غير شخص تعب فعلا وبحث واحتار وتفكر طويلا قبل مايختار المنهج الي هيثبت عليه الى ان يلقى وجه ربه ..

زمان كان الشخص في الغرب بالذات ممكن يعيش ويموت وهو مقابلش مسلم واحد في حياته .. مكانش ممكن تقريبا لشخص انه يتعرف على حقيقة الاسلام غير لو بحث بعمق وصعوبه لغايه مايتوصل ليها ..وبطبيعه الحال فهو مكانش هيبدأ البحث غير لو من البداية ثار في نفسه شك ان في دين حق وان الي هو عليه من دين لا ينطبق عليه هذا الوصف .. النهرده الوضع تغير واصبحت مصادر المعلومات متاحه للجميع وتقريبا يكاد يكون مفيش حد على وجه الارض لم يسمع بالدين الاسلامي وبالتاكيد اي حد عاوز يتعرف على حقيقة الاسلام بضغطه زر ممكن يطلع كل المعلومات الي هو محتاجها ..

تفتكري بعد التطور ده كله هيكون في عدل ومساواه مابين ناس عاصرت الوضع زمان وتعبت على ماوصلت للحقيقة وناس النهرده الحقيقة بنفسها هي الي بتيجي لهم على الجاهز ؟ بالتاكيد كان لابد من ابقاء الاختبار على صعوبته وعشان كده كان لازم يكون في تشويش على الحقيقة الي اصبحت في المتناول وكان لازم يكون في مشوهات حولها تخلي من الصعب على اي حد يقتنع بالاسلام من النظرة الاولى ولازم فعلا يبحث وينقب ويخترقه في العمق للوصول لجوهره والاهم من كل ده انه لازم يكون من داخله فعلا شخص عاوز يوصل لربنا وعاوز يكون على المنهج الصحيح عشان يتحمل كل ده ويصبر لغايه مايوصل ..

وبالمناسبة كل المشوهات الي حول صورة الاسلام دي لا تاثير سلبي لها نهائيا على من اطمئن قلبه للبحث عن الحقيقة وعن من يريد الايمان بالاله فعلا مش غرضه البلبلة او صرف الآخرين عن الحق .. عارفه ليه ؟

ربنا سبحانه وتعالى بيقول في كتابه العزيز (( وَمَا جَعَلْنَا أَصْحَابَ النَّارِ إِلاَّ مَلائِكَةً وَمَا جَعَلْنَا عِدَّتَهُمْ إِلاَّ فِتْنَةً لِّلَّذِينَ كَفَرُوا لِيَسْتَيْقِنَ الَّذِينَ أُوتُوا الْكِتَابَ وَيَزْدَادَ الَّذِينَ آمَنُوا إِيمَانًا وَلا يَرْتَابَ الَّذِينَ أُوتُوا الْكِتَابَ وَالْمُؤْمِنُونَ وَلِيَقُولَ الَّذِينَ فِي قُلُوبِهِم مَّرَضٌ وَالْكَافِرُونَ مَاذَا أَرَادَ اللَّهُ بِهَذَا مَثَلا كَذَلِكَ يُضِلُّ اللَّهُ مَن يَشَاء وَيَهْدِي مَن يَشَاء وَمَا يَعْلَمُ جُنُودَ رَبِّكَ إِلاَّ هُوَ وَمَا هِيَ إِلاَّ ذِكْرَى لِلْبَشَرِ )) المدثر

الآية دي تسبقها آية اخرى بيذكر فيها رب العزه ان الملائكه على جهنم 19 ملكا .. لما كنت صغيره ودرسناها توقفت عند الآيتين دول كتير .. ربنا سبحانه بيفصل لنا ليه هو ذكر العدد 19 بالذات .. كنت بسال نفسي واقول ان كان من اسباب تحديد العدد هو ان يضل بعض الناس طيب ليه سبحانه ذكره .. والاهم .. ليه بيؤكد على انه تعمد هذا الذكر وتعمد وضع رقم قد يثير الريبة .. لما كبرت وفهمت اكتشفت ان الآية واضحه صريحه لا لبس فيها .. هو سبحانه حدد العدد عشان كل من سيقرأه سيكون احد ثلاث فئات ..

اما انه من اهل الكتاب فسيجد ان هذا العدد او هذه الحقيقة موافقة او ( مكملة ) لحقيقة اخرى ثابته في كتابهم وهنا لازم يسال نفسه .. كملتها ازاي ؟ وبالمناسبة كتير جدا من القصص القرآني الي البعض بيعتبرها وارده في القرآن للعظه والعبرة فقط ماهي في حقيقتها الا مفاتيح ربط في اجزاء من التوراه كانت مبهمه او غامضه او تبدوا وقد ذكرت عرضا لا تؤثر في سياق القصة لكن ستجدي ان التكمله او التتمه او مايجعل المشهد اكثر منطقية موجود في القصة القرآنية .. وهكذا في اشياء كتير موجوده تبدوا للبعض عاديه ولكنها ربما نزلت خصيصا لمن يؤمن بكتب سابقة ..

الفئة الثانية الي ربنا سبحانه قصدهم هم المؤمنين الي قلبهم مطمئن وعامر بالحقيقة .. دول لما تصلهم تلك المسألة مش هتزيدهم الا ايمانا .. وهيتثبتوا وتخرج منهم الريبة تماما كأهل الكتاب ..

الفئة الثالثة وهم من في قلبه مرض او المنافقين ومعاهم الكافرين .. دول بالذات الي هيكون للعدد ده اكبر تاثير عليهم .. دول بالذات الي ( الشبهة ) دي نزلت عشانهم .. هيشككوا .. وهيقولوا ايه ده ؟ وهيتخذوا منها ذريعة للهجوم على الاسلام او محاولة النيل منه .. وسبحان الله بعد مئات السنين كان في من الناس من تمسك بالعدد 19 بالذات والف حوله المذاهب والتيارات بل ووصلت به الى ادعاء النبوة ..

قيسي على ذلك حاجات كتير جدا تلصق بالاسلام بل وايات واحاديث يقوم البعض بنزعها من سياقها للتدليل على امور توافق اهوائهم .. خذيها قاعده .. مش هيوصل للحقيقة غير شخص فعلا يستحق الوصول لها .. مش هيؤمن غير شخص فعلا اختار يكون مؤمن .. اي شبهة او تهمه تلصق بالاسلام مش هتاثر نهائيا على من اتخذ قرارا مسبقا بضروره التزام المنهج الحق .. حتى لو مكانش يعرف وقتها ايه هو المنهج الحق .. اي مما يقال عن الاسلام مش هيمنع نهائيا اي حد يستحق يكون مسلم ويستحق يكون على المنهج الحق من انه يدخل فيه ..

اما المنافقين واصحاب المنافع فبدال ماتحققي غرضهم وتنشغلي بالدفاع عن اسلامك ونفي تهمه الارهاب عنه فامامك الحل الاصح ..

انتي مسلمه وعارفه ان دينك لا يحضك على العنف خلاص التزمي ده في حياتك .. اما بالنسبة للآخرين من غير المسلمين ولما يسألوكي انتم ارهابيين ليه قولي لهم عباره واحده بس ..

قد نكون ارهابيين وقد لا نكون .. وقد يكون ديننا هو الدين الحق وقد لا يكون .. لكن رجائي ان تعطوا انفسكم فرصة للبحث عن الحقيقة .. فرصة للقراءة عن الاسلام من مصادره الحقيقة .. لا من فم اعدائه ولا من فم اصدقاءه .. ابحثوا بانفسكم .. لا تاجروا عقولكم لاحد .. ابحثوا واقرأوا ثم قرروا بانفسكم ان كان هو دين الارهاب او هو دين الحقيقة .. الموضوع يستحق العناء ..

[عبير يونس]

وعشان كده كان لازم يكون الاختبار اكتر صعوبه وتكون الاجابة الصحيحه مخفية مابين عشرات الاجابات الاخرى المضللة .. كان لازم ميوصلش للحقيقة غير شخص تعب فعلا وبحث واحتار وتفكر طويلا قبل مايختار المنهج الي هيثبت عليه الى ان يلقى وجه ربه ..

تفتكري بعد التطور ده كله هيكون في عدل ومساواه مابين ناس عاصرت الوضع زمان وتعبت على ماوصلت للحقيقة وناس النهرده الحقيقة بنفسها هي الي بتيجي لهم على الجاهز ؟ بالتاكيد كان لابد من ابقاء الاختبار على صعوبته وعشان كده كان لازم يكون في تشويش على الحقيقة الي اصبحت في المتناول وكان لازم يكون في مشوهات حولها تخلي من الصعب على اي حد يقتنع بالاسلام من النظرة الاولى ولازم فعلا يبحث وينقب ويخترقه في العمق للوصول لجوهره والاهم من كل ده انه لازم يكون من داخله فعلا شخص عاوز يوصل لربنا وعاوز يكون على المنهج الصحيح عشان يتحمل كل ده ويصبر لغايه مايوصل ..

قولي لهم عباره واحده بس ..

قد نكون ارهابيين وقد لا نكون .. وقد يكون ديننا هو الدين الحق وقد لا يكون .. لكن رجائي ان تعطوا انفسكم فرصة للبحث عن الحقيقة .. فرصة للقراءة عن الاسلام من مصادره الحقيقة .. لا من فم اعدائه ولا من فم اصدقاءه .. ابحثوا بانفسكم .. لا تاجروا عقولكم لاحد .. ابحثوا واقرأوا ثم قرروا بانفسكم ان كان هو دين الارهاب او هو دين الحقيقة .. الموضوع يستحق العناء ..

bv:-