الحمار و الحصان وسائل مواصلات عامة

[جويرية]

السيارات بتستهلك بنزين كتير

وده اهدار للطاقة وكمان البترول حيجيي يوم و يخلص ، البترول اتكون في باطن الأرض من ملايين السنين

و البشر انقضوا علي الثروة دي و يخلصوها بدري

فكان ليااقتراح

ان هيئة النقل العام تستخدم الحمير و الحصنة كوسائل نقل

وده تمهيدا لتعميم هذه التجربة

وممكن يقتصر استخدام السيارات علي المطافي و الأسعاف عشان محتاجة سرعة

ولو بحسبة بسيطة نحسب الطاقة اللي بيستخدمها الحمار في اليوم حنلاقيها مثلا بجنيه واحد برسيم ، اما السيارة ممكن تاخد في اليوم 100 جنيه بنزين

كمان لو حسبنا برميل البترول مش بسعر البرميل العادي ، في ضوء ندرة هذا الخام ، حنلاقي السعر لا يقدر بثمن

دي صورة قديمة و كان بتستخدم الدواب وسيلة مواصلات

[جويرية]

هوه الموضوع ده مكانه موضوعات جادة ، بس انا عارفة انه حيتحول لموضوعات خفيفة

فقلت اكتبه هنا ، و ان كنت بعرض فكرة جادة جدا

[nightmare]

هوه الموضوع ده مكانه موضوعات جادة ، بس انا عارفة انه حيتحول لموضوعات خفيفة

فقلت اكتبه هنا ، و ان كنت بعرض فكرة جادة جدا

انا كنت فاكرك بتهزري , لكن كالعادة طبعا , وطالما طلعتي بتتكلمى جد جدا

بالمرة بقي نستغني عن الطائرات ونرجع نسافر بالجمال لإن الطائرات بتستهلك الاف اللترات من البنزين.

وبدل محطات الاتوبيس ومحطات القطارات نعمل اسطبلات بقي والسواق نقلبه سايس.

ونكسر الارصفة والشوارع بقي علشان مش هتنفع بشكلها الحالى ونخليها رمال واراضي طينية.

ونعين الشباب يلموا الروث من الشوارع وشباب يرشوا فنيك في الشوارع علشان الريحة.

وبدل التذاكر نعمل ايه نعمل يه .. اه نعملها باسلوب التقسيط المنتهي بتمليك الحمار

افهم اننا نستبدلهم بعجل , اقوم اسقفلك واقولك موافق وفكرة حلوة ومطبقة في دول كثير

انما حمار ,, رحمتك يارب

مع تحياتي

تم تعديل 12 نوفمبر 2010 بواسطة nightmare

[Ahmed Anwer]

طب ما نمشي علي رجلنا

و نوفر الجنية برسيم كل يوم !!!!

[جويرية]

طب ما نمشي علي رجلنا

و نوفر الجنية برسيم كل يوم !!!!

لا لما شي علي رجلنا كتير حنستهلك احذية كتير يبقي الجنيه برسيم اوفر

[الســـاري]

طيب كان عرضتي فكرة الموتوسيكلات والدبابات على الاقل لفترة انتقالية ..

لغاية ما يتعود الناس .. وبعد كدا نبدا بالخيل والحمير ..

بصي يا جوري

الحمير والخيول فكرة غير عملية على الاطلاق في هذا الزمن

وان كان المقصود توفير الطاقة فالحل الامثل هو ايجاد سيارات تستخدم الطاقة النظيفة

رغم ان انتشارها ح يضرنا كدول تستخدم النفط .. لكن لا اعتقد ان البشر ح يستغنوا عن النفط حتى نضوبه

[Simba]

لا يا اخت جوبرية الموضوع ده مكانه باب دعوة للابتسام

بقي الناس عمالة تقول التوك توك شكله مش حضاري وخلي شكل البلد زبالة انتي تقولي حمير

وساحات الانتظار في امكان الشغل تبقي مليانة حمير

واللي واخد شقة في برج ولا في المدينة هيعمل ايه المسكين هيحط حماره فين

ويا سلام لما السيد الوزير الفولاني يروح وزارته علي حمارته وتكون التشريفة كام بغل قدامه ووراه

السؤال المحير

مين هياخد توكيل الحمير في البلد

[nightmare]

لا يا اخت جوبرية الموضوع ده مكانه باب دعوة للابتسام

بقي الناس عمالة تقول التوك توك شكله مش حضاري وخلي شكل البلد زبالة انتي تقولي حمير

وساحات الانتظار في امكان الشغل تبقي مليانة حمير

واللي واخد شقة في برج ولا في المدينة هيعمل ايه المسكين هيحط حماره فين

ويا سلام لما السيد الوزير الفولاني يروح وزارته علي حمارته وتكون التشريفة كام بغل قدامه ووراه

السؤال المحير

مين هياخد توكيل الحمير في البلد

ههههههههههههه , حلوة يا سمبا

المشكلة بقي لما تنزل الصبح على الباركنج الحميري , تلاقي نفسك مش عارف حمارك من حمار جارك , يبقي لازم نعملهم نمر هما كمان:D

والاشارات بقي , نهقه واحدة يعني اقف , نهقتين يعني استعد , ثلاث نهقات يعني حرك بسرعة

وتخيل معايا بقي لو واحد ماشي بحماره في امان الله وفجأة حماره عينه زاغت على حمارة معدية , نعمل ابه احنا ساعتها.:wub:

والتوكيل طبعا معروف مين اللى هياخدوا , ربنا يجعل كلامنا خفيف عليهم:ph34r:

مع تحياتي

تم تعديل 12 نوفمبر 2010 بواسطة nightmare

[جويرية]

بالمرة بقي نستغني عن الطائرات ونرجع نسافر بالجمال لإن الطائرات بتستهلك الاف اللترات من البنزين

انت سبقتني بالنقطة المهمة دي اللي كنت حقولها

فعلا خسارة البنزين اللي بتستهلكه الطيارات و كمان الطيران فيه تعرض للخطر

و بعدين هوه ايه الفرق بين الجمل و الطيارة ، هوه الوقت فقط

فممكن اصحاب العمل براعوا النقطة دي ، ويدوا الموظفين اسبوعين اجازة لوحدهم دول للمواصلات بس

[Simba]

فعلا خسارة البنزين اللي بتستهلكه الطيارات و كمان الطيران فيه تعرض للخطر

حرام عليكي يا اخت جوبرية مش قادر امسك نفسي م الضحك انتي بتتكلمي بجد فعلا ولا ايه :blink:

طيب بعيد عن الحمير والبرسيم رغم حوادث الطيران لكن النقل الجوي هو آمن وسيلة مواصلات الي الآن

بمقارنة الحوادث بالعدد المهول من الرحلات الجوية اليومية

[جويرية]

كل البشر من ايام سيدنا ادم لغاية القرن اللي فات كانوا بيستخدموا الدواب

جيه الأنسان في العصر ده ولغي كل وسائل المواصلات دي و اسبدلها بالسيارات

طيب ليه ما تبقي السيارة موجودة بجنب استخدام الدواب

كوبري قصر النيل كان مخصص فيه مكان لعبور الدواب

تم تعديل 12 نوفمبر 2010 بواسطة جويرية

[جويرية]

ونعين الشباب يلموا الروث من الشوارع وشباب يرشوا فنيك في الشوارع علشان الريحة

عوادم السيارات ضارة بالبيئة ، لكن المخلفات العضوية ممكن استخدامها في حاجات مفيدة

[Ahmed Anwer]

طب ما نمشي علي رجلنا

و نوفر الجنية برسيم كل يوم !!!!

لا لما شي علي رجلنا كتير حنستهلك احذية كتير يبقي الجنيه برسيم اوفر

يبقي الحل في العجلة ( الدراجة - البسكتله )

وقود صفر - إستهلاك أحذية عادي

[جويرية]

ده فيديو عن شكل العالم لما ينفد البترول

http://www.youtube.com/watch?v=0uWXDkYFX-A

[جويرية]

طيب كان عرضتي فكرة الموتوسيكلات والدبابات على الاقل لفترة انتقالية ..

لغاية ما يتعود الناس .. وبعد كدا نبدا بالخيل والحمير ..

بصي يا جوري اطي

الحمير والخيول فكرة غير عملية على الاطلاق في هذا الزمن

وان كان المقصود توفير الطاقة فالحل الامثل هو ايجاد سيارات تستخدم الطاقة النظيفة

رغم ان انتشارها ح يضرنا كدول تستخدم النفط .. لكن لا اعتقد ان البشر ح يستغنوا عن النفط حتى نضوبه

الطاقة النظيفة دي ايه الغاز الطبيعي طيب ما هوه برضو ليه احتياطي وحيجي يوم و يخلص

بس ما اظنش ان الحمير و الحصنة ممكن تنقرض ،

[جويرية]

لا يا اخت جوبرية الموضوع ده مكانه باب دعوة للابتسام

بقي الناس عمالة تقول التوك توك شكله مش حضاري وخلي شكل البلد زبالة انتي تقولي حمير

وساحات الانتظار في امكان الشغل تبقي مليانة حمير

واللي واخد شقة في برج ولا في المدينة هيعمل ايه المسكين هيحط حماره فين

ويا سلام لما السيد الوزير الفولاني يروح وزارته علي حمارته وتكون التشريفة كام بغل قدامه ووراه

السؤال المحير

مين هياخد توكيل الحمير في البلد

هههههههههههه

يعني انا اتعب نفسي عشان البلد و افكر في حلول لأزماتنا و يبقي اخرة موضوعي دعوة للأبتسام

[Howayda Ismail]

السيارات بتستهلك بنزين كتير

وده اهدار للطاقة وكمان البترول حيجيي يوم و يخلص ، البترول اتكون في باطن الأرض من ملايين السنين

و البشر انقضوا علي الثروة دي و يخلصوها بدري

فكان ليااقتراح

ان هيئة النقل العام تستخدم الحمير و الحصنة كوسائل نقل

وده تمهيدا لتعميم هذه التجربة

وممكن يقتصر استخدام السيارات علي المطافي و الأسعاف عشان محتاجة سرعة

ولو بحسبة بسيطة نحسب الطاقة اللي بيستخدمها الحمار في اليوم حنلاقيها مثلا بجنيه واحد برسيم ، اما السيارة ممكن تاخد في اليوم 100 جنيه بنزين

كمان لو حسبنا برميل البترول مش بسعر البرميل العادي ، في ضوء ندرة هذا الخام ، حنلاقي السعر لا يقدر بثمن

دي صورة قديمة و كان بتستخدم الدواب وسيلة مواصلات

الله يحظك ياجويرية

انا عطيتك تقييم موجب لانى مقدرتش امسك نفسى من الضحك لحد ماشرقت حتى العيال افتكرونى اجنيت

واول ماقريت ماعرفتش اكتب لانى ماملكتش نفسى من الضحك ولسة لحد دلوقتى

عارفة ابنى الصغير بيقولى ايه خليها قدامك كل ماتكتئبى اقريها

ياامينة قصدى ياجويرية اصلك رجعتينى لعصر (السوارس)فى فيلم نجيب محفوظ

كنت عاوزة ارد لاقيت كل اللى عاوزة اقوله سبقنى به الاخوة الاعضاء يعنى انا صعبان على جوزى يبعد المدة دى

رغم انه مسافر بالطيارة عاوزة الناس ترجع لزمن الجمل وتقعد فى الحج شهور زى زمان

شكلك مش بتنزلى من بيتك ياجويرية ده اقل مشوار دلوقت بياخد ساعات فى المواصلات سواء عامة او خاصة

ياشيخة حرام عليك ترجعينا لعصر الظلمات ناقص تقولى نلغى الكهرباء ونرجع للشمع ولمبة الجاز فى عصر الصواريخ

فى حاجة اسمها طاقة نظيفة زى الغاز الطبيعى والحمد لله متوفر منه كتير فى البحر المتوسط

فى دلوقت تسيير السيارات بالطاقة الشمسية ودى طاقة متجددة غير قابلة للنفاذ

انما الحصان والبغل وحصاوى كمان يانهار ابيض خلى بالك انا لسة باضحك مش عليك والله بس من فكرتك العجيبة

واللى زادمن ضحكى ردود اللاخوة اوعى تزعلى منى دا انا لسة عطياكى واحدة خضرة هههههههههههههه

عندنا فى اسكندرية الحنطور بحصان بس ده حاجة للسياحة والسياح بيحبوا يتفسحوا به على الكورنيش ومظهره حضارى

وكذلك مطروح بها كارتة بحمار والكل بيحب يركبه فسحة وتغيير لكن مواصلات ابدا انسى ياعمرو قصدى ياجويرية

[زهرة الجبل]

الأخت الكريمه جويريه

بهذا الموضوع أثبتتي لي بما لا يحتمل الشك إنك فعلاً في أغلب الأحيان بيكون التهريج أو إلقاء النكته و تعميم روح الفكاهه هو مقصدك الذي تجيدين إخفاءه بين السطور

صح ؟

هو أكيد صح

أصل غير كده يبقى ممكن أضيف لإقتراحك تفصيله صغيره تجعله أكثر واقعيه حتى لا ينزعج الأخوه الزملاء الأفاضل و الفضليات منه إلى هذا الحد

إيه رأيك نبقى نلبس الحصان أو الحمار ( باتيناج ) ؟ يعني من باب زيادة السرعه ..

و هي بالمناسبه حيوانات ذكيه و هتلاقيها مع الوقت تعلمت كيف تجري على القوائم الأماميه و ترفع الخلفيه حتى تزيد من سرعتها

أنا عارفه إن الإقتراح ده ممكن يرفع من التكلفه التي يفترض بها أن لا تتعدى جنيه واحد للوقود .. قصدى للبرسيم في اليوم .. بس معلش للضروره أحكام

.. لا بجد موضوع خفيف يستحق الشكر على البسمه التي أدخلها على قراءه

تحياتي

[nightmare]

طب ايه رايك يا جويرية يا أختي في المشروعين الحلوين دول , مش هيكونوا بديل افضل للبنزين وافضل أيضاً من الحمير ووجع القلب وشي وحا وبتاع.:D

سيارة تعمل بالطاقة الشمسية

http://www.youtube.com/watch?v=xbFzOKr637M&feature=related

طائرة تعمل بالطاقة الشمسية

http://www.youtube.com/watch?v=Z9vYO73IapE

مع تحياتي

[Simba]

ده فيديو عن شكل العالم لما ينفد البترول

يا اخت جوبرية الفيديو ده مالوش اي علاقة بالبترول من قريب ولا بعيد