ماذا يحدث في الإتصال الدولي بمصر هذه الأيام ؟

[se_ Elsyed]

حاجه غريبة وظاهره بتسبب للواحد مشاكل

بقى لي فترة كل ما أتصل بحد في مصر وده بيحصل بشكل يومي .... لازم اسمع كلمة حمد الله عالسلامة .. إنت فين ؟

في إيه يا جدعان ؟

يقولوا : الرقم اللي ظاهر قدامنا رقم موبيل مصري زي 014 أو 018 كده ..

أنا استغربت

لحد ما كان في واحد صديقي من مصر جاي يومين بس وكان قاعد معايا في المكتب فبيقول لي : إنت بتعمل كده إزاي ؟

قلت له إزاي إيه مش فاهم !!!

فوراني تليفونه وأخر رقم كان إتصل به كنت أنا .. فلقيت فعلاً رقمي السعودي إتحول لـ 014 عنده في رقمه المصري ...

وكان تفسير ذلك إن أحد الدولتين مصر أو السعودية تستخدم الان خاصية VOIP

بس مين ؟

يعني هنا في السعودية ولا في مصر ؟

طب ليه المكالمات اللي بتجيلي من مصر بتيجي برقم مصر زي ما هي ؟

وبعدين ليه الأسترخاص ده ههههههههه

لان أستخدام هذه الطريقة بتعطيهم مساحات أكبر في الإتصال وكمان تكلفة أقل

بس على حساب المستخدم اللي هو أحنا وما عملوش حساب المشاكل اللي بتحصل

على سبيل المثال

أنا متعود إني صعب أرد على رقم ما أعرفهوش خصوصاً لو بيستهبل ويكتفي بالميسدات فقط ... خلاص ده قرار أخدته ولما يتنطط ما بأردش بل ممكن أحرق دمه وافتح عليه خصوصاً لو دولي

هانقول ماشي .. أنا بأتصل بحق وحقيقي ومش منتظر أعطي ميسد أو حركات النص كُم دي ...

بس أنا كده ممكن أتهرس .. ولو حد مش متعود يرد على ارقام مش معروفه مثلما أفعل يبقى ضعت أنا كده .. والكلام ده مش من إختراعي .. والله ده إتقال لي وش كده ...

واحد صديق عزيز في فرع الشركة بمصر ... وطبيعة علمنا بتستلزم الإتصال التليفوني الدائم قال لي الأسبوع الماضي : ما تلخبطش اهلي بقى وقبل ما تكلمني أبعت رسالة قول أنا سين سين وافتح الباب سعيد إنه عم فريد إنه ساعي البريد

يا حلاوه ... يعني كل مكالمة أعملها لمصر لازم استأذن الأول قبل ما أدخل ؟؟؟؟

الشيء الأغرب .. إن مش كل المكالمات الواردة إليهم بتظهر على إنها رقم مصري ..... لأ ده أوقات كتير بتظهر Unknown call

وبرضوا في ناس لما أنت تمسك الكهربا بإيدك وترن مليون مره .. عُمره ما بيرد على المكالمات المجهولة اللي زي دي

وبعدين مش من الإحترام والتقدير برضوا إن لو دولة أو شركة إتصالات معينة عملت كده تبنه الناس او تعمل أي منظر عشان ياخدوا بالهم ؟

أه صحيح ... إتصالي بيكون أحياناً من رقمي الأرضي في المكتب .. وبرضوا سيم سيم صديج .. سيم سيم مُشكل

حد عنده فكرة العيب في الماسورة الأم في السعودية .. ولا في الوصلة بتاعت مصر ؟

[خالد شحاته]

الاخ الفاضل سي السيد

نفس الكحايه كمان هنا في السعوديه بتحصل بس لما يكون اتصال من اروبا لان اخويا لما بيتصل بيا من فرنسا بيظر عندي رقم زين او موبيلي وكتير جدااا مش برد واتصل بيه يقول انا اتصلت عليك كتير جدااا استغرب لان مشفتش رقم الدوالي اوقات كتير ارد علي موبيل استغرب انه هو الا بيتصل

[ozoozo]

من المانيا لمصر كان بيحصلي نفس المشكله ويظهر الرقم اكني بتكلم من مصر

[raouf]

بما انى فى الاصل مهندس اتصالات وجيتوا فى ملعبى تحبوا اقول ليكم حاجة كمان ؟

disconnect فيه حد فيكم بيلاحظ ان لما بيجى يتصل حتى داخلى فى بعض المناطق وبعض الناس بيعطى رسالة حد

او ساعات Not Connected

هاقول ليكم الاجابة بعد ما اسمع رايكم

وعلى فكرة هيلاحظ الموضوع ده اللى معاهم موبيلات جديدة نسبيا

[ozoozo]

بما انى فى الاصل مهندس اتصالات وجيتوا فى ملعبى تحبوا اقول ليكم حاجة كمان ؟

disconnect فيه حد فيكم بيلاحظ ان لما بيجى يتصل حتى داخلى فى بعض المناطق وبعض الناس بيعطى رسالة حد

او ساعات Not Connected

هاقول ليكم الاجابة بعد ما اسمع رايكم

وعلى فكرة هيلاحظ الموضوع ده اللى معاهم موبيلات جديدة نسبيا

بيحصلي بس لما اعيد مره او مرتين بيمسك معايا

اعتقد بيستعبطوا بيحاولوا يزهقوني عشان حد تاني ياخد الخط

او ممكن موضوع الشبكه 3g او النوع التاني اعتقد dual

جت من شهرين كده الموبايل مابيتصلش غير لما غيرت السيتنج

[shiko]

الموضوع للاسف مرتبط باتفاقيات تمرير المكالمات بين الدول ....

وشركة TA&T

[se_ Elsyed]

طب إسمعوا دي .. نسيت أقولها لكم وخليتني أموت على نفسي من الضحك

من شهر بالظبط .. بتحصل كتير كل ما أجي أتصل بموبيل في مصر ...

أسمع رسالة " لقد نفذ رصيدكم ... نرجو إعادة شحن مش عارف إيه "

اعتقد الرسالة دي متسجلة بصوت إيناس جوهر .. صح

المهم .. احاول مرتين تلاتة والخط يشبك وصاحبنا يرد .. فأول حاجه باعملها إني أذله : مش عيب إبن الحج عبد التواب ما يدفعش فاتورة موبايله ؟

والله كنت بأفتكرها جد ..

ودول ناس فاتورة مش خط .. ومستحيل يحصل إنهم يعيدوا الشحن أو الفاتورة ما تندفعش ..

طب الرسالة جت منين يا رجاله ؟

[nightmare]

الموضوع ده سببلى مشاكل كثير ما اخويا

متفق معايا ان ما افتحش عليه , ولو ادانى رنة يبقي بيمسي او بيصبح وبس , رنتين اعرف انه على النت وثلاث رنات يبقي عاوزني اكلمه على التليفون.

انا بقي تيجة الرنة ابص في الرقم الاقيه Private Number أقوم فاتح على طول , الاقي واحد بيزعق ويقولى "انت فتحت على ليه"

وهكذا لحد ما بقاش يرن تانى ولا رنة ولا اثنين ولا ثلاثة.

اخر ما زهقت اتعودت علي اللى بيعمله سي السيد , لا رد على اى مكالمة من رقم غريب , لا رد على اى رقم Private , ما اعبرش اى حد يدي مسد ويقفل وريحت دماغى.

وربنا كرمني بواد فنى هندي هنا , ادانى برنامج ابن حلال بيدي ال 500 نقطة ب 30 ريال , والدقيقة بتعمل 7 نقاط يعني بتكلم حوالى 71 دقيقة ب 30 ريال , ومن على النت وانا نايم على السرير ومريح دماغي, والتليفون معايا شغال استقبال او اتصالات داخلية وخلاص.

طب ايه يا باشمهندس Raouf ما تشرحلنا ايه النظام ده.

مع تحياتي

[عادل أبوزيد]

حدث معى نفس الشئ و مرات عديدة أتلقى إتصالا يبدو أنه رقم تليفون موبيل من مصر أى لا يسبقه كود الدولة التى يتكلمون منها و عندما أطلب هذا الرقم لا أتلقى ردا. و تكرر الأمر مرات عديدة و لم أعرف له سببا.

المكالمات تأتينى من لندن و إيطاليا و السعودية و دون قاعدة قد يظهر الرقم ك private number أو رقم من مصر أو فى مرات قليلة unknown number .

أرجعت أنا المسألة إلى نوع من "العك التكنولوجى" الذى لا يستحق التفكير لكن بالنسبة لمن هو متعود ألا يرد إلا على الأرقام التى يعرفها فستكون مشكلة بالنسبة له.

فى إنتظار تفسير الفاضل رؤوف.

[raouf]

ارجع اشرح ليكم الموضوع باختصار لان تفاصيله كبيرة ومعقدة شوية

دلوقتى فيه 3 شبكات فى السعودية وهم الاتصالات وموبايلى وزين

ونقول انهم تقريبا مغطيين معظم المدن

طيب هل كل شركة واضعة ابراجها فى كل منطقة ؟

المفروض اه لكن الللى بيحصل ان لتوفير النفقات بيستخدموا ابراج بعض وبنظام الايجار

وده معظمه بيحصل فى الطرق السريعة واطراف المدن اللى الضغط فيها مش كبير

فبالتالى مع بعض حالات التوسع العمرانى وزيادة الاستخدام ببعض المناطق الابراج مش بتقدر تستوعب كل المكالمات فى نفس الوقت فيتحاول تتصل ساعات يدى رنة ويفصل او انك ماتسمعش صوت المتحدث معك او العكس

الحاجة الثانية كل قناة لها ما يسمى بالباندويدث

اللى بيحصل مع كثرة استخدام الناس الانترنت من شبكات الموبايل وخدمات زى البلاك بيرى وغيره وغيره ده كله بياكل الباندويدث وبياثر على عدد الخطوط المستخدمة فى نفس الوقت

اما موضوع الارقام اللى بتظهر بصورة خطا او برقم مصر مصر مثلا زى حالة اخينا سين سين

لانه عدد قنوات الاتصال بين مصر والسعودية مثلا 5 خطوط اذا اتشغلوا كلهم يعمل ايه اخينا ؟ يروح محملهم على قنوات الداتا ويستخدم الفويس اوفر اى بى واه يوفر فلوس برضوا

الحاجة الاخرى برضوا ايه ان زمان كان السويتشس مش بتشغل فويس اوفر اى بى الا السويتشات الكبيرة

اما الان معظم السويتش المستخدمة بتوفر الخدمة

انا حاولت ابسط الشرح على قدر ما استطيع انا عارف ان العملية معقدو شوية

[shiko]

ارجع اشرح ليكم الموضوع باختصار لان تفاصيله كبيرة ومعقدة شوية

دلوقتى فيه 3 شبكات فى السعودية وهم الاتصالات وموبايلى وزين

ونقول انهم تقريبا مغطيين معظم المدن

طيب هل كل شركة واضعة ابراجها فى كل منطقة ؟

المفروض اه لكن الللى بيحصل ان لتوفير النفقات بيستخدموا ابراج بعض وبنظام الايجار

وده معظمه بيحصل فى الطرق السريعة واطراف المدن اللى الضغط فيها مش كبير

فبالتالى مع بعض حالات التوسع العمرانى وزيادة الاستخدام ببعض المناطق الابراج مش بتقدر تستوعب كل المكالمات فى نفس الوقت فيتحاول تتصل ساعات يدى رنة ويفصل او انك ماتسمعش صوت المتحدث معك او العكس

الحاجة الثانية كل قناة لها ما يسمى بالباندويدث

اللى بيحصل مع كثرة استخدام الناس الانترنت من شبكات الموبايل وخدمات زى البلاك بيرى وغيره وغيره ده كله بياكل الباندويدث وبياثر على عدد الخطوط المستخدمة فى نفس الوقت

اما موضوع الارقام اللى بتظهر بصورة خطا او برقم مصر مصر مثلا زى حالة اخينا سين سين

لانه عدد قنوات الاتصال بين مصر والسعودية مثلا 5 خطوط اذا اتشغلوا كلهم يعمل ايه اخينا ؟ يروح محملهم على قنوات الداتا ويستخدم الفويس اوفر اى بى واه يوفر فلوس برضوا

الحاجة الاخرى برضوا ايه ان زمان كان السويتشس مش بتشغل فويس اوفر اى بى الا السويتشات الكبيرة

اما الان معظم السويتش المستخدمة بتوفر الخدمة

انا حاولت ابسط الشرح على قدر ما استطيع انا عارف ان العملية معقدو شوية

حقيقة معلوماتك جت مبسطة وهايلة

...ايوة بس المشكلة دةى ماتخصش ابراج الربط اللى بين الخلايا ...

دى تخص دوائر الاتصال الدولى ومعلوماتك صحيحة 100%

بس اتهيألى ان المشكلة اللى بيتكلم فيها سين سين دى السبب فيها تى ايه اند تى علشان هى اللى بتمرر المكالمات بالشكل ده ....

[se_ Elsyed]

ما احنا قولنا يا ولاد .... هو نتيجة استخدام الإتصال عن طريق النت VOIP

والموضوع ده هايبان قوي في الأيام الجاية لما الحجاج ييجوا كلهم والباندويدث يتسحب لمكة والمدينة والمناطق المحيطة ...

يبقى شركات الأتصالات هاتلجأ كثير جداً للأنترنت

بس على رأي إخواننا السعوديين " حنا مالنا إلا ولدٍ يجرا "

يعني بالبلدي .. إنت لك أكل ولا بحلقه ؟

يعني طالما الصوت كويس .. والقاشية معدن ... ما يهمنيش بقى .. لكن اللي يهمني هو الإعتداء على خصوصية المتصل أو المستقبل وطمس هويتهم عن طريق عدم إظهار أرقامهم الحقيقية اللي بيدفعوا ف مقابل هذه الخدمة ومع ذلك لا حصلون عليها كاملةً .....

[raouf]

ما احنا قولنا يا ولاد .... هو نتيجة استخدام الإتصال عن طريق النت VOIP

والموضوع ده هايبان قوي في الأيام الجاية لما الحجاج ييجوا كلهم والباندويدث يتسحب لمكة والمدينة والمناطق المحيطة ...

يبقى شركات الأتصالات هاتلجأ كثير جداً للأنترنت

بس على رأي إخواننا السعوديين " حنا مالنا إلا ولدٍ يجرا "

يعني بالبلدي .. إنت لك أكل ولا بحلقه ؟

يعني طالما الصوت كويس .. والقاشية معدن ... ما يهمنيش بقى .. لكن اللي يهمني هو الإعتداء على خصوصية المتصل أو المستقبل وطمس هويتهم عن طريق عدم إظهار أرقامهم الحقيقية اللي بيدفعوا ف مقابل هذه الخدمة ومع ذلك لا حصلون عليها كاملةً .....

لا يا سين سين اسمحلى اختلف معاك واختلاف جامد كمان

يعنى ايه احنا مالنا ؟ ده احنا مالنا ونص وتلت ارباع كمان عارف ليه ؟

لان قانونا فى السعودية الفويس اوفر اى بى ممنوع وغير مصرح به وخصوصا فى المكالمات الدولية

وحاولوا يقفلوه كذا مرة وفشلوا

حتى تقريبا فاكر انه اتقفل فى دبى فترة وفشلوا برضه

عارف ان فيه شركات محرماه على جوالتها زى سامسونج مثلا ؟

مانعة اى برنامج يشغل فويس اوفر اى بى

المهم بقى قبل ما الموضوع يتنسى فيه برنامج صغير زى الفل بيتركب على اجهزة نوكيا يعمل ايه بقى ؟

طالما عندك انترنت يعنى حتى فى البيت تتصل بمصر من الجوال وبكام ؟ الساعة ب 18 هللة

انا اديت البرنامج لزميلى شحن ب 10 دولار طول النهار بيحب فى خطيبته والكرت بقاله 3 شهور مش عايز يخلص

هاجيب ليكم رابط البرنامج وارفعه ليكم بكره اذا كان حد محتاجه

حاجة كده تخليك تكلم مصر ببلاش

وولا تقولى موبايلى ولا زين

والصوت واضح لاقصى درجة كمان

طبعا اللى عايز البرنامج يحول لى ربع جنيه على حسابى فى دولة منتوزيا بتاعتنا

:P:P:P:P:P

تم تعديل 2 نوفمبر 2010 بواسطة raouf

[se_ Elsyed]

انا اديت البرنامج لزميلى شحن ب 10 دولار طول النهار بيحب فى خطيبته

أيوه الله يخليك يا رؤوف أنا كمان عاوز أحب وأرجع حبوب زي زمان

ماحدش يبرق لي ويحمر لي عنيه .. هاحب ماما ... إيه عندكو مانع ولا خلاص عقوق الوالدين واخد حقه معاكو ؟ :protest:

[se_ Elsyed]

على فكره .. ومصر كمان بتمنع ده وكل يوم يقول لك : القبض على شخص يُدعى رؤف بتهمة تمرير المكالمات الدولية ..

والغلبان يتهبد 3 سنين ...

ويبقى حلال مصفي لهم

وحرام وشديد العقاب علينا

أنا بأطلب منك تنزل البرنامج ده ولك كل الشكر وليخسأ الخاسئون ...

[raouf]

على فكره .. ومصر كمان بتمنع ده وكل يوم يقول لك : القبض على شخص يُدعى رؤف بتهمة تمرير المكالمات الدولية ..

والغلبان يتهبد 3 سنين ...

ويبقى حلال مصفي لهم

وحرام وشديد العقاب علينا

أنا بأطلب منك تنزل البرنامج ده ولك كل الشكر وليخسأ الخاسئون ...

من عيونى يا سين سين بس كل المحاورتية هينزلوه لكن انت لا

علشان انت لازم تستلمه يدا بيد فى الدمام لدواعى امنية هههههههههههههههههههههههههه

ان شاء الله احمل البرنامج غدا

[se_ Elsyed]

على فكره .. ومصر كمان بتمنع ده وكل يوم يقول لك : القبض على شخص يُدعى رؤف بتهمة تمرير المكالمات الدولية ..

والغلبان يتهبد 3 سنين ...

ويبقى حلال مصفي لهم

وحرام وشديد العقاب علينا

أنا بأطلب منك تنزل البرنامج ده ولك كل الشكر وليخسأ الخاسئون ...

من عيونى يا سين سين بس كل المحاورتية هينزلوه لكن انت لا

علشان انت لازم تستلمه يدا بيد فى الدمام لدواعى امنية هههههههههههههههههههههههههه

ان شاء الله احمل البرنامج غدا

إشمن لي إن مافيش رطوبة .. وتلاقيني عندك بكره

صباحك زي الفل

[nightmare]

المهم بقى قبل ما الموضوع يتنسى فيه برنامج صغير زى الفل بيتركب على اجهزة نوكيا يعمل ايه بقى ؟

طالما عندك انترنت يعنى حتى فى البيت تتصل بمصر من الجوال وبكام ؟ الساعة ب 18 هللة

انا اديت البرنامج لزميلى شحن ب 10 دولار طول النهار بيحب فى خطيبته والكرت بقاله 3 شهور مش عايز يخلص

هاجيب ليكم رابط البرنامج وارفعه ليكم بكره اذا كان حد محتاجه

حاجة كده تخليك تكلم مصر ببلاش

وولا تقولى موبايلى ولا زين

والصوت واضح لاقصى درجة كمان

طبعا اللى عايز البرنامج يحول لى ربع جنيه على حسابى فى دولة منتوزيا بتاعتنا

:P:P:P:P:P

الحقنا بالبرنامج ده يا هندسة , بدل ما بدفع 30 ريال في ال 70 دقيقة , هههههه

وده الربع جنيه بتاعي مقدماً , كاش ولا تحويل ولا شيكات:lol:

مع تحياتي

[raouf]

المهم بقى قبل ما الموضوع يتنسى فيه برنامج صغير زى الفل بيتركب على اجهزة نوكيا يعمل ايه بقى ؟

طالما عندك انترنت يعنى حتى فى البيت تتصل بمصر من الجوال وبكام ؟ الساعة ب 18 هللة

انا اديت البرنامج لزميلى شحن ب 10 دولار طول النهار بيحب فى خطيبته والكرت بقاله 3 شهور مش عايز يخلص

هاجيب ليكم رابط البرنامج وارفعه ليكم بكره اذا كان حد محتاجه

حاجة كده تخليك تكلم مصر ببلاش

وولا تقولى موبايلى ولا زين

والصوت واضح لاقصى درجة كمان

طبعا اللى عايز البرنامج يحول لى ربع جنيه على حسابى فى دولة منتوزيا بتاعتنا

:P:P:P:P:P

الحقنا بالبرنامج ده يا هندسة , بدل ما بدفع 30 ريال في ال 70 دقيقة , هههههه

وده الربع جنيه بتاعي مقدماً , كاش ولا تحويل ولا شيكات:lol:

مع تحياتي

لا ياعم الربع جنيه بتاعك قديم انا عايزه فضة

وهدية منى كمان هاجيب ليكم برنامج تنزله على النوكيا عندك و عند الناس بتوعك فى مصر وايه بقى تتكلم ببلاش

اه والله العظيم ببلاش ولا كانه قاعد معاك فى البلكونة وبدردشوا سوا

[raouf]

ادى اول برنامج

الخطوات

اختار نوع موبايلك ونزل البرنامج

خلى الناس اللى ليك فى مصر يختاروا نوع موبايلهم وينزلوا البرنامج وبعدها عيشوا انت ال2 وحبوا براحتكم

free call