ايهما افضل فى ميزانية البيت - المراة ام الرجل

[اغابي]

ايهما الافضل فى ميزانية المنزل

المراة ام الرجل

الغريب فى الموضوع ان الدراسة اثبتت فى الاغلب الرجال هم الاكثر مهارة فى الحسابات

:protest:

ولكن فى رايي وعن تجربة - اكتر من يتفنن فى تشتيت الحسابات هم الرجال

ويقدمون الحجج بالمزيد من المفاجات الاضرارية الشبه يوميه فى انهم كيف يقضون على الراتب فى اقل فترة زمنية

المهارات الحسابية.. ثروة للزوجين

الأزواج متوسطو الأعمار الذين يتمتعون بمهارات حسابية جيدة يكونون أكثر ثراء من غيرهم.

هذا ما توصل إليه باحثو أميركيون في مؤسسة البحوث والتنمية «راند» بعد أن حللوا بيانات لأزواج تجاوزت أعمارهم الخمسين،

ووجدوا أن من أجابوا منهم عن 3 أسئلة حسابية كان لديهم ثروة تصل الى 1.7 مليون دولار كمعدل،

مقابل 200 ألف دولار لمن لم يجيبوا عن أي من الأسئلة بشكل صحيح.

وقال المسؤول عن الدراسة جيمس سيث «فحصنا عدة مهارات إدراكية ووجدنا

أن اختباراً بسيطاً لمهارات الشخص الحسابية كان مؤشراً جيداً عمن هم صناع قرار مالي أفضل للأسرة».

والمهارة الحسابية هي قدرة التعامل مع الأرقام ومبادئ حسابية يتم تعلمها في المدرسة.

وتبين أن %62 من الأسر يكون فيها الرجل هو المسؤول عن القرارات المالية.

¶ يو بي أي ¶

تم تعديل 13 نوفمبر 2010 بواسطة اغابي

[خالد التهامى]

فلم الفنان نجيب الريحانى مثال على مايمكن للرجال فعلة فى الجسابات

ولكن زوجتى اثبتت انها افضل منى فى الحسابات وخصوصا فى مصروف البيت

عن خبرة سابقة السيدات اكثر مهارة فى ذلك

تم تعديل 13 نوفمبر 2010 بواسطة khalid altohamo

[doha]

في رايي ان الدراسة دي صحيحه ..

مشفتش انها بتقول ان الرجالة افضل او السيدات وانما خلصت الدراسة ان المهارات الحسابية بتساعد على على ظبط ميزانية الاسرة .. يعني الشخص الي ذهنه حاضر في الحساب وبطبيعته بيميل لظبط الارقام واستنتاج العلاقات بينها ده هتلاقيه في المصاريف دقيق برضه ولما يخرج او يصرف بيبقى عارف تقريبا هينفق قد ايه من الي في جيبه ويحتفظ بايه .. بينما الي عندهم مشاكل حسابية عاده مبيهتموش باحصاء مامعهم من نقود او تخمين مطلوب منهم يحافظوا منها على قد ايه معاهم ..

وده شيء انا لاحظته بشكل واضح جدا ان معظم ان لم يكن كل خريجي تجارة او اقتصاد او رياضيات وغيرها من المجالات المتعلقة بالحسابات بيكونوا قادرين تماما على التحكم في مصروفهم وانفاقهم بعكس خريجي الكليات التانية الي مش بالضرورة ابدا يتقنوا ده فضلا عن افتقارهم لمباديء حفظ الاموال الي بتعتبر ( بديهية ) بالنسبة لدارسي العلوم التجارية ..

الدراسة بتقول برضه ان معظم الاسر يتحكم في مصروفها الرجال وده اظنه صحيح ..

وعليه فالدراسة صحيحه بس العنوان هو الي ملوش علاقه بيها ..

[طبيبة بالخارج]

مش تحيز و لا حاجة بس الستات الافضل في تنظيم ميزانية البيت و ده ببساطة لأنهن المسئولات عن اغلب عمليات الشراء لاحتياجات البيت و بالتالي اكثر تحكم بعملية الصرف و الستات في طبعهم اكثر طول البال على اختيار السلع حسب اسعارها و نوعياتها.

و لو ان اليومين دول الحالة الاقتصادية في مصر خلت ميزانية البيت لغز الألغاز و ارشميدس نفسه كان قعد يبكي امامه

[nightmare]

بصراحة وعن تجربة شخصية يعني

لما والدتى هي اللى كانت ماسكة الميزانية نظراً لسفر والدي , كانت الحياة وردي والقشية معدن والحاجة ام الف باخد الفين وكنت بشرب سجاير اجنبي والمذكرة ثمنها يتاخد اربع مرات عادى, والحياة كانت بمبى.gt:

ولهذا قررت انى لما اتجوز ان شاء الله بعد عمر طويل يعني , الميزانية هتبقي في ايدي طبعا , مش هغلط انا غلطة والدي.

مع تحياتي

[المهندسه]

(المفروض) انى انا الماسكه مصروف البيت و بصراحه ساعات بمسكها اوى على العيال و ابوهم ...علشان الغربه اللاحنا فيها يبقلها لازمه و نخلص منها فى اسرع وقت...لكن كل شهر جوزى يزهق بعد 10 ايام من بدايته و يقولى "انتى منشفاها علينا كده ليه ...اخر مره تمسكى المصروف" و يبتدى هو يصرف ...طبعا فى اخر الشهر بيلاقى نفسه زودها اووووووى اوووووى اوووووى بزياده...فيقولى "خلاص الشهر الجاى مش هتناقش و امسكى انتى المصروف احسن بطريقتى دى الغربه مش هتجازى معانا"...وتعود الكره من تانى و يزهق من عاشر يوم

وهلم جررررررر و ترجع ريما لعادتها القديمه

اختصار الكلام ان كل ال انا شوفتهم ناجحين بيبقى المصروف فى ايد الست مش الراجل ...نفس الحال مع والدى ووالدتى و حماتى و حمايا..من وجهه نظرى ان السيدات اكثر تدبيرا و اسألوا سعاد حسنى فى هو وهى "البنات ناصحين تمام يسألوا الحاجه بكام؟ ينفعوا وزراء ماليه واقتصاد مفيش كلام" ولا احنا بقه هنعرف اكتر من بتوع السيما

ولهذا قررت انى لما اتجوز ان شاء الله بعد عمر طويل يعني , الميزانية هتبقي في ايدي طبعا , مش هغلط انا غلطة والدي.

اما الانسان ده نمرود صحيح...بقى الوالده :vian: عملت العاليها و زياده و بشبشتك و عشت فى عصرها ملك زمانك وفى الاخر تقول كده

طيب هقولها...بس اشوفها

ياريتها كانت خليتك تشرب كلوباترا :big_boss: علشان تعرف ان الله حق...او تقولك مفيش سجاير خااالص n2&( ...او bsh:)

تم تعديل 13 نوفمبر 2010 بواسطة المهندسه

[عادل أبو عمر]

في رأيي أن الأصلح لإمساك ميزانية البيت هو الحزب الوطني ده على اعتبار إنه بيقول رشحني " من اجلك أنت" يبئى يتفضل يشيل الشيلة لأنه هو الوحيد القادر على حل لوغاريتمات معادلة ميزانية البيت مع أسعار الطعام و الصحة و التعليم

غير ذلك فالرجل و المراة مظلومين لكن الأسعد منهم من يحاسب الآخر آخر الشهر و يقوله ليييييييييييه ... عاوز زيادة في المصروف لييييييييييه

http://www.youtube.com/watch?v=i9WAQ54B8Wc

[Diab]

الست وهي صغيرة بتبقي مسرفة جدا والافضل ان المصروف يكون مع الراجل

مع تقدم العمر بنلاقي ان الست بتبقي مدبرة عن الراجل

وده تفسير ان كتير من الرجال بيقولوا ان امهاتهم مدبرات وزوجاتهم مسرفات

[م تيمور المراغي]

التوبيك ده دمو خفيف اوي على فكره

انا عن نفسي قاسم البلد نصين ,,

المرتب اول الشهر بديه زي الشاطر لمراتي تظبط بيه الدنيا ,,

والمشاريع الخارجيه - محدش يقولها والنبي - بمنجه نفسي بيها واستثمرها كيفما اتفق ,, :happy:

[الغريب]

الست وهي صغيرة بتبقي مسرفة جدا والافضل ان المصروف يكون مع الراجل

مع تقدم العمر بنلاقي ان الست بتبقي مدبرة عن الراجل

وده تفسير ان كتير من الرجال بيقولوا ان امهاتهم مدبرات وزوجاتهم مسرفات

جميل أوي التفسير ده يا دياب

أنما أنا من رأيي أن الراجل في بداية الحياة الزوجية بيكون أقدر على التحكم في الميزانية، أنما بعد كدة شوية بشوية الست بتلقط منه شكل التخطيط وبتبدأ هي تنفذ نفس التخطيط

[Diab]

الست وهي صغيرة بتبقي مسرفة جدا والافضل ان المصروف يكون مع الراجل

مع تقدم العمر بنلاقي ان الست بتبقي مدبرة عن الراجل

وده تفسير ان كتير من الرجال بيقولوا ان امهاتهم مدبرات وزوجاتهم مسرفات

جميل أوي التفسير ده يا دياب

أنما أنا من رأيي أن الراجل في بداية الحياة الزوجية بيكون أقدر على التحكم في الميزانية، أنما بعد كدة شوية بشوية الست بتلقط منه شكل التخطيط وبتبدأ هي تنفذ نفس التخطيط

:blink:

طب ماهو ده اللي انا بقوله

تم تعديل 13 نوفمبر 2010 بواسطة Diab

[مصري أصيل]

بالتأكيد الموضوع مالوش قاعده معينه يعني اكيد بيختلف من بيت لبيت.

لكن عن تجربه شخصية المرأه أقدر علي التحكم في ميزانية البيت من الرجل

انا من فتره بأدي ام كريم مبلغ و هيه بتظبط بيه الامور لكن نفس المبلغ لو انا حاولت ادبر بيه امور البيت الميزانيه لازم تخرم

و الموضوع لا اظن له علاقه بالمهاره في الحسابات لأن دراستي و شغلي قائم عليها بعكس ام كريم فأهتمامها اكتر بالأدب و الشعر

و خلافه و كمان انا أقدر علي ان أعرف ان كانت السلعه غاليه و لا رخيصه عنها و مع ذلك لما بتمسك ميزانية البيت عمرها ما خرمت

معاها غير مره واحده و إضطريت طبعاً أغطي العجز في ميزان المصروفات.

و أعتقد الموضوع له علاقه أكتر بالتنظيم يعني هي أكثر تنظيماً مني بمعني انها بتقسم مصروف البيت لأقسام حسب تقديرها يعني بند

الجمعيات كذا بند اللحوم كذا بند المطاعم كذا بند الفسح و الذي منه كذا .

و طبعاً الموضوع ده فيه راحه للراجل كتير لأن بينفض ايده و يريح دماغه و بيبقي مرتااااااااااااح آخر راحه يا ريت اللي ما

جربش يجرب و الله

و هيدعيلي

[samehmagdy]

انا من رائى ان الراجل فعلا افضل فى ميزانيه البيت لو الميزانيه مفتوحه

يعنى لو مفيش مبلغ محدد للميزانيه وبيصرفو بالبركه (ودى للاسف اللى انا عامله )

علشان فى الغالب هو اللى بيبقى تعبان فى الفلوس دى وعارف هو بيصرفها ازاى

انما لو الميزانيه مبلغ محدد كل شهر لمصروف البيت يبقى الست هى الاحسن طبعا علشان عارفه طلبات البيت اكتر من الراجل وعارفه ايه هى اولويتها وهتقدر تمشى نفسهابالميزانيه المحدده ودى بقى اللى انا ناوى اعمله ان شاء الله smk:

[مسافر زاده الخيال]

بلا جدال اعتقد ان المرأة هي (الاقدر) عادة على ضبط مصروف البيت و كل ما له علاقة بالبيت من اثاث و مطبخ حتى لو كانت غير اكاديميه او تعليمها اقل من الرجل

[المهندسه]

دراسة: المرأة تفوق الرجل 60 مرة فى تدبير نفقات المنزل

قال الدكتور هاشم بحرى استاذ الطب النفسى أن المرأة تتفوق على الرجل فيما يتعلق بالقدرة على التذكر والسرعة الإدراكية وتفوق الرجل 60 مرة فى الاستراتيجية العقلية وتدبير نفقات المنزل مشيراً الى أن ثلثى الأسر المصرية تعتمد على دخل المرأة.

وأوضح بحرى فى لقاء مع برنامج صباح الخير يا مصر بالتليفزيون المصرى أن النساء يتفوقن عادة على الرجال فى أداء المهام التي تتطلب إدراك التفاصيل وتغيير الانتباه فضلاً عن أنهن يتفوقن علي الرجال 60 مرة فى تدبير نفقات المنزل والإقتصاد مشيراً الى أن احساس المرأة بالمسئولية النابع عن خوفها على ابنائها يجعل الرجل يتهمها ب"النكدية".

ولفت الى أن المرأة أيضا أكثر قدرة على تحمل الألم والتغيرات الكبيرة في درجات الحرارة مقارنة بالرجال و قد أكدت الدراسات العلمية أن النساء يتفوقن على الرجال من الناحية الجسدية حيث يحتفظن بدرجة حرارة الجسم الداخلية بصورة أفضل منهم.

وأضاف استاذ الطب النفسى الى أن يضع يلقى على عاتق المرأة مسئولية المنزل والأبناء وعندما تذكره بمسئوليته تجاه ابنائه يشعر بالغضب ويتهمها بأنها "نكدية"مشيراً الى أن الإحصائيات أثبتت أن دخل المرأة أعلى من الرجل و ثلثى الأسر المصرية تعتمد عليه لدعم المنزل.

وأشار بحرى الى أن مسئولية المرأة تجاه ابنائها تجعلها لا تستطيع الحصول على قسط جيد من الراحة مما يجعلها تشعر بالقلق والعصبية مشيراً الى أن أثبتت الدراسات أن النوم العميق يؤدى الى الراحة النفسية والمزاج المعتدل واضطرابه يؤدى الى العصبية والقلق والنكد.

ودعا الطبيب المصرى الزوج والزوجة للجلوس معاً على المستوى التربوى لمناقشة مشاكلهم بطريقة موضوعية وحضارية وأن يحاول كل منهما تبادل دوره مع الأخر للبحث عن حل ايجابى مشيراً الى أن النقاش المتحضر ينعكس ايجابياً على صحة الأبناء النفسية مستقبلاً.

المصدر: موقع أخبار مصر

الله بقه طب احنا نصدق ميييين فى الدراسات البتقول العكس... i*: i*: i*: ؟؟؟

تم تعديل 18 نوفمبر 2010 بواسطة المهندسه

[Guest sofy]

\المراة افضل طبعا لانها اقتصادية بارعة

تم تعديل 18 نوفمبر 2010 بواسطة sofy

[Guest sofy]

الراجل ممكن يدير كيانات اقتصادية كبيرة زي وزارة الاقتصادمثلا لكن الست اقدر علي ادارة اقتصاد البيت

[AhmedSalim]

انا شايف ان الاقدر هو الى يستطيع انا يقوم بعمل توزان بين الدخل و المصاريف

بس عن تجربتى انا عامل ميزانيه البيت جيده و ومع كده لازم تخرم كل يوم 20 فى الشهر

وست الكل زوجتى طبعا رافضة تمسكها علشان تفضل تتهمنى دايماانى مصرف و بصرف فى الفاضى والمليان (موش عارف يعني ايه)

وفى نفس الوقت ترفض قطعيا انها تمسك الميزانيه علشان متصدعشى دماغة

واعيش انا فى حساباتتتت برمة

تم تعديل 20 نوفمبر 2010 بواسطة AhmedSalim

[mekkawy]

المرأة

و الشرح بكرة بأة إن شاء الله

مكاوى

[rewsha]

بسم الله الرحمن الرحيم

الاجابه ............

انا طبعا

قصدي المراْه .

المراْه مُدبره بطبعها (بالاضافه الى ان اللي بتوفره من مصروف البيت بتدكنه هيه) :P

قصدي بتدكنه وتعينه لوقت الزنقه ;)

وبصراحه الموضوع برضو بيرجع لتربيتها في بيت اهلها همه عودوها على ايه؟

التدبير وله الاسراف؟

لكن بوجه عام .المراْه لما بتتجوز وبتبقى مسؤله عن بيت وميزانيه وتكون بتحب بيتها وجوزها بتحاول توفر له لانها عارفه انه تعبان في القرش اللي بيجيبه ده ;)