يا حبيب قلبي يا جوزى - ممكن تساعدنى فى المطبخ

[اغابي]

طب ممكـــن تســاعـدنى فـى تنظــيف المطبـــخ

طول ما انت واقف معايا وبتساعدنى فى المطبخ مش حانسي لك الجميلة دى ابدا

ما سبق كان استهلالا لابد منه

بصراحة انا قولت لجوزى الكلمتين دول بالصدفة من كام يوم

لاننا لو هاجرنا كندا مش حينفع ناخد الخدامة معانا وكمان انا لو حدى هناك حاقوم بتنضيف المطبخ

فكنت حابة افتح معاه الموضوع انه يبقى يساعدنى يعنى هناك شوية لما نروح

بس مش حاقولكم رد قال ايه

cr((: cr((:

لو عاوزين اقولكم عادى

cr((:

ما اطولش عليكم

يعنى هما الرجالة قاسيين كدا ليه علينا

هو اتكتب علينا اننا احنا اللى نغسل الاطباق ونمسح المطبخ

ولا رخامة البوتاجاز - ولا الحلل المعصلجة ولا ايه ولا ايه

مش قادرة اتحمل خلاص المنظر بشع دانا الخدامة بتصعب عليا - لا

لالا

cr((:

لالالا

مش حاقدر اتحمل كدا

دي دعوة لكل راجل انه يساعد فى المطبخ

ومن هنا - من المحاورات يعنى - باتقدم نيابة عن كل ست - بادعو الرجال المشاركة فى اعمال المطبخ

انا عندى اقوم بالبيت كله - الا المطبخ

ممكن يا رجالة تتدربو تساعدونا فى تنضيف المطبخ

cr((:

[aimen]

http://www.youtube.com/watch?v=F-mJlC7rU3k

ما تحسبوش يا بنات ان الجواز راحة

[Dreamwithme]

المشكلة أصلا في التربية . الولد بيتربي في بيت أهله من وهو صغير إن مالوش دعوة بحاجة من شغل البيت وأخواته البنات هم بس اللي يساعدوا الأم :closedeyes: يعني الرجالة معذوريين هو أول ما فتح عينه علي الدنيا وهو كل المجتمع حواليه بيقوله إن شغل البيت من واجبات الست وبس فصعب جدا تيجي فجأة وهو كبير بعد 30 سنة تقولي له يا حبيبي الحياة مشاركة وساعدني..أكيد هتسمعي رد مش لطيف خالص :blink: ربنا يعينيك ويقويكي ويهديهولك ويساعدك :)

[اغابي]

http://www.youtube.com/watch?v=F-mJlC7rU3k

ما تحسبوش يا بنات ان الجواز راحة

برضوه يا ايمن ما قولتليش رايك

ايه لو طلبت منك مودامتك انك تساعدها فى اعمال المطبخ

؟؟

وجاوب بسرعة بدون تفكيررررررررررر

[Howayda Ismail]

طب ممكـــن تســاعـدنى فـى تنظــيف المطبـــخ

طول ما انت واقف معايا وبتساعدنى فى المطبخ مش حانسي لك الجميلة دى ابدا

ما سبق كان استهلالا لابد منه

بصراحة انا قولت لجوزى الكلمتين دول بالصدفة من كام يوم

لاننا لو هاجرنا كندا مش حينفع ناخد الخدامة معانا وكمان انا لو حدى هناك حاقوم بتنضيف المطبخ

فكنت حابة افتح معاه الموضوع انه يبقى يساعدنى يعنى هناك شوية لما نروح

بس مش حاقولكم رد قال ايه

cr((: cr((:

لو عاوزين اقولكم عادى

cr((:

ما اطولش عليكم

يعنى هما الرجالة قاسيين كدا ليه علينا

هو اتكتب علينا اننا احنا اللى نغسل الاطباق ونمسح المطبخ

ولا رخامة البوتاجاز - ولا الحلل المعصلجة ولا ايه ولا ايه

مش قادرة اتحمل خلاص المنظر بشع دانا الخدامة بتصعب عليا - لا

لالا

cr((:

لالالا

مش حاقدر اتحمل كدا

cr((:

ده العادى ياحبيبتى

اوى تكونى فاكرة جوزك لوحده كده

طيب انت عندك خدامة مش باحسد والله احنا بقى نعمل ايه فى العزومات عموما ورمضان خصوصااللى تقريبا المطبخ كله

مش حاقولك بقى بس انا لاقيت حل خلتيه يشترى لى غسالة اطباق كبيرة بلم فيها الحاجة على مرتين اهو بتخف

الحمل شوية بس عيبها انها مش بتغسل الحلل ههههههههههههه طمع بقى

بس على فكرة انا اعرف رجالة من العيلتين بيعملوا الموضوع ده عادى بس هم غاويين مطبخ وبيعملوا اكل كمان

ومش عيب الرجالة تساعد ستاتها بس فى رجالة بستعيب الحاجات دى ومنهم زوجى

انا افتكر والدى لله يرحمه لما والدتى تكون مريضة كنا نرجع من المدرسة الاقيه عملنا الاكل وغسل المواعين

اصله مكنش بيحب حد غير امى تمد ايدها فى الاكل طباع بقى

بس اقولك على حاجة ومحدش يضرب ههههههه معظم المغتربين العزاب بيعملوا كل حاجة لنفسهم لكن اول مابيتجوز بيطنش

ويسبها تعمل كل حاجة وهو باشا بصوا انا قلت معظكمم مش كلكم يعنى

[Simba]

دي غلطتك يا اغابي وانتي اللي بتدفعي التمن

كان لازم تسبيه سنتين تلاتة عازب في الكويت لوحده وتبقي تطمني عليه كل كام يوم بالتلفيون وتشوفي عامل ايه في المطبخ

عموما مع المفاوضات ممكن يقتنع انه يبقي يحضر كورن فيلكس للاولاد :P

[dongol]

يعني بدل ما مراتي تقولي يا حبيب قلبي يا جوزري ممكن اساعدك في شغلك ولا في تصليح العربية و لا دفع فواتير الميه و الكهربا تقولي ممكن تساعدني في شغل البيت

صحيح الستات دول مفتريين :protest:

[aimen]

http://www.youtube.com/watch?v=F-mJlC7rU3k

ما تحسبوش يا بنات ان الجواز راحة

برضوه يا ايمن ما قولتليش رايك

ايه لو طلبت منك مودامتك انك تساعدها فى اعمال المطبخ

؟؟

وجاوب بسرعة بدون تفكيررررررررررر

معنديش اى مشكلة ابدا يا مدام اغابى والله -الحمد لله -

بصفتى عريس جديد ( فى الشهر الثالث ) عقبالكم واولادكم ان شاء الله

حاليا مهامى فى البيت تشمل الدفع- اى حاجه فيها فلوس بدفع علطول - و شيل انبوبة البوتجاز و رمى كيس الزبالة وادخال قوارير المياة واحضار التموين من السوبر ماركت smk: غير كده انا طرزان ....

يعنى فى البداية حاولت اساعد واغسل معاها بس المدام طردتنى من المطبخ :sad: ...عارفين بقى لما يكون مركب لها قبطانين ...ففضلت انسحب واراقب خطوط العدو و اضرب قنابل كلام عند الحاجه ...ماهو طبعا الواحد لازم يكون له صوت فى البيت مش كده ...الملح ناقص ...مش عارف ايه ...هو فيه حد بيعمل الرز بالطريقة دى ...

الحمد لله انا متغرب من اول ما دخلت كلية فموضوع الاكل والغسيل وغيره عادى عندى

معنديش اى مشلكة انى انظف الشقة او امسحها حتى او اغسل الأطباق أو غيره

الله يمسيك يا خالى على بالخير يارب - لما كان ستات البيت بيعملوا محشى - كان هو اللى لازم يقود المسيرة وبيعمل محشى ولا اجدع واحدة فيهم

دى المشاركة حلوة يا جدعان بس بالمزاج وبعدين المثل مش بيقول من قدم السبت لقى الاحد ..... :blush2: وهنيالك يا فاعل الخير

تم تعديل 8 نوفمبر 2010 بواسطة aimen

[Howayda Ismail]

المشكلة أصلا في التربية . الولد بيتربي في بيت أهله من وهو صغير إن مالوش دعوة بحاجة من شغل البيت وأخواته البنات هم بس اللي يساعدوا الأم :closedeyes: يعني الرجالة معذوريين هو أول ما فتح عينه علي الدنيا وهو كل المجتمع حواليه بيقوله إن شغل البيت من واجبات الست وبس فصعب جدا تيجي فجأة وهو كبير بعد 30 سنة تقولي له يا حبيبي الحياة مشاركة وساعدني..أكيد هتسمعي رد مش لطيف خالص :blink: ربنا يعينيك ويقويكي ويهديهولك ويساعدك :)

معلش يادريم انا بخالفك الراى ده بالعكس بقى اللى لاحظته ان الولد اللى مش بيساعد والدته فى البيت ويؤمر وينهى

لما بيتجوز بيبقى خدام مراته بتوصل لحد تغيير الكوافيل وغسل المواعين وده حصل مع ناس كتير

والعكس لما تلاقى واحد مش حنقول مطحون فى بيتهم بس اهو بيساعد اول مايتجوز يشم نفسه ويتمرد ومايمدش ايده فى حاجة

وفى ناس متعاونة على اختلاف الحالتين سواء عازب او متجوز بس بيختلف نوع المهام اللى بيحب يعملها

يعنى زوجى بيعمل كده زى ايمن

(حاليا مهامى فى البيت تشمل الدفع- اى حاجه فيها فلوس بدفع علطول - و شيل انبوبة البوتجاز و رمى كيس الزبالة وادخال

قوارير المياة واحضار التموين من السوبر ماركت غير كده انا طرزان ....)

لكن عند المطبخ استوب وبعدين كفاية تعبهم فى شغلهم ربنا يقويهم

يعنى زوجى بيعمل زى ايمن

[se_ Elsyed]

عُمر إبني بيقولها " من يرحم يرحم " ههههههههه

قلت له يا إبني إسمها " من لا يرحم لا يُرحم "

أنا عادي بأساعد بدون اي ضغوطات ... وعشان بأعرف أطبخ كويس وكويس قوي كمان ... فلما تكون المدام بعافية أو حتى تطق في دماغي أكله معينه خصوصاً الوصفات الهلامية للشيف بندق أبو البنادق ... بادخل المطبخ وأجرب في اهل البيت كلهم ... وكتير قوي بالذات بأحضر العشا عشان بيبقى خفيف ( يعني كوارع بلحمة الراس ... بط محشي فريك .... نسلق راس عجل وناكلها بالهنا والشفا )

من ناحية غسيل المواعين .. فجبت للحاجه غسالة أطباق وريحت الجمجمة ..

بالمناسبة يا ولاد .. لقيت توكيل لماركة Boach في مصر

كنت فتحت موضوع عن كده

http://www.egyptiantalks.org/invb/index.php?showtopic=111540

بس قريت كرت الضمان لقيت في وكيل في مصر بيناته كالتالي

KIM Group

شارع سليمان الحلبي - الأزبكية

وهابقى أجيب أرقم تليفوناته عشان عندي في البيت

-------

نرجع لموضوع أغابي ....

لا علاقة بين الرجولة الكاملة وبين المساعدة في شغل البيت ...

مش فاهم الرجالة ربطت بين ده وده إزاي ؟

يعني الراجل بيبقى عنده وقت فراغ كبير جداً بعد ما بيروح .. وبيقضيه ما بين الفرجة عالتليفزيون والجلوس المستمر أمام اللاب توب ...

أما الست فممكن تلاقيها شغالة 24/24 ما بين شغل البيت للطبيخ لمذاكرة الأولاد للغسيل لـ لـ لـ ...

خصوصاً إن العيد قرب والبيت لازم يبقى up side down كنس ومسح وحركات ...

طب فيها إيه لما الراجل يمد إيه ويعمل اي منظر يعني من باب الشفقة ؟

وكمان في حاجه أهم ... يا اخي إذا ما كنتش هاتساعد .. يبقى لا تضع قدمك في الطريق لعرقلة الأخرين ( دي حكمة سين سينية أغريقية قديمة )

يعني على الأقل ما تشربش في كوباية الشاي وتقوم مشطوحها وراميها في أي حته

أو تقعد تقزقز لب وترمي في قفا اللي قدامك

أو ضع ملابسك في مكانها الصحيح مش مطرح ما ييجي في عينك النوم تنام وإنت مرتاح البال .. ومش مهم بقى البدلة تلاقيها في التلاجة وسوري الجزمه ترميها تحت الكومودينو ... إلخ

الست المصرية لها الجنة فعلاً لإنها زي الطاحونة وبتشتغل 24 ساعة بلا توقف ...

[اغابي]

فى واحد قريب جوزى هنا فى الكويت - اسطورة بجد - احكيلكم ايه ولا ايه ولا ايه عنه

بصراحة كل واحدة حتحتاج فى بيتها راجل متعاون كدا وبعدين هو طبعه كدا

ومدامته دى حاجة كدا دلع خالص - ولا بتعمل حاجة

انا عاوزة اعرف هى بتعمل ايه طول اليوم - اسمعوا اللي بيقوم بيه

- بينضف السمك ويملحه - علشان ايد المودام ما تتعورش من الشوك

- بيقطع البصل علشان ايد المدام مش بيطلع منها ريحة البصل وهى نفسيتها بتبقى تعبانة جدا

- وبينشر الغسيل لانه بيقول فى البلكونة اللى قصادهم

فى شباب عذاب وبيخاف على مراته تخرج البلكونة

- وبيوصل الاولاد للمدرسة

- ومرة روحنا نزورهم هو اللى قدملنا العصير والجاتوه

وحسيته جدع

- وبيجيب كل مشاوير البيت كلها

- ولما بيرجع من الشغل باليل بيحضر سندوتشات العيال ويصحيهم الصبح الساعة 6 يفطرهم

قبل المدرسة وما حدش بيحب يصحيها هى من النوم او يزعجها

- وبيغسلها الحاجات الصعبة فى المطبخ وخاصة البوتاجاز والتلاجة والديب فريزر

- وبيطبخلها اكلات روعة مرة عزمنا على العشا

اجدع شيف مش زى جوزها فى المطبخ - عمل صينية بطاطس بالفرن وكمان مبمار ولحمة مشوية

خلو بالكم ما عندهمش خدامة

وهى مش بتشتغل قاعدة فى البيت

بتتفرج على التفزيون

cr((:

ليه مش كل الرجالة زى الراجل داه - انا مستجدعاه جدا جدا

انا مش عاوزة كل الحاجات دى انا بس عاوزة

المطبخ فقط

انا قولت لجوزى شايف قريبك بيعمل ايه ومدلع مراته زاى

راح قالى ولا قريبي ولا اعرفه - العيلة نفضت منه من زمااااااان

:closedeyes: :closedeyes:

تم تعديل 8 نوفمبر 2010 بواسطة اغابي

[se_ Elsyed]

فى واحد قريب جوزى هنا فى الكويت - اسطورة بجد - احكيلكم ايه ولا ايه ولا ايه عنه

بصراحة كل واحدة حتحتاج فى بيتها راجل متعاون كدا وبعدين هو طبعه كدا

ومدامته دى حاجة كدا دلع خالص - ولا بتعمل حاجة

انا عاوزة اعرف هى بتعمل ايه طول اليوم - اسمعوا اللي بيقوم بيه

نعععععععععععععععععععععم يا لدلعدي ؟؟؟؟؟؟؟؟؟؟؟؟؟؟

طب حد يسألة .. بالنسبة لرضاعة الأولاد ؟

بيرضع طبيعي ولا صناعي ؟ عشان نعرف برضوا من باب العلم بالشيء ولا الجهل به

لا مش للدرجة دي يا أغابي ...

ما هو بيني وبينك يا أختشي ده اللي بيفرس الراجل وبيخليه very stubborn

الراجل مننا يساعد بمزاجه ... لكن لما حاجه تتفرض عليه ... يبقى العيش والعيشه واللي عايسشنها وممكن يولع في البيت ويطلع يجري

فالرحمة حلوه

خلو بالكم ما عندهمش خدامة

وهى مش بتشتغل قاعدة فى البيت

بتتفرج على التفزيون

معليش يعني مع إحترامي للـــ ( راجل ) ده

لو عندي حاجه من النوع ده ... هاروح لأبوها وأسم البهايم بتاعته الأول .. واشيل لها نصيبها هي كمان ..

وبكده اكون خلصت من الكل كليله في عمليه نضيفة 100 %

[اغابي]

http://www.youtube.com/watch?v=F-mJlC7rU3k

ما تحسبوش يا بنات ان الجواز راحة

برضوه يا ايمن ما قولتليش رايك

ايه لو طلبت منك مودامتك انك تساعدها فى اعمال المطبخ

؟؟

وجاوب بسرعة بدون تفكيررررررررررر

معنديش اى مشكلة ابدا يا مدام اغابى والله -الحمد لله -

بصفتى عريس جديد ( فى الشهر الثالث ) عقبالكم واولادكم ان شاء الله

حاليا مهامى فى البيت تشمل الدفع- اى حاجه فيها فلوس بدفع علطول - و شيل انبوبة البوتجاز و رمى كيس الزبالة وادخال قوارير المياة واحضار التموين من السوبر ماركت smk: غير كده انا طرزان ....

يعنى فى البداية حاولت اساعد واغسل معاها بس المدام طردتنى من المطبخ :sad: ...عارفين بقى لما يكون مركب لها قبطانين ...ففضلت انسحب واراقب خطوط العدو و اضرب قنابل كلام عند الحاجه ...ماهو طبعا الواحد لازم يكون له صوت فى البيت مش كده ...الملح ناقص ...مش عارف ايه ...هو فيه حد بيعمل الرز بالطريقة دى ...

الحمد لله انا متغرب من اول ما دخلت كلية فموضوع الاكل والغسيل وغيره عادى عندى

معنديش اى مشلكة انى انظف الشقة او امسحها حتى او اغسل الأطباق أو غيره

الله يمسيك يا خالى على بالخير يارب - لما كان ستات البيت بيعملوا محشى - كان هو اللى لازم يقود المسيرة وبيعمل محشى ولا اجدع واحدة فيهم

دى المشاركة حلوة يا جدعان بس بالمزاج وبعدين المثل مش بيقول من قدم السبت لقى الاحد ..... :blush2: وهنيالك يا فاعل الخير

فعلا يا ايمن ساعد واتعود على المشاركة والمساعدة فى بدايه حياتكم افضل

من دلوقتى ساعدها ودرب نفسك فى بدايه حياتك انكم تساعدو بعض

مش غلط ومش عيب - المساعدة دى انت حتجنى ثمارها بعدين دى نصيحة

[اغابي]

فى واحد قريب جوزى هنا فى الكويت - اسطورة بجد - احكيلكم ايه ولا ايه ولا ايه عنه

بصراحة كل واحدة حتحتاج فى بيتها راجل متعاون كدا وبعدين هو طبعه كدا

ومدامته دى حاجة كدا دلع خالص - ولا بتعمل حاجة

انا عاوزة اعرف هى بتعمل ايه طول اليوم - اسمعوا اللي بيقوم بيه

نعععععععععععععععععععععم يا لدلعدي ؟؟؟؟؟؟؟؟؟؟؟؟؟؟

طب حد يسألة .. بالنسبة لرضاعة الأولاد ؟

بيرضع طبيعي ولا صناعي ؟ عشان نعرف برضوا من باب العلم بالشيء ولا الجهل به

لا مش للدرجة دي يا أغابي ...

ما هو بيني وبينك يا أختشي ده اللي بيفرس الراجل وبيخليه very stubborn

الراجل مننا يساعد بمزاجه ... لكن لما حاجه تتفرض عليه ... يبقى العيش والعيشه واللي عايسشنها وممكن يولع في البيت ويطلع يجري

فالرحمة حلوه

خلو بالكم ما عندهمش خدامة

وهى مش بتشتغل قاعدة فى البيت

بتتفرج على التفزيون

معليش يعني مع إحترامي للـــ ( راجل ) ده

لو عندي حاجه من النوع ده ... هاروح لأبوها وأسم البهايم بتاعته الأول .. واشيل لها نصيبها هي كمان ..

وبكده اكون خلصت من الكل كليله في عمليه نضيفة 100 %

طب ان قولتلك ان اولاده لما كانو فى مرحلة البامبرز كان بغيرلهم

:P :P :P

وكان اشطر منها يمسك العيل بايد واحدة وايه يشطفه فى ثوانى تحت الحنفيه

ولا اجدع واحدة خبرة و مخلفة 12 عيل ما تعرف تمسلك العيل الماسكة دى

وهوب فى ثوانى يرميه جوة البامبرز وخلص الموضوع

الرجالة متمكنين جدا لما يجو يعملوا اى حاجة بتبقى صح الصح

ومفهاش غلطة

الراجل داه نموذج للزوج المثالى الكامل الاوصاف

:P

[اغابي]

ده العادى ياحبيبتى

اوى تكونى فاكرة جوزك لوحده كده

طيب انت عندك خدامة مش باحسد والله احنا بقى نعمل ايه فى العزومات عموما ورمضان خصوصااللى تقريبا المطبخ كله

مش حاقولك بقى بس انا لاقيت حل خلتيه يشترى لى غسالة اطباق كبيرة بلم فيها الحاجة على مرتين اهو بتخف

الحمل شوية بس عيبها انها مش بتغسل الحلل ههههههههههههه طمع بقى

بس على فكرة انا اعرف رجالة من العيلتين بيعملوا الموضوع ده عادى بس هم غاويين مطبخ وبيعملوا اكل كمان

ومش عيب الرجالة تساعد ستاتها بس فى رجالة بستعيب الحاجات دى ومنهم زوجى

انا افتكر والدى لله يرحمه لما والدتى تكون مريضة كنا نرجع من المدرسة الاقيه عملنا الاكل وغسل المواعين

اصله مكنش بيحب حد غير امى تمد ايدها فى الاكل طباع بقى

بس اقولك على حاجة ومحدش يضرب ههههههه معظم المغتربين العزاب بيعملوا كل حاجة لنفسهم لكن اول مابيتجوز بيطنش

ويسبها تعمل كل حاجة وهو باشا بصوا انا قلت معظكمم مش كلكم يعنى

شوفى يا هند الموضوع متوارث بين الاجيال الذكورية

- يعنى جوزى داه ما يعرفش يعمل لنفسه كوباية شاي

تصدقى دي -

للاسف دى غلطة فى رجالة كتير اتكاليين على الزوجة

افرض هى تعبت او هى فى المستشفى - خلاص بيبقى مسلم به ان الاكل من المطاعم كل يوم

او واحدة من ستات العيلة او واحدة من الجيران يحنو عليه بحلة خضار والجار للجار

وخلصنا لغاية ما المدام ترجع من المستشفى

طب داه كلام

؟؟

[Howayda Ismail]

فى واحد قريب جوزى هنا فى الكويت - اسطورة بجد - احكيلكم ايه ولا ايه ولا ايه عنه

بصراحة كل واحدة حتحتاج فى بيتها راجل متعاون كدا وبعدين هو طبعه كدا

ومدامته دى حاجة كدا دلع خالص - ولا بتعمل حاجة

انا عاوزة اعرف هى بتعمل ايه طول اليوم - اسمعوا اللي بيقوم بيه

- بينضف السمك ويملحه - علشان ايد المودام ما تتعورش من الشوك

- بيقطع البصل علشان ايد المدام مش بيطلع منها ريحة البصل وهى نفسيتها بتبقى تعبانة جدا

- وبينشر الغسيل لانه بيقول فى البلكونة اللى قصادهم

فى شباب عذاب وبيخاف على مراته تخرج البلكونة

- وبيوصل الاولاد للمدرسة

- ومرة روحنا نزورهم هو اللى قدملنا العصير والجاتوه

وحسيته جدع

- وبيجيب كل مشاوير البيت كلها

- ولما بيرجع من الشغل باليل بيحضر سندوتشات العيال ويصحيهم الصبح الساعة 6 يفطرهم

قبل المدرسة وما حدش بيحب يصحيها هى من النوم او يزعجها

- وبيغسلها الحاجات الصعبة فى المطبخ وخاصة البوتاجاز والتلاجة والديب فريزر

- وبيطبخلها اكلات روعة مرة عزمنا على العشا

اجدع شيف مش زى جوزها فى المطبخ - عمل صينية بطاطس بالفرن وكمان مبمار ولحمة مشوية

خلو بالكم ما عندهمش خدامة

وهى مش بتشتغل قاعدة فى البيت

بتتفرج على التفزيون

cr((:

ليه مش كل الرجالة زى الراجل داه - انا مستجدعاه جدا جدا

انا مش عاوزة كل الحاجات دى انا بس عاوزة

المطبخ فقط

انا قولت لجوزى شايف قريبك بيعمل ايه ومدلع مراته زاى

راح قالى ولا قريبي ولا اعرفه - العيلة نفضت منه من زمااااااان

:closedeyes: :closedeyes:

معلش يا اغابى دى مستعبطاه اوى

الراجل ممكن يساعد اه بس بمزاجه لكن بالوصف ده مكنش له لازمة يتجوز اصلا بدام هو شاطر للدرجة دى

هو يايمين اوى ياشمال خالص ده خير الامور الوسط والقفة ام ودنين يشلوها اتنين

[اغابي]

معلش يا اغابى دى مستعبطاه اوى

الراجل ممكن يساعد اه بس بمزاجه لكن بالوصف ده مكنش له لازمة يتجوز اصلا بدام هو شاطر للدرجة دى

هو يايمين اوى ياشمال خالص ده خير الامور الوسط والقفة ام ودنين يشلوها اتنين

ايه يا هند انتى معانا ولا معاهم

:closedeyes:

طب يعنى ايه زيادة عمله يعنى

مطبخ هو كهاوى بيدخل المطلبخ زى خال ايمن اللى بيعمل المحشي

ولا يعنى حلوة نوعيه رجالة فى المطبخ

ما انتيش فاكرة اسكوربيون لما قعد يستغيث بصوت عالى -

فى رجالة فى المطبخ لانه مش عارف يعمل كشري وما لقاش غير كشري اللى صعب يعمله

وبعدين قريب جوزى داه بيخاف عليها جدا من البلكونة

وبيحب اولاده اوى وبيتحمل المسؤلية - دي يبقى عبيط

بالعكس والله انا شايفاه انه جدع وشايلها جوة عنيه

وبعدين هى بطبيعتها لخمة شوية ومش حركية بطيئة جدا - يعنى يمكن ربنا كمل داه فى داه

لان لو هما الاتنين مش بيهتموا بالبيت كدا حيبقى البيت ضاع

تم تعديل 8 نوفمبر 2010 بواسطة اغابي

[Howayda Ismail]

عندك اخويا قبل مايتجوز عمره ما عمل اشية كنا 3 بنات بنخدمه بس لما عاش فترة لوحده فى ابو ظبى

اتغير ودلوقت بيساعد مراته فى اى حاجة بس بمزاجه وخصوصا حكاية الاكل دى لكن لما يقلب عاديك

مينفعش تفرضى حاجة على الراجل يعملها لانه اما حيكسفك وتزعلى ياما حيعملها وهو متكدر والاسم ساعدك

الاحسن يااغابى يااختى اعملى فى صمت وربنامعاك سلمى امرك لله

[اغابي]

دي غلطتك يا اغابي وانتي اللي بتدفعي التمن

:P

ايوه يا سمبا يا اخويا اسكت

cr((: cr((:

وبعدين يا سمبا جوزى يقولى بكل هدوء وزوق وبنفس طريقتى وانا بطلب منه

فى قمة الدبلوماسية

اوك يا حياتى انا عندى حل اجمل

ما نسيبش الكويت خلينا قاعدين

وبلاها مشوار كندا ولا نخسرش الخدامة بتاعتنا

[moory]

الراجل لو بيحب مراته، اكييد هيساعدها - على قد ما يقدر - فى اي حاجة، مش بس فى شغل المطبخ،،

بس بالنسبة للراجل بتاع كلوو المذكوور أعلاه ده،، محتاج حد يفهمه وياخد بايده.. ربنا يصبره،