ما اسباب انتشار تلك الظاهرة.

[nightmare]

انتشرت في الآونة الأخيرة صور الفنانيين ولاعبي الكورة تحديدا أثناء آدائهم لمناسك الحج

ربنا يتقبل منا جميعا ويهدينا ويهديهم, انا اعرف ان الحج هو عبادة بين العبد وربه وان الواحد في الحج بيبقي فرحان وعادي ممكن يتصور ويبعت صوره لأحبابه وأصحابه علشان يشاركوه فرحته

لكن اول سنة اشوف كل كمية الصور دي لفنانيين ولاعبين كورة وتسابقهم في نشر هذه الصور في كافة المواقع وفي الفيس بوك وغيرها , وما فعله تامر حسنى حاجة غريبة

تعالوا نقرأ الخبر ده

وكان تامر حسني قام بإرسال رسالة صوتية لكل محبيه ومعجبيه عبر موقعه الرسمي على الانترنت، وذلك خلال طريقه لأداء مناسك فريضة الحج.

ودعا تامر خلال رسالته لجميع جمهوره، حيث قام بنشر فيديو يحمل بعض صوره أمام الكعبة المشرفة من رحلته الأخيرة للأراضي المقدسة لأداء العمرة مصحوبة بتسجيل صوتي أعلن خلاله أنه في طريقه للمطار متجها إلى الأراضي المقدسة لأداء الحج.

ويقول تامر في رسالته الصوتية :"حبايب قلب اللي معنديش أغلى منهم ، أنا دلوقتى إن شاء الله بحضر حاجاتي وطالع المطار ورايح المدينة وهاطلع على الحج ، هدعيلكوا كلكوا وعايز أقول ربنا يكتبهالكوا جميعا يارب ، وتفرحوا بحياتكم أنتوا عارفين معنديش أغلى منكم ولا اله إلا الله سيدنا محمد رسول الله" .

طب ده بقي نفسره بإيه , وكله كوم والصورة دي كوم تانى

هو مفيش حد قاله ان المحرم لا يجوز له تغطية رأسه

ربنا يهدي الجميع

بس حد عنده تفسير للظاهرة دي والتسابق ده سببه ايه ؟؟ والا دي حاجة عادية ؟؟

مع تحياتي

[مغتربة]

فى نكته قديمه عن اليهودى الى حب ينزل نعى لابنه فى الجرايد

فكتب كوهين ينعى ابنه و يصلح ساعات :P :P

تقريبا دا التفسير الوحيد الى عندى :give_rose:

[akramgroup]

دى بصراحة ظاهرة عجيبه بس مش جديده

يعنى انا كنت بشوف ناس فى جبل عرفات عاوزين يتصوروا بس لو اقولك عليهم هاتموت ضحك

تلاقى حاج زى الفل وعاوز يتصور وساعة الصورة تلاقيه واخد بوز محترم

او ضارب ايده فى وسطه كأنه الشحات مبروك

بجد حاجات غريبه

ربنا يستر علينا ويتقبل من عبادة المخلصين

[Howayda Ismail]

الاغرب اللى شفته على شاشة الفضائيات اثناء نقل شعائر الحج ان ظاهرة كل واحد ايده على ودنه بالمحمول

المنتشرة فى الشوارع وفى كل مكان انتقلت فى جميع الشعائر واعظمها وقفة عرفات اللى المفروض مشغول فيها

الحاج بالاستغفار والادعية يعنى فى ملكوت تانى خالص والادهى مشاورته للكاميرات وده حاصل مع الناس العادية

فليس مستغربا ان يصدر من الفنانين المشهورين سلوكيات شبيهة رغبة فى اكتساب مزيدا من الشعبية

[capitshino]

انتشرت في الآونة الأخيرة صور الفنانيين ولاعبي الكورة تحديدا أثناء آدائهم لمناسك الحج

ربنا يتقبل منا جميعا ويهدينا ويهديهم, انا اعرف ان الحج هو عبادة بين العبد وربه وان الواحد في الحج بيبقي فرحان وعادي ممكن يتصور ويبعت صوره لأحبابه وأصحابه علشان يشاركوه فرحته

لكن اول سنة اشوف كل كمية الصور دي لفنانيين ولاعبين كورة وتسابقهم في نشر هذه الصور في كافة المواقع وفي الفيس بوك وغيرها , وما فعله تامر حسنى حاجة غريبة

تعالوا نقرأ الخبر ده

وكان تامر حسني قام بإرسال رسالة صوتية لكل محبيه ومعجبيه عبر موقعه الرسمي على الانترنت، وذلك خلال طريقه لأداء مناسك فريضة الحج.

ودعا تامر خلال رسالته لجميع جمهوره، حيث قام بنشر فيديو يحمل بعض صوره أمام الكعبة المشرفة من رحلته الأخيرة للأراضي المقدسة لأداء العمرة مصحوبة بتسجيل صوتي أعلن خلاله أنه في طريقه للمطار متجها إلى الأراضي المقدسة لأداء الحج.

ويقول تامر في رسالته الصوتية :"حبايب قلب اللي معنديش أغلى منهم ، أنا دلوقتى إن شاء الله بحضر حاجاتي وطالع المطار ورايح المدينة وهاطلع على الحج ، هدعيلكوا كلكوا وعايز أقول ربنا يكتبهالكوا جميعا يارب ، وتفرحوا بحياتكم أنتوا عارفين معنديش أغلى منكم ولا اله إلا الله سيدنا محمد رسول الله" .

طب ده بقي نفسره بإيه , وكله كوم والصورة دي كوم تانى

هو مفيش حد قاله ان المحرم لا يجوز له تغطية رأسه

ربنا يهدي الجميع

بس حد عنده تفسير للظاهرة دي والتسابق ده سببه ايه ؟؟ والا دي حاجة عادية ؟؟

مع تحياتي

اعتقد ان الصورة دى بعد التحلل الاول لانه حالق شعره .. بس هى فعلا ظاهرة غريبة

[ذهبية]

هى مش جديدة بس الجديد العدد يعنى السنة دى سافر كتير قوى من النجوم

الفكرة ان النجوم عايزين تفضل سيرتهم موجودة على لسان معجبيهم حتى و هما مسافرين

فكرة بقى ان دة صح او غلط

و الله لو كان نشر اخبار زى دى ممكن تشجع غيرة من الفنانين ان ربنا يهديهم و يقلدوة يبقى خير و بركة مع انى اعتقد ان الهداية من الله

لو كانت دعاية لة فحسابة عند ربة

الله اعلم بالنوايا

وربنا يتقبل من الكل و يهدى الجميع