حرية العقيدة كما ينبغى لها أن تكون

[عبير يونس]

كلام مغتربة مضبوط يا أغابي

الناس دي عايشة و محدش قتلهم

و أضيف اليهم ابن الناشط الكبير في حماس السيد حسن يوسف

و في كتير من العرب المبتعثين بيتحولوا للمسيحية

غضب اهاليهم عليهم دي راجعة للعقلية الشرقية زي ما قالت مغتربة

و ده كمان عندكم لما حد بيدخل في الاسلام

في الغرب ده عادي و حرية شخصية

يعني انا ليا زميلات امريكيات هنا مسلمات و اهاليهم لسه على دينهم

و الامور ماشية عادي جدا

و بيزوروهم و يودوهم و يبروهم

هي صعبة علينا احنا

لاننا شعوب عاطفية

بنفرح لما حد يدخل في ديننا اللي احنا مؤمنين بيه

و نزعل لما حد مننا يسيب الدين بتاعنا

و خلليني اكون أكثر صراحة

ليا صاحبات مسيحيات كتير

بنتعامل مع بعض و نهزر و نضحك

بس بابقى عارفة و متأكدة ان من حبهم ليا بيبقى نفسهم من أعماق قلوبهم انا ربنا يهديني لدينهم

زي بالضبط ما انا من أعماق قلبي برضه بيبقى نفسي ربنا يهديهم لديني

انا باتوقف عند نقطة الاماني القلبية

و ما بحبش ادخل مناظرات بين الاديان

لأني طبعا غير مؤهلة لكده

تعرفي مرة شفت برنامج لبناني في اتنين قساوسة بيحاورهم مذيع خليجي زي مناظرة

واحد فيهم قعد يتكلم عن المحبة

و ان ربنا بيقبل الكل

و لما المذيع قال له

يعني احنا كمسلمين ربنا حيدخلنا الجنة من مفهومك

الرجل كان محرج و مش عايز يزعل حد

القس التاني تكلم بصراحة

و جابها على بلاطة

و قال

لن يدخل الجنة الا من يؤمن بالوهية المسيح

اضحكك بقى

حارس العمارة بتاعتنا في بيت بابا الله يرحمه مسيحي و هو عائلته موجودين في العمارة

مرة و انا صغيرة سمعتها و كانت متضايقة من ولادها و عمالة تزعق لهم

و تقول لهم

يعني أسلم ..يعني أسلم

و قتها عرفت ان المسحيين بيعتبرونا كفار

على فكرة كفار مهياش شتيمة و لا انتقاص من حد

يكفر عكس يؤمن

انتم تكفرون بعقيدتنا اي لا تؤمنون

و نحن نكفر بعقيدتكم (تأليه المسيح عليه الصلاة و السلام) اي لا نؤمن بها

و اللي بيحبونا منكم بيتمنوا ان احنا نبقى منهم عشان ندخل الجنة سوا

زي ما احنا برضه بنحس

و اكيد مش حننكر فرحتنا و سعادتنا لما حد بيدخل في الدين بتاعنا

الموضوع عواطف جياشة و محبة زيادة

زي الأب اللي نفسه و منى عينه ابنه يبقى دكتور

و المعاناة اللي بتحصل للابن اذا كان مش ده اتجاهه

و يبقى الاب زعلان جدا لو ابنه اختار حاجة تانية

لانه شايف ان اللي هو اختاره لابنه هو الصح

و اد ايه الاب ده بيفرح لما ابنه يبقى دكتور

و الفرحة دي مش عيب و لا فيها عداء ليكم يا أغابي

و مهياش واحدة بواحدة

ادخلي على صفحة ربى قعوار اللي رجعت للمسيحية

و شوفي الفرحة الكبيرة و التبريكات و عددها من المسيحين و فرحتهم الشديدة بها

انتي عارفة مش عارفة مرة قريت فين في واحد مسيحي كان بيقول

ليه انت كمسلم من حقك تدعو للاسلام و انا مش من حقي أبشر

انتي عايزة رأيي

و ماله لما تبشروا

و ماله لما يبقى في حملات تنصير

و تبقى منافسة شريفة

كل واحد يدفعه ايمانه بعقيدته لجذب الآخرين ليها

بس هل ده في مجتمعاتنا حيبقى مقبول؟؟؟

تخيلي كده ولادك ربنا يخليهملك قالوا احنا عايزين نبقى مسلمين زي طنط مصرية

هل حتقبلي ده؟

و الا حصل نفس الشيء مع ولادي و قالوا عايزين نبقى زي طنط أغابي

تفتكري حبيقى في بيننا ود بعدها؟؟؟

و هل ممكن نتزاور عادي و يبقى كل واحد على الدين اللي اختاره لنفسه

و ده ما يؤثرش على صداقتنا؟؟؟

هل ساعتها انا و الا انتي حنقول دي حرية شخصية ؟؟

اسألي نفسك و ما تجاوبيش هنا

و انا كمان مش حأجاوب

لان اكيد اجابتنا واحدة

دايما بتطالبي بالصراحة يا أغابي

الصراحة حلوة اه

بس احيانا بتبقى كارثة لا تحتمل

خصوصا لما تمسنا من الداخل

و تكشف لنا ابعاد من شخصياتنا مستخبية جوة

و قتها بنقفل عليها تاني بسرعة

و نحمد ربنا انها مستخبية

عشان نعرف نعيش و الحياة تستمر

و الحل

لكم دينكم و لي دين

:roseop:

[nightmare]

ما ينفعش كل مشاركة يا نايت انك تتكلم بالنفى والمراجعة لازم تدي مساحة لتفكيرك ما يقفش مرة واحدة ولا كانى

وبتحسسنى انى بقول على لجنة مش معروفة وان مفيش لجنة تعريف بالاسلام

انت مجرد ما تكون كويتي او خليجي وتعرض على خدامة عندك انها تتحجب وتدخل فى الاسلام

وهى عندها فى الهند زوج عاطل و4 عيال فى المدارس لازم حتقبل لانها حتخاف جدا منك

عاوزانى أسكت يعني وأحط لساني في بقي واتكتم , واعتقد ان اللى مفروض يدي لنفسه مساحة من التفكير هو انتى مش انا , لان كلامك متناقض بتقولى عليها لجنة التعريف بالإسلام , وليس لجنة الإجبار على الإسلام, وسبتيها ودخلتى على الخدامات في البيوت , مشكلتك ان حالة واحدة ممكن تحدث بتهوليها وتجعليها كأنها هي القاعدة وما دون سواها هو الشاذ , لو ده بيحصل في كل البيوت ومع كل الخادمات أكرر كانوا كلهم أسلموا أو كان بعض منهم أبلغ سفارته وقامت الدنيا وسمعنا عن هذا الموضوع.

وبمناسبة ذكرك لقصة كامليا يوجد الكثير من النماذج التى ارتدت وقتلت من المسلمين بسبب دخلولهم المسيحية

البينه على من ادعى يااغابى

اعتقد انها قاعده قانونيه راسخه

من فضلك اذكرى نموذج واحد لما ذكرت يدلل على صحته و الا و للاسف سنعتبره كلام مرسل

لاننى و على العكس املك كذا دليل على خطا تلك العباره

فعلى سبيل المثال لا الحصر

احمد اباظه ما زال حى يرزق فى ايركا هو و محمد رحومه

نجلاء الامام ما زالت فى مصر و كذلك محمد حجازى

ربى قعوار اعلنت اسلامها خمس سنوات و عادت و اردت فى مشهد استعراضى و ما زالت حيه ترزق

هل هؤلاء يكفوا ام تريدين المزيد

أكرر طلب أختنا "مغتربة" ونريد هذه النماذج الكثيرة التى ارتدت عن الإسلام وقتلت , والا فكلامك يصبح مرسلاً ورمياً بالباطل في ديننا الحنيف , وهو ما لا نقبله , ونطالب الإدارة بحذفه , وأرجو عدم اتباع سياسة التطنيش كالعادة واللى على مزاجي ارد عليه واللى مش على مزاجي اعمل نفسي مش واخده بالى منه.

يبقى الموضوع داه اتفتح ليه يا استاذ محمد

ما هو اتفتح لمناقشة هذه الامور

انا بحترم الامور العقائدية

قمة التناقض , للمناقشة نعم والمناقشة فيها الرأي والرأي الآخر والإختلاف فيها جائز ووارد, وليس كل من يختلف معي في الرأي فهو ضدي وأتطاول عليه بالإهانات والتجريج.

يظهر انى افسدت عليكم فرحتكم بالموضوع الجديد - هنا يا اخوانى الافاضل

مع انى جايا اشاركم الفرحة بتثبيت هذه الخطوة - واقدم نموذج باراك حسين اوباما

وبرغم ما سمعتش صوت واحد يعلق عليه ولا شجعه ولو حتى بحرف واحد - انه اخذ الخطوة دى او قاله صح

ارجعي للمشاركة رقم 6 والأولي لي في هذا الموضوع قلت فيها "وباراك اوباما لم يكن في يوم مسلماً حتى يؤخذ كمثال يحتذي به, فكلنا يعلم أنه مسيحي واذا كان هو اختار المسيحية بإقتناع فأنا وغيري اخترنا الإسلام بإقتناع وأنت إخترتي المسيحية بإقتناع." , ويبدوا انك لم تكمليها وأخذتي منها ما تريدين وفقط.

ولله الحمد لم تفسدنى علينا فرحتنا لأنها مستمرة وكل يوم بل كل ساعة نراها , وهناك آلاف الفيديوهات لإسلام آلاف الأشخاص من كل أوروبا, فليس هذا الفيديو وفقط هو ما يفرحنا.

تذكرة : في إنتظار نماذج المسلمين الذين إرتدوا وقتلوا

مع تحياتي

تم تعديل 25 أكتوبر 2010 بواسطة nightmare

[Alshiekh]

اشكرك استاذى على الموضوع

لكن الا يوجد عندك نماذج اخرى اى من هم كانو مسلمين وتحولوا عن الاسلام الى المسيحية

انا عندى نموذج للشخص الذى اختار دينه بكامل حريته دون اى ضغوط واختاره بعد دراسة وتفكير

وبمناسبة ذكرك لقصة كامليا يوجد الكثير من النماذج التى ارتدت وقتلت من المسلمين بسبب دخلولهم المسيحية

ولكنهم لم ينالو شرف شهرة قصة كامليا المليئة بالغموض - وقصصهم هؤلاء المرتدين دخلت التراب مع جثثهم - وما خفى كان اعظم

وانا هنا - اضم صوتى لصوتك

فى ان الانسان حر فى اختيار عقيدته دون اى ضغوط او تهديد بالقتل تحت مسمي المرتد يقتل

هذا وسام جديد للانسانية - ودعنى استاذى اضيف هنا خبر انه ليس بجديد

كنت قرات الخبر فى العديد من الصحف ولكن اهمها بالنسبة لى الصحف التى على ارض دول اسلامية كدولة الكويت

ولكن عندما قراته تمنيت من الله الا يمر على المحاورات مرور الكرام ويدخل ارشيف النسيان

وحقا برغم انى كتبت هذا الخبر فى موضوع - صحافة كل يوم منذ مدة - قد يقرأوه البعض وقد لا يقراوه

ولكن الان جاء دوره ووقته - دعوة للجميع - قارن واختار ما يناسبك من الاديان

و مزيد من الحرية دون القتل او العنف او التهديد

شكرا استاذة أغابى لاتاحتك الفرصة لى لتوضيح بعض الأمور

أولا لم ابدء هذا الموضوع لعمل مناظرة بين الاديان

ثانيا ، انا اخترت تلك النماذج ليس لأنها لأشخاص تحولوا الى الإسلام ، بل لأن المصادر موثوقة وليست مجرد فيديو يصنعه هواة أو قنوات دينية مدعومة من جهات ما، وأظنك تعلمين تدقيقى فى التأكد من المصدر قبل نقل خبر او فيديو.

بالتأكيد هناك نماذج لاناس تحولوا من الإسلام إلى المسيحية ، وأضعافها لمسيحيين تحولوا إلى الإسلام ولكنها إما (Home made) أو من قنوات دينية اسلامية مدعومة من شيوخ او قساوسة او كنائس متعصبة لاتهدف إلا للإثارة ولذلك أتجنبها.

نقطة أخرى أود لفت النظر لها ، وهى انه كما جاء فى الأخبار ان هناك 20000 يتحولون الى الإسلام كل عام فى أمريكا وحدها ، وهناك ليستة كبيرة بأسماء مشاهير تحولوا إلى الإسلام وهم من يجب ان نتعرف على فكرهم ، أما من يتحولون الى الاديان سواء الى الاسلام او المسيحية من أولئك الذين يضعون أعينهم على " إعانة مالية " فلا يجب أن نضع لهم أى إعتبار لانهم فى نظرى كمن تبيع جسدها لمن يدفع.

ثالثا ، كلامك عن ان هناك اناس يقتلون بسبب تركهم للإسلام ، لايفرق كثيرا عن من قالوا ان الاسود الجائعة يتم تربيتها وتجويعها فى الاديرة لإطلاقها على من تسول له نفسه ترك المسيحية ، مجرد كلام مرسل.

يؤلمنى أن تكونى قانونية وحاصلة على تقديرات فى مادة الشريعة الإسلامية وتغفلين أن مصر ليست دولة دينية وان عقوبة الإعدام لها إجراءات معقدة وخطوات أعقد حتى يمكن تنفيذها ، يؤلمنى ان تقولى ان هناك من قتلوا كعقوبة ودفنت قصصهم معهم فى التراب ، يؤلمنى أن تتحدثين عن حد الردة التى لاأعرف فى أى قانون تم تقنين ذلك الحد ، لافرق بين ذلك وبين الاسود الجائعة داخل الاديرة.

وأخيرا ردا على آخر ردودك، بالتأكيد أنت مخطئة فى ظنك اننى فتحت هذا الموضوع لنشر الفرحة والبهجة والسرور على الاعضاء المسلمين وتعتذرين عن " إفساد فرحتنا".

لقد فتحت الموضوع يا أساذة أغابى لمناقشة التعصب الأعمى الذيى نعيشه كمصريين بشكل خاص كعرب بشكل عام ، التعصب الذى يدعو بعض المتشددين المسلمين بالإفتاء بضرورة قتل المرتد ، والمتعصبين المسيحيين الذين يتهمون المسلمون والحكومة بخطف المسيحيات وإجبارهن على الإسلام ، ومن ثم تسيير المظاهرات للمطالبة بعودة " مرات أبونا " أو الإبن الضال.

ليت نقاشنا يتركز فى فكرة قبول ان يعتنق ابناؤنا الدين الذين يقتنعون فى أنه هو الصواب وهو الأقرب إلى قلوبهم ، بدون تعصب وبعقول مغلقة.

[ozoozo]

نعم انا معكى في هذا الرأي اختيار حرية العقيدة شيء مهم وأساسي لكل الأفراد بدون استغلال ضغوط الحياة لدي النفوس الضعيفة ولدي بعض الشعوب الفقيرة الإفريقية وإغرائهم بالأموال وبالرواتب الشهرية والمنح الدراسية والفيز لدول أخري والحياة الكريمة وغيرها.-_-

مع تحياتي

مش قادر اصدق والله يا نايت - انك انت اللى كاتب الكلام ده , لدرجة انى قرأته مرتين ثلاثة وبحاول أكذب في نفسي

جملة مقتبسة منك يا نايت من مشاركة سابقة ليك للرد عليا فيها

ما سبق كان استهلالا لابد منه

-------------------------------------

شكرا يا نايت

انت اتكلمت فى نقطة حساسة وكانت محل جدل فى الكويت هنا لمواجهة الواقع بل وفى كل دول الخليج - من فترة وانا عاوزة اتكلم فيها

لجنة التعريف بالاسلام فى الكويت بتجبر الفلبينيين والهنود والسيلانيين انهم يدخلو الاسلام باغراءات المال واستغلال احتياجهم الشديد للكويت

وبمجرد ما يرجعوا لعوائلهم فى بلادهم يعودو مرة اخرى الى دياناتهم الاولى

انت تسمي ايه داه من لجنة التعريف بالاسلام

ما اعرفش اعرض ديني عليك

بدون ما اعرض اغراءات الحياه

لما جه واحد بيتكلم مرة عربي مكسر عندى فى المكتب وادانى كتاب اسمه تعالى معنا للدخول فى الاسلام

هو كان فلبيني - دخلته مكتبي وطلبتله حاجة يشربها وقولتله انا احب احكى معاك لو اقنعتني انا حادخل فى الاسلام

وهو فرح جدا - كل المعلومات اللى حكيها عن الاسلام حافظها حفظ دون وجود ملامح الايمان على صوته او الثقل والثقة - يعنى لو انا مثلا عملت الحوار داه مع ابو عمر كان حيبقى الموضوع مختلف

وانا بحترم اى شخص بيدافع عن دينه ومتمسك بيه ان كان مسلم او مسيحي

وسالته كتير وطلبت منه انه يتكلم معايا بصراحة - هو جه عندى يدعونى للاسلام - ليه ايه حيستفيد

راح قاله بعد طول مناقشات - انه حسب الشخص وجنسيته

ودينه يعنى المصري المسيحي حياخد عليا 500 دينار قولتله والله يا بلاش

والهندوسي 200 دينار وقالى جدول الاسعار و حاجات غريبة ضد منطق النزاهة فى اختيار العقيدة

يا نايت

انا ضد استغلال النفوس الضعيفة من الجنسيات الاسيوية فى دول الخليج واغرائها بالمال دون ان ينبض قلبهم حقيقي للدين ولكن

ارى انه ينبض قلبهم للاغراءات بالمال والوظائف والراتب الشهرى - فهذا يسمي - الاساءة والعبودية

ملحوظة انا كلمته انجليزي لانه ما بيعرفش عربي

وطبعا اتصورللذكرى معاهم صورة - وهو مبتسم وفرحان مش لانه دخل الاسلام

لالا

لانه بياخد مكافاه و مرتب شهري

تحياتي للجميع

اغابي

:roseop:

هاقولك حاجه ايه الهدف من التعريف بالسلام او التبشير في المسيحيه

هي اني اخلي اللي ادامي يدخل في ديني صح؟

طيب هل عندكم ينفع ابعت واحد يبشر وهو مش مقتنع .....لا طبعا؟

يبقي اللي انتي قولتيه علي الراجل اللي جه يدعوكي انه حافظ ومش مقتنع وجي عشان المكافأه بس غلط لانه مش معقول ابعت واحد مندوب عني وهو مش مقتنع برسالتي اصلا

طيب ايه سبب احساسك انه مش مقنع ؟....اكيد عشان العربي بتاعه مكسر فمش قادر يوصلك احساسه كويس

طيب والمكافأه .؟......لا اري فيها اي مشكله هي مجرد حافز للعمل ولو هو مش مسلم صحيح الايمان مكانوش بعتوه

طيب نيجي للخادمات اللي بيسلموا عشان خايفين من الكفيل

اللي يخاف من كفيله ومايخافش من ربنا فايمانه بعقيدته اصلا غير ثابت

فكل الاديان تدعو للثبات حتي مع التعذيب -مش عشان اكل العيش-

ده حتي في المسيحيه توجد قصص كثير تمجد الشهداء وكيف انهم وقفوا ضد اي محاوله لتغيير دينهم

وعندنا في القرأن قصه شهدا الاخدود النصاري-اثارهم باقيه في نجران الي الان- الذي حاول معهم ملك يهودي من الحبشه تغيير دينهم فرفضوا فاحرقهم احياء في الاخدود دون ان يتزحزحوا عن دينهم

ده غير عصر الشهداء -دقليديانوس-وكيف ثبت اصحاب العقيده الذين يؤمنون بصحتها في وجه الظلم

طيب يبقي ايه الملخص

ان لو واحد مؤمن ايمان حق بعقيدته-مسلم او مسيحي- يبقي عمره ما هايغير دينه احسن كفيله يطرده

[اغابي]

مع انى قولت حاسيبكم تكملوا فرحتكم - لكن انتم مصممين ترجعونى تانى للتوبيك داه

:lol:

والغريب انكم كلكم سيبتم فرحتكم ومسكتم فيا انا - طب ليه بس كدا

;)

نبدأ بقى معاكم الردود - نيفر نيفر - قصدى كل فاضل وفاضلة

يا سلام انا بحب موت المشاركات بتاعتكم دي

مش حاقدر اوصفلكم انا بحب المواضيع دى بجد بجد - اد ايه

انتظرونى

po::

اغابي

:roseop:

تم تعديل 25 أكتوبر 2010 بواسطة اغابي

[الترجمـان]

السلام عليكم وتحياتي للجميع

اشكرك استاذ محمد لفتح طاقة على هذا الموضوع الهام بعد أن بردت رؤوسنا من كم المهازل التي عانينا ومازلنا نعاني من تداعياتها وضاقت منها أحرفنا مؤخرا..

اعتقد ان حديثنا الرائج على اننا شعوب متدينة ولنا خصوصياتنا الثقافية المختلفه عن الثقافه الغربية يعطي لنا دلالة هامه على مدى الخلل والعوار الذي يتمتع به هذا التدين الذي ينعكس سلبا على ثقافتنا في كل نواحي الحياة ... ولا اعلم حقا متى سيأتي الوقت الذي ننتقد فيه انفسنا وأفكارنا دون ان نلقي الإتهامات على غيرنا الذي يتآمر علينا ويحاول تشويه صورتنا والنيل من خصوصيتنا وثقافتنا وهويتنا ...

فإلا الآن لم أرى سوى تكبيرا وحمد لله على تحول نسيبة توني بلير إلى الإسلام وعلى تحول غيرها..

ولكننا لم نعطي تعليقا مفيدا عن ماهية تلك الثقافة التي سمحت بهذا التحول دون تظاهرات ودون مصادمات ...

بالطبع لا يمكن ان ننكر توفر الآليات المنظمة والقوانين المتجانسه والشفافية التي تتمتع بها تلك الأنظمة والحكومات الغربية التي تدعم التعددية وحرية التعبير وهو ما لا تتمتع به انظمتنا المستبدة للأسف ...

ولكن تبقى الأسئلة والأقواس مفتوحة ...

هل نزلت علينا تلك الأنظمة الحاكمة سواء عندنا او في الغرب من السماء ...؟؟

هل يمكن الفصل بين البيئة (ثقافية/إجتماعية) لهؤلاء الحكام وبين بيئة (ثقافية/إجتماعية) الأفراد و المؤسسات التي تدعم حكمهم ...؟؟

ولنا عودة

تم تعديل 25 أكتوبر 2010 بواسطة الترجمـان

[خالد المسلم]

السلام عليكم ورحمه الله وبركاته

لايوجد ما اضيفه لثراء هذا الموضوع بعد كل ما قاله الاخوه الافاضل (والاخوات برضه )ولكن

لدى تحفظ بسيط

اذا كنا نريد ان نناقش حريه العقيده بموضوعيه فالابد من وجود الطرف الاخر

والا كانت مناقشه من طرف واحد وتعبر عن وجهه نظر واحده

انا لا ارى على الطرف الاخر الا الفاضله أغابى

أين الباقين

اين باقى الاعضاء المسيحيين

اين الراى الاخر

اخشى ان تتحول المناقشه الى مناقشه اسلاميه اسلاميه

كده ستصبح كمن يتكلم ليسمع نفسه

هى دعوه لسماع الطرف الاخر

وفى النهايه المحاورات اسمها محاورات المصريين

[masraweya]

خلل تقني .. أعتذر

تم تعديل 25 أكتوبر 2010 بواسطة masraweya

[masraweya]

باختصار

الحرية غير المنضبطة بشرع الله ضررها اكثر بكثيييييييييييير من نفعها

برة قانونهم يتيح حرية الفرد في اختيار دينه .. هويته الجنسية .. شرب الخمر (وأحيانا المخدرات) ..بل و الدعوة لما يعتنق طالما لم يخرج عن قانونهم

نحن كمسلمين يحكمنا ديننا و شريعته و مأمورون بالدعوة لهذا الدين و مكافحة الضالين و المضلين و سنسأل عن هذا

نقطة أخرى .. إذا كان الداخل في الإسلام يعلم ان هناك حدا للردة - فهو ليس شرطا سريا - ثم يدخل في هذا الدين .. ألا يعني هذا تمام الاقتناع .. هل حفنة من النقود أغلى عليه من حياته؟؟

ثم أليس أولى بدين يسعى للانتشار ألا يكون فيه هكذا شرط "يخوف" من الدخول فيه؟؟

فليعتقد كل ما شاء .. لكن دين الله ليس لعبة يجربها الواحد فترة ثم يزهدها .. لا تدخل اليه إلا و أنت مقتنع .. لا أحد يضع "السيف على رقبتك

[أبو محمد]

فى ان الانسان حر فى اختيار عقيدته دون اى ضغوط او تهديد بالقتل تحت مسمي المرتد يقتل

أحب أضيف رأي بس على الجملة دي

يا أغابي ده مش مسمى .. ده دين .. هو الدين الاسلامي تشريعه كدة

تحياتي مغلفة بوردتين :roseop:

مكاوى

شكرا يا مكاوى وانا مش عاوزة غير الجملة دى

ممكن الفاضل الاستاذ محمد - صاحب الموضوع الاصلي - يعلق على الجملة دى

او يدينى رايه فيها بصراحة ..؟؟

اغابي

الأخ الفاضل "مكاوى"

تستاهل كل الشكر والامتنان من الفاضلة "أغابى" .. وعليك انتظاره قريبا من "زكريا بطرس"

تستحق الإعجاب والشكر والامتنان لأنك جعلت من أمر أبسط ما يقال فيه إنه "خلافى" دينا ندين به جميعا نحن المسلمين المتعطشين إلى سفك الدماء

الفاضلة "أغابى"

إذا كنت تريدين العلم والثقافة فاقرئى ولا تتصيدى لكى تعممى وإلا فمن حقى إطلاق العنان للتعليق على الفكر الذى يظهره هذا المقال عن "سر وخطيئة الملعقة البلاستيك"

سر وخطيئة الملعقة البلاستيك

بقلم د.خالد منتصر ٢٤/ ١٠/ ٢٠١٠

فى عظة الأربعاء الماضى سأل أحد الحضور فى الكنيسة البابا شنودة عن إمكانية استخدام الملاعق البلاستيكية بدلا من المعدنية فى طقس التناول المسيحى، بما يتيح استخدامها مرة واحدة وذلك للمساعدة على عدم نقل الأمراض، نتيجة تكرار استخدام الملعقة المعدنية من شخص لآخر، فرد البابا قائلاً: (هذا الكلام خطية كبيرة، أسرار الكنيسة تشفى من الأمراض، ولا يصح أن نقول إنها تنقلها)!!،

وقد اندهشت من اعتبار استخدام الملعقة البلاستيكية انتهاكاً لأسرار الكنيسة، واندهشت أكثر من الإصرار على إقحام العقيدة والأسرار فى أى تفصيلة، ولو كانت ضمن تفاصيل فرضها التقدم العلمى الذى أهدى للناس، ومنهم الواقفون فى طابور التناول، فرصة سلوك أكثر أماناً من الناحية الصحية، فبدلاً من الإصرار على ملعقة خشبية أو فضية أو ذهبية واحدة للجميع من الممكن فعلاً أن تنقل الأمراض باللعاب، اقترح الرجل، الذى أعمل عقله للحظات وفكر تفكيراً مشروعاً وبسيطاً وغير مكلف، وهو استخدام ملعقة بلاستيكية مثلما نستخدم الحقن البلاستيكية لمرة واحدة، كل ما أجرم فيه الرجل هو أنه خرج من طابور السمع والطاعة والإذعان وانضم إلى طابور العقل والسؤال، فتم اتهامه بأنه فعل خطية وأذنب ذنباً رهيباً وأجرم جريمة نكراء بأنه فكر فى استخدام ملعقة بلاستيك!!!

ما دخل الخطيئة بتفصيلة صحية وبملعقة بلاستيك، لماذا هذا القفز السريع ناحية سقف أعلى الذنوب والمحرمات بسبب تفكير مغاير، السائل الذى اقترح استخدام الملعقة البلاستيكية لم ينكر طقس التناول نفسه، هو رجل مسيحى بسيط مؤمن بهذا الطقس، لم يناقش فلسفته، ولم يتدخل فى أمور العقيدة، ولم يشكك فى الكنيسة، هو فقط أحس بأن هناك طريقة أكثر أماناً، خاصة أن هذا اليوم كان يوم احتفال عالمى بغسيل اليدين الصحى فى شكل حملة إعلامية حضت الجميع وشجعته على سلوكيات أكثر احتراماً للصحة، خاصة أننا فى مجتمع يعانى من الفوضى الطبية.

سيقول قائل مستنكراً: يعنى هى جت على دى؟!!، نعم جت على دى، فالقصة ليست قصة ملعقة فضة وملعقة بلاستيك، ليست القضية بهذه التفاهة، ولكنها قضية احترام منهج علمى وطريقة منطقية فى التفكير فى التفاصيل الصغيرة التى ستقودنا إلى الاهتمام بالقضايا الكبيرة، القضية قضية عدم رفع فزاعة الخطيئة والتكفير والخروج والردة.. إلخ، التى يرفعها أى رجل دين فى أى ملة أو عقيدة أو مذهب أمام من يريد التفكير بطريقة عقلانية، القضية قضية احتكار الحقيقة، التى لابد أن يعرف أسرارها فقط رجل الدين، ليس من المعقول أن نعانى ازدواجية فى السلوكيات الصحية المتعارف عليها والثابتة علمياً، فنقول إن الملعقة التى يشرب منها طابور من مائة شخص فى مطعم وتنتقل من فم إلى آخر هو سلوك غير صحى فى هذا المطعم، ثم نحولها إلى سر كنسى وسلوك صحى فى الكنيسة!!، كما أنه ليس من المعقول أن نقول إنه لو جففنا أجسادنا بفوطة مشتركة سينتقل مرض التنيا فى الساونا ولكنه لن ينتقل بعد الوضوء، لأننا نمارس طقساً دينياً!!!

أنا لا يهمنى أن تكون الملعقة من بلاستيك أو من ألومنيوم، ولكن ما يهمنى هو السماح لكل من يسأل ويفكر بألا نحنط ونجمد ونغتال علامات الاستفهام بداخله تحت أى مسمى، وإلا تحولت عقولنا إلى عقول من فولاذ!

ولولا أننا اتفقنا على ألا نتكلم فى العقائد لكنت قد علقت ولأسهبت فى التعليق

وأنا لا أكتب هذا تكرارا لمناقشات عن حد الردة ، وهى مناقشات ستجدين أن "المحاورات" عامرة بها .. ولقد سبق أن كتبت فى موضوع حد الردة ، وحاورت من يعتقدون (ولهم الحرية فى ذلك وحسابهم عند الله) أنه من الدين .. وهذا مثال مجدى علام مستنصر مصرى جديد .. يمكنك الدخول إلى الموضوع لتشكرى من تريدين ولتلعنى من تريدين

[ozoozo]

فى ان الانسان حر فى اختيار عقيدته دون اى ضغوط او تهديد بالقتل تحت مسمي المرتد يقتل

أحب أضيف رأي بس على الجملة دي

يا أغابي ده مش مسمى .. ده دين .. هو الدين الاسلامي تشريعه كدة

تحياتي مغلفة بوردتين :roseop:

مكاوى

شكرا يا مكاوى وانا مش عاوزة غير الجملة دى

ممكن الفاضل الاستاذ محمد - صاحب الموضوع الاصلي - يعلق على الجملة دى

او يدينى رايه فيها بصراحة ..؟؟

اغابي

الفاضل ابو محمد ممكن ارد بدل مكاوي

المشكله ان حد الرده-سواء كان مختلف فيه او لا- وطبعا الجهاد تعتبر البعبع في اي مناقشه لانها امور تؤخذ علي علاتها ولا تفسر تفسيرا صحيحا

فاصبح في اي حوار تطلع ورقه الرده والاسلام مافيهوش حريه عقيده والاسلام دين عنف فاللي ادامه ما يعرفش يرد الرد المناسب

فابتدي الكارت ده يظهر في اي مناقشه يقوم الطرف التاني يرد ويقول لا رده ايه وكلام فاضي ايه ده الدين بتاعنا اسيور واخر حلاوه يعني الصبح ممكن تبقي مسلم وتصلي الظهر وعلي طول بعديها تبقي بوذي ولا حد يكلمك وبعدين بسرعه ترجع تاني مسلم عشان صلاه العصر ما تفوتكش وهكذا

في ردي السابق انا لا اناظر حول حد الرده ولكن ما اردت قوله ان هذا الكارت لا يجب ان يخجل منه اي مسلم هذا هو ديننا ولا نخجل منه-حتي لو كان مسأله خلافيه نفاها البعض وايدها البعض-

فمادام ايدها البعض فمن حقي ان ااخذ بارائهم ويصبح هذا جزءا من الدين لا اخجل منه

[nightmare]

المشكله ان حد الرده-سواء كان مختلف فيه او لا- وطبعا الجهاد تعتبر البعبع في اي مناقشه لانها امور تؤخذ علي علاتها ولا تفسر تفسيرا صحيحا

في ردي السابق انا لا اناظر حول حد الرده ولكن ما اردت قوله ان هذا الكارت لا يجب ان يخجل منه اي مسلم هذا هو ديننا ولا نخجل منه-حتي لو كان مسأله خلافيه نفاها البعض وايدها البعض-

فمادام ايدها البعض فمن حقي ان ااخذ بارائهم ويصبح هذا جزءا من الدين لا اخجل منه

يا ozoozo يا أخويا , حد الردة هو شرع الله تعالي, ومفسر تفسيراً صحيحاً وسليماً لكل ذي عقل وهذا التشريع لا نخجل منه بل هو الحق بعينه لأسباب كثيرة

أولاً: أن من الواضح أن قتل المرتد لا يمكن أن يكون عقوبة على الفكر في ذاته وتركه للدين الإسلامي، بدليل أن غير المسلمين من اليهود والمسيحيين الأصليين قد كفل لهم الإسلام حرية العقيدة وحمايتها، من غير إكراه ولا تضييق. ويتعين حينئذ أن يكون هذا القتل عقوبة على الخيانة الكبرى والمكيدة الدينية التي قام بها المرتد حين أدعى الدخول في الإسلام زوراً وبهتاناً ثم أعلن خروجه منه قصداً للإساءة إليه، والطعن فيه، وانضم إلى صفوف أعدائه الماكرين الذين يحاربونه بجميع الوسائل، ومنها الدعاية أو ما اصطلح على تسميته في العصر الحاضر بالحرب النفسية والمعنوية.

وهذا هو ما يقرره القرآن الكريم ويحكيه عن اليهود في صدر الدعوة الإسلامية، إذ كانوا يتخذون من إعلان الدخول في الإسلام، والانضمام ـ نفاقاً ـ إلى صفوفه، ثم المسارعة إلى الخروج منه، وسيلة للكيد والأضرار بالدعوة الإسلامية، ومحاولة لصد الناس عن الأيمان به، ولا خراج المسلمين منه ورجوعهم عنه.

: وقالت طائفة من أهل الكتاب أمنوا بالذي أنزل على الذين أمنوا وجه النهار واكفروا آخره لعلهم يرجعون، ولا تؤمنوا إلا لمن تبع دينكم، قل أن الهدى هدى الله أن يؤتى أحد مثل ما أوتيتم أو يحاجوكم عند ربكم، قل أن الفضل بيد الله يؤتيه من يشاء والله واسع عليم) (سورة آل عمران/ 72-73).

ويُروى في سبب النزول عن ابن عباس أن عبد الله بن الصيف وعدي بن زيد والحارث بن عوف، قال بعضهم لبعض: تعالوا نؤمن بما انزل على محمد وأصحابه غدوة، ونكفر به عشية، حتى نلبس عليهم دينهم، لعلهم يصنعون كما نصنع، فيرجعون عن دينهم فأنزل الله تعالى:( يا أهل الكتاب لم تلبسون الحق بالباطل وتكتمون الحق وأنتم تعلمون، وقالت طائفة من أهل الكتاب...) (سورة آل عمران/71-72).

كما يُروى أن بعض أهل الكتاب قالوا: أعطوهم الرضا بدينهم أول النهار واكفروا آخره فأنه أجدر أن يصدقوكم ويعلموا أنكم قد رأيتم فيها ما تكرهون، وهو أجدر أن يرجعوا عن دينهم.

ثم يُروى أن أحبار قرى عربية ـ وكانوا اثني عشر ـ قال بعضهم لبعض: ادخلوا في دين محمد أول النهار، وقولوا: نشهد أن محمداً صادق، فإذا كان آخر النهار فاكفروا وقولوا أنا رجعنا إلى علمائنا وأحبارنا فسألناهم فحدثونا أن محمداً كاذب وأنكم لستم على شيء، وقد رجعنا إلى ديننا، فهو أعجب إلينا من دينكم، لعلهم يشكون فيقولون: هؤلاء كانوا معنا أول النهار فما بالهم؟! بل أنهم فعلوا ذلك ولم يقفوا عند القول فقط، فقد روى ابن جرير أن بعض اليهود صلوا مع النبي صلاة الصبح وكفروا آخر النهار، مكراً منهم ليروا الناس أن قد بدت لهم منا الضلالة بعد أن كانوا قد اتبعوا.

يقول الإمام محمد عبده: هذا النوع الذي تحكيه الآية من صد اليهود عن الإسلام مبني على قاعدة طبيعية في البشر، وهي أن من علامة الحق ألا يرجع عنه من يعرفه، وقد فقه هذا هرقل صاحب الروم، فكان مما سأل عنه أبا سفيان من شئون النبي ـ صلى الله عليه وسلم ـ عندما دعاه إلى الإسلام: هل يرجع عنه من دخل في دينه، فقال أبو سفيان: لا. وقد أرادت هذه الطائفة أن تغش الناس من هذه الناحية ليقولوا: لو لا أن ظهر لهؤلاء بطلان الإسلام لما رجعوا عنه، بعد أن دخلوا فيه، وأطلعوا على بواطنه وخوافيه إذ لا يعقل أن يترك الإنسان الحق بعد معرفته ويرغب عنه بعد الرغبة فيه بغير سبب فأن قيل: أن بعض الناس قد ارتدوا عن الإسلام بعد الدخول فيه رغبة لا حيلة ولا مكيدة كما كاد هؤلاء فماذا نقول في هؤلاء؟ والجواب عن هذا يرجع إلى قاعدة أخرى، وهي أن بعض الناس قد يدخل في الشيء رغبة فيه لاعتقاده أن فيه منفعة له، لا لاعتقاده أنه حق في نفسه، فأذا بدا له في ذلك ما لم يكن يحتسب وخاب ظنه في المنفعة فانه يترك ذلك الشيء.

ثم يقول:ويظهر لي أن النبي ـ صلى الله عليه وسلم ـ ما أمر بقتل المرتد إلا لتخويف أولئك الذين كانوا يدبرون المكايد لإرجاع الناس عن الإسلام بالتشكيك فيه، لأن مثل هذه المكايد إذا لم يكن لها أثر في نفوس الأقوياء من الصحابة الذين عرفوا الحق ووصلوا فيه إلى عين اليقين، فأنها قد تخدع الضعفاء كالذين كانوا يعرفون بالمؤلفة قلوبهم، وبهذا يتفق الحديث الآمر بذلك مع الآيات النافية للإكراه في الدين والمنكرة له.. وقد أفتيت بذلك كما ظهر لي

نعم لا يكاد يوجد مسلم حقيقي يرتد عن دينه بعد أن ذاق حلاوته وسمو مبادئه، سواء أكان إسلامه أصلياً أم طارئاً، واستقراء الحوادث قديماً وحديثاً يؤيد ذلك.

ولا تثور قضايا الردة ـ في العصر الحاضر ـ إلا بالنسبة لصورة أخرى من صور الخداع والتحايل، ففي بعض البلاد الإسلامية لوحظ أن بعض الناس يعلنون إسلامهم، لدنيا يصيبونها، أو امرأة يتزوجونها، أو يطلقونها، فيعلن أحدهم الإسلام حتى يطلق زوجته التي لا يسمح له دينه بطلاقها، أو رغبة في الزواج بامرأة لا يسمح لها دينها بالزواج منه مع البقاء على دينه، أو جريا وراء ميراث، حيث يعتبر اختلاف الدين مانعاً من موانعه بين المسلمين وغيرهم.

وهؤلاء يتخذون الأديان هزواً ولعباً إذ يستمرون على ولائهم لدينهم الأصلي، ثم يعلنون العودة إليه بمجرد تحقيق أغراضهم وشهواتهم، أو يأسهم من تحققها، آمنين من العقاب على هذا العبث والتحايل.

ثانياً: أن قتل المرتد حينئذ، وهو عدو للدولة الإسلامية التي تستند إلى الرابطة الدينية الإسلامية بين أهلها، وتظل بلوائها أهل الأديان الأخرى الأصليين ـ لا يتعارض مع الحرية الدينية، كما أن المعاقبة على جريمة الخيانة الوطنية لا يتعارض مع الحرية المكفولة للمواطنين بمقتضى الدساتير، ففي الحرية التزام بالنظام العام الذي تقوم عليه الدولة وعدم الخروج عليه.

فابتدي الكارت ده يظهر في اي مناقشه.

ليس هذا الكارت فحسب وهناك كروت كثيرة يستخدمونها ولكنها ولله الحمد كلها مردود عليها , ومن يستخدم هذه الكروت ومن يترك المناقشة حول حرية العقيدة في دينه وكيفية تطبيقها ليهاجم الطرف الآخر ويطعن في دينه فهو شخص مفلس من وجهة نظري.

مع تحياتي

تم تعديل 26 أكتوبر 2010 بواسطة nightmare

[mekkawy]

اخي الفاضل محمد

شكراً ليك على لفت نظري لهذا الأمر و شكراً ليك إنك خلتني ابتسم لأني توقعت مفاجأة لكن لقيت في الآخر زكريا بطرس :blush2:

اللي كنت عاوز أقوله و حضرتك شفت الزميلة اغابي بتتصيدلي فيه .. و ببساطة ان حد الردة موجود في الاسلام بشروطه مش على الاطلاق .. و الموضوع اللي حضرتك أوردت الرابط بتاعه فيه ما فيه من الأدلة على ثبوت حد الردة .. اذن فهو من الدين .. و حتى لو أنه (خلاف) فالدين ملئ بالنقاط الخلافية .. لو حذفناها لن يتبقى من الدين الكثير فكل العلماء اختلفوا في معظم الأمور .. ده العلماء اختلفوا في فقه الحج و فقه الصلاة و فقه الطهارة و دي اساسيات .. فمينفعش حضرتك نحذف نقاط الخلاف و نقول انها مش من الدين .. هي نقطة خلاف ماشي .. انما من الدين .. صح ولا انا فاهم غلط ؟

و بالنسبة لتشكرات أغابي فأنا سعيد بيها طالما كل واحد عارف هو على ايه و عاوز ايه :)

تحياتي

مكاوى . شكراً يا اوزو

[اغابي]

اشكرك استاذى على الموضوع

شكرا استاذة أغابى لاتاحتك الفرصة لى لتوضيح بعض الأمور

أولا لم ابدء هذا الموضوع لعمل مناظرة بين الاديان

ثانيا ، انا اخترت تلك النماذج ليس لأنها لأشخاص تحولوا الى الإسلام ، بل لأن المصادر موثوقة وليست مجرد فيديو يصنعه هواة أو قنوات دينية مدعومة من جهات ما، وأظنك تعلمين تدقيقى فى التأكد من المصدر قبل نقل خبر او فيديو.

بالتأكيد هناك نماذج لاناس تحولوا من الإسلام إلى المسيحية ، وأضعافها لمسيحيين تحولوا إلى الإسلام ولكنها إما (Home made) أو من قنوات دينية اسلامية مدعومة من شيوخ او قساوسة او كنائس متعصبة لاتهدف إلا للإثارة ولذلك أتجنبها.

نقطة أخرى أود لفت النظر لها ، وهى انه كما جاء فى الأخبار ان هناك 20000 يتحولون الى الإسلام كل عام فى أمريكا وحدها ، وهناك ليستة كبيرة بأسماء مشاهير تحولوا إلى الإسلام وهم من يجب ان نتعرف على فكرهم ، أما من يتحولون الى الاديان سواء الى الاسلام او المسيحية من أولئك الذين يضعون أعينهم على " إعانة مالية " فلا يجب أن نضع لهم أى إعتبار لانهم فى نظرى كمن تبيع جسدها لمن يدفع.

ثالثا ، كلامك عن ان هناك اناس يقتلون بسبب تركهم للإسلام ، لايفرق كثيرا عن من قالوا ان الاسود الجائعة يتم تربيتها وتجويعها فى الاديرة لإطلاقها على من تسول له نفسه ترك المسيحية ، مجرد كلام مرسل.

يؤلمنى أن تكونى قانونية وحاصلة على تقديرات فى مادة الشريعة الإسلامية وتغفلين أن مصر ليست دولة دينية وان عقوبة الإعدام لها إجراءات معقدة وخطوات أعقد حتى يمكن تنفيذها ، يؤلمنى ان تقولى ان هناك من قتلوا كعقوبة ودفنت قصصهم معهم فى التراب ، يؤلمنى أن تتحدثين عن حد الردة التى لاأعرف فى أى قانون تم تقنين ذلك الحد ، لافرق بين ذلك وبين الاسود الجائعة داخل الاديرة.

وأخيرا ردا على آخر ردودك، بالتأكيد أنت مخطئة فى ظنك اننى فتحت هذا الموضوع لنشر الفرحة والبهجة والسرور على الاعضاء المسلمين وتعتذرين عن " إفساد فرحتنا".

لقد فتحت الموضوع يا أساذة أغابى لمناقشة التعصب الأعمى الذيى نعيشه كمصريين بشكل خاص كعرب بشكل عام ، التعصب الذى يدعو بعض المتشددين المسلمين بالإفتاء بضرورة قتل المرتد ، والمتعصبين المسيحيين الذين يتهمون المسلمون والحكومة بخطف المسيحيات وإجبارهن على الإسلام ، ومن ثم تسيير المظاهرات للمطالبة بعودة " مرات أبونا " أو الإبن الضال.

ليت نقاشنا يتركز فى فكرة قبول ان يعتنق ابناؤنا الدين الذين يقتنعون فى أنه هو الصواب وهو الأقرب إلى قلوبهم ، بدون تعصب وبعقول مغلقة.

الفاضل استاذ محمد

فى البدايه عندما اردت الدخول الى هذا الموضوع بناءا على المشاركة – عجبنى العنوان وشعرت اننى وجدت ضالتى المنشودة

فى موضوع اتحدث فيه بما اؤمن واننى سوف اجد من يؤازنى ويشجعنى بالاتفاق معا والبحث عن الحرية المكفولة لكل شخص فى اختيار العقيدة

حرية العقيدة كما ينبغى لها أن تكون – العنوان يدل على الموازنة بين كثير من الامور

فى الحوار الذى يفترض انه سوف يكون

ولكن للاسف الشديد استاذى

تفاجات عندما دخلت ولم اجد اى موضوع يناقش العنوان – بل كل ما فى الامر انه موضوع مكمل لموضوع ابو عمر – والفرق بينك وبين ابو عمر ان الفاضل ابو عمر - اختار العنوان المناسب والواضح تماما لمغزى ما سوف يتكلم به صراحة – وفى الغالب الادارة تدمج اى موضوعين متشابهين فلماذ لا يتم دمج هذا الموضوع مع موضوع ابو عمر للتشابه بينهما ..

ايضا يا استاذى حضرتك

بدأت بتوجيه دفة المركب الى المسار الخاطيء بعيد كل البعد عن الحيادية المطلوبة والذى هو المسار المستقيم

قمت بتوجيه مسار الموضوع الى زاويه بعيدة عن العنوان الاصلى وتم تركيز اتجاه الدفة فقط فى اتجاه الكلام

عن كل من هم حولوا من المسيحية الى الاسلام وبالطبع كنت القبطان والكل سار خلفك فى هذا الطريق .

ونسيتم جميعا انه ينبغى للصوت الاخر ان يكون هناك فى الافق لتسمعونه استاذى – فكنت هذا الصوت وحاولت المرور معكم - وان اوجه الدفة بمشاركتى الى المسار المستقيم بعيد عن اى تحيزات او بئر التعصب – فقمت بوصف مشاركتى بانك ترفضها

لانك باختصار لم تعمل هذا الموضوع مناظرة بين الاديان -

هل عندما تسمعون الصوت الاخر يسمى مناظرة بين الاديان ..؟؟

اتعجب من التناقض الشديد بين المشاركات والعنوان وما تنادى به يا استاذ محمد

ادلل على ما اقوله استاذى ببعض الكلمات من جانبك والتى تفضلت بها وفى البداية

واذكرك بانك استخدمت كل الموضوع لخدمة فكرة واحدة او موضوع واحد وهو اسلام اخت زوجة تونى بلير وقمت بتدعيم هذا بالفيديو وبترقيم الفيديو – وماذا بعد الم يقوم الفاضل ابو عمر بنفس هذه المهمة - حتى ارى ايضا ان المشاركات متشابهة تماما ولا يوجد فرق بين الموضوعين

سوي التكرار - ما عدا مشاركتى التى قمت بتنزيلها وللاسف لم تحسن القبول من وجهة نظرك

ومن وجهة نظر البعض الاخر والشريحة العريضة التى جرفها تيار تجديف المركب بمجداف واحد فقط .

اختيارك لجمل تدلل على ما اقوله - وهو عدم الحيادية

- وأضعافها لمسيحيين تحولوا إلى الإسلام

وهناك ليستة كبيرة بأسماء مشاهير تحولوا إلى الإسلام وهم من يجب ان نتعرف على فكرهم

- وهى انه كما جاء فى الأخبار ان هناك 20000 يتحولون الى الإسلام كل عام فى أمريكا وحدها

وكنت قد انتويت أن أفتح هذا الموضوع بعد الأحداث التى حدثت فى مصر بعد موضوع السيدة كاميليا

– ما كل هذه التناقضات لما سبق - استاذى اتكتب حقا بنفس القلم

اليكم التناقضات

اليكم هذا الفيديو وأتمنى ان نشاهده بشيئ من الحيادية

بفتاه أمريكية عادية كما تقول ، اقتنعت بالاسلام وقررت ان تعتنق الدين الإسلامى

- وليس الانحياز لفريق ضد الاخر فى اختيار حتى مجرد الكلمات

ليت نقاشنا يتركز فى فكرة قبول ان يعتنق ابناؤنا الدين

الذين يقتنعون فى أنه هو الصواب وهو الأقرب إلى قلوبهم ، بدون تعصب وبعقول مغلقة

الم يوجد عندك اى كلمات ومشاركات تضيفها عن خبر اوباما ؟؟؟؟

فاصل

اغابي

[جويرية]

بس فيه ملحوظة

لا يوجد عالم دين مسلم بيسيب دينه ، لكن كتير من القساوسة بيتحولوا للأسلام

يعني الناس اللي مش دارسين ، ممكن نقول ان فيه ظروف خلتهم يسيبوا دينهم

لكن القساوسةاللي دارسين الدين المسيحي كويس بيسيبوا دينهم ليه

حد يعرف أسم شيخ واحد مسلم ساب دينه ،

تم تعديل 26 أكتوبر 2010 بواسطة جويرية

[الغريب]

الأخ nightmare

عفوا بدل من أن أضغط على الموجب ضغطت على السالب في تقييمي لمداخلتك

أعتذر عن التقييم الغير مقصود لمداخلتك الرائعة

[اغابي]

اشكرك استاذى على الموضوع

وانا هنا - اضم صوتى لصوتك

و مزيد من الحرية دون القتل او العنف او التهديد

شكرا استاذة أغابى لاتاحتك الفرصة لى لتوضيح بعض الأمور

أولا لم ابدء هذا الموضوع لعمل مناظرة بين الاديان

اتسمى يا استاذى الفاضل انه عندما اعرض نموذج اخركنموج باراك اوباما - للتدليل على الحرية الشخصية فى اعتناق اى عقيدة يسمي من وجهة نظرك مناظرة بين الاديان

ثانيا ، انا اخترت تلك النماذج ليس لأنها لأشخاص تحولوا الى الإسلام ، بل لأن المصادر موثوقة وليست مجرد فيديو يصنعه هواة أو قنوات دينية مدعومة من جهات ما، وأظنك تعلمين تدقيقى فى التأكد من المصدر قبل نقل خبر او فيديو.

وهل باراك اوباما وما نقلته كان مصادره غير موثوقة

بالتأكيد هناك نماذج لاناس تحولوا من الإسلام إلى المسيحية ، وأضعافها لمسيحيين تحولوا إلى الإسلام ولكنها إما (Home made) أو من قنوات دينية اسلامية مدعومة من شيوخ او قساوسة او كنائس متعصبة لاتهدف إلا للإثارة ولذلك أتجنبها.

هذه الكلمة يا سيدي لا تصب فى مصلحة المناقشة والاظهار الغير تحيزى و المفروض من صاحبه انه ينقل مناقشة

جادة للموضوع وليس الانحياز لفريق ضد الاخر فى اختيار حتى مجرد الكلمات

نقطة أخرى أود لفت النظر لها ، وهى انه كما جاء فى الأخبار ان هناك 20000 يتحولون الى الإسلام كل عام فى أمريكا وحدها ، وهناك ليستة كبيرة بأسماء مشاهير تحولوا إلى الإسلام وهم من يجب ان نتعرف على فكرهم ، أما من يتحولون الى الاديان سواء الى الاسلام او المسيحية من أولئك الذين يضعون أعينهم على " إعانة مالية " فلا يجب أن نضع لهم أى إعتبار لانهم فى نظرى كمن تبيع جسدها لمن يدفع.

ثالثا ، كلامك عن ان هناك اناس يقتلون بسبب تركهم للإسلام ، لايفرق كثيرا عن من قالوا ان الاسود الجائعة يتم تربيتها وتجويعها فى الاديرة لإطلاقها على من تسول له نفسه ترك المسيحية ، مجرد كلام مرسل.

لى عودة فى هذه النقطة مع الفاضلة مغتربة

يؤلمنى أن تكونى قانونية وحاصلة على تقديرات فى مادة الشريعة الإسلامية وتغفلين أن مصر ليست دولة دينية وان عقوبة الإعدام لها إجراءات معقدة وخطوات أعقد حتى يمكن تنفيذها ، يؤلمنى ان تقولى ان هناك من قتلوا كعقوبة ودفنت قصصهم معهم فى التراب ، يؤلمنى أن تتحدثين عن حد الردة التى لاأعرف فى أى قانون تم تقنين ذلك الحد ، لافرق بين ذلك وبين الاسود الجائعة داخل الاديرة.

يؤلمك – لماذ – هل انا ذكرت ان الحكومة هى من يقوم بهذا الفعل -

وأخيرا ردا على آخر ردودك، بالتأكيد أنت مخطئة فى ظنك اننى فتحت هذا الموضوع لنشر الفرحة والبهجة والسرور على الاعضاء المسلمين وتعتذرين عن " إفساد فرحتنا".

بالعكس انت المخطيء يا استاذى – و للاسف اليوم سمعت لك صوتا لم الاحظه من قبل .

استاذى - ما يظهر امامي من مشاركات عددها يفوق ال28 مشاركة لم اجد سوي 4 مشاركات تكلمت بحيادية وفى مسار مستقيم – ضحي ومصرية متغربة وخالد المسلم والترجمان – والباقون فى مسار الركب ذو الاتجاه الاعسر والذى قمت بتوجيه من البداية .

لقد فتحت الموضوع يا أساذة أغابى لمناقشة التعصب الأعمى الذيى نعيشه كمصريين بشكل خاص كعرب بشكل عام ، التعصب الذى يدعو بعض المتشددين المسلمين بالإفتاء بضرورة قتل المرتد ، والمتعصبين المسيحيين الذين يتهمون المسلمون والحكومة بخطف المسيحيات وإجبارهن على الإسلام ، ومن ثم تسيير المظاهرات للمطالبة بعودة " مرات أبونا " أو الإبن الضال.

مشاركاتك انت فى هذا الموضوع عكس ما تتكلم به فى السطر اعلاه

بل وتناقضه فى السطر الاخير

يا استاذ محمد – كيف الان تناقض نفسك فى الكلام اذا كان التوبيك بدأته

بكلمات التعصب والانحيازية ومشاركات الانحيازية تغلب ما تتكلم به

ليت نقاشنا يتركز فى فكرة قبول ان يعتنق ابناؤنا

الدين الذين يقتنعون فى أنه هو الصواب وهو الأقرب إلى قلوبهم ، بدون تعصب وبعقول مغلقة.

اتعجب من ملمس هذه الكلمات استاذى الذي يشبه ملمس الحرير على النفس

فاين اجد تطبيق ذلك منك انت اولا– اين التطبيق العملى – دليلي الاكيد

هل رحبت بموضوع باراك اوباما

!!!!!!!!!

الم يكن من المفروض مناقشتى فى موضوع باراك واستخدامه دليل وان تشكرنى على

انى حاولت ان اعدل اتجاه مسار المركب الى الحيادية بدلا من الهجوم واختيار الجانب الذى لم يصل بنا يوما الى الامان

اذا كنت تؤمن بما تتكلم به اعلاه وانه ليس كلمات مخدرة فاين ترحيبك وتعليقك على ان رئيس الولايات المتحدة اختار الدين الذى يناسبه كما تكلمت عن والدة ووالدة السيدة الانجليزية التى اعتنقت الاسلام

الم يكن كلاهما نموذج للحرية فى اختيار كل منهما عقيدته ووضح كل منها هذا الامر ودلل عليه

بدلا من الهجوم عليا ومجادلتى – اتريدوننى ان اصمت وتسمعون فقط انفسكم

انا اوافق ولكن اولا يجب تغيير عنوان هذا الموضوع واستخدام عنوان صريح

كما اختار ابو عمر من قبل – لان العنوان منافي لحقيقة الحديث داخل الموضوع والمشاركات

عذرا اخوانى يا ريت الاستاذ محمد يقوم بالرد بنفسه

وليس احد بديلا عنه او يتكلم نيابه عنه

عذرا سامحونى هذا هو طلبي

اغابي

فاصل

[اغابي]

حذفت للتكرار بواسطتى

تم تعديل 26 أكتوبر 2010 بواسطة اغابي

[اغابي]

وبمناسبة ذكرك لقصة كامليا يوجد الكثير من النماذج التى ارتدت وقتلت من المسلمين بسبب دخلولهم المسيحية

البينه على من ادعى يااغابى

اعتقد انها قاعده قانونيه راسخه

من فضلك اذكرى نموذج واحد لما ذكرت يدلل على صحته و الا و للاسف سنعتبره كلام مرسل

الفاضلة مغتربة

استعجبت لنهجك الهجومى وبدلا من التركيز اكثر فى مشاركتى الاولي والتى قولت فيها

وبمناسبة ذكرك لقصة كامليا يوجد الكثير من النماذج التى ارتدت وقتلت من المسلمين بسبب دخلولهم المسيحية

ولكنهم لم ينالو شرف شهرة قصة كامليا المليئة بالغموض - وقصصهم هؤلاء المرتدين دخلت التراب مع جثثهم - وما خفى كان اعظم

فكيف اتى الى المحاورات بجارة لبيت ابي المسلمة وحكت لنا عن خالها الشاب الذى كان صديق لكثير من الشباب المسيحيين واعتاد الدخول الى الكنيسة معهم – وعندما شك الاهل في نواياه واعتقادهم انه محتمل ان يترك الاسلام قام الاقارب باخذه بعيدا وقتله ودفنه – وهى كانت متالمة جدا كلما تذكرته وكيف لى اذن ان اتى بها لتشرح لك على المحاورات قصة هذا الخال المسكين الذى لم ينال شهرة فى اى مكان - ولاسف دفن ودفنت معه قصته .

والاستاذ محمد يقول الدولة مدنية وياسف كونى لا اعرف ان الدولة المدنية ليس من ضمن قوانينها هذا

مع انى لم اقل اطلاقا ان الدولة هى من تقوم بذلك فى حالة المرتد يقتل من قبل اهله

وقومه الاب او العم او الزوج اى فى محيط العائلة وليس الحكومة او الدولة

لاننى و على العكس املك كذا دليل على خطا تلك العباره

فعلى سبيل المثال لا الحصر

احمد اباظه ما زال حى يرزق فى ايركا هو و محمد رحومه

نجلاء الامام ما زالت فى مصر و كذلك محمد حجازى

ربى قعوار اعلنت اسلامها خمس سنوات و عادت و اردت فى مشهد استعراضى و ما زالت حيه ترزق

هل هؤلاء يكفوا ام تريدين المزيد

للاسف اختى الفاضلة فى النماذج اعلاه

استخدمتى دليل لمسلمين دخلوا الى المسيحية بدلا من قيامك بتدعيم

العمل الذى يقوم به هنا الاستاذ محمد ومساندته وتدعيمه لظبط الموضوع فى الاتجاه المعتدل

– استخدمته كسبب لمهاجمتى مع انه لو كان لتدعيم رايك فى الموضوع المطروح

كان سيقوى موقفك او على الاقل سيجعل مشاركتك على الطريق الصحيح دون ان تنزلق قدمك الى عدم الحيادية .

تم تعديل 26 أكتوبر 2010 بواسطة اغابي

[شريف مان]

طيب ماحد يقولنا مين اللى ارتدوا عن الاسلام

وأتقتلوا

أو

أتخطفوا وشغالين عليهم بحبوب الهلوسة والكهرباء

ياريت حد يرد عليا